Áskorendaflokkur Íslandsmótsins í skák hefst á föstudag

Áskorendaflokkur Íslandsmótsins í skák 2012 fer fram dagana 30. mars  - 8. apríl  nk.  Mótið fer fram í Faxafeni 12, Reykjavík.  

Efstu tvö sætin gefa föst sæti í Landsliðsflokki 2012 eða 2013.  Tveir efstu menn í áskorendaflokki nú geta valið þar á milli.  Fyrirkomulag landsliðsflokks má finna hér.

Dagskrá:

• Föstudagur, 30. mars, kl. 18.00, 1. umferð
• Laugardagur, 31. mars, kl. 14.00, 2. umferð
• Sunnudagur, 1. apríl, Frídagur
• Mánudagur, 2. apríl, kl. 18.00, 3. umferð
• Þriðjudagur, 3. apríl, kl. 18.00, 4. umferð
• Miðvikudagur, 4. apríl, kl. 18.00, 5. umferð
• Fimmtudagur, 5. apríl, Frídagur
• Föstudagur, 6. apríl, kl. 11.00, 6. umferð
• Föstudagur, 6. apríl, kl. 17.00, 7. umferð
• Laugardagur, 7. apríl, kl. 14.00, 8. umferð
• Sunnudagur, 8. apríl, kl. 14.00, 9. umferð

Umhugsunartími: 90 mín. + 30 sek. til að ljúka.

Verðlaun:

• 1. 50.000.-
• 2. 30.000.-
• 3. 20.000.-

Aukaverðlaun:            

• U-2000 stigum, 10.000.-
• U-1600 stigum, 10.000.-
• U-16 ára, 10.000.-
• Kvennaverðlaun, 10.000.-
• Fl. stigalaura eða með 1.000 stig, 10.000.-

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna.  Reiknuð verða stig séu fleiri en einn í efsta sæti.  Stigaverðlaunin miðast við íslensk skákstig.

Þátttökugjöld:

• 18 ára og eldri             3.000.-
• 17 ára og yngri            2.000.-

Skráning fer fram hér á Skák.is.  Einnig er hægt að skrá tölvupósti á [e-mail] eða tilkynna í síma 568 9141 virka daga kl. 10-13.   Upplýsingar um þegar skráða keppendur má nálgast hér.

Chess-Results

Grænlandsmót á Haítí á miðvikudagskvöld!

Grænlandsmótið í skák verður haldið á Kaffi Haítí við Reykjavíkurhöfn miðvikudagskvöldið 28. mars klukkan 20.30.

Þar verða leiðangursmenn í ferð Hróksins og Kalak til Ittoqqortoormiit, en þar verður haldin mikil skákhátíð um páskana.

Skákhátíðin í Ittoqqortoormiit, sem er afskekktasta þorp norðurslóða, markar upphafið að tíunda starfsári Hróksins og Kalak við útbreiðslu skáklistarinnar á Grænlandi.

Mótið á Haítí er kærkomið fyrir hina fjölmörgu Grænlandsvini meðal skákáhugamanna, en allir eru hjartanlega velkomnir.

Tefldar verða 7 umferðir og eru 12 mínútur í pottinum fyrir hverja skák. Stigalægri keppendur fá tímaforgjöf gegn hinum sterkari, svo spennan eykst til muna.

Kaffi Haítí er við Geirsgötu 7B (rétt hjá Hamborgarabúllunni) og þar er tvímælalaust besta kaffi í bænum og aðrar ljúffengar veitingar.

Þátttaka er ókeypis, en Arnar Valgeirsson leiðangursstjóri til norðurslóða tekur við frjálsum framlögum, sem notuð verða til kaupa á gjöfum handa börnunum í Ittoqqortoormiit.

EM pistill nr. 7: "Gúnnar, you are definitely about 2000"

Í gær var langþráður frídagur sem var mjög gott að fá.  Notaður til að sofa fram eftir og hlaða batteríin fyrir síðustu umferðirnar.

Daginn fyrir frídaginn fór ég út að borða með Ivani Sokolov og króatískum stórmeistara Alojzije Jankovic að nafni sem er stórskemmtilegur og tefldi hér Reykjavíkurskákmótinu 2008.   Alltaf gaman að spjalla við Ivan sem var í miklu stuði þetta kvöld og sagði margar skemmtilegar sögur sem margar hverjar eiga lítið erindi á prent!  

Ein saklaus flýtur þó með.  Alojzije spurði mig hversu sterkur ég væri.  Ivan sagði um hæl "Gúnnar is about 2000" Þegar ég reyndi að malda í móinn með að benda á að væri með ríflega 2100 skákstig kom um hæl frá Ivan:  "No, no, Gúnnar, you are definitely about 2000". 

