Færsluflokkur: Spil og leikir

17.11.2014 | 13:24

Sjöunda skák heimsmeistaraeinvígisins hafin

Sjöunda skák heimsmeistaraeinvígis Carlsen (2863) og Anand (2792) hófst nú kl. 12. Carlsen hefur hvítt og tefldi Anand Berlínvörn spænska leiksins gegn kóngpeðsleik Norðmannsins. Tefldir hafa verið 28 leikir og hefur Carlsen betra tafl. Peter Svidler telur að staðan á borðinu nú hafi mjög líklega komið upp í undirbúning Carlsen.

Ýmsar leiðir eru til að fyljgast með einvíginu. Ritstjóri mælir með beinum útsendingum Chess24.

Spil og leikir | Slóð | Facebook | Athugasemdir (0)

17.11.2014 | 11:39

Íslandsmót eldri skákmanna - Strandbergsmótið í skák fer fram á laugardag

Íslandsmót eldri skákmanna sem eru 50 ára + og 65 ára + í atskák eru nú haldin í fyrsta sinn. Stefnt er því að gera þau að árlegum viðburði sem hluta af Skákþingi Íslands sem fer í mörgum flokkum eins og kunnugt er.

Mótin verða haldin laugardaginn 22. nóvember nk. í Strandbergi, safnaðarheimili Hafnarfjarðarkirkju, í samstarfi við RIDDARANN, annan af tveimur skákklúbbum eldri borgara á höfuðborgarsvæðinu, sem þar hefur aðsetur. Mótshaldið er liður í 100 ára afmæli kirkjunnar nú um þessar mundir, sem stutt hefur að skáklistinni um árabil. Teflt verður í hátíðarsalnum svo aðstæður á mótsstað verða eins og best verður á kosið og boðið upp kaffi, svaladrykki og kruðerí meðan á móti stendur. Hádegisverðartilboð.

Fyrirkomulag

Tefldar verða 9 umferðir eftir svissneska kerfinu.

Mótshaldarar áskilja ser rétt til að breyta fyrirkomulaginu ef þáttökutölur gefa tilefni til þess.

Tímamörk

Umferðir 1-4: 10 mínútur + 5 sekúndur á hvern leik
Umferðir 5-9: 20 mínútur + 10 sekúndur á hvern leik

Umferðartafla

1. umf: Kl. 10:00
2. umf: Kl. 10:30
3. umf: Kl. 11:00
4. umf: Kl. 11:30
Hlé
5. umf: Kl. 13:00
6. umf: Kl. 14:00
7. umf: Kl. 15:00
8. umf: Kl. 16:00
9. umf: Kl. 17:00
Verðl. Kl. 18:00

Flokkaskipting

Teflt verður í tveimur flokkum 65 ára + (1949 og fyrr) og 50 ára + (1950-64)

Verði skráðir keppendur í öðrum hvorum flokknum færri en 12 kunna flokkarnir að vera sameinaðir en engu að síður teflt um tvo Íslandsmeistaratitla.

Verði tveir eða fleiri efstir og jafnir verður stigaútreikningur látinn ráða.

Þátttökugjöld

1.500 kr.

Verðlaun:

Aðalverðlaun (nánar síðar)
Sérstök aldurflokkaverðlaun fyrir 70+, 75+ og 80+
Sportvörubúðin Jói Útherji/Magnús V. Pétursson gefur alla verðlaunagripi

Skráning

Á www.skak.is eða í síma 568 9141
Einnig er hægt að skrá sig á þriðjudagsmótum hjá ÆSUM eða hjá RIDDARANUM á miðvikudögum.
Upplýsingar um þegar skráða keppendur má nálgast hér.

Chess-Results

65+ (miðað við skráningu 17. nóv)
50+ (miðað við skráningu 17. nóv)

Spil og leikir | Breytt s.d. kl. 11:40 | Slóð | Facebook | Athugasemdir (1)

16.11.2014 | 23:12

Taflfélag Reykjavíkur Íslandsmeistari unglingasveita eftir æsispennandi keppni

Taflfélag Reykjavíkur sigraði á æsispennandi Íslandsmóti unglingasveita sem fram fór í Garðaskóla í Garðabæ í gær. Aðeins hálfur vinningur skyldi að TR og Skákfélagið Hugin sem lenti í öðru sæti. Þessar sveitir voru í miklum sérflokki. B-sveit TR krækti í bronsið eftir harða baráttu. Það voru 20 sveitir sem tóku þátt í mótinu, en það er metþátttaka.

