Ný alþjóðleg skákstig

Ný alþjóðleg skákstig komu út í dag. Jóhann Hjartarson er sem fyrr stigahæsti skákmaður landsins. Hermann Aðalsteinsson er stigahæstur þriggja nýliða og Hilmir Freyr Heimisson hækkar mest allra frá síðasta lista. 

Heildarlistinn (virkir skákmenn) fylgir með sem PDF-viðhengi.

Topp 20

Jóhann Hjartarson (2576) er sem fyrr stigahæsti skákmaður landsins. Það munar þá aðeins þremur stigum á honum og Hannesi Hlífari Stefánssyni (2573). Hjörvar STeinn Grétarsson (2554) er svo þriðji.

Nr.	Nafn	Tit	Stig	Sk.	Mism	At	Hrað
1	Hjartarson, Johann	GM	2576	0	0		2550
2	Stefansson, Hannes	GM	2573	0	0	2510	2585
3	Gretarsson, Hjorvar Steinn	GM	2554	0	0	2557	2550
4	Olafsson, Helgi	GM	2547	0	0	2542	2614
5	Petursson, Margeir	GM	2536	0	0		2546
6	Steingrimsson, Hedinn	GM	2530	0	0	2556	2601
7	Danielsen, Henrik	GM	2514	7	3		2549
8	Arnason, Jon L	GM	2502	0	0		2421
9	Kristjansson, Stefan	GM	2492	0	0	2535	2435
10	Kjartansson, Gudmundur	IM	2484	11	16	2437	2346
11	Gretarsson, Helgi Ass	GM	2458	0	0	2481	2477
12	Thorsteins, Karl	IM	2456	0	0		2381
13	Thorhallsson, Throstur	GM	2433	0	0	2487	2481
14	Gunnarsson, Jon Viktor	IM	2433	0	0	2394	2488
15	Thorfinnsson, Bragi	IM	2432	0	0	2455	2416
16	Gunnarsson, Arnar	IM	2416	0	0	2433	2444
17	Olafsson, Fridrik	GM	2397	0	0		2382
18	Jensson, Einar Hjalti	FM	2390	0	0	2374	2287
19	Ulfarsson, Magnus Orn	FM	2377	0	0	2304	2309
20	Thorfinnsson, Bjorn	IM	2373	0	0	2412	2463

Nýliðar

Þrír nýliðar eru á listanum og koma þeir allir úr Þingeyjarsveitinni. Þeirra stigahæstur er sjálfur Foringinn, Hermann Aðalsteinsson (1649), en næstir eru Hlynur Snær Viðarsson (1399) og Sighvatur Karlsson (12701).

Nr.	Nafn	Tit	Stig	Sk.	Mism	At	Hrað
1	Adalsteinsson, Hermann		1649	13	1649	1816	1492
2	Vidarsson, Hlynur Snaer		1399	7	1399	1591	1594
3	Karlsson, Sighvatur		1270	7	1270

Mestu hækkanir:

Aðeins fjórir skákmenn hækkuðu um 10 stig eða meira. Þeirra langmest hækkaði Hilmir Freyr Heimsson (73). 

 

Nr.	Nafn	Tit	Stig	Sk.	Mism	At	Hrað
1	Heimisson, Hilmir Freyr		1929	7	73	1699	1802
2	Kjartansson, Gudmundur	IM	2484	11	16	2437	2346
3	Sigurdarson, Tomas Veigar		1937	4	15	1987
4	Thorarinsson, Pall A.		2230	2	10	2181

Reiknuð mót

Aðeins þrjú mót, sem í raun og veru voru eitt mót, voru reiknuð að þessu sinni. Það var Janúarmót Hugins þar sem teflt var í vestur-, austur- og úrslitariðlum.

Heimslistinn

Magnus Carlsen (2865) er langstigahæsti skákmaður heims. Í næstum sætum eru Fabiano Caruana (2811), Alexander Grischuk (2810) og Veselin Topalov (2800). 

Heimslistann má nálgast hér.

