Meistaramót Skákskóla Íslands hefst á föstudaginn

Meistaramót  Skákskóla Íslands fyrir starfsárið 2017/2018 fer fram dagana 25.–27. maí og verður í tveim styrkleika/stigaflokkum. Annar flokkurinn verður skipaður keppendum sem hafa 1600 alþjóleg elo-stig eða meira en hinn flokkurinn er skipaður keppendum sem eru undir 1600 elo stigum eða stigalausir. 

Vakin er athygli á því að tímamörk eru mismunandi í flokkunum og færri umferðir verða tefldar í efri styrkleikaflokknum en þar er teflt um sæmdarheitið Meistari Skákskóla Íslands. Núverandi meistari Skákskólans er Hilmir Freyr Heimisson.  

Þátttökurétt hafa nemendur skólans og allir þeir sem tekið hafa þátt í námskeiðum á vegum skólans eða hlotið þjálfun á vegum skólans.   

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku. 

Mótsnefnd mun jafnframt taka afstöðu til óska þeirra sem ekki ná stigalágmörkum en vilja tefla í stigahærri flokknum. 

Flokkur undir 1600–elo-stigum og stigalausir: 

1. umferð: Föstudagur 25. maí kl. 18:00
2. umferð: Föstudagur 25. maí kl. 20:00
3. umferð. Laugardagur 26. maí kl. 10:00
4. umferð: Laugardagur 26. maí kl. 13:00
5. umferð: Laugardagur 26. maí kl. 16:00 
6. umferð: Sunnudagur 27. maí kl. 10:00
7. umferð: Sunnudagur 27. maí kl. 13:00
8. umferð: Sunnudagur 27. maí kl. 16:00

Tímamörk í öllum umferðunum 30 30. 

Keppendur geta tekið eina eða tvær ½-vinnings yfirsetur í fyrstu fimm umferðunum en tilkynna verður um yfirsetuna fyrir umferð og áður en raðað er í þá næstu 

Flokkur keppenda með 1600 – elo stig og meira. 

Tefldar verða sex umferðir eftir svissneska kerfinu í báðum flokkum.

Dagskrá mótsins verður með eftirfarandi hætti: 

Flokkur 1600 alþjóðleg elo – stig og ofar: 

1. umferð: Föstudagurinn 25. maí kl. 16
2. umferð: Föstudagurinn 25. maí kl. 20 

3. umferð. Laugardagurinn 26. maí kl. 10
4. umferð: Laugardagurinn 26. maí kl. 15 

5. umferð: Sunnudagurinn 27. maí kl. 10
6. umferð: Sunnudagurinn 27. maí kl. 15 

Tímamörk í öllum umferðunum 90 30. 

Keppendur geta tekið eða tvær ½-vinnings yfirsetu í fyrstu fjórum umferðunum en verða að tilkynna um yfirsetuna fyrir umferðina og áður en raðað er í næstu umferð.

Skákmenn sem eru með minna en 1600 elo- stig geta óskað eftir því að tefla í flokki stigahærri keppenda og mun mótsnefnd taka afstöðu til þess og skila niðurstöðu með góðum fyrirvara.   

Verðlaun í flokki 1600 elo + 

1. verðlaun: farmiði að verðmæti kr. 50 þús + uppihaldskostnaður á kr. 35 þús.
2. verðlaun: Farmiði að verðmæti kr. 40 þús.
3. –5. sæti Vandaðar skákbækur.

Auk þess verða veitt stigaflokkaverðlaun í mótinu: 

1800 – 2000 elo:

1. verðlaun: Farmiði að verðmæti kr. 40 þús. 

1600-1800 elo:

1. verðlaun: Farmiði að verðmæti kr. 40 þús. 

Verðlaun í flokki 1600 elo og minna og stigalausra:

1. verðlaun: farmiði að verðmæti kr. 40 þús:
2. –3. verðlaun: vandaðar skákbækur að eigin vali. 

Verðlaun keppenda sem eru undir 1200 elo stig eða stigalausir:

1. verðlaun: Vönduð skákbók og landsliðstreyja „tólfunnar“.
2. verðlaun: Landsliðstreyja „tólfunnar“.
3. verðlaun: Landsliðstreyja „tólfunnar“. 

Mótsstig úrskurða verði keppendur jafnir að vinningum í báðum flokkum -  nema í keppni um 1. sæti í stigahærri flokknum. Þá skal teflt um titilinn:  

Meistari Skákskóla Íslands 2018. 

Aðalstyrktaraðili Meistaramóts Skákskóla Íslands 2018 er GAMMA.

Skráning fer fram á Skák.is (guli kassinn efst)

Upplýsingar um þegar skráða keppendur má finna hér. 

Frestur til að sækja um styrki rennur út um mánaðarmótin

Hægt er að sækja um styrki til Skáksambands Íslands þrisvar á ári. Næsta afgreiðsla á styrkumsóknum fer fram fram í júníbyrjun nk. 

Í styrkjareglum SÍ segir meðal annars:

Aðalmarkmið styrkveitinga stjórnar Skáksambands Íslands til einstaklinga er að styðja við bakið á þeim skákmönnum sem sýnt hafa mestar framfarir, metnað og ástundun á síðustu 12 mánuðum, og þykja því líklegastir til að ná enn lengra í nánustu framtíð. Einnig er markmiðið að verðlauna fyrir afburðaárangur og hvetja þannig til afreka.

Styrkjum frá SÍ er ekki ætlað að styrkja hinn almenna skákáhugamann til farar erlendis, heldur einungis þá sem þykja skara fram úr. Sérstök áhersla er lögð á yngri skákmenn sem eru tilbúnir til að leggja á sig þjálfun til að standa sig á þeim mótum sem styrkbeiðni liggur fyrir um. 

Við allar úthlutanir á að vera lögð áhersla á jafnrétti kynjanna og að þeim stúlkum sem skarað hafa fram úr í hverjum aldursflokki sé gert kleift að afla sér reynslu á skákmótum erlendis til jafns á við stráka. Sams konar kröfur um ástundun, árangur og framfarir eru hins vegar gerðar til allra, stúlkna og drengja, kvenna og karla.

Nánari upplýsingar og umsóknarform má finna á heimasíðu SÍ. 

 

Meistaramót TRUXVA fer fram í kvöld

Meistaramót Truxva fer fram annan í hvítasunnu, þann 21. maí, en þetta er í annað sinn sem mótið er haldið. Truxvi, ungliðahreyfing TR, býður TR-ingum af öllum stærðum og gerðum, auk nokkurra velunnara ungliðahreyfingarinnar, til að taka þátt í þessu skemmtilega og öfluga hraðskákmóti. Tefldar verða 11 umferðir og notast verður við alþjóðlegu hraðskáktímamörk Fide, 3 mínútur á mann og 2 sekúndur bætast við eftir hvern leik (3+2). Mótið verður reiknað til hraðskákstiga. Mótið hefst klukkan 19:30 og skráningu lýkur kl.19:20. Frítt er í mótið og kaffi á könnunni fyrir þátttakendur.

Sigurvegarinn árið 2017 var IM Arnar Gunnarsson með 10 vinninga í 11 skákum. Í 2.sæti varð IM Einar Hjalti Jensson með 8,5 vinning og þriðji varð FM Oliver Jóhannesson með 8 vinninga. Öll úrslit og lokastaða mótsins má finna á Chess-Results.

Opnað hefur verið fyrir skráningu og eru skákmenn beðnir um að skrá sig á vefnum til að auðvelda skipulagningu mótsins.

Icelandic Open - Íslandsmótið í skák haldið 1.-9. júní í Valsheimilinu

Icelandic Open - Íslandsmótið í skák fer fram dagana 1.-9. júní nk. Teflt verður Valsheimilinu við Hlíðarenda við frábærar aðstæður í veislusal hússins. Mótið fer eftir sama fyrirkomulagi og mótið 2013 í Turninum árið sem var 100 ára afmælismót Skákþings Íslands. Þá sigraði Hannes Hlífar Stefánsson eftir að hafa lagt Björn Þorfinnsson að velli í úrslitaeinvígi. Björn krækti sér hins vegar í stórmeistaraáfanga á mótinu. Teflt verður til minningar um Hemma Gunn - en hann einmitt lést á mótið fór fram í Turninum 2013. 

Nú þegar stórmeistararnir Hannes Hlífar Stefánsson, Bragi Þorfinnsson og Þröstur Þórhallsson skráð til leiks sem og alþjóðlegu meistararnir Jón Viktor Gunnarsson, Björn Þorfinnsson og Einar Hjalti Jensson. Mótið núna er jafnframt Íslandsmót kvenna og hefur Lenka Ptácníková, stórmeistari kvenna, skráð til leiks. 

Mótið er opið öllum íslenskum sem og erlendum skákmönnum. Tefldar verða 10 umferðir og má finna umferðartöflu mótsins hér. Hægt er að taka tvær hálfs vinnings yfirsetur í umferðum 1-7. 

Þátttökugjöld eru 10.000 kr. Stórmeistarar og alþjóðlegir meistarar fá frítt. FIDE-meistarar og unglingar 16 ára og yngri fá 50% afslátt. Allar skákkonur frá frítt í mótið. 

Góð verðlaun eru á mótinu eða samtals €7.500 eða um 950.000 kr. 

Allar nánari upplýsingar má nálgast á heimasíðu mótsins sem eins og er aðeins á ensku. Hægt er að skrá sig Skák.is (guli kassinn). Skákmenn eru hvattir til að skrá sig til leiks sem fyrst. 

Aðalfundur SÍ fer fram á laugardaginn 26. maí

Aðalffundurinn Skáksambands Íslands verður haldinn laugardaginn 26. maí nk. kl. 10.00 fyrir hádegi í húsnæði TR, Faxafeni 12. 

Dagskrá:  Venjuleg aðalfundarstörf. 

Minnt er á 9. gr. laga S.Í., en sú grein hljóðar svo:

9. grein.

Við atkvæðagreiðslu á aðalfundi á hvert félag eitt atkvæði enda geti sýnt fram á a.m.k. 10 félagsmenn með lögheimili á Íslandi og geti sýnt fram á virka skákstarfsemi.  Eitt atkvæði bætist við hjá félagi fyrir hverja sveit sem það sendir í Íslandsmót skákfélaga það árið. Við atkvæðagreiðslu um kjörbréf í upphafi fundar skal gilda sú regla, að hvert félag fari ekki með fleiri atkvæði en það hafði á aðalfundi árið áður.  Enginn fulltrúi getur farið með meira en eitt atkvæði á fundinum.  Við atkvæðagreiðslur á aðalfundi ræður einfaldur meirihluti atkvæða, nema um þau mál sem sérstaklega eru tilgreind í þessum lögum.

Einnig skal bent á 6. grein: 

Standi aðildarfélag í gjaldfallinni skuld við sambandið hefur það ekki rétt til að eiga fulltrúa á aðalfundi.  Skákdeildir í félögum geta átt aðild að sambandinu, enda hafi þá minnst 10 menn bundist slíkum samtökum.  Heimilt er tveimur eða fleiri aðildarfélögum í sama landshluta að stofna með sér svæðissamband.

Hjálagt: Lagabreytingatillögur og ársreikningur SÍ

 

Skákþáttur Morgunblaðsins: Óvænt úrslit á bandaríska meistaramótinu

Eftir sigur Fabiano Caruana í áskorendamótinu í Berlín á dögunum og nokkru síðar á öflugu móti í Þýskalandi áttu fáir von á öðru en honum tækist að bæta þriðja sigrinum við á bandaríska meistaramótinu sem eins og mörg undanfarin ár fór fram í St. Louis í Missouri-ríki og breytti engu um þá spádóma þó að bæði Nakamura og Wesley So væru meðal 12 þátttakenda. Caruana tapaði snemma fyrir lítt þekktum skákmanni upprunnum frá Georgíu, Zviad Izoria, en náði samt vopnum sínum. Þess vegna kom mörgum það þægilega á óvart þegar hinn 26 ára gamli Sam Shankland frá Berkley í Kaliforníu skyldi skjótast fram úr honum á lokasprettinum. Lokaniðurstaðan hvað varðar toppsætin:

1. Shankland 8½ v. (af 11) 2. Caruana 8 v. 3. So 6½ v. 4.-6. Nakamura, Lenderman og Robson 5½ v.

Stíll hins nýja Bandaríkjameistara minnir svolítið á Bobby Fischer eins og glöggt kom fram í skák hans í lokaumferðinni:

Sam Shankland – Awonder Liang

Caro- Kann vörn

1. e4 c6 2. d4 d5 3. exd5 cxd5 4. Bd3

Rifjar upp fræga skák Fischers gegn Petrosjan frá 1970.

4....Rc6 5. c3 Rf6 6. Bf4 Bg4 7. Db3 e5!?

Nýr snúningur. Hugmyndin er að svara 8. dxe5 með 8.... Dc7. Petrosjan lék 7.... Ra5.

8. h3 exf4 9. hxg4 De7 10. Kf1 0-0-0 11. Rd2 g6 12. He1 Dc7 13. g5 Rh5?

Eftir þennan slaka leik fær svartur vart rönd við reist. Hann varð að leika 13..... Rg4 og svara 14. Be2 með 14.... f5.

14. Be2 Rg7 15. Rgf3 Re6 16. Bb5 Bg7 17. Da4 Hd6 18. Rb3 b6?!

Valdar c5-reitinn en betra var 18.... a6.

19. Rc1!

Riddarinn tekur á sig ferðalag.

19.... Rb8 20. Rd3 Kb7 21. Rb4 Dd8 22. Re5 Dc7 23. Db3! Hhd8

24. Hxh7 a6 25. Bd3 Ka7 26. Da4 a5 27. Bb5 Kb7 28. Rbd3 Hg8 29. Rf3 Hh8 30. Hxh8 Bxh8 31. a3 Rc6

32. Bxc6+!

Hárrétt uppskipti. Nú ryðst drottningin inn fyrir víggirðingu svarts.

32.... Hxc6 33. Rde5 Bxe5 34. Rxe5 Hd6 35. De8 Hd8 36. Dxf7 Rxg5 37. Dxc7 Kxc7 38. Rxg6 f3 39. Rf4 Kc6 40. gxf3 Rxf3 41. He6 Kb5 42. Ke2 Rg1 43. Kd3

Kóngurinn er kominn í skjól og ein hótunin er 44. Rxd5 Hxd5 45. c4+. Svartur á enga vörn og gafst upp.

 

Sigurbjörn efstur á Öðlingamótinu

Sigurbjörn Björnsson sigraði á skákmóti öðlinga sem lauk í húsakynnum TR í síðust viku. Í lokaumferðinni vann Sigurbjörn mætti Þorvarður Lenka Ptacnikovu og tapaði en Sigurbjörn vann Kristinn Sigurþórsson en helsti keppinautur hans Þorvarður Ólafsson tapaði fyrir Lenku Ptacnikovu. Alls hófu 38 skákmenn keppni en efstu menn urðu: 1. Sigurbjörn Björnsson 6½ v. (af 7) 2. Þorvarður Ólafsson 5½ v. 3. Lenka Ptacnikova 5 v. 4.-7. Haraldur Baldursson, Jóhann Ragnarsson, Ögmundur Kristinsson og Halldór Pálsson 4½ v.

 

Nigel Short tilkynnir framboð til forseta FIDE

Enski stórmeistarinn Nigel Short hefur tilkynnt að hann gefi kost á sér í embætti forseta FIDE en gengið verður til kosninga á þingi FIDE sem fer fram samhliða Ólympíuskákmótinu sem hefst í Batumi í Georgíu í september nk. Mjög hefur verið þrýst á núverandi forseta Kirsan Iljumzhinov að draga sig í hlé en hann hefur gegnt embætti frá árinu 1995. Short hefur látið sig varða málefni FIDE undanfarin ár og var í kosningateymi Anatolí Karpovs á þingi FIDE í Khanty Manyisk í Síberíu árið 2010.

Helgi Ólafsson [e-mail]

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 12. maí 2018

Skákþættir Morgunblaðsins

Ju Wenjun heimsmeistari kvenna

Lokaskák heimsmeistaraeinvígis kvenna endaði með jafntefli í gær. Ju Wenjun (2571) hlaut því 5,5 vinninga gegn 4,5 vinningum Tan Zhongyi (2522).

Sanngjarn sigur. Jun Wenjun gæti hins vegar lent í því að halda titlinum í stuttan tíma HM kvenna (64 manna úrslit) fer fram í nóvember nk.

Nánar um einvígið á Chess.com

Meistaramót Skákskóla Íslands fer fram 25.-27. maí

Meistaramót  Skákskóla Íslands fyrir starfsárið 2017/2018 fer fram dagana 25.–27. maí og verður í tveim styrkleika/stigaflokkum. Annar flokkurinn verður skipaður keppendum sem hafa 1600 alþjóleg elo-stig eða meira en hinn flokkurinn er skipaður keppendum sem er undir 1600 elo stigum eða stigalausir. 

Vakin er athygli á því að tímamörk eru mismunandi í flokkunum og færri umferðir verða tefldar í efri styrkleikaflokknum en þar er teflt um sæmdarheitið Meistari Skákskóla Íslands. Núverandi meistari Skákskólans er Hilmir Freyr Heimisson.  

Þátttökurétt hafa nemendur skólans og allir þeir sem tekið hafa þátt í námskeiðum á vegum skólans eða hlotið þjálfun á vegum skólans.   

Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku. 

Mótsnefnd mun jafnframt taka afstöðu til óska þeirra sem ekki ná stigalágmörkum en vilja tefla í stigahærri flokknum. 

Flokkur undir 1600–elo-stigum og stigalausir: 

1. umferð: Föstudagur 25. maí kl. 18
2. umferð: Föstudagur 25. maí kl. 20 

3. umferð. Laugardagur 26. maí kl. 10-13.
4. umferð: Laugardagur 26. maí 13 –16
5. umferð: Laugardagur 26. maí 16-19 

6.. umferð: Sunnudagur 27. maí kl. 10-13.

7. umferð: Laugardagur 27. maí kl. 13 –16
8. umferð: Laugardagur 27. maí kl. 16-19 

Tímamörk í öllum umferðunum 30 30. 

Keppendur geta tekið eina eða tvær ½-vinnings yfirsetur í fyrstu fimm umferðunum en tilkynna verður um yfirsetuna fyrir umferð og áður en raðað er í þá næstu 

Flokkur keppenda með 1600 – elo stig og meira. 

Tefldar verða sex umferðir eftir svissneska kerfinu í báðum flokkum.

Dagskrá mótsins verður með eftirfarandi hætti: 

Flokkur 1600 alþjóðleg elo – stig og ofar: 

1. umferð: Föstudagurinn 25. maí kl. 16
2. umferð: Föstudagurinn 25. maí kl. 20 

3. umferð. Laugardagur 26. maí kl. 10
4. umferð: Laugardagurinn 26. maí kl. 15 

5. umferð: Sunnudagurinn 27. maí kl. 10
6. umferð: Sunnudagurinn 27. maí kl. 15 

Tímamörk í öllum umferðunum 90 30. 

Keppendur geta tekið eða tvær ½-vinnings yfirsetu í fyrstu fjórum umferðunum en verða að tilkynna um yfirsetuna fyrir umferðina og áður en raðað er í næstu umferð.

Skákmenn sem eru með minna en 1600 elo- stig geta óskað eftir því að tefla í flokki stigahærri keppenda og mun mótsnefnd taka afstöðu til þess og skila niðurstöðu með góðum fyrirvara.   

Verðlaun í flokki 1600 elo + 

1. verðlaun: farmiði að verðmæti kr. 50 þús + uppihaldskostnaður á kr. 35 þús.
2. verðlaun: Farmiði að verðmæti kr. 40 þús.
3. – 5. sæti Vandaðar skákbækur.

Auk þess verða veitt stigaflokkaverðlaun í mótinu: 

1800 – 2000 elo:

1. verðlaun: Farmiði að verðmæti kr. 40 þús. 

1600-1800 elo:

1. verðlaun: Farmiði að verðmæti kr. 40 þús. 

Verðlaun í flokki 1600 elo og minna  og stigalausra:

1. verðlaun: farmiði að verðmæti kr. 40 þús:
2. –3. verðlaun: vandaðar skákbækur að eigin vali. 

Verðlaun keppenda sem eru undir 1200 elo stig eða stigalausir:

1. verðlaun: Vönduð skákbók og landsliðstreyja „tólfunnar“.
2. verðlaun: Landsliðstreyja „tólfunnar“.
3. verðlaun: Landsliðstreyja „tólfunnar“. 

Mótsstig úrskurða verði keppendur jafnir að vinningum í báðum flokkum -  nema í keppni um 1.  sæti í stigahærri flokknum. Þá skal teflt um titilinn:  

Meistari Skákskóla Íslands 2018. 

Aðalstyrktaraðili Meistaramóts Skákskóla Íslands 2018 er GAMMA.

Skráning fer fram á Skák.is (guli kassinn efst)

Upplýsingar um þegar skráða keppendur má finna hér. 

Meistaramót TRUXVA fer fram á mánudaginn

Meistaramót Truxva fer fram annan í hvítasunnu, þann 21. maí, en þetta er í annað sinn sem mótið er haldið. Truxvi, ungliðahreyfing TR, býður TR-ingum af öllum stærðum og gerðum, auk nokkurra velunnara ungliðahreyfingarinnar, til að taka þátt í þessu skemmtilega og öfluga hraðskákmóti. Tefldar verða 11 umferðir og notast verður við alþjóðlegu hraðskáktímamörk Fide, 3 mínútur á mann og 2 sekúndur bætast við eftir hvern leik (3+2). Mótið verður reiknað til hraðskákstiga. Mótið hefst klukkan 19:30 og skráningu lýkur kl.19:20. Frítt er í mótið og kaffi á könnunni fyrir þátttakendur.

Sigurvegarinn árið 2017 var IM Arnar Gunnarsson með 10 vinninga í 11 skákum. Í 2.sæti varð IM Einar Hjalti Jensson með 8,5 vinning og þriðji varð FM Oliver Jóhannesson með 8 vinninga. Öll úrslit og lokastaða mótsins má finna á Chess-Results.

Opnað hefur verið fyrir skráningu og eru skákmenn beðnir um að skrá sig á vefnum til að auðvelda skipulagningu mótsins.

Batel efst á lokaunglingaæfingu Hugins - Rayan efstur í stigakeppni vetrarins

Síðasta barna- og unglingaæfing  Hugins  fyrir sumarhlé var haldin 14. maí sl. Úrslitin í stigakeppni æfinganna var þá þegar ráðin. Rayan Sharifa var með 17 stiga forskot á Batel Goitom Haile sem ljóst var að ekki yrði brúað á þessari æfingu þar sem æfingin gaf mest 3 stig. Batel sigraði á lokaæfingunni með 5,5v af sex mögulegum. Hún leysti dæmi æfingarinnar rétt, vann fjóra f fimm andstæðingum sínum og gerði jafntefli við Elfar Inga Þorsteinsson. Síðan komu jafnir með 5v Ótttar Örn Bergmann Sigfússon og Rayan Sharifa. Að þessu sinni var Óttar Örn stigahærri með 14 stig en Rayan með 12 stig. Röð efstu mann var því þessi Batel, Óttar annar og Rayan þriðji.  Þett er röð sem sást nokkuð oft fyrr í vetur í ýmsum tilbrigðum. 

Í æfingunni tóku þátt: Batel Goitom Haile, Óttar Örn Bergmann Sigfússon, Rayan Sharifa, Elfar Ingi Þorseinsson, Einar Dagur Brynjarsson, Baltasar Máni Wedholm Gunnarsson, Viktor Már Guðmundsson, Brynjólfur Yan Brynjólfsson, Frank Gerritsen, Ívar Örn Lúðvíksson, Árni Benediksson, Wihbet Goitom Haile, Lumuel Goitom Haile, Bergþóra Helga Gunnarsdótttir og Sigurður Rúnar Gunnarsson. 

Eftir lokaæfinguna er Rayan efstur í stigakeppni vetrarins með 57 stig, Batel í öðru sæti með 43 stig og þriðji var Óttar Örn með 34 stig. Verðlaunhafar sem sgt þeir sömu og á æfingunni en röðin önnur. Rayan hefur ekki áður orðið efstur í stigakeppni æfinganna. 

Mánudagsæfingar sem eru opnar börnum og unglingum á grunnskólaldri voru uppstaðan í barna- og unglingastarfinu í vetur. Umsjón með þeim æfingum höfðu Alec Elías Sigurðarson  og Vigfús Ó. Vigfússon en Erla Hlín Hjálmarsdóttir hljóp í skarið þegar á þurfti að halda. Þessu til viðbótar var boðið upp á aukaæfingar fyrir félagsmenn á þriðjudögum, miðvikudögum og laugardögum þar sem farið var í ýmis grunnatriði í endatöflum, taktik og byrjunum. Rúmlega 90 börn og unglingar sóttu æfingarnar í vetur. Sumir mættu aðeins á fáar æfingar en kjarninn sem sótti æfingarnar mætti afar vel og fengu 14 viðurkenningu fyrir mætinguna í vetur en það voru:

Einar Dagur Brynjarsson, Rayan Sharifa, Árni Benediktsson, Bynjólfur Yan Brynjólfsson, Viktor Már Guðmundsson, Elfar Ingi Þorsteinsson, Óttar Örn Bergmann Sigfússon, Garðar Már Einarsson, Andri Hrannar Elvarsson, Batel Goitom Haile, Kiril Alexander Igorsson, Sigurður Sveinn Guðjónsson, Bergþóra Helga Gunnarsdóttir og Wihbet Goitom Haile

Nú verður gert hlé á Huginsæfingunum í Mjóddinni þangað til í haust þegar þær byrja aftur um mánaðarmótin ágúst – september.

Nánar á Skákhuganum.