Skákmót öðlinga hefst á miðvikudaginn

Skákmót öðlinga 40 ára og eldri hefst miðvikudaginn 22. febrúar kl. 19.30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina  auk 30 sekúndna viðbótartími á hvern leik. Núverandi Skákmeistari öðlinga er Stefán Arnalds.

Mótið verður jafnframt Íslandsmót 50 ára og eldri þar sem efsti keppandinn í hópi þeirra sem fæddir eru 1967 og fyrr hlýtur Íslandsmeistaratitilinn. Sigurvegari mótsins hlýtur titilinn Skákmeistari öðlinga. Verði keppendur jafnir að vinningum mun stigaútreikningur (tiebreaks) skera úr um lokaröð og þar með verðlaun.

Athugið að lokaumferð mótsins fer fram föstudaginn 31. mars.

Dagskrá:
1. umferð miðvikudag 22. febrúar kl. 19.30
2. umferð miðvikudag 1. mars kl. 19.30
3. umferð miðvikudag 8. mars kl. 19.30
4. umferð miðvikudag 15. mars kl. 19.30
5. umferð miðvikudag 22. mars kl. 19.30
6. umferð miðvikudag 29. mars kl. 19.30
7. umferð föstudag 31. mars kl. 19.30

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu. Láta skal skákstjóra vita um yfirsetu fyrir lok umferðarinnar á undan.

Hraðskákmót öðlinga fer fram miðvikudaginn 12. apríl kl. 19:30 og að því loknu fer þar fram verðlaunaafhending fyrir bæði mót. Keppt er um veglegan farandbikar, en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Tímamörk
90 mín + 30 sek viðbót eftir hvern leik

Verðlaun
1. sæti kr. 40.000
2. sæti kr. 20.000
3. sæti kr. 10.000

Þátttökugjald (greiðist með reiðufé við upphaf móts)

kr. 5.000 – Innifalið er frítt kaffi allt mótið ásamt rjómavöfflum og öðru góðgæti á lokakvöldi

Skákstjórn

Þórir Benediktsson; [e-mail], s. 867 3109

Skráningarform

Skráðir keppendur

Skákmót öðlinga 40 ára og eldri hefst miðvikudaginn 22. febrúar kl. 19.30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina  auk 30 sekúndna viðbótartími á hvern leik.
Mótið verður nú haldið í 26. sinn en núverandi Skákmeistari öðlinga er Stefán Arnalds.

Dagskrá:
1. umferð miðvikudag 22. febrúar kl. 19.30
2. umferð miðvikudag 1. mars kl. 19.30
3. umferð miðvikudag 8. mars kl. 19.30
4. umferð miðvikudag 15. mars kl. 19.30
5. umferð miðvikudag 22. mars kl. 19.30
6. umferð miðvikudag 29. mars kl. 19.30
7. umferð miðvikudag 5. apríl kl. 19.30

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu. Láta skal skákstjóra vita um yfirsetu fyrir lok umferðarinnar á undan.

Mótinu lýkur miðvikudaginn 12. apríl kl. 19:30 með hraðskákmóti og verðlaunaafhendingu. Keppt er um veglegan farandbikar, en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Tímamörk
90 mín + 30 sek viðbót eftir hvern leik

Verðlaun
1. sæti kr. 40.000
2. sæti kr. 20.000
3. sæti kr. 10.000

Þátttökugjald (greiðist með reiðufé við upphaf móts)

kr. 5.000 – Innifalið er frítt kaffi allt mótið ásamt rjómavöfflum og öðru góðgæti á lokakvöldi

Skákstjórn

Þórir Benediktsson; [e-mail], s. 867 3109

Skráningarform

Skráðir keppendur

Nóa Síríus-mótið: Daði og Þröstur sigurvegarar á afar vel skipuðu Gestamóti Hugins og Breiðabliks

Þá er vel heppnuðu Nóa Siríus móti 2017 lokið. Alls tóku 72 skákmenn á öllum aldri þátt og hefur mótið aldrei verið sterkara en í ár.