Skrár tengdar þessari bloggfærslu:

• Alþjóðleg skákstig, 1. febrúar 2015

Valgerður, Nansý, Freyja, Elsa Kristín Íslandsmeistarar stúlkna

Íslandsmót stúlkna fór fram í gær í Rimaskóla. Teflt var eftir nýju fyrirkomulagi í ár en skipt var í fleiri flokka nú en nokkurn tíma áður. Gekk það vel enda hentar það ungum keppendum vel að tefla við keppendur sem eru nær sér í aldri og styrkleika. 

Í elsta flokki (5.-10. bekk) tefldi fimm keppendur. Valgerður Jóhannesdóttir var eini fulltrúi 8.-10. bekk hreppti þann Íslandsmeistaratitil.

 

Nansý Davíðsdóttir varð efst í flokknum með fullu húsi og var þar með Íslandsmeistari í 5.-7. bekk. Í öðru sæti varð Katla Torfadóttir, sem alla leiðina frá Hellu til að taka þátt í mótinu, og í þriðja sæti Sara Atladóttir.

Lokastaðan á Chess-Results.

Freyja Birkisdóttir kom sá og sigraði í flokki stúlkna með fullu húsi. Í öðru sæti varð Ylfa Ýr Welding Hákonardóttir og í þriðja sæti varð Vigdís Lilja Kristjánsdóttir. 

Því miður hrundi skráin í flokknum í Chess-Results og lokastaðan í flokknum ekki til í heild sinni.

Að lokum var teflt í flokki yngri stúlkna. Þar kom Elsa Kristín Arnaldardóttir sú og sigraði með fullu húsi. Í öðru sæti varð Iðunn Helgadóttir og í þriðja sæti varð Sólveig Freyja Hákonardóttir sem er aðeins fimm ára.

Peðaskákin féll niður vegna ónógrar þátttöku og tók Ragna Steinunn Birgisdóttir þátt í yngsta flokknum og stóð sig vel þrátt fyrir að hafa lært mannganginn rétt fyrir mót og fékk verðlaun fyrir það!

Sjá nánar úrslit á Chess-Results.

Að lokum voru allar stelpurnar leystar út með Prins Póli. Það voru brosandi keppendur sem gengu út í snjóinn að móti loknu!

Mótið tókst vel og sú breyting að fjölga flokkum mjög vel heppnuð en það var hugmynd Lenku Ptácníková.

Lenka, Íslandsmeistari kvenna, afhendi verðlaun að móti loknu.

Gunnar Björnsson, Vigfús Ó. Vigfússon og Lenka sáu um skákstjórn á mótinu.

Jón Viktor skákmeistari Reykjavíkur í sjötta sinn.

Andrúmsloftið í skákhöllinni í Faxfeni var rafmagnað er keppendur settust við taflborðin klukkan 14 í dag. Hörð barátta var framundan um sigur í Skákþingi Reykjavíkur. Á kaffistofunni sátu spekingarnir og spáðu í spilin, og sýndist sitt hverjum. 

Flestra augu beindust að efstu tveimur borðunum. Á 1.borði hafði nýkrýndur Frikkinn, Jón Viktor Gunnarsson (2433), hvítt gegn Birni Þorfinnssyni (2373) og lögðu þeir félagar allt í sölurnar til að tryggja sér sigur í mótinu. Á meðan stýrði stórmeistarinn Stefán Kristjánsson (2492) svörtu mönnunum gegn Norðangarpinum Mikael Jóhanni Karlssyni (2077) og blésu þeir fljótlega í herlúðra. Er leið á taflið mátti glöggt sjá að Jón Viktor var að ná yfirhöndinni gegn Birni enda átti peðastaða Björns nokkuð undir högg að sækja. Á sama tíma varð Stefáni fótaskortur gegn Mikael sem kostaði hann peð. Til að gera langa sögu stutta að þá vann Jón Viktor góðan sigur á Birni, og Mikael gerði sér lítið fyrir og vann Stefán. Þar með lá fyrir að Jón Viktor hafði varið titilinn frá því á síðasta ári. Einnig var ljóst að Mikael hafði tryggt sér 2.sætið, öllum að óvörum, því úrslitin á 3.borði voru honum hagstæð. 

