Serbar og fatlaðir á morgun

Íslenska sveitin í opnum flokki hefur byrjað sérdeilis vel. Eftir tvær umferðir hefur sveitin fullt hús stiga og 7 vinninga af 8 mögulegum. Í þriðju umferð, sem fram fer á morgun, teflir sveitin við sterka sveit Serba. Kvennaliðið mætir sveit fatlaðra.

Serbía

Serbarnir hafa meðalstigin 2593 á móti 2521 skákstigum okkar Íslendinga og eru raðaðir númer 29 á meðan okkar sveit er röðuð nr. 43. Serbarnir hafa unnið hverja einustu skák hingað til!

Bo.		Name	Rtg	FED	Pts.	Games
1	GM	Ivanisevic Ivan	2613	SRB	2.0	2.0
2	GM	Perunovic Milos	2602	SRB	2.0	2.0
3	GM	Markus Robert	2602	SRB	2.0	2.0
4	GM	Sedlak Nikola	2554	SRB	1.0	1.0
5	GM	Indjic Aleksandar	2539	SRB	1.0	1.0

Sveit fatlaða (IPCA)

Sveit fatlaðra hefur meðalstigin 1907 skákstig á meðan stelpurnar okkar hafa 2008 skákstig að meðaltali. Þeim er raðað nr. 81 á meðan okkar sveit er raðað nr. 61.

Bo.		Name	Rtg	FED	Pts.	Games
1	WIM	Jennitha Anto K.	1964	IND	0.0	0.0
2	WIM	Melnik Galina	2017	RUS	1.0	2.0
3		Kurochkina Elena	1797	RUS	0.5	2.0
4	WIM	Kaydanovich Marina	1851	RUS	1.0	2.0
5		Konkolova Nikola	1481	SVK	1.0	2.0

 

• Heimasíða mótsins
• Beinar útsendingar
• Chess-Results (opinn flokkur)
• Chess-Results (kvennaflokkur)
• Myndaalbúm (Facebook)

Góður sigur gegn Írlandi - tap gegn Kúbu

Það vannst góður 3-1 sigur gegn Írum í annari umferð Ólympíuskákmótsins. "Jaxlarnir" Helgi Ólafsson og Þröstur Þórhallsson unnu sínar skákir á 4. og 3. borði en Hannes Hlífar Stefánsson og Guðmundur Kjartansson gerðu jafntelfi á 1. og 2. borði. Góð úrslit gegn Írum.

Stelpurnar töpuðu 0,5-3,5 gegn Kúbu. Lenka Ptácníková gerði jafntefli en aðrar skákir töpuðust. Þarf ekki að koma á óvart enda styrkleikamunur sveitanna mjög mikill.

Óvæntustu úrslit dagsins eru ótvírætt jafntefli b-liðs Noregs og Úkraínu. Frode Urkedal, sem nýlega varð skákmeistari Noregs, vann Vassily Ivanchuk.

 

 

• Heimasíða mótsins
• Beinar útsendingar
• Chess-Results (opinn flokkur)
• Chess-Results (kvennaflokkur)
• Myndaalbúm (Facebook)

Ólympíuskákmótið: Dagur 3

Hátíðin í Tromsö heldur áfram að rúlla. Allt gekk upp í fyrstu umferð í gær og tveir öruggir 4-0 sigrar staðreynd á Eþíópíu og Namibíu. Tinna Kristín var fyrst að vinna en hún náði sígildri biskupsfórn á h2 gegn andstæðingi sínum.  Að vinna með fullu húsi er ekkert sjálfgefið. Armenar lentu t.d. í erfiðleikum gegn Japönum þótt þeir hafi unnið 4-0 fyrir rest og Norðmenn rétt höfðu Jemen með minnsta mun en Carlsen tók sér frí í gær. Kleif frekar fjöll með fjölskyldunni.

Margir af fyrsta borðs mönnunum koma inn í dag - en margir þeirra hvíldu í gær. Þó ekki Nakamura sem missti af flugi og kemur sennilega til Tromsö í kvöld eða á morgun.

Magnus Carlsen teflir við Tomi Nyback og ekki vantaði myndasmiðina!

