EM: Næstsíðasta umferðin hafin

Tíunda og næstsíðasta umferð er hafin og spennan á toppnum eykst.  Sjö skákmenn eru efstir og jafnir eins og lesa má um í pistli gærdagsins.  Ivan Sokolov vinur okkar þarf sárlega á sigri að halda.   Og í dag var Zero-tolerance reglunni beitt enn og aftur.  Ég hef ekki hugmynd um af hverju. Sá sem tapaði á þann hátt var tékkneski stórmeistarinn Jiri Stocek. 

Umræður og deilur á niðurstöðu gærdagsins hafa sett mark sitt á erlendra skákfjölmiðla í dag en Skák.is var fyrst stærri skákfjölmiðla til að segja frá málinu.

Bæði Mamedyarov og Safarli hafa dregið sig út úr mótinu.  Aserinn gerir engan eftirmála og bar að einhverju leiti við slappleika en hann mun hafa verið hinn kátasti á spilavítinu í gær. 

Íslensku stórmeistararnir tefla báðir við töluvert stigalægri andstæðinga í dag og ná vonandi góðum úrslitum í lokaumferðunum tveimur.

Minni á að lokaumferðin hefst kl. 10 á morgun.

Gunnar Björnsson

Nokkrar vefsíður sem fjalla um málið:

• Chessbase
• Chessvibes
• Bloggsíða Steve Giddin