Guðmundur tefldi fjöltefli við 62 skákmenn frá 32 löndum

Alþjóðlegi meistarinn Guðmundur Kjartansson tefldi í gær fjöltefli við 62 skákmenn frá 32 löndum á skátamótinu á Úlfljótsvatni. Tveir náðu jafntelfi gegn Íslandsmeistaranum, þátttakendur frá Rúmeníu og Mexíkó.

Það var Skákdeild Breiðabliks, undir forystu Halldórs Grétars Einarssonar, sem stóð fyrir fjölteflinu í samvinnu við skátanna.

Myndir frá fjölteflinu má finna hér. 

Ný alþjóðleg hraðskákstig

Ritstjóri gerir öðru hverju úttekt á hraðskákstigum en ný slík stig komu út í dag. Hjörvar Steinn Grétarsson (2662) er langstigahæsti hraðskákmaður landsins en í næstu sætum eru Jóhann Hjartarson (2578) og Jón Viktor Gunnarsson (2541). Hinn eitursnöggi Árni Ármann Árnason (2059) er stigahæstur nýliða og bræðurnir Óskar Víkingur og Stefán Orri Davíðssyni (67) hækkuðu mest frá síðasta lista.

Listann í heild sinni má finna hér.

 

Topp 20

No.	Name	Tit	AUG17	Gms	Diff
1	Gretarsson, Hjorvar Steinn	GM	2672	6	10
2	Hjartarson, Johann	GM	2578	8	4
3	Gunnarsson, Jon Viktor	IM	2541	0	0
4	Gunnarsson, Arnar	IM	2523	0	0
5	Stefansson, Hannes	GM	2516	0	0
6	Gretarsson, Helgi Ass	GM	2499	0	0
7	Kristjansson, Stefan	GM	2483	0	0
8	Kjartansson, Gudmundur	IM	2481	8	-10
9	Thorfinnsson, Bjorn	IM	2446	0	0
10	Thorhallsson, Throstur	GM	2439	9	8
11	Bjornsson, Sigurbjorn	FM	2376	0	0
12	Petursson, Margeir	GM	2366	0	0
13	Arnason, Jon L	GM	2363	8	43
14	Thorgeirsson, Sverrir		2362	11	4
15	Jensson, Einar Hjalti	IM	2352	0	0
16	Johannesson, Ingvar Thor	FM	2350	0	0
17	Olafsson, Helgi	GM	2347	0	0
18	Thorfinnsson, Bragi	IM	2345	0	0
19	Asbjornsson, Asgeir	FM	2344	0	0
20	Jonasson, Benedikt	FM	2318	0	0

Nýliðar

Allmargir nýliðar koma inn á hraðskáklistann. Þeir stigahæstur er Árni Ármann Árnason (2059) en í næstu sætum eru Björn Theodórsson (1986) og Sigurður Áss Grétarsson (1960).

No.	Name	Tit	AUG17	Gms	Diff
1	Arnason, Arni A.		2059	6	2059
2	Theodorsson, Bjorn		1986	11	1986
3	Gretarsson, Sigurdur Ass		1960	8	1960
4	Bjornsson, Julius		1920	6	1920
5	Bragason, Kormakur Thrainn		1891	6	1891
6	Jonsson, Pall G		1802	7	1802
7	Viggosson, Eirikur		1766	10	1766
8	Fridthjofsdottir, Sigurl. Regina		1722	6	1722
9	Einarsson, Einar S		1705	5	1705
10	Finnsson, Gunnar		1704	9	1704
11	Kristinsson, Ossur		1696	7	1696
12	Knutsson, Johann Larsen		1687	5	1687
13	Bjarnason, Kristinn Th		1659	8	1659
14	Ponzi, Tomas		1638	6	1638
15	Thorarinsson, Gudmundur		1628	9	1628
16	Gudmundsson, Finnbogi Otto		1592	8	1592
17	Bjornsson, Sigurjon Helgi		1588	6	1588
18	Gudmundsson, Gudmundur G		1576	4	1576
19	Sigurdsson, Egill		1560	5	1560
20	Sigurdsson, Asgeir		1476	6	1476
21	Berndsen, Soffia		1308	6	1308
22	Bjorgolfsson, Konrad K		1235	9	1235

 

Mestu hækkanir

Bræðurnir Óskar Víkingur Davíðsson og Stefán Orri Davíðsson (67) hækka mest á stigum frá júní-listanu. Þriðji er hinn síefnilegi Eiríkur Björnsson (50).

