NM: Pistill í upphafi lokadags

Þá er 5. umferðin á NM nýhafin. Þetta er mikilvægur dagur enda tvær síðustu umferðir mótsins tefldar í dag. Staðan í liðakeppninni er þannig að Danir eru enn efstir. Danirnir hafa 25.5 vinning en við erum með 22.5 vinning. Hinar þjóðirnar fylgja svo í humátt á eftir en Færeyingarnir eru langneðstir. Þessi umferð sem er í gangi núna er gríðarlega mikilvæg þar sem við teflum fjórar skákir við Dani! Hjörvar og Sverrir stýra báðir hvítu mönnunum gegn Dönunum í a-flokknum. Þeir eru báðir með tæp 2200 stig. Einn og hálfur til tveir vinningar eiga að koma í hús í a-flokknum. Í b-flokknum teflir Örn Leó við Dana og Nökkvi við efsta mann mótsins. Góð úrslit hjá þeim ættu að koma þeim í góða verðlaunasætis sénsa fyrir síðustu umferðina. Í c-flokknum er Emil í góðum sénsum ef hann vinnur sína skák sem hann var staðráðinn í fyrir umferð. Vonandi snýst svo lukkan í lið með Degi og hann vinni sína skák og helst báðar. Það er ekki gaman að fá hálfan vinning á Norðurlandamóti, undirritaður hefur af því bitra reynslu! Í d-flokknum teflir Jón Kristinn við enn einn Danann og er mikilvægt að hann tapi ekki þeirri skák og hann á alveg að geta unnið. Oliver teflir við hinn sterka Tómanóv frá Finnlandi sem þrátt fyrir 12 ára aldur lítur út fyrir  að vera sirka 16 ára. Spurning með að krefjast fæðingarvottorðs frá kauða. Í e-flokknum teflir Vignir Vatnar við sterkan heimamann, Johannes Haug, sem hefur teflt afar vel í mótinu. Heimir er mjög einbeittur í sinni skák og hefur þróað með sér nýja tækni þegar hann er að skoða stöðurnar sínar. Þannig býr hann til einhvers konar skilrúm úr höndum sínum þannig að augu hans líti aðeins á ákveðinn hluta borðsins. Virkilega athyglisverð tækni hjá kauða og það má búast við því að skákmenn á Reykjavik Open þrói tæknina enn frekar.

Sumsé okkar flestir skákmenn í  sénsum á verðlaunum og vonandi fáum við fleiri verðlaun en gullið hans Hjörvars en allt annað en 18 vinningar af 18 mögulegum í A-flokki NM á þessu og næstu 2 árum hlýtur að teljast óásættanlegt fyrir Hjörvar. Pressa?

Af morgundeginum er ýmislegt að segja. Beinar lýsingar á skákunum voru á facebook-síðunni NM skolaskak. Það er bein lýsing þar í gangi núna.

Við borðuðum á fínum hamborgarastað í gær og var hamborgarinn virkilega karlmannlegur í þeirri nálgun sinni að leysa það verkefni að sefa hungur þess sem át hamborgarann. Steig fast til jarðar og leysti verkefnið af mikilli festu. Virkilega massífur borgari. Annars er þetta bara rútína og menn pass að hvíla sig vel og nærast, virkilega góður hópur og ekkert komið upp á.

Í gær ég tefldi nokkrar hraðskákir við vinalegan Letta sem gistir á vandræðaheimilinu. Hann var víst með 2150 stig en er í Osló til að reyna að finna sér vinnu. Stór fjölskylda sagði blessaður maðurinn á sinni bjöguðu ensku, vona að hann finni sér vinnu.

Nóg í bili, farinn að kaffa mig upp,

Stefán.

NM í skólaskák: Hjörvar efstur með fullt hús í a-flokki

Fimm vinningar af 10 mögulegum komu í hús í fjórðu umferð NM í skólaskák sem fram fór í dag í Osló.  Hjörvar Steinn Grétarsson er efstur með fullt hús í a-flokki.  Nökkvi Sverrisson (b-flokkur),  Emil Sigurðarson (c-flokkur) og Heimir Páll Ragnarsson (e-flokk) unnu einnig en Sverrir Þorgeirsson (a-flokkur) og Oliver Aron Jóhannesson (d-flokkur) gerðu jafntefli en aðrir töpuðu.  Sverrir, Nökkvi, Emil og Vignir Vatnar Stefánsson (e-flokki) eru allir í skiptu þriðja sæti.  Tvær síðustu umferðirnar fara fram á morgun.

