Heimsviðburður: Evrópumótið í Fischer-slembiskák fer fram á morgun: Skráningu lýkur í dag

Evrópumótið í Fischer-slembiskák fer fram á morgun í Hörpu á 75 ára afmælisdegi meistarans. Mótið er einstæður viðburður enda fyrsta opinbera slíka mót í heiminum. Flestir sterkustu keppendur mótsins eru skráðir til leiks fyrir utan að það að nokkrir koma hingað sérstaklega til landsins til að taka þátt.

Afar góð verðlaun eru á mótinu en nánar um mótið má lesa hér.

Mótið hefst kl.13.  Lokað verður fyrir skráningu að lokinni fjórðu umferð GAMMA Reykjavíkurskákmótsins í kvöld (um kl. 22). 

Þátttökugjöld eru kr. 1.000 sem taka þátt í Reykjavíkurskákmótinu en kr. 2.500 fyrir aðra. Frítt fyrir stórmeistara og alþjóðlega meistara.

Bobby Fischer þróaði skákina meðal annars í samstarfi við gest Reykjavíkurskákmótsins, Susan Polgar, og hér ein fárra mynda af Fischer tefla slíka skák. 

Mælt er með því að þau séu lögð inn á reikning Skáksambandsins 101-26-12763, kt. 580269-5409 en einnig má greiða þau á skákstað.

Ekki missa af tækifærinu á að tala fyrsta Fischer-slembiskákmótinu. Móti sem á mögulega eftir að koma stórum snjóbolta af stað.

Skráning á Skák.is (guli kassinn)

Þátttökulistinn

Stelpuskákmót Susan Polgar fer fram í dag í Hörpu - forsætisráðherra setur fjórðu umferðina

Í dag fer fram Stelpuskákmót Susan Polgar í Hörpu. Mótið er opið öllum stúlkum í grunnskólum og þegar eru ríflega 20 stelpur skráðar til leiks flestar úr öflugu unglingastarfi TR.

Susan mun kynna fyrir stúlkunum leyndardóma skákarinnar og segja frá reynslu sinni í skálistinni. Susan var þriðja konan í sögunni til að verða stórmeistari í skák og er ein besta skákkona allra tíma. Dagskráin hefst kl. 15 í Stemmu. Allar stúlkur velkomnar!

Af því loknu verður stelpuskákmót þar sem Susan og Katrín Jakobsdóttir, forsætisráðherra, munu afhenda verðlaun að móti loknu. 

Forsætisráðherra mun leika fyrsta leik fjórðu umferð GAMMA Reykjavíkurskákmótsins. 

GAMMA Reykjavíkurskákmótið 3. umferð - þrír með fullt hús, Jóhann efstur Íslendinga

Þrír hafa enn fullt hús á GAMMA Reykjavíkurskákmótinu en toppurinn þar á eftir er gríðarlega þéttur.

Mustafa Yilmaz (2619) sem hefur teflt á fjölmörgum Reykjavíkurskákmótum lagði bandaríska stórmeistaranumm Eugene Perelshteyn og tryggði sér þarmeð fullt hús ásamt þeim Suri Vaibhav frá Indlandi og Elshan Moradiabadi frá Íran sem fylgja honum eftir en þeir lögðu alþjóðlegu meistarana John Bartholomew og Alinu l'Ami.

Mikill fjöldi kemur þar á eftir með 2,5 vinning og flestir stigahæstu menn mótsins eins og Rapport, Eljanov og Kamsky eru í þeim hópi. Jóhann Hjartarson er efstur Íslendinga með 2,5 vinning og eins og rétt að benda á góða frammistöðu nokkra Íslendinga úr neðri styrkleikahópnum í pörun sem einnig hafa 2,5 vinning. Birkír Ísak Jóhansson er þegar að eiga eftirtektarvert mót með mjög góðum úrslitum og eins munaði örlitlu að Jóhann H. Ragnarsson næði að blanda sér í hóp efstu manna með fullt hús en hann virtist standa til vinnings á tíma gegn Löew (2204) frá Þýskalandi.

Eftir erfiðan tvöfaldan dag heldur gamanið áfram á morgun klukkan 17:00 þegar 4. umferð fer fram. Vaibhav og Yilmaz mætast og Jóhann fær erfiða skák með svörtu gegn Eljanov. Hannes Hlífar mun vonandi ná fram hefndum fyrir Jóhann Hjört en hann fær áðurnefndan Loew. Birkir Ísak fær FIDE Meistara með 2300 stig og verður gaman að sjá hvernig honum mun ganga með hann.

Skákskýringar verða á sínum stað á morgun og hefjast þegar nokkuð er liðið á umferðina eftir kvöldmat. 

Á morgun verður jafnframt stelpuviðburður sem hefst klukkan 15:00 sem Susan Polgar mun eiga mikinn þátt í. Eins er gaman að segja frá því að umferðin á morgun verður sett af sjálfri Katrínu Jakobsdóttur forsætisráðherra.

Heimasíða mótsins

Úrslit á Chess-Results

Beinar útsendingar með skýringum GM Simon Williams og WIM Fional Steil-Antoni

Útsending 2. umferðar:

 

Watch Reykjavik Open, Round 2 from Chess on www.twitch.tv

Útsending 3. umferðar:

Watch Reykjavik Open, Round 3 from Chess on www.twitch.tv

GAMMA Reykjavíkurskákmótið 2. umferð - Björn og Guðmundur með sterk jafntefli

Fyrri umferð dagsins er nú lokið á GAMMA Reykjavíkurskákmótinu. Stórmeistararnir hafa flestir sloppið nokkuð vel með skrekkinn en þó hafa þrír nú þegar legið í valnum og fjölmargir þurft að sætta sig við jafntefli.

Tveir af þeim sem þurftu að sætta sig við jafntefli voru á efri borðum. Guðmundur Kjartansson náði mjög sterku jafntefli gegn fyrrverandi heimsmeistara kandídatanum Gata Kamsky! Guðmundur varðist af mikilli hörku og náði þráskák í lokin.

Björn Þorfinnsson náði einnig tiltölulega átakalausu jafntefli gegn ítalska stórmeistaranum Sabino Brunello. Brunello bætti bitlitlu afbrigði í enska leiknum og fékk ekki frumkvæði í endatafli eins og hann hafði vonast eftir. Stuttur dagur á "skrifstofunni" hjá Birni!

Mikið var um jafntefli á efstu borðunum og voru aðeins Richard Rapport og Matthieu Cornette sem sluppu í gegnum aðra umferðina með fullt hús af átta stigahæstu mönnum mótsins. Aðrir þurftu að sætta sig við jafntefli og Erwin l'Ami einn af fyrrverandi sigurvegurum mótsins þurfti að lúta í gras fyrir enskak alþjóðlega meistaranum Ravi Haria.

Þrír Íslendingar eru með fullt hús og þónokkrir með 1,5 vinning. Flestir þeirra með tvo vinninga eru þó í neðri styrkleikaflokki og fá fyrir vikið veikari andstæðinga til að byrja með. 

Af öðrum úrslitum hjá Íslendingum má nefna sterkt jafntefli hjá Atla Frey Kristjánssyni (2123) gegn Þresti Þórhallssyni (2419). Gunnar Freyr Rúnarsson (1993) lagði Hilmi Frey (2224) og Óskar Víkingur Davíðsson (1882) gerði jafntefli við Jonathan Pein (2184). Jóhann Ragnarsson (1985) lagði Veru Nebolsinu (2211) en hann og Gunnar hafa fullt hús ásamt Birki Ísak sem lagði Veju Tidic (2180).

Þriðja umferðin hefst klukkan 17:00 og þar mætast á efsta borði Rapport og ungstirnið Nihal Sarin. Björn Þorfinnsson fær hvítt á Sergey Grigoriants og Guðmundur svart á Ahmed Adly. Einnig verður athyglisvert að fylgjast með Vignir Vatnar kljást við einn yngsta stórmeistara í heimi í dag, Nodirbek Abdusattorov.

 

Heimasíða mótsins

Úrslit á Chess-Results

Beinar útsendingar með skýringum GM Simon Williams og WIM Fional Steil-Antoni

GAMMA Reykjavíkurskákmótið komið af stað!

Hið árlega GAMMA Reykjavíkurskákmót hófst í dag þegar 1. umferð var sett af Líf Magneudóttur. Mótið í ár telur 248 keppendur frá 34 þjóðlöndum en 27 stórmeistarar eru mættir til leiks.

93 keppendur eru frá Íslandi sem eru skiljanlega í meirihluta en næstflestir keppendur koma frá Bandaríkjunum 23 talsins.

Sem endranær er nokkur styrkleikamunur í 1. umferð en að þessu sinni var þó boðið upp á annað pörunarkerfi, svokallað Accelerated Swiss-system sem þýðir að sterkari keppendur mætast fyrr í mótinu þar sem því er styrkleikaskipt.

Þrátt fyrir það var mjög lítið um óvænt úrslit og einu óvæntu úrslitin á efri borðunum voru þétt jafntefli hjá Kristjáni Eðvarðssyni gegn Sergey Grigoriants (2568). Dagur Ragnarsson náði einnig góðu jafntefli gegn Konstantinn Landa (2613) og Baldur Teódór Pálsson náði góðum sigri á Maríu Brunello (2367)

Stigahæstir keppenda eru þeir Richard Rapport (2715) og Pavel Eljanov (2713). Mótið heldur áfram á morgun með tvöfaldri umferð. Fyrri umferðin hefst klukkan 09:00 og seinni umferðin klukkan 17:00.