 

No.	Name	Tit	AUG17	Gms	Diff
1	Davidsson, Oskar Vikingur		1669	14	67
2	Davidsson, Stefan Orri		1462	13	67
3	Bjornsson, Eirikur K.		1998	25	50
4	Sigurdsson, Arnljotur		1823	13	49
5	Stefansson, Vignir Vatnar	FM	2173	16	46
6	Arnason, Jon L	GM	2363	8	43
7	Mai, Alexander Oliver		1687	6	34
8	Ptacnikova, Lenka	WGM	2040	6	31
9	Holm, Fridgeir K		1762	7	31
10	Mai, Aron Thor		1841	6	29

 
Reiknuð hraðskákmót

• Mjóddarmót Hugins
• Minningarmót Jóhönnu Kristjónsdóttur (Ströndum)
• Opna meistaramót Vinaskákfélagsins í hraðskák
• Sumarmót við Selvatn 

Skrár tengdar þessari bloggfærslu:

• Alþjóðleg hraðskákstig 1. ágúst 2017

Guðmundur Kjartansson og skátarnir með heimsmetstilraun

Íslandsmeistarinn Guðmundur Kjartansson mun í dag tefla fjöltefli við gesti á skátamótinu á Úlfljótsvatni.

Þar eru samankomnir 5000 skátar frá um 100 löndum. Gummi mun tefla við áttatíu skáta og núna hafa andstæðingar frá 27 löndum skráð sig.

Ef nást 40 lönd þá teljum við að réttilega sé hægt að tala um heimsmet í fjölda þjóðerna í einu fjöltefli. 

Skátamótið er fjölmennasti alþjóðlegi viðburðurinn sem haldinn hefur verið á Íslandi og að sjálfsögðu er skákin þar á borðum.

Það er Skákdeild Breiðabliks í samstarfi við skátahreyfinguna sem stendur að fjölteflinu og ýmsu öðru skákstarfi á skátamótinu.

Ný alþjóðleg skákstig

Ný alþjóðleg skákstig eru komin út og taka þau gildi á morgun, 1. ágúst. Héðinn Steingrímsson (2576) er sem fyrr stigahæsti skákmaður landsins. Í næstum sætum eru Hjörvar Steinn Grétarsson (2567) og Jóhann Hjartarson (2556). Fremur litlar sviptingar eru listanum enda ekkert innlent kappskákmót reiknað til stiga að þessu sinni.

Heildarlistinn má finna hér.

Topp 20

No.	Name	Tit	AUG17	Diff	Gms
1	Steingrimsson, Hedinn	GM	2576	0	0
2	Gretarsson, Hjorvar Steinn	GM	2567	0	0
3	Hjartarson, Johann	GM	2556	15	9
4	Stefansson, Hannes	GM	2521	-9	8
5	Petursson, Margeir	GM	2516	0	0
6	Olafsson, Helgi	GM	2512	0	0
7	Danielsen, Henrik	GM	2495	0	0
8	Thorfinnsson, Bragi	IM	2461	0	0
9	Gunnarsson, Jon Viktor	IM	2460	0	0
10	Arnason, Jon L	GM	2458	0	0
11	Kjartansson, Gudmundur	IM	2456	-3	9
12	Gretarsson, Helgi Ass	GM	2448	0	0
13	Kristjansson, Stefan	GM	2447	0	0
14	Thorsteins, Karl	IM	2432	0	0
15	Gunnarsson, Arnar	IM	2428	0	0
16	Thorhallsson, Throstur	GM	2420	0	0
17	Thorfinnsson, Bjorn	IM	2398	0	0
18	Kjartansson, David	FM	2386	0	0
19	Arngrimsson, Dagur	IM	2376	0	0
20	Ulfarsson, Magnus Orn	FM	2375	0	0

