Jólaskákæfing TR fer fram í dag

Hin árlega Jólaskákæfing verður haldin laugardaginn 9.desember kl.13-16. Æfingin markar lok haustannarinnar og er því jafnframt uppskeruhátíð barnanna sem lagt hafa hart að sér við taflborðin undanfarnar vikur og mánuði. Veitt verða verðlaun fyrir ástundun á haustönn í byrjendaflokki, stúlknaflokki, framhaldsflokki og á opnu laugardagsæfingunni. Öll börn og unglingar úr öllum skákhópum TR eru velkomin á þessa sameiginlegu jólaskákæfingu.

Æfingin er einskonar fjölskylduskákmót þar sem tveir einstaklingar mynda eitt lið og mega foreldrar, ömmur og afar, frændur og frænkur og bræður og systur gjarnan tefla með börnunum. Einnig mega vinir og vinkonur tefla saman. Við hvetjum jafnframt öll skákbörn sem hafa engan í sínu nærumhverfi til að tefla með sér til þess að koma líka og tefla með okkur. Við munum búa til lið á staðnum fyrir öll stök skákbörn. Í hverju liði má aðeins annar liðsmaðurinn vera með yfir 1600 skákstig. Boðið verður upp á léttar veitingar auk þess sem dregnir verða út happdrættisvinningar.

Skákþjálfarar TR hlakka mikið til að hitta öll börnin í jólaskapi á laugardaginn! 

Skráning fer fram hér: Skráningarform

Allt um jólaskákæfinguna í fyrra: Jólaskákæfing 2016

Nánar á heimasíðu TR.

Bylting í skákreiknum?

Nýtt forrit hefur heldur betur stolið senunni síðustu daga í skákheimum. Tölvuforritið AlphaZero yfirspilaði skákreikninn góða, Stockfish, sem af mörgum verið talinn sá öflugasti í heimi í einvígi 64-36. Forritið vann 28 skákir af þessum 100. 25 með hvítu og 3 með svörtu. Stockfish vann enga skák. Það sem gerir afrek AlphaZero enn magnaðra er að það byrjaði út frá engu öðru en skákreglunum og náði þessum styrkleika með því einu að tefla við sjálft sig í nokkrar klukkustundir!

Það er einnig mjög athyglisvert, að Stockfish reiknar út 80 milljón stöður á sekúndu, AlphaZero einungis 70 þúsund stöður. Tímanum er því mun betur varið hjá AlphaZero heldur en hefðbundnum skákreiknum, en einn veikleiki þeirra er sá að þau nota megnið af tímanum í að skoða einskis verða leiki.

AlphaZero, sem byggir á gervigreind, teflir miklu mannlegar heldur en hin hefðbundnu skákforrit. Það er t.d. viljugra til að fórna liði byggt á stöðumati en ekki útreikningum. Tauganetsútfærsla AlphaZero er gjörólík hefðbundinni útfærslu skákreikna, en segja má að höfundar þeirra hafi verið að fínpússa sömu grundvallaraðferðina í 60 ár.

Ingvar Þór Jóhannesson, hefur skoðað skákirnar mjög vel og hefur skýrt fimm þeirra á heimasvæði sínu á Youtube. Þær skákir má nálgast hér.  

Margir skákmenn hafa skoðað skákirnar og eru dolfallnir fyrir getu þessa nýa skákreiknis. Danski stórmeistarinn, Peter Heine Nielsen, og aðstoðarmaður Magnúsar Carlsen lætur hafa eftir sér  í viðtali á Chess.com.

After reading the paper but especially seeing the games I thought, well, I always wondered how it would be if a superior species landed on earth and showed us how they play chess. I feel now I know.

Enn sem komið er hafa bara 10 skákir í einvíginu verið sýndar. Skákáhugamenn bíða spenntir eftir hinum 90 og mikil spenna ríkir um hvernig byrjanaval forritsins þróaðist. 

Það hefur þó vakið athygli að forritið virðist beita Berlínarvörninni með svörtu í a.m.k. einni skák. Það tók mannkynnið býsna langan tíma að átta sig á kostum þessa afbrigðis, en það sló í gegn eftir að Kramnik beitti því ítrekað með afar góðum árangri gegn Kasparov í heimsmeistaraeinvígi árið 2000. AlphaZero þurfti aðeins styttri tíma!

Fyrst minnst er á Kasparov, má geta þess að viðureign AlphaZero við Deep Blue, sem sigraði Kasparov í einvígi 1997, yrði eins og leikur kattarins að músinni. Deep Blue ætti ekki nokkra möguleika gegn AlphaZero.

Dótturfyrirtæki Google, DeepMind, stendur á bakvið þetta framtak. Á bakvið DeepMind er m.a. Demis Hassabis, (sjá hér til hliðar ásamt Kasparov) fyrrum undrabarn í skák. Skýrslu fyrirtækisins um verkefnið, sem er í raun og veru það eina, sem hefur komið frá þeim, má finna hér.