Það var ljóst frá byrjun að keppnin yrði jöfn og spennandi. TR og Huginn mættust í fjórðu umferð og endaði æsispennandi viðureign þeirra með 2-2 jafntefli. Sveitirnar voru svo jafnar lengst af mótinu, en Huginn missti niður hálfan vinning í lokaumferðunum á meðan TR tapaði ekki niður punkti.

Vel að verki staðið hjá TR sem átti langflestar sveitir og lönduðu sigri í flokki b-h liða sem vitaskuld er glæsilegur árangur.

Í sigursveit T.R. voru eftirtaldir keppendur:

Vignir Vatnar Stefánsson
Gauti Páll Jónsson
Björn Hólm Birkisson
Bárður Örn Birkisson

Liðsstjóri var Daði Ómarsson

Silfursveit Hugsins skipuðu:

Hilmir Freyr Heimisson
Dawid Kolka
Felix Steinþórsson
Heimir Páll Ragnarsson

Liðsstjóri var Vigfús Ó. Vigfússon

Bronssveit TR skipuðu:

Mikhaylo Kravchuk
Jakob Alexander Petersen
Aron Þór Mai
Guðmundur Agnar Bragason

Liðsstjóri var Björn Jónsson.

Borðaverðlaun hlutu:

Allir borðalaunahafarnir komu úr toppsveitunum tveimur.

1. Vignir Vatnar Stefánsson 6,5 v. 7, TR-a
2. Dawid Kolka 6,5 v. af 7, Huginn-a
3. Björn Hólm Birkisson 6,5 v. af 7, TR-a
3. Felix Steinþórsson, 6,5 af 7, Huginn-a
4. Heimir Páll Ragnarsson, 6 v af 7 af Huginn-a

Það var Taflfélag Garðabæjar sem hélt mótið. Skákstjórn var í höndum Páls Sigurðssonar, formanns TG, og dóttur hans, Sóleyjar Lindar.

Spil og leikir | Breytt 17.11.2014 kl. 09:45 | Slóð | Facebook | Athugasemdir (0)

16.11.2014 | 20:00

Skákþáttur Morgunblaðsins: Heimsmeistaraeinvígið hefst í dag - "Magnús ætti að vinna"

Norska þjóðin býr sig nú undir heimsmeistaraeinvígi þjóðhetjunnar Magnúsar Carlsen við áskorandann Wisvanathan Anand. Einvígið sem fram fer í Sochi við Svartahaf var sett í gær að viðstöddum Pútín Rússlandsforseta og öðrum tignum gestum.

Sochi var ekki á óskalista heimsmeistarans og hann skrifaði undir einvígisskilmálana með hangandi hendi. Hann var í liði Kasparovs fyrir forsetakjör FIDE í Tromsö á dögunum og ósigurinn þar, staðarvalið nú og dagsetningin sem upphaf einvígisins miðast við, 7. nóvember – þann sama dag árið 1917 komust bolsévikar til valda í Rússlandi – tákna Pútíns mekt. Saga heimsmeistaraeinvígja í Rússlandi á síðustu öld er full af duldum táknum þar sem hversdagslegir hlutir eins og kaffibrúsi eða svört jakkaföt gátu haft djúprætta merkingu. En það er ekki búist við neinum uppákomum varðandi þetta einvígi þar sem annáluð prúðmenni eigast við. Fyrsta skákin hefst í dag kl. 12 að íslenskum tíma. Hægt er að fylgjast með skákunum á fjölmörgum vefsvæðum en reikna má með því að beinar útsendingar norska sjónvarpsins, NRK, verði vinsælar meðal íslenskra skákáhugamanna. Undanfarið hefur NRK verið með beinar útsendingar frá þeim mótum þar sem Magnús hefur verið meðal þátttakenda og það hefur reynst vinsælt sjónvarpsefni í Noregi. Þá má einnig benda á slóð ICC, Chessbomb, chess24.com og heimasíðu einvígisins: sochi2014.fide.com/.