Í gær notaði ég meðal annars frídaginn til að tala við Silvio Danailov, forseta evrópska skáksambandsins,og Sava Stoisavljevic sem er framkvæmdastjóri stjórnar (Secretary General).  Þeim fannst það alveg ótrúlegt að við skyldum fá um 200 keppendur á N1 Reykjavíkurskákmótið, allar þessar beiðnir frá stórmeisturum til að taka þátt, miðað við aðeins 15.000 evrur sem heildarverðlaun.  Þeim fannst það segja ýmislegt um orðspor mótsins og Reykjavíkur sem skákborgar.   

Í morgun fór í göngutúr um gamla bæinn þar sem einar merkilegustu fornminjar frá Búlgaríu er að finna.  Meðal annars hringleikahús frá 2. öld.  Myndir frá þeirri ferð minni má finna í myndaalbúmi mótsins.

Fyrir umferð í dag var ég kallaður á fund fulltrúm ECU ásamt öðrum yfirdómurum mótsins.   Tilefnið er stutt þráteflisjafntefli í 13 leikjum Volkov og Dreev úr sjöttu umferð sem lagðist illa í æðstu menn ECU.  Þau skilaboð voru ítrekuð í upphafi umferðar en öll samskipti skákmanna áður en 40 leikjum væru bönnuð og ECU áskildi sér rétt til að dæma töp á báða keppendur ef sú regla sé brotin.  Minnt er á að 23 efstu menn komast beint áfram og því geta verið sameiginlegir hagsmunir beggja keppenda í síðustu umferðunum að gera jafntefli án þess að taka áhættu. 

Þetta ætlar ECU að reyna að koma í veg fyrir.  Þetta er erfitt í framkvæmd enda auðvelt fyrir keppendur að finna þvinguð jafnteflisafbrigði ef einbeittur brotavilji er fyrir hendi og sönnunarbyrði erfið.  Verður fróðlegt að fylgjast með gangi mála í framhaldinu.   Og í því tilefni er rétt að benda á skák Rogozenco og Parligras í dag þar sem þeir þráléku í 20 leiki til að ná 40 leikja markinu.

Svo um skákir dagsins.  Héðinn gerði jafntefli við einn af þessum ungu efnilegu Tyrkjum.  Héðinn fórnaði tveimur mönnum fyrir hrók sem andstæðingurinn fórnaði til baka og upp kom hróksendatafl þar sem þeir þrátefldu eftir tæpa 40 leiki. 

Hannes lenti í andstæðingi sem var í miklum sóknarham og fórnaði skiptamun.  Hannes greip til þess ráðs að fórna skiptamuninum til baka og lenti í nauðvörn eftir það sem hann komst ekki út úr og mátti gefast upp eftir rúma 40 leiki.

Tek fram að þessar „skákskýringar" eru skrifaðar af manni sem metinn er á um 2.000 skákstiga styrkleika!

Á morgun teflir Héðinn við tyrkneska alþjóðlega meistarann Ogulcan Kanmazalp (2389) en Hannes við búlgarska FIDE-meistarann Tihomir Janes (2382).

Gunnar Björnsson

Jóhann Örn og Valdimar efstir í Ásgarði

Tuttugu og og fimm heldri skákmenn mættu til leiks í Ásgarði í dag. Þar sem Jóhann Örn Sigurjónson og Valdimar Ásmundsson urðu hnífjafnir með sjö vinninga af níu. Jafnir í þriðja til fimmta sæti urðu Haraldur Axel, Guðfinnur R Kjartansson og Ari Stefánsson með sex vinninga.

 

 

 

Nánari úrslit:

• 1        Jóhann Örn Sigurjónsson                           7
•           Valdimar Ásmundsson                     7
• 3-5    Haraldur Axel                                   6
•           Guðfinnur R Kjartansson                           6
•           Ari Stefánsson                                  6
• 6-9    Ásgeir Sigurðsson                                      5.5
•           Magnús V Pétursson                         5.5
•           Kristján V Pétursson                        5.5
•           Gísli Sigurhansson                                     5.5
• 10-11 Þorsteinn Guðlaugsson                     5
•           Jón Víglundsson                               5
• 12-17 Egill Sigurðsson                                4.5
•           Finnur Kr Finnsson                          4.5
•           Birgir Sigurðsson                              4.5
•           Bragi G Bjarnarson                           4.5
•           Óli Árni Vilhjálmsson                       4.5
•           Einar S Einarsson                                       4.5

Næstu átta skákmenn fengu aðeins færri vinninga.

Skákþing Akureyrar í barna- og unglingaflokkum fer fram á laugardag

Skákþing Akureyrar í barna- og unglingaflokkum fer fram laugardaginn 31. mars nk. og hefst kl. 13.00.

