Einar Hjalti efstur á Skákþingi Garðabæjar

Önnur umferð Skákþings Garðabæjar fór fram í gærkveldi.  Einar Hjalti Jensson er efstur með fullt hús.  Enn eru óvænt úrslit á mótinu.  Kjartan Maack (2079) vann Omar Salama (2277) og Jón Birgir Einarsson (1658) gerði jafntefli við Pál Sigurðsson (1995).  Jón Birgir er í 2.-3. sæti með 1½ vinning ásamt Bjarnsteini Þórssyni.

Úrslit 2. umferðar má finna hér, stöðu mótsins má finna hér og röðun 3. umferðar sem fram fer á fimmtudagskvöld má finna hér.

Í b-flokki eru Óskar Víkingar Davíðsson, Bjarki Arnaldarson, Kári Georgsson og Bjarni Þór Guðmundsson efstir með fullt hús.  Nánari upplýsingar um b-flokkinn má finna á Chess-Results.

• Heimasíða TG 
• Chess-Results

Áskell Örn sigraði á mótaröðunni

Í kvöld fór fram 5. umferð TM-mótaraðarinnar. Aðeins sex keppendur tóku þátt sem er heldur færra en áður og verður að teljast líklegt að veðrið eigi þar einhvern hlut að máli. Tefld var tvöföld umferð og úrslit urðu þau að nýkrýndur hraðskákmeistari Skákfélagsins, Áskell Örn Kárason, varð efstur með 8,5 vinning. Hann hlaut ½ vinning úr fyrstu tveimur skákunum og vann síðan átta í röð.

Smári Ólafsson varð annar með 6,5 vinninga og síðan komu þrír keppendur með 4 vinninga og einn með 2 vinninga.

Í heildarkeppninni er talinn besti árangur í öllum mótum nema einu og er staða þeirra sem hlotið hafa á annan tug vinninga eftirfarandi..

Jón Kristinn Þorgeirsson			41
Sigurður Arnarson			39,5
Ólafur Kristjánsson			31
Sigurður Eiríksson			30,5
Smári Ólafsson			28,5
Einar Garðar Hjaltason			23,5
Sveinbjörn Sigurðsson			22
Haki Jóhannesson			20,5
Rúnar Ísleifsson			19,5
Andri Freyr Björgvinsson			19
Áskell Örn Kárason			18,5
Símon Þórhallsson			15,5
Tómas Veigar Sigurðarson			13
Þór Valtýsson			12,5

Heimasíða SA

Íslandsmótum um helgina frestað vegna veðurs

Íslandsmótum um skák (20 ára og yngri og 15 ára og yngri) sem áttu að fara fram um helgina hefur verið báðum verið frestað vegna veðurs þar sem ljóst er að krakkar af landsbyggðinni eiga mjög erfitt um þátttöku vegna ófærðar.

Mótin munu fara fram um helgina 9.-11. nóvember og verður nánara fyrirkomulag mótanna kynnt á mánudag.

Fyrsta fréttaskeyti Skákakademíunnar

Fyrsta fréttaskeyti Skákakademíunnar kemur út í dag en því er ætlað að koma út vikulega á föstudögum.  Meðal efnis í þessu fyrsta tölublaði er:

• Fjöltefli Stefáns Kristjánssonar í grunnskólum Reykjavíkur
• Skákskólinn Laugarlækjaskóli
• Gíbraltar Masters
• Skákþraut vikunnar
• Skákbúðir að Úlfljótsvatni
• Landsbyggðarhornið
• Fjölskylduhornið
• Skólamaður vikunnar: Björn M. Björgvinsson, skólastjóri Laugarlækjaskóla

Blaðið fylgir með sem PDF-viðhengi.