Staða íslensku keppendanna:

A-flokkur (18-20 ára):

• 1. Hjörvar Steinn Grétarsson (2460) 4 v.
• 3. Sverrir Þorgeirsson (2330) 2½ v.

B-flokkur (16-17 ára):

• 3.-4. Nökkvi Sverrisson (1805)  2½ v.
• 5.-8. Örn Leó Jóhannsson (1940) 2 v.

C-flokkur (14-15 ára):

• 3.-4. Emil Sigurðarson (1720) 2½ v.
• 12. Dagur Kjartansson (1660) ½ v.

D-flokkur (12-13 ára):

• 6.-7. Oliver Aron Jóhannesson (1545) 2 v.
• 8.-11. Jón Kristinn Þorgeirsson (1645) 1½ v.

E-flokkur (11 ára og yngri):

• 3.-4. Vignir Vatnar Stefánsson (1225) 3 v.
• 5.-7. Heimir Páll Ragnarsson (1200) 2 v.

Fararstjórar eru Stefán Bergsson og Björn Þorfinnsson.

Heimasíða mótsins

Jakob Sævar efstur fyrir lokaumferð Skákþings Goðans

Jakob Sævar Sigurðsson er efstur með 5 vinninga að lokinni sjöttu og næstsíðustu umferð Skákþings Goðans sem fram fór í dag.  Smári, bróðir Jakobs Sævars, er annar eftir nokkuð óvænt tap eftir Ævari Ákasyni.   Lokaumferðin fer fram í fyrramálið.  

Úrslit í 6. umferð:

Bo.	Name	Pts.	Result	Pts.	Name
1	Sigurdsson Smari	4½	0 - 1	3	Akason Aevar
2	Vidarsson Hlynur Snaer	3	0 - 1	4	Sigurdsson Jakob Saevar
3	Bessason Heimir	3	1 - 0	2½	Hallgrimsson Snorri
4	Einarsson Valur Heidar	2	0 - 1	3	Asmundsson Sigurbjorn
5	Karlsson Sighvatur	2	1 - 0	2	Adalsteinsson Hermann
6	Sighvatsson Asmundur	1	0		not paired

Staðan:

Rk.	Name	Rtg	Pts.	TB1
1	Sigurdsson Jakob Saevar	1740	5	21
2	Sigurdsson Smari	1660	4,5	20
3	Bessason Heimir	1520	4	20,5
4	Akason Aevar	1510	4	19,5
5	Asmundsson Sigurbjorn	1200	4	17
6	Vidarsson Hlynur Snaer	1055	3	17
7	Karlsson Sighvatur	1325	3	15
8	Hallgrimsson Snorri	1305	2,5	19,5
9	Adalsteinsson Hermann	1450	2	18,5
10	Einarsson Valur Heidar	1170	2	14,5
11	Sighvatsson Asmundur	0	1	15

• Heimasíða Goðans
• Chess-Results

NM í skólaskák: Hjörvar og Vignir með fullt hús eftir 3 umferðir

Það gekk vel í 3. umferð NM í skólaskák sem fram fór í morgun í Osló.  Alls komu 6 vinningar af 10 mögulegum í hús.  Hjörvar Steinn Grétarsson (a-flokkur) og Vignir Vatnar Stefánsson (e-flokkur) eru hvor um sig efstir í sínum flokkum með fullt hús.   Auk þeirra unnu Jón Kristinn Þorgeirsson og Oliver Aron Jóhannesson (d-flokkur) sínar skákir.    Örn Leó Jóhannsson og Nökkvi Sverrisson (b-flokkur) og Emil Sigurðarson og Dagur Kjartansson (c-flokkur) gerðu jafntefli.  Fjórða umferð hefst nú kl. 15. 

Staða íslensku keppendanna:

A-flokkur (18-20 ára):

• 1.-2. Hjörvar Steinn Grétarsson (2460) 3 v.
• 3.-4. Sverrir Þorgeirsson (2330) 2 v.

B-flokkur (16-17 ára):

• 2.-4. Örn Leó Jóhannsson (1940) 2 v.
• 5.-8. Nökkvi Sverrisson (1805)  1½ v.

C-flokkur (14-15 ára):

• 6.-7. Emil Sigurðarson (1720) 1½ v.
• 10.-12. Dagur Kjartansson (1660) ½ v.