Gærdagurinn

Kvennaliðið vann mjög öruggan sigur - þótt mér skiljist að andstæðingunum hafi farið fram frá því í fyrra.

Strákarnir þurftu að hafa meira fyrir hlutunum þótt þeir hafi allið unnið fremur örugglega.

Umferð dagsins

Strákarnir mæta Írlandi í dag. Við höfum mætt Írlandi fimm sinnum áður, síðast 1992, á Ólympíuskákmóti og höfum við ávallt unnið og er staðan 23½-4½ okkur í vil! Sú staða endurspeglar engan veginn styrkleika mun sveitanna í dag. Munurinn á meðalstigum liðanna í dag er aðeins 70 stig í dag þannig að 2½-1½ er ásættanlegt.

Árið 1992 þá unnu Jón L., Hannes og Þröstur sínar skákir. Þeir eru allir eru í hópnum í dag! Jón L. vann Colm Daly sem er eini Írinn sem enn er í írska landsliðinu en hann hvílir í dag. Hjá Íslendingum hvílir Hjörvar.

Stelpurnar mæta Kúbu en þar hallar mjög á okkur stigalega en þar er munurinn á meðalstigum 300 skákstigum. Stelpurnar hafa aldrei mætt Kúbu áður 1 vinningur gegn slíkri sveit er ásættanlegt. Elsa María hvílir. Ingvar klæddi sig í sérstakan bol í tilefni dagsins. Spurning hvort Ingvar lumi á u.þ.b. 129 bolum til viðbótar fyrir hin liðin!

Aðstæður

Það er sérstakt að vera á Ólympíuskákmóti. Stemmingin er alveg einstök. Algjör festivals-stemming. Auðvitað komu upp vandamál. Fyrst og fremst varðandi innganginn en keppendur þurftu að bíða lengi eftir því að komast inn og það gekk strax miklu betur í dag.

Reyndar misstu Palestínumenn af umferðinni í dag - komu mínútu of seint. Hver var skýringin veit ég ekki.

Á Ólympíuskákmótum er þeim þjóðum sem bestum árangri náði raðað á bestu hótelin og svo er keppendum raðað í hótel eftir goggunarröð. Sumar af lakari þjóðunum eru því í hótelum lengra í burtu og jafnvel í heimahúsum. Færeyingar eru t.d. í húsi þar sem fjölskylda býr á efri hæðinni og hefur verið sagt að hafa hljótt fyrir kl. 22 á kvöldin!

Salernisaðstaða er þó ekki góð á skákstað en a.m.k. karlmennirnir þurfa að sætta sig við kamar. Sérstaklega erfitt þegar þarf að gera nr. 2! En almennt heyrist mér vera ánægðir með gang mála þótt hnökrar séu hér og þar.

Emil Sutovsky, formaður atvinnuskákmanna (ACP) segir á Facebook

Short summary of Olympic impressions in terms of organization:

Hotels - 90% of the players I spoke with are unhappy, many of them calling their hotel rooms "worst/smallest ever". 

Food - better than expected. Buffet lunch and dinner are organized on a very decent level (arguably better, than any other recent Olympiad - with the exception of Khanty-Mansiysk 2010). Complimentary water and hot drinks in the playing hall add another positive bit to the picture.

Playing hall - an average one. But if the organizers won't increase a number of entrances for the players - it will be a disaster. Players had to spend more than half an hour in the line to get to the first round.

Það er rétt að herbergin eru lítil en eru þau ekki slæm sem slík. Íslendingarnir eru bara sáttir og líður vel í hinu ferska andrúmslofti í Tromsö. Og fæðið er mjög gott!

Kosningabaráttan

Kosningabaráttan setur smá lit á mótið - þótt baráttan sé rétt að hefjast. Garry Kasparov er lítt ánægður með kjörnefndina sem hann telur, með réttu að manni sýnist, ganga mjög erinda Kirsans. Mér skilst að kjörbréf nokkurra fulltrúa, sem allir styðji Kirsan, hafi verið afhent í skrifstofu FIDE og því haldið fram að þau hafi borist í tæka tíð. Aðstæður keppninautanna er einfaldlega mjög ólík og það pirrar heimsmeistarann fyrrverandi eðlilega. FIDE-fólk segir hins vegar að Norðmenn hafi mismunað fólki varðandi vegabréfsáritanir.