Á 3.borði mættust Grafarvogsguttarnir Dagur Ragnarsson (2059) og Jón Trausti Harðarson (2067). Báðir höfðu átt sterkt mót fram að þessu og svo virðist sem þeir hafi verið orðnir nokkuð saddir. Þrátt fyrir að eygja sigur í mótinu sömdu þeir jafntefli í svo til ótefldri skák. 

Titilhafarnir Dagur Arngrímsson og Guðmundur Gíslason réttu sinn hlut eilítið í þessari síðustu umferð og lögðu andstæðinga sína að velli með svörtu mönnunum. Þeir komust báðir nokkuð óskaddaðir frá þessu móti og enduðu með 6,5 vinning, þó öllum megi vera ljóst að þeir hafi ætlað sér stærri hluti. 

Lokastaða efstu manna í mótinu: 

1. Jón Viktor Gunnarsson 7,5 vinningar.

2. Mikael Jóhann Karlsson 7 vinningar.

3-8. Stefán Kristjánsson, Dagur Arngrímsson, Guðmundur Gíslason, Dagur Ragnarsson, Björn Þorfinnsson og Jón Trausti Harðarson, allir með 6,5 vinning.

• Heimasíða TR
• Chess-Results
• Myndaalbúm (GB)

Áskell, Jón Kristinn og Símon efstir á Norðurorkumótinu - Skákþingi Akureyrar

Í dag fór fram 3. umferð Norðurorkumótsins, Skákþings Akureyrar 2015.

Á 1. borði áttust við Haraldur og Áskell. Hvítur fékk örlítið betra út úr byrjuninni en svarta staðan var traust. Haraldur teygði sig of langt í sigurtilraunum sínum. Hann fórnaði manni en sú fórn stóðst einfaldlega ekki og Áskell gaf engin færi á sér eftir það og vann skákina.

Á 2. borði fór fram mikil spennuskák. Ólafur stýrði hvítu mönnunum gegn Jóni Kr. Ólafur tefldi af miklum krafti og fékk umtalsvert betra úr byrjuninni en Jón varðist vel. Ólafur missti peð en hafði frumkvæðið Kóngsstaða beggja var nokkuð hæpin, einkum þó kóngsstaða hvíts. Skömmu síðar fórnaði Ólafur manni sem Jón tók ekki. Eftir það komu upp miklar flækjur. Hvítur vann skiptamun en þá var Jón búinn að hrifsa frumkvæðið og Ólafur gaf skiptamuninn til baka. Upp úr því fékk Jón samstæð frípeð á miðborðinu sem Ólafur réð ekki við og gafst upp eftir 44 leiki.

Á 3. borði Kepptu Hjörleifur og Símon. Eftir þunga stöðubaráttu vann Símon peð í miðtaflinu og fékk betri biskup. Þá afréð Hjörleifur að láta drottningu sína fyrir tvo hróka en svarta drottningin varð mjög virk. Símon töfraði hraða i eitt af peðunum sínum sem óð upp í borð og Hjörleifur þurfti að lúta í gras.

Á 4. borði mættust Smári og Kristján. Upp kom Sikileyjarvörn og fékk Smári snemma betra tafl og stýrði skákinni örugglega til sigurs.

Á 5. borði tefldu Haki og Jakob. Skákin varð fjörug eftir fremur rólega byrjun þar sem báðir keppendur vildu helst ekki leika peðum sínum nema um einn reit í einu. Reyndar gerðist það bara einu sinni fyrir utan byrjunarleikina 1.e4 og 1...e5. Eftir 20 leiki fékk Jakob hrók og tvö peð fyrir tvo menn. Jakob fékk frípeð á kóngsvæng en Haka tókst að skorða þau og sættust þeir þá á jafntefli eftir 38 leiki.

Á 6. borði stýrði Andri hvítu mönnunum gegn Loga. Lítil flétta snemma tafls færði Andra yfirburðastöðu og átti hann ekki í teljandi vandræðum með að landa sigrinum.