A-flokkur

Daði Ómarsson og Þröstur Þórhallsson eru sigurvegarar í A-flokki hins Nóa-Siríus mótsins firnasterka sem lauk á þriðjudagskvöldið í Stúkunni við Kópavogsvöll. Þröstur ætlaði sér greinilega sigur gegn Daða í úrslitaskák þeirra tveggja, mætti við alvæpni og brá bitru sverði á loft með óvæntum byrjunarleik. Daði, sem var með svart, lét þó engan bilbug á sér finna. Hann varðist fimlega að hætti Gunnars á Hlíðarenda þó að hann ætti í höggi við einn skæðasta sóknarskákmann landsins og hélt ró þegar mest lá við. Þegar jafntefli var samið var Daði líklega kominn með ögn vænlegra tafl en jafnteflisboð Þrastar kom á réttu andartaki. Með jafntefli þessu tryggðu þeir félagar sér sigur á mótinu með 5 vinningum hvor í sex umferðum. Glæsilega gert hjá þeim báðum. Þó að Daði sæti yfir í einni umferðinni, reyndist hann hærri í stigaútreikningi. Flestir skákmenn vita hvers Daði er megnugur en fáir áttu þó von á slíkri frammistöðu. Meðalstig andstæðinga Daða voru 2.432 og árangur hans mælist 2.798 stig sem er með því allra hæsta sem sést hefur hér á landi á síðustu árum. Þröstur getur einnig vel við unað. Hann tefldi af feiknarlegu öryggi og leyfði einungis tvö jafntefli, hið fyrra við Lenku í annarri umferð, hið seinna gegn Daða í þeirri síðustu, eins og áður sagði. 

Á næst efsta borði gerðu lagasnillingarnir Jóhann Hjartarson og Björgvin Jónsson jafntefli í skák sem tefld var í botn. Jóhann virtist jafna taflið með svörtu eftir byrjunina og jafnvel fá aðeins betri stöðu í miðtaflinu. Björgvin tefldi hins vegar vel og undir lokin hafði hann peði meira í hróksendatafli en Jóhann var ekki í vandræðum með að halda jöfnu með virkjum kóngi á miðju borði. Björgvin átti ágætt mót, taplaus en gerði jafntefli í fjórum skákum. Jóhann Hjartarson, sem er ríkjandi Íslandsmeistari í kappskák og raunar hraðskák líka, tapaði fyrir Benedikt Jónassyni í fjórðu umferð og missti þar með möguleika á toppsæti. Benedikt fór á kostum í mótinu og það er alltaf gaman að fylgjast með Jóhanni enda sá stórmeistari okkar, auk Friðriks, sem náð hefur lengst á svarthvítu reitunum. Jóhann teflir ávallt ótrauður til sigurs og viðureignir hans einkennast af leikgleði og lítilli lognmollu - baráttu frá upphafi til enda.   

Guðmundur Kjartansson sigraði Helga Áss Grétarsson í baráttuskák. Upp kom peðaendatafl þar sem báðir náðu að vekja upp drottningu, Guðmundur þó fyrr og það gerði gæfumuninn eftir að Helga hafði orðið á örlítil ónákvæmni. Mikill fengur að fá Helga að skákborðinu í þessu sterka móti og Guðmundur sýndi  og sannaði enn hve þolgóður hann er þegar líða tekur á skákirnar, enda innbyrti hann flesta sína vinninga í endatöflum. 

Skák Jóns Viktor Gunnarssonar og Björns Þorfinnssonar var flókin og tvísýn. Jón Viktor fórnaði að lokum manni og náði að leggja stjörnublaðamanninn og félaga sinn hjá TR að velli í tímahraki hins síðarnefnda.

