Jóhann með jafntefli í gær

Jóhann Hjartarsson (2541) gerði jafntefli við danska FIDE-meistarann Jonas Bjerre (2330) í fimmtu umferð Xtracon-mótsins í gær. Jóhann hefur 4 vinninga og er í 17.-52. sæti. Í dag teflir Jóhann við einn enn FIDE-meistarann að þessu sinni hinn sænska Milton Pantzar (2313).

Efstir á mótinu með fullt hús eru stórmeistararnir Marin Bosiocic (2616), Króatíu, og hinn norski Frode Urkedal (2543) sem pakkaði Ivan Sokolov (2626) saman í gær í 19 leikjum. Sjá hér. Vert er einnig að benda á glæsilega drottningarfórn Baadur Jobava frá í gær. 

Baldur Teodor Petersson (2086) gerði jafntefli, Hilmir Freyr Heimisson (2215), Magnús Magnússon (2015) og Hörður Garðarsson (1710) töpuðu. Baldur, Hilmir og Magnús hafa allir 2½ vinning.

Alls taka 433 skákmenn frá 34 löndum þátt í mótinu. Þar á meðal eru 24 stórmeistarar. Jóhann er nr. 19 í stigaröð keppenda.

• Heimasíða mótsins
• Chess-Results
• Beinar útsendingar (hefjast 11:15)

Hannes með jafntefli í gær

Stórmeistarinn Hannes Hlífar Stefánsson (2530) gerði jafntefli við suður-afríska alþjóðlega meistarann Daniel Cawdery (2426) í sjöttu umferð opna tékkneska mótsins í gær. Hannes hefur 4,5 vinninga og er í 10.-36. sæti. 

Í sjöundu umferð, sem fram fer í dag, teflir Hannes við þýska alþjóðlega meistarann Christopher Noe (2451). 

Íslandsvinurinn Abhijeet Gupta (2625) er efstur með 5,5 vinninga. 

Sigurður Ingason (1870) sem teflir í b-flokki hefur 2 vinninga. 

207 skákmenn frá 38 löndum tefla í efsta flokki mótsins og þar af 46 stórmeistarar. Hannes er nr. 20 í stigaröð keppenda.

• Heimasíða mótsins
• Chess-Results
• Beinar útsendingar á Chess 24 (hefjast kl. 13)

Mótaáætlun TR starfsárið 2017-2018

Mótaáætlun Taflfélags Reykjavíkur fyrir starfsárið 2017-2018 liggur nú fyrir og geta áhugasamir nálgast hana á heimasíðu félagsins.

Það reyndist þrautin þyngri að koma öllum taflmótum TR fyrir á starfsárinu sem senn hefst, enda umsvif félagsins mikil. Þá er óvenju mikið annríki á haustmánuðum hjá íslenskum skákmönnum, bæði innanlands sem utan.

TR stendur fyrir 30 formlegum skákmótum næsta vetur og eru þá ótalin öll æfingamótin sem haldin eru reglulega sem liður í skákæfingum félagsins. Starfsárið hefst með Borgarskákmótinu mánudaginn 14.ágúst og sunnudaginn þar á eftir, þann 20.ágúst, verður sest að tafli í Árbæjarsafninu. Í kjölfarið rekur hver viðburðurinn annan fram á vor.

Öll helstu skákmót TR eru á sínum stað í dagskránni. Haustmótið hefst 6.september og Skákþing Reykjavíkur hefst 14.janúar. Fyrsta Bikarsyrpan er óvenju snemma að þessu sinni eða 25.-27.ágúst. U2000 mótið hefst 11.október og Öðlingamótið hefst 21.mars. Þá verður nýjasta mótaafurð félagsins, Meistaramót Truxva, á sínum stað á annan í hvítasunnu.

Eitt er víst, skákáhugamenn ættu ekki að vera í vandræðum með að finna skákmót við sitt hæfi á næsta starfsári.

Mótaáætlun TR 2017-2018

Mótadagatal TR 2017-2018

Sjá nánar á heimasíðu TR.

Radek Wojtaszek sigurvegari Dortmund-mótsins

Pólverjinn Radek Wojtaszek (2736) stal senunni á ofurskákmótinu í Dortmund sem lauk í gær. Pólverjinn vann Þjóðverjann Liviu-Dieter Nisipeanu (2683) í lokaumferðinni. Rússinn Vladimir Fedoseev (2726) og Frakkinn Maxime Vachier-Legrave (2791) urðu jafnir í 2.-3. sæti. Vladimir Kramnik (2812) vann loka í lokaumferðinni og lyfti sér af botninum alla leiðina uppí fjórða sæti.

