Tómas sigurvegari TM-mótaraðarinnar

Áttunda og síðasta mótinu í TM-mótaröðinni lauk í gærkvöldi. Fyrir þetta mót voru línur orðnar nokkuð skýrar í baráttunni um verðlaunasæti og hélst röð helstu keppenda óbreytt. Sigurður Arnarson hefur verið á miklu skriði að undanförnu og vann mótið í gærkvöldi, fékk 6,5 vinning. Tómas Veigar var þó aðeins hálfum vinningi á eftir honum og þriðji með 5 vinninga var svo Jón Kristinn Þorgeirsson, en þessir tveir síðastnefndu hafa barist um efsta sætið í syrpunni frá byrjun.

Jafn Jóni varð Andri Freyr Björgvinsson. Sigurður Eríksson fékk 4,5 vinning og náði með því að halda nafna sínum fyrir aftan sig í samnalögðum úrslitum. Árangur annarra þátttakenda var sá að Atli benediktsson fékk 3,5 vinning, Hreinn Hrafnsson og Ari Friðfinnsson 2 og Bragi Pálmason 1,5. Keppendur voru 9 í þetta sinn.

Alls fengu 17 skákmenn stig í TM-mótaröðinni, sem er nú háð annað árið í röð í samstarfi Skákfélagsins og Tryggingamiðstöðvarinnar. Lokastaðan er þessi:

1	Tómas V. Sigurðarson	64
2	Jón Kristinn Þorgeirsson	59
3	Sigurður Eiríksson	50
4	Sigurður Arnarson	46
5	Haki Jóhannesson	34,5
6	Karl Egill Steingrímsson	23,5
7	Smári Ólafsson	22,5
8	Áskell Örn Kárason	16
9	Atli Benediktsson	15
10	Hreinn Hrafnsson	14,5
11	Andri Freyr Björgvinsson	14
12	Ari Friðfinnsson	11,5
13	Þór Valtýsson	7
14	Símon Þórhallsson	6
	Logi Rúnar Jónsson	6
	Bragi Pálmason	6
17	Sveinbjörn Sigurðsson	5,5

Minnt er á Skákþing Akureyrar í barna- og unglingaflokki sem fram fer laugardaginn 31. mars.