 

Mestu hækkanir

Aron Þór Mai (66) hækkaði mest allra frá júní-listanum. Í næstu sætum eru Páll Agnar Þórarinsson (25) og Jóhann Hjartarson (15).

No.	Name	Tit	AUG17	Diff	Gms
1	Mai, Aron Thor		2039	66	6
2	Thorarinsson, Pall A.	FM	2273	25	9
3	Hjartarson, Johann	GM	2556	15	9
4	Mai, Alexander Oliver		1875	13	6
5	Ptacnikova, Lenka	WGM	2212	5	7

Stigahæstu ungmenni landsins

Dagur Ragnarsson (2340) heldur stöðu sinni sem stigahæsta ungmenni (u20) landsins. Í næstu sætum eru Vignir Vatnar Stefánsson (2312) og Oliver Aron Jóhannesson (2272). Aron Þór Mai (2039) kemst í fyrsta skipti á topp 10.

No.	Name	Tit	AUG17	Diff	Gms	B-day
1	Ragnarsson, Dagur	FM	2340	-15	9	1997
2	Stefansson, Vignir Vatnar	FM	2312	0	0	2003
3	Johannesson, Oliver	FM	2272	0	0	1998
4	Thorgeirsson, Jon Kristinn		2232	0	0	1999
5	Heimisson, Hilmir Freyr		2215	0	0	2001
6	Birkisson, Bardur Orn		2164	0	0	2000
7	Hardarson, Jon Trausti		2146	0	0	1997
8	Thorhallsson, Simon		2074	0	0	1999
9	Mai, Aron Thor		2039	66	6	2001
10	Birkisson, Bjorn Holm		2023	0	0	2000

 

Reiknuð mót

• Mjóddarmót Hugins (hraðskák)
• Minningarmót Jóhönnu Kristjánsdóttur (hraðskák)
• Opna meistaramót Vinaskákfélagsins í hraðskák
• Sumarmót við Selvatn (hraðskák)

Heimslistinn

Magnus Carlsen (2822) er venju samkvæmt stigahæsti skákmaður heims. Í næstu sætum eru Wesley So (2810) og Fabiano Caruana (2807). 

Topp 100 má finna hér.

 

 

Skrár tengdar þessari bloggfærslu:

• Alþjóðleg skákstig, 1. ágúst 2017

Glæsiskák Stefáns í Andorra - nálgast 2100 stigin

Stefán Bergsson (2060) lauk í gær þátttöku í alþjóðlegu móti í Andorra. Stefán hlaut þar 5 vinning í 9 skákum. Mesta athygli vakti glæsiskák Stefáns í næstsíðustu umferð á móti franska alþjóðlega meistaranum Peirre Barbot (2453). 

Stefán hækkaði um 17 stig á mótinu og nálgast 2100 stigamúrinn eins og snaróð fluga.

• Heimasíða mótsins
• Chess-Results.

[Event "Andorra Open"] [Site "Andorra"] [Date "2017.07.29"] [Round "8"] [White "Barbot Pierre"] [Black "Bergsson Stefan"] [WhiteElo "2453"] [BlackElo "2060"] [ECO "E70"] [Opening "King's Indian: 4.e4 d6 5.Bd3"] 1.d4 Nf6 2.c4 g6 3.Nc3 Bg7 4.e4 d6 5.Bd3 O-O 6.Nge2 a6 7.O-O Nbd7 8.f4 c5 9.e5 Ng4 10.d5 dxe5 11.f5 b5 12.Ng3 e4 13.Bxe4 Bd4+ 14.Kh1 Nde5 15.Bg5 h6 16.Bf4 Nxh2 17.Nge2 Nxf1 18.Nxd4 cxd4 19.Qxd4 Nxc4 20.Rxf1 e5 21.fxe6 fxe6 22.Kg1 Rxf4 23.Rxf4 e5 24.Qc5 exf4 25.d6 Qb6 26.Qxb6 Nxb6 27.Nd5 Rb8 28.Ne7+ Kf7 29.Nc6 Nd7 30.Nxb8 Nxb8 31.Kf2 Kf6 32.Kf3 g5 *

