Fimmta skák heimsmeistaraeinvígisins hafin

Fimmta skák heimsmeistaraeinvígis Carlsen og Anand hófst nú kl. 12 í Sochi í Rússlandi. Anand hefur hvítt og beitti Norðmaðurinn drottningarindverski vörn gegn drottningarpeðsleik Anand. Þegar 17 leikjum er lokið hefur Anand eilítið betra tafl en hefur eitt mun meiri tíma sem bendir til þess að Carlsen sé betur undirbúinn. Ekki nema að Indjverjinn sé að rifja upp leikjaraðir. 

Sem fyrr mælir ritstjóri með Chess24 sem býður að mati hans upp á bestu útsendingarnar frá einvíginu. 

Í settinu nú eru rússnesku landsliðsmennirnir Svidler og Nepo sem eru báðir mjög léttir og góðir lýsendur. 

• Heimasíða einvígisins
• Beinar útsendingar (hefjast kl. 12)

Íslandsmót eldri skákmanna - Strandbergsmótið í skák

Íslandsmót eldri skákmanna sem eru 50 ára + og 65 ára +  í atskák eru nú haldin í fyrsta sinn. Stefnt er því að gera þau að árlegum viðburði sem hluta af Skákþingi Íslands sem fer í mörgum flokkum eins og kunnugt er.   

Mótin verða haldin laugardaginn 22. nóvember nk. í Strandbergi, safnaðarheimili Hafnarfjarðarkirkju, í samstarfi við RIDDARANN, annan af tveimur skákklúbbum eldri borgara á höfuðborgarsvæðinu, sem þar hefur aðsetur. Mótshaldið er liður í 100 ára afmæli kirkjunnar nú um þessar mundir, sem stutt hefur að skáklistinni um árabil. Teflt verður í hátíðarsalnum svo aðstæður á mótsstað verða eins og best verður á kosið og boðið upp kaffi, svaladrykki og kruðerí meðan á móti stendur. Hádegisverðartilboð. 

Fyrirkomulag

Tefldar verða 9 umferðir eftir svissneska kerfinu. 

Mótshaldarar áskilja ser rétt til að breyta fyrirkomulaginu ef þáttökutölur gefa tilefni til þess.

Tímamörk

• Umferðir 1-4: 10 mínútur + 5 sekúndur á hvern leik
• Umferðir 5-9: 20 mínútur + 10 sekúndur á hvern leik 

Umferðartafla 

• 1. umf: Kl. 10:00
• 2. umf: Kl. 10:30
• 3. umf: Kl. 11:00
• 4. umf: Kl. 11:30
• Hlé
• 5. umf: Kl. 13:00
• 6. umf: Kl. 14:00
• 7. umf: Kl. 15:00
• 8. umf: Kl. 16:00
• 9. umf: Kl. 17:00
• Verðl.  Kl. 18:00

Flokkaskipting

Teflt verður í tveimur flokkum 65 ára + (1949 og fyrr) og 50 ára + (1950-64)

Verði skráðir keppendur í öðrum hvorum flokknum færri en 12 kunna flokkarnir að vera sameinaðir en engu að síður teflt um tvo Íslandsmeistaratitla.

Verði tveir eða fleiri efstir og jafnir verður stigaútreikningur látinn ráða.                                                                                              

Þátttökugjöld

• 1.500 kr. 

Verðlaun: 

• Aðalverðlaun (nánar síðar)
• Sérstök aldurflokkaverðlaun fyrir 70+, 75+ og 80+
• Sportvörubúðin Jói Útherji/Magnús V. Pétursson gefur alla verðlaunagripi 

Skráning

• Á www.skak.is eða í síma 568 9141
• Einnig er hægt að skrá sig á þriðjudagsmótum hjá ÆSUM eða hjá RIDDARANUM á miðvikudögum.
• Upplýsingar um þegar skráða keppendur má nálgast hér. 

Ný íslensk skákbók

Formaður Taflfélags Reykjavíkur, Björn Jónsson, hefur látið mikið að sér kveða á síðustu misserum.  Meðal verka hans eru vönduð íslensk kennsluhefti fyrir byrjendur í skák sem notuð hafa verið við skákkennslu í félaginu að undanförnu og notið mikilla vinsælda.  Björn hefur nú sett hluta heftanna undir einn hatt í nýrri og glæsilegri bók, Lærðu að tefla, sem gefin er út af Sögur útgáfu.  Stefnt er á frekari útgáfu efnis úr skákheftunum góðu.