Skrár tengdar þessari bloggfærslu:

• Fréttaskeytti Skákakademíunnar

Fjölniskrakkar tefldu í útibúi Íslandsbanka á "ofurviðskiptadegi" bankans

Það er alltaf líf og fjör í bönkunum á fyrsta virka degi hvers mánaðar. Í útibúi Íslandsbanka við Gullinbrú efna starfsmenn til ofurviðskiptadags við þetta tækifæri. Skákdeild Fjölnis á góða vini í bankanum með yfirmenn útibúsins, þá  Ólaf Ólafsson og Brynjólf Gíslason fremsta í flokki. Þeir buðu efnilegum skákkrökkum Fjölnis í heimsókn á ofurviðskiptadegi til að tefla við viðskiptavini bankans.

Þau Oliver Aron, Jóhann Arnar, Nansý og Vignir Vatnar mættu til leiks  og má segja að það hafi verið líf í tuskunum frá kl. 14.00 - 16.00 á meðan á heimsókn þeirra stóð. Margir viðskiptavinir settust að tafli og tefldu við meistarana ungu. Þeir létu í ljós ánægju með þetta framtak Íslandsbanka og hrósuðu krökkunum fyrir góða taflmennsku. Að lokinni heimsókn voru krakkarnir leystir út með bíómiðum og góðum veitingum. Um leið tók Helgi Árnason formaður skákdeildarinnar við þremur nýjum skákklukkum af bestu tegund sem gjöf til skákdeildarinnar frá útibúi Íslandsbanka við Gullinbrú.

Skákdeild Fjölnis vill þakka útibússtjóra Íslandsbanka fyrir boðið og þann stuðning sem útibúið hefur sýnt skákdeildinni og skákstarfi Rimaskóla á undanförnum árum.

Skákakademían: Framhaldsskólahópurinn

Stofnaður hefur verið hópur um eflingu skákar innan framhaldsskólanna.

Það er staðreynd að unglingar draga mjög úr taflmennsku þegar í framhaldsskóla er komið. Framhaldsskólahópurinn hefur það að aðalmarkmiði að sá mikli fjöldi nemenda sem teflir í grunnskólum hafi farveg fyrir skákiðkun þegar í framhaldsskóla er komið. Til dæmis er stefnt að því að auka skákvaláfanga í framhaldsskólum og halda mót innan skólanna. Mun hópurinn hafa umsjón með framkvæmd á Íslandsmóti framhaldsskólasveita - en þátttaka á því móti árið 2012 var mun meiri en árin áður og sýnir það tækifærin sem eru fyrir hendi.

Hópinn munu skipa fulltrúi frá Skákakademíunni, nemandi úr tíunda bekk, kennari af unglingastigi grunnskólanna, nemandi í framhaldsskóla og kennari í framhaldsskóla.

Fyrsta hópinn sem mun stýra starfinu veturinn 2012-2013 skipa: Stefán Bergsson frá Skákakademíunni, Donika Kolica formaður nemendaráðs Hólabrekkuskóla, Svavar Viktorsson skákkennari Laugalækjarskóla, Hjörvar Steinn Grétarsson alþjóðlegur meistari Verzló og Eiríkur Björnsson skákkennari Verzló.

Starfið er þegar hafið og hafa verið haldin skákmót í MR og Verzló.

Unglingameistaramót Íslands (20 ára og yngri) hefst á morgun

Unglingameistaramót Íslands 2012 fer fram í Faxafeni 12, Reykjavík dagana 2.- 3. nóvember nk.  Þátttökurétt eiga þeir sem verða 20 ára á almanaksárinu og yngri.

Sigurvegari á mótinu hlýtur titilinn "Unglingameistari Íslands 2012" og í verðlaun farseðil - að hámarki kr. 50.000.-  á skákmót erlendis.  Farseðilinn gildir í eitt ár.

Umferðatafla:             

Föstudagur 2. nóv.:

kl. 20.00                                  4 atskákir

Laugardagur 3. nóv.:

kl. 17.00                                  3 atskákir

Að móti loknu verður verðlaunaafhending og lokahóf.

Tímamörk:                   25 mín + 10 sek. viðbótartími á hvern leik     

Þátttökugjöld:             kr. 2.000.-

Skráning: http://www.skak.is og [e-mail].