Kirsan og hans lið er þrautreynt í kosningabaráttum og getur látið FIDE t.a.m. borga ferðalög Kirsans með því að kalla þær vinnuheimsóknir (working visits)! Ljóst er svo að margir starfsmenn FIDE, sem eiga lífsviðurværi sitt undir sigri hans, berjast fyrir hann með kjafti og klóm.

Skákstjórn

Eins og fram hefur komið búa skákstjórarnir í 70 km. fjarlægð og skilst mér að það taki um 90 mínútur að keyra þangað. Þess fyrir utan borða skákstjórarnir annars staðar en hinir. Við erum því minna með skákstjórunum en maður hefði viljað. Aðstæður á hóteli þeirra eru þó mjög góðar.

Steinþór lenti í smá uppákomum, þó ekki alvarlegum í gær. Einn keppandi, sem hafði tapað, fór í fýlu og „hugsaði" sig um í 45 mínútur og stóð svo upp á fór í burtu á eigin tíma sem ekki má. Við athugasemdir Steinþórs gaf hún loks skákina.

Í öðru borði fóru keppendur að raða og kvitta fyrir úrslitin. Eftir þá kvartaði sú sem tapaði yfir því að hún hefði leikið sína fyrsta ólöglega leik. Þegar Steinþór benti henni á að það væri ekki sjálfkrafa tap - vildi hún samt ekkert gera í málinu því staðan hefði verið töpuð. Sennilega er nefnilega einna erfiðast að vera skákstjóri á neðri borðunum - sérstaklega í kvennaflokknum - því reynsla sumra keppenda er mjög lítil.

Hér er sólin fara að skína og því gott að láta staðar numið í bili.

Gunnar Björnsson

Viðureignir dagsins: Írland og Kúba

Nú liggur fyrir hvernig liðin verða skipuð í annarri umferð. Hjörvar Steinn Grétarsson og Elsa María Kristínardóttir hvíla í dag en umferðin hefst kl. 12.

Beinar útsendingar

Ísland-Írland

Bo.	43	Iceland (ISL)	Rtg	-	62	Ireland (IRL)	Rtg	0 : 0
32.1	GM	Stefansson, Hannes	2536	-	GM	Baburin, Alexander	2502
32.2	IM	Kjartansson, Gudmundur	2448	-	IM	Collins, Sam E.	2495
32.3	GM	Thorhallsson, Throstur	2426	-	IM	Astaneh Lopez, Alex	2419
32.4	GM	Olafsson, Helgi	2555	-	IM	Heidenfeld, Mark	2382

 Kúba-Ísland

Bo.	19	Cuba (CUB)	Rtg	-	64	Iceland (ISL)	Rtg	0 : 0
13.1	WGM	Ordaz Valdes, Lisandra Teresa	2345	-	WGM	Ptacnikova, Lenka	2273
13.2	WGM	Marrero Lopez, Yaniet	2324	-		Thorsteinsdottir, Hallgerdur	1982
13.3	WGM	Pina Vega, Sulennis	2270	-		Finnbogadottir, Tinna Kristin	1915
13.4	WGM	Vigoa Apecheche, Yanira	2317	-		Johannsdottir, Johanna Bjorg	1862

 

• Heimasíða mótsins
• Beinar útsendingar
• Chess-Results (opinn flokkur)
• Chess-Results (kvennaflokkur)
• Myndaalbúm (Facebook)

Írland og Kúba andstæðingar morgundagsins

Pörun í 2. umferð Ólympíuskákmótsins liggur nú fyrir. Íslenska liðið í opnum flokki mætir liði Írlands en kvennaliðið mætir liði Kúbu.