Í bókinni kennir ýmissa grasa en í fyrsta kafla hennar er farið yfir uppbyggingu skákborðsins, virði taflmannanna og manngang þeirra.  Þá er farið yfir hugtökin skák og mát sem og skákritun en lokakaflinn fjallar um helstu byrjanagildrur sem hverjum skákmanni er nauðsynlegt að þekkja.

Það er óhætt að mæla með Lærðu að tefla fyrir alla sem áhuga hafa á að kynna sér leyndardómaskáklistarinnar en inngang bókarinnar ritaði stórmeistarinn Hannes Hlífar Stefánsson þar sem segir m.a.: 

Mikil gróska og áhugi er meðal yngstu kynslóðarinnar fyrir skák nú um mundir.  Það er því mikið ánægjuefni að sjá þessa vönduðu kennslubók fyrir byrjendur í skáklistinni koma út...Framsetningin er einföld og hnitmiðuð en um leið lifandi.  Fjölmörg æfingadæmi fylgja efni hvers kafla og eru þau vel valin og lærdómsrík...

Bókin hefur fengið góðar viðtökur og umsagnir.  M.a. segir Stefán Bergsson framkvæmdastjóri Skákakademíu Reykjavíkur um bókina:

Hin nýútkomna bók Lærðu að tefla eftir Björn Jónsson formann Taflfélags Reykjavíkur er að mínu mati besta námsefnið sem gefið hefur verið út síðustu árin og jafnvel áratugina. Bókin er afar skýr, hún er skemmtileg og gott jafnvægi er milli lestexta og æfinga.

Fyrir alla krakka sem langar að læra að tefla er bókin í senn skemmtilegur og lærdómsríkur kostagripur. Hún er einnig kjörið tæki fyrir alla þá sem langar að kenna börnum og unglingum að tefla. Spennandi verður að sjá áframhald á skrifum Björns og fleiri kennslubækur frá honum. 

Nánari upplýsingar um hina nýju bók má finna hér.

Gallerý Skák - lífleg skákkvöld

Fimmtudagsskákmótin í Faxafeninu á vegum Gallerý Skákar hafa verið lífleg að vanda að undanförnu. Ástríðuskákmenn á öllum aldri mætta þar til tafls sjálfum sér til upplyftingar og öðrum til ánægju – einkum þeim sem leggja þá að velli.

Forseti SÍ blandaði sér í slaginn í síðustu viku og náði að landa sætum sigri í 10 skákum af 11. Varð aðeins að lúta í gras fyrir Viðeyjarundrinu Guðfinni R. Kjartanssyni, sem reyndar er nú hættur að vekja undrun vegna góðs gengis að undanförnu. Gauti Páll sýndi líka flotta takta og náði öðru sæti. Þó má að hinni ungi Stefán Orri Davíðsson, aðeins 8 ára hafi verið stjarna mótsins og lauk keppni með 5 vinninga, varð fyrir ofan bróður sinn Óskar Víking, sem segir sína sögu um hversu efnilegur hann er og þeir bræður báðir. 

Mótið að þessu sinni var liður í Kappteflinu um Patagóníusteininn, sem er 6 vikna mótaröð þar sem þeir sem mæta í 4 mót geta hlotið stig eftir frammistöðu sinni.  Annars eru þetta bara fyrst og fremst vináttuskákmót þar sem menn koma til að tefla sjálfum sér og öðrum til yndisauka.

Munið að mæta í kvöld kl. 18 þegar degi hallar. Allir velkomnir.

Þátttökugjald kr. 500 en 1000 fyrir þá sem eru í fæði og húsnæði!

Magnús efstur á Vetrarmóti öðlinga

Skagamaðurinn, Magnús Magnússon (1978) er efstur með fullt hús að lokinni þriðju umferð Vetrarmóts öðlinga sem fram fór í gærkveldi. Magnús hafði þá sigur gegn Siguringa Sigurjónssyni (1942). Magnús Pálmi Örnólfsson (2167) og Þorvarður F. Ólafsson (2213) gerðu jafntefli í innbyrðis skák og eru í 2.-4. sæti með 2½ vinning ásamt Sverri Erni Björnssyni (2104).

