Haustmót Taflfélags Reykjavíkur 2013 hefst 15. september

Haustmót Taflfélags Reykjavíkur 2013 hefst sunnudaginn 15. september kl.14. Mótið er eitt af aðalmótum vetrarins í reykvísku skáklífi og jafnframt meistaramót T.R. Það er áratuga gömul hefð fyrir hinu vinsæla Haustmóti og er það flokkaskipt.  Mótið er öllum opið. 

Mótið fer fram í félagsheimili Taflfélags Reykjavíkur, skákhöllinni að Faxafeni 12. Sú nýbreytni verður að teflt er tvisvar í viku.  Alls eru níu umferðir í hverjum flokki. Lokuðu flokkarnir eru skipaðir tíu keppendum hver þar sem allir tefla við alla, en í opna flokknum er teflt eftir svissnesku kerfi.

Skráning fer fram á heimasíðu Taflfélags Reykjavíkur.

Hægt er að fylgjast með skráningu hér..

Skráningu í alla lokaða flokka lýkur laugardaginn 14. september kl. 18.

Lokaumferð fer fram föstudaginn 18. október en mótinu lýkur með verðlaunaafhendingu sunnudaginn 20. október ásamt Hraðskákmóti T.R.

Núverandi skákmeistari Taflfélags Reykjavíkur er Daði Ómarsson.

Dagskrá:

1. umferð: Sunnudag 15. september kl.14.00 
2. umferð: Miðvikudag 18. september kl.19.30

3. umferð: Sunnudag 22. september kl.14.00 
4. umferð: Miðvikudag 25. september kl.19.30

5. umferð: Sunnudag 29. september kl.14.00

6. umferð: Miðvikudag 2. október kl.19.30 
7. umferð: Sunnudag 6. október kl.14.00

---Hlé vegna Islandsmóts skákfélaga---
8. umferð: Miðvikudag 16. október kl. 19.30 
9. umferð: Föstudag 18. október. kl.19.30 

Verðlaun í A-flokki: 
1. sæti kr. 100.000 
2. sæti kr. 50.000 
3. sæti kr. 25.000 
4. og 5. sæti ókeypis í Skákþing Reykjavíkur 2014

Verðlaun í B-flokki: 
1. sæti kr. 20.000
2.-3. sæti ókeypis í Skákþing Reykjavíkur 2014

Verðlaun í C-flokki: 
1. sæti kr. 15.000 
2. og 3. sæti ókeypis í Skákþing Reykjavíkur 2014

Verðlaun í opnum flokki:

1. sæti kr. 10.000 
2. og 3. sæti ókeypis í Skákþing Reykjavíkur 2014

Ef fjöldi lokaðra flokka eykst, verða verðlaun í þeim þau sömu og í C-flokki.

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Verði keppendur jafnir í efstu sætum verður peningaverðlaunum skipt en stigaútreikningur látinn ráða lokaröð keppenda.

Tímamörk:

1 klst. og 30 mín. + 30 sek. á leik. 

Þátttökugjöld:

3.500 kr. fyrir félagsmenn T.R. 16 ára og eldri (5.000 kr. fyrir aðra). 
1.500 kr. fyrir félagsmenn T.R. 15 ára og yngri (2.500 kr. fyrir aðra).

Viltu styrkja íslensku skákkrakkanna sem fara á EM ungmenna?

Átta íslenskir skákmenn munu takta þátt á EM ungmenna sem fram fer í Budva í Svartfjallalandi 27. september - 8. október nk. Ekki hafa verið jafn margir fulltrúir frá Íslandi síðan fyrir hrun.

Fulltrúar Íslands verða: U18: Mikael Jóhann Karlsson U16: Veronika Steinunn Magnúsdóttir U14: Jón Kristinn Þorgeirsson og Dawid Kolka U12: Hilmir Freyr Heimisson og Felix Steinþórsson U10: Vignir Vatnar Stefánsson U8: Óskar Víkingur Davíðsson. Fararstjórar og þjálfarar krakkanna eru Helgi Ólafsson og Hjörvar Steinn Grétarsson.

