Róbert Lagerman sigurvegari jólaskákmóts Vinaskákfélagsins

Jólaskákmót Vinaskákfélagsins var haldið mánudaginn 4. desember  í Vin að Hverfisgötu 47. Tefldar voru 6 umferðir með 7 mínútur á skák. Skákstjóri var Hörður Jónasson. 12 keppendur tók þátt í skákinni og þar af var ein kona Sigríður Ólafsdóttir. Hún lék enda fyrsta leikinn á skák þeirra Róbert Lagerman og Pétur Jóhannesson. Sigríður lék fyrsta leikinn fyrir Pétur. Mótið tókst vel og var glatt á hjalla.

Róbert Lagerman sigraði mótið með fullu húsi eða 6 vinninga af 6 mögulegum. Annar var Patrick Karcher nýr meðlimur Vinaskákfélagsins með 5 vinninga. Hann tapaði aðeins skákinni á móti Róbert og vann aðra. Þriðji var Sæbjörn Guðfinnsson með 3½ vinning en hann vann á stigum við skákstjórann Hörð Jónasson sem var einnig með 3½ vinning.

Eftir skákmótið gæddu keppendur sér á dýrindis vöfflum með sultu og rjóma og kaffi. Var gerður góður rómur af vöfflunum enda klikkar það ekki hér í Vin.

Sjá úrslit hér: Jólamót Vinaskákfélagsins.

Nánar á heimasíðu Vinaskákfélagsins.

Kópavogsmeistaramót 2017: Þrír skólar hömpuðu sigri!

Fimmtudagana 23. og 30.nóvember fór fram liðakeppni skólanna í Kópavogi. Sigurvegarar urðu eftirfarandi:

1.-2.bekkur: Hörðuvallaskóli

3.-4.bekkur: Vatnsendaskóli

5.-7.bekkur: Álfhólsskóli

8.-10.bekkur: Hörðuvallaskóli

Alls tóku 55 fjögurra manna lið þátt og með varamönnum hafa í kringum 240 skólakrakkar í Kópavogi teflt í ár, sem er c.a. 5% af heildarfjöldanum. 

Heildarúrslit: 

1.-2.bekkur:

1. Hörðuvallaskóli a-sveit 17 vinninga
2. Álfhólsskóli b-sveit  12 vinninga
3. Smáraskóli a-sveit 12 vinninga 

Borðaverðlaun:

1.borð: Gúðrún Fanney Briem Hörðuvallaskóla

2.borð: Gústav Hörðuvallaskóla og Gunnar Smáraskóla

3.borð: Hekla Álfhólsskóla og Einar Hörðuvallaskóla

4.borð: Kiril Hörðuvallaskóla og Agnes Salaskóla

 

Chess-Results: http://www.chess-results.com/tnr317455.aspx?lan=1&art=63&wi=821 

 

3.-4.bekkur:

1. Vatnsendaskóli a-sveit 17 vinninga
2. Vatnsendaskóli b-sveit 17 vinninga
3. Hörðuvallaskóli a-sveit 15 vinninga

 

Borðaverðlaun:

1.borð: Árni Geirsson Smáraskóla og Andri Hrannar Hörðuvallaskóla

2.borð: Mikael Bjarki Vatnsendaskóla

3.borð: Gunnar Þór Salaskóla

4.borð: Álfgeir og Jóhann Vatnsendaskóla

 

Chess Results: http://www.chess-results.com/tnr315854.aspx?lan=1&art=63&wi=821

 

 

 

5.-7.bekkur:

1. Álfhólsskóli a-sveit 23,5 vinninga
2. Salaskóli b-sveit 15 vinninga
3. Salaskóli a-sveit 15 vinninga

 

Borðaverðlaun:

1.borð: Óttar Örn Bergmann Sigfússon Snælandsskóla

2.borð: Ísak Orri Karlsson

3.borð: Alexander Már Bjarnþórsson

4.borð: Rayan Sharifa

 

