Skákþáttur Morgunblaðsins: Stigamet, "Snjóflygsur" og Friðrik að tafli

Meðan á stórmótinu London classic stóð á dögunum og fyrir lá að Norðmaðurinn Magnús Carlsen væri búinn að slá stigamet Garrís Kasparovs birtust heilsíðuauglýsingar í norsku blöðunum frá aðalstyrktaraðila hans undir fyrirsögninni Bestur frá upphafi. Elo-stigatala hans eftir mótið er nú upp á 2861 stig. Kasparov sendi honum hamingjuóskir. Þeir unnu saman í eitt ár en svo skildi leiðir. Í viðtali sem birtist í Financial Times á dögunum kvaðst Magnús hafa lært heilmikið af Garrí en lét einhvernveginn í veðri vaka að þeir ættu ekki skap saman.

Norðmenn eru stoltir af Magnúsi og hafa hlaðið á hann alls kyns viðurkenningum; í fyrra hlotnuðust honum verðlaun norska stórþingsins en þau tengjast nafni Pétri Gauts, söguhetju Henriks Ibsens, verðlaunin hljóta einstaklingar sem hafa á alþjóðavettvangi náð að lyfta grettistaki í þágu norsku þjóðarinnar. Lokaniðurstaðan á London classic varð þessi: 1. Carlsen 18 stig (6 ½ v. af 8), 2. Kramnik 16 stig ( 6 v. ) 3. - 4. Nakamura og Adams 13 stig, 5. Anand 9 stig, 6. Aronjan 8 stig, 7. Judit Polgar 6 stig, 8. McShane 5 stig, 9. Jones 3 stig.

Eftir þennan sigur hefur Magnús kyrfilega styrkt stöðu sína sem besti skákmaður heims og ókrýndur heimsmeistari þó að á þeim vettvangi eigi hann enn eftir að sanna sig.

„Snjóflygsur" falla á „gamlar hendur"

Keppni öldungaliðs sem gengur undir nafninu „Gamlar hendur" og hefur á að skipa gömlum goðsögnum skákarinnar, Hort, Romanishin, Uhlmann og Friðriki Ólafssyni, við tékkneskt úrvalslið kvenna, „Snjóflygsurnar", og fram fer í Podebrady í Tékklandi er hálfnuð og hafa konurnar forystu, 10:6. Viktor Kortsnoj var skráður í lið „handanna" en forfallaðist á síðustu stundu og tók Wolfgang gamli Uhlmann sæti hans og hefur verið svolítill dragbítur á liðinu. En Franska vörnin er þarna ennþá hjá honum dálítið eins og að um sé að ræða afganginn af Berlínarmúrnum. Vlastimil Hort hefur hlotið 2 vinninga en Friðrik hefur þrátt fyrir slæma byrjun teflt einna frísklegast liðsmanna og fengið 1 ½ vinning. Hann náði sér skemmtilega á strik í fjórðu umferð:

 

Friðrik Ólafsson - Kristína Havlíkóva

Sikileyjarvörn

1. e4 c5 2. Rf3 g6 3. c3 d5 4. exd5 Dxd5 5. d4 Rc6 6. Be3 cxd4 7. exd4 e6?

Riddarinn stendur of illa á c6 í Alapin-afbrigðinu og í bland með - e6 og - g6 gengur þessi uppstilling alls ekki upp.

8. Rc3 Da5 9. d5! exd5 10. Bd4!

10. Dxd5 var einnig gott en Friðrik vill halda drottningunum á borðinu.

10. .... Df6 11. Bb5 Bg7 12. O-O Rge7 13. He1 Kf7 14. Bc5 Hd8 15. De2 Bf8 16. Had1!

Heldur í heiðri þá gömlu og góðu reglu, ættaða frá „rússneska skákskólanum", að láta ekki „til skarar skríða" fyrr en allur liðsaflinn er tilbúinn. Friðrik hefur ekki alltaf gefið mikið fyrir þá speki, lét hana t.d. sem vind um eyru þjóta í 1. umferð - galt fyrir með tapi.

16. ... a6

- Sjá stöðumynd -

17. b4!

Samkvæmt sömu reglu um fullkomna liðsskipan fylgir oft einhverskonar „yfirlýsing" í næsta leik!

17. ... Dc7 18. Ba4 Bf5 19. Bb3 Kg7 20. De3 He8 21. h3 Bd7 22. g4!

Tekur frá f5-reitinn.

22. ... d4

Reynir að losa um sig.

23. Rxd4 Rxd4 24. Dxd4

- og nú rann upp fyrir tékknesku stúlkunni að engin vörn finnst í stöðunni, t.d. 24. .. Bc6 25. Dc4! o.s.frv. Svartur gafst því upp.