Fjórða umferð fer fram nk. miðvikudagskvöld. Þá mætast meðal annars: Magnús M - Þorvarður og Magnús Pálmi - Sverrir Örn.

 

• Heimasíða TR
• Chess-Results

Örn Leó sigraði á hraðkvöldi Hugins

Örn Leó Jóhannsson sigraði með 6,5v í sjö skákum á hraðkvöldi Hugins sem fram fór 10. nóvember sl. Örn gerði jafntefli við Hallgerði í 2. umferð og sigraði svo Vigfús í fimmtu umferð í spennandi skák þar sem gekk á ýmsu. Næstir komu svo Kristófer Ómarsson og Vigfús Ó. Vigfússon með 5,5v. Örn Leó dró svo í lok hraðkvöldsins Stefán Orra Davíðsson og völdu þeir báðir gjafabréf frá Dominos, enda svo sem ekki annað í boði í þetta skipti þar sem gjafabréfin frá Saffran voru ekki tilbúin en það stendur til bóta næst.

Næsta skákkvöld í félagsheimili Hugins í Álfabakka 14a verður mánudaginn 24. nóvember kl. 20 og þá verður einnig hraðkvöld.

Lokastaðan á hraðkvöldinu:

1.     Örn Leó Jóhannsson, 6,5v/7
2.     Kristófer Ómarsson, 5,5v
3.     Vigfús Ó. Vigfússon, 5,5v
4.     Hallgerður Helga Þorsteinsdóttir, 4,5v
5.     Óskar Víkingur Davíðsson, 4v
6.     Finnur Kr. Finnsson, 3v
7.     Stefán Orri Davíðsson, 2v
8.     Sindri Snær Kristófersson, 2v
9.     Björgvin Kristbergsson, 1v
10.     Axel Ingi Árnason, 1v

Það sem gerist í Vegas verður þar áfram - nema ef Hermann segi frá því

Hermann Aðalsteinsson, formaður Hugins, tók þátt í sínu fyrsta alþjóðlega skákmóti á erlendri grundu í október sl. í Las Vegas. Á Skákhuganum má lesa umfjöllun hans um mótið frá hans bæjardyrum séð.

Nokkur sýnishorn úr grein Hermanns:

Allir hafa heyrt um Las Vegas. Flugsamgöngur eru greiðar þangað því flogið er beint til Vegas frá nánst öllum borgum í USA og Kanada og er tiltölulega ódýrt flug. Las Vegas er náttúrulega gríðarlega skemmtilegur staður og það ætti engum að leiðast þar. Svo er veðrið alltaf gott þar og meðan á mótinu stóð var 30-40 stiga hiti og sól í Vegas. Hótelin eru líka í ódýrari kantinum og borgaði ég samtals um 90.000 krónur fyrir svítu, sem ég hafði reyndar ekki bókað en fékk samt, í sjö nætur sem er ekki mjög dýrt. Sennilega hefur það verið vegna þess að ég var frá Íslandi og þess vegna álitið að ég ætti nóg af pengingum sem ég ætlaði að eyða í spilavítinu á neðstu hæðinn.

Síðar segir:

Öllum keppendum var boðið til morgunverðar að amerískum sið daginn sem mótið hófst. Þar buðu Maurice og Amy keppendur velkomna og grínisti fór með gamanmál. Keppendur höfðu frí afnota af sérstöku VIP aðstöðu, sem var augljóslega notaður sem strippstaður við venjulegar aðstæður. Þar var einnig hægt að fá frítt nudd.

Grein Hermanns líkur með setningunni:

Ýmislegt annað skemmtilegt var gert í ferðinni til Vegas sem ekki verður greint frá, því what happens in Vegas stays in Vegas.

Sjáum til með það.

Grein Hermanns má finna í heild sinni á Skákhuganum.