Þeir munu tefla 12 skákir, fyrst tvær skákir, þá frídagur, aftur tvær skákir, þá frídagur og svo koll af kolli. Einvíginu lýkur í síðasta lagi 28. nóvember nk. Nú er ár síðan einvígi þessara sömu aðila fór fram í Chennai í Indlandi og lauk með öruggum sigri Magnúsar, 6½:3½. Sigurinn staðfesti yfirburði Norðmannsins yfir keppinautum og flestir búast við því að hann nái að verja titilinn sinn án mikilla erfiðleika. Þeir sem veðja á Anand að þessu sinni geta gert það gott í veðbönkum – ef Indverjinn vinnur þar verður greitt út í hlutföllunum 1:6. Á þeim er meira en 20 ára aldursmunur og líkamlegt úthald getur skipt máli því skákir Magnúsar verða oft langar og strangar og tækni hans á því sviði þykir frábær. Anand vann áskorunarréttinn sl. vor og í því sambandi rifjast upp tvö einvígi sem Botvinnik háði eftir að hafa tapað heimsmeistaratitlinum og naut þar einvígisskilmála sem hann hafði átt stóran þátt í að setja inn, hið fyrra við Vasilí Smyslov árið 1958 sem hann vann 12½:10½, hið síðara árið 1961 við Mikhael Tal og aftur vann Botvinnik, 13:8. Smyslov og Tal ríktu því í eitt ár og það sama gæti hent Magnús Carlsen. Kringumstæðurnar eru aðrar og sálfræðistaðan líka. Garrí Kasparov hefur gert þetta að umtalsefni og telur að spurning sem brenni á vörum Magnúsar gæti verið: af hverju í fjáranum er ég aftur að tefla við þennan mann? Hann telur að það eina sem Magnús hafi fram yfir Anand sé sú einfalda staðreynd að hann sé betri skákmaður. Kasparov mætti til Chennai í fyrra og virtist setja Anand úr jafnvægi með stórkarlalegum yfirlýsingum í samtölum við fréttamenn. Ekki er von á honum til Sochi.

Vettvangur einvígisins í Sochi minnir á grískt útileikhús, skákborð á miðju sviði og áhorfendasæti allt um kring. Magnús lenti með fylgdarliði sínu Sochi sl. miðvikudag en Anand kom nokkrum dögum fyrr.

Helgi Ólafsson helol@simnet.is

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.

Grein þessi birtist í Laugardagsmogganum, 8. nóvember 2014

Skákþættir Morgunblaðsins

Spil og leikir | Breytt 10.11.2014 kl. 13:34 | Slóð | Facebook | Athugasemdir (0)

16.11.2014 | 10:51

MS Afmælismót Jónasar Hallgrímssonar fer fram í Ráðshúsinu í dag

Mót fyrir börn á grunnskólaaldri
Sunnudagur 16. nóvember kl. 14Mjög vegleg verðlaun
Hverður valin(n) best klæddi keppandinn?
Skráið ykkur sem fyrst!

Skákfélagið Hrókurinn og Taflfélag Reykjavíkur standa fyrir MS Afmælismóti Jónasar Hallgrímssonjar í Ráðhúsi Reykjavíkur, sunnudaginn 16. nóvember kl. 14. Mótið er haldið á fæðingardegi þjóðskáldsins sem jafnframt er Dagur íslenskrar tungu. Mjög vegleg verðlaun eru á mótinu og má búast við flestum bestu og efnilegustu börnum og ungmennum landsins. Heiðursgestir við setningu mótsins verða frú Vigdís Finnbogadóttir, fv. forseti Íslands og Friðrik Ólafsson fyrsti stórmeistari Íslands og fv. forseti FIDE.

MS Afmælismót Jónasar Hallgrímssonar er ætlað börnum á grunnskólaaldri, fædd 1999 og síðar, og er gert ráð fyrir 64 keppendum. Tefldar verða 7 umferðir með 7 mínútna umhugsunatíma. Fyrstu verðlaun eru 30.000 krónur, önnur verðlaun 20.000 og þriðju verðlaun 15.000. Verðlaun fyrir bestan árangur stúlkna er 10.000 kr. Þá verða 4 heppnir keppendur dregnir út sem hljóta 5000 krónur hver. Þeim til mælum er beint til þátttakenda að mæta snyrtilega til fara, enda verður best klæddi keppandinn verðlaunaður sérstaklega með 5000 kr.