Á 7. borði tókust á Eymundur og Sigurður. Þeir fóru fljótlega út af troðnum slóðum. Var lengi allt í járnum en Sigurður var áræðnari og náði ögn betri stöðu. Þá lék Eymundur illa af sér í 27. leik, tapaði peði og Sigurður fékk betra tafl sem dugði til sigurs eftir að honum tókst að mynda sér frípeð á a-línunni.

Á 8. borði átti að fara fram skák milli Hreins og Sveinbjarnar. Skákinni var frestað vegna veikinda þess fyrrnefnda og þurfa þeir að ljúka skákinni eigi síðar en á þriðjudag.

Á 9. Borði Stýrði Benedikt hvítu mönnunum gegn Karli. Bensi vann peð snemma tafls og fékk betri stöðu. Eftir að Karl lék hrók sínum á 6. reitaröð gat hvítur fengið yfirburðastöðu en valdi ranga leið og fór niður í logum.

Á 10. borði kepptu Ulker og Gabríel. Gabríel fórnaði manni sem Ulker leit ekki við. Skömmu síðar missti Gabríel af vinningsleik þar sem hann gat unnið drottningu Ulkers. Hann var samt með fína stöðu þar til hann lék af sér riddara og tapaði.

Fimm skákir unnust því á svart en aðeins tvær á hvítt, ein skák endaði með jafntefli og einni skák er ólokið.

Jón Kristinn, Áskell og Símon eru allir með fullt hús eftir þrjár umferðir. Ólafur, Haraldur, Andri og Smári hafa tvo vinninga, Haki, Jakob, Karl, Ulker og Sigurður hafa 1,5 vinninga, Hjörleifur, Logi og Kristján hafa einn vinning, Hreinn og Sveinbjörn hafa hálfan vinning hvor og óteflda innbyrðis skák. Eymundur, Gabríel, Benedikt og Oliver eru með hálfan vinning.
Röðun verður tilkynnt um leið og Hreinn og Sveinbjörn ljúka sinni skák.

Næsta umferð fer fram fimmtudaginn 5. feb. kl. 18.00.

• Heimasíða SA
• Chess-Results

Rimaskóli og Smáriskóli Íslandsmeistarar stúlknasveita

Íslandsmót stúlknasveita fór fram í Rimaskóla í gær. Alls tóku sextán sveitir þátt. Rimaskóli kom sá og sigraði örugglega í eldri flokki mótins (1.-10. bekk) en sveitin vann allar sex viðureignir sínar 4-0!

Sveitina skipuðu:

1. Nansý Davíðsdóttir
2. Valgerður Jóhannesdóttir
3. Ásdís Birna Þórarinsdóttir
4. Heiðrún Anna Hauksdóttir
5. Tinna Sif Aðalsteinsdóttir.

Mikil spennan var hins vegar um 2.-3. sæti. Þar hafði systrasveitin Salaskóli (systur á 1.-3. borði) annað sætið eftir mikla keppni.

 

Foldaskóli hafði þriðja sætið. Melaskóli var þarna sjónarmuni á eftir.

 

Röð efstu liða:

1. Rimaskóli 24 v. af 24
2. Salaskóli 17 v.
3. Foldaskóli 15 v.
4. Melaskóli 14 v.
5. Rimaskóli b-sveit 12 v.

Lokaröð mótsins má finna á Chess-Results.

Í fyrsta skipti var sér keppni fyrir sveitir í 1.-3. bekk en það er hugmynd Lenku Ptácníková. Sú hugmynd skilaði því að sex sveitir, allar úr Kópavogi, tóku þátt. 

Smáraskóli hafði mikla yfirburði en sveitin hlaut 17,5 vinning í 20 skákum. Snælandsskóli og Álfhólsskóli urðu í 2. og 3. sæti og hafði Snælandsskóli annað sætið eftir stigaútreikning.