Skákheimur er dolfallinn og bíður spenntur eftir næstu gögnum frá AlpaZero-fólki.

Daði Örn Jónsson, einn mesti sérfræðingur í skákreiknum í heiminum sagði í viðtali við Skák.is: 

AlphaZero er bylting og einhver stærstu tíðindi undanfarinna áratuga á sviði tölvuskákar.

Ítarlega greiningu á AlphaZero má finna í grein á Chessbase. 

Gervigreindin á bakvið þetta forrit getur auðvitað nýst á öðrum sviðum en skák svo hér gæti verið á ferðinni gríðarlega bylting á notkun gervigreindar. Sigurður Már Jónsson fjallar ítarlega um AlphaZero í pistli á vefsíðu Morgunblaðsins.

Nánar má lesa um þetta á Chess.com.  Skákirnar 10 má finna hér.

Pálmi Skagafjarðarmeistari í skák

Pálmi Sighvatsson sigraði á Skákþingi Skagafjarðar, sem lauk í fyrrakvöld. Hann hlaut 5 vinninga af 5 mögulegum og hafði tryggt sér sigur fyrir síðustu umferð. Jón Arnljótsson varð í öðru sæti með 3½ vinning, Hörður Ingimarsson í þriðja, með 2½ og 3,75 stig, en Baldvin Kristjánsson varð fjórði, einnig með 2½ vinning, en 2,75 stig. Guðmundur Gunnarsson varð fimmti og Einar Örn Hreinsson sjötti.

Nánar á Chess-Results.

Næsta miðvikudagskvöld, 13. desember, er fyrirhugað hraðskákmót, þar sem umhugsunartíminn er 5 mín. Umferðafjöldi ræðst af fjölda þátttakenda, en stefnt á 10-14 umferðir.

Heimasíða Skákfélags Sauðárkróks.

Íslandsmót unglingasveita fer fram á sunnudaginn

Íslandsmót Unglingasveita 2017 verður haldið þann 10. desember næstkomandi í Garðalundi í Garðabæ. (Garðaskóli)

Mótið hefst kl. 13 og stendur líklega fram til 17. Umhugsunartími eru 10 mínútur + 5 sek á mann.

Mótið er liðakeppni taflfélaga og eru 4 í hverju liði auk varamanna.

Reglugerð mótsins má finna á vefnum skaksamband.is http://www.skaksamband.is/?c=webpage&id=249

Þátttökurétt hafa öll taflfélög sem og/eða íþrótta/héraðssambönd svo framarlega að ekki er taflfélag á sama svæði.

Skráning fer fram í tölvupósti til félagsins [e-mail]

Benda ber sérstaklega á

• að sameinuð lið geta ekki orðið Íslandsmeistarar
• hverju liði skal fylgja liðsstjóri sem sér um liðið og að fylla út öll úrslit í mótinu. Hver liðsstjóri skal ekki stýra meira en 2 liðum
• Þátttökugjöld eru 4000 kr. á hvert lið. (2000 fyrir aukalið.)
• Mótið verður reiknað til alþjóðlegra atskákstiga. Fæðingardagar þeirra keppenda sem eru ekki á skákstigalista þurfa fylgja með skráningu.

Íslandsmeistarar 2016 voru Taflfélag Reykjavíkur.

Jólamót Víkingaklúbbsins 2017

Jólamót Víkingaklúbbsins fyrir börn og unglinga verður haldið í Víkinni Víkingsheimilinu miðvikudaginn 13. desember. Tefldar verða 5 umferðir með 7 mínútna umhugsunartíma á mann. Mótið hefst mótið kl. 17.15. Allir krakkar/unglingar á grunnskólaaldri eru velkomnir og þátttaka er ókeypis. Veitt verða verðlaun fyrir 3. efstu sætin, auk þess sem þrjár efstu stúlkur fá verðlaun. Einnig eru verðlaun fyrir þrjá efstu félagsmenn í stúlku og drengjaflokki, auk þess sem efsti einstaklingur í hverjum árgangi fær medalíu. 

Barna og unglingaæfingar voru vikulega í vetur, en næsta æfing eftir jólafríð verður miðvikudaginn 11. janúar og verða æfingar vikulega fram á vor. 

Skráning á mótið fer m.a fram á netfangið: vikingaklubburinn(hjá)gmail.com og á skak.is (guli kassinn). Upplýsingar um þegar skráða keppendur má finna hér.

Nánari upplýsingar veitir Gunnar (gsm:  8629744).