 

Þá lauk Þorsteinn Þorsteinsson ágætu móti með því að gera jafntefli með hvítu við stórmeistarann Jón L. Árnason í 32 leikjum.  Skákin einkenndist af átökum um frumkvæðið en jafnvægið var þó ætið innan seilingar. Jón hrifsaði þó til sín peð í drottningarendatafli sem gerði það að verkum að Þorsteinn sá þann kost vænstan að þráskáka. Þorsteinn fór taplaus í gegnum mótið en var lengi í gang. Jón L. var einnig greinilega að komast í gamalkunnan gír eftir brösuga byrjun.

Benedikt Jónasson sneri skemmtilega á Vigni Vatnar Stefánsson og Magnús Örn Úlfarsson tefldi vel gegn Halldóri Grétari Einarssyni og hafði sigur með laglegri mannsfórn: 

Hvítt: Magnús Örn Úlfarsson

Svart: Halldór Grétar Einarsson

Svartur lék síðast 13...Bd7-e6?

13...Hd8 hefði verið svarað með 14.e6! Bxe6 15.Bxc6+ bxc6 16.Rc7+ Kf8 17.Dxd8mát

Skást var 13. – e6 eins og Sigurður Daði lék með góðum árangri í Danaveldi árið 2005.

Hvítur fær þó góð færi fyrir peðið á e5 sem tapast ef hann teflir rétt!

14.Rxe7!

Nú er 14. – Kxe7 svarað með 15.Dd6+ Ke8 16.Bxc6+ bxc6 17.Dxc6+ Ke7 18.Dd6+ Ke8 19.Bg5! og svartur er niðurbrotinn!

14...b5 15.Rxc6 Dxa4 16.Dd2! og hvítur vann 

Önnur úrslit umferðarinnar má sjá á Chess-Results. 

Það var einstakur heiður að fá að hafa Friðrik Ólafsson meðal keppenda. Þó svo að þessi ljúfi baráttumaður sé kominn af léttasta skeiði, á hann enn létt með að stunda þessa göfugu hugarlist. Hann sér flestum lengra og ánægjan skín úr augunum þó svo að úthaldið sé kannski minna en það forðum var. 

Þá var sérstaklega gaman að laða aftur að skákborðinu gamla meistara á borð við Jón Hálfdánarson og Björn Halldórsson. Það brá fyrir gömlum töktum hjá hvorumtveggja og þó svo að stríðsgæfan hafi kannski ekki fallið þeim í skaut í stöku umferð, er ljóst að báðir eiga fullt erindi í svona sterkt mót, þrátt fyrir áratuga langa fjarveru frá kappsskák. Er það von mótshaldara að þeir færist í aukana á hvítum reitum og svörtum í kjölfar mótsins. 

Lokastaðan í A-flokki:

Daði Ómarsson og Þröstur Þórhallsson urðu jafnir og efstir með 5 vinninga. Í þriðja til fjórða sæti komu TR-ingarnir Guðmundur Kjartansson og Jón Viktor Gunnarsson sem áttu báðir gott mót. Guðmundur, sem er nýbakaður Skákmeistari Reykjavíkur, er greinilega í mjög góðu formi um þessar mundir. Hann tapaði í næstsíðustu umferð fyrir Daða en náði öðru sæti með sigri á Helga Áss Grétarssyni í síðustu umferð. Jón Viktor tók yfirsetu í fyrstu tveimur umferðunum en hlaut þrjá og hálfan vinning úr fjórum tefldum skákum. Sannarlega góður árangur og ljóst að hann hefði mætt Daða ef sjöundu umferð hefði verið til að dreifa. 

Lokastöðu má sjá á Chess-Results. 

B-flokkur

Lokaumferðin í B-flokki var æsispennandi. Svo fór að lokum að félagarnir úr Fjölni, Hörður Aron Hauksson og Jón Trausti Harðarson urðu eftir og jafnir með 5 vinninga hvor en fast á hæla þeirra í 3. sæti kom Stephan Briem með 4,5 vinninga. Þessir þrír unnu sér þátttökurétt í A flokki að ári. 