Skáksveit Smáraskóla:

1. borð: Freyja Birkisdóttir.
2. borð: Vigdís Tinna Hákonardóttir.
3. borð: Helga María Sveinsdóttir.
4. borð: Benedikta Fjóludóttir. 

Lokastöðuna má nálgast á Chess-Results.

Stelpurnar skemmtu sér afar vel og var heldur rólegra yfirbragð yfir mótinu en hjá strákunum! Að minnsta kosti minni hlaup!

Skákstjórar voru Gunnar Björnsson, Stefán Bergsson og Donika Kolica. 

Myndaalbúm (HÁ)

Hannes með sigur í gær - Guðmundur tapaði

Hannes Hlífar Stefánsson (2573) vann indversku stúlkuna Eesha Karavade (2398) í fimmtu umferð Gíbraltar-mótsins í gær. Guðmundur Kjartansson (2468) tapaði fyrir indverska stórmeistaranum Surya Shekhar Ganguly (2595). Hannes hefur 3,5 vinning en Guðmundur hefur 3 vinninga.

Í fjórðu umferð máttu þér félagar sætta sig báðir við tap við ofurstórmeistara. Hannes tapaði fyrir Topalov (2800) en Gummi fyrir Svidler (2735).

Nakamura (2776) er efstur með fullt hús. Topalov (2800) og Wei Yi (2675) eru meðal fimm keppenda sem hafa 4,5 vinning.

Feðginin Magnús Kristinsson (1744) og Veronika Steinunn Magnúsdóttir (1566) taka einnig þátt. Þau hafa hálfan vinning.

Í sjöttu umferð sem fram fer í dag teflir Gummi við Þjóðverjann Michael Tscharotschkin (2144) en Hannes tekur sér yfirsetu (bye) og fær fyrir hana hálfan vinning.

Alls taka 253 frá 46 löndum þátt í efsta flokki mótsins. Þar eru 72 stórmeistarar. Hannes er nr. 40 í stigaröð keppenda en Guðmundur er nr. 82.

• Heimasíða mótsins
• Beinar útsendingar (hefjast kl. 14)
• Skákskýringar

Íslandsmót stúlkna hefst kl. 11 í Rimaskóla

Íslandsmót stúlkna 2015 - einstaklingskeppni fyrir stúlkur á grunnskólaaldri fer fram, sunnudaginn 1. febrúar, í Rimaskóla og hefst kl. 11.

Veitt verða þrenn verðlaun í öllum flokkum en teflt er fimm flokkum.

• 8.-10. bekkur (1999-2001)
• 5.-7. bekkur (2002-2004)
• 3.-4. bekkur (2005-2006)
• 1.-2. bekkur (2007-2008). (Jafnframt mega yngri stelpur tefla.)
• Peðaskák (leikskólaaldur og fyrir þær sem ekki treysta sér ekki í hefðbundna skák)

Tefldar verða 10 mínútna skákir - umferðafjöldi fer eftir fjölda þátttakenda.

Samhliða mótinu verður tefld Peðaskák sem er ætlað ungum keppendum sem hafa nýlega byrjað að tefla.

Allir keppendur fá Prins Póló í lok mótsins!

Þátttökugjöld eru 500 kr. á keppenda. Systur greiða þó ekki meira en 750 kr.

Skráning fer fram á Skák.is. Upplýsingar um skráðar keppendur má nálgast hér.

 

Skákþáttur Morgunblaðsins: Magnús Carlsen vann sex skákir í röð

Mig grunar að andstæðingar heimsmeistarans Magnúsar Carlsens leiti stundum athvarfs í þeim þanka að allt væri betra ef pilturinn hefði haldið áfram með vetraríþróttirnar eins og flestir landar hans og látið skákina eiga sig; hann mun hafa svifið yfir 20 metra í skíðastökki þegar hann var 10 ára.