Ítarlega úttekt um mótið má finna á Chess24.

 

• Heimasíða mótsins
• Chess-Results
• Beinar útsendingar 

Jóhann með jafntelfi í gær

 

Jóhann Hjartarsson (2541) var afar nærri því að leggja Norðmanninn Mads Vestby-Ellingsen (2175) að velli í gær í fjórðu umferð Xtracon-mótsins í Helsingör. Sá norski reyndist sleipur í vörninni og hélt jafntefli. Jóhann hefur 3½ vinning og er í 8.-38. sæti. Í fimmtu umferð, sem fram fer í dag, teflir Jóhann við danska FIDE-meistarann Jonas Bjerre (2330).

Hilmir Freyr Heimisson (2215) tapaði fyrir bandaríska stórmeistaranum Alexander Shabalov (2549), Magnús Magnússon (2005) vann en Baldur Teodor Petersson (2086) og Hörður Garðarsson (1710) töpuðu.

Alls taka 433 skákmenn frá 34 löndum þátt í mótinu. Þar á meðal eru 24 stórmeistarar. Jóhann er nr. 19 í stigaröð keppenda.

• Heimasíða mótsins
• Chess-Results
• Beinar útsendingar 

Hannes með laglegan sigur á stórmeistara

Stórmeistarinn Hannes Hlífar Stefánsson (2530) vann slóvakíska stórmeistarann Mikulas Manik (2407) á laglegan í fjórðu umferð opna tékkneska mótsins (Czech Open) sem fram fór í gær. Skákina má nálgast hér. Hannes hefur byrjað vel og hefur hlotið 3½ vinning og er í 2.-27. sæti.

Fimmta umferð fer fram í dag og þá teflir Hannes við pólska alþjóðlega meistarann Kacper Drozdowski (2461).

Íslandsvinurinn Abhijeet Gupta (2625) er sá eini sem hefur fullt hús.

602 skákmenn frá 42 löndum tefla í efsta flokki mótsins og þar af 46 stórmeistarar. Hannes er nr. 20 í stigaröð keppenda.

• Heimasíða mótsins
• Chess-Results
• Beinar útsendingar á Chess 24 (hefjast kl. 13)

Sumarmótið við Selvatn á fimmtudaginn kemur

SKÁKDEILD KR efnir til  sinnar árlegu skákhátíðar og SUMARSKÁKMÓTS við Selvatn, fimmtudaginn 27. júlí nk. Mótið sem nú er haldið í 11. sinn verður að venju með sérstöku viðhafnarsniði og mikið um dýrðir. Hátíðarkvöldverður frá Eldhúsi Sælkerans  verður reiddur fram undir beru lofti, kaffi, svaladrykkir og kruðerí í boði á meðan á móti stendur.

Mótið sem er öllum opið hefst kl. 16.30 og stendur fram eftir kvöldi. Þátttaka takmarkast þó við að hámarki 40  keppendur.  Tefldar verða 11 umferðir með 10 mínútna umhugsunartíma. Góð verðlaun og viðurkenningar fyrir efstu menn og fleiri. Þátttökugjald kr. 10.000. Sértilboð til skákkvenna – tvær fyrir eina.  

ENN ERU NOKKUR SÆTI LAUS.  Þeir sem hafa hug á að vera með tilkynni þátttöku sína sem allra fyrst með smáskilaboðum í síma  893-0010 (GRK) eða 690-2000 (ESE). Þátttökugjaldið greiðist inn á reikning 115-26-47077, kt. 470776-0139 eða með reiðufé á mótsstað.

 

Jóhann með fullt hús eftir þrjár umferðir í Helsingör

Jóhann Hjartarson (2541) er meðal 33 skákmanna með fullt hús eftir 3 umferð á Xtracon-mótinu(áður Politiken Cup) sem hófst í fyrradaga í  Helsingör í Danaveldi. Í gær fór fram tvær umferðir. Jóhann vann í gær FIDE-meistarana Oivind Johhansen (2108), Noregi, og Mikkel Manosri Jacobsen (2247), Danmörku. Í dag teflir Jóhann við Norðmanninn Mads Vestby-Ellingsen (2175). 

Fjórir aðrir íslenskir skákmenn taka þátt. Það eru þeir Hilmir Freyr Heimisson (2215), sem hefur 2,5 vinninga, hinn hálfíslenski Baldur Teodor Petersson (2086) sem hefur 2 vinninga, Magnús Magnússon (2005), sem hefur 1,5 vinninga og Hörður Garðarsson (1710) sem hefur 1 vinning. Hilmir teflir í dag við bandaríska stórmeistarann Alexander Shabalov (2549).