Úrslit umferðarinnar má finna á Chess-Results. 

Lokastöðuna má finna einnig á Chess-Results. 

Niðurlag

Aðstandendur mótsins, Skákfélagið Huginn og Skákdeild Breiðabliks, þakka boðsgestum þátttökuna, ljúfa samveru og snjöll tilþrif. Eins og þátttökulistinn ber með sér, er greinileg spurn eftir móti sem þessu, móti sem hefur verið þróað frá upphafi og lagað að óskum skákmannanna sjálfra. Skákstjóri var Vigfús Vigfússon sem stjórnaði af sinni alkunnu alúð og vandvirkni og á hann miklar þakkir skildar fyrir gott starf.

 

Meistaramót Vinaskákfélagsins hefst 23. febrúar

Meistaramót Vinaskákfélagsins í Atskák verður haldið 23 febrúar, 9 mars og 16. mars. Ákveðið er að hafa skákmótið á 3 stöðum ef húsrúm leyfir. Þetta verður árlegt skákmót.

• 23. febrúar verður það haldið í Vin Hverfisgötu 47.
• 9. mars verður það í Hlutverkasetrið Borgartúni 1.
• 16. mars er óstaðfest enn hvar við höldum það.

Skákmótið verður 8 umferðir. 3 skákir á kvöldi, nema síðasta kvöldið þá verða tefldar 2 skákir og verðlaunaafhending af því loknu.

Þetta verður opið skákmót fyrir alla.

Tímamörkin eru  15 mín + 10 sek uppbótartími á leik.

Mótið er reiknað til atskákstiga. Mótið hefst kl. 19:30. 

Verðlaun:

• 1. sætið eignarbikar + gullpeningur. Einnig verðum við með farandbikar en þetta skákmót verður síðan árlegt.
• 2. sætið silfurpeningur.
• 3. sætið bronspeningur.

Einnig ætlar einn félagi í Vinaskákfélaginu að gefa andlitsteikningar af frægum skákmönnum.

Þáttökugjald á mótið er að félagsmenn greiði 500 kr., en 2.000 kr. fyrir aðra. Ath. að Hollvinir Vinaskákfélagsins fá frítt á skákmótið.

Þið getið skráð ykkur á mótið á gula kassanum efst á síðunni. Upplýsingar um þegar skráða keppendur má finna hér.

Vefsíða Vinaskákfélagsins

Skákkeppni vinnustaða fer fram í kvöld

Taflfélag Reykjavíkur býður öllum vinnustöðum að taka þátt í Skákkeppni vinnustaða 2017 sem fram fer í félagsheimili TR að Faxafeni 12, fimmtudaginn 16.febrúar. Taflið hefst klukkan 19:30. Mótið er kjörið fyrir hinn almenna skákáhugamann þar sem vinnufélagar geta teflt saman í einu liði og spreytt sig gegn skákmönnum annarra vinnustaða.

Tefldar verða 7 umferðir með umhugsunartímanum 8 mínútur á hverja skák auk þess sem 2 sekúndur bætast við umhugsunartímann eftir hvern leik (8+2). Teflt er í þriggja manna liðum og er hverju liði heimilt að hafa eins marga varamenn og þeim hugnast. Ekkert takmark er á fjölda liða hvers vinnustaðar.

Veitt verða verðlaun fyrir þrjár efstu sveitirnar.

Þátttökugjald er 15.000kr fyrir hverja sveit. Skráning fer fram í gegnum sérstakt skráningarform sem finna má á vef TR (einnig aðgengilegt á www.skak.is). Nánari upplýsingar um mótið veitir Kjartan Maack í síma 8620099.

Við hvetjum alla vinnustaði til þátttöku. Byrjendur jafnt sem lengra komnir eru velkomnir.