Jóhann endaði með 6½ í Helsingör - Jobava sigurvegari mótsins

Stórmeistarinn Jóhann Hjartarson (2541) endaði með 6½ vinning eftir tíundu og síðustu umferð Xtracon-mótsins í Helsingör sem fram fór í gær. Gengi Jóhanns var skrykkjótt í lokaumferðunum. Georgíumaðurinn Baadur Jobava (2714) stal á senunni á mótinu og hlaut 8½ vinning.

Hilmir Freyr Heimsson (2215) hlaut einnig 6½ vinning, Baldur Teodor Magnússon (2086) hlaut 6 vinninga, Magnús Magnússon (2005) hlaut 5½ vinning, og Hörður Garðarsson (1710) hlaut 3 vinninga.

Baldur og Magnús hækka á stigum en aðrir lækka. Jóhann lækkar um 17 stig. 

Alls tóku 433 skákmenn frá 34 löndum þátt í mótinu. Þar á meðal eru 24 stórmeistarar. Jóhann var nr. 19 í stigaröð keppenda.

• Heimasíða mótsins
• Chess-Results
• Beinar útsendingar (hefjast 11:15)

Hannes endaði með 4½ vinning.

Opna tékkneska mótinu (Czech Open) lauk í gær í Pardubice. Hannes Hlífar Stefánsson (2530) endaði með 4½ vinning í 9 umferðum eftir slakan endasprett. Hann tapaði sínum skákum í sjöundu og áttundu umferð og tók svo yfirsetu í lokaumferðinni. Hann endaði í 146.-196. sæti.

Frammistaða hans samsvaraði 2441 skákstigum og lækkar hann um 9 stig fyrir hana. Tékkneski stórmeistarinn Jan Krejci (2519) sigraði á mótinu en hann hlaut 8 vinninga. 

Sigurður Ingvason (1870), sem tefldi í b-flokki, átti heldur ekki gott og hlaut 2½ vinning. 

335 skákmenn frá 38 löndum tefldu í efsta flokki mótsins og þar af 46 stórmeistarar. Hannes var nr. 20 í stigaröð keppenda.

• Heimasíða mótsins
• Chess-Results
• Beinar útsendingar á Chess 24 (hefjast kl. 13)

Skákþáttur Morgunblaðsins: Enn beinist athyglin að Wei Yi

Fyrir nokkrum dögum lauk í Danzhou í Kína afar öflugu skákmóti en úrslit þess beina athyglinni enn og aftur að hinum kornunga Kínverja Wei Yi sem fyrir mótið sat í 20. sæti heimslistans með 2.738 elo-stig. Wei Yi hlaut 6 ½ vinning úr níu skákum en eftir sex umferðir virtust úrslit mótsins ráðin; hann hafði þá hlotið fimm vinninga og hægði á ferðinni með þrem jafnteflum í lokaumferðunum. Lokaniðurstaðan varð þessi: 1. Wei Yi (Kína) 6 ½ v. (af 9 ) 2.-3. Quang Liem (Víetnam) og Ding Liren (Kína) 5 ½ v. 4. – 6. Naiditsch (Aserbaídsjan), Hao (Kína) og Yangyi (Kína) 5 v. 7. Ivantsjúk (Úkraína) 4 ½ v. 8. Ponomariov (Úkraína) 3 ½ v. 9. Shanglei (Kína) 2 ½ v. 10. Malakhov (Rússland) 2 v.