Ferðin á mótið er dýr og því leita landsliðsbörnin eftir stuðningi. Með þessari netsöfnun gefst aðilum tækifæri til að styrkja þau með annað hvort kaupum á völdum gæðavörum eða með beinum stuðningi. Börnin njóta framlagsins að jöfnu.

EM-krakkarnir munu tefla á skákhátíð á Menningarnótt þar sem þau safna áheitum til ferðarinnar.

Á næstum dögum og vikum verða keppendirnir sem fara á EM ungmenna nánar kynntir.

Netsöfnun á vegum SÍ sem rennur alfarið til EM-faranna

Hjörvar Steinn öruggur sigurvegari Hraðskákmóts Hellis

Hjörvar Steinn Grétarsson sigraði örugglega með 12,5 af 14 mögulegum á Hraðskákmóti Hellis sem fram fór mánudaginn 19. ágúst sl. Eftir að sigurinn var nánast í höfn gaf Hjörvar aðeins eftir á lokametrunum en það voru Jón Trausti sem gerði jafntefli við Hjörvar í 12 umferð og Andri sem vann Hjörvar í þeirri 13. Sá sigur dugdi Andra til að halda stöðu sinni meðal efstu manna. Jafnir í 3.-5. sæti á stigum voru Andri Grétarsson, Þorvarður  Fannar Ólafsson, Oliver Aron Jóhannesson og Pálmi Pétursson í þessari röð skv. stigum.

Þátttakan var góð á Hraðskákmóti Hellis en 35 keppendur tóku þátt. Skákstjórar voru Erla Hlín Hjálmarsdóttir, Andri Grétarsson og Vigfús Ó. Vigfússon.

 Lokastaðan:

Röð	Nafn	Vinningar	TB1	TB2	TB3
1	Gretarsson Hjorvar Steinn	12,5	118	102	103,8
2	Gretarsson Andri A	10	121	103	84
3	Olafsson Thorvardur	10	117	100	73
4	Johannesson Oliver	10	112	97	79,5
5	Petursson Palmi Ragnar	10	105	89,5	67,75
6	Loftsson Arnaldur	9,5	101	86,5	63,5
7	Ragnarsson Dagur	9	117	103	69,25
8	Kristinardottir Elsa Maria	9	113	101	66
9	Vigfusson Vigfus	9	113	95,5	64
10	Hardarson Jon Trausti	8,5	123	107	64,25
11	Johannsdottir Johanna Bjorg	8,5	111	94,5	52,25
12	Jonsson Gauti Pall	8,5	107	91	59,25
13	Omarsson Kristofer	8	96	82,5	46,5
14	Thorsteinsdottir Hallgerdur	7,5	118	103	59,25
15	Stefansson Vignir Vatnar	7,5	115	99	56,5
16	Halldorsson Kristjan	7,5	99	85	45,75
17	Valdimarsson Einar	7	111	92,5	44
18	Kolka Dawid	7	99	85	44
19	Steinthorsson Felix	7	91	79	32
20	Sigurvaldason Hjalmar	7	90	76	40,5
21	Jonatansson Sigurdur Freyr	6,5	85	72	32,25
22	Einarsson Oskar Long	6	105	90,5	30
23	Johannesson Kristofer Joel	6	104	87,5	31
24	Nikulasson Gunnar	6	94	79,5	32
25	Hrafnsson Hilmir	6	70	60	21,5
26	Ingibergsson Gunnar	5,5	91	78	22,25
27	Jonasson Hordur	5,5	86	74,5	26,75
28	Kristbergsson Bjorgvin	5,5	77	65	19,75
29	Arnaldarson Bjarki	5,5	70	57,5	20,25
30	Davidsson Oskar Vikingur	5	93	79	29,5
31	Unnsteinsson Oddur Thor	5	91	77,5	22
32	Kristjansson Halldor Atli	5	69	58	15
33	Johannesson Petur	4,5	86	74	19,25
34	Palmason Matthias Hildir	4	66	56,5	15
35	Kristofersson Sindri Snaer	3	80	66,5	8,5

Chess-Results

Heilinn og höndin á Menningarnótt

Íslandsmótið í heilinn og höndin fer fram á Menningarnótt. Mótið er nú haldið í annað sinn en var haldið í fyrsta sinn á Menningarnótt í fyrra. Fyrstu Íslandsmeistararnir eru Jón Viktor Gunnarsson og Ingi Tandri Traustason.