Beinar útsendingar frá skákmótum - námskeið fyrir áhugasama!

Allt of fáir í skákhreyfingunni hafa nægilega þekkingu til að hafa beinar útsendingar frá skákmótum og beinar útsendingar frá íslenskum skákmótum eru frekar undantekningar en regla. SÍ ætlar að reyna að bæta úr því og býður upp á námskeið fyrir þá sem vilja læra þessi fræði. Björn Ívar Karlsson og Omar Salama okkar helstu sérfræðingar í beinum útsendingum verða með námskeið fyrir áhugasama þriðjudaginn 21. febrúar kl. 19:30 í SÍ.

Þeir sem hafa áhuga eru hvattir til að mæta. Félög eru hvött til að senda fulltrúa en SÍ er tilbúið að lána búnað til félaga hafi þau beinar útsendingar frá einstaka mótum.

Einnig leitar SÍ að fleiri sérfræðingum til að aðstoða við einstaka mót, eins og t.d. Íslandsmót skákfélaga, svo þarna gæti falist smá "atvinnutækifæri" fyrir áhugasama.

Skráning fer fram í netfangið [e-mail]. Ekkert námskeiðgjald og meira að segja frítt kaffi innifalið!

Skákmót öðlinga hefst miðvikudaginn 22. febrúar

Skákmót öðlinga 40 ára og eldri hefst miðvikudaginn 22. febrúar kl. 19.30 í félagsheimili T.R. að Faxafeni 12. Tefldar verða 7 umferðir eftir svissneska-kerfinu og er umhugsunartíminn 90 mínútur á alla skákina  auk 30 sekúndna viðbótartími á hvern leik. Núverandi Skákmeistari öðlinga er Stefán Arnalds.

Mótið verður jafnframt Íslandsmót 50 ára og eldri þar sem efsti keppandinn í hópi þeirra sem fæddir eru 1967 og fyrr hlýtur Íslandsmeistaratitilinn. Sigurvegari mótsins hlýtur titilinn Skákmeistari öðlinga. Verði keppendur jafnir að vinningum mun stigaútreikningur (tiebreaks) skera úr um lokaröð og þar með verðlaun.

Athugið að lokaumferð mótsins fer fram föstudaginn 31. mars.

Dagskrá:
1. umferð miðvikudag 22. febrúar kl. 19.30
2. umferð miðvikudag 1. mars kl. 19.30
3. umferð miðvikudag 8. mars kl. 19.30
4. umferð miðvikudag 15. mars kl. 19.30
5. umferð miðvikudag 22. mars kl. 19.30
6. umferð miðvikudag 29. mars kl. 19.30
7. umferð föstudag 31. mars kl. 19.30

Tvær yfirsetur (bye) eru leyfðar í umferðum 1-5 og fæst 1/2 vinningur fyrir hvora yfirsetu. Láta skal skákstjóra vita um yfirsetu fyrir lok umferðarinnar á undan.

Hraðskákmót öðlinga fer fram miðvikudaginn 12. apríl kl. 19:30 og að því loknu fer þar fram verðlaunaafhending fyrir bæði mót. Keppt er um veglegan farandbikar, en auk hans eru verðlaun fyrir þrjú efstu sætin, bæði í aðalmótinu og hraðskákmótinu.

Tímamörk
90 mín + 30 sek viðbót eftir hvern leik

Verðlaun
1. sæti kr. 40.000
2. sæti kr. 20.000
3. sæti kr. 10.000

Þátttökugjald (greiðist með reiðufé við upphaf móts)

kr. 5.000 – Innifalið er frítt kaffi allt mótið ásamt rjómavöfflum og öðru góðgæti á lokakvöldi

Skákstjórn

Þórir Benediktsson; [e-mail], s. 867 3109

Skráningarform

Skráðir keppendur

Jóhann Örn sigurvegari Eðalskákmóts Magga P

Eðalskákmót Magga P var haldið í dag í Stangarhyl 4 félagsheimili F E B Þar sem Æsir tefla alla þriðjudaga á milli 13.00 og 16.30. Þar eru allir karlar 60+ og konur 50+ velkomin. Einu skilyrðin eru þau að menn hafi gaman af að tefla skák. Magnús V Pétursson gefur öll verðlaun sem teflt var um í dag. Teflt var um farandbikar. Magnús setur þau skilyrði að menn verða að vera orðnir 75 ára  eða verða það á árinu til þess að fá verðlaun.

Þrjátíu og fjórir mættu til tafls í dag og það vildi svo skemmtilega til að helmingur þeirra eða 17 kappar uppfylltu þau  skilyrði.

Jóhann Örn Sigurjónsson vann mótið með 8½ vinningi af (10) og var auðvitað einnig efstur af Eðalmönnunum. Gunnar Örn Haraldsson  fékk silfrið með 7 vinninga og Kristinn Bjarnason hlaut bronsið með 6 vinninga.

Sjá nánari úrslit: 

• 1-2  Jóhann Örn Sigurjónsson 8½ gull
•      Friðgeir K Hólm         8½
• 3-4  Gunnar Örn Haraldsson   7  silfur
•      Þór Valtýsson           7
• 5    Stefán Þormar           6½
• 6-12 Guðfinnur R Kjartansson 6
•      Kristinn Bjarnason      6  brons
•      Andri Hrólfsson         6
•      Sæbjörn G Larsen        6
•      Gunnar Finnsson         6
•      Ari Stefánsson          6
•      Haraldur Magnússon      6

Stjórnarmenn skiptu með sér skákstjórninni í dag.                      

                       

 

 

Sigurður Daníelsson er Janúarmótsmeistari Hugins 2017

Sigurður Daníelsson er Janúarmótsmeistari Hugins 2017 eftir að hafa unnið Rúnar Ísleifsson í úrslitakeppni Janúarmótsins sem fór fram 11. febrúar. Sigurður og Rúnar tefldu tvær einvígisskákir um fyrsta sætið á mótinu og hafði Sigurður betur í þeim báðum. Tómas Veigar Sigurðarson, sem vann Hermann Aðalsteinsson 2-0, varð í 3. sæti.

Smári Sigurðsson og Hjörleifur Halldórsson tefldu um 5. sætið á mótinu og gerðu þeir jafntefli í báðum skákunum, en Smári hafði betur í hraðskákeingvígi 1,5-0,5

Hjörtur Steinbergsson vann Sigurbjörn Ásmundsson 2-0 og hreppti Hjörtur því 7. sætið.

Ármann Olgeirsson og Sighvatur Karlsson kepptu um 9. sætið og fór einvígið 1-1. Þeir tefldu því tvær hraðskákir um endalegt sæti og fór sú viðureign einnig 1-1. Þá tefldu þeir armageddosn skák og þá hefði Ármann betur.

Ævar Ákason og Piotr Wypior tefldu um 11. sætið og hafði Ævar þar betur 2-0. Ævar og Piotr tóku ekki þátt í riðlakeppninni heldur var þeim bætt við inn í úrslitakeppnina á neðsta borð.

Lokastaðan:

1. Sigurður Daníelsson
2. Rúnar Ísleifsson
3. Tómas Veigar Sigurðarson
4. Hermann Aðalsteinsson
5. Smári Sigurðsson
6. Hjörleifur Halldórsson
7. Hjörtur Steinbergsson
8. Sigurbjörn Ásmundsson
9. Ármann Olgeirsson
10. Sighvatur Karlsson
11. Ævar Ákason
12. Piotr Wypior

Úrslitakeppnin á chess-results.

Nýjar styrkjareglur SÍ

Nýjar styrkjareglur hafa tekið gildi. Þar gilda frá og með 1. janúar sl. Breytingar frá fyrri reglum fela það meðal annars í sér að búnir eru til fjórir styrktarflokkar.