Veitt eru verðlaun og viðurkenningar fyrir bestan árangur í þremur aldursflokkum: 1.-3. bekk, 4.-6. bekk og 7.-10. bekk. Mjólkursamsalan mun sjá keppendum fyrir veitingum á mótsstað.

Það er Taflfélagi Reykjavíkur og Hróknum mikil ánægja að heiðra minningu Jónasar Hallgrímssonar (1807-1845) sem vafalaust má telja ástsælasta skáld Íslandssögunnar. Skák og skáldskapur, þessar miklu íþróttir hugans, hafa átt samleið á Íslandi frá öndverðu. Á dögunum stóðu TR og Hrókurinn fyrir glæsilegu Afmælismóti Einars Benediktssonar og er í ráði að minnast fleiri skálda með þessum skemmtilega hætti. Mjólkursamsalan hefur gegnum tíðina verið ötull bakhjarl skáklífs á Íslandi, og hefur líka markvisst beitt sér fyrir eflingu móðurmálsins í rúmlega 20 ár. Kjörorð MS í þeirri vinnu er Íslenska er okkar mál. Um árabil hafa verið birtir textar af ýmsu tagi á mjólkurumbúðum, ábendingar um gott málfar, útskýringar á orðtökum og fallega skrifaðir textar.

Við setningu mótsins mun Björn Jónsson formaður TR kynna nýja skákbók, Lærðu að tefla, sem út kom í vikunni. Þetta er fyrsta frumsamda, íslenska kennslubókin í skák sem út hefur komið hérlendis í áraraðir og er afar kærkomin, því mjög mikill áhugi er meðal barna og ungmenna á skák.

Áhugasöm börn og ungmenni, sem vilja spreyta sig á einu glæsilegasta móti ársins ættu að skrá sig sem fyrst.

Skráning mun fara fram á vef TR www.taflfelag.is og Hróksins www.hrokurinn.is

Spil og leikir | Slóð | Facebook | Athugasemdir (0)

15.11.2014 | 19:47

Carlsen vann sjöttu einvígisskákina þrátt fyrir hræðilegan afleik

Carlsen (2863) vann Anand (2792) í sjöttu skák heimsmeistaraeinvígis þeirra sem fram fór í Sochi í Rússlandi í dag. Carlsen hafði hvítt og beitti Anand Sikileyjarvörn. Carlsen einfaldaði taflið og fór í drottiningarskipti í níunda leik og fékk betra tafl.

Hann bætti svo stöðuna jafnt og þétt en lék hræðilega af sér í 26. leik (26. Kd2??).

Anand yfirsást hins vegar tiltölulega auðveldan leik þegar (26...Rxe5!) sem hefði tryggt honum tvö peð og yfirburðartafl og lék þess í stað 26...a4?? Carlsen gaf ekki annað tækifæri og innbyrti sigurinn eftir það nokkuð örugglega.

Í blaðamannafundi eftir skákina sagði Carlsen:

Immediately after I made my move… It’s just a feeling of complete panic, and then sometimes you’re very, very lucky and you get away with it. The thing is the position is sort of stably better for White so you don’t expect such things to happen. You have to be alert. Most of the time you get severely punished for making such an oversight… I’m relieved. I’m massively relieved.

Anand sagði

The thing is when you’re not expecting a gift sometimes you just don’t take it. As soon as I played a4 I saw it.

Rennum venju samkvæmt yfir nokkur tíst um skák dagsins:

Today's is surely a candidate for "worst WCh blunder ever" because of giant eval flip. From huge advantage to probably losing in one move.
— Garry Kasparov (@Kasparov63) November 15, 2014

It's even harder to understand Anand's opening choice today than the blunders. I looked at this line for my match vs Kramnik in 2000. Bad.
— Garry Kasparov (@Kasparov63) November 15, 2014

This shows you that it can happen even w/ the best. Never fully trust your opponents' moves. Always verify :) #CarlsenAnand @anandcarlsen14
— Susan Polgar (@SusanPolgar) November 15, 2014

I imagine they're both horrified with how they played today, but Magnus can console himself with a point closer to the title. #CarlsenAnand
— Fabiano Caruana (@FabianoCaruana) November 15, 2014

Vishy looks like he saw it now. He sees he missed Nxe5. Terrible feeling. #carlsenanand
— Teymur Rajabov (@rajachess) November 15, 2014

Kd2 must be a transmission error, right?
— Hikaru Nakamura (@GMHikaru) November 15, 2014

Spil og leikir | Breytt s.d. kl. 19:54 | Slóð | Facebook | Athugasemdir (0)

15.11.2014 | 19:16

TR Íslandsmeistari unglingasveita

Taflfélag Reykjavíkur sigraði í æsispennandi Íslandsmóti unglingasveita sem fram fór í dag í Garðaskóla í Garðabæja. Skákfélagið Hugin varð í öðru sæti með hálfum vinningi minna. B-sveit TR varð í þriðja sæti.