D-flokkur (12-13 ára):

• 5.-8. Jón Kristinn Þorgeirsson (1645) 1½ v.
• 5.-8. Oliver Aron Jóhannesson (1545) 1½ v.

E-flokkur (11 ára og yngri):

• 1. Vignir Vatnar Stefánsson (1225) 3 v.
• 7.-10. Heimir Páll Ragnarsson (1200) 1 v.

Heimasíða mótsins

Smári efstur á Skákþingi Goðans

Smári Sigurðsson heldur efsta sætinu með 4,5 vinninga á skákþingi Goðans að aflokinni 5. umferð sem tefld var í morgun. Smári vann sigur á Hlyn Snæ Viðarssyni. Jakob Sævar Sigurðsson bróðir Smára vann Heimi Bessason og er hálfum vinningi á eftir í öðru sæti. Sigurbjörn Ásmundsson, sem vann góðan sigur á Hermanni formanni, er svo í 3-6 sæti með þrjá vinninga ásamt Heimi, Ævari og Hlyn Snæ. Snorri Hallgrímsson gerði jafntefli við Ævar Ákason og er í 7 sæti með 2,5 vinninga.

Úrslit í 5. umferð:

Bo.	No.		Name	Pts.	Result	Pts.		Name	No.
1	10		Vidarsson Hlynur Snaer	3	0 - 1	3½		Sigurdsson Smari	2
2	1		Sigurdsson Jakob Saevar	3	1 - 0	3		Bessason Heimir	3
3	7		Hallgrimsson Snorri	2	½ - ½	2½		Akason Aevar	4
4	8		Asmundsson Sigurbjorn	2	1 - 0	2		Adalsteinsson Hermann	5
5	11		Sighvatsson Asmundur	1	0 - 1	1		Einarsson Valur Heidar	9
6	6		Karlsson Sighvatur	1	1			bye

Staðan í mótinu:

1		Sigurdsson Smari	ISL	1660	4.5	14.0	8.0	12.00
2		Sigurdsson Jakob Saevar	ISL	1740	4.0	14.5	8.5	10.75
3		Bessason Heimir	ISL	1520	3.0	14.5	9.5	6.00
4		Asmundsson Sigurbjorn	ISL	1200	3.0	13.0	7.5	7.00
5		Akason Aevar	ISL	1510	3.0	13.0	7.5	6.75
6		Vidarsson Hlynur Snaer	ISL	1055	3.0	10.0	5.0	4.50
7		Hallgrimsson Snorri	ISL	1305	2.5	12.0	7.0	3.50
8		Adalsteinsson Hermann	ISL	1450	2.0	14.0	8.0	4.00
9		Karlsson Sighvatur	ISL	1325	2.0	11.5	6.5	3.00
10		Einarsson Valur Heidar	ISL	1170	2.0	8.0	4.5	2.00
11		Sighvatsson Asmundur	ISL	0	1.0	11.5	7.0	0.50

6. umferð verður tefld kl 15.00 í dag.

• Heimasíða Goðans
• Chess-Results

 

 

NM-pistill: Að loknum fyrsta degi

Þá er erfiðum fyrsta degi lokið og liðstjórarnir sitja í betri stofunni og eru nokkuð sáttir með uppskeruna.

Í E-flokki hélt Vignir Vatnar áfram sigurgöngu sinni með því að máta sænskan andstæðing sinn á f7 í 8.leikjum! Það kom okkur nokkuð í opna skjöldu enda hafði Svíinn teflt góða skák í fyrstu umferð gegn sólskinsbarninu ólseiga, Janus Skaale.  Heimir Páll tefldi góða skák gegn færeyskum andstæðingi og fórnaði biskupi með pompi og prakt á f7 og vann þar með drottninguna af andstæðingi sínum.  F7 klárlega reitur dagsins! Í ljósi þess að litlu guttarnir í E-flokki eru að tefla í fyrsta sinn á erlendri grundu og eiga nokkur ár eftir í flokknum (Vignir 3 ár og Heimir 1 ár) þá eru fararstjórarnir gjörsamlega í skýjunum með 75% vinningshlutfall þeirra.

Í D-flokki mættust Jón Kristinn og Oliver innbyrðis. Þar áttu sér tíð eigendaskipti  og lauk skákinni svo með jafntefli. Þeir félagarnir eru að fara að moka inn vinningunum á morgun (staðfest).