Helgi Ólafsson

[e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 16. desember

Skákþættir Morgunblaðsins

[Event "Snowdrops and Old-hands"] [Site "Podebrady"] [Date "2012.12.11"] [EventDate "2012.??.??"] [Round "4.3"] [Result "1-0"] [White "Fridrik Olafsson"] [Black "Kristyna Havlikova"] [ECO "B27"] [WhiteElo "2419"] [BlackElo "2310"] [PlyCount "48"] 1. e4 c5 2. Nf3 g6 3. c3 d5 4. exd5 Qxd5 5. d4 Nc6 6. Be3 cxd4 7. cxd4 e6 8. Nc3 Qa5 9. d5 exd5 10. Bd4 f6 11. Bb5 Bg7 12. O-O Nge7 13. Re1 Kf7 14. Bc5 Rd8 15. Qe2 Bf8 16. Rad1 a6 17. b4 Qc7 18. Ba4 Bf5 19. Bb3 Kg7 20. Qe3 Re8 21. h3 Bd7 22. g4 d4 23. Nxd4 Nxd4 24. Qxd4 1-0

Skák og jól! - Fjör á fjölmennu Jólapakkamóti Hellis

 

Jólapakkamót Hellis fór fram í Ráðhúsi Reykjavíkur í gær 22. desember. 138 skákmenn tóku þátt í fimm flokkum og var hart barist til sigurs í hverri skák. Mótið var fyrst haldið árið 1996 og hefur nánast verð haldið árlega síðan þá. 116 pakkar voru í boði og runnu þeir bæði til efstu stráka og stelpna í hverjum flokki og svo í happdrætti mótsins. Að loknu móti fengu allir keppendur Andrés Önd-blað frá Eddu og nammipoka frá Góu!

 

 

Það var Óttarr Proppé, borgarfulltrúi sem setti mótið og lék svo fyrsta leikinn í skák Katrínar Sól Davíðsdóttur og Einars Ingva Ingvarssonar. Í tilefni Jólapakkamótsins taldi Óttarr það rétt að keppendur myndu reyna að pakka andstæðingnum saman .  Óttar sagði að Jólapakkamótið væri stór og ómissandi hluti af jólastemmingunni í Ráðhúsinu.

 

Flestir keppendanna komu úr Snælandsskóla (16), Álfhólsskóla (15) og Foldaskóla (10).

 

 

Þótt að sigur á Jólapakkamótinu sé í sjálfu aukaatriði er að sjálfsögðu rétt að geta sigurvegaranna! Í sumum tilfellum urðu menn efstir og jafnir og þá var beitt stigaútreikningi eða jafnvel dregið en það þurfti á milli Dawid Kolka og Hilmis Hrafnssonar sem komu hnífjafnir í mark.

Sigurvegar mótsins:

Flokkur	Strákar	Stelpur
1997-99	Róbert Leó Jónsson	Sóley Lind Pálsdóttir
2000-01	Dawid Kolka	Sóley Elín Freygarðsdóttir
2002-03	Vignir Vatnar Stefánsson	Nansý Davíðsdóttir
2004 og yngri	Óskar Víkingur Davíðsson	Freyja Birkisdóttir
Peðaskák	Alexander Már Bjarnþórsson	Vigdís Lilja Kristjánsdóttir

Þetta fólk bætist því í fríðan hóp sigurvegara í gegnum tíðina. Verðlaunin veitti landsliðsmaðurinn Hjörvar Steinn Grétarsson, en hans fyrsta alvörumót var einmitt Jólapakkamót Hellis.

Að loknu móti fór fram mikið happdrætti þar sem spennan var mikil. Stærsta vinninginn, spjaldtölvu frá Tölvulistanum, fékk Jón Hreiðar Rúnarsson.

Eftiraldir aðilar gáfu gjafir í Jólapakkamót Hellis:

• Tölvulistinn
• Taekwondodeild ÍR
• Skákskóli Íslands
• Totem,
• Puma og Speedo
• Nettó á Salavegi
• Landsbankinn
• Forlagið
• Ferill verkfræðistofa
• Edda útgáfa
• Bjartur bókútgáfa.

Og eftirtaldir aðilar styrktu einnig við mótið:
 

• Body Shop
• Faxaflóahafnir
• Ferill verkfræðistofa
• G M Einarsson
• Garðabær
• Gámaþjónustan
• Hafgæði sf
• Íslandsbanki
• Íslandsspil
• ÍTR
• Kaupfélag Skagfirðinga
• Landsbankinn
• Nettó í Mjódd
• Olís
• Reykjavíkurborg
• Sorpa
• Suzuki bílar
• Talnakönnun ehf

 

 

Svo stórt mót fer ekki fram nema með fjölda starfsmanna. Vigfús Ó. Vigfússon, formaður Hellis, hélt um stjórnvölinn að venju og sá til þess að allt færi vel fram. Edda Sveinsdóttir sá um innpökkun jólapakkanna, sem voru 116 talsins, ásamæt dætrum sínum nú sem endranær. Eftirtaldir komu að mótinu að einn eða annan hátt, þá ýmist með skákstjórn, uppröðun, niðurröðun eða útvegun á verðlaunum:

• Vigfús Ó. Vigfússon
• Edda Sveinsdóttir
• Andrea Margrét Gunnarsdóttir
• Davíð Ólafsson
• Erla Hlín Hjálmarsdóttir
• Gunnar Björnsson
• Hallgerður Helga Þorsteinsdóttir
• Hjörvar Steinn Grétarsson
• Jóhanna Björg Jóhannsdóttir
• Kristján Halldórsson
• Kristófer Ómarsson
• Lenka Ptácníková
• Omar Salama
• Páll Sigurðsson
• Steinþór Baldursson
• Felix Steinþórsson
• Jónína Ragnarsdóttir
• Guðfríður Lilja Grétarsdóttir

 

Heildarúrslit mótsins:

 