Íslandsmót 15 ára og yngri hefst á laugardag

Skákþing Íslands 2012 -  drengja-og telpnameistaramót (15 ára og yngri)

Skákþing Íslands 2012 -   pilta-og stúlknameistaramót (13 ára og yngri)                                                          

Keppni á Skákþingi Íslands 2012 - 15 ára og yngri (fædd 1997 og síðar) og 13 ára og yngri (fædd 1999 og síðar) verður haldið í félagsheimili Taflfélags Reykjavíkur  dagana 3. og 4. nóvember nk.  Tefldar verða 9 umferðir eftir monrad kerfi og er umhugsunartími 20 mín. á skák fyrir keppanda.  Teflt verður í einum flokki.

Skákstaður: Faxafen 12, Reykjavík

Umferðartaflan:

Laugardagur 3. nóvember      

• kl. 13.00                      1. umferð
• kl. 14.00                      2. umferð
• kl. 15.00                      3. umferð
• kl. 16.00                      4. umferð
• kl. 17.00                      5. umferð

Sunnudagur 4. nóvember       

• kl. 11.00                      6. umferð
• kl. 12.00                      7. umferð
• kl. 13.00                      8. umferð
• kl. 14.00                      9. umferð

                                               

Þetta eru áætlaðar tímasetningar, en hver ný umferð hefst að þeirri fyrri lokinni.

Að því loknu verðlaunaafhending og mótsslit.

Þátttökugjöld: kr. 1.000.- (hámark kr. 1.500.- fyrir fjölskyldu)

Verðlaun:        Verðlaunabikarar fyrir þrjú efstu sætin í hvorum flokki.

Skráning: http://www.skak.is og [e-mail].

Upplýsingar um þegar skráða keppendur má nálgast hér. 

Ný alþjóðleg skákstig, 1. nóvember

Ný alþjóðleg skákstig komu út nú í dag, 1.nóvember.  Jóhann Hjartarson (2592) er sem fyrr stigahæsti skákmaður landsins og nálgast óðfluga 2600-skákstigin á ný.  Guðmundur Daðason (2177), er stigahæsti nýliði listans Sveinbjörn Jónsson hækkar mest frá október-listanum (57 stig) og Henrik Danielsen var virkastur íslenskra skákmanna eins og svo oft áður (22 skákir).

Ritstjóri hefur einfaldað úttektina hér á Skák.is, og fellt út alla lista.  Í PDF-viðhengi sem fylgir með fréttinni má finna alla listana.

Viðhengið má einnig nálgast hér.

Einnig fylgir meðExcel-skrá þar sem hægt er að nálgast stigalistann fyrir grúskarana.

Excel-viðhengið má finna hér.

Virkir íslensk skákmenn

Virkir íslenskir skákmenn teljast nú 272 talsins en voru aðeins 240 í október.  Umtalsverð breyting sem rekja má fyrst og fremst til íslandsmóts skákfélaga þar sem sjá mátti marga lítt virka kappa mæta til leiks.  Jóhann Hjartarson (2592) er stigahæstur, Héðinn Steingrímsson (2560) er annar og Helgi Ólafsson (2547) þriðji.  Margeir Pétursson (2532) kemur inn  í fjórða sæti eftir að hafa talist óvirkur um langt árabil og alþjóðlegi meistarinn Hjörvar Steinn Grétarsson (2516) er fimmti og fyrir ofan flesta íslensku stórmeistarana á stigum.

Nýliðar

Nýliðar á listanum eru nú fjórir.  Langstigahæstur þeirra er Guðmundur Daðason (2117).  Næstur er Unnar Ingvarsson (1898)

Mestu hækkanir

Sveinbjörn Jónsson hækkar mest frá október-listanum eða um 57 stig.  Í næstu sætum eru Gauti Páll Jónsson (44) og Dagur Kjartansson (43).

Mesta virkni

Henrik Danielsen var virkastur allra með 22 skákir reiknaður í október.  Næstur er Guðmundur Kjartansson með 19 skákir.