Teflt verður um titilinn Skákmeistari Akureyrar í eftirfarandi flokkum:

1. Barnaflokkur,  fædd 2001 og síðar.
2. Pilta- og stúlknaflokkur, fædd 1999 og 2000.
3. Drengja- og telpnaflokkur, fædd 1996-1999.

Verðlaunapeningar verða veittir fyrir sigur í hverjum flokki, svo og fyrir þrjú efstu sætin í keppninni samanlagðri. Þá verða dregin út páskaegg í verðlaun.

Umhugsunartími er 10 mínútur á skákina og verða tefldar 7 umferðir eftir Monrad-kerfi.

Mótið tekur um 2½ tíma.

Keppendur geta skráð sig með tölvupósti á netfangið [e-mail], eða á skákstað 10 mínútum fyrir upphaf móts. Öllum börnum á grunnskólaaldri heimil þátttaka.

Teflt verður í skákheimilinu í Íþróttahöllinni, (gengið inn að vestan).

EM: Héðinn með jafntefli - Hannes tapaði

Héðinn Steingrímsson gerði jafntefli við tyrkneska alþjóðlega meistarann Burak Firat (2405) í sjöundu umferð EM einstaklinga sem fram fór í Plovdid í Búlgaríu í dag.  Hannes Hlífar Stefánsson (2531) tapaði hins vegar fyrir rússneska FIDE-meistaranum Kirill Alekseenko (2367).   Héðinn hefur 3,5 vinning en Hannes hefur 3 vinninga.

Frétt um pörun sem og pistill kemur í kvöld.  Áttunda umferð fer fram á morgun og hefst kl. 12.

• Heimasíða mótsins 
• Beinar útsendingar (borð 1-47 - hefjast kl. 12)
  
• Chess-Results
• Myndaalbúm (GB)

Öðlingamót: Pörun 2. umferðar

Frestuðum skákum úr fyrstu umferð Skákmóts öðlinga lauk í gærkveldi.   Sigurður Daði Sigfússon, Bjarni Hjartarson og Kjartan Másson.   Því liggur nú fyrir pörun í 2. umferð sem fram fer annað kvöld og hefst kl. 19:30.

Úrslit í frestuðum skákum: 

•     Sigurður D.Sigfússon-Sigurður H.Jónsson   1-0
•     Bjarni Hjartarson        -Sveinbjörn Jónsson   1-0
•     Kjartan Másson         -Ulrich Schmithauser    1-0

Röðun í 2.umferð:

•  1...Þór Valtýsson........-...Sigurður D.Sigfússon
•  2...Þorvarður F.Ólafss.-...Siguringi Sigurjónsson
•  3...Bjarni Sæmundsson-..Magnús P.Örnólfsson
•  4...Kjartan Másson.......-..Bjarni Hjartarson
•  5...Halldór Pálsson.......-..Vignir Bjarnason
•  6...Eggert Ísólfsson......-..Kári Sólmundarson
•  7...Sigurlaug R.Friðþjófsd.-Pétur Jóhannesson
•  8...Jóhann H.Ragnarsson- Eiríkur K.Björnsson
•  9...Kjartan Ingvarsson...-  Friðgeir K.Hólm
• 10..Sigurður H.Jónsson.-...John Ontiveros
• 11..Björgvin Kristbergsson-Pálmar Breiðfjörð
• 12..Sigurjón Haraldsson.-...Tómas Á.Jónsson
• 13..Sveinbjörn Jónsson..-...Ulrich Schmithauser

Snorri barna og unglingameistari Goðans 2012

Snorri Hallgrímsson vann sigur á barna og unglingameistaramóti Goðanssem fram fór á Húsavík í dag. Snorri fékk 6,5 vinninga af 7 mögulegum og leyfði aðeins jafntefli gegn Hlyn Sæ Viðarssyni sem varð í öðru sæti, einnig með 6,5 vinninga, en örlítið lægri á stigum. Starkaður Snær Hlynsson varð svo í þriðja sæti með 5 vinninga. þessir þrír urðu efstir í flokki 8-10 bekkjar.

Snorri Már Vagnsson vann flokk drengja í 5-7 bekk með 4,5 vinninga, en Hafdís Dröfn Einarsdóttir varð efst stúlkna í 5-7 bekk með 4 vinninga.

Julia Renata Górczynska varð efst stúlkna í 4 bekk og yngri með 3,5 vinninga og Páll Svavarssson varð efstur drengja í 4 bekk og yngri með 3 vinninga.

