Sigurður Páll í KR

Sigurður Páll Steindórsson (2208) er genginn til liðs við Skákdeild KR en Sigurður Páll hefur verið félagsmaður í TR hingað til.

 

 

Stefán Þór í Víkingaklúbbinn

Stefán Þór Sigurjónsson (2120) hefur gengið til liðs við Víkingaklúbinn en síðustu ár hefur Stefán teflt með Taflfélagi Vestmannaeyja.

 

Bolvíkingar í undanúrslit eftir sigur á KR

Taflfélag Bolungarvíkur er fyrsta sveitin til að komast áfram í undanúrslit Hraðskákkeppni taflfélaga eftir nokkuð öruggan sigur á KR 43-29 í viðureign félaganna sem fram fór í KR-heimilinu í gær.  Jón Viktor Gunnarsson stóð sig best Bolvíkinga en Sigurður Páll Steindórsson nýr félagsmaður KR-inga stóð sig best Vesturbæinga.  

Einstaklingsúrslit:

Skákdeild KR

• Sigurður Páll Steindórsson 8 v. af 12
• Hrannar Baldursson 6½ v. af 12
• Jóhann Örn Sigurjónsson 4 v. af 12
• Jón Friðjónsson 3½ v. af 12
• Hilmar Viggósson 3 v. af 11
• Gunnar Kr. Gunnarsson 2½ v. af 9
• Kristján Stefánsson 1½ v. af 3
• Sigurður Herlufsen 0 v. af 1

Taflfélag Bolungarvíkur:

• Jón Viktor Gunnarsson 10½ v. af 12
• Dagur Arngrímsson 9½ v. af 12
• Bragi Þorfinnsson 9 v. af 11
• Halldór Grétar Einarsson 6 v. af 12
• Magnús Pálmi Örnólfsson 5½ v. af 12
• Guðmundur Daðason 2 v. af 6
• Guðmundur Halldórsson ½ v. af 6
• Gísli Gunnlaugsson 0 v. af 1

Bolvíkingar eru því komnir í undanúrslit í fyrsta sinn.  Í kvöld fara fram tvær viðureignir og átta liða úrslitum lýkur á morgun. 

Önnur umferð (átta liða úrslit):

• Skákdeild KR - Taflfélag Bolungarvíkur 43-29
• Skákdeild Fjölnis - Taflfélag Reykjavíkur (25. ágúst kl. 19:30 í TR-heimilinu)
• Taflfélag Garðabæjar - Skákfélag Akureyrar (25. ágúst, kl. 19:30 í Garðabergi)
• Taflfélagið Hellir - Skákdeild Hauka (26. ágúst, kl. 20 í Hellisheimilinu)

Heimasíða mótsins

Hópefli EM-liðsins - lið Davíðs lagði lið forsetans

Íslenska unglingalandsliðið sem er á leið á Evrópumótið í Svartfjallalandi um miðjan september kom saman í dag í Sporthúsinu í Kópavogi. Tilefnið var liður í hópeflingu liðsins en það er ekki síður mikilvægt að styrkja liðsandann þótt keppt sé á einstaklingsmóti. Má segja að þetta hafi að hluta til verið óvissuferð því þau vissu minnst um það sem framundan var.

Með krökkunum mættu þeir Davíð Ólafsson annar þjálfari unglingalandsliðsins og svo forseti Skáksambandsins Björn Þorfinnsson. Aðeins einn liðsmann vantaði í morgun en Tinna Kristín mætti þrátt fyrir veikindi og fylgdist með.

Hópurinn fékk fræðslu um mikilvægi hreyfingar fyrir líkama og sál en eins og við flest vitum þarf nokkuð gott form til þess að halda út langar skákir og löng mót. Allir fóru í gegnum skemmtilega en jafnframt nokkuð óvenjulega upphitun þar sem margir þurftu að fara út fyrir þægindahringinn en öll stóðu þau sig frábærlega. Sem dæmi um upphitunaræfingar voru upphífur, armbeygjur, hnébeygjur og kviðæfingar á bolta. Þegar upphitun var lokið var hópnum skipt í tvennt og voru Davíð og Bjössi liðsstjórar hvors hóp fyrir sig. Í hóp Davíðs voru: Hallgerður, Dagur Andri, Daði og Geirþrúður en í liði Bjössa voru: Jóhanna, Patrekur, Friðrik Þjálfi og Hjörvar. Keppnin var einföld en reyndi á liðsheildina og líkamlegan styrk og þol. Keppt var í þremur greinum: Veggjabolta (bolta hent 3,5m upp á vegg og gripin í hnébeygju), Ketilbjöllusveiflu með 5kg handlóði og að síðustu svo kölluðum Burpees (armbeygjur sem eru gerðar úr froskastöðu og hoppað upp í lok hverrar beygju). Þyngdir voru miðaðar við að allir gætu lyft og þá sérstaklega tekið tillit til þeirra yngstu í hópnum. Í hverri grein átti að gera 100 sinnum og mátti einn úr hvoru liðið gera í einu en svo skiptu þau út um leið og þau urðu þreytt og fóru að hægja á sér. Allir fengu því að reyna á sig nokkuð oft í hverri þraut. Að vísu þurfti aðeins að ýta við liðsstjórunum í fyrstu tveimur æfingunum sem voru nokkuð léttar fyrir þá en svo varð þetta jafnara í lokaþrautinni. Ekki vantaði hvatninguna og orkuna í hópinn því vinningsliðið, lið Davíðs lauk þrautinni á 11:50 en mjótt var á munum og lauk Bjössa hópur á 12:13.