• Úrslit mótsins 2016 hér:
• Úrslit mótsins 2015 hér:
• Úrslit 2014 hér: 
• Úrslit 2013 hér: 
• Úrslit 2012 hér:

Bara Caruana sem vinnur í London

Fjórum af fimm skákum London Chess Classic lauk með jafntefli i gær. Aðra umferðina í röð var Caruana (2799) eini sigurvegari gærdagsins en hann fyrrum heimmeistara, Vishy Anand (2782). Þar með lækkaði jafnteflishlutfall mótsins niður í 92% úr 95% en 23 skákum af 25 hefur lokið með jafntefli. Carlsen (2837) gerði jafntefli við Wesley So (2788). Frídagur er í dag.  

Carurana er nú kominn í annað sætið á lifandi heimslistanum (live rating)

Sjötta umferð fer fram á morgun. Þá teflir Caruana við MVL (2789) og Carlsen við Nakamura (2781).

Nánar má lesa umferð gærdagsins á Chess.com. 

Mynd: Maria Emelianova/Chess.com.

• Heimasíða mótsins
• Beinar útsendingar (Chess24)

Jólaskákæfing TR næsta laugardag kl.13

Hin árlega Jólaskákæfing verður haldin laugardaginn 9.desember kl.13-16. Æfingin markar lok haustannarinnar og er því jafnframt uppskeruhátíð barnanna sem lagt hafa hart að sér við taflborðin undanfarnar vikur og mánuði. Veitt verða verðlaun fyrir ástundun á haustönn í byrjendaflokki, stúlknaflokki, framhaldsflokki og á opnu laugardagsæfingunni. Öll börn og unglingar úr öllum skákhópum TR eru velkomin á þessa sameiginlegu jólaskákæfingu.

Æfingin er einskonar fjölskylduskákmót þar sem tveir einstaklingar mynda eitt lið og mega foreldrar, ömmur og afar, frændur og frænkur og bræður og systur gjarnan tefla með börnunum. Einnig mega vinir og vinkonur tefla saman. Við hvetjum jafnframt öll skákbörn sem hafa engan í sínu nærumhverfi til að tefla með sér til þess að koma líka og tefla með okkur. Við munum búa til lið á staðnum fyrir öll stök skákbörn. Í hverju liði má aðeins annar liðsmaðurinn vera með yfir 1600 skákstig. Boðið verður upp á léttar veitingar auk þess sem dregnir verða út happdrættisvinningar.

Skákþjálfarar TR hlakka mikið til að hitta öll börnin í jólaskapi á laugardaginn! 

Skráning fer fram hér: Skráningarform

Allt um jólaskákæfinguna í fyrra: Jólaskákæfing 2016

Nánar á heimasíðu TR.

Ný íslensk skákstig

Ný íslensk skákstig eru komin út og tóku þau gildi 1. desember sl. Héðinn Steingrímsson (2576) er stigahæstur allra. Sigurður Helgason er stigahæstur nýliða og Alexander Már Bjarnþórsson hækkaði mest allra frá september-listanum.

Topp 20

No.	Name	RtgC	Diff	Tit	Games	Club
1	Héðinn Steingrímsson	2576	8	GM	441	Fjölnir
2	Jóhann Hjartarson	2564	0	GM	837	Víkingaklúbburinn
3	Margeir Pétursson	2543	-20	GM	697	TR
4	Hannes H Stefánsson	2542	6	GM	1229	Huginn
5	Helgi Ólafsson	2539	-2	GM	879	Huginn
6	Hjörvar Grétarsson	2539	-7	GM	688	Huginn
7	Henrik Danielsen	2490	0	GM	310	SR
8	Jón Loftur Árnason	2467	-3	GM	672	Víkingaklúbburinn
9	Helgi Áss Grétarsson	2462	-9	GM	618	Huginn
10	Jón Viktor Gunnarsson	2450	4	IM	1174	Víkingaklúbburinn
11	Guðmundur Kjartansson	2449	-3	IM	894	TR
12	Stefán Kristjánsson	2428	-2	GM	913	TR
13	Friðrik Ólafsson	2426	0	GM	182	TR
14	Karl Þorsteins	2423	-6	IM	616	TR
15	Bragi Þorfinnsson	2413	-32	IM	1104	TR
16	Þröstur Þórhallsson	2411	-2	GM	1349	Huginn
17	Arnar Gunnarsson	2400	0	IM	854	TR
18	Björn Þorfinnsson	2391	8	IM	1232	Víkingaklúbburinn
19	Dagur Arngrímsson	2385	-12	IM	678	Breiðablik&Bolungarvík
20	Davíð Kjartansson	2357	7	FM	1024	Fjölnir