Það er til marks um styrkleika þessa móts að Úkraínumennirnir og Rússinn enda í neðri hluta töflunnar. Kínverjar, sem unnu opna flokk Ólympíumótsins í Tromsö í Noregi árið 2014, eiga marga frábæra skákmenn sem af einhverjum ástæðum hafa ekki náð að ógna þeim allra fremstu. Wei Yi hefur tvisvar mætt Magnúsi Carlsen við skákborðið, hafði svart í bæði skiptin, náði jafntefli í Wijk aan Zee í fyrra en tapaði viðureign þeirra á sama vettvangi í ár. Hann virðist njóta sín best á heimavelli. Hann kom hingað til lands ásamt fríðum flokki kínverskra skákmanna í ársbyrjun 2013, tók þátt í landskeppni Íslendinga og Kínverja og tefldi síðan á Reykjavíkurskákmótinu, þá aðeins 15 ára gamall, og fékk staðfestan stórmeistaratitil eftir frammistöðu sína þar. Glæsilegar sóknarskákir hrifu menn þegar þessi ungi maður var að hasla sér völl. Síðan hefur stíll hans dýpkað en áfram situr í fyrirrúmi áherslan á frumkvæðið og þessi „stefnuyfirlýsing“ kínveskra skákmanna – að taka slaginn óhræddir. Í eftirfarandi skák við Ponomariov sem varð heimsmeistari FIDE árið 2002 fá allir þessir þættir notið sín:

Wei Yi – Ruslan Ponomariov

Katalónsk byrjun

1. Rf3 Rf6 2. c4 e6 3. g3 d5 4. Bg2 dxc4 5. O-O Rbd7 6. Dc2

Hægt er að ná peðinu aftur með 6. Da4 en reynslan hefur kennt mönnum að þá fær svartur jafnað taflið án mikilla erfiðleika.

6. ... Rb6 7. a4 a5 8. Ra3 Bxa3 9. Hxa3 O-O 10. e4 e5!?

Gefur peðið til baka. Annar möguleiki var 10. ... Bd7.

11. Rxe5 Dd4 12. Dc3 Dxc3 13. Hxc3 Be6 14. d4 Rxa4 15. Ha3

Varkárari sálir hefðu valið 15. Hc2 með hugmyndinni 15. ... b5 16. d5 Bc8 17. Be3 með þægilegri stöðu.

15. ... b5 16. f4 Rb6 17. g4!?

Fórnar peði og opnar 3. reitaröðina fyrir hrókinn.

Rxg4 18. f5 Rxe5 19. dxe5 Bd7 20. Hg3

Hér er áætlunin fram komin, hvítur hótar 21. Bh6 en í krafti peðameirihluta svarts á drottningarvæng teljast horfur svarts nokkuð góðar.

20. ... Bc6 21. Bh6 g6 22. Hg5!?

Dularfullur leikur. Það virðist eina skýringin að hrókurinn stefni á c5 eftir e5-e6 framrás.

22. ... c3?

Alger óþarfi. Eftir 22. ... Ra4! er svartur í góðum málum.

23. bxc3 Rc4 24. fxg6 fxg6 25. Bxf8 Hxf8 26. e6!

 

Áætlunin hefur gengið upp, c5-reiturinn er til reiðu fyrir hrókinn.

26. ... Be8 27. Hd1 Hf6 28. Hd8 Kf8 29. Hxb5

Eftir þetta er úrslitin ráðin og Wei Yi fatast ekki úrvinnslan.

29. ... Ke7 30. Hbb8 Bc6 31. Hdc8 Hxe6 32. Hxc7 Kd6 33. Hxh7 a4 34. Ha7 Kc5 35. e5 Bxg2 36. Kxg2 a3 37. Hc7 Hc6 38. Hxc6 Kxc6 39. Hc8 Kd5 40. e6

- og svartur gafst upp.

