Torfi óstöðvandi á fimmtudagsmótum TR

Torfi Leósson sigraði enn á fimmtudagsmóti í TR í gær og var það þá þriðji sigur hans  á árinu.  Að þessu sinni sá Torfi líka um skákstjórn. Nokkuð öruggur í öðru sætinu varð síðan Jón Úlfljótsson. 

Lokastaðan í gærkvöldi varð:

 

• 1 Torfi Leósson                7,0
• 2 Jón Úlfljótsson              5,5
• 3 Elsa María Kristínardóttir  4,5
• 4 Svanberg Már Pálsson         4,5
• 5 Jon Olav Fivelstad           4,0
• 6 Geir Waage                   4,0
• 7 Stefán Már Pétursson         4,0
• 8 Guðmundur G Guðmundsson      3,5
• 9 Kamalakanta Nieves           3,5 
• 10 Birkir Karl Sigurðsson      3,5
• 11 Tjörvi Sciöth               3,5
• 12 Vignir Vatnar Stefánsson   3,0
• 13 Baldur Teodor Petersson     3,0
• 14 Ingvar Egill Vignisson      3,0
• 15 Óskar Long                  3,0
• 16 Sóley Lind                  2,5
• 17 Björgvin Kristbergsson      1,0
• 18 Pétur Jóhannesson           0,0

Fimmtudagsmót hjá TR í kvöld

Fimmtudagsmót T.R. fer að venju fram í kvöld og hefst kl. 19.30.  Tefldar verða 7 umferðir með 7 mínútna umhugsunartíma.

Mótin fara fram í félagsheimili T.R., skákhöllinni að Faxafeni 12, og opnar húsið kl. 19.10.  Glæsilegur verðlaunapeningur er í boði fyrir sigurvegarann.

Mótin eru öllum opin og er aðgangseyrir kr. 500 fyrir 16 ára og eldri en frítt er fyrir 15 ára og yngri.  Boðið er upp á kaffi ásamt léttum veitingum án endurgjalds.

• Fimmtudagsmótin

Henrik með skákkennslu á vefnum

Stórmeistarinn Henrik Danielsen býður áhugasömum skákmönnum upp á skákkennslu í gegnum netið.  Kennslan fer fram með skákmyndböndum.  Henrik mun daglega senda myndbönd með útreikningum, byrjunum og endatöflum.   

Nánar á Skákhorninu.

Áhugasamir hafi samband við Henrik í netfangið[e-mail]

Þorsteinn efstur í Ásgarði

Þorsteinn Guðlaugsson var í stuði í Ásgarði í gær hann leyfði aðeins eitt jafntefli við Harald Axel, en vann alla aðra, fékk 9.5 v af 10

Síðan komu þrír jafnir í 2.-4. sæti þeir Haraldur Axel Sveinbjörnsson, Valdimar Ásmundsson og Jón Víglundsson allir með 7 vinninga.

Heildarúrslit;

• 1              Þorsteinn Guðlaugsson                      9.5 vinninga
• 2-4           Valdimar Ásmundsson                       7        -       47.5 stig
•                 Haraldur Axel                                   7        -       47      -
•                 Jón Víglundsson                               7        -       45.5   -
• 5              Óli Árni Vilhjálmsson                         6        -
• 6-11         Gísli Sigurhansson                         5.5      -
•                 Jónas Ástráðsson                             5.5      -
•                 Finnur Kr Finnsson                           5.5      -
•                 Eiður Á Gunnarsson                          5.5      -
•                 Ásgeir Sigurðsson                            5.5       -
•                 Birgir Ólafsson                                 5.5       -
• 12-13       Gísli Árnason                                    5         -
•                 Hálfdán Hermannsson                       5         -
• 14-17       Garðar Ingólfsson                             4.5      -
•                Bragi G Bjarnarson                            4.5      -
•                Sæmundur Bjarnason                        4.5      -
•                Baldur Garðarsson                             4.5     -
• 18-19      Viðar Arthúrsson                                4        -
•                Halldór Skaftason                              4        -
• 20           Friðfik Sófússon                                 2.5     -
• 21           Hrafnkell Guðjónsson                          2       -
• 22           Sæmundur Kjartansson                      0        -

Heilabrot eru heilsubót

Vongóðir mæta vel á þriðja tug aldraðra skákkempna (knapa) til tafls í Vonarhöfn, heimahöfn Riddarans, skákklúbbs eldri borgara, alla miðvikudaga milli kl. 13-17 árið um kring. Það að brjóta heilann yfir skáktafli er ekki aðeins góð dægradvöl heldur hefur einnig mikið heilsufarslegt og félagslegt gildi.

Í hinum veglegu húsakynnum Safnaðarheimilis Hafnarfjarðarkirkju er ýmislegt á dagskrá alla daga, þar mæta ekki bara uppgjafa skákarar af eldri kynslóðinni til að vegast á og falla í valinn einu sinni í viku til dýrðar Kaissu, heldur einnig uppgjafa alkóhólistar reglulega til að brýna sig á því að falla ekki í valinn fyrir Bakkusi. Þá er þar viðamikið barnastarf í gangi, vegleg tónlistarkennsla, kóræfingar ofl.ofl. Þegar jarðarfarir fara farm á sama tíma og skákmótin, slá menn nettara á klukkurnar og tefla hljóðlega eins og reyndar vera ber ævinlega. Sumir keppendurnir verða andaktugir þegar hátíðlegir hljómar berast frá orgelinu og sálmasöngurinn hljómar og tefla fyrir

 fegurðina. Salurinn Vonarhöfn er á 2.hæð byggingarinnar og gengið inn frá Suðurgötu, en einnig má ganga inn Strandgötumeginn og síðan upp skákstigann í hinu tignarlega anddyri Safnaðarheimilisins. Þátttökugjald er kr. 300 og innfelur kaffi og kex. Þátttakendur eru af öllu Stór-Hafnarfjarðarsvæðinu.

Tefldar eru 11 umferðir með 10 mínútna umhugsunartíma. "Hvatskákir" svona mitt á milli hraðskáka og atskáka, sem henta gamlingjunum vel, þó brugðið geti samt til beggja vona í endataflinu oft á tíðum. Merkilegt hvað margar skákir vinnast eða tapast "í blálokin" þegar tímahrakið fer að sverfa að, enda engin jafnteflishugur í mönnum