Chess-Results: http://www.chess-results.com/tnr315851.aspx?lan=1&art=63&wi=821

 

 

8.-10.bekkur:

1. Hörðuvallaskóli a-sveit 18 vinninga
2. Salaskóli a-sveit 15 vinninga
3. Álfhólsskóli a-sveit 11 vinninga

 

Borðaverðlaun:

1.borð: Vignir Vatnar Stefánsson Hörðuvallaskóla

2.borð: Halldór Atli Kristjánsson Álfhólsskóla

3.borð: Sverrir Hákonarson Hörðuvallaskóla

4.borð: Arnar Milutin Heiðarsson Hörðuvallaskóla

 

Chess-Results: http://www.chess-results.com/tnr317454.aspx?lan=1&art=0&wi=821

 

Skákkennarar í Kópavogi: Lenka Ptachnikova Álfhólsskóla og Snælandsskóla, Björn Karlsson Smáraskóla, Sigurlaug Friðþjófsdóttir Salaskóla, Gunnar Finnsson Hörðuvallaskóla og Einar Ólafsson Vatnsendaskóla.

Skákdeild Breiðabliks sá um framkvæmd mótsins og skákstjóri var Kristófer Gautason og hafði hann sér til aðstoðar Halldór Grétar Einarsson við framkvæmdina. 

Hraðkvöld Hugins í kvöld

Hraðkvöld Hugins verður mánudaginn 4. desember nk.  og hefst taflið kl. 20:00. Tefldar verða 7-10 umferðir með umhugsunartímanum 4 mínútur + 3 sekúndur eða 5 mínútur + 3 sekúndur á hvern leik. Teflt er í félagsheimili Hugins í Álfabakka 14a í Mjóddinni.

Hraðkvöldið verður reiknað til hraðskákstiga.   Sigurvegarinn á hraðkvöldinu fær í verðlaun máltíð fyrir einn á Saffran. Einnig verður dreginn út af handahófi annar keppandi sem einnig fær sama val. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).

Jólaskákmót Vinaskákfélagsins fer fram í dag

Jólaskákmót Vinaskákfélagsins verður haldið mánudaginn 4. desember kl: 13, í Vin að Hverfisgötu 47. Tefldar verða 6 umferðir með 7 mínútur á skák. Skákstjóri verður Hörður Jónasson. Mótið verður reiknað til hraðskákstiga. 

Í hléi verður boðið upp á hið landfræga kaffi og meðlæti. Góð verðlaun verða í boði. 

Þið getið skráð ykkur á mótið á gula kassanum efst á síðunni á skak.is. Einnig getið þið skráð ykkur á staðnum.

Allir velkomnir!!

 

Ný alþjóðleg atskákstig

Ný alþjóðleg atskákstig eru komin út. Jóhann Hjartarson (2536) er stigahæstur íslenskra skákmanna. Í næstu sætum eru Helgi Ólafsson (2524) og Þröstur Þórhallsson (2519). Finnur Kr. Finnsson (1684) er stigahæstur nýliða og Benedikt Briem (+63) hækkar mest frá nóvember-listanum.

Topp 20

No.	Name	Tit	DEC17	Diff	Gms
1	Hjartarson, Johann	GM	2536	0	0
2	Olafsson, Helgi	GM	2524	0	0
3	Thorhallsson, Throstur	GM	2519	0	0
4	Gretarsson, Helgi Ass	GM	2475	0	0
5	Thorfinnsson, Bjorn	IM	2445	0	0
6	Kjartansson, Gudmundur	IM	2427	0	0
7	Arnason, Jon L	GM	2421	0	0
8	Thorfinnsson, Bragi	IM	2410	0	0
9	Gunnarsson, Jon Viktor	IM	2399	0	0
10	Johannesson, Ingvar Thor	FM	2383	0	0
11	Kjartansson, David	FM	2335	0	0
12	Karlsson, Bjorn-Ivar	FM	2312	0	0
13	Thorgeirsson, Sverrir	FM	2306	0	0
14	Ulfarsson, Magnus Orn	FM	2297	0	0
15	Lagerman, Robert	FM	2295	0	0
16	Gretarsson, Andri A	FM	2275	0	0
17	Omarsson, Dadi		2239	0	0
18	Halldorsson, Halldor	CM	2238	0	0
19	Ptacnikova, Lenka	WGM	2225	0	0
20	Sigfusson, Sigurdur	FM	2215	0	0