Að þessu búnu fengu krakkarnir að spreyta sig í fimleikahringjum, upphífingum ofl. Allir tóku áskorunum með stæl og gáfu ekkert eftir í hringjunum. Síðan tók við smá "ninja" fræðsla en við fengum til liðs við okkur Reyni Sveinsson sem fór yfir grunnatriði í sjálfsvörn. Þar var allt látið flakka og vörðust þau af mikilli færni. Eftir tveggja tíma törn í Sporthúsinu var svo brunað upp í Salalaug þar sem var slappað af í heitapottinum.

Ég vil því þakka krökkunum fyrir frábæran dag enda stóðu þau sig frábærlega. Einnig vil ég þakka þeim Jósep landsliðsmanni í Júdó, Gumma fyrrum fimleikamanni og Reyni sjálfsvarnar og CrossFittara fyrir mjög góða aðstoð í dag. Framundan eru svo fleiri hópeflisuppákomur fyrir landsliðið sem er án efa komin í góðan gír eftir stífar æfingar að undanförnu og þrekið í dag.

Með bestu kveðjum,

Edda Sveinsdóttir, fararstjóri unglingalandsliðsins

Meðfylgjandi myndir, sem finna má í myndaalbúmi, eru teknar eftir að keppninni lauk. Það var bara svo rosalega mikil spenna að það gleymdist að taka myndir í keppninni. 

Morozevich enn efstur í Moskvu

Rússinn Morozevich (2781) sigraði Úkraínumanninn Ponomariov (2718) í sjöttu umferð minningarmótsins um Tal, sem fram fór í Moskvu í dag og leiðir með 4½ vinning.  Annar með 4 vinninga er Ivanchuk (2781) eftir sigur á Ungverjanum Leko (2741) og þriðji með 3½ vinning er Ísraelinn Gelfönd en hann vann Aserann Mamedyarov (2742). 

Úrslit sjöttu umferðar:

 

Morozevich, Alexander	- Ponomariov, Ruslan	1-0
Mamedyarov, Shakhriyar	- Gelfand, Boris	0-1
Kramnik, Vladimir	- Kamsky, Gata	½-½
Leko, Peter	- Ivanchuk, Vassily	0-1
Shirov, Alexei	- Alekseev, Evgeny	½-½

Staðan:

 

1.	Morozevich, Alexander	RUS	2788	4½	2932
2.	Ivanchuk, Vassily	UKR	2781	4	2862
3.	Gelfand, Boris	ISR	2720	3½	2792
4.	Mamedyarov, Shakhriyar	AZE	2742	3	2745
5.	Ponomariov, Ruslan	UKR	2718	3	2747
6.	Kramnik, Vladimir	RUS	2788	3	2748
7.	Alekseev, Evgeny	RUS	2708	2½	2688
8.	Leko, Peter	HUN	2741	2½	2702
9.	Kamsky, Gata	USA	2723	2½	2689
10.	Shirov, Alexei	ESP	2741	1½	2551

 

Heimasíða mótsins

Keppendalisti áskorendaflokks

Keppendalisti áskorendaflokks er nú sem hér segir:

 

No.		Name	RtgI	RtgN	Club/City
1	FM	Bjornsson Sigurbjorn	2316	0	Hellir
2	WGM	Ptacnikova Lenka	2259	0	Hellir
3	IM	Bjarnason Saevar	2216	0	TV
4		Salama Omar	2212	0	Hellir
5		Thorgeirsson Sverrir	2102	0	Haukar
6		Omarsson Dadi	2029	0	TR
7		Eliasson Kristjan Orn	1966	0	TR
8		Thorsteinsdottir Hallgerdur	1907	0	Hellir
9		Magnusson Patrekur Maron	1872	0	Hellir
10		Fridgeirsson Dagur Andri	1812	0	Fjölnir
11		Finnbogadottir Tinna Kristin	1655	0	UMSB
12		Johannsdottir Johanna Bjorg	1655	0	Hellir
13		Gudmundsdottir Geirthrudur Ann	0	1585	TR
14		Kjartansson Dagur	0	1320	Hellir
15		Stefansson Fridrik Thjalfi	0	1455	TR

Hugsanlega vantar eitthvað að nöfnum inn á þennan lista en hægt er að skrá sig í athugasemdakerfinu.   