Í C-flokki var uppskeran rýr þrátt fyrir góðar horfur á tímabili. Emil tefldi við Finnan sterka, Ebeling og valdi líklega ranga leikjaröð í byrjuninni. Það kom þó ekki að sök, staðan leit ágætlega út þar til pilturinn nældi sér í baneitrað peð á miðborðinu og sá ekki til sólar eftir það. Dagur Kjartans fékk stigahæsta mann flokksins, Norðmanninn Flermoen, og veitti honum harða keppni. Eftir að hafa platað Norsarann í miðtaflinu var piltur kominn með hartnær unnið tafl en kóngstaðan var götótt og að lokum fann Flermoen frábæra vinningsleið! Miðað við taflmennskuna er það með hreinum ólíkindum að Dagur sé án vinninga og úr því verður bætt á morgun!

Í B-flokki kom 1,5 vinningur í hús. Nökkvi sigraði færeyskan andstæðing sinn, kannski ekki örugglega, en vinningur er vinningur! Örn Leó tefldi við norskan andstæðing og fékk fljótlega vænlega stöðu. Ég verð að viðurkenna að ég hélt að í fljótu bragði að hann væri að vinna skákina en þá rataði Norsarinn á mannsfórn sem tryggði honum jafntefli með þráskák.  

Í A-flokki hélt sigurganga okkar áfram. Sverrir sigraði andstæðing sinn mjög örugglega en það sama verður ekki sagt um Hjörvar Stein! Undir lok skákarinnar var okkar maður þremur peðum undir í endatafli og andlitsliturinn farinn að líkjast hárlitnu.  Finninn þyrfti sennilega að skella sér á 1-2 Dale Carnegie - námskeið því eftir skákina kom í ljós að hann var sannfærður um að vera með tapað tafl þrátt fyrir liðsmuninn.

Liðakeppnin stendur þannig að Danir eru efstir með 13,5 vinninga . Í öðru sæti eru Frónverjar með 11,5 vinninga og jafnir í þriðja sæti eru Norsarar og Finnar með 10 vinninga.

Ýmislegt annað hefur gerst utan skákborðsins; sumir tóku lengri lestarferðir en aðrir, sumir villtust og gengu á annan tug kílómetra, sumir hrutu og sumir spörkuðu í aðra vegna hrota, sumir voru í lego, sumir hlupu og villtist og keyptu kort og sumir tefldu hraðskák við Kanadamann á fölskum forsendum sem leiddi til ávinnings.

Svona er þetta, bein lýsing á FB á morgun; Nm Skolaskak.

Yfir og út frá Vandræðaheimilinu.

Stefán og Björn

 

Smári efstur á Skákþingi Goðans

Smári Sigurðsson er efstur á skákþingi Goðans með 3,5 vinninga að loknum fjórum umferðum eftir að hafa lagt bróður sinn, Jakob Sævar, í þeirri fjórðu.   Í dag voru tefldar atskákir en í umferðum 5-7 verða tefldar kappskákir.

 

Staðan í mótinu 

 

 

 

1		Sigurdsson Smari	ISL	1660	3.5	10.0	5.0	8.50
2		Sigurdsson Jakob Saevar	ISL	1740	3.0	8.5	4.0	5.50
3		Bessason Heimir	ISL	1520	3.0	8.0	4.0	4.50
4		Vidarsson Hlynur Snaer	ISL	1055	3.0	4.5	2.0	4.00
5		Akason Aevar	ISL	1510	2.5	8.5	5.0	4.00
6		Asmundsson Sigurbjorn	ISL	1200	2.0	9.0	5.0	3.50
7		Adalsteinsson Hermann	ISL	1450	2.0	9.0	5.0	3.00
8		Hallgrimsson Snorri	ISL	1305	2.0	6.5	2.5	1.50
9		Sighvatsson Asmundur	ISL	0	1.0	9.0	4.5	0.50
10		Karlsson Sighvatur	ISL	1325	1.0	8.0	4.5	0.50
11		Einarsson Valur Heidar	ISL	1170	1.0	6.0	3.0	0.50

5. umferð hefst kl 10:00 á morgun en þá mætast:

1	10		Vidarsson Hlynur Snaer	3		3½		Sigurdsson Smari	2
2	1		Sigurdsson Jakob Saevar	3		3		Bessason Heimir	3
3	7		Hallgrimsson Snorri	2		2½		Akason Aevar	4
4	8		Asmundsson Sigurbjorn	2		2		Adalsteinsson Hermann	5
5	11		Sighvatsson Asmundur	1		1		Einarsson Valur Heidar	9
6	6		Karlsson Sighvatur	1	1			bye

NM: Hjörvar, Sverrir og Vignir með fullt hús

Það gekk ágætlega í 2. umferð NM í skólaskák sem fram fór í kvöld en alls komu 6,5 vinningur af 10 mögulegum í hús.  Hjörvar Steinn Grétarsson og Sverrir Þorgeirsson (a-flokki), Nökkvi Sverrisson (b-flokki) og Vignir Vatnar Stefánsson og Heimir Páll Ragnarsson (e-flokki) unnu en Örn Leó Jóhannsson (b-flokki), Jón Kristinn Þorgeirsson og Oliver Aron Jóhannesson (d-flokki) gerðu jafntefli en aðrir töpuðu.  Hjörvar, Sverrir og Vignir eru allir með fullt hús.  Hjörvar og Sverrir mætast í 3. umferð sem fram fer í fyrramálið. 

Staða íslensku keppendanna:

A-flokkur (18-20 ára):

• 1.-3. Hjörvar Steinn Grétarsson (2460) 2 v.
• 1.-3. Sverrir Þorgeirsson (2330) 2 v.

B-flokkur (16-17 ára):

• 3. Örn Leó Jóhannsson (1940) 1,5 v.
• 4.-9. Nökkvi Sverrisson (1805)  1 v.

C-flokkur (14-15 ára):

• 3.-9. Emil Sigurðarson (1720) 1 v.
• 11.-12. Dagur Kjartansson (1660) 0,5 v.

D-flokkur (12-13 ára):

• 8.-11. Jón Kristinn Þorgeirsson (1645) 0,5 v.
• 8.-11. Oliver Aron Jóhannesson (1545) 0,5 v.

E-flokkur (11 ára og yngri):

• 1.-3. Vignir Vatnar Stefánsson (1225) 2 v.
• 5.-8. Heimir Páll Ragnarsson (1200) 1 v.

Heimasíða mótsins

Síðari hluti Íslandsmóts skákfélaga fer fram 4. og 5. mars

Dagana 4. og 5.  mars nk. fer fram seinni hluti Íslandsmóts skákfélaga 2010-2011. Teflt verður í Rimaskóla í Reykjavík.

Dagskrá:

• Föstudagur 4. mars                 kl. 20.00          5. umferð
• Laugardagur 5. mars              kl. 11.00          6. umferð
• Laugardagur 5. mars              kl. 17.00          7. umferð

Þau félög sem enn skulda þátttökugjöld eru vinsamlega beðin að gera upp áður en seinni hlutinn hefst.

NM í skólaskák: 50% í fyrstu umferð

Fimm vinningar af tíu komu í hús í fyrstu umferð NM í skólaskák sem fram fór í Osló í morgun.  Hjörvar Steinn Grétarsson og Sverrir Þorgeirsson (A-flokki), Örn Leó Jóhannsson (B-flokki), Emil Sigurðarson (C-flokki) og Vignir Vatnar Stefánsson (E-flokki) unnu allir en aðrir töpuðu.   Önnur umferð hefst kl. 16:30.

Staða íslensku keppendanna:

A-flokkur (18-20 ára):

• 1.-6. Hjörvar Steinn Grétarsson (2460) 1 v.
• 1.-6. Sverrir Þorgeirsson (2330) 1 v.

B-flokkur (16-17 ára):

• 1.-5. Örn Leó Jóhannsson (1940) 1 v.
• 8.-12. Nökkvi Sverrisson (1805)  0 v.

C-flokkur (14-15 ára):

• 1.-5. Emil Sigurðarson (1720) 1 v.
• 8.-12. Dagur Kjartansson (1660) 0 v.

D-flokkur (12-13 ára):

• 9.-12. Jón Kristinn Þorgeirsson (1645) 0 v.
• 9.-12. Oliver Aron Jóhannesson (1545) 0 v.

E-flokkur (11 ára og yngri):

• 1.-5. Vignir Vatnar Stefánsson (1225) 1 v.
• 8.-12. Heimir Páll Ragnarsson (1200) 0 v.

Heimasíða mótsins