Nýliðar

No.	Name	Tit	DEC17	Diff	Gms
1	Finnsson, Finnur		1684	1684	9
2	Hardarson, Petur Palmi		1679	1679	9
3	Thorvaldsson, Birgir		1637	1637	10
4	Magnusson, Hlynur Thor		1553	1553	6
5	Astradsson, Jonas S		1481	1481	10
6	Petersen, Einar Tryggvi		1052	1052	8

 

Mestu hækkanir

No.	Name	Tit	DEC17	Diff	Gms
1	Briem, Benedikt		1268	63	4
2	Bjorgvinsson, Andri Freyr		1809	62	7
3	Briem, Stephan		1581	40	4
4	Moller, Tomas		1134	34	5
5	Jonatansson, Sigurdur Freyr		1691	31	7
6	Haraldsson, Haraldur		1952	30	6
7	Mai, Aron Thor		1577	30	6
8	Sigfusson, Ottar Orn Bergmann		1028	27	9
9	Sigurvaldason, Hjalmar		1538	23	6
10	Thorgeirsson, Jon Kristinn	FM	2078	20	5

Reiknuð atskákmót

• Barna- og unglingameistaramót TR
• Atkvöld Hugins (4.-6. umferð)
• Unglingameistaramót Hugins
• Atskákmót Reykjavíkur og Hugins
• Atskákmót Akureyrar
• Íslandsmót eldri skákmanna 65+

 

Friðriksmót Landsbankans - Íslandsmótið í hraðskák fer fram 16. desember

Friðriksmót Landsbankans - Íslandsmótið í hraðskák - fer fram í útibúi Landsbankans við Austurstræti 11 laugardaginn 16. desember nk. Mótið hefst kl. 13 og stendur til kl. 16:30-17:00. 

Gera má ráð fyrir að flestir sterkustu skákmenn landsins taki þátt og efsti keppandi mótsins fær titilinn Íslandsmeistari í hraðskák. Tímamörkin eru 3+2 og tefldar eru þrettán umferðir. 

Skráning fer fram á Skák.is (guli kassinn efst) og hefst í fyrramálið kl. 10:00. Skákmenn eru hvattir til að skrá sig sem fyrst enda takmarkast þátttaka við. 100 manns. Gildir þar lögmálið, fyrstir koma, fyrstir fá, en þó njóta stórmeistarar og alþjóðlegir meistarar forgangs varðandi þátttöku. 

Þetta er fjórtánda árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki. 

Verðlaun fyrir efstu sæti eru eftirfarandi: 

1. 100.000 kr.
2.  60.000 kr.
3.  50.000 kr.
4.  30.000 kr.
5.  20.000 kr. 

Séu tveir eða fleiri jafnir í efsta sætinu verður stigaútreikningur látinn ráða Íslandsmeistaratitlinum. Verðlaunafé skiptist eftir Hort-kerfinu. 

Aukaverðlaun 

• Efsti maður með 2001-2200 skákstig 10.000 kr.
• Efsti maður með 2000 stig og minna: 10.000 kr.
• Efsta konan: 10.000 kr.
• Efsti strákur 16 ára og yngri (2001 eða síðar): 10.000 kr.
• Efsta stúlka 16 ára og yngri (2001 eða síðar): 10.000 kr.
• Efsti eldri skákmaður (1957 eða fyrr): 10.000 kr.
• Útdreginn heppinn keppandi: 10.000 kr.