 

 

Keppendalisti landsliðsflokks

Keppendalisti landsliðsflokks Íslandsmótsins í skák er sem hér segir:

 

Nr.	Nafn	Tit.	Félag	Stig
1	Hannes Hlífar Stefánsson	SM	TR	2566
2	Henrik Danielsen	SM	Haukar	2526
3	Stefán Kristjánsson	AM	TR	2477
4	Þröstur Þórhallsson	SM	TR	2449
5	Jón Viktor Gunnarsson	AM	Bol	2437
6	Björn Þorfinnsson	FM	Hellir	2422
7	Magnús Örn Úlfarsson	FM	Hellir	2403
8	Bragi Þorfinnsson	AM	Bol	2387
9	Róbert Harðarson	FM	Hellir	2344
10	Guðmundur Kjartansson	FM	TR	2328
11	Þorvarður F. Ólafsson		Haukar	2177
12	Jón Árni Halldórsson		Fjölnir	2165

 

Eins og áður hefur komið fram þarf 8½ í stórmeistaraáfanga og 6½ vinning í áfanga að alþjóðlegum meistaratitli.

 

Áskorendaflokkur hefst á miðvikudag

Stjórn Skáksambands Íslands hefur ákveðið að keppni í áskorendaflokki 2008 fari fram dagana 27. ágúst - 4. september n.k. . Mótið mun fara fram á höfuðborgarsvæðinu.   Efstu tvö sætin gefa föst sæti í Landsliðsflokki að ári. 

Dagskrá:

• Miðvikudagur             27. ágúst                     kl. 18.00                     1. umferð
• Fimmtudagur              28. ágúst                     kl. 18.00                     2. umferð
• Föstudagur                 29. ágúst                     kl. 18.00                     3. umferð
• Laugardagur               30. ágúst                     kl. 14.00                     4. umferð
• Sunnudagur                31. ágúst                     kl. 14.00                     5. umferð
• Mánudagur                 1. september               kl. 18.00                     6. umferð
• Þriðjudagur                 2. september               kl. 18.00                     7. umferð
• Miðvikudagur             3. september               kl. 18.00                     8. umferð
• Fimmtudagur              4. september               kl. 18.00                     9. umferð

 

Umhugsunartími:       

90 mín. + 30 sek. til að ljúka.

 

Verðlaun:                   

• 1. 50.000.-
• 2. 30.000.-
• 3. 20.000.-

Aukaverðlaun:                       

• U-2000 stigum           10.000.-
• U-1600 stigum           10.000.-
• U-16 ára                     10.000.-
• Kvennaverðlaun         10.000.-
• Fl. stigalausra             10.000.-

Aukaverðlaun eru háð því að a.m.k. 5 keppendur séu í hverjum flokki og eingöngu er hægt að vinna til einna aukaverðlauna.  Reiknuð verða stig séu fleiri en einn í efsta sæti.

Þátttökugjöld:           

• 18 ára og eldri            3.000.-
• 17 ára og yngri           2.000.-

 

Skráningu skal senda í tölvupósti á [e-mail] eða tilkynna í síma 568 9141 virka daga kl. 10-13 í síðasta lagi 25. ágúst 2008. 

Guðmundur í landsliðsflokk

Guðmundur Kjartansson (2328) tekur sæti Héðins Steingrímssonar í landsliðsflokki Skákþings Íslands en sá síðarnefndi hefur dregið þátttöku sína til baka.  8½ vinning þarf í stórmeistaraáfanga og 6½ vinning þarf í áfanga að alþjóðlegum meistaratitli.

Mótið hefst miðvikudaginn 27. ágúst og fer fram í Skákhöllinni, Faxafeni 12.   

Barna- og unglingaæfingar Hellis hefjast á mánudag

Barna- og unglingaæfingar Hellis hefjast aftur mánudaginn 25. ágúst 2008. Taflið byrjar kl. 17:15 og fyrirkomulagið verður það sama og síðasta vetur.  Æfingarnar eru opnar öllum 15 ára og yngri. Engin þátttökugjöld.

Æfingarnar verða haldnar í félagsheimili Hellis í Álfabakka 14a, Mjódd. Inngangur er við hliðina á Sparisjóði Reykjavíkur en salur félagsins er á þriðju hæð hússins. Á æfingunum verða 5 eða 6 umferðir með umhugsunartíma 10 eða 7 mínútur. Einnig verður farið í dæmi og endatöfl eins og tíma vinnst til. Umsjón með unglingaæfingunum hefur Vigfús Ó. Vigfússon.