Ítarleg myndskreytt frétt um mótið verður birt á morgun.

Spil og leikir | Breytt s.d. kl. 19:20 | Slóð | Facebook | Athugasemdir (0)

15.11.2014 | 11:04

Íslandsmót unglingasveita hefst kl. 13 í Garðaskóla

Íslandsmót Unglingasveita 2014 verður haldið þann 15. nóvember næstkomandi í Garðalundi í Garðabæ. (Garðaskóli)

Mótið hefst kl. 13 og stendur líklega fram til 17. Umhugsunartími eru 15 mínútur á mann.

Mótið er liðakeppni Taflfélaga og eru 4 í hverju liði auk varamanna.

Reglugerð mótsins má finna á vefnum skaksamband.is http://www.skaksamband.is/?c=webpage&id=249

Þátttökurétt hafa öll taflfélög sem og/eða íþrótta/héraðssambönd svo framarlega að ekki er taflfélag á sama svæði.

Skráning fer fram í tölvupósti til félagsins tg@tgchessclub.com

Benda ber sérstaklega á
• að sameinuð lið geta ekki orðið Íslandsmeistarar
• hverju liði skal fylgja liðsstjóri sem sér um liðið og að fylla út öll úrslit í mótinu. Hver liðsstjóri skal ekki stýra meira en 2 liðum
• Þátttökugjöld eru 3000 kr. á hvert lið.
• Mótið verður reiknað til alþjóðlegra atskákstiga. Fæðingardagar þeirra keppenda sem eru ekki á stigalista þurfa fylgja með skráningu.

Íslandsmeistarar 2013 voru Taflfélag Reykjavíkur.

Sjá má úrslit á mótinu í fyrra á Chess-Results.com síðunni
http://www.chess-results.com/tnr116230.aspx?lan=1

Spil og leikir | Slóð | Facebook | Athugasemdir (0)

14.11.2014 | 16:35

Jafntefli í fimmtu skák einvígisins

Anand (2792) og Carlsen (2863) gerðu jafntefli í fimmtu skák heimsmeistaraeinvígis þeirra sem tefld var í dag í Sochi í Rússlandi.

Anand hafði hvítt og tefld var drottningarindversk vörn. Carlsen tefldi um tíma ónákvæmt og var ljóslega kominn með verra tafl þótt líklegt sé að staðan sé engu að síður jafntefli með bestu taflmennsku.

Anand tefldi að marga mati þá of linkulega og gaf Carlsen tækifæri á auðveldu jafntefli í stað þess að láta hann verjast.

Staðan er nú 2½-2½. Sjötta skákin verður tefld á morgun og þá hefur Carlsen hvítt. Skákin hefst kl. 12 að hádegi. Magnus hefur svo aftur hvítt í sjöundu skákinni sem tefld verður á mánudaginn.

Rennum venju samkvæmt yfir nokkur tíst um skák dagsins:

Carlsen to Norwegian press: "Anand played impressively today, was well prepared for a rare line and created problems for me." #CarlsenAnand
— Tarjei J. Svensen (@TarjeiJS) November 14, 2014

Sad to return to an anti-climax. Not sure why Vishy played Rb7 not Ra4, and Rxa7 rather than Kg2!? but still a quality game. #CarlsenAnand
— Jonathan Rowson (@Jonathan_Rowson) November 14, 2014

Harsh? @mikhail_golubev: "From move 26 Anand played like a Candidate Master who accidentally got an edge vs. a GM & rushed to fix a draw"
— chess24.com (@chess24com) November 14, 2014

Carlsen [to a reporter who thinks all draws are equal]: "It's much more pleasant to draw with Black than with White." #CarlsenAnand
— Olimpiu G. Urcan (@OlimpiuUrcan) November 14, 2014

Carlsen holds - I can't help thinking that if he'd been White in this middlegame Anand would be defending for a lot longer #CarlsenAnand
— Thomas Rendle (@TERendle) November 14, 2014