Aukaverðlaun eru miðað við alþjóðleg hraðskákstig 1. desember sl.(alþjóðleg og íslensk skákstig til vara hafi menn ekki alþjóðleg hraðskákstig). Stigaútreikningur ræður séu menn jafnir og efstir. 

Hver keppandi getur aðeins unnin ein aukaverðlaun og eru aukaverðlaunin valin í þeirri röð sem fram kemur að ofan.

Mótið er reiknað til alþjóðlegra hraðskákstiga.

Fyrri sigurvegarar 

• 2016 - Jóhann Hjartarson
• 2015 - Þröstur Þórhallsson
• 2014 - Héðinn Steingrímsson
• 2013 - Helgi Ólafsson
• 2012 - Bragi Þorfinnsson, Hjörvar Steinn Grétarsson og Jón Viktor Gunnarsson
• 2011 - Henrik Danielsen
• 2010 - Jón Viktor Gunnarsson og Þröstur Þórhallsson
• 2009 - Héðinn Steingrímsson
• 2008 - Helgi Ólafsson
• 2007 - Héðinn Steingrímsson
• 2006 - Helgi Áss Grétarsson
• 2005 - Jón Viktor Gunnarsson og Arnar E. Gunnarsson
• 2004 - Jóhann Hjartarson og Stefán Kristjánsson

Skákþáttur Morgunblaðsins: Glæsilegt mótshald Færeyinga í Rúnavík

Landskeppni Íslendinga og Færeyinga á sér meira en 40 ára sögu og ef ég man rétt hófst hún í sal skákfélags Hreyfils um miðjan áttunda áratuginn og Friðrik Ólafsson tefldi á 1. borði fyrir Íslands hönd. Sú hefð skapaðist fljótlega í sambandi við þessa keppni, sem haldin hefur verið með reglulegu millibili, að sveit Íslands hefur að uppistöðu til verið skipuð bestu skákmönnum Akureyringa og keppni þjóðanna ýmist farið fram norðan heiða eða í Færeyjum. Í ár var komið að Færeyingum að halda keppnina og hún var undanfari alþjóðlegs móts sem nú stendur yfir í Rúnavík. Tefld var tvöföld umferð en íslenska liðið sem vann 13½:8½ var skipað Einari Hjalta Jenssyni, Jóni Kristni Þorgeirssyni, Þresti Árnasyni, Áskatli Erni Kárasyni, Sigurði Daða Sigfússyni, Kristjáni Eðvarðssyni, Baldri Kristinssyni, Braga Halldórssyni, Haraldi Haraldssyni, Sigurði Eiríkssyni og Símoni Þórhallssyni. Þegar landskeppninni lauk hófst svo alþjóðlega mótið í Rúnavík skipað 59 keppendum, þar af ellefu Íslendingum. Guðmundur Kjartansson vann mótið í fyrra og eins og sakir standa er hann ½ vinningi á eftir efsta manni en í 5. umferð vann hann Hvít-Rússann Vadim Malakhatko. Á ýmsu gekk í þessari umferð; Einar Hjalti Jensson tapaði í aðeins 13 leikjum fyrir indverska undrabarninu Nihal Sarin og grátlegt var að fylgjast með Áskeli Erni missa vinningsstöðu niður í tap gegn rússneska stórmeistaranum Mikhael Ulibyn. Indverjinn Narayanan er einn efstur með 4½ vinning. 

Hið vinsæla byrjunarkerfi kennt við London 

Að tapa í innan við 20 leikjum er fremur sjaldgæft og þegar það hendir er það venjulega vegna yfirsjónar í byrjun tafls. Árið 1997 tapaði Kasparov lokaskák sinni í einvígi sínu við ofurtölvuna Deeper blue í aðeins 19 leikjum. Anatolí Karpov tapaði í 19 leikjum fyrir Kortsnoj í lokaeinvígi áskorendakeppninnar árið 1974 og á skákmótinu í Wijk aan Zee árið 1993 tapaði hann í aðeins 12 leikjum fyrir Larry Christiansen. Hann vann samt mótið og raunar einvígið líka. Jan Timman gekk eitt sinn svo illa á skákmóti í heimalandi sínu að spámenn ýmsir stofnuðu til veðmála um það hvort hann entist í 30 leiki í næstu skákum. Wisvanathan Anand sá þann kostinn vænstan að gefa skák sína gegn Kólumbíumanninum Zapata eftir aðeins sex leiki á skákmótinu í Biel árið 1988.