 

Heimasíða mótsins

Úrslit á Chess-Results

Beinar útsendingar með skýringum GM Simon Williams og WIM Fional Steil-Antoni

Þér er boðið á setningu GAMMA Reykjavíkurskákmótsins kl. 15

GAMMA Reykjavíkurskákmótið - minningarmót um Bobby Fischer verður sett kl. 15 í dag í Hörpu. Líf Magneudóttir, forstjóri borgarstjórnar, mun setja mótið og leika fyrsta þess.

Um 250 keppendur frá 35 löndum eru skráðir til leiks og er mótið eitt hið fjölennasta í sögu þeirra. Um þriðjungur þeirra er innlendur. 

Skákskýringar á skákstað hefjast um kl. 17

Skák- og skákáhugemnn eru hvattir til að koma á setningu mótsins kl. 15. 

 

Heimasíða mótsins

Úrslit á Chess-Results

Beinar útsendingar með skýringum GM Simon Williams og WIM Fional Steil-Antoni

Forsetinn og landsliðskonan gerðu jafntefli við indverska undrabarnið - GAMMA Reykjavíkurskákmótið hefst kl. 15

Reykjavíkurskákmótið hefst á morgun, þriðjudaginn 6. mars, í Hörpu. Um 250 keppendur eru skráðir til leiks, samtals um 160 erlendir keppendur frá 35 löndum.  Stigahæstur keppenda er ungverki ofurstórmeistarinn Richard Rapport. Keppendalistinn samanstendur af áhugaverðum undrabörnum, sterkum skákkonum og svo áhugamönnum og öflugu heimavarnarliði.

Mótið stendur yfir 6.-14. mars. Umferðir hefjast yfirleitt kl. 15 og verða skákskýringar á skákstað í boði fyrir gesti og gangandi. Mótið núna er minningarmót um Bobby Fischer, sem hefði fagnað 75 ára afmæli 9. mars nk. væri hann á lífi. Þann dag verður haldið Fischer-slembiskákarmót í Hörpu sem jafnframt verður fyrsta Evrópumótið í slíkri skák.

Ofurstórmeistararnir

Tveir keppendanna falla undir það að teljast ofurstórmeistarar. Annars er það ungverski stórmeistarinn Richard Rapport (2715 elo stig) sem er aðeins 21 árs og einn skemmtilegasti skákmaður heims. Hinn er Úkraínumaðurinn Pavel Eljanov (2713 elo stig) sem hefur margsinnis teflt hér og var meðal sigurvegara á mótinu 2013.  Tólf skákmenn hafa meira en 2600 skákstig og svo búast má við harðri baráttu. 

Undrabörnin

Mótshaldarar

Reykjavíkurskákmótsins hafa ávallt lagt sig fram að fá svokölluð undrabörn í skák á meðal keppenda. Þar munu þrír skákmenn vekja meiri athygli en aðrir. Indverjarnir Nihal Sarin (13 ára) og Ramesh Praggnanandhaa (12 ára) eru líklega einna efnilegustu skákmenn í heimi í dag og sá síðarnefndi hefur möguleika á að verða yngsti stórmeistari skáksögunnar á Reykjavíkurskákmótinu.  Auk þess kemur Nodirbek Abdusattorov frá Úsbekistan (13 ára) – sem nú er yngsti stórmeistari heims og sá næstyngsti í skáksögunni.

Skákkonurnar

Sterkar skákkonur koma t.d. frá Bandaríkjunum og Slóvakíu og má nefna Lauru Unuk, sem er tvöfaldur heimsmeistari stúlkna og mun án efa láta ljós sig sitt skína. Bandarísku landsliðskonurnar Sabina-Francesca Foisor og Tatev Abrahamyan er meðal annarra keppenda.

Heimavarnarliðið

Ríflega 80 íslenskir skákmann taka þátt eða 1/3 af mótinu. Meðal þeirra sem þar tefla eru Hannes Hlífar Stefánsson, Jóhann Hjartarson, Þröstur Þórhallsson og Íslandsmeistarinn Guðmundur Kjartansson.

Skákveislunni var hins vegar þjófstartað í dag þegar indverska undrabarnið Nihal Sarin, einn efnilegasti skákmaður heims, tefldi Fischer-slembiskákarfjöltefli við 12 keppendur í höfuðstöðvum GAMMA, Garðastræti 37. Fischer-slembiskák er skák sem Bobby Fischer fann upp þegar honum þótt hin hefðbundna skák vera of fyrirsjáanleg. Sami manngangur er og í venjulegri skák en uppröðun mannanna er tilviljunarkennd og alls eru mögulegar upphafsstöður 960 talsins.

Tveir keppendur náðu jafntefli við Sarin, þau Guðlaug Þorsteinsdóttir, landsliðskona í skák og margfaldur Íslandsmeistari, og Gunnar Björnsson, forseti Skáksambandsins. Öðrum keppendum var ekki gefið grið, en það vakti mikla athygli áhorfenda að í seinustu skákinni við Gunnar, kom upp staða þar sem Sarin hafði 2 riddara á móti kantpeði Gunnars, og gerði Sarin heiðarlega tilraun til að máta Gunnar, en slíkt er ákaflega erfitt í þannig stöðu.

Opnunarhátíð GAMMA Reykjavíkurskákmótsins hefst kl. 18 í Hörpu

GAMMA Reykjavíkurskákmótið hefst kl. 15 á morgun með fyrstu umferð. Í dag verður hins vegar opnunarhátíð mótsins kl. 18. Hún fer fram í Smurstöðinni. 

Þangað mun flestir sterkustu skákmenn mótsins mæta og láta sjá. Skákáhugamenn eru hvattir til að fjölmenna í Hörpu á milli 18-20.

Sértilboð verða í boði á Smurstöðinni á meðan opnunarhátíðinni stendur. Tilvelið að mæta og taka nokkrar léttar hraðskákir í góðum félagsskap og hita upp fyrir veisluna!

 

 

Fischer-slembiskákarfjöltefli Nihal Sarin kl. 13 í GAMMA

GAMMA Reykjavíkurskákmótið – minningarmót um Bobby Fischer fer fram í Hörpu dagana 6.-14. mars. Veislunni verður þjófstartað deginum fyrr, þann 5. mars, en þá teflir indverska undrabarnið Nihal Sarin, einn efnilegasti skákmaður heims, Fischer-slembiskákarklukkufjöltefli við 10-12 keppendur í höfuðstöðvum GAMMA, Garðastræti 37.

Sennilega er að um ræða fyrsta slíka alvörufjöltefli í heiminum en andstæðingar Sarin verða í bland efnilegir skákunglingar, skákkonur, eldri skákmenn sem verða flestir í kringum 1800-2200 skákstig. Þetta verður mikil áskorun fyrir Sarin sem þarf að kljást við margar mismunandi upphafsstöður gegn sterkum andstæðingum.

Fischer-slembiskák er skák sem Bobby Fischer fann upp þegar honum þótt hin hefðbundna skák vera of fyrirsjáanleg. Sami manngangur er og í venjulegri skák en uppröðun mannanna er tilviljunarkennd og alls eru mögulegar upphafsstöður 960 talsins. Fischer-slembiskák hefur verið á uppleið og á 75 ára fæðingardegi Bobby Fischer, 9. mars nk., verður fyrsta Evrópumótið í Fischer-slembiskák haldið í Hörpu.

Meðal andstæðinga Sarin verða landsliðskonurnar: Hallgerður Helga Þorsteinsdóttir og Guðlaug Þorsteinsdóttir, Hilmar Viggósson, sem var í stjórn Skáksambandsins þegar einvígi aldarinnar var haldið árið 1972, Gunnar Björnsson, forseti Skáksambands Íslands og Agnar Tómas Möller einn eigenda GAMMA. 

Taflmennskan hefst kl. 13.  Áhorfendur velkomnir. 

 

Öruggur sigur Víkingaklúbbsins

Víkingaklúbburinn vann öruggan sigur á Íslandsmóti skákfélaga sem lauk í gær Skákfélagið Huginn varð í öðru sæti og Skákdeild Fjölnis í því þriðja. Skákdeild Breiðabliks og Bolungarvíkur og b-sveit Akureyringa féllu niður í aðra deild.

Lokastaðan á Chess-Results.

2. deild

Skákfélag Reykjanesbæjar varð í efsta sæti. B-sveit Taflfélag Reykjavíkur í öðru sæti. Þessar sveitir unnu sér keppnisrétt í efstu deild að ári. Vinaskákfélagoð varð í þriðja sæti.

C-sveitir Hugins og TR féllu niður í þriðju deild. 

Staðan á Chess-Results.

3. deild

B-sveit Víkingaklúbbsins vann öruggan sigur í 3. deild. b-sveit Fjölnis fylgir þeim í upp í aðra deild. Skákfélag Sauðárkróks fékk bronsið.

D- og e-sveitir TR falla niður í 4. deild ásamt b-sveit Reyknesinga. 

Staðan á Chess-Results

4. deild

Taflfélag Akraness vann sigur í 4. deild, C-sveit Víkingaklúbbsins varð í óðru sæti og Taflfélag Garðabæjar í því þriðja sæti og ávinna sér keppnisrétt í 3. deild að ári. 

Staðan á Chess-Results.

Nánari frétt sem og myndir væntanlegar.

Heimasíða mótsins