Írska liðið skipa:

Bo.		Name	Rtg	FED	Pts.	Games
1	GM	Baburin Alexander	2502	IRL	0.0	0.0
2	IM	Collins Sam E.	2495	IRL	0.5	1.0
3	IM	Astaneh Lopez Alex	2419	IRL	1.0	1.0
4	IM	Heidenfeld Mark	2382	IRL	1.0	1.0
5	FM	Daly Colm	2323	IRL	1.0	1.0

Meðalstig írska liðsins eru 2450 skákstig en til samanburðar eru meðalstig okkar manna 2521 skákstig. Líkurnar eru því heldur okkar megin

Kúbverska liðið skipa:

Bo.		Name	Rtg	FED	Pts.	Games
1	WGM	Ordaz Valdes Lisandra Teresa	2345	CUB	1.0	1.0
2	WGM	Marrero Lopez Yaniet	2324	CUB	1.0	1.0
3	WGM	Pina Vega Sulennis	2270	CUB	1.0	1.0
4	WGM	Vigoa Apecheche Yanira	2317	CUB	1.0	1.0
5	WGM	Arribas Robaina Maritza	2291	CUB	0.0	0.0

Meðalstig kúbverska liðsins eru 2319 skákstig en til samanburðar eru meðalstig stelpnanna 2008 skákstig. Það verður því við erfiðan reip að draga.

• Heimasíða mótsins
• Beinar útsendingar
• Chess-Results (opinn flokkur)
• Chess-Results (kvennaflokkur)
• Myndaalbúm (Facebook)

Fullt hús gegn Eþíópíu og Namibíu

Það unnust tveir stórsigrar í fyrstu umferð Ólympíuskákmótsins. Í opnum flokki vannst 4-0 sigur á Eþíópíu og í kvennaflokki vannst sami sigur á Namibíu. Styrkleikamunur var mikill í fyrstu umferð og flestar viðureignir unnust stórt. Norðmenn þurftu þó að hafa fyrir hlutunum og unnu Jemen aðeins 2,5-1,5 en heimsmeistarinn, Magnus Carlsen, hvíldi í dag.

Skákir strákanna má nálgast hér en skákir stelpnanna má nálgast hér.

Önnur umferð hefst kl. 12 á morgun. Ekki liggur enn fyrir hverjir verða andstæðingar á morgun.

• Heimasíða mótsins
• Beinar útsendingar
• Chess-Results (opinn flokkur)
• Chess-Results (kvennaflokkur)
• Myndaalbúm (Facebook)

Dagur 2: Stuttur pistill

Fyrsta umferð Ólympíuskákmótsin hófst fyrir skemmstu. Karlaliðið mætir sveit Eþópíu en kvennasveitin teflir við Nambíu annað skiptið í röð í fyrstu umferð. Fyrsta borðsfólkið Hannes og Lenka hvíla enda voru þau þreytt eftir hálferfitt flug frá Prag.

Hjörvar teflir því á fyrsta borði, Guðmundur teflir á öðru borði í sinni skák á Ólympíuskákmótinu og reynsluboltarnir Þröstur og Helgi tefla á þriðja og borði. Eþópíumenn hafa skákstig á bilinu 1952-2131 og að öllu venjulegu ætti að vinnast 4-0 sigur en auðvitað geta þeir verið sýnd veiði en ekki gefin. Við höfum aldrei teflt áður við Eþópíu sem tóku fyrst þátt á Ólympíuskákmóti árið 2002.

Sama er í kvennaflokki. Stelpurnar frá Namibíu er reyndar reynslunni ríkari en 4-0 sigur ætti að vinnast.  Halla, teflir á fyrsta borði. Það er aðeins í annað sinn sem það gerist. Hitt skiptið var einmitt gegn Nambíu fyrir tveimur árum síðan! Tinna, Jóhanna og Elsa fylla svo sveitina. Þær nambísku eru allar stigalausar en þær eru tefla á sína þriðja Ólympíuskákmóti.

Sennilega hefur meðalaldur fyrsta borðs manna Íslands aldrei verið lægri en nú með þau Hjörvar og Höllu sem leiðtoga.

Sem fyrr sýnist mér skipulagsmálin í góða lagi hjá Norðmönnunum. Töluvert kraðak var við upphaf umferðar þegar allir vildu komast inn á sama tíma. Reynslan kennir mér að það komist í betra lagi eftir nokkrar umferðir. Einnig myndaðist hálfgert „neyðarástand" við kaffivélarnar en það mun lagast.

Kirsan og Kasparov er báðir á staðnum. Það er léttara yfir Kirsan en mér finnst hálfþungt yfir Garry. Hann er mikill keppnismaður og er ekki kominn til að tapa. Spennan svífur yfir vötnum. Ég hitti Ank Sanders , lögfræðing Kasparovs, sem er var einmitt á leiðinni á enn einn fundinn og spáði miklum átökum.   