Sem fyrr ganga skákmenn 25 ára og yngri fyrir varðandi styrkveitingar sem og alþjóðlegir meistarar. Eins og áður geta skákmenn eldri en 25 ára fengið styrki nái þeir árangri sem samsvarar 2350 skákstigum hið minnsta.

Styrkveitingar geta hækkað umtalsvert eða um 60.000 kr. í 150.000 kr. fyrir þá sem sem ná efsta stigi. Jafnframt er kerfið þannig uppbyggt að hvatning er fyrir skákmenn til að tefla oftar erlendis, þ.e. til að fá fullan styrk á tveimur efstu stigunum þarf að tefla í þremur alþjóðlegum mótum.

• Efsta stig - fyrir alþjóðlega meistara með meira en 2400 skákstig og þá sem ná efri afreksmörkum (A1). Styrkir geta numið allt að 150.000 kr. á ári.
• Annað stig - fyrir alþjóðlega meistara og FIDE-meistara, 25 ára og eldri, með meira en 2300 skákstig og fyrir þá sem ná afreksmörkum (A2). Styrkir geta numið allt að 100.000 kr. á ári. 
• Þriðja stig - fyrir skákmenn 25 ára og yngri með meira en 2200 skákstig og þá sem ná lágmörkun (A3). Styrkir geta numið allt að 60.000 kr. á ári. 
• Fjórða stig - fyrir aðra skákmenn 25 ára og yngri. Styrkir geta numið allt að að 25.000 kr.

Horft er á hæstu stig síðustu 12 mánuði varðandi flokkun. 

Hvernig virka flokkarnir þrír (A1-A3)?

Til að finna þessa flokka var keppendalisti eftirtalinna móta skoðaður. 

• HM unglinga (junior) (u20)
• HM ungmenna (youth) (u14-u18)
• HM krakka (cadets) (u8-u12)
• EM ungmenna (u8-18)

Fundið var út hvar neðsti keppandi efsta fjórðungs (A1), annars fjórðungs (A2) og þriðja fjórðungs (A3) hvers móts væru með af stigum. Meðaltal EM og HM reiknað og námundað niður í næstu 50 stig. 

Dæmi: 100 keppendur taka þátt. Stuðst er við keppendur nr. 25, 50 og 75 í stigaröðinni. Séu meðalstig á þessum tveimur mótum í einhverjum flokknum t.d. 1845 skákstig er miðað við 1800 stig. Þessi aðferðafræði er notuð sem og sú að nota hæstu stig síðustu 12 mánuði ganga út á það að láta skákmenninn njóta vafans.

Nýjar styrktarreglur SÍ

Háspenna á Nóa-Siríus mótinu þar sem úrslit ráðast í kvöld!

Lokaumferð hins magnaða Nóa-Siríus móts (Gestamóts Hugins og Skákdeildar Breiðabliks) hefst kl. 19.00 í kvöld. Mikið verður um dýrðir í skáklegum skilningi enda mannval mikið og víða glóir á vegtyllur. Meðal þeirra sem leiða saman hesta sína í kvöld eru tveir heimsmeistarar (Jón L. og Helgi Áss), tveir Ólympíumeistarar (Jón Viktor og Björn), átta Íslandsmeistarar (Friðrik og Jóhann sex sinnum hvor, Jón L. þrisvar og Jón Viktor, Þröstur og Guðmundur einu sinni hver. Lenka 8 sinnum og Guðlaug sex sinnum). Vert er að minna á að þeir Friðrik og Jóhann hafa báðir náð þeim styrkleika á skákferli sínum að vera meðal 10 sterkustu skákmanna heims! Það er gríðarlegt afrek og bautasteinar  sem lengi verður horft til í íslenskri skákarfleifð.

Í brennipunkti í kvöld verður viðureign stórmeistarans margslungna, Þrastar Þórhallssonar, og fræðimannsins unga, Daða Ómarssonar. Þeir tveir eru efstir keppenda með fjóra og hálfan vinning af fimm mögulegum og geta því einir sigrað á mótinu. Víst er að þar verður barist af hörku, bragðvísi og brakandi snilld. Stórmeistarinn víðkunni og átrúnaðargoð þjóðarinnar, Friðrik Ólafsson, skorar ungstirnið Örn Leó Jóhannsson á hólm. Friðrik er í senn afar djúpur, hugmyndaríkur og leiftrandi skákmaður en Örn Leo yfirvegaður og þrautseigur. Fróðlegt verður að fylgjast með því þegar tveimur mismunandi skákstílum lýstur saman með þessum hætti en víst er að Örn Leó getur mikið lært af keppinaut sínum.

Jóhann Hjartarson, stórmeistarinn öflugi og núverandi Íslandsmeistari, hefur svart gegn alþjóðlega meistaranum og stafnbúa Suðurnesjamanna, Björgvin Jónssyni. Þessir kappar hafa marga hildi háð og verður væntanlega tekist rösklega á um kennisetningar byrjanafræðanna þar sem hvortveggi er afar vel heima. Alþjóðameistarinn víðförli og langförli, Guðmundur Kjartansson, hefur hvítt gegn stórmeistaranum, lagaprófessornum og fyrrum heimsmeistara ungmenna, Helga Á. Grétarssyni. Mikil seigla einkennir taflmennsku hvorstveggja, þannig að löng og ströng skák kæmi lítt á óvart með  tilheyrandi brúnaþyngslum og vopnaglammi þegar nær tímamörkum dregur.

Alþjóðlegu meistararnir og félagarnir úr TR, Björn Þorfinnsson og Jón Viktor Gunnarsson etja kappi. Gríðarlega góðir sóknarskákmenn báðir tveir. Björn skapar gjarnan efni í æsifréttir á skákborðinu en Jóni er tamt að skjóta heilabúinu skyndilega upp úr kafi á þeim stað og tímapunkti sem andstæðingnum kemur verst.  Fídemeistarinn burðamikli, Þorsteinn Þorsteinsson, mun freista þess að ná upp hámarksskriðþunga gegn fyrrum heimsmeistara sveina, Jóni L. Árnasyni. Þorsteinn er í hópi fremstu stöðufræðilegu skákmanna landsins en Jón L. leiftrandi sóknar- og fléttuskákmaður að upplagi – þannig að hér mætast arftakar heimsmeistaranna víðfrægu Capablanca og Alekhine. Verkfræðiséníið síunga og fyrrum undrabarn í skák, Jón Hálfdánarson, mætir fremstu skákkonu landsins, Lenku Ptácníkovu, stórmeistara kvenna. Bæði geta þau teflt framúrskarandi vel en eru mistæk inni á milli.  Vonandi verða þau bæði í essinu sínu í kvöld því að þá má búast við spennandi sennu. Hér er aðeins stiklað á stóru því að allar viðureignir kvöldsins lofa góðu um skemmtan mikla og góða.

Í B-flokki er spennan ekki síðri. Þrír keppendur eru jafnir og efstir fyrir lokaumferðina með 4 vinninga en það eru þeir Hörður Aron Hauksson, Alexander Oliver Mai og Jón Trausti Harðarson. Þessir þrír eru jafnframt þeir einu sem geta sigrað á mótinu. Alexander Oliver hefur hvítt gegn Herði Aron og Jón Trausti hefur hvítt gegn Ólafi Evert Úlfssyni sem hefur þrjá og hálfan vinning. Sömu vinningatölu hafa þeir Stephan Briem og Róbert Luu sem reyna með sér á þriðja borði. Margt fleira verður skemmtilegt á sjá í þessum spennandi flokki!

Gestir eru velkomnir í Stúkuna á Kópavogsvelli! Sjá pörun á Chess-Results