Lokastaðan:

1-2   Snorri Hallgrímsson,        B      1323 6.5      22.5  
      Hlynur Snær Viðarsson,      B      1096 6.5      22.5
 3-4  Starkaður Snær Hlynsson,    L      900  5        22.5 
      Valur Heiðar Einarsson,     B      1154 5        22.0  
  5   Snorri Már Vagnsson,        S      500  4.5      21.0 
6-11  Eyþór Kári Ingólfsson,      S      500  4        22.0  
      Bjarni Jón Kristjánsson,    L      700  4        20.0  
      Ari Rúnar Gunnarsson,       R      600  4        18.0 
      Stefán Örn Kristjánsson,    R      500  4        17.0 
      Hafdís Dröfn Einarsdóttir   B      700  4        16.5  
      Jakub Piotr Statkiewicz     L      600  4        16.0 
12-14 Jón Aðalsteinn Hermannsso,  L      700  3.5      20.0  
      Júlia                       B      300  3.5      16.5  
      Hrund Óskarsdóttir          B      700  3.5      12.0 
15-19 Páll Svavarsson             B      400  3        18.5  
      Helgi Þorleifur Þórhallss,  R      500  3        17.5  
      Bergþór Snær Birkisson,     B      300  3        17.0  
      Margrét Halla Höskuldsdót,  B      300  3        15.5  
      Helgi James Þórarinsson,    R      600  3        14.5  
20-21 Mikael Frans                B      300  2        17.5  
      Brynja Björk Höskuldsdótt,  B      200  2        17.0  
22-23 Agnes Björk Ágútsdóttir     B      200  1.5      15.0  
      Valdemar Hermannsson,       L      200  1.5      15.0   

Alls tóku 23 börn á öllum aldri þátt í mótinu og komu keppendur frá Borgahólsskóla á Húsavík. Stórutjarnaskóla, Litlulaugaskóla og úr Reykjahlíðarskóla.

Teflar voru 7 umferðir og voru tímamörk 7 mín á mann í hver

Spennandi stórviðburðir framundan í skákheiminum

Það er mikil skákveisla framundan: Kramnik og Aronian ganga á hólm í apríl. Heimsmeistaraeinvígi Anands og Gelfands í maí. Og stjörnum prýtt minningarmótið um Mikail Tal í júní. 

Eitt sterkasta skákmót allra tíma verður haldið í Moskvu 7. til 19. júní. Sjöunda minningarmótið um Mikail Tal heimsmeistara skartar öllum stórstjörnum skákheimsins nema heimsmeistaranum Anand, sem heyja mun einvígi við Boris Gelfand í Moskvu 10. til 31. maí.

Fáir búast við miklu fjöri í heimsmeistaraeinvígi Gelfands og Anands. Ísraelsmaðurinn er nú í 22. sæti heimslistans með indverski heimsmeistarinn er siginn niður í fjórða sætið. Gera má ráð fyrir jafnteflissúpu þegar þeir setjast að tafli, en Anand er spáð öruggum sigri.

En fyrst verður áhugaverð glíma í Sviss: Kramnik og Aronian munu heyja einvígi í Zurich, 21. til 28. apríl. Þar takast á meistararnir númer 2 og 3 á heimslistanum, einhverjir öflugustu skákmenn sögunnar.

Það er sem sagt veisla framundan: Kramnik og Aronian í apríl, heimsmeistaraeinvígi í maí og minningarmótið um Mikail Tal í júní.

Keppendur í Moskvu eru flestir af topp tíu, en gaman verður að fylgjast með Luke McShane á stóra sviðinu. Hann sigraði í netkosningu á vegum rússneska skáksambandsins, var sjónarmun á undan sjálfum Alexei Shirov. McShane hefur sýnt að hann teflir oft því betur sem andstæðingurinn er sterkari. Hann hefur verið kallaður ,,sterkasti amatör í heimi" því hann vinnur hjá banka í Lundúnum.

Hér má sjá lista yfir keppendur á VII. minningarmótinu um Mikail Tal. Innan sviga er núverandi staða á heimslistanum:

Magnus Carlsen (1) Noregi 2835 skákstig

Levon Aronian Armeníu (2) 2825 skákstig

Vladimir Kramnik (3) Rússlandi 2801 skákstig

Teimor Radjabov (5) Azerbæjan 2784 skákstig

Fabiano Caruana (6) Ítalíu 2777 skákstig

Hikaru Nakamura (7) Bandaríkjunum 2771 skákstig

Alexander Morozevich (9) Rússlandi 2765 skákstig

Alexander Grischuk  (11)  Rússlandi 2761skákstig

Evgeny Tomashevsky (17) Rússlandi 2736 skákstig

Luke McShane (40) Englandi 2704 skákstig

Myndir frá Páskaeggjamóti Hellis og Góu 2012

Mörg af efnilegustu börnum landsins mættu til leiks á Páskaeggjamóti Hellis 2012. Keppendur eru um 60 og leikgleðin allsráðandi.

Úrslit og myndir frá verðlaunaafhendingu birtast á Skák.is í kvöld, en hér eru skemmtilegar myndir frá fyrstu umferðunum:

Páskaeggjamót Hellis 2012 -- Myndaalbúm (HJ).