Nr.	Nafn	Ár	Skóli	Vinn.
A-flokkur: 1997-1999
1	Róbert Leó Jónsson	1999	Álfhólsskóli	5
2	Leifur Þorsteinsson	1998	Hagaskóli	4
3.-5.	Sóley Lind Pálsdóttir	1999	Hvaleyrarskóli	3
	Jakob Alexander Petersen	1999	Árbæjarskóli
	Rafnar Friðriksson	1997	Laugarlækjaskóli
6.-7.	Hildur Berglind Jóhannsdóttir	1999	Salaskóli	2,5
	Bragi Friðriksson	1999	Laugarlækjaskóli
8.-10.	Ingvi Jensson	1998	Langholtsskóli	2
	Þorsteinn Freygarðsson	1999	Árbæjarskóli
	Gunnar Hákon Unnarsson	1998	Snælandsskóli
11	Kjartan Logi Sigurjónsson	1998	Snælandsskóli	1
B-flokkur: 2000-2001
1.-2.	Dawid Kolka	2000	Álfhólsskóli	4,5
	Hilmir Hrafnsson	2001	Kelduskóli	4,5
3.-4.	Felix Steinþórsson	2001	Álfhólsskóli	4
	Birgir Ívarsson	2000	Lindaskóli
5.-6.	Brynjar Bjarkason	2001	Hraunvallaskóli	3,5
	Björn Hólm Birkisson	2000	Smáraskóli
7.-16.	Björn Ingi Helgason	2001	Melaskóli	3
	Elvar Guðmundsson	2001	Salaskóli
	Sigurður Kjartansson	2000	Melaskóli
	Bárður Örn Birkisson	2000	Smáraskóli
	Heimir Páll Ragnarsson	2001	Hólabrekkuskóli
	Kolbeinn Ólafsson	2001	Melaskóli
	Ágúst Unnar Kristinsson	2001	Salaskóli
	Magnús Geir Kjartansson	2001	Vesturbæjarskóli
	Þorsteinn Magnússon	2000	Sæmundarskóli
	Ævar Annel Valgarðsson	2000	Breiðholtsskóli
17.-23.	Sólrún Elín Freygarðsdóttir	2000	Árbæjarskóli	2
	Karólína Todorova	2001	Langholtsskóli
	Svava Þorsteinsdóttir	2001	Melaskóli
	Ýr Ý Nhu Tran	2001	Langholtsskóli
	Sigurður Bjarki Blumenstein	2001	Kelduskóli
	Helgi Svanberg Jónsson	2001	Hraunvallaskóli
	Oddur Þór Unnsteinsson	2000	Álfhólsskóli
24.-25.	Heiðrún Anna Hauksdóttir	2001	Rimaskóli	1,5
	Eyþór Ólafsson	2000	Selásskóli
26.-29.	Styrmir Rafn Ólafsson	2001	Kelduskóli	1
	Þorbjörn Andrason	2001	Vesturbæjarskóli
	Bjarmi Þór Hlynsson	2000	Selásskóli
	Halldór Benedikt Haraldsson	2000	Seljaskóli
C-flokkur: 2002-03
1.	Vignir Vatnar Stefánsson	2003	Hörðuvallaskóli	5
2.-5.	Jón Jörundur Guðmundsson	2003	Grandskóli	4
	Mikael Kravchuk	2003	Ölduselsskóli
	Nansý Davíðsdóttir	2002	Rimaskóli
	Bjarki Arnaldarson	2003	Hofstaðaskóli
6.-7.	Halldór Atli Kristjánsson	2003	Álfhólsskóli	3,5
	Nói Jón Marínósson	2002	Snælandsskóli
8.-14.	Davíð Dimitry Indriðason	2003	Austurbæjarskóli	3
	Sæmundur Árnason	2003	Foldaskóli
	Tinni Teitsson	2003	Snælandsskóli
	Helgi Freyr Davíðsson	2002	Lágafellskóli
	Róbert Orri Árnason	2002	Rimaskóli
	Bjartur Máni sigmundsson	2003	Melaskóli
	Kristófer Halldór Kjartansson	2002	Rimaskóli
15.-17.	Þórdís Ólafsdóttir	2002	Norðlingaskóli	2,5
	Eydíus Helga Viðarsdóttir	2003	Selásskóli
	Sindri Snær Kristófersson	2003	Salaskóli
18.-26.	Daníel Ingi Garðarsson	2002	Lágafellskóli	2
	Sölvi Snær Egilsson	2003	Selásskóli
	Tristan Ari Margeirsson	2002	Landakotsskóli
	Stefán Karl Stefánsson	2003	Norðlingaskóli
	Ari Magnússon	2002	Snælandsskóli
	Alda Áslaug Unnardóttir	2002	Norðlingaskóli
	Matthías Hildir Pálmason	2003	Hofstaðaskóli
	Torfi Þór Róbertsson	2003	Hólabrekkuskóli
	Kjartan Helgi Guðmundsson	2003	Ölduselsskóli
27.-28.	Bergþór Bjarkason	2003	Hraunvallaskóli	1,5
	Elín Edda Jóhannsdóttir	2003	Salaskóli
29.-30.	Anna Kolbrún Ólafsdóttir	2003	Selásskóli	1
	Daníel Smári Hlynsson	2003	Selásskóli
31.	Alan Noreika	2002	Langholtsskóli	0,5
32.	Elísabet Tinna Kjartansdóttir	2002	Hólabrekkuskóli	0
D-flokkur: 2004 og yngri
1.	Óskar Víkingur Davíðsson	2005	Ölduselsskóli	5
2.	Stefán Orri Davíðsson	2006	Ölduselsskóli	4,5
3.-6.	Joshua Davíðsson	2005	Rimaskóli	4
	Brynjar Haraldsson	2004	Ölduselsskóli
	Brynjar Már Halldórsson	2004	Foldaskóli
	Krummi Arnar Margeirsson	2006	Landakotsskóli
7.-12.	Mikael Maron Torfason	2004	Rimaskóli	3,5
	Hlynur Freyr Elfarsson	2004	Sjálandsskóli
	Bikir Már Friðriksson	2004	Foldaskóli
	Patrik Þór Leifsson	2005	Lágafellskóli
	Hannes Kári Tannason	2004	Foldaskóli
	Jón Hreiðar Rúnarsson	2005	Ingunnarskóli
13.-21.	Freyja Birkisdóttir	2006	Smáraskóli	3
	Þórður Hólm Hálfdánarson	2004	Snælandsskóli
	Gústaf Karlsson	2004	Sæmundarskóli
	Bjartmar Dagur Marteinsson	2005	Lágafellskóli
	Tómas Liljan Sigurjónsson	2004	Varmárskóli
	Arnar Jónsson	2004	Snælandsskóli
	Magnús Gauti Magnússon	2004	Selásskóli
	Þorsteinn Emil Jónsson	2004	Hraunvallaskóli
	Eyþór Bjarki Benediktsson	2004	Varmárskóli
22.-27.	Daníel Sveinsson	2005	Álfhólsskóli	2,5
	Alex Þór Júlíusson	2004	Foldaskóli
	Hrafn Goði Ingvarsson	2005	Álfhólsskóli
	Ingibert Snær Erlingsson	2005	Álfhólsskóli
	Óttar Örn Bergman	2006	Snælandsskóli
	Róbert Luu	2005	Álfhólsskóli
28.-37.	Katrín Sól Davíðsdóttir	2004	Lágafellskóli	2
	Elsa Kristín Arnaldardóttir	2007	Hæðaból
	Aðalsteinn Huy tien Tran	2004	Langholtsskóli
	Ísak Aron Hlynsson	2005	Álfhólsskóli
	Alexander Diego	2005	Álfhólsskóli
	Einar Logi Ingvarsson	2004	Vallaskóli
	Sveinn Máni Sigurðsson	2006	Foldaskóli
	Emil Ólafsson	2004	Foldaskóli
	Sölvi Snær Ólafsson	2006	Lágafellskóli
	Alvar Máni Tirado	2004	Ölduselsskóli
38.-40.	Elías Rós Tani	2004	Foldaskóli
	Haukur Birgisson	2006	Melaskóli
	Ágúst Páll Óskarsson	2006	Lágafellskóli
41.-45.	Katrín Erla Kjartansdóttir	2004	Selásskóli
	Viktoria Rós Tani	2006	Foldaskóli
	Jakob Felix Pálsson	2006	Snælandsskóli
	Harpa Sigurðardóttir	2004	Foldaskóli
	Eberg Óttar	2006	Lágafellskóli
46.	Karen Vignisdóttir	2005	Álfhólsskóli
E-flokkur: Peðaskák
1.	Alexander Már Bjarnþórsson	2005	Álfhólsskóli	4,5
2.-4.	Gabríel Sær Bjarnþórsson	2006	Álfhólsskóli	4
	Vigdís Lilja Kristjánsdóttir	2005	Álfhólsskóli
	Þórdís Þorsteinsdóttir	2005	Melaskóli
5.-8.	Arnar Gauti Birgisson	2006	Snælandsskóli	3
	Adam Omarsson	2007	Laufásborg
	Karítas Jónsdóttir	2006	Snælandsskóli
	Oliver Kjartansson	2006	Snælandsskóli
9.-10.	Vilhelm Leví Steinarsson	2006	Snælandsskóli	2,5
	Orri Snæberg	2005	Snælandsskóli
11.-17.	Sólný Helga Sigurðardóttir	2007	Grænatún	2
	Rúnar Njáll Marínósson	2007	Furugrund
	Þórdís Agla Jóhannsdóttir	2006	Salaskóli
	Jóhannes Guðmundsson	2009	Jörfi
	Emma Kjartansdóttir	2006	Snælandsskóli
	Ragnheiður Þórunn	2007	Hamravellir
	Andrea Ósk Sverrisdóttir	2006	Snælandsskóli
18.	Birkir Már Kjartansson	2008	Seljaborg	1,5
19.	Edda Björg Magnúsdóttir	2009	Rauðaborg	1
20.	Þóra Kristín Birgisdóttir	2008	Laufásborg	0,5