Gegn Einari Hjalta beitti Sarin byrjunakerfi sem kennt er við London. Fyrir tilverknað Magnúsar Carlsen og fleiri góðra manna hefur vegur þess aukist. Það er ekki gott að segja hvað ruglaði Einar Hjalta í ríminu í þessari skák en hann þykir frekar sterkur í byrjunum:

Rúnavík 2017; 5. umferð:

Nihal Sarin – Einar Hjalti Jensson

1. d4 Rf6 2. Bf4

Upphafsleikur byrjanakerfisins. Síðar stillir hvítur oft peðum sínum upp á c3 og e3.

2.... d5 3. e3 e6 4. Rd2 Be7 5. c3 c5 6. Bd3 0-0 7. Rgf3 b6 8. Re5 Bb7 9. Df3 Rbd7 10. Hd1 Hc8 11. Dh3 He8 12. Rdf3 g6?

Þetta er slæmur leikur en sannleikurinn er sá að það er ekki nokkur leið að finna haldgóða vörn svo skýringanna á óförunum verður að leita í uppstillingu liðsaflans á drottningarvæng.

13. Rxf7! (Sjá stöðumynd)

– og svartur gafst upp, 13.... Kxf7 er svarað með 14. Rg5+ og að lokum fellur svarta drottningin.

Helgi Ólafsson [e-mail]

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 25. nóvember 2017

Skákþættir Morgunblaðsins

Ný alþjóðleg hraðskákstig

Ný alþjóðleg hraðskákig komu út í gær. Langstigahæsti hraðskákmaður landsins er Hjörvar Steinn Grétarsson (2737). Hjörvar er reyndar meðal stigahæstu hraðskákmanna heims. Í næstu sætum eru Jóhann Hjartarson (2574) og Helgi Áss Grétarsson (2548).

Topp 20

No	Name	Tit	DEC17	DIFF	Gms
1	Gretarsson, Hjorvar Steinn	GM	2737	0	0
2	Hjartarson, Johann	GM	2574	0	0
3	Gretarsson, Helgi Ass	GM	2548	66	14
4	Stefansson, Hannes	GM	2516	0	0
5	Gunnarsson, Jon Viktor	IM	2495	-46	14
6	Gunnarsson, Arnar	IM	2456	-78	22
7	Thorhallsson, Throstur	GM	2435	-21	10
8	Kjartansson, Gudmundur	IM	2419	-62	14
9	Thorfinnsson, Bjorn	IM	2411	-30	23
10	Bjornsson, Sigurbjorn	FM	2387	11	14
11	Johannesson, Ingvar Thor	FM	2378	18	12
12	Petursson, Margeir	GM	2373	7	14
13	Arnason, Jon L	GM	2363	0	0
14	Thorgeirsson, Sverrir	FM	2362	0	0
15	Olafsson, Helgi	GM	2354	-9	12
16	Jensson, Einar Hjalti	IM	2352	0	0
17	Gislason, Gudmundur	FM	2332	41	14
18	Lagerman, Robert	FM	2311	99	18
19	Karlsson, Bjorn-Ivar	FM	2304	-2	14
20	Jonasson, Benedikt	FM	2301	0	0

Nýliðar

Ellefu nýliðar eru á listanum. Langstigahæstur þeirra er Jón Árni Halldórsson (2104). Í næstum sætum eru Patrekur Maron Magnússon (2059) og Kjartan Guðmundsson (1960).