Í Wijk aan Zee byrjaði Magnús með tveimur jafnteflum og tapi en svo komu hamskiptin: Magnús vann sex skákir í röð! Meistarar á borð við Caruana og Aronjan, sem hafa stundum verið að máta sig við skákkrúnuna, steinlágu báðir. Þegar þetta er ritað fyrir elleftu umferðina sem fór fram í gær var ekki alveg loku fyrir það skotið að staðarmet félli en til þess þarf hann að vinna allar skákirnar sem eftir eru. Staðan:

1. Magnús Carlsen 7½ v. (af 10). 2.- 3. So og Vachier La-Grave 6½ v. 4.-7. Giri, Ivantsjúk, Caruana og Liren Ding 6 v. 8.-9. Wojtaszek og Radjabov 5 v. 10. Aronjan 4½ v. 11. Van Wely 3½ v. 12.-13. Hou Yifan og Saric 3 v. 14. Jobava 1½ v.

Meðan á sigurgöngunni stóð bar minna á endataflstækni en oft, taflmennskan í miðtaflinu var afar góð og þótt sumir ættu möguleika á jafntefli hafði Magnús þá undir að lokum. Í 10. umferð bauð Radjabov upp á Berlínarvörn spænska leiksins. Eins og stundum áður fór Magnús „með löndum“, hélt drottningunum á borðinu og hafði sigur eftir snarpa kóngssókn:

Wijk aan Zee 2015:

Magnús Carlsen – Teimour Radjabov

Spænskur leikur

1. e4 e5 2. Rf3 Rc6 3. Bb5 Rf6 4. d3

Að hrókera stutt dugði í lokaskákinni í Sochi en Magnús hefur leikið þessu nokkrum sinnum áður.

4.... Bc5 5. 0-0 d6 6. Rbd2 0-0 7. Bxc6 bxc6 8. h3 h6 9. He1 He8 10. Rf1 a5 11. Rg3 Hb8 12. b3 Bb4?!

Ekki er ljóst hvað vakir fyrir svarti með þessum leik og þeim næsta. Hví ekki 12.... a4?

13. Bd2 Ha8 14. c3 Bc5 15. d4 Bb6 16. dxe5 dxe5 17. c4 Rh7 18. De2 Rf8 19. Be3 c5 20. Had1 Df6 21. Rh5

Svarti riddarinn er á leið til e6 og síðan til d4. Magnús gerir allt til þess að hindra þá fyrirætlan.

21.... De7 22. Rh2 Kh7 23. Df3 f6 24. Rg4 Bxg4 25. Dxg4 Hed8?

25.... Re6 lá beinast við og er besti leikurinn sem Radjabov óttaðist 25. Df5+ Kh8 27. Bxh6!? gxf6 28. Rxf6 t.d. 28.... Hf8 29. Hd7! o.s.frv. En betra er 28.... Rd4 og svartur getur barist áfram.

26. Df5+ Kh8 27. f4!

Opnar taflið upp á gátt.

27.... Hxd1 28. Hxd1 exf4 29. Bxf4 De6 30. Hd3! He8

31. Rxg7! Kxg7 32. Dh5! Rh7 33. Bxh6+ Kh8 34. Dg6 Dg8

 

 

 

 

 

 

 

35. Bg7+!

Gerir út um taflið þar sem hrókurinn er miklu öflugri en léttu menn svarts.

35.... Dxg7 36. Dxe8+ Df8 37. De6 Dh6 38. e5! Dc1+ 39. Kh2 Df4+ 40. Hg3

– og Radjabov gafst upp.

 

Fjórir efstir á Skákþingi Reykjavíkur

Fjórir skákmenn eru efstir að loknum sex umferðum á Skákþingi Reykjavíkur. Stefán Kristjánsson, Guðmundur Gíslason, Oliver Aron Jóhannesson og Jón Viktor Gunnarsson hafa allir hlotið fimm vinninga en í 5.-9. sæti koma Björn Þorfinnsson, Dagur Arngrímsson, Dagur Ragnarsson, Mikhael Jóhann Karlsson og Bjarni Sæmundsson með 4½ v. Talsvert hefur verið um óvænt úrslit á mótinu, sem lýkur sunnudaginn 1. febrúar.

 

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Morgunblaðinu 24. janúar 2015.