Stigahæstur konur landsins

17 konur eru á listanum nú.  Ekki er búið að reikna Íslandsmót kvenna sem kláraðist í gær.  Lenka Ptácníková (2287) er sem fyrr langstigahæst en í næstum sætum eru Guðlaug Þorsteinsdóttir (2041) og Guðfríður Lilja Grétarsdóttir (1984), sem kemur inn af óvirka listanum eftir taflmennsku á Íslandsmóti skákfélaga.

Stigahæstu ungmenni landsins

46 ungmenni, 20 ára og yngri, eru á listanum nú.  Hjörvar Steinn Grétarsson (2516) er sem fyrr langstigahæstur en í næstum sætum eru Patrekur Maron Magnússon (2003) og Oliver Aron Jóhannesson (1998).

Stigahæstu öðlingar landsins

35 öðlinga, 60 ára og eldri, eru á listanum nú.  Friðrik Ólafsson (2419) er sem fyrr langstigahæstur en í næstum sætum eru Jónast Þorvaldsson (2286) og Björn Þorsteinsson (2209).

Reiknuð mót

• Íslandsmót skákfélaga (1.-4. deild)
• Tölvuteksmótið - Haustmót TR (a, b og opinn flokkur)
• Haustmót SA

Stigahæstu skákmenn heims

Magnus Carlsen (2848) er stigahæsti skákmaður heims og vantar aðeins 3 stig til að slá stigamet Kasparovs.  Aronian (2815) er annar og Kramnik (2795).  Caruana (2786), sigurvegari N1 Reykjavíkurskákmótsins 2012 er kominn upp í fimmta sætið, er kominn upp fyrir sjálfan heimsmeistarann Anand.

Skrár tengdar þessari bloggfærslu:

• FIDE-stig íslenskra skákstiga, 1. nóvember 2012
• íslenskir skákmenn með FIDE-stig

Lenka Íslandsmeistari kvenna

 

Stórmeistari kvenna, Lenka Ptácníková, varð í kvöld Íslandsmeistari kvenna í fjórða sinn.  Lenka vann Doniku Kolica í lokaumferðinni en á sama tíma varð helsti keppinautur hennar um titilinn, Tinna Kristín Finnbogadóttir, að sætta sig við jafntefli við Hrund Hauksdóttur.  Lenka hlaut 6 vinninga en Tinna varð önnur 5,5 vinning.  Hallgerður Helga Þorsteinsdóttir sem vann Jóhönnu Björg Jóhannsdóttur í lokaumferðinn varð þriðja með 5 vinninga.

 

Að loknu móti var lokahóf og verðlaunaafhending mótsins.

Lenka varð einnig Íslandsmeistari kvenna, 2006, 2009 og 2010 og vann reyndar einu sinni áður en fékk þá ekki Íslandsmeistaratitilinn því það var áður en hún varð íslenskur ríkisborgari.

12 skákkonur tóku þátt í mótinu.  Skákstjórn var í höndum Davíðs Ólafssonar og Gunnars Björnssonar.

Úrslit 7. umferðar:

• Hrund Hauksdóttir - Tinna Kristín Finnbogadóttir ½-½
• Donika Kolica - Lenka Ptácníková 0-1
• Hallgerður Helga Þorsteinsdóttir - Jóhanna Björg Jóhannsdóttir 1-0
• Elsa María Kristínardóttir - Svandís Rós Ríkharðsdóttir 1-0
• Veronika Steinunn Magnúsdóttir - Ásta Sóley Júlíusdóttir 1-0
• Hildur Berglind Jóhannsdóttir - Nansý Davíðsdóttir 0-1

Lokastaða efstu kvenna:

• 1. Lenka Ptácníková 6 v.
• 2. Tinna Kristín Finnbogadóttir 5½ v.
• 3. Hallgerður Helga Þorsteinsdóttir 5 v.
• 4.-7. Jóhanna Björg Jóhannsdóttir, Elsa María Kristínardóttir, Hrund Hauksdóttir og Veronika Steinunn Magnúsdóttir 4 v.
• 8. Nansý Davíðsdóttir 3½
• 9. Donika Kolica 3 v.

• Heimasíða mótsins
• Beinar útsendingar
• Chess-Results