Myndaaalbúm mótsins (Vigfús Ó. Vigfússon og Kristófer Ómarsson)

 

Jólamót KR - Bragi Halldórsson sneri aftur og sigraði

Fisléttur Jólaandi sveif yfir Meistaravöllum þegar fríður hópur baráttuþyrstra skákmanna týndist inn í KR-salinn einn af öðrum þegar jólaskákmótið var um það bil að hefjast þar sl. mánudagskvöld. Margir voru komnir í hálfgerðan „jólafíling" eins og nú er sagt en var á árum áður  kallað að komast í gott jólaskap.  Tímarnir breytast og málfarið með.

 Aldrei fyrr hafa svo margir heitir skákelskendur verið mættir þar til tafls - albúnir til að leggja höfuð sitt á höggstokkinn upp á von og óvon til þess eins að geta hugsanlega orðið fyrri til að máta að ná að bjarga sér fyrir horn.  Þar á meðal voru tvær ungar valkyrjur úr hópi fremstu skákkvenna landsins sem áttu heldur betur eftir  að velgja karlpeningnum undir uggum.  Þetta voru hinar fræknu Jóhanna Björg Jóhannsdóttir og Hallgerður Þorsteinsdóttir sem sýndu og sönnuðu að þær hafa nú orðið í fullu tré við ýmsa gamalreynda kappa. Þær stöllur urðu í 8. og 10. sæti þegar upp var staðið, gerðu þeim mun fleiri jafntefli sem þær töpuðu færri skákum.  Frækileg frammistaða það.

Þrátt fyrir að að jólin væru á næsta leiti var ekki að sjá að hinir 34 keppendur hefðu tileinkað sér friðarboðskap þeirra í ríkum mæli. Öllu fremur mátti þar greina einkenni „umburðarlyndispersónuleikastreituröskunnar" hjá mörgum þeirra, sem lýsir sér m.a. í því að ekki er til staðar nein mildi,  „enginmiskunnhjámagnúsi",  eins og stundum er sagt en Magnús sá sem þetta orðtæki er haft eftir var skotmaður í  sláturhúsinu Hraðar Hendur  á öldinni sem leið.  Af ímyndaðri  góðsemi vógu menn bara hvern annan eða mátuðu ókeypis í tilefni jólanna að hætti Al Capones, sbr. „as you are my friend I will kill you for nothing"!.  

Háværar samfélagslegar kröfur um gagnsæi á öllum sviðum  eftir bankahrunið áttu heldur ekki upp á pallborðið, þó nú eigi allir hlutir og meiriháttar mál að vera opin og gagnsæ svo hægt sé að forðast stöðuhrun.  Menn ættu rétt á að fá að vita hvað andstæðingurinn væri að hugsa, hvaða brögðum hann hygðist beita „ tafls í stöðum flóknum".  Á slíkar röksemdir var ekki hlustað. Þess í stað lagði KriSt forri ríka áhersla á að barist yrði til þrautar í hverri skák enda góð verðlaun í boði fyrir efstu menn og veglegt vinningahappdrætti fyrir þá sem lentu í neðri sætum. 

Aftur kom upp sú sérkennilega staða líkt og síðast að fimm Gunnarar voru með í mótinu og þó í raun einum van því forseta SÍ vantaði sem hafði blandað sér í baráttuna síðast. Víkingurinn Gunnar Freyr Rúnarsson af fornum konungaættum (sagður afkomandi  Sverris Noregskonungs og Hákons Gamla í 24 lið) var mættur hans í stað og seldi sig dýrt.

Það hefði auðvitað fyllt mælinn og orðið sögulegt ef sex Gunnarar hefðu verið mættir, væntanlega nýtt Íslandsmet.   Eins og vikið var að  í síðasta pistli getur það reynst þungbær raun að þurfa að tefla við svo marga alnafna í röð.  Jóhanna Björg  varð þó að láta sér það lynda en lét sér í raun fátt um finnast hvað hennar andstæðingar hétu yfirleitt - bara að vinna þá,  hjá henni var engin minnimáttarkenndarpersónuleikaskákhliðrunarvandi til staðar.

Truflun á eðlilegum boðefnaflutningi milli heila og taugakerfis sumra keppenda setti ótvírætt mark sitt á taflmennsku þeirra og varð til þess að menn fuku óvænt fyrir borð eða vinningsstöður breyttust í andstæður sínar, skákirnar skiptu skyndilega um eigendur.   Að öðru leyti fór mótið vel fram og úrslit þess verða að mörgu leiti að teljast sanngjörn miðað við heilstætt stöðumat og eðlilegan skákfræðilegan þankagang keppenda með hliðsjón af leikjaraðaskákstílsferli viðkomandi.

Eins og ævinlega voru sumir keppenda hæstánægðir með frammistöðu sína eins og öðlingurinn Bragi Halldórsson, sem uppskar 11½ vinning af 13 mögulegum  og sigraði  glæsilega en hann vann mótið síðast þegar hann mætti fyrir 3 árum.  Aðrir voru hundóánægðir með árangur sinn eftir því sem þeir fengu færri vinninga sem gufuðu upp af óskiljanlegum ástæðum þó engin nöfn séu hér nefnd. Baráttujaxlinn Gunnar Birgisson af  Kópavogshálsi reyndist furðu farsæll og varð í öðru sæti  með 9½ vinning og nafni hans víkverjinn konungborni Gunnar Freyr Rúnarsson þriðji með 9 v.   sömu vinningstölu og Jón G. Friðjónsson sterkasti stigalausi skákmaður landsins.

Sjá má nánari úrslit á mótstöflunni hér að neðan og einnig myndir af vettvangi í myndasafninu.

Skákkvöldin á aðfangadag og gamlársdag falla niður að þessu sinni af áður útskýrðum óhjákvæmilegum ástæðum og því verður næst teflt hjá KR mánudagskvöldið 7. janúar 2013 

Gl Til huggunar harmi gegn fyrir óþreyjufulla ástríðuskákmenn sem eru illa haldnir af hinum illræmda skákáráttupersónuleikastreyturöskunarkomplex upplýsist hér með að JólasStuðMót Gallerý Skákar fer fram fimmtudagskvöldið 27. desember og hefst kl. 18 að staðartíma.  Þar geta menn sótt meina sinna bót.   Allir velkomnir þangað til að sjást og kljást meðan húsrými leyfir þegar degi hallar þann þriðja í jólum.   

Gleðilega hátíð.

Myndaalbúm (ESE)

Einar Ess -skákþankar 23.12.2012

Íslandsmótið í netskák fer fram 30. desember

Íslandsmótið í netskák fer fram, sunnudaginn 30. desember á ICC og hefst kl. 20. Mótið er öllum opið og er teflt er einum flokki.  Skráning fer fram á Skák.is.

Allt skráningarferlið er sjálfkrafa og eina sem þátttakendur þurfa að hafa í huga er að vera mættir tímanlega á ICC eða eigi síðar en kl. 19:50.  Tímamörk eru 4 2 (4 mínútur + 2 viðbótarsekúndur á hvern leik).     

Þeir sem ekki eru skráðir á ICC geta skráð sig á vef ICC en ekki þarf að greiða fyrir fyrstu vikuna. Að því loknu er hægt að skrá sig á Skák.is.  Þeir sem ekki hafa hugbúnað til að tefla geta halað niður þar til gerðu forrit (mælt er með Blitzin eða Dasher).  Einnig er hægt að tefla í gegnum java-forrit.  Þar sem allir keppendur þurfa að vera á svokallaðri Íslands-rás er æskilegt að menn slái inn "g-join Iceland" við næstu/fyrstu innskráningu á ICC.

Davíð Kjartansson er Íslandsmeistari í netskák

Fyrirspurnir sendist til Omars Salama, umsjónarmanns mótsins í netfangið [e-mail].

Verðlaun:

1. kr. 10.000 
2. kr.   6.000 
3. kr.   4.000

Upplýsingar um aukaverðlaun koma síðar.

Upplýsingar um þegar skráða keppendur má finna hér.

Jólapakkamót Hellis hefst í Ráðhúsi Reykjavíkur kl. 13 í dag

Um 150 keppendur eru skráðir til leiks í Jólapakkamóti Hellis sem fram fer í dag í Ráðhúsi Reykjavíkur. Mótið hefst kl. 13 og er ókeypis á mótið. Mótið er fyrir börn og unglinga og fer nú fram í 15. skipti en það var fyrst haldið árið 1996. Meðal sigurvegara á fyrsta Jólapakkamóti Hellis voru Bragi Þorfinnsson, Bergsteinn Einarsson og Dagur Arngrímsson. Síðan hefur það verið haldið nánast á hverju ári og hefur alltaf verið eitt fjölmennasta skákmót ársins.

Keppt verður í allt að 5 flokkum: Flokki fæddra 1997-1999, flokki fæddra 2000-2001, flokki fæddra 2002-2003 og flokki fæddra 2004 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig.  

Meðal útdreginna verðlauna er spjaldtölva frá Tölvulistanum.

Skráning á mótið fer fram hér á Skák.is og á heimasíðu Hellis. Hægt er að skrá sig á skákstað með því að mæta stundvíslega.

Upplýsingar um þegar skráða keppendur má finna hér.

Nýtt fréttaskeyti Skákakademíunnar

Nýtt fréttaskeyti Skákakademíunnar kom út í dag. Meðal efnis er:

• Viðtal við Veroniku Steinunni Magnúsdóttur
• Fjölmennt Jólamót Laugarlækjarskóla
• Fréttamót fortíðar
• Sagt um skák

Skrár tengdar þessari bloggfærslu:

• Fréttaskeytti Skákakademíunnar 21. desember

Starfshópur um skákkennslu skipaður

Mennta- og menningarmálaráðherra hefur skipað starfshóp undir forystu Guðfríðar Lilju Grétarsdóttur alþingismanns, til að kanna kosti skákkennslu í grunnskólum m.a. með hliðsjón af innlendum og erlendum rannsóknum á áhrifum skákkennslu á námsárangur og félagslega færni barna og ungmenna. Hópurinn á einnig að kortleggja stöðu skákkennslu í grunnskólum á Íslandi.  Gert er ráð fyrir að niðurstöður liggi fyrir í byrjun febrúar á næsta ári. Hópurinn er þannig skipaður:

Guðfríður Lilja Grétarsdóttir alþingismaður, formaður, Anna Kristín Jörundsdóttir kennari, Helgi Árnason skólastjóri, Helgi Ólafsson skólastjóri, Hrafn Jökulsson rithöfundur og Lenka Ptácníková, stórmeistari kvenna.

Heimasíða mennta- og menningarmálaráðuneytisins

 

Rauð vinnubók Krakkaskákar komin út

Krakkaskák.is gefur út rauðu vinnubókina. Hún kemur út í fyrstu viku á nýju ári. Gula bókin hefur fengið góðar viðtökur og selst vel í Reykjavík og úti á landi.

Rauða bókin er með svipuðum hætti, áfram koma fyrir fullyrðingar sem eru annaðhvort sannar eða ósannar og eru fyrst og fremst ætlaðar til þess að verða kveikja að gagnrýnum umræðum sem leiða til betri skilnings en það er undir kennaranum komið hvernig hann nýtir sér þær í kennslu. Þessi vinnubók fjallar um opin töfl sem komu upp úr leikjunum e4-e5. Lagt er til vinnublað um hvernig eigi að rannsaka og æfa þær byrjanir og læra af mistökunum. Farið er yfir sóknar- og varnarleik sem og hvernig við finnum út hvort það sé taktík í stöðunni og æfingar.

Margir kennarar sem ég hef talað við eru með stærri hópa sem eru lengra komnir í náminu og vona ég að rauða bókin uppfylli þarfir þeirra.  Það er mjög mikilvægt að nemandinn sem kláraði gulu bókina geti auðveldlega tekið við rauðu bókinni og ég hef haft það til hliðsjónar að fara ekki of geyst með nemandann en geri þó meiri kröfur til hans og komið að þeim punkti að hann verður að hafa viljann til verksins og skoða skákina sem nám en ekki eingöngu tóma skemmtun.

Að sjálfsögðu eiga skáktímar að byggjast mjög mikið á því að tefla og hafa gaman en kennslan verður þó að fá sitt rými og vera með góð gæði. Markviss kennsla byggist á því að maður viti hvað maður ætlar að kenna ásamt því að nemandinn geri sér góða grein fyrir því hvað hann sé að læra.

