Hannes efstur ásamt þremur öðrum fyrir lokaumferðina

Hannes Hlífar Stefánsson (2580) vann góðan sigur á ísraelska stórmeistaranum Tamir Nabaty (2597) í áttundu og næstsíðustu umferð Teplice-mótsins sem fram fór í dag. Hannes hefur 6,5 vinning og er efstur ásamt þremur öðrum.

Í lokaumferðinni teflir Hannes við pólska alþjóðlega meistarann Pawel Weichhold (2399) en þeir eru efstir ásamt stórmeisurunum Evgeny Postny (2634) og Jiri Stocek (2567).

Lenka Ptáncíková (2307) gerði jafntefli í dag og hefur 4,5 vinning. 

Lokaumferðin hefst kl. 7 í fyrramálið. Árrisulir geta fylgst beint með skák Hannesar.

Einstök úrslit þeirra á mótinu má nálgast á Chess-Results.

 

 

• Heimasíða mótsins
• Beinar útsendingar (hefjast almennt kl. 14)
• Chess-Results

Skákþáttur Morgunblaðsins: Jóhann efstur Íslendinganna á Sardiníu

Jóhann Hjartarson er efstur íslensku skákmannanna sem taka þátt í opna mótinu á Sardiníu sem nú stendur yfir. Eftir sjö umferðir er Jóhann með 5 vinninga og er í 4.-7. sæti en Friðrik Ólafsson kemur næstur íslensku skákmannanna eftir auðveldan 29 leikja sigur í 7. umferð með 4½ vinning. Hann er í 8.-20. sæti. Friðrik hafði orð á því eftir hina glæsilegu vinningsskák sem hann tefldi á mánudaginn og birtist hér í blaðinu á miðvikudaginn, að aldrei fyrr hefði hann tekið þátt í skákmóti þar sem skákmaður tefldi tvær skákir sama daginn en sl. þriðjudag voru tvær umferðir á dagskrá. Hann tefldi hinsvegar í fjölmörgum mótum þar sem fleiri en ein og fleiri en tvær biðskákir voru til lykta leiddar samdægurs, en skákir eru ekki lengur settar í bið nú til dags.

Margeir Pétursson, Áskell Örn Kárason og Loftur Baldvinsson eru með 4 vinninga í 21.-46. sæti. Yngsta kynslóðin hefur staðið sig vel og er að ná árangri langt umfram ætlaða frammistöðu. Svo dæmi séu tekin þá er Heimir Páll Ragnarsson með árangur upp á 1.915 elo-stig, Veronika Steinunn Magnúsdóttir með árangur upp á tæplega 1.900 elo-stig og Óskar Víkingur er með árangur upp á tæp 1.800 elo-stig.

Íslensku þátttakendurnir eru 16 talsins af samtals 124 keppendum. Því er alltaf sá möguleiki fyrir hendi að þeir mætist innbyrðis. Þannig drógust Jóhann Hjartarson og Margeir Pétursson saman í 6. umferð, gerðu stutt jafntefli og rifjuðu í leiðinni upp fjórðu einvígisskák Tigrans Petrosjans og Bobby Fischers frá Buenos Aires 1971.

Á fimmtudaginn tefldu svo Áskell Örn Kárason og Jóhann Hjartarson. Áskell, sem var farsæll forseti SÍ um skeið, og ágætur skákkennari, hefur undanfarið verið að bæta sig heilmikið sem skákmaður eins og fram kom á síðasta Reykjavíkurskákmóti. Hann hefur yfirleitt verið sterkur í byrjunum en á það til að vera fullhvatvís í flóknum stöðum. Þar sem mótshaldarinn í Sardiníu stendur fyrir beinum útsendingum af helstu skák hverrar umferðar beið greinarhöfundur þessarar skákar með nokkurri eftirvæntingu. Jóhann var öruggið uppmálað og þekking Áskels ekki nægilega djúp að þessu sinni.

Áskell Örn Kárason – Jóhann Hjartarson

Enskur leikur

1. Rf3 Rf6 2. c4 b6 3. g3 c5 4. Bg2 Bb7 5. 0-0 g6 6. d4 cxd4 7. Dxd4 g6 8. Rc3 d6 9. Hd1 Rbd7 10. Be3 0-0 11. Dh4 Hc8 12. Hac1 a6 13. b3 He8 14. g4!?

Hafi þetta átt að vera sóknarleikur er ekki alveg ljóst hverju hvítur er að slægjast eftir. Staðan hefur margoft komið upp og algengustu leikir hvíts eru 14. Bh3 og 14. Bh6.

14.... b5 15. g5

Eftir 15. cxb5 sem kann að vera besti leikur hvítur getur svartur valið á milli þess að leika 15....Rxg4 og 15..... Da5.