Helgi Ólafsson [e-mail]

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 22. júlí 2017

Skákþættir Morgunblaðsins

Sumarmót við Selvatn - Vignir og Þröstur sigurvegarar

Sumarmót KR og skákhátíðin mikla að sveitasetri þeirra hjóna Guðfinns og Erlu Axels fór fram við fjallavatnið fagurblátt á Nesjavallaleið, í Listaskálanum við Selvatn, síðdegis á fimmtudaginn var (27. júlí) og stóð langt fram á kvöld. 

Umgjörð mótsins sem nú var haldið í 11. sinn var eins og best verður á kosið og það fór hið besta fram. Mættir voru á fjórða tug skákgarpa á öllum aldri þess albúnir að máta mann og annan eða verða sjálfir mát ella. 

ESE bauð mótsgesti velkomna í forföllum formanns Skákdeildar KR sem sætir sjúkrahúsvist um þessar mundir en GRK skákstjóri og gestgjafi skýrði reglur mótsins. Tefldar voru 11 umferðir með 10 mín. uht. Hátíðarkvöldverður frá eldhúsi Sælkerans var borinn fram undir beru lofti og aðrar góðar veitingar í boði. Vel viðraði á mótsgesti sem léku við hvern sinn fingur þrátt fyrir tíða fingurbrjóta. Sumir riðu feitara hrossi frá tafli meðan aðrir máttu sætta sig við að bera skarðan hlut frá borði eins og gengur. 

Eftir drengilega en harða keppni og margar æsilegar og glæsilegar baráttuskákir á öllum borðum stóðu þeir Vignir Vatnar Stefánsson og Þröstur Þórhallsson, stórmeistari upp efstir og jafnir að vinningum með 10.5 v. af 11 mögulegum. Sá fyrrnefndi, hinn ungi örvaxandi meistari, aðeins 14 ára, vann þó mótið á stigum. Er þetta í annað sinn sem hann afrekar það en hann stóð einnig upp sem sigurvegari fyrir þremur árum, árið 2014, þá aðeins 11 ára að aldri.  

Segja má að þeir tveir hafi verið í sérflokki. Næstir þeim komu þeir Gauti Páll Jónsson og Bragi Halldórsson í þriðja og fjórða sæti með 7 vinninga.  Í kjölfar þeirra fylgdi svo fríður flokkur kunnra skákkempna með fækkandi vinninga eins og sjá má á meðf. mótstöflu.  Ungmennaverðlaun hlaut Óskar Víkingur Davíðsson og öldungaverðlaun Gunnar Kr. Gunnarsson. 

Skákdeild KR þakkar fjölmörgum styrktaraðilum sínum myndarleg framlög en mótið var fjáröflunarmót fyrir keppnissveit félagsins sem etja mun kappi við bestu skáksveitir landsins í 1. deild á Íslandsmóti skákfélaga á komandi vetri 3ja árið í röð.

Myndaalbúm (ESE)

Jóhann vann í gær - hálfum vinningi á eftir efstu mönnum

Jóhann Hjartarson (2541) vann sænska FIDE-meistarann Milton Pantzar (2313) í sjöttu umferð Xtracon-mótsins í gær. Jóhann hefur 5 vinninga og er í 8.-24. sæti - aðeins hálfum vinningi á eftir efstu mönnum. Jóhann mætir sem fyrr FIDE-meistara því í dag teflir hann við hinn enska Matthew Wadsworth (2298). 

Hilmir Freyr Heimisson (2215), Magnús Magnússon (2005) og Baldur Teodor Petersson unnu allir í gær og hafa 3,5 vinninga. Hörður Garðarsson (1710) hefur 1,5 vinninga. 

Alls taka 433 skákmenn frá 34 löndum þátt í mótinu. Þar á meðal eru 24 stórmeistarar. Jóhann er nr. 19 í stigaröð keppenda.

• Heimasíða mótsins
• Chess-Results
• Beinar útsendingar (hefjast 11:15)