Skákin er full af mistökum og óþarfa-mistökum og markmiðið er að uppræta slæmar skákvenjur og kenna sjálfstæð vinnubrögð sem allra fyrst. Lengi býr að fyrstu gerð og fái maður góða þjálfun strax ætti það að skila góðu til framtíðar. Ég myndi telja það mjög góðan árangur ef næðist að kenna þessi tvö hefti ásamt gull,silfur og brons æfingunum á einu skólaári, en slíkt fer eftir hópnum og aðstæðum sem kennarinn hefur.

Allir nemendur eiga að hafa þennan grundvallarskilning sem kemur fyrir í rauðu bókinni áður en þeir byrja að tefla lokaðar stöður sem krefjast meiri skilnings og ekki gott að byrja æfa það sem maður skilur ekki. Lokuð töfl og Steinitz fræði ásamt öðrum fræðingum bíða grænu og bláu bókanna. Verðið á rauðu bókinni er það sama og á gulu 450 kr. og hægt að panta hana hjá [e-mail].

Sýnishorn úr bókinni má finna hér sem PDF-viðhengi.

Skrár tengdar þessari bloggfærslu:

• Sýnishorn úr rauðu bókinni

Atskákmót Skákklúbbs Icelandair - skráningarfrestur rennur út á miðnætti

Vegna fjölda áskoranna hefur verið ákveðið að lengja skráningarfrestinn þar til aðfaranótt laugardagsins 22. desember.

Mótið fer fram á Reykjavík Natura 29.-30. desember og er byrjað að tefla 13:00 báða dagana.

• Nánari upplýsingar um mótið má sjá hér.
• Skráning fer fram hér.
• Hægt er að fylgjast með skráningum hér.
• Reglum hefur verið breytt varðandi varamenn - það má hafa allt að fimm varamenn í hverju liði. Senda skal upplýsingar um 4. og 5. varamanns til Óskars Long ([e-mail]).

Nú þegar hafa margir af sterkustu skákmönnum landsins skráð sig og þar af fjórir stórmeistarar, fjórir alþjóðlegir meistarar og níu FIDE-meistarar og enn er von á fleiri meisturum.

Meðal keppenda eru einnig sumar af okkar sterkustu skákkonum og einnig mörg efnilegustu ungmenni landsins.

Skákáhugamenn eru hvattir til að koma sér í lið og taka þátt í skemmtilegum skákviðburði.

***

Ný verðlaun fyrir veikari liðin.

Ef það verða fleiri en fimm lið undir 8.000 stigum mun efsta liðið af þessum liðum fá 4x gjafabréf fyrir tvo á VOX.

Veikari skákmenn eru hvattir til að taka þátt í þessari skákgleði og heyja baráttu við okkar sterkustu skákmenn enda er það ekki á hverjum degi sem gefst tækifæri að tefla við meistarana.

 ***

• Á Facebook er hægt að skiptast á skoðunum og auglýsa sig eða eftir liðsmönnum  
• Einnig er hægt að auglýsa sig á skákhorninu

Óskar Long, formaður Skákklúbbs Icelandair.

120 keppendur skráðir til leiks í Jólapakkamót Hellis

120 keppendur eru skráðir til leiks í Jólapakkamóti Hellis sem fram fer 22. desember nk. í Ráðhúsi Reykjavíkur. Mótið hefst kl. 13 og er ókeypis á mótið. Mótið er fyrir börn og unglinga og fer nú fram í 15. skipti en það var fyrst haldið árið 1996. Meðal sigurvegara á fyrsta Jólapakkamóti Hellis voru Bragi Þorfinnsson, Bergsteinn Einarsson og Dagur Arngrímsson. Síðan hefur það verið haldið nánast á hverju ári og hefur alltaf verið eitt fjölmennasta skákmót ársins.

Keppt verður í allt að 5 flokkum: Flokki fæddra 1997-1999, flokki fæddra 2000-2001, flokki fæddra 2002-2003 og flokki fæddra 2004 og síðar og peðaskák fyrir þau yngstu. Tefldar verða 5 umferðir með 10 mínútna umhugsunartíma á mann. Jólapakkar eru í verðlaun fyrir 3 efstu sætin í hverjum aldursflokki fyrir sig fyrir bæði drengi og stúlkur. Auk þess verður happdrætti um 3 jólapakka í hverjum aldursflokki fyrir sig.  

Meðal útdreginna verðlauna er spjaldtölva frá Tölvulistanum.

Skráning á mótið fer fram hér á Skák.is og einnig á heimasíðu Hellis.

Upplýsingar um þegar skráða keppendur má finna hér.