Jón Viktor efstur með fullt hús á Tölvuteksmótinu - Haustmóti TR

Alþjóðlegi meistarinn Jón Viktor Gunnarsson (2410) heldur áfram sigurgöngu sinni á Tölvuteksmótin - Haustmóti TR, og er efstr með fullt hús.  Í dag vann hann Mikael Jóhann Karlsson (1933).  Sævar Bjarnason (2090) er annar með 3,5 vinning eftir sigur á Jóhanni H. Ragnarssyni (2081) og Einar Hjalti Jensson (2305) er þriðji með 3 vinninga eftir að hafa lagt Sverri Örn Björnsson (2154)

Dagur Ragnarsson (1993) er efstur í b-flokki með 3,5 vinning. Ingvar Egill Vignisson (1528) er efstur í c-flokki með 3,5 vinning.

Úrslit 4. umferðar í a-flokki:

 

Bo.	Rtg	Name	Result	Name	Rtg
1	1933	Karlsson Mikael Jóhann	0 - 1	Gunnarsson Jón Viktor	2410
2	2156	Þórhallsson Gylfi Þór	0 - 1	Ómarsson Daði	2206
3	2132	Maack Kjartan	½ - ½	Ptácníková Lenka	2264
4	2305	Jensson Einar Hjalti	1 - 0	Björnsson Sverrir Örn	2154
5	2081	Ragnarsson Jóhann Hjörtur	0 - 1	Bjarnason Sævar Jóhann	2090

Staðan:

 

Rk.		Name	Rtg	Club/City	Pts.
1	IM	Gunnarsson Jón Viktor	2410	TB	4
2	IM	Bjarnason Sævar Jóhann	2090	Vin	3,5
3	FM	Jensson Einar Hjalti	2305	Goðinn	3
4	WGM	Ptácníková Lenka	2264	Hellir	2
5		Ragnarsson Jóhann Hjörtur	2081	TG	2
6		Ómarsson Daði	2206	TR	2
7		Maack Kjartan	2132	TR	1,5
8		Björnsson Sverrir Örn	2154	Haukar	1,5
9		Þórhallsson Gylfi Þór	2156	SA	0,5
10		Karlsson Mikael Jóhann	1933	SA	0

B-flokkur:

Röð efstu manna:

• 1. Dagur Ragnarsson 3,5 v.
• 2.-3. Nökkvi Sverrisson (1999) og Oliver Aron Jóhannesson (1903) 2,5 v.

Nánar á Chess-Results

C-flokkur:

Röð efstu manna:

• 1. Ingvar Egill Vignisson (1528) 3,5 v.
• 2.-5. Gauti Páll Jónsson (1406), Dawid Kolka (1368), Sóley Lind Pálsdóttir (1406) og Hilmir Freyr Heimisson (1663) 3 v.

Sjá nánar á Chess-Results.

• Heimasíða TR
• Chess-Results
• Myndaalbúm (GB)

Sigurðar og Rúnar efstir á Haustmóti SA - Arionbankamótinu

Tómas Veigar Sigurðarson og Smári Ólafsson, sem voru efstir og jafnir eftir 3 umferðir á haustmótinu, töpuðu báðir sínum skákum, meðan félagar þeirra í 3.-5. sæti unnu allir. Því eru þeir Sigurðar báðir og Rúnar Ísleifsson nú jafnir í efsta sæti með 3 vinningar af 4.

Úrslitin í dag:

• Sigurður A - Tómas 1-0
• Smári - Rúnar          0-1
• Sigurður E - Hreinn  1-0
• Ólafur - Símon         1-0
• Einar Garðar - Jón Kr 1-0
• Sveinbjörn-Andri     1-0

sjá nánar hér

Nú verður gert hlé á mótinu um hríð og hefst 5. umferð laugardaginn 13. október hl. 13.00.

• Heimasíða mótsins
• Chess-Results

Skákþáttur Morgunblaðsins: Bestar á Norðurlöndum

Á Ólympíuskákmótunum snýst keppnin ekki aðeins um gull, silfur og brons. Það er meira undir, t.d. náðu Hollendingar sjötta sæti í opna flokknum og tryggðu sér áframhaldandi stuðning styrktaraðila. Meðal öflugustu þjóðanna er litið á verðlaunasæti sem ígildi verðlauna á Ólympíuleikum. Það reyndu Armenar er þeir sneru heim þjóðhetjur eftir að hafa unnið þriðju gullverðlaunin á fjórum Ólympíumótum.

Íslendingar voru góðu vanir á níunda og tíunda áratug síðustu aldar svo það vakti ekki neina sérstaka athygli í Bled árið 2002 þegar karlasveitin vann þar sérstök verðlaun í svonefndum B-stigaflokki.

Önnur keppni fer fram á vettvangi Ólympíumótanna: við fylgjumst alltaf grannt með frammistöðu hinna Norðurlandaþjóðanna og í kvennaflokki var íslenska sveitin best, hlaut 12 stig og varð í 53. sæti en var fyrirfram raðað í 62. sæti.

Lenka Ptacnikova hlaut 7 vinninga af 10 mögulegum en Elsa María Kristínardóttir stóð sig einnig vel, hlaut 5 vinninga af sjö mögulegum og einnig Tinna Kristín Finnbogadóttir sem hlaut 4½ v. af átta mögulegum. Þær hækka báðar umtalsvert í stigum. Hallgerður Helga og Jóhanna Björg voru nokkuð frá sínu besta. Þessi sveit er „þéttari" en sú sem tefldi á Ol í Khanty Manyisk en betur má ef duga skal. Með meiri vinnu og hærri markmiðum gætu þessar stúlkur att kappi við bestu skákkonur heims.

Í kvennaflokknum réðust úrslitin á óverulegum stigamun. Rússar og Kínverjar hlutu 19 stig en Rússar fengu gullið.

Í lokaumferðinni vann Ísland Albaníu 3:1. Jóhanna Björg Jóhannsdóttir vann mikilvægan sigur en skákir hennar eru oft æði viðburðaríkar eins og dæmin sanna:

Bruna Tuzi - Jóhanna Björg Jóhannsdóttir

Sikileyjarvörn

1. e4 c5 2. Rf3 g6 3. d4 cxd4 4. Rxd4 Rc6 5. Rc3 Bg7 6. Rb3 Rf6 7. Be2 O-O 8. O-O b6 9. f4 d6 10. Bf3 Bb7 11. Rd5 Hc8 12. c3 Rd7 13. Kh1 Rc5 14. He1 Ba8 15. Dc2 Re6 16. Dd1 Rc5 17. h3 e6 18. Re3 Re7 19. Rc2 e5 20. Rb4 a5 21. Rd5 Bxd5 22. exd5 Rf5 23. fxe5 Bxe5 24. Kg1 Dh4 25. Rxc5 bxc5 26. Bg4 Kh8 27. Bxf5 gxf5 28. He3 Hg8 29. De1 Df4 30. g3 Hxg3+?

Jóhanna var búin að byggja upp yfirburðastöðu. Í stað þess að auka pressuna með 30. ... Hce8 eða 30. ... Dh4, kaus hún hagstætt endatafl.

31. Hxg3 Dxg3 32. Dxg3 Bxg3 33. Kg2 Be5 34. Bd2 Hg8+ 35. Kf2 Hg3 36. Ke2 Hxh3?

36. ... Hg2+ vinnur. Eftir 37. Kd3 c4+! 38. Kc2 Bf4 39. Hd1 a4! getur hvítur sig hvergi hrært.

37. Hf1 Hh5?

Svartur ætti að vinna eftir 37. ... h5! 38. Hxf5 Kg7 o.s.frv.

38. b3 Kg7 39. c4 Hh2+ 40. Hf2 Hxf2+ 41. Kxf2 h5 42. Bxa5 h4 43. Kg2 f4 44. Be1!

Taflmennska svarts í endataflinu einkennist af efnishyggju sem er ekki góð leiðsögn. Ósigur og þar með jafntefli við Albani virtist ætla að verða niðurstaðan.

44. ... Bf6 45. Kh3 Bd8 46. Bxh4 f6 47. Kg4 f5 48. Kh3 Bxh4 49. Kxh4 Kf6 50. Kh3 Ke5 51. Kg2 Ke4 52. a4 Ke3

-Sjá stöðumynd-

Sú hryggilega staðreynd blasti við að léki hvítur 53. Kf1 gæti svartur gefist upp. Kannski var þreyta farin að segja til sín því að hvítur lék.... )

53. a5?? Ke2!

Skyndilega er svartur kominn með unnið tafl!

54. a6 f3 55. Kh2 f2 56. a7 f1=D 57. a8=D Df4+ 58. Kh1 Df3+ 59. Kh2 f4 60. Da2 Ke3 61. b4 Dg3+ 62. Kh1 De1+ 63. Kh2 Dxb4 64. Da1 Dxc4 65. Dg1 Kd2 66. Dg5 De2+

- og hvítur gafst upp.

Helgi Ólafsson [e-mail]

-------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 23. september 2012.

Skákþættir Morgunblaðsins

[Event "Olympiad"] [Site "?"] [Date "2012.09.09"] [Round "11"] [White "Tuzi, Bruna"] [Black "Johannsdottir, Johanna B"] [Result "0-1"] [ECO "B34"] [WhiteElo "1546"] [BlackElo "1886"] [PlyCount "132"] [EventDate "2012.??.??"] [WhiteTeam "Albania"] [BlackTeam "Iceland"] [WhiteTeamCountry "ALB"] [BlackTeamCountry "ISL"] 1. e4 c5 2. Nf3 g6 3. d4 cxd4 4. Nxd4 Nc6 5. Nc3 Bg7 6. Nb3 Nf6 7. Be2 O-O 8. O-O b6 9. f4 d6 10. Bf3 Bb7 11. Nd5 Rc8 12. c3 Nd7 13. Kh1 Nc5 14. Re1 Ba8 15. Qc2 Ne6 16. Qd1 Nc5 17. h3 e6 18. Ne3 Ne7 19. Nc2 e5 20. Nb4 a5 21. Nd5 Bxd5 22. exd5 Nf5 23. fxe5 Bxe5 24. Kg1 Qh4 25. Nxc5 bxc5 26. Bg4 Kh8 27. Bxf5 gxf5 28. Re3 Rg8 29. Qe1 Qf4 30. g3 Rxg3+ 31. Rxg3 Qxg3+ 32. Qxg3 Bxg3 33. Kg2 Be5 34. Bd2 Rg8+ 35. Kf2 Rg3 36. Ke2 Rxh3 37. Rf1 Rh5 38. b3 Kg7 39. c4 Rh2+ 40. Rf2 Rxf2+ 41. Kxf2 h5 42. Bxa5 h4 43. Kg2 f4 44. Be1 Bf6 45. Kh3 Bd8 46. Bxh4 f6 47. Kg4 f5+ 48. Kh3 Bxh4 49. Kxh4 Kf6 50. Kh3 Ke5 51. Kg2 Ke4 52. a4 Ke3 53. a5 Ke2 54. a6 f3+ 55. Kh2 f2 56. a7 f1=Q 57. a8=Q Qf4+ 58. Kh1 Qf3+ 59. Kh2 f4 60. Qa2+ Ke3 61. b4 Qg3+ 62. Kh1 Qe1+ 63. Kh2 Qxb4 64. Qa1 Qxc4 65. Qg1+ Kd2 66. Qg5 Qe2+ 0-1

Mánudagsæfingar í Vin: Allir velkomnir

Mánudagsæfingar eru farnar á fulla ferð í Vin, Hverfisgötu 47, og eru allir velkomnir að koma í þennan hlýlega og vinlega griðastað í miðborg Reykjavíkur, þar sem skáklífið blómstrar.

Róbert Lagerman skákmeistari hefur umsjón með æfingunum, sem hefjast klukkan 13 og standa til 15.

Skákfélag Vinjar býr sig nú undir Íslandsmót skákfélaga um næstu helgi, en þar teflir félagið fram sveitum í 3. og 4. deild.

 

Nansý sigraði á alþjóðlegu móti í Svíþjóð!

 

 

Nansý Davíðsdóttir vann eistneskan skákmann í lokaumferð alþjóðlegs mótsins Lilla Västerås Open.  Nansý hlaut 7,5 vinning í 8 skákum.  Glæsileg frammistaða hjá þessari ungu og efnilegu skákkonu.

Mótinu verða gerð betri skil síðar í dag.

 

• Heimasíða mótsins
• Chess-Results (aðalmótið)
• Chess-Results (minna mótið)
• Myndaalbúm (HÁ)

Caruana efstur í hálfleik á Alslemmumótinu

Sigurvegari N1 Reykjavíkurskákmótsins, Ítalinn ungi, Fabiano Caruana (2773), er efstur með með 11 stig að loknum 5 umferðum á Alslemmumótinu en fyrri hlutanum, sem fram fór í Sao Paulo í Brasilíu lauk í gærkveldi.  Öllum skákum fimmtu umferðar lauk með jafntefli.  Aronian (2816) er annar með 7 stig.

Síðari hluti mótsins fer fram í Bilbao á Spáni og hefst 8. október

Staðan efstir 3 umferðir:

• 1. Caruana (2773) 11 stig
• 2. Aronian (2816) 7 stig
• 3. Carlsen (2846) 6 stig
• 4. Anand (2780) 5 stig
• 5. -6. Vallejo (2697) og Karjakin (2778) 3 stig

• Heimasíða mótsins
• Beinar útsendingar

Tölvuteksmótið - fjórða umferð hófst kl. 14

Fjórða umferð Tölvuteksmótsins - Haustmóts TR hófst nú kl. 14.  Efsti maður mótsins, Jón Viktor Gunnarsson, sem hefur fullt hús, mætir Mikael Jóhanni Karlssyni en Sævar Bjarnason sem er annar mætir Jóhanni Hirti Ragnarssyni.

Hægt er að nálgast beinar útsendingar frá fjórðu umferð hér.

• Heimasíða TR
• Chess-Results
• Myndaalbúm (GB)

Nansý, eini þátttakandinn með fullt hús á Västerås Open í Svíþjóð

Í gær voru tefldar tvær umferðir á hinu fjölmenna skákmóti Västerås Open í Svíþjóð. Nansý Davíðsdóttir í 5-EHE Rimaskóla hefur heldur betur sýnt klærnar og unnið nokkuð átakalaust allar sínar sex skákir, nú síðast efnilega sænska skákkonu, Brandy Poltzer.

Er Nansý ein efst 80 þátttakanda í stigaflokknum undir 1600 með 6 vinninga og sú eina af 300 þátttökunum mótsins sem náð hefur að landa fullu húsi. Í dag verða tvær síðustu umferðirnar tefldar og teflir Nansý í fyrri umferðinni við sænska strákinn Daniel Roos sem hefur 5,5 vinninga. Svandís Rós er með 3,5 vinninga í stigalægri flokknum, Kristófer Jóel og Jóhann Arnar með 3 vinninga. Í opna flokknum eru þeir Þorvarður Ólafsson og Sverrir Þorgeirs báðir með 4 vinninga af 6. 

Texti og myndir frá Helga Árnasyni.

• Heimasíða mótsins
• Chess-Results (aðalmótið)
• Chess-Results (minna mótið)
• Myndaalbúm (HÁ)

Tómas og Smári efstir á Haustmóti SA - Arionbankamótinu

Tómas Veigar Sigurðarson (1897) og Smári Ólafsson (1845) eru efstir og jafnir með 2,5 vinning að lokinni 3. umferð Haustmóts Skákfélags Akureyrar - Arionbankamótinu, sem fram fór í dag.  Þeir gerðu jafntefli í innbyrðis skák.  Sigurður Eiríksson (1906), Sigurður Arnarson (1953) og Rúnar Ísleifsson (1671) eru í 3.-5. sæti með 2 vinninga. 

Úrslit 3. umferðar má nálgast hér.

Staðan:

 

Rk.	Name	Rtg	Pts.
1	Sigurdarson Tomas Veigar	1897	2,5
2	Olafsson Smari	1845	2,5
3	Eiriksson Sigurdur	1906	2
4	Arnarson Sigurdur	1953	2
5	Isleifsson Runar	1671	2
6	Kristjansson Olafur	2109	1,5
7	Hrafnsson Hreinn	1744	1,5
8	Sigurdsson Sveinbjorn	1706	1
9	Thorgeirsson Jon Kristinn	1775	1
10	Hjaltason Einar Gardar	1617	1
11	Thorhallsson Simon	1292	1
12	Bjorgvinsson Andri Freyr	1543	0

 

Fjórða umferð fer fram á morgun og hefst kl. 13.  Pörun 4. umferðar má nálgast hér.

• Heimasíða mótsins
• Chess-Results

 

Íslendingar tefla á "Västerås Open"

Tæplega 300 þátttakendur taka þátt í skákmótinu Västerås Open sem fam fer í bænum Västerås í Svíþjóð nú um helgina. teflt er í tveimur flokkum, þ.e. yfir 1600 og undir 1600 stigum. Meðal þátttakenda eru átta Íslendingar, fjórir í hvorum flokk. Í opna flokknum tefla þeir Sverrir Þorgeirsson sem nemur stærðfræði við háskólann í Uppsala, Þorvarður Ólafsson sem er þarna á kunnugum slóðum, Sverrir Þór og íslensk/sænski drengurinn Baldur Theodor Petersson sem fær tækifæri á að máta sig við þá bestu.

Í flokknum undir 1600 stigum eru fjórir ungir og efnilegir Rimaskólanemendur meðal þátttakenda. Er þetta B-sveit skólans sem náði þeim einstaka árangri á Íslandsmóti grunskóla 2012 að verða í 2. sæti næst á eftir A - sveitinni. Þetta eru þau Kristófer Jóel, Nansý, Jóhann Arnar og Svandís Rós.

Rimaskóli fékk veglegan styrk frá samstarfssjóði Svíþjóðar og Íslands til að taka þátt í mótinu og hafa krakkarnir einnig notið liðsinnis Höllu systur Palla Sig sem ásamt manni sínum Robert tók á móti krökkunum, hýsir þau og ferðast með þau til Västerås.

Eftir fyrri hluta mótsins, fjórar umferðir af átta, eru þeir Sverrir Þorgeirsson og Þorvarður Ólafsson báðir með 3 vinninga og í neðri flokknum eru Rimaskólakrakkar á góðri siglingu. Nansý Davíðsdóttir hefur unnið allar sínar skákir og er í 1. - 5. sæti mótsins. Jóhann Arnar Finnsson er með 3 vinninga og þau Kristófer Jóel Jóhannesson og Svandís Rós Ríkharðsdóttirmeð 2,5 vinninga.

Í dag laugardag eru tefldar tvær umferðir og mótinu lýkur á morgun með tveimur síðustu umferðunum. 

Texti og myndir frá Helga Árnasyni.

• Heimasíða mótsins
• Chess-Results (aðalmótið)
• Chess-Results (minna mótið)
• Myndaalbúm (HÁ)