15.... Rh5 16. Rd5 bxc4 17. Hxc4 e6 18. Hxc8 Dxc8 19. Hc1 Db8 20. Da4?

Eftir þennan ónákvæma leik hallar snögglega undan fæti. Hvítur áttu tvo frambærilega leiki, 20. Rb4 eða 20. Rf4 með jafnri stöðu.

20.... Rc5!

Krókur á móti bragði.

21. Bxc5 dxc5 22. Rc7?

Tapar strax. Hvítur gat barist áfram með 22. Re3.

22.... Hc8 23. Rxa6 Dd6!

Fangar riddarann.

24. Rb4 Rf4

24.... cxb4 25. Hxc8+ Bxc8 26. De8+ Df8 vinnur einnig.

25. Db5 cxb4

– og Áskell gafst upp.

Helgi Ólafsson [e-mail]

Skákþættir Morgunblaðsins eru birtir á Skák.is viku síðar en í sjálfu 

Grein þessi birtist í Morgunblaðinu 13. júní 2015

Skákþættir Morgunblaðsins

[Event "7th Capo d Orso Open"] [Site "?"] [Date "2015.06.11"] [Round "?"] [White "Karason, Askell O"] [Black "Hjartarson, Johann"] [ECO "A05"] [WhiteElo "2324"] [BlackElo "2535"] [Result "0-1"] 1. Nf3 Nf6 2. c4 b6 3. g3 Bb7 4. Bg2 c5 5. O-O g6 6. d4 cxd4 7. Qxd4 Bg7 8. Nc3 d6 9. Rd1 Nbd7 10. Be3 O-O 11. Qh4 Rc8 12. Rac1 a6 13. b3 Re8 14. g4 b5 15. g5 Nh5 16. Nd5 bxc4 17. Rxc4 e6 18. Rxc8 Qxc8 19. Rc1 Qb8 20. Qa4 Nc5 21. Bxc5 dxc5 22. Nc7 Rc8 23. Nxa6 Qd6 24. Nb4 Nf4 25. Qb5 cxb4 0-1

Hátíð á Ströndum frestað

Skákhátíð á Ströndum 2015 sem fram átti að fara 26. til 28. júní hefur verið frestað af óviðráðanlegum ástæðum. Mikil forföll og veikindi hafa herjað á keppendur, og telur Hrókurinn því rétt að fresta hátíðinni. Minningarmót Böðvars Böðvarssonar, sem fram átti að fara 27. júní, verður auglýst síðar. 

Liðsmönnum Hróksins þykir leitt að þurfa að hætta við skákhátíðina núna. Hróksmenn hafa haldið margar hátíðir í Árneshreppi, og héldu fyrstu  mótin og fjölteflin uppúr aldamótum. Margir af bestu skákmönnum landsins, sem og áhugamenn af öllum stigum, hafa teflt í einstöku andrúmslofti á Ströndum, og það er von Hróksmanna að innar tíðar verði enn teflt í landsins fegurstu sveit. 

Í mörg horn er annars að líta hjá liðsmönnum Hróksins. Á næstu vikum fara nokkrar stórar fatasendingar til Grænlands, en fatasöfnunin hófst í haust og hefur gengið framúrskarandi vel. Búið er að senda mörghundruð kassa af vönduðum skóm og fötum, sem einkum hafa farið til fátækustu þorpa austurstrandarinnar. 

Hróksmenn hafa þrisvar heimsótt Grænland á árinu 2015 og haldið hátíðir í fjórum bæjum. Næstu 12 mánuði eru 5-6 ferðir á teikniborðinu. 

Þá halda Hróksmenn áfram heimsóknum í Vin og Barnaspítala Hringsins, en það góða starf hófst sumarið 2003. Ýmis mót og viðburðir eru á dagskránni í sumar, og verður það nánar auglýst hér og á heimasíðu Hróksins.

Carlsen neðstur eftir tap gegn Anand - Toplov efstur á mótinu

Martröð heimsmeistarans Magnusar Carlsen (2876) heldur áfram á Norway Chess-mótinu í Stafangri. Í gær tapaði hann fyrir Vishy Anand (2804). Carlsen hefur aðeins hálfan vinning eftir 4 umferðir og er einn neðstur. Versta byrjun heimsmeistarans síðan í Gausdal 2005 þegar hann var 14 ára!

Topalov (2798) er einn efstur með 3,5 vinning eftir sigur á Aronian (2780). Grischuk (2781) vann Hammer (2677) en öðrum skákum lauk með jafntefli. 

Kasparov tísti nokkuð um skák Anand og Carlsen

Fine game by Anand and a mini-crisis for Magnus, but playing at home always brings considerable extra responsibilities and pressure.

— Garry Kasparov (@Kasparov63) June 19, 2015 

Yes, Magnus losing the first round game on time by error was already a serious blow to his stability. And no time to recover.

— Garry Kasparov (@Kasparov63) June 19, 2015

Chess is not a stadium sport where adrenaline from cheering home crowd helps you. Adds distractions, emotional tension, not good for chess.

— Garry Kasparov (@Kasparov63) June 19, 2015

Staðan:

1. Topalov (2797) 3,5 v. 
2. Nakamura (2802) 3 v.
3.-4. Giri (2773) og Anand (2804) 2,5 v.
5.-7. Caruana (2805), Grischuk (2781) og Vachier-Lagrave (2723) 2 v.
8.-9. Aronian (2780) og Hammer (2677) 1 v.
10. Carlsen (2876) 0,5 v. 

Ítarlega grein með skákskýringum um umferð gærdagsins má finna á Chess.com.

Frídagur er í dag. 

 

• Heimasíða mótsins
• Beinar útsendingar (hefjast almennt kl. 14)
• Beinar útsendingar (norska)

Hannes gerði jafntefli við Sipke og er 2.-11. sæti fyrir lokaumferðina

Hannes Hlífar Stefánsson (2580) er í 2.-11. sæti á Teplice-mótinu. Í sjöndu umferð í gær gerði hann jafntefli við hollenska stórmeistaranum Ernst Sipke (2527). Rússneski stórmeistarinn Mikhail Ulybin (2519) er einn efstur með 6 vinninga. Í dag, næstsíðustu umferð mótsins, mætir hann ísraelska stórmeistaranum Tamir Nabaty (2597). 

Lenka Ptácníková (2307) gerði jafntefli í gær og er í 38.-70. sæti með 4 vinninga. 

Einstök úrslit þeirra á mótinu má nálgast á Chess-Results.

Umferðin í dag hefst kl. 14 og er hægt að fylgjast með skák Hannesar og Nabaty þar beint. 

 

• Heimasíða mótsins
• Beinar útsendingar (hefjast almennt kl. 14)
• Chess-Results

Fimm íslenskir skákmenn að tafli í Havana

Fimm íslenskir skákmenn sitja nú að tafli á minningarmóti Cabablanca sem fram fer í, Havana, höfuðborg Kúbu. Þeir tefla þar allir í opnum flokki. Það eru þeir Hjörvar Steinn Grétarsson (2571), Guðmundur Kjartansosn (2462), Jón Trausti Harðarson (2107), Hörður Aron Hauksson (1899) og Aron Ingi Óskarsson (1875).

Eftir fimm umferði rer staða þeirra sem hér segir:

• 17.-32. Hjörvar Steinn Grétarsson 3,5 v.
• 33.-73. Guðmundur Kjartansson 3 v.
• 104.-135. Hörður Aron Hauksson og Jón Trausti Harðarson 2 v.
• 157.-133. Aron Ingi Óskarsson 1 v.

Ákaflega takmörkuð þjónusta er í boði á vefsíðu mótsins.

Heimasíða mótsins

Nakamura og Topalov efstir - Carlsen rekur lestina eftir jafntefli við Giri

Það er teflt afar fjörlega í Stafangri þar sem Norway Chess fer fram. Nakamura (2802), sem vann tilvonandi landa sinn Caruana (2805), og Topalov (2798), sem vann öruggan sigur á Vachier-Lagrave (2723) eru efstir með 2,5 vinning. Carlsen (2876) náði fram mun betri stöðu gegn Giri (2773) en náði ekki að kreista fram sigur. Carlsen er einn í neðsta sæti með hálfan vinning. 

Caruana náði ekki að fylgja eftir sigrinum gegn Carlsen. Hann fékk fína stöðuna gegn Nakamura en afar ónákvæmir peðsleikir rétt fyrir tímamörkin leiddu til taps. Mikilvægur sigur fyrir Nakamura sem vill án efa halda stöðu sinni sem sterkasti bandaríski skákmaðurinn.

MVL tefldi afar ónákvæmt gegn Topalov og tapaði örugglega í 28 leikjum með hvítu.

Carlsen hefur aldrei unnið Giri í kappskák og það breyttist ekki í gær. Hann vann peð og flest benti til þess að hann næði fram sigri. Giri varðist afar vel og hélt jafnteflinu. 

Staðan:

1.-2. Nakamura (2802) og Topalov (2798) 2,5 v.
3. Giri (2773) 2 v.
4.-6. Vachier-Lagrave (2723), Caruana (2805) og Anand (2804) 1,5 v.
7.-9. Aronian (2780), Grischuk (2781) og Hammer (2677) 1 v.
10. Carlsen (2876) 0,5 v.

Mótshaldarar báðust í gær afsökunar á því að hafa ekki kynnt tímamörkin nógu vel í upphafi mótsins. Í yfirlýsingunni mótshaldara.

On behalf of the Grand Chess Tour and the Chief arbiter, as well as personally, I would like to apologize to the players for the insufficient information with regards to the time control.

Allthough the information was on the www.grandchesstour.com and was also announced prior to the first round, we learned that several players, during the first round, were not aware of the new and unconventional time control. This fact tells us that our work providing the information leaves room for improvement. For this, we are truly sorry, and especially towards Magnus Carlsen who lost his first game due to not being aware of the time control.

Sincerely,

Jøran Aulin-Jansson, Norway Chess

Ítarlega grein með skákskýringum um umferð gærdagsins má finna á Chess24.

 

• Heimasíða mótsins
• Beinar útsendingar (hefjast almennt kl. 14)
• Beinar útsendingar (norska)

Hannes í 2.-6. sæti í Teplice

Hannes Hlífar Stefánsson (2580) er í 2.-6. sæti á Teplice-mótinu í Tékklandi. Í gær gerði hann mjög stutt jafntefli við ísraelska stórmeistarann Evgeny Postny (2634). Hannes hefur 5 vinninga. Í dag mætir hann hollenska stórmeistaranum Ernst Sipke (2527). Lenka Ptácníková (2307) tapaði í gær og hefur 3,5 vinning.

Einstök úrslit þeirra á mótinu má nálgast á Chess-Results.

Umferðin í dag hefst kl. 14 og er hægt að fylgjast með skák Hannesar og Sipke þar beint. 

 

• Heimasíða mótsins
• Beinar útsendingar (hefjast almennt kl. 14)
• Chess-Results

Mjög góð byrjun Hannesar í Teplice

Hannes Hlífar Stefánsson (2580) hefur byrjað sérlega vel á Teplice-mótinu í Tékklandi. Í gær vann hann mjög góðan og sannfærandi sigur á pólska alþjóðlega meistaranum Lukasz Butkiewicz (2433). Eftir fimm umferðir hefur Hannes 4,5 vinning og er í 1.-4. sæti. Í dag teflir hann við ísraelska stórmeistarann Evgeny Postny (2634).

Lenka Ptácníková (2307) hefur einnig byrjað prýðilega og hefur 3,5 vinning. 

Einstök úrslit þeirra á mótinu má nálgast á Chess-Results.

Umferðin í dag hefst kl. 14 og er hægt að fylgjast með skák Hannesar og Postny þar beint. 

 

• Heimasíða mótsins
• Beinar útsendingar (hefjast almennt kl. 14)
• Chess-Results

Caruana vann Carlsen

Fabiano Caruana (2805) vann Magnus Carlsen (2876) í annarri umferð Norway Chess-mótsins sem fram fór í gær. Hinn ítalski meistari(brátt bandaríski) braut aftur Berlínarmúr Carlsen á nokkuð sannfærandi hátt. Carlsen hefur nú tapað í tveimur fyrstu umferðunum og er það í fyrsta skipti síðan 2010 (Bilbao) sem Carlsen tapar tveimur fyrstu umferðunum.

Carlsen er enn nokkuð ósáttur við að hafa fallið á tíma og segir mótshaldara ekki hafa staðið sem skyldi.

Carlsen: "I am still not happy about yesterday and think it's Stavanger not doing their job." #NorwayChess

— Tarjei J. Svensen (@TarjeiJS) June 17, 2015

Hann sagði þó síðar:

Carlsen says to Norwegian media he takes responsibility of what happened yesterday, but thinks organizer shouldve done better. #NorwayChess

— Tarjei J. Svensen (@TarjeiJS) June 17, 2015

Carlsen kenndi þó ekki atvikunu í fyrstu umferð um tapið í þeirri annarri.

Carlsen: "What happened today didn't have much to do with yesterday" #NorwayChess

— Tarjei J. Svensen (@TarjeiJS) June 17, 2015

Carlsen mætir Anish Giri (2773) í dag en honum hefur ekki gengið vel gegn Hollendingum unga í gegnum tíðina.

Öðrum skákum lauk með jafntefli. Reyndar öllum í hörkuskákum þar sem fórnað var fram og aftur.

Nakamura (2802), Giri, Topalov (2798), Vachier-Lagrave (2723) og Caruana eru efstir með 1,5 vinning. Carlsen er einn í neðsta sæti.

Í þriðju umferð mætast meðal annars Nakamura og Caruana og Carlsen-Giri.  

• Heimasíða mótsins
• Beinar útsendingar (hefjast almennt kl. 14)
• Beinar útsendingar (norska)