Heilinn og höndin er ákveðið form skákar sem hefur verið vinsælt upp á síðkastið hér á landi. Heilinn segir taflmann og höndin þarf að ákveða hvaða taflmanni skal leika og hvert. Allt samráð milli parsins er bannað. Yfirleitt er teflt með umhugsunartímanum 5:03, enda viðbótartími nauðsynlegur.

Skráning fer fram á [e-mail] og mega samanlögð FIDE-stig parsins ekki vera hærri en 4700. Tíu pör munu taka þátt og gildir það að skrá sig sem fyrst!

Íslensk stig gilda ef skákmaður hefur ekki FIDE-stig. Tefldar verða sex umferðir með tímanum 5.03 og hefst mótið um fjögur eða um leið og einvígi Jóhanns Hjartarsonar og Hjörvars Steins lýkur.

Íslenskar skákkonur eru sérstaklega boðnar velkomnar og hafa þegar nokkrar núverandi og fyrrverandi landsliðskonur boðað komu sína.

Hellismenn sigruðu í skemmtilegri glímu við Vinaskákfélagið

Æsispennandi viðureignir framundan í 8 liða úrslitum. 

Hellismenn báru sigurorð af liðsmönnum Vinaskákfélagsins í Hraðskákkeppni taflfélaga í bráðskemmtilegri viðureign sem fram fór á heimavelli Hellis á þriðjudagskvöldið. Hjörvar Steinn Grétarsson leiddi sveit Hellis, sem skartaði alls fjórum landsliðsmönnum.

Hellir byrjaði með látum og sigraði í fyrstu umferð með 4,5 vinningi gegn 1,5 en Vinaskákfélagið beit hressilega frá sér í næstu umferðum. Róbert Lagerman forseti félagsins fór fyrir sínum mönnum og sigraði í skák eftir skák. Fleiri sýndu góða takta, en Hellismenn sigu jafnt og þétt fram úr og leiddu í hálfleik með 21,5 vinningi gegn 14,5.

Seinni hálfleikur þróaðist með svipuðum hætti og þegar upp var staðið höfðu Hellismenn sigur með  43,5 vinningi gegn 28,5.

Hjörvar Steinn sýndi afhverju hann er efnilegasti skákmaður Íslands og hlaut 9 vinninga af 9 mögulegum. Kempan Bragi Halldórsson fékk 8 af 12, Gunnar Björnsson 7 af 12, Hallgerður Helga Þorsteinsdóttir 5 af 10, og þær Jóhanna Björg Jóhannsdóttir og Elsa María Kristínardóttir fengu báðar 6 vinninga af 12. Hinn ungi og vaski Felix Steinþórsson fékk 1,5 vinning af 3 og Vigfús Vigfússon formaður Hellis 1 af 2.

Róbert fór mikinn og rakaði saman 9,5 vinningi í 11 skákum, Sævar Bjarnason fékk 4 af 10, Ingi Tandri Traustason 5,5 af 11, Arnljótur Sigurðsson 4 af 8, Hrannar Jónsson 2,5 af 11, Aron Ingi Óskarsson 1,5 af 8, Hrafn Jökulsson 1 af 2 og Hörður Jónasson 0,5 af 1, en þeir Jorge Fonseca og Hjálmar Sigurvaldason komust ekki á blað að þessu sinni. 

Viðureignin var í alla staði hin skemmtilegasta og öllum til sóma. Í leikslok tók Róbert að sér að draga í 8 liða úrslit keppninnar, og ljóst að spennandi viðureignir eru framundan:

 

 

Hellir -- Goðinn-Mátar

Skákfélag Íslands -- Víkingaklúbburinn

Skákfélag Akureyrar -- Briddsfjelagið

Bolungavík -- Taflfélag Vestmannaeyja 

Myndaalbúm (HJ) 

 