Skákþættir Morgunblaðsins

[Event "Tata Steel"] [Site "1:01:33-0:00:33"] [Date "2015.01.19"] [EventDate "2015.01.09"] [Round "9"] [Result "1-0"] [White "Carlsen"] [Black "Radjabov"] [ECO "C65"] [WhiteElo "?"] [BlackElo "?"] [PlyCount "2"] 1.e4 e5 2.Nf3 Nc6 3.Bb5 Nf6 4.d3 Bc5 5.O-O d6 6.Nbd2 O-O 7.Bxc6 bxc6 8.h3 h6 9.Re1 Re8 10.Nf1 a5 11.Ng3 Rb8 12.b3 Bb4 13.Bd2 Ra8 14.c3 Bc5 15.d4 Bb6 16.dxe5 dxe5 17.c4 Nh7 18.Qe2 Nf8 19.Be3 c5 20.Rad1 Qf6 21.Nh5 Qe7 22.Nh2 Kh7 23.Qf3 f6 24.Ng4 Bxg4 25.Qxg4 Red8 26.Qf5+ Kh8 27.f4 Rxd1 28.Rxd1 exf4 29.Bxf4 Qe6 30.Rd3 Re8 31.Nxg7 Kxg7 32.Qh5 Nh7 33.Bxh6+ Kh8 34.Qg6 Qg8 35.Bg7+ Qxg7 36.Qxe8+ Qf8 37.Qe6 Qh6 38.e5 Qc1+ 39.Kh2 Qf4+ 40.Rg3 1-0

Jóhann Örn sigurvegari Toyota-skákmótsins

Áttunda  Toyotaskákmótið  fór fram í gær í söludeild  Toyota í Kauptúni. Þátttaka var aðeins minni en stefndi í fyrirfram en sumir voru með flensu og aðrir þurftu að vera við jarðafarir. Það voru 29 kappar sem settust að tafli kl. 13.00

Garðar Guðmundsson formaður Ása setti mótið og byrjaði á því að óska Toyota mönnum til hamingju með 50 ára starfsafmæli á Íslandi.

Garðar þakkaði þeim einnig fyrir stuðninginn undanfarin ár en Toyota er stuðnings aðili Æsa og hafa gefið öll verðlaun á öllum Toyota mótunum.

Úlfar Steindórsson forstjóri Toyota og Páll Þorsteinsson upplýsingafulltrúi Toyota á Íslandi voru viðstaddir.

Úlfar lék svo fyrsta leikinn á fyrsta borði fyrir Björn Víking Þórðarson sem hafði hvítt gegn  Jóni Þ Þór. Björn var elsti öðlingurinn sem tefldi í Toyota í gær, hann er fæddur 1931 hann teflir samt oft eins og unglingur á besta aldri.

Það var öllum ljóst að þetta yrði hörkuspennandi mót, því að þarna voru mættir margir mjög sterkir skákmenn. Til dæmis þeir Jóhann Örn Sigurjónsson og Bragi Halldórsson sem báðir hafa unnið Toyotabikarinn. Jóhann vann Toyotamótið 2009 og Bragi vann bæði 2013 og 2014. Það vildi síðan svo til að tölvan raðaði þeim félögum saman í fyrstu umferð.

Jóhann gaf svo tóninn og vann Braga í fyrstu umferð. Að loknum fimm umferðum var Jóhann einn efstur með 5 vinninga. Hafði unnið alla sína andstæðinga, en fast á eftir honum komu fjórir kappar með 4 vinninga, þeir Sæbjörn Larsen, Ögmundur Kristinsson , Bragi Halldórsson og Gylfi Þórhallsson.

Það var baráttujaxlinn Gísli Gunnlaugsson sem náði fyrsta punktinum af Jóhanni og gerð jafntefli við hann í sjöttu umferð.

Það var svo í áttundu umferð sem að  Bragi fór upp fyrir Jóhann, þá vann Bragi Ögmund en Jóhann tapaði fyrir Gylfa og Bragi var efstur þegar ein umferð var eftir með 7 vinninga Jóhann með 6½  og Gylfi og Jón Þór með 6 vinninga.

Úrslitin réðust svo auðvitað í síðustu umferðinni eins og oftast gerist á skákmótum. Þá vann Jóhann Guðfinn og Bragi og Gylfi gerðu jafntefli. Ögmundur  vann Jón Þ Þór.

Niðurstaðan; Jóhann og Bragi jafnir með 7 ½ vinning en Jóhann hærri á stigum og er bikarhafi Toyota 2015. Það er gleðilegt að sjá að Jóhann Örn er búinn að ná góðum styrk eftir erfið veikindi sem hann þurfti að takast á við.

Jafnir í 3.-4.  sæti urðu svo Gylfi Þórhallsson og Ögmundur Kristinsson báðir með 6 ½ vinning, en Gylfi örlítið hærri á stigum og fékk bronsið.

Í mótslok afhenti forstjóri Toyota svo öll verðlaun, sextán skákmenn fengu verðlaun rúmlega helmingur þátttakenda.

Úlfar gat þess svo í lokin að hann vonaðist eftir að sjá okkur aftur um sama leiti að ári.

Það er gaman að geta þess að tveir af frammámönnum í skákhreyfingunni heiðruðu okkur með nærveru sinni í mótsbyrjun þeir Gunnar Björnsson forseti Skáksambandsins og Stefán Bergsson framkvæmdastjóri Skákakademíunnar. Við þökkum þeim fyrir það

Æsir sáu um skipulagningu og stjórn skákmótsins og skákstjórar voru þeir Garðar Guðmundsson og Finnur Kr Finnsson.

Þátttakendur voru flestir frá Ásum og Riddurum. Við viljum þakka stjórnendum Toyota kærlega fyrir móttökurnar í gær og allan stuðning undanfarin ár. 

Sjá nánar um úrslit og myndir frá ESE. 

Nóa Siríus mótið: Fjórir efstir eftir bókarumferð

Fjórðu umferð Nóa Siríus mótsins – Gestamóts Hugins og Skákdeildar Breiðabliks, var með rólegra móti. Úrslit urðu að lang mestu leyti skv. bókinni góðu ef frá eru taldar tvær viðureignir:

Guðmundur Halldórsson (2219) – Jón Trausti Harðarson (2067) 0 – 1

Heimir Páll Ragnarsson (1490) – Sigurður J Gunnarsson (1921) 1/2 – 1/2

Af öðrum áhugaverðum úrslitum má nefna að tveir af þrem stigahæstu mönnum mótsins (JVG er jafn GM Þresti með 2433) IM Karl Þorsteins (2456) og GM Þröstur Þórhallsson (2433) gerðu stutt jafntefli á 1. borði og IM Jón Viktor Gunnarsson(2433) vann snaggaralegan sigur gegn BM Stefáni Bergssyni (2085) á 2. borði.

Fjórir skákmenn eru nú efstir og jafnir með 3,5 vinninga af 4: GM Þröstur Þórhallsson (2433),  IM Jón Viktor Gunnarsson (2433) FM Guðmundur Gíslason (2315) og Jón Trausti Harðarson (2067).

Árangur Jóns Trausta vekur athygli en kemur þó ekki á óvart enda vitað að hann stendur undir mun fleiri skákstigum en núverandi mælingar gefa til kynna. Þá er Jón Trausti einning í hópi efstu manna á Skákþingi Reykjavíkur þar sem hann mokar inn skákstigum.

Næsta umferð Nóa Siríus mótsins verður afar spennandi. Á efstu borðunum mætast:

1. borð: GM Þröstur Þórhallsson og FM Guðmundur Stefán Gíslason
2. borð: Jón Trausti Harðarson og IM Jón Viktor Gunnarsson
3. borð: Dagur Ragnarsson og IM Karl Þorsteins
4. borð: WGM Lenka Ptácníková og Hrafn Loftsson
5. borð: Gunnar Freyr Rúnarsson og Kristján Eðvarðsson

• Heimasíða mótsins
• Mótið á Chess-Results
• Myndagallerí (GB)