Stigahæstu nýliðar

No.	Name	RtgC	Diff	Tit	Games	Club
1	Sigurður Helgason	1437	1437		7	Hrókar alls fagnaðar
2	Ásthildur  Helgadóttir	1156	1156		9	TR
3	Guðrún Fanney Briem	1023	1023		8	Breiðablik&Bolungarvík
4	Ásgeir Valur Kjartansson	1000	1000		6	TR
5	Einar Dagur Brynjarsson	1000	1000		17	TR
6	Katrín María Jónsdóttir	1000	1000		23	TR
7	Kjartan Sigurjónsson	1000	1000		13	Breiðablik&Bolungarvík
8	Mikael Bjarki  Heiðarsson	1000	1000		18	Breiðablik&Bolungarvík

Mestu hækkanir

No	Name	RtgC	Diff	Tit	Games	Club
1	Alexander Már Bjarnþórsson	1280	147		107	TR
2	Gunnar Erik Guðmundsson	1447	126		103	Breiðablik&Bolungarvík
3	Joshua Davíðsson	1423	123		73	Fjölnir
4	Óskar Víkingur Davíðsson	1758	106		269	Huginn
5	Rayan Sharifa	1091	89		21	Huginn
6	Dorin Tamasan	1450	85		23	TG
7	Óttar Örn Bergmann Sigfússon	1082	82		65	Huginn
8	Birkir Ísak Jóhannsson	1678	75		125	Breiðablik&Bolungarvík
9	Kristján Dagur Jónsson	1273	74		110	TR
10	Ásgeir Mogensen	1375	73		12	Hrókar alls fagnaðar
11	Benedikt Þórisson	1176	73		133	TR
12	Gauti Páll Jónsson	2021	67		448	TR
13	Birgir Logi Steinþórsson	1067	67		66	Huginn
14	Arnar Smári Signýjarson	1254	65		35	SA
15	Ísak Orri Karlsson	1220	64		146	Breiðablik&Bolungarvík
16	Jón Eggert Hallsson	1643	61		98	Huginn
17	Smári Sigurðsson	1764	59		177	Huginn
18	Magnús Garðarsson	1520	57		57	SSON
19	Sverrir Hakonarson	1397	57		59	Breiðablik&Bolungarvík
20	Erlingur Atli Pálmarsson	1449	53		85	SSON
21	Benedikt Stefánsson	1207	53		38	SA
22	Andri Freyr Björgvinsson	1939	50		247	SA
23	Árni Ólafsson	1249	50		126	TR

 

Reiknuð skákmót

• Bikarsyrpa TR (Nr. 2 og 3)
• Framsýnarmótið í skák
• Haustmót SA (seinni hluti)
• Haustmót TR
• Íslandsmót skákfélaga (1.-4. deild)
• Norðurlandmótið í skólaskák (eldri og yngri flokkur)
• Norðurljósamótið
• Skákþing Garðabæjar
• U-2000 mót TR

London Chess Classic: 19 af 20 skákum lokið með jafntefli!

Menn hafa verið friðsamir á London Chess Classic sem í gangi er þessa dagana. Að loknum fjórum umferðum hefur 19 af 20 skákum lokið með jafntefli. Öllum skákum 1.-3. umferðar lauk með jafntefli. Það var ekki fyrr en í fjórðu umferð í gær sem Caruana (2799) braust út úr álögunum þegar hann vann Karjakin (2760).

Fimmta umferð fer fram í dag og hefst kl. 16. Heimsmeistarinn, Magnus Carlsen, teflir þá við Wesley So (2788).

Nánar má lesa umferð gærdagsins á Chess.com. 

Mynd: Maria Emelianova/Chess.com.

• Heimasíða mótsins
• Beinar útsendingar (Chess24)

 

Unglingameistaramót Íslands (u22) fer fram 27. og 28. desember

Unglingameistaramót Íslands í skák (u22) fer fram dagana 27. og 28. desember nk. Íslandsmeistarinn tryggir sér keppnisrétt í næsta landsliðsflokki Skákþings Íslands. Mótið verður að þessu sinni aðeins fimm umferðir. Þrjár atskákir og tvær kappskákir. Mótið verður reiknað til alþjóðlegra skákstiga.

Dagskrá:

• 1.-3. umferð,atskák (20+5), miðvikudaginn, 27. desember, kl. 13-16
• 4. umferð, kappskák (90+30), fimmtudaginn, 28. desember, kl. 10-14
• 5. umferð, kappskák (90+30), fimmtudaginn, 28. desember, kl. 15-19

Mótið er opið öllum skákmönnum fæddum 1995 og síðar sem hafa alþjóðleg skákstig.

Teflt verður um Íslandsmeistaratitilinn verði menn jafnir að vinningum. Stig eru látin gilda um önnur sæti. Íslandsmeistarinn fær 50.000 kr. ferðastyrk á skákmót erlendis.

Mótið fer fram í Skáksambandi Íslands Faxafeni 12. 

Skráning fer fram á Skák.is (guli kassinn). Skráningu lýkur á miðnætti annan dag jóla, 26. desember.

Upplýsingar um þegar skráða keppendur má finna hér.