No	Name	Tit	DEC17	DIFF	Gms
1	Halldorsson, Jon Arni		2104	2104	14
2	Magnusson, Patrekur Maron		2059	2059	12
3	Gudmundsson, Kjartan		1960	1960	13
4	Vieru, Mirel		1585	1585	8
5	Orrason, Alex Cambray		1527	1527	10
6	Klimek, Michal		1444	1444	7
7	Smarason, Kristjan Ingi		1444	1444	7
8	Wypior, Piotr		1444	1444	7
9	Oskarsson, Arnar Freyr		1386	1386	7
10	Thorhallsson, Vilhjalmur		1373	1373	5
11	Coroiu, Ioan		1329	1329	8

 

Mestu hækkanir

Arnar Heiðarsson hækkar mest frá nóvember-listanum eða um 127 skákstig. Í næstum sætum eru Róbert Lagerman (99) og Jóhann Arnar Finnsson (66).

No	Name	Tit	DEC17	DIFF	Gms
1	Heidarsson, Arnar		1263	127	20
2	Lagerman, Robert	FM	2311	99	18
3	Finnsson, Johann Arnar		1572	89	14
4	Gretarsson, Helgi Ass	GM	2548	66	14
5	Traustason, Ingi Tandri		1905	64	18
6	Fridgeirsson, Dagur Andri		1888	60	14
7	Hakonarson, Sverrir		1398	60	12
8	Karlsson, Mikael Johann		2181	54	14
9	Heimisson, Hilmir Freyr	CM	2004	54	21
10	Lee, Gudmundur Kristinn		1896	52	12
11	Mai, Alexander Oliver		1830	52	12

 

Reiknuð hraðskákmót

• Hraðskákkeppni taflfélaga
• Hraðkvöld Hugins (2 mót)
• Hraðskákmót Garðabæjar
• Atkvöld Hugins (umf 1-3)
• Hlemmur Square #3
• 10 míntúna mót Hugins N

 

Á næstu dögum förum við yfir atskákstig landans.

Vigfús sigraði á hraðkvöldi Hugsins

Vigfús Ó. Vigfússon sigraði örugglegga á hraðkvöldi Hugins sem fram fór 27. nóvember sl. Vigfús lagði alla andstæðinga sína að velli og fékk 6 vinninga í jafn mörgum skákum . Annar varð Pétur Pálmi Harðarson með 4 vinninga og þriðji Magnús Magnússon með 3 vinninga.

Tölvan leitaði ekki langt yfir skammt í happdrættinu og upp kom talan tveir þannig að Pétur Pálmi var dreginn. Aðeins eru eftir miðar frá Saffran, þannig að ekki var hægt að velja eins og oftast í vetur og vigfús og Pétur fengu sitt hvorn miðann fyrir máltíð á Saffran.

Lokastaðan á hraðkvöldinu:

1. Vigfús Ó. Vigfússon, 6v/6
2. Pétur Pálmi Harðarson, 4v
3. Magnús Magnússon, 3v
4. Sigurður Freyr Jónatansson, 2,5v
5. Hörður Garðarsson, 2,5v
6. Björgvin Kristbergsson, 2v
7. Pétur Jóhannesson, 1v

London Chess Classic mótið hófst í gær

London Chess Classic hófst í gær. Umferð gærdagsins var tefld í höfuðstövðum Google á Pancras-torgi. Tíu skákmenn taka þátt í mótinu og margir sterkustu skákmenn heims. Garry Kasparov mætti á svæðið og tók þátt í upphafi skákar Carlsen og Caruana. Skákinni lauk með jafntefli - sem og öllum hinum fjórum skákum umferðarinnar.

Úrslit dagsins

 

Frídagur er í dag en mótinu verður framhaldið á morgun. 

Nánar má lesa umferð gærdagsins á Chess.com. 

Mynd: Maria Emelianova/Chess.com.

• Heimasíða mótsins
• Beinar útsendingar (Chess24)