In each game the players change opening, in stark contrast to WC matches of the past. #CarlsenAnand
— Fabiano Caruana (@FabianoCaruana) November 12, 2014

A tame draw in the end. Missed opportunity for Anand! Two white games for Magnus ! Survival is the key for Anand in next two #CarlsenAnand
— Vishal Sareen (@vishalsareen) November 14, 2014

Spil og leikir | Breytt s.d. kl. 16:42 | Slóð | Facebook | Athugasemdir (0)

14.11.2014 | 14:40

MS Afmælismót Jónasar Hallgrímssonar á sunnudaginn í Ráðhúsinu

Mót fyrir börn á grunnskólaaldri
Sunnudagur 16. nóvember kl. 14Mjög vegleg verðlaun
Hverður valin(n) best klæddi keppandinn?
Skráið ykkur sem fyrst!

Skákfélagið Hrókurinn og Taflfélag Reykjavíkur standa fyrir MS Afmælismóti Jónasar Hallgrímssonjar í Ráðhúsi Reykjavíkur, sunnudaginn 16. nóvember kl. 14. Mótið er haldið á fæðingardegi þjóðskáldsins sem jafnframt er Dagur íslenskrar tungu. Mjög vegleg verðlaun eru á mótinu og má búast við flestum bestu og efnilegustu börnum og ungmennum landsins. Heiðursgestir við setningu mótsins verða frú Vigdís Finnbogadóttir, fv. forseti Íslands og Friðrik Ólafsson fyrsti stórmeistari Íslands og fv. forseti FIDE.

MS Afmælismót Jónasar Hallgrímssonar er ætlað börnum á grunnskólaaldri, fædd 1999 og síðar, og er gert ráð fyrir 64 keppendum. Tefldar verða 7 umferðir með 7 mínútna umhugsunatíma. Fyrstu verðlaun eru 30.000 krónur, önnur verðlaun 20.000 og þriðju verðlaun 15.000. Verðlaun fyrir bestan árangur stúlkna er 10.000 kr. Þá verða 4 heppnir keppendur dregnir út sem hljóta 5000 krónur hver. Þeim til mælum er beint til þátttakenda að mæta snyrtilega til fara, enda verður best klæddi keppandinn verðlaunaður sérstaklega með 5000 kr.

Veitt eru verðlaun og viðurkenningar fyrir bestan árangur í þremur aldursflokkum: 1.-3. bekk, 4.-6. bekk og 7.-10. bekk. Mjólkursamsalan mun sjá keppendum fyrir veitingum á mótsstað.

Það er Taflfélagi Reykjavíkur og Hróknum mikil ánægja að heiðra minningu Jónasar Hallgrímssonar (1807-1845) sem vafalaust má telja ástsælasta skáld Íslandssögunnar. Skák og skáldskapur, þessar miklu íþróttir hugans, hafa átt samleið á Íslandi frá öndverðu. Á dögunum stóðu TR og Hrókurinn fyrir glæsilegu Afmælismóti Einars Benediktssonar og er í ráði að minnast fleiri skálda með þessum skemmtilega hætti. Mjólkursamsalan hefur gegnum tíðina verið ötull bakhjarl skáklífs á Íslandi, og hefur líka markvisst beitt sér fyrir eflingu móðurmálsins í rúmlega 20 ár. Kjörorð MS í þeirri vinnu er Íslenska er okkar mál. Um árabil hafa verið birtir textar af ýmsu tagi á mjólkurumbúðum, ábendingar um gott málfar, útskýringar á orðtökum og fallega skrifaðir textar.

Við setningu mótsins mun Björn Jónsson formaður TR kynna nýja skákbók, Lærðu að tefla, sem út kom í vikunni. Þetta er fyrsta frumsamda, íslenska kennslubókin í skák sem út hefur komið hérlendis í áraraðir og er afar kærkomin, því mjög mikill áhugi er meðal barna og ungmenna á skák.

Áhugasöm börn og ungmenni, sem vilja spreyta sig á einu glæsilegasta móti ársins ættu að skrá sig sem fyrst.

Skráning mun fara fram á vef TR www.taflfelag.is og Hróksins www.hrokurinn.is

Spil og leikir | Slóð | Facebook | Athugasemdir (0)

Færsluflokkur: Spil og leikir

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: