Fjórða skák heimsmeistaraeinvígisins hafin

Fjórða skák heimsmeistaraeinvígis Carlsen og Anand hófst nú kl. 12. Carlsen hefur hvítt og tefldi fremur bitlaust afbrigði gegn Sikileyjarvörn heimsmeistarans.

Staðan eftir 15 leiki er í jafnvægi.

Ritstjóri bendir á Chess24 þar sem eru flottar beinar útsendingar. Peter Svidler er þar í augnablikinu. 

 

• Heimasíða einvígisins
• Beinar útsendingar (hefjast kl. 12)

 

Björgvin í sérflokki í Stangarhyl í gær.

Björgvin Víglundsson sannaði það enn og aftur í dag að hann er fyrnasterkur skákmaður og er í sér styrkleika flokki hjá okkur eldri skákmönum, hann var 2½ vinningi fyrir ofan næsta mann í fyrsta sæti hjá Ásum í gær. Björgvin fékk 9 ½ vinning af 10. Friðgeir Hólm var sá eini sem náði jafntefli við hann.

Jafnir í öðru til þriðja sæti urðu þeir Össur Kristinssin og Páll G Jónsson báðir með 7 vinninga.

Við fengum ánægjulega heimsókn í gær. Gunnar Björnsson forseti skáksambandsins kom við og hann ásamt Einar S var að kynna fyrir okkur Íslandsmót eldri skákmanna í ttskák sem verður haldið í fyrsta skifti laugardaginn 22 nóv.

Þetta verður örugglega áhugavert skákmót og miðað við undirtektir verður vonandi góð þátttaka (þegar skráðir keppendur).

Sjá nánar um þetta á Skák.is næstu daga.

Nánari úrslit í töflu frá ESE

 

Fyrsta nafnkunna skákkona Íslands og þó víðar væri leitað: Ingunn Arnórsdóttir á Hólum 1102

Í síðustu viku áttu þeir félagar Einar S. Einarsson, forseti Skáksögufélagsins og Páll G. Jónsson, forstjóri, erindi við Illuga Gunnarsson, menntamálaráðherra út af málefnum sem þeir bera fyrir brjósti tengdum skáklistinni. Við það tækifæri færði Einar menntamálaráðuneytinu að gjöf teikningu af Ingunni Arnórsdóttur, fyrstu menntakonu og skákkonu Íslands í byrjun 12. aldar, eftir eiginkonu sína.

Portrett listakonan og skákekkjan Svala Sóleyg
hefur teiknað fjölmargar myndir af okkar fremstu skákmeisturum, erlendum meisturum og öðrum. Henni lætur líka einkar vel að gera tilgátuteikningar af þekktu sögupersónum og gefa þeim þannig ásjónu. Fræg er teikning hennar af Margréti hinni högu, prestfrú í Skálholti og fyrstu nafnkunnu listakonu Íslands, þeirri sem talin Guðmundur G. Þórarinsson telur hafa skorið út hina er hafa gert sögualdartaflmennina frægu frá Ljóðhúsum „The Lewis Chessmen.“

Tilefni þess að ímyndarteikning af Ingunni Arnórssdóttur var gerð var að eftir að forn taflmaður úr beini „Siglunes berserkurinn“ nánast tvífari Lewis berserksins/hróksins, fannst á Siglunesi sumarið 2011. Guðmundur vildi draga fram þá staðreynd teflt hefði verið að Hólum í Hjaltadal þar ekki langt þar frá á 12 öld og hafa mynd af Ingunni í riti sínu „The Enigma of the Lewis Chessmen – The Icelandic Theory“ sem út kom í þriðja sinn sl. vor í aukinni og endurbættri útgáfu á ensku í ritstjórn Einars.  

Ingunn Arnórsdóttir var fyrsta lærða konan hér á landi og kennari á fyrri hluta 12. aldar. Hún var þekkt handyrðakona og fyrsta nafnkunna skákkona Íslands - ef ekki í heimi.   Hún var skagfirsk, af ætt Ásbirninga, dóttir Arnórs Ásbjarnarsonar og systir Kolbeins Arnórssonar, föður þeirra Arnórs og Tuma Kolbeinssona. Ingunn var á Hólum hjá Jóni biskupi Ögmundssyni og er fyrsta íslenska konan sem sögur fara af sem var menntuð í latínu og öðrum fræðum til jafns við pilta og kenndi þeim líka.

Frá henni segir í sögu Jóns biskups, þegar taldir hafa verið upp nokkrir vel menntaðir skólapiltar, þar á meðal tveir sem síðar urðu biskupar. Þar er sérstaklega tekið fram að hún tefldi skák. Ásamt því að kenna prestsefnum latínu, stundaði Ingunn útsaum og er talið að hún hafi meðal annars saumað altarisklæði um heilaga Maríu og ævi St. Marteins. Bæði þessi klæði eru nú á erlendum söfnum. Ingunn Arnórsdóttir hefur einnig verið nefnd meðal heimildarmanna Odds Snorrasonar munks á Þingeyrum að Ólafs sögu Tryggvasonar Noregkonungs.

Ingunnarskóli í Grafarholti í Reykjavík er kenndur við Ingunni Arnórsdóttur.

Teikningar Svölu Sóleygar má sjá hér:

https://sites.google.com/site/svalasoleygjonsdottir/skakmenn-portrait

Frétt Menntamálaráðuneytisins má sjá hér: http://www.menntamalaraduneyti.is/frettir/forsidugreinar/nr/8161

MS Afmælismót Jónasar Hallgrímssonar í Ráðhúsi Reykjavíkur á sunnudag

• Mót fyrir börn á grunnskólaaldri
• Sunnudagur 16. nóvember kl. 14Mjög vegleg verðlaun
• Hverður valin(n) best klæddi keppandinn?
• Skráið ykkur sem fyrst!

Skákfélagið Hrókurinn og Taflfélag Reykjavíkur standa fyrir MS Afmælismóti Jónasar Hallgrímssonjar í Ráðhúsi Reykjavíkur, sunnudaginn 16. nóvember kl. 14. Mótið er haldið á fæðingardegi þjóðskáldsins sem jafnframt er Dagur íslenskrar tungu. Mjög vegleg verðlaun eru á mótinu og má búast við flestum bestu og efnilegustu börnum og ungmennum landsins. Heiðursgestir  við setningu mótsins verða frú Vigdís Finnbogadóttir, fv. forseti Íslands og Friðrik Ólafsson fyrsti stórmeistari Íslands og fv. forseti FIDE.

MS Afmælismót Jónasar Hallgrímssonar er ætlað börnum á grunnskólaaldri, fædd 1999 og síðar, og er gert ráð fyrir 64 keppendum. Tefldar verða 7 umferðir með 7 mínútna umhugsunatíma. Fyrstu verðlaun eru 30.000 krónur, önnur verðlaun 20.000 og þriðju verðlaun 15.000. Verðlaun fyrir bestan árangur stúlkna er 10.000 kr. Þá verða 4 heppnir keppendur dregnir út sem hljóta 5000 krónur hver. Þeim til mælum er beint til þátttakenda að mæta snyrtilega til fara, enda verður best klæddi keppandinn verðlaunaður sérstaklega með 5000 kr.

Veitt eru verðlaun og viðurkenningar fyrir bestan árangur í þremur aldursflokkum: 1.-3. bekk, 4.-6. bekk og 7.-10. bekk. Mjólkursamsalan mun sjá keppendum fyrir veitingum á mótsstað.

Það er Taflfélagi Reykjavíkur og Hróknum mikil ánægja að heiðra minningu Jónasar Hallgrímssonar (1807-1845) sem vafalaust má telja ástsælasta skáld Íslandssögunnar. Skák og skáldskapur, þessar miklu íþróttir hugans, hafa átt samleið á Íslandi frá öndverðu. Á dögunum stóðu TR og Hrókurinn fyrir glæsilegu Afmælismóti Einars Benediktssonar og er í ráði að minnast fleiri skálda með þessum skemmtilega hætti. Mjólkursamsalan hefur gegnum tíðina verið ötull bakhjarl skáklífs á Íslandi, og hefur líka markvisst beitt sér fyrir eflingu móðurmálsins í rúmlega 20 ár.  Kjörorð MS í þeirri vinnu er Íslenska er okkar mál. Um árabil hafa verið birtir textar af ýmsu tagi á mjólkurumbúðum, ábendingar um gott málfar, útskýringar á orðtökum og fallega skrifaðir textar.

Við setningu mótsins mun Björn Jónsson formaður TR kynna nýja skákbók, Lærðu að tefla, sem út kom í vikunni. Þetta er fyrsta frumsamda, íslenska kennslubókin í skák sem út hefur komið hérlendis í áraraðir og er afar kærkomin, því mjög mikill áhugi er meðal barna og ungmenna á skák. 

Áhugasöm börn og ungmenni, sem vilja spreyta sig á einu glæsilegasta móti ársins ættu að skrá sig sem fyrst.

Skráning mun fara fram á vef TR www.taflfelag.is og Hróksins www.hrokurinn.is

Íslandsmót eldri skákmanna - Strandbergsmótið í skák

Íslandsmót eldri skákmanna sem eru 50 ára + og 65 ára +  í atskák eru nú haldin í fyrsta sinn. Stefnt er því að gera þau að árlegum viðburði sem hluta af Skákþingi Íslands sem fer í mörgum flokkum eins og kunnugt er.   

Mótin verða haldin laugardaginn 22. nóvember nk. í Strandbergi, safnaðarheimili Hafnarfjarðarkirkju, í samstarfi við RIDDARANN, annan af tveimur skákklúbbum eldri borgara á höfuðborgarsvæðinu, sem þar hefur aðsetur. Mótshaldið er liður í 100 ára afmæli kirkjunnar nú um þessar mundir, sem stutt hefur að skáklistinni um árabil. Teflt verður í hátíðarsalnum svo aðstæður á mótsstað verða eins og best verður á kosið og boðið upp kaffi, svaladrykki og kruðerí meðan á móti stendur. Hádegisverðartilboð. 

Fyrirkomulag

Tefldar verða 9 umferðir eftir svissneska kerfinu.

Tímamörk

• Umferðir 1-4: 10 mínútur + 5 sekúndur á hvern leik
• Umferðir 5-9: 20 mínútur + 10 sekúndur á hvern leik 

Umferðartafla 

• 1. umf: Kl. 10:00
• 2. umf: Kl. 10:30
• 3. umf: Kl. 11:00
• 4. umf: Kl. 11:30
• Hlé
• 5. umf: Kl. 13:00
• 6. umf: Kl. 14:00
• 7. umf: Kl. 15:00
• 8. umf: Kl. 16:00
• 9. umf: Kl. 17:00
• Verðl.  Kl. 18:00

Flokkaskipting

Teflt verður í tveimur flokkum 65 ára + (1949 og fyrr) og 50 ára + (1950-64)

Verði skráðir keppendur í öðrum hvorum flokknum færri en 12 verður teflt í einum flokki en engu að síður teflt um tvo Íslandsmeistaratitla.

Verði tveir eða fleiri efstir og jafnir verður stigaútreikningur látinn ráða.                                                                                              

Þátttökugjöld

• 1.500 kr. 

Verðlaun: 

• Aðalverðlaun (nánar síðar)
• Sérstök aldurflokkaverðlaun fyrir 70+, 75+ og 80+
• Sportvörubúðin Jói Útherji/Magnús V. Pétursson gefur alla verðlaunagripi 

Skráning

• Á www.skak.is eða í síma 568 9141
• Einnig er hægt að skrá sig á þriðjudagsmótum hjá ÆSUM eða hjá RIDDARANUM á miðvikudögum.
• Upplýsingar um þegar skráða keppendur má nálgast hér. 

Jóhann Helgi og Bárður Örn efstir á Skákþingi Garðabæjar

Jóhann Helgi vann Ólaf Guðmunds og fór þar með á toppinn á mótinu með 3,5 vinning. Sama vinningafjölda hefur Bárður Örn Birkisson sem vann Unnar Ingvarsson. 

Annars er mótið að einkennast töluvert af frábærum árangri nokkurra aðila sem eru greinilega töluvert "underrated" þe. allt of stigalágir miðað við getu. Þe. Bárður Birkisson sem er að hækka um 113 stig þegar eftir 4 umferð sem og Tómas Agnar Möller sem er að hækka um 85 stig. Jón Eggert Hallsson er svo að hækka um 53 stig.  Ólafur Guðmundsson stefnir svo í byrjunarstig hátt í 1900 og góða íslenska hækkun. 

Af félagsmönnum TG er það að frétta að Jóhann Helgi vann, sem og Páll og Haraldur Arnar en Gulla gerði jafntefli. Sindri tók hálfan með hjásetu. í Hús komu því 4 vinningar í þessari umferð. 

Staðan nú:

Rank		Name	Rtg	Club	Pts	BH.
1		Jóhann Helgi Sigurðsson	2013	TG	3½	11½
2		Bárður Örn Birkisson	1636	TR	3½	10
3		Agnar Tómas Möller	1657	SR	3	9
4		Ólafur Guðmundsson	1694	TG	3	8½
5		Gauti Páll Jónsson	1719	TR	2½	9
6		Jón Eggert Hallsson	1632	Huginn	2½	8½
7		Unnar Ingvarsson	1818	Sauðárkrókur	2½	7½
8	WFM	Guðlaug U Þorsteinsdóttir	2006	TG	2½	7
9		Jón Þór Helgason	1681	Haukar	2½	7
10		Þórir Benediktsson	1934	TR	2	9½
11		Björn Hólm Birkisson	1655	TR	2	9
12		Páll Sigurðsson	1919	TG	2	7½
13		Haraldur Arnar Haraldsson	1549	TG	2	6
14		Alec Sigurðarson	1305	Huginn	1½	7½
15		Ingvar Egill Vignisson	1561	Huginn	1½	7½
16		Sveinn Gauti Einarsson	1555	TG	1½	7½
17		Sindri Guðjónsson	1895	TG	1½	7
18		Friðgeir K Holm	1722	KR	1½	5½
19		Estanislau Plantada Siurans	1544	SFÍ	1	8½
20		Ólafur Hermannsson	1645	TV	1	7
21		Bjarnsteinn Þórsson	1757	TG	1	6½
22		Hjálmar Sigurvaldason	1506	Vinaskákfélagið	0	8½

 

 Sjá má öll úrslit stöðu og pörun (á fimmtudag) á http://chess-results.com/tnr148673.aspx?lan=1&art=2&rd=4&flag=30&wi=821

 

Í B flokki er baráttan ekki síðri. 

Róbert Luu gerði jafntefli við Guðmund Agnar en missti við það forustuna til Þorsteins Magnússonar sem hefur jafn marga vinninga eða 3,5 en fleiri stig. Þorsteinn vann Sindra Snæ Kristófersson. 

þeir Guðmundur Agnar, Aron Mai og Alexander Mai auk Braga Þór Thoroddsen fylgja þeim fast á eftir með 3 vinninga.

 

TG ingum í B flokki gekk almennt vel, Karl Oddur vann reyndar skottu en Axel Örn og Sólon unnu báðir, en skák Sigurðar var frestað til miðvikudags. 

Staðan í B flokki:

Interim Ranking List

Ranking Crosstable after Round 4

Rank	Name	Rtg	Club	Pts	BH.
1	Þorsteinn Magnússon	1241	TR	3½	10½
2	Róbert Luu	1315	TR	3½	7
3	Guðmundur Agnar Bragason	1352	TR	3	11
4	Aron Þór Mai	1274	TR	3	8½
5	Alexander Oliver Mai	0	TR	3	8
6	Bragi Þór Thoroddsen	1304	TR	3	7½
7	Sindri Snær Kristófersson	1391	Huginn	2½	9
8	Halldór Atli Kristjánsson	1307	Huginn	2½	8½
9	Daníel Ernir Njarðarson	0	TR	2	9½
10	Arnór Ólafsson	0	TR	2	8½
11	Þorsteinn Emil Jónsson	1000	Haukar	2	7½
12	Sólon Siguringason	1123	TG	2	6½
13	Björn Magnússon	0	TR	2	6½
14	Björgvin Kristbergsson	1181	TR	1½	8
15	Sigurður Gunnar Jónsson	0	TG	1½	8
16	Ólafur Örn Olafsson	0	TR	1½	6½
17	Bjarki Ólafsson	0	TR	1½	6
18	Helgi Svanberg Jónsson	1022	Haukar	1	8½
19	Axel Ingi Árnason	0	-	1	8
20	Axel Örn Heimisson	0	TG	1	7½
21	Karl Oddur Andrason	0	TG	1	6½

 

• Heimasíða TG
• Chess-Results

Anand jafnaði metin gegn Carlsen - kom mun betur undirbúinn til leiks

Vishy Anand (2792) vann þriðju skák heimsmeistaraeinvígisins gegn Magnusi Carlsen (2863). Þar með jafnaði Indverjinn metinn gegn Norðmanninum í einvíginu nú. Jafnframt er þetta fyrsti sigur Anand gegn Carlsen í heimsmeistaraeinvígi en í einvíginu síðasta ár vann Indverjinn ekki skák en Carlsen þrjár.

Teflt var drottningarbragð í dag og kom Anand vel undirbúinn til leiks en sama mátti ekki segja um Carlsen sem lenti snemma í vörn og í vandræðum. Anand upplýsti á blaðamannafundi eftir skákina að staðan eftir 24 leiki hefði verið á eldhúsborðinu hjá sér og aðstoðarmönnum sínum.

Í 28. leik lék Carlsen svo endanlega skákinni af sér og mátti gefast upp sex leikjum síðar.

Staðan er nú því 1,5-1,5. Á morgun tefla þeir fjórðu skák einvígisins og þá hefur Carlsen hvítt.

Góða umfjöllun um skákina má finna á Chess24.

Nokkur tíst um skákina:

 

Anand says he had the position after 24.Qb6 during home prep. Wow! This is a rare line. Amazing depth & scope of analysis #CarlsenAnand

— Natalia Pogonina (@Pogonina) November 11, 2014

I felt right from beginning that this was not the type of position MC wants. Anand is too well prepared theoretically #CarlsenAnand

— Susan Polgar (@SusanPolgar) November 11, 2014

@GMjtis Whatever happened Carlsen clearly didn't know the Aronian-Adams game in any detail, nor Tomashevsky-Riazantsev.

— Mark Crowther (@MarkTWIC) November 11, 2014

In summary: Vishy's prep. was far superior. Carlsen emerged with a difficult position and could not handle the problems #CarlsenAnand

— Nigel Short (@nigelshortchess) November 11, 2014

Heimasíða einvígisins
Beinar útsendingar (hefjast kl. 12)

Veljið skák (3 alls): 1: Anand,V - Carlsen,M 2: Carlsen,M - Anand,V 3: Anand,V - Carlsen,M

[Event "WCh 2014"] [Site "Sochi RUS"] [Date "2014.11.08"] [Round "1"] [White "Anand,V"] [Black "Carlsen,M"] [Result "1/2-1/2"] [WhiteElo "2792"] [BlackElo "2863"] [EventDate "2014.11.08"] [ECO "D85"] 1. d4 Nf6 2. c4 g6 3. Nc3 d5 4. cxd5 Nxd5 5. Bd2 Bg7 6. e4 Nxc3 7. Bxc3 O-O 8. Qd2 Nc6 9. Nf3 Bg4 10. d5 Bxf3 11. Bxg7 Kxg7 12. gxf3 Ne5 13. O-O-O c6 14. Qc3 f6 15. Bh3 cxd5 16. exd5 Nf7 17. f4 Qd6 18. Qd4 Rad8 19. Be6 Qb6 20. Qd2 Rd6 21. Rhe1 Nd8 22. f5 Nxe6 23. Rxe6 Qc7+ 24. Kb1 Rc8 25. Rde1 Rxe6 26. Rxe6 Rd8 27. Qe3 Rd7 28. d6 exd6 29. Qd4 Rf7 30. fxg6 hxg6 31. Rxd6 a6 32. a3 Qa5 33. f4 Qh5 34. Qd2 Qc5 35. Rd5 Qc4 36. Rd7 Qc6 37. Rd6 Qe4+ 38. Ka2 Re7 39. Qc1 a5 40. Qf1 a4 41. Rd1 Qc2 42. Rd4 Re2 43. Rb4 b5 44. Qh1 Re7 45. Qd5 Re1 46. Qd7+ Kh6 47. Qh3+ Kg7 48. Qd7+ 1/2-1/2

[Event "WCh 2014"] [Site "Sochi RUS"] [Date "2014.11.09"] [Round "2"] [White "Carlsen,M"] [Black "Anand,V"] [Result "1-0"] [WhiteElo "2863"] [BlackElo "2792"] [EventDate "2014.11.08"] [ECO "C65"] 1. e4 e5 2. Nf3 Nc6 3. Bb5 Nf6 4. d3 Bc5 5. O-O d6 6. Re1 O-O 7. Bxc6 bxc6 8. h3 Re8 9. Nbd2 Nd7 10. Nc4 Bb6 11. a4 a5 12. Nxb6 cxb6 13. d4 Qc7 14. Ra3 Nf8 15. dxe5 dxe5 16. Nh4 Rd8 17. Qh5 f6 18. Nf5 Be6 19. Rg3 Ng6 20. h4 Bxf5 21. exf5 Nf4 22. Bxf4 exf4 23. Rc3 c5 24. Re6 Rab8 25. Rc4 Qd7 26. Kh2 Rf8 27. Rce4 Rb7 28. Qe2 b5 29. b3 bxa4 30. bxa4 Rb4 31. Re7 Qd6 32. Qf3 Rxe4 33. Qxe4 f3+ 34. g3 h5 35. Qb7 1-0

[Event "WCh 2014"] [Site "Sochi RUS"] [Date "2014.11.11"] [Round "3"] [White "Anand,V"] [Black "Carlsen,M"] [Result "1-0"] [WhiteElo "2792"] [BlackElo "2863"] [EventDate "2014.11.08"] [ECO "D37"] 1. d4 Nf6 2. c4 e6 3. Nf3 d5 4. Nc3 Be7 5. Bf4 O-O 6. e3 Nbd7 7. c5 c6 8. Bd3 b6 9. b4 a5 10. a3 Ba6 11. Bxa6 Rxa6 12. b5 cxb5 13. c6 Qc8 14. c7 b4 15. Nb5 a4 16. Rc1 Ne4 17. Ng5 Ndf6 18. Nxe4 Nxe4 19. f3 Ra5 20. fxe4 Rxb5 21. Qxa4 Ra5 22. Qc6 bxa3 23. exd5 Rxd5 24. Qxb6 Qd7 25. O-O Rc8 26. Rc6 g5 27. Bg3 Bb4 28. Ra1 Ba5 29. Qa6 Bxc7 30. Qc4 e5 31. Bxe5 Rxe5 32. dxe5 Qe7 33. e6 Kf8 34. Rc1 1-0

Þriðja einvígisskákin hafin

Þriðja skák heimsmeistaraeinvígis Anand og Carlsen hófst nú kl. 12. Teflt var drottningarbragð og er mjög skemmtileg staða á borðinu.

Ritstjóri bendir á Chess24 þar sem eru flottar beinar útsendingar.

 

 

• Heimasíða einvígisins
• Beinar útsendingar (hefjast kl. 12)

 

Íslandsmót unglingasveita fer fram um næstu helgi

Íslandsmót Unglingasveita 2014 verður haldið þann 15. nóvember næstkomandi í Garðalundi í Garðabæ. (Garðaskóli)

Mótið hefst kl. 13 og stendur líklega fram til 17. Umhugsunartími eru 15 mínútur á mann.

Mótið er liðakeppni Taflfélaga og eru 4 í hverju liði auk varamanna.

Reglugerð mótsins má finna á vefnum skaksamband.is http://www.skaksamband.is/?c=webpage&id=249

Þátttökurétt hafa öll taflfélög sem og/eða íþrótta/héraðssambönd svo framarlega að ekki er taflfélag á sama svæði.

Skráning fer fram í tölvupósti til félagsins [e-mail]

Benda ber sérstaklega á
• að sameinuð lið geta ekki orðið Íslandsmeistarar
• hverju liði skal fylgja liðsstjóri sem sér um liðið og að fylla út öll úrslit í mótinu. Hver liðsstjóri skal ekki stýra meira en 2 liðum
• Þátttökugjöld eru 3000 kr. á hvert lið.
• Mótið verður reiknað til alþjóðlegra atskákstiga. Fæðingardagar þeirra keppenda sem eru ekki á stigalista þurfa fylgja með skráningu.

Íslandsmeistarar 2013 voru Taflfélag Reykjavíkur.

Sjá má úrslit á mótinu í fyrra á Chess-Results.com síðunni
http://www.chess-results.com/tnr116230.aspx?lan=1

Hraðkvöld hjá Hugin í kvöld

Hraðkvöld Hugins hefjast aftur mánudaginn 10. nóvember nk. og hefst taflið kl. 20:00. Tefldar verða 7 umferðir með sjö mínútna umhugsunartíma. Teflt er í félagsheimili Hugins í Álfabakka 14a í Mjóddinni. Í vetur verða svo hraðhvöldin fyrsta og síðasta mánudaga í hverjum mánuði að desember undanskildum og þegar mánudag ber upp á stórhátíð.

Sigurvegarinn á hraðkvöldinu fær í verðlaun máltíð fyrir einn á Saffran eða pizzu frá Dominos Einnig verður dreginn út af handahófi annar keppandi sem einnig fær sama val. Þar eiga allir jafna möguleika, án tillits til árangurs á mótinu.

Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri).