Negi-bókin fáanleg!

Á morgun miðvikudag kemur loksins formlega út annað bindi Indverska stórmeistarans Parimarjans Negi um hvernig hann byggir upp byrjanateoríu sína gegn Sikileyjarvörn. Í þessari bók af Grandmaster Repertoire fjallar Negi um hvernig hvítur megi fá betra tafl gegn Drekanum, Rauzer, Sveshnikov og Kalashnikov.

Skákbúðin hefur þegar tryggt sér eintök af bókinni sem eru kominn í sölu í Laugardalshöll. Fyrsta söludaginn fóru yfir tíu eintök og eru e4-skákmenn því hvattir til að tryggja sér eintak hið fyrsta. Sökum hagstæðs gengis krónu gegn evru fæst bókin nú á aðeins 3800 kr.

Ásamt Negi-bókinni eru fjölmargir titlar fáanlegir. Má þar helst nefna nýja bók Viktors Bologan um hvernig svartur megi tefla til sigurs gegn spænskum leik.

Vefsíða Skákbúðarinnar

Rússar með fullt hús í báðum flokkum

Rússar í miklum ham á EM landsliða og eru í forystu í báðum flokkum með fullt hús eftir fjórar umferðir. Í opnum flokki unnu þeir 3-1 sigur á Úkraínu þar sem Svidler vann Ivanchuk á fyrsta borði. Í kvennaflokki unnu þeir stórsigur á Georgíu 3½-½. Íslenska kvennaliðið náði góðu 2-2 jafntefli gegn Svíum en bæði karlaliðin töpuðu í dag.

Opinn flokkur

Í opnum flokki eru Rússar efstir með fullt hús. Aserar, Ungverjar, Spánverjar, Frakkar, Úkraínumenn, Serbar og Georgíumenn hafa 6 stig. Það verður svaka viðureign á fyrsta borði á morgun en þá mætast Rússar og Aserar. 

Íslenska liðið tapaði 1½-2½ fyrir sveit Ítalíu. Hannes Hlífar Stefánsson tapaði á fyrsta borði en öðrum skákum lauk með jafntefli. Sveitin hefur 3 stig og mætir Grikkjum á morgun. 

Gullaldarliðið tapaði 1-3 fyrir Lettum. Helgi Ólafsson gerði jafntefli við Alexei Shirov. Margeir Pétursson gerði einnig jafntefli en aðrar skákir töpuðust. Sveitin hefur 2 stig og mætir Austurríki á morgun.

Magnus Carlsen mætti aftur til leiks í dag og gerði jafntefli við Sune Berg Hansen. Norðmenn unnu engu að síður góðan 3-1 sigur á Dönum.

Færeyingar, sem eru að taka þátt í sínu fyrsta Evrópumóti, yfirspiluðu Skota 3½-½ í dag. 

Kvennaflokkur

Rússar eru eins og áður sagði í forystu með fullt hús. Frakkar og Rúmenar koma í öðru sæti með 7 stig.

Kvennaliðið gerði 2-2 jafntefli í spennandi viðureign við Svía. Lenka Ptácníková og Guðlaug Þorsteinsdóttir unnu. Sú síðarnefnda sýndi mikinn karakter þegar hann hafnaði jafntefli með tapaða stöðu þegar Svíar voru 2-1 yfir. 

Kvennaliðið hefur 2 vinninga og mætir sveit Noregs á morgun. 

RÚV birtir næsta daga EM-samantekt að loknum 10-fréttum næstu daga í umsjón Samúels Arnar Erlingssonar og Björns Þorfinnssonar. Samantektina má finna hér.

Kátt verður í Höllinni á morgun. Skákskýringar á morgun hefjast kl. 17:00 og verða í umsjón stórmeistaranna Þrastar Þórhallssonar og Helga Áss Grétarssonar. Áhorfendur boðnir sérstaklega velkomnir!

• Heimasíða mótsins
• Chess-Results
• Beinar útsendingar

 

 

Gott jafntefli gegn Þjóðverjum - Aronian vann heimsmeistarann

A-lið Íslands mætti liði Þýskalands í 3.umferð Evrópumóts landsliða í dag. Þrátt fyrir að vera stigalægri á öllum borðum þá enduðu allar skákirnar fjórar með jafntefli. Niðurstaðan varð því 2-2 jafntefli sem hlýtur að teljast viðunandi úrslit gegn sterkum andstæðingi.

A-liðið byrjar því mótið afar vel þrátt fyrir skellinn í fyrstu umferð gegn Armenum. Sigur á Rúmenum og jafntefli við Þjóðverja er gott veganesti fyrir rimmu morgundagsins. Þá mæta strákarnir Ítölum í viðureign tveggja áþekkra liða.

Gullaldarliðið mætti vel mönnuðu Tyrknesku liði í dag þar sem munaði 100-150 stigum á borðunum fjórum. Kempurnar okkar létu þó engan bilbug á sér finna og tefldu vel. Helgi Ólafsson og Jóhann Hjartarson gerði jafntefli í sínum skákum en Jón L. Árnason tapaði sinni skák. Friðrik Ólafsson tefldi skínandi vel framan af og vildu gárungarnir í kaffiteríunni meina að Friðrik stæði til vinnings á tímabili gegn hinum stigaháa Tyrkja. Tyrkinn snéri þá á Friðrik sem varð að bíta í það súra epli að gefast upp. 3-1 tap gegn Tyrkjum var því staðreynd. Í 4.umferð mætir Gullaldarliðið Lettum sem skarta sjálfum Alexei Shirov á 1.borði.

Áhorfendur í Laugardalshöll stóðu sem límdir við gólfið hvar heimsmeistarinn Magnus Carlsen sat gegnt Armenanum Levon Aronian. Úr varð spennandi viðureign þar sem Aronian gerði sér lítið fyrir og lagði heimsmeistarann að velli með svörtu mönnunum. 

Úkraína lagði Azerbaijan að velli 2,5-1,5 í æsispennandi viðureign þar sem mikla athygli vakti að Úkraína skyldi hvíla sinn helsta hugsuð, Vassily Ivanchuk. Þetta herbragð virkaði því Pavel Eljanov vann Shakhriyar Mamedyarov á 1.borði. Rússar sýndu einnig klærnar í dag og lögðu Spán að velli með minnsta mun þar sem Ian Nepomniachtchi vann Ivan Salgado Lopez á 3.borði. Rússland og Úkraína eru í forystu ð loknum þremur umferðum og eru einu liðin sem hafa unnið allar þrjár viðureignir sínar. Þjóðirnar mætast einmitt í næstu umferð og ætti ekki nokkur einasti skákáhugamaður að láta þann viðburð framhjá sér fara. 

Kvennasveit Íslands mætti Belgum í dag þar sem tvær skákir unnust. Lenka Ptacnikova og Guðlaug Þorsteinsdóttir unnu andstæðinga sína en Elsa María Kristínardóttir og Veronika Steinunn Magnúsdóttir töpuðu sínum skákum. Á morgun mæta stelpurnar liði Svía þar sem án efa verður hart tekist á. 

Fjórða.umferð hefst klukkan 15 og eru áhorfendur hvattir til að líta við í Laugardalshöll. Skákskýringar verða á sínum stað um klukkan 17 og munu áhorfendur að þessu sinni vera í öruggum höndum stórmeistarans Þrastar Þórhallssonar. Einnig geta áhorfendur fylgst með gangi mála á skjám á skákstað.

Bæði RÚV og Stöð 2 fjölluðu um umferð dagsins. Heimir Már Pétursson tók viðtal við Hannes Hlífar Stefánsson sem er sennilega eini Íslendurinn sem hefur unnið Carlsen.

Bent er jafnframt á góða umfjöllun Björn Þorfinnssonar umferð um umferð dagsins á DV.is.

• Heimasíða mótsins
• Chess-Results
• Beinar útsendingar

Heimsmeistarinn mætir til leiks í dag!

Þriðja umferð Evrópumóts landsliða fer fram í dag í Laugardalshöllinni. Heimsmeistarinn sjálfur, Magnus Carlsen, mætir til leiks í dag en hann hvíldi í tveimur fyrstu umferðunum. Hann teflir við Levon Aronian, næststigahæsta keppenda mótsins. 

Aðalliðið mætir sveit Þjóðverja en gullaldarliðið teflir við sveit Tyrkja. Erfiaðar viðureignir báðar tvær en stigalega hallar tölurvert á okkar menn.

Friðrik Ólafsson teflir í dag eins og í gær en Margeir Pétursson hvílir hjá gullaldarliðinu.

 

Kvennaliðið mætir liði Belgíu. 

Umferðin hefst kl. 15. Skákskýringar Björns Þorfinnssonar hefjast kl. 17. Hægt er einnig að fylgjast með skákskýringum Simon Williams, á ensku, frá kl. 15.  Skákir á skjám. 

• Heimasíða mótsins
• Chess-Results
• Beinar útsendingar

Bræður og systkini, sigurvegarar á TORG skákmótinu 2015

Tvíburabræðurnir Björn Hólm og Bárður Örn Birkissynir í Smáraskóla Kópavogi reyndust efstir á blaði þegar úrslit á fjölmennu TORG skákmóti Fjölnis 2015 lágu fyrir. Björn Hólm varð einn efstur með 5,5 vinninga af 6 mögulegum en Bárður Örn varð ásamt fimm öðrum skákkrökkum í 2. - 7. sæti með 5 vinninga.

 

Systkinin Nansý og Joshua Davíðsbörn í Rimaskóla unnu stúlkna-og yngri flokkinn. Í eldri flokk nældi Dawid Kolka sér í 3. sæti á eftir tvíburabræðrunum  en í yngri flokk, nemenda í 1. - 5. bekk, varð Kristján Dagur Jónsson í Langholtsskóla í 2. sæti með 5 vinninga líkt og Joshua og Gabríel Sær Bjarnþórsson í Álfhólsskóla í 3. sæti með 4,5 vinninga.

Nansý var ásamt Freyju Birkisdóttur í Smáraskóla í nokkrum sérflokki meðal stúlkna sem fjölmenntu á mótið. Þær tefldu lengstum á efstu borðum og endaði Nansý með 4,5 vinninga og Freyja með 4 vinninga. Efnileg Rimaskóla Embla Sólrún Jóhannesdóttir varð í 3. sæti stúlkna með 4 vinninga eftir góðan endasprett. Alls voru 22 verðlaun í boði og voru það fyrirtækin í verslunarmiðstöðinni Torginu við Hverafold í Grafarvogi sem gáfu vinningana ásamt Emmess ís. 

Þetta 12. TORG skákmót Fjölnis er það langfjölmennasta til þessa en 78 grunnskólanemendur skráðu sig til leiks. Skákáhugi er með mesta móti í Grafarvogi ef miðað er við fjölda þátttakenda á skákæfingum Fjölnis í vetur og voru Grafarvogskrakkarnir fjölmennir á þessu móti ásamt afrekskrökkum úr Kópavogi. TORG mótið hófst með ávarpi Össurar Skarphéðinssonar alþingismanns í Reykjavík norður. Þingmaðurinn sem var heiðursgestur mótsins er mikill skákáhugamaður og flutti hann meitlaða skákhvatningarræðu og beindi máli sínu til krakkanna. Össur lék 1. leik mótsins fyrir Kristófer Halldór Kjartansson sem tefldi nýverið með Íslandsmeistarasveit Rimaskóla á NM grunnskóla. Björn Ívar Karlsson sá um mótstjórnina ásamt Helga Árnasyni formanni skákdeildar Fjölnis. 

Í skákhléi var boðið upp á girnilegar veitingar sem að þessu sinni voru í boði Emmess og Nóa-Síríusar. Foreldrar og aðstandendur fjölmenntu og fylgdust spenntir með jöfnu og skemmtilegu skákmóti auk þess sem þeir aðstoðuðu við mótshaldið. Skákdeild Fjölnis þakkar keppendum fyrir að fjölmenna og sýna frábæra frammistöðu, fyrirtækjunum sem gáfu vinningana og veitingarnar og ekki síst Birni Ívari okkar frábæra skákstjóra og skákkennara, öllum þessum fyrir að gera mótið eins ánægjulegt og glæsiilegt og reyndin varð. 

 

Rank	SNo.	Name	FED	Pts	BH.
1	6	Björn Hólm Birkisson	ISL	5½	26
2	7	Bárður Örn Birkisson	ISL	5	24
3	41	Dawid Kolka	ISL	5	23½
4	45	Jón Þór Lemery	ISL	5	21½
5	15	Joshua Davíðsson	ISL	5	19½
6	39	Kristján Dagur Jónsson	ISL	5	18
7	27	Steinþór Örn Gíslason	ISL	5	18
8	11	Gabríel Sær Bjarnþórsson	ISL	4½	23
9	14	Nansý Davíðsdóttir	ISL	4½	22
10	64	Róbert Orri Árnason	ISL	4½	19½
11	40	Kristófer Halldór Kjartansson	ISL	4½	19½
12	53	Vignir Vatnar Stefánsson	ISL	4½	19
13	55	Felix Steinþórsson	ISL	4	25
14	47	Adam Omarsson	ISL	4	22
15	65	Sæmundur Árnason	ISL	4	21½
16	5	Freyja Birkisdóttir	ISL	4	21
17	68	Anton Breki Óskarsson	ISL	4	21
18	16	Guðni Viðar Friðriksson	ISL	4	20
	18	Hákon Garðarsson	ISL	4	20
20	66	Ágúst Ívar Árnason	ISL	4	19
21	26	Stefán Guðnason	ISL	4	19
22	10	Alexander Már Bjarnþórsson	ISL	4	17
23	57	Guðmundur Peng Sveinsson	ISL	4	16½
24	35	Embla Sólrún Jóhannesdóttir	ISL	4	15½
25	49	Jón Hreiðar Rúnarsson	ISL	3½	24½
26	20	Kjartan Karl Gunnarsson	ISL	3½	24
27	46	Róbert Luu	ISL	3½	23½
28	31	Magnús Hjaltason	ISL	3½	20½
29	22	Arnór Gunnlaugsson	ISL	3½	17½
30	58	Mikael Maron Torfason	ISL	3	23
31	4	Ísarr Logi Arnarsson	ISL	3	22½
32	8	Elvar Andri Bjarnason	ISL	3	22
33	28	Fannar Árni Hafsteinsson	ISL	3	21½
34	70	Bjartur Þórisson	ISL	3	21
35	12	Rakel Björgvinsdóttir	ISL	3	21
36	48	Ríkharð Skorri Ragnarsson	ISL	3	20
37	69	Benedikt Þórisson	ISL	3	19½
38	30	Kristófer Aron Helgason	ISL	3	19
39	73	Anna Lára Fossdal	ISL	3	17
40	17	Darri Már Garðarsson	ISL	3	17
41	63	Arnór Veigar Árnason	ISL	3	16½
42	29	Árni Már Hauksson	ISL	3	16½
43	13	Ívar Björgvinsson	ISL	3	16
44	50	Óttar Örn Bergmann Sigfússon	ISL	3	16
45	42	Haraldur Sindri Kristjánsson	ISL	3	14½
46	43	Bjarki Kröyer	ISL	3	14½
47	38	Eiríkur Þór Jónsson	ISL	3	14½
48	51	Íris Brynja Sigurdórsdóttir	ISL	3	13
49	32	Sindri Snær Hjaltason	ISL	3	13
50	61	Ylfa Ýr Welding Hákonardóttir	ISL	2½	21
51	60	Nóel Vilbergsson	ISL	2½	17½
52	33	Kristófer Snær Ingason	ISL	2½	14½
53	36	Eva Björg Jóhannesdóttir	ISL	2½	12½
54	59	Aldís Traustadóttir	ISL	2½	12½
55	2	Hilmir Arnarson	ISL	2	21½
56	62	Elísabet Xiang Sveinbjörnsdóttir	ISL	2	21½
57	1	Elsa Kristín Arnaldardóttir	ISL	2	18
58	3	Garðar Arnarsson	ISL	2	18
59	37	Helga Hafdal Jónsdóttir	ISL	2	17½
60	75	Jóhannes Torfi Torfason	ISL	2	17
61	67	Jökull Bjarki Ómarsson	ISL	2	16½
62	71	Birna Vala Fossdal	ISL	2	16
63	54	Sigríður Steingrímsdóttir	ISL	2	16
64	76	Gísli Le Vinh Mörtuson	ISL	2	15½
65	24	Helga Berglind Guðmundsdóttir	ISL	2	14
66	23	Birkir Þór Guðjónsson	ISL	2	13
67	44	Kolbrún Arna Káradóttir	ISL	2	12½
68	74	Heiða Rós Gyðudóttir	ISL	2	12½
69	77	Emilía Andradóttir	ISL	1½	12½
70	72	Ásrún Svava Fossdal	ISL	1½	12½
71	25	Ísak Ernir Guðmundsson	ISL	1	16
72	56	Ásdís Svava Svavarsdóttir	ISL	1	15
73	78	Patrycja Teresa Krupa	ISL	1	14½
74	9	Jón Sigurður Bjarnason	ISL	1	13
75	19	Bergþóra Helga Gunnarsdóttir	ISL	1	13
76	52	Dagný Ósk Stefánsdóttir	ISL	1	11½
77	34	Helgi Þór Ingólfsson	ISL	1	11½
78	21	Sigurður Rúnar Gunnarsson	ISL	0	13½

Tveir góðir sigrar í dag - mínútuþögn við upphaf umferðar - Carlsen mætir Aronian á morgun

Það gekk vel hjá íslensku sveitunum í opnum flokki í dag. A-liðið vann góðan 2½-1½ á sterkri sveit Rúmena. Henrik Danielsen vann góðan sigur en öðrum skákum lauk með jafntefli. Gullaldarliðið vann öruggan 3-1 sigur á sveit Kósóvó. Jóhann Hjartarson og Jón L. Árnason unnu en aðrir gerðu jafntefli. Friðrik Ólafsson tefldi á fjórða borði fyrir gullaldarliðið og er það fyrsta landsliðsviðureign Friðriks síðan á Möltu árið 1980!

Kvennaliðinu gekk ekki vel og ½-3½ tap gegn Lettum staðreynd. Lenka Ptácníková gerði jafntefli en aðrar skákir töpuðust. 

Umferð dagsins hófst í dag með því að Zurab Azmaiparashvili vottaði franska liðinu samúð skáksamfélagsins vegna atburða gærdagsins. Að því loknu stóðu allir keppendur upp úr sætum sínum og minntust fórnarlambanna með mínútuþögn. Mótshaldarar höfðu útvegað sorgarbönd sem allir keppendur og starfsmenn mótsins báru við upphaf umferðar. RÚV tók tilfinningaríkt viðtal við Sebastian Maze, liðsstjóra frönsku sveitarinnar, sem finna má hér.

Frakkar komu greinilega tvíefldir til leiks því þeir unnu frábæran 2½-1½ sigur á Armenum. 

Evrópumeistarar Asera er efstir í opnum flokki en þeir unnu stórsigur, 3½-½, á Dönum. Rússar og Úkraínumenn eru í 2.-3. sæti.

Í kvennaflokki eru Georgía og Úkraína efst. 

Þriðja umferð fer fram á morgun. Þá teflir Ísland við sterka sveit Þjóðverja en gullaldarliðið við Tyrki. Kvennaliðið mætir sveit Belgíu.

Ein athyglisverðasta viðureign morgundagsins verður að teljast viðureign Norðmanna og Armena. Þar má gera ráð fyrir að tveir stigahæstu keppendur mótsins tefli saman, heimsmeistarinn Magnus Carlsen og Levon Aronian. Carlsen hefur hvílt í tveimur fyrstu umferðunum en lítill vafi er á því að hann mæti til leiks á morgun gegn Armenum sterka.

Úkraínumenn mæta Aserum og Rússar tefla við Spánverja.

Umferðin hefst kl. 15. Áhorfendur hvattir til að mæta í Höllina til að upplifa veisluna! Skákskýrinar í umsjón Björns Þorfinnssonar hefjast kl. 17. Fyrir þann tíma er hægt að fylgjast með skýringum Simon Williams á ensku og fylgjast með skákunum á skjám á skákstað.

Vert er að benda á afar vandaða umfjöllun Björns Þorfinnssonar á DV.is.

• Heimasíða mótsins
• Chess-Results
• Beinar útsendingar

Skákþáttur Morgunblaðsins: Glæsileg tilþrif á HM ungmenna í Grikklandi

 

Íslendingar tefldu fram 17 keppendum á heimsmeistaramóti ungmenna sem lauk við frábærar aðstæður á sumardvalarstaðnum í Porto Carras í Grikklandi á fimmtudaginn. Þetta heimsmeistaramót er venju samkvæmt skipað nær öllum bestu ungu skákmönnum heims sem komu hvaðanæva úr heiminum, en keppendur voru 1.596 talsins. Bandaríkjamenn áttu flesta þátttakendur, 128, en næstir komu Grikkir með 78 þátttakendur, Rússar með 70, Indverjar voru með 50 skákmenn. Athygli vakti að Kanadamenn voru með 56 keppendur í hinum ýmsu flokkum. Norðmenn sem sigla á bylgju mikla skákáhuga áttu 35 fulltrúa. Teflt var sjö aldursflokkum stúlkna og pilta frá 8 ára til 18 ára aldurs. Við áttum tvær stúlkur í mótinu, Freyja Birkisdóttir tefldi í flokki stúlkna 10 ára og yngri og Steinunn Verónika Magnúsdóttir í flokki stúlkna 18 ára og yngri.

Helsta niðurstaða mótsins er sú að breiddin er mikil meðal ungra skákmanna okkar enda sáust glæsileg tilþrif í fjölmörgum viðureignum. Fyrirfram var Vignir Vatnar Stefánsson talinn eiga besta möguleika á verðlaunasæti í opna flokki 12 ára og yngri en hann hafnaði í 51. sæti af 202 keppendum hlaut, 6½ vinning af 11 mögulegum, fékk aðeins ½ vinning úr tveim síðustu skákum sínum. Heimsmeistaramótin eru merkilega þétt niður alla aldursflokkana og elo-stigatala hæpin viðmiðun þar sem stigin endurspegla engan veginn raunverulega styrk fjölmargra keppenda. Það er því til marks um góða frammistöðu nái menn að hækka á stigum og sá sem gerði best í þeim efnum í Grikklandi var Björn Hólm Birkisson en hann hlaut 5½ vinning af 11 mögulegum og hækkaði um 150 elo-stig. Akureyringurinn Símon Þórhallsson stóð sig einnig frábærlega en hann hlaut 6 vinninga af 11 mögulegum og hækkaði um 100 elo stig.

Hinn 10 ára gamli Óskar Víkingur Davíðsson var með á EM í Svartfjallandi fyrir tveim árum og hefur bætt sig mikið síðan, varð í 54. sæti af 185 keppendum og hlaut 6½ vinning í opna flokki 10 ára og yngri. Eftirfarandi skák er hans besta frá þessu skemmtilega heimsmeistaramóti:

HM ungmenna 10 ára flokkur; 4. umferð:

Óskar Víkingur Davíðsson – Ole Zeuner (Þýskaland)

Spænskur leikur

1. e4 e5 2. Rf3 Rc6 3. Bb5 a6 4. Ba4 b5 5. Bb3 Be7 6. c3 Rf6 7. d3 0-0 8. 0-0 d6 9. h3 Be6 10. He1 Ra5 11. Bxe6 fxe6 12. Rbd2 Rh5?!

Þetta ferðalag riddarans er of tímafrekt og Óskar Víkingur hrifsar til sín frumkvæðið með nokkrum beittum leikjum.

13. d4 exd4 14. Rxd4 Rf4 15. b4! Rb7 16. R2f3 Dd7 17. Db3 Rd8 18. Bxf4 Hxf4 19. Had1!

Góð liðsskipan og brátt eykur hvítur þrýstinginn á stöðu svarts.

19.... Kh8 20. c4! Hf7 21. c5 e5 22. Rf5 Dc6

23. Dd5!

Góður leikur sem mylur niður varnir svarts. Önnur leið var 23. Rxe5! dxe5 24. Hxd8! Hxd8 25. Dxf7 Bf6 26. Hd3 með vinningsstöðu þar sem 26.... Dd7 er svarað með 27. Dxd7 Hxd7 28. Ha3! og vinnur og eftir 26.... g6 á hvítur 27. Hd3! með óverjandi máthótunum.

23.... Dxd5 24. Hxd5 c6?

Hann varð að reyna 23.... Rb7 en ekki er staðan björguleg eftir 24. Hc1.

25. Hd3 dxc5 26. Rxe5

Vinnur lið og nú er eftirleikurinn auðveldur.

26.... Hf6 27. Rxe7 c4 28. Hd7 h6 29. Hed1 Rf7 30. Reg6+ Kh7 31. f4 Hxg6 32. Rxg6 Kxg6 33. Hc7 Hd8 34. Hxc6+ Kh7 35. Hxd8 Rxd8 36. Hc8 Re6 37. f5 Rf4 38. e5

– og svartur gafst upp. 

Helgi Ólafsson [e-mail]

Grein þessi birtist í Morgunblaðinu 7. nóvember

Skákþættir Morgunblaðsins

Bein útsending frá EM landsliða í skák í Reykjavík

2. umferð EM landsliða í skák er í fullum gangi. Fjölmargar spennandi viðureignir og skákir fara fram. 

Íslenska A-liðið er að tefla við lið Rúmeníu, Íslenska Gullaldarliðið teflir við nýliðana frá Kósóvó og kvennaliðið lið Letta.

Þá má nefna að Armenía, með ofurstórmeistarann Levon Aronian á 1. borði teflir við Frakka, Englendingar við Georgíu og Rússar eru að tefla við Grikki.

 

• Bein útsending frá opnum flokki
• Bein útsending frá kvennaflokki
• Staðan í kvennaflokki
• Staðan í opnum flokki

Armenar og Georguímenn efstir á EM landsliða í skák í Reykjavík

 

• Íslenska A-landsliðið lá gegn Armenum
• Gullaldarliðið tapaði fyrir Hollendingum
• Guðlaug hetja okkar gegn Tyrkjum

 

Íslenska A-landsliðið í skák steinlá fyrir Armenum, einni sterkustu skákþjóð heims, í fyrstu umferð Evrópumóts landsliða sem hófst í Laugardalshöll í dag. Armenar, sem tefla fram Levon Aronian á efsta borði, gáfu Íslendingum engin grið og þrátt fyrir góð færi Héðins Steingrímssonar tókst okkar mönnum ekki að komast á blað gegn hinum firnasterku Armenum.

Aðeins Armenar og Georgíumenn unnu viðureignir sínar með mesta mun. Georgíumenn, sem ofurstórmeistarann Baadur Jobava leiða, sigruðu Skota 4-0.

Gullaldarlið Íslendinga tapaði fyrir öflugri sveit Hollendinga með hálfum vinningi gegn þremur og hálfum, þar sem Margeir Pétursson tryggði að Ísland kæmist á blað. 

,,Þarna hefndum við Hollendingar fyrir tvö töp í fótbolta," sagði kampakátur Loek van Wely eftir viðureignina við íslenska liðið, og vísaði að sjálfsögðu í glæsileg úrslit Íslendinga í knattspyrnu gegn Hollendingum. 

Kvennalandsliðið tapaði 3-1 gegn Tyrkjum. Guðlaug Þorsteinsdóttir var hetja íslenska liðsins, lagði andstæðing sem var 250 skákstigum hærri.

Helstu úrslit í 1. umferð voru að Rússar, stigahæsta sveit mótsins, unnu Tyrki 3-1, Úkraína vann Rúmeníu 3-1, Evrópumeistarar Asera unnu Slóvena 3-1 og Frakkar unnu Svía 3-1. 

Danir náðu góðum úrslitum og lögðu sterka sveit Tékka, 2,5-1,5. Þá vakti mikla athygli að Kosovo, sem nú keppir í fyrsta sinn, náði góðum úrslitum á móti Grikkjum, töpuðu með minnsta mun. Frændur vorir í Færeyjum, sem eiga þriðju stigalægstu sveit landsins, náðu ágætum úrslitum gegn Króötum, 1-3.

Í kvennaflokki bar hæst að úkraínsku systurnar Anna og Mariya Muzichuk komust ekki til landsins í tæka tíð og varð Úkraína að gefa eina skák á móti Englendingum, en hafði engu að síður sigur, 2,5-1,5. Önnur helstu úrslit í kvennaflokki urðu að Georgía, stigahæsta sveit mótsins, sigraði Tékka 3,5-0,5 og Rússar unnu Grikki 3-1.

Evrópumótið í skák er öflugasta og sterkasta skákmót ársins í heiminum, og stærsti skákviðburður sem fram hefur farið á Íslandi síðan 1972.

Skáksamband Íslands stendur að viðburðinum í samvinnu við Skáksamband Evrópu, með stuðningi ríkisstjórnar Íslands, Reykjavíkurborgar og fjölmargra fyrirtækja, félaga og einstaklinga.

Við setningarathöfnina í dag fluttu Gunnar Björnsson forseti Skáksambands Íslands, Dagur B. Eggertsson borgarstjóri, Illugi Gunnarsson menntamálaráðherra og Zurab Azmaiparashivili forseti Skáksambands Evrópu ávörp. Tónlistarmaðurinn Svavar Knútur kom fram við setningu mótsins.

Önnur umferð Evrópumóts landsliða í skák fer fram laugardaginn 14. nóvember og hefst kl. 15. Allar skákir eru sendar beint út á netinu og hægt er að fylgjast með á heimasíðu mótsins, http://etcc2015.com

• Myndaalbúm

 

 

 

 

Evrópumót landsliða hefst kl. 15: Íslendingar mæta Evrópumeisturunum - Carlsen hvílir í fyrstu umerð

Í dag kl. 15 hefst stærsta skákveisla sem fram hefur farið í 43 ár á Íslandi. Sé það ekki nóg, þá er einnig um að ræða eitt af sterkustu skákmótum heims á árinu. Ísland keppir með tvær sveitir í opnum flokki og eina í kvenna flokki.

Borðaröðun 1. umferðar liggur nú fyrir og er ljóst að okkar bíður verðugt verkefni í viðureignum dagsins.

 

Opinn flokkur

A-Sveit Íslands, mætir sjálfum Evrópumeisturunum frá Armeniu!, en um er að ræða gríðarlega öfluga sveit ofurstórmeistara með ofurstórmeistarann Levon Aronian (2781) á 1. Borði. Hannes Hlífar Stefánsson fær það verðuga verkefni að glíma við Aronian í umferðinni!

Gullaldarliðið fær einnig gríðaröfluga sveit Hollendinga, en ofurstórmeistarinn Anish Giri (2778) leiðir sveitina og á 2. borði er Íslandsvinurinn GM Erwin L‘ami (2623) sem sigraði eftirminnilega á Opna Reykjavíkurskákmótinu nú í vor.

Nánar má skoða pörun hér

 

Kvennaflokkur

Kvennaliðið okkar teflir við öfluga sveit Tyrkja sem er talsvert stigahærri en okkar lið, en hafa verður í huga að skákstig tefla ekki, heldur getur allt gerst.

Nánar má skoða pörun í kvennaflokki hér.

Heimasíða mótsins (beinar útsendingar)