Jafntefli í fjórðu skákinni

Jafntefli varð í fjórðu skák heimsmeistaraeinvígis Carlsen (2863)og Anand (2792) sem fram fór í dag í Sochi í Rússlandi. Carlsen hafði hvítt og komst lítt áleiðis þrátt fyrir að hafa haft frumkvæðið seinni hluta skákarinnar var það aldrei nóg til að innbyrða sigur. 

Carlsen fremur bitlaustu svari við Sikileyjarvörn Anands. Virðist sem Carlsen vilji sneiða frá teóríum og treyst fremur á sigur á endatöflum þar sem fáir standa honum snúning.

Nokkur tíst um skákina.

In #CarlsenAnand ,the younger guy is poor in openings & wants endgame.older guy is better in opening & wants sharp position @anandcarlsen14

— Ashwin Jayaram (@Ashwin148) November 12, 2014

Carlsen: "I missed several things but I think overall it was just not a very high quality game... no glaring blunders, but not good enough"

— chess24.com (@chess24com) November 12, 2014

Magnus is not happy with his performance in the last 2 games. #CarlsenAnand @anandcarlsen14

— Susan Polgar (@SusanPolgar) November 12, 2014

Carlsen 2:2 Anand. Vishy seems satisfied, Magnus is not. pic.twitter.com/N3HcLTJAJu

— Live Chess Ratings (@2700chess) November 12, 2014

Spurður um skákina í gær - sem líkt mjög skák sem Tomashevsky tefldi.

Carlsen asked about a Tomashevsky game that was followed: "I worry about my own games, then Tomashevsky can worry about his." #CarlsenAnand

— Tarjei J. Svensen (@TarjeiJS) November 12, 2014

So the score is tied 2-2 after 4. Best of 8 now. Magnus plays like Magnus but Anand seems to be more confident than in Chennai #CarlsenAnand

— Susan Polgar (@SusanPolgar) November 12, 2014

• Heimasíða mótsins
• Beinar útsendingar
• Chess24 (beinar útsendingar)

 

Grischuk sigraði á minningarmóti Petrosian

Alexander Grischuk (2795) vann öruggan sigur á minningarmóti um Tigran Petrosian sem fór fram fyrir skemmstu í Moskvu. Grishuk hlaut 5½ vinning í sjö skákum og var vinningi fyrir ofan Kramnik (2760) sem varð annar. Aronian (2797), sem var eini landi sem tók þátt í mótinu. Petrosian varð í 3.-4. sæti ásamt Gelfand (2759).

Lokastaðan:

Sjá nánar á Chess.com.

Frammistaða Grischuk var frábær og samsvaraði 2966 skákstigum. Hann hækkaði um 15 stig fyrir hana og er nú kominn í þriðja sæti á lifandi stigalistanum með 2810 skákstig. Aðeins Carlsen (2860) og Caruna (2829) eru þar hærri.

Heimasíða mótsins

Íslendingar útefndir dómarar og settir í FIDE-nefndir

Nýlega fór fram FIDE-fundur í Sochi í Rússlandi við upphaf heimsmeistaraeinvígi Carlsen og Anand. Tveir Íslendingar fengu þar aukin dómararéttindi og tveir Íslendingar fengu sæti í nefndum FIDE. Nýlega að auki varð Íslendingur valinn formmaður viðburðarnefndar hjá ECU.

Dómararéttindi

Steinþór Baldursson var tilefndur sem alþjóðlegur dómari (IA) en hafði áður verið FIDE-dómari (FA).

Ingibjörg Edda Birgisdóttir var tilefnd sem FA-dómari og er fyrsta íslenska konan sem fær alþjóðleg dómaréttindi.

Sjá nánar á heimasíðu FIDE.

FIDE-nefndir

Omar Salma tekur sæti í dómaranefnd FIDE (Arbiters' Commission).

Helgi Ólafsson tekur sæti í þjálfaranefnd FIDE (Trainers' Commission)

Sjá nánar á heimasíðu FIDE

Þetta er í fyrsta skipti í mjög mörg ár að Íslendingar eiga sæti í stærri nefndum á vegum FIDE.

ECU-nefnd

Gunnar Björnsson var valinn formaður viðuburðarnefndar (ECU Events Commission) sem er ný nefnd á vegum ECU (Evrópska skáksambandsins).

Sjá nánar á vef ECU.