Skákhátíð Skákakademíunnar á Menningarnótt

Þriðja árið í röð stendur Skákakademían fyrir Skákhátíð á Menningarnótt. Dagskráin í ár verður með svipuðu móti og í fyrra þegar hátíðin var vel sótt af keppendum og áhorfendum. Ungmennalandslið Íslands tekur nú þátt í dagskránni en liðið heldur eftir nokkrar vikur til Svartfjallalands að tefla á EM ungmenna. Skákmönnum, fyrirtækjum, gestum og gangandi gefst tækifæri á að heita á hópinn og kaupa skák af krökkunum, en þessir átta vösku krakkar munu tefla allan daginn við hvern sem þorir. Hópinn skipa Mikael Jóhann Karlsson, Veronika Steinunn Magnúsdóttir, Jón Kristinn Þorgeirsson, Dawid Kolka,  Hilmir Freyr Heimisson, Felix Steinþórsson, Vignir Vatnar Stefánsson og Óskar Víkingur Davíðsson.

Dagskrá Skákhátíðarinnar, sem fer fram á Lækjartorgi, má sjá hér að neðan. Viðburðirnir verða frekar auglýstir á næstu dögum.

12:00 Áheitamaraþon ungmennalandsliðs Íslands í skák hefst og stendur til 18:00

13:00 Þriðja Alheimsmótið í Leifturskák

14:30 Dregið í töfluröð á Íslandsmóti skákfélaga

14:45 Einvígi Jóhanns Hjartarsonar og Hjörvars Steins Grétarssonar

16:00 Íslandsmótið í heilinn og höndin

Átta krakkar halda á EM ungmenna

 

Hvorki fleiri né færri en átta keppendur halda til þátttöku á EM ungmenna sem fram fer í Svartfjallalandi 28. september - 10. október nk. Stærsti hópur sem hefur tekið þátt frá Ísland síðan fyrir hrun! Eftirtaldir skipa hópinn:

 

• U18: Mikael Jóhann Karsson
• U14: Veronika Steinunn Magnúsdóttir
• U14: Jón Kristinn Þorgeirsson
• U14: Dawid Kolka
• U12: Hilmir Freyr Heimisson
• U12: Felix Steinþórsson
• U10: Vignir Vatnar Stefánsson
• U8: Óskar Víkingur Davíðsson

Fararstjórar og þjálfarar hópsins eru Helgi Ólafsson og Hjörvar Steinn Grétarsson.

Þessi hópur hefur stundað þrotlausar æfingar í allan ágúst hjá Helga og Hjörvari. Á næstum dögum verða keppendurnir betur kynntir auk þess sem næstu verkefni hópsins verða betur kynnt!

Á myndina vantar Mikael Jóhann Karlsson.

Briddsfjelagið vann Skákfélag Reykjanesbæjar

Í gær fór fram viðureign Briddfjelagsins og Skákfélags Reykjanesbæjar í fyrstu umferð Hraðskákkeppni taflfélaga. Briddfjelagð hafði þar sigur 41,5-30,5. Gamli ólympíumeistarinn, Bergsteinn Einarsson, for mikinn fyrir briddsara og hlaut 11,5 vinning í 12 skákum. Jóhann Ingvarsson var hins vegar bestur Reyknesinga. Í kvöld fara svo fram tvær síðustu viðureignir keppninnar.

Briddsfjelagið
Elvar Guðmundsson 9.5/12
Bergsteinn Einarsson 11.5/12
Sigurður Páll Steindórsson 7/10
Stefán Freyr Guðmundsson 7/10
Sigurður Sverrisson 3.5/8
Kjartan Ingvarsson 0/9
Gísli Hrafnkelsson 3/9
Grettir 0/2
Samtals: 41.5

Reykjanes
Jóhann Ingvason 7/12
Haukur Bergmann 4.5/12
Helgi Jónatansson 5.5/12
Siguringi Sigurjónsson 3/6
Agnar Ólsen 1.5/6
Ólafur G. Ingason 3.5/12
Guðmundur Sigurjónsson 5.5/12
Samtals: 30.5

 

 

Úrslit fyrstu umferðar:

• Taflfélag Garðabæjar - Taflfélag Bolungarvíkur 20,5-51,5
• Briddsfjelagið - Skákfélag Reykjanesbæjar 41,5-30,5
• Taflfélag Vestmannaeyja - Skákfélag Selfoss og nágrennis 65-7
• Skákfélag Íslands - Taflfélag Akraness (20. ágúst kl. 19:30 í SÍ)
• Skákdeild Fjölnis - Skákfélag Akureyrar 35-37
• Taflfélagið Hellir - Skákfélag Vinjar (20. ágúst kl. 20 í Helli)
• Goðinn-Mátar - Taflfélag Reykjavíkur 52-20
• Víkingaklúbburinn er kominn áfram

Heimasíða Hellis

Myndaalbúm (HÁ)

Öruggur sigur Bolvíkinga gegn TG

Í gær fór fram viðureign Taflfélags Garðabæjar og Taflfélags Bolungarvíkur í Garðabænum. Bolungarvík leiddi 28-8 í hálfleik og munaði miklu að 4 efstu menn þeirra hreinsuðu allar skákir. Jóhann Hjartarsson líklega besti stórmeistari landsins fór þá og þá jöfnuðst viðureignirnar nokkuð. Lokastaðan var 50,5 vinningar gestana gegn 21,5 vinning okkar manna. 

Við vorum því full gestrisnir en lið gestana var gríðarsterkt. Bestum árangri gestana náði Bragi Þorfinnsson sem fékk 12 af 12 mögulegum, Jóhann Hjartarson fékk 6 af 6, og Halldór Grétar og Magnús Pálmi fengu 9 vinninga af 12. Guðni Stefán Pétursson fékk 8,5 vinning. Hjá heimamönnum var Jóhann Ragnarsson bestur með 6 vinninga. Björn Jónsson með 5, Jón Þór Bergþórss með 4 og aðrir minna.

Bolvíkingar eru því komnir áfram í 8 liða úrslit og óskum við þeim góðs gengis það sem eftir er keppni. Heimamenn eru hins vegar úr leik í ár.

Páll Sigurðsson

Í gær fór fram einnig viðureign Briddsfjelagsins og Skákfélags Reykjanesbæjar en úrslit hafa ekki borist. Í kvöld lýkur svo fyrstu umferð (16 manna úrslitum) með viðureignum Skákfélags Íslands og Skákfélaga Akraness og viðureign Taflfélagsins Hellis og Skákfélags Vinjar. Dregið verður í kvöld í 2. umferð (8 manna úrslit) sem á að vera lokið eigi síðar en 31. ágúst.

Úrslit fyrstu umferðar:

• Taflfélag Garðabæjar - Taflfélag Bolungarvíkur 20,5-51,5
• Briddsfjelagið - Skákfélag Reykjanesbæjar (fór fram 19. ágúst)
• Taflfélag Vestmannaeyja - Skákfélag Selfoss og nágrennis 65-7
• Skákfélag Íslands - Taflfélag Akraness (20. ágúst kl. 19:30 í SÍ)
• Skákdeild Fjölnis - Skákfélag Akureyrar 35-37
• Taflfélagið Hellir - Skákfélag Vinjar (20. ágúst kl. 20 í Helli)
• Goðinn-Mátar - Taflfélag Reykjavíkur 52-20
• Víkingaklúbburinn er kominn áfram

Heimasíða Hellis

Myndaalbúm (HÁ)

Og þá eru eftir 16 - Wei Yi, Aronian, Giri og Grischuk fallnir út

Það kom að 14 ára undradrengurinn Wei Yi yrði slegin úr leik á Heimsbikarmótsins.Til þess þurfti sjöunda sterkasta skákmann heim Aserann Mamedyarov. Stigahæsti keppandi mótsins Arionan féll út leik gegn Tomashevsky, Grischuk gegn Vítetnamum Quing Liem Le. "Gamli maðurinn" Granda Zuninga sló svo út ungstirnið Anish Giri. Caruna mátti teljast afar heppinn að hafa komist áfram Malakhov.

Fjórða umferð (16 manna úrslit) hefjas tí dag. Þá mætast:

• Tomashevsky - Morozevich,
• Kamsky - Mamedyarov,
• Le Quang Liem - Svidler,
• Karjakin -Andreikin,
• Caruana -Granda Zuniga,
• Gelfand -Vachier-Lagrave,
• Kramnik - Ivanchuk
• Nakamura - Korobov.  

Úrslit og pörun má nálgast á aðgengilegan hátt á Chessvibes.

 

• Heimasíða mótsins 
• Beinar útsendingar (hefjast kl. 13)