Læt þetta duga í bili - meira síðar.

Myndir frá fyrstu umferð

Gunnar Björnsson

Eþópía og Namibía í fyrstu umferð

Fyrst umferð Ólympíuskákmótsins hefst kl. 13 í dag. Andstæðingar dagsins eru Eþópía í opnum flokki en Nambía í kvennaflokki. Fyrsta borðsmenn Íslands hvíla í dag, þau Hannes Hlífar Stefánsson og Lenka Ptácníková hvíla í dag.

Lið Eþópíu

129. ETH (RtgAvg:2059, Captain:GEBRE Getnet Kebede)
Bo.		Name	Rtg	FED
1		Mesfin Leykun	2131	ETH
2		Tadese Estube Haileselassie	1952	ETH
3	FM	Belachew Yimam Abera	2194	ETH
4		Abera Aydagnuhem Gezachew	0	ETH
5		Altaye Girum Teklewold	1960	ETH

 Lið Namibíu

131. NAM (RtgAvg:1000, Captain:Aluteni El-Shaadai)
Bo.		Name	Rtg	FED
1		Tjatindi Kamutuua	0	NAM
2		Shipindo Rauha	0	NAM
3		Haufiku Toshi	0	NAM
4		Nepando Jolly	0	NAM
5		Aluteni El-Shaadai	0	NAM

 

 Heimasíða mótsins

Ólympíuskákmótið: Dagur 1

Opinber upphafsdagur Ólympíuskákmótsins var í dag en mótið hófst formlega með mótssetningu í kvöld. Setningin var frábær. Auðvitað lágstemmdari en í Khanty Manskiesk 2010 en gríðarlega elegant í alla staði. Var eiginlega glæsileg. Hana má nálgast í heilu lagi hér. Óhætt er að segja að allt hafi gengið óaðfinnanlega í dag - sem vonandi lofar góðu með mótshaldið sjálft. Fyrsta umferð hefst kl. 13 á morgun.

Ferðalagið Íslendinganna gekk vel í dag en fyrst var millilent í Osló þar sem tveggja tíma flug var til Tromsö. Móttökur í Tromsö voru til fyrirmyndar. Afar lítil bið eftir rútum og menn komnir á áfangastaði nánast á núinu. Búið var að tékka menn inn á hótelin og því engin töf til staðar. Að mínu mati hefur verið vel að öllu staðið staðið hingað til. Allt tilbúið án allra tafa.

Hannes og Lenka mættu svo um kl. 21 - nokkuð þreytt eftir erfitt flug. Guðmundur kemur svo enn síðar í kvöld/nótt.  Keppendurnir búa á Thon-hótelinu en ég hef herbergi (eignlega frekar skáp) á Radisson Blu sem er í 300-400 metra fjarlægð. Keppendurnir borða á Radisson. Bæði hótelin eru svo nálægt keppnisstaðnum. Herbergin hér virðast vera almennt lítil og eru sjálfagt fyrst og fremst hugsuð fyrir menn sem eru hér í 1-3 nætur. Að sjálfsögðu tökum við þessu með jafnaðargeði. 

Ekki er svo öll liðin svo heppin. Sum eru í tölvuverði fjarlægð og sum liðin búa í heimahúsum, sem kölluð eru „Private Luxary Villa". Í sumum tilfellum getur það verið gott en í öðrum örugglega heldur lakara.

Tromsö er fallegur bær. Hér búa um 70.000 manns og að einhverju leyti minnir hann mann á Akureyri. Í kvöld settist ég niður með vini mínum Jöran Aulin-Jansson, forseta norska skáksambandsins. Með okkur við borðið var Siv Jansson fjármálaráðherra Noregs, sem með réttu hefði átt að taka reikninginn en ekki var nú lífið svo gott!

Í dag fékk ég athyglisvert samtal. Í mig hringdi rússneska sendiráðið á Íslandi og spurði mig mig um afstöðu í forsetakosningum FIDE (á íslensku með rússneskum hreim). Ég sagði hreint út að Ísland myndi styðja Garry Kasparov og skynjaði viss vonbrigði hinum megin. Íslenska liðinu var í framhaldinu óskað góðs gengis!