Ritstjóri Skák.is kíkti á skákstað í Helsingör í gær og er það í fyrsta skipti sem hann gerir það. Teflt er í ráðstefnuhöll rétt fyrir utan við bæinn sem er í um 30-40 mínútna fjarlægð frá Kaupamannahöfn. Aðstæður á skákstað eru góðar og það sem gerir þær enn skemmtilegri er að öll skákhöllin snýst um skák. Teflt í öllum hornum. Það neikvæða við skákstaðinn er að teflt er í mörgum rýmum sem er hálfgert völundarhús. Það tók ritstjóra töluverðan tíma til að finna alla íslensku keppendurna. Góðar aðstæður eru á skákstað. Gott mötuneyti er til staðar sem býður uppá hlaðborð. Sérstakar svefnálmur eru í húsinu. Hægt er að kaupa þar allan pakkann. Þeir erlendu boðsbestir sem ég talaði við sem og Jóhann Hjartarson eru ánægðir með aðstæður.

Ritstjóri hitti þarna gamla kunningja eins og Ivan Sokolov og Baadur Jobava sem var báðir hinir kátustu. 

Þessi stutta heimasókn segir mér að þetta mót er mjög áhugavert. Aðstæður eru eðalfínar. Mótið er fjölmenn með um 430 keppendur á meðan GAMMA Reykjavíkurskákmótið hefur um 260 keppendur. Það tekur því mjög langan tíma fyrir sterkustu keppendurnir að mætast - töluvert lengri en á Reykjavíkurskákmótinu.

 

 

Munurinn á fjölda keppenda liggur mest í Norðmönnum (116), Svíum (53) og Þjóðverjum (31). Auk þess eru Danirnir eru 149 á meðan Íslendingar eru um 100 á Reykjavíkurmótinu. Keppendur frá þessum löndum geta jafnvel keyrt á skákstað. Á móti kemur Bandaríkjamenn, Kanadamenn og Indverjar eru fjölmennari á Reykjavíkurskákmótinu.

Danirnir hafa það jafnframt fram yfir okkur að geta boðið "heildarpakka", þ.e. mat og gistingu á föstu verði. Mögulega verður það hægt á Reykjavíkurskákmótinu þegar um hægist á hótelmarkaði. 

Það er Reykjavíkurskákmótið hefur hins vegar fram yfir er það að allir keppendur tefla í einni keppnishöll sem auk þess er frábær. Það er líka mikill kostur við Reykjavíkurskákmótið að mótið fer fram í miðbæ Reykjavíkur. Auk þess hefur okkur Íslendingum tekist í gegnum tíðina að bjóða uppá töluvert áhugaveðri keppendur en Danirnir. Mótið okkar hefur meira aðdráttarafl meðal toppskákmanna en þeirra mót - á meðan þeirra mót dregur að sér fleiri áhugamenn.

• Heimasíða mótsins
• Chess-Results
• Beinar útsendingar 

Hannes með jafntefli í gær

Stórmeistarinn Hannes Hlífar Stefánsson (2530) gerði jafntefli við Ungverjann Florian Kaczur (2430) í 3. umferð opna tékkneska mótsisn (Czech Open) í gær. Hannes hefur 2,5 vinninga. Í fjórðu umferð, sem fram fer í dag, teflir Hannes við slóvakíska stórmeistarann Mikulas Manik (2407). Sigurður Ingason (1870), sem teflir í b-flokki, tapaði og hefur 1 vinning.

602 skákmenn frá 42 löndum tefla í efsta flokki mótsins og þar af 46 stórmeistarar. Hannes er nr. 20 í stigaröð keppenda.

• Heimasíða mótsins
• Chess-Results
• Beinar útsendingar á Chess 24 (hefjast kl. 13)

Jóhann vann í fyrstu umferð - tvær umferðir í dag

Jóhann Hjartarson (2541) vann sína skák í fyrstu umferð Xtracon-mótins(áður Politiken Cup) í gær. Tvær umferðir eru í dag og hófst sú fyrri kl. 8. Þá teflir Jóhann við norska FIDE-meistarann Oivild Johansen.  Hilmir Freyr Heimisson og Magnús Magnússon unnu sínar skákir einnig.

Fimm Íslendingar taka þátt í mótinu.

Síðari umferð dagsins hefst kl. 15.

• Heimasíða mótsins
• Chess-Results
• Beinar útsendingar