Þegar þetta er ritað (um kl. 23:30) er hér skjannabjart. Við erum á 70. breiddargráðu og sólin skín enn lengur en á Íslandi.

Læt þetta duga í bili. Stefnt er að daglegum pistlum frá Tromsö.

Heimasíða mótsins

Gunnar Björnsson

Ný alþjóðleg skákstig

Ný alþjóðleg skákstig komu út í dag 1. ágúst. Litlar breytingar eru á listanum enda ekkert innlent kappskákmót haldið í júlí. Jóhann Hjartarson er sem fyrr stigahæstur en Hjörvar Steinn Grétarsson endurheimtir þriðja sæti. Bræðurnir Bárður Örn og Björn Hólm hækka mest allra frá júlí-listanum.

Topp 20

Jóhann Hjartarson (2571) er sem fyrr stigahæstur íslenskra skákmanna. Helgi Ólafsson (2555) er næststigahæstur og Hjörvar Steinn Grétarsson (2543) endurheimtir stöðu sína sem þriðji stigahæsti skákmaður landsins.

No.	Name	Tit	AUG14	Gms	Diff.
1	Hjartarson, Johann	GM	2571	0	0
2	Olafsson, Helgi	GM	2555	0	0
3	Gretarsson, Hjorvar Steinn	GM	2543	9	8
4	Stefansson, Hannes	GM	2536	9	0
5	Steingrimsson, Hedinn	GM	2536	0	0
6	Arnason, Jon L	GM	2502	0	0
7	Kristjansson, Stefan	GM	2490	0	0
8	Danielsen, Henrik	GM	2488	0	0
9	Gretarsson, Helgi Ass	GM	2456	0	0
10	Thorsteins, Karl	IM	2456	0	0
11	Kjartansson, Gudmundur	IM	2448	9	-8
12	Thorfinnsson, Bragi	IM	2437	0	0
13	Gunnarsson, Arnar	IM	2435	0	0
14	Gunnarsson, Jon Viktor	IM	2426	0	0
15	Thorhallsson, Throstur	GM	2426	0	0
16	Olafsson, Fridrik	GM	2397	0	0
17	Thorfinnsson, Bjorn	IM	2389	0	0
18	Ulfarsson, Magnus Orn	FM	2380	0	0
19	Arngrimsson, Dagur	IM	2376	9	10
20	Johannesson, Ingvar Thor	FM	2371	0	0

Mestu hækkanir

Þann 1. júlí sl. urðu þær breytingar á stigaútreikningsreglum að stuðull flestra skákmanna hækkaði verulega. Fyrst og fremst hjá ungum skákmönnum en þær hækkar stuðullinn úr 15 í 40. Regla sem mun koma ungum skákmönnum á uppleið verulega til góða og flýtir fyrir því að ungir skákmenn fái skákstig sem endurspegli styrkleika þeirra.

Reglan þýðir að búast má við mun meiri sveiflum hjá þessum hópi en væntanlega fyrst og fremst til hækkunar enda íslensk ungmenni almennt of stigalág miðað við styrkleika. Tvíburarnir Bárður Örn og Björn Hólm Birkisson hækka mest allra eftir frábæra frammistaða á Czech Open. Bárður um 94 stig (!!) og Björn um 48 stig. Jón Trausti er skammt undan með 47 stig.

No.	Name	Tit	AUG14	Gms	Diff.
1	Birkisson, Bardur Orn		1636	5	94
2	Birkisson, Bjorn Holm		1655	2	48
3	Hardarson, Jon Trausti		2092	8	47
4	Bjornsson, Tomas	FM	2161	9	17
5	Arngrimsson, Dagur	IM	2376	9	10
6	Ingason, Sigurdur		1877	15	9
7	Gretarsson, Hjorvar Steinn	GM	2543	9	8

 

Heimslistinn

Magnus Carlsen (2877) sem venju samkvæmt stigahæsti skákmaður heims. Levon Aronian (2805) er sem fyrr næststigahæstur. Fabiano Caruna (2801) er nú þriðji stigahæsti skákmaður heim en hann fór nú í fyrsta skipti yfir 2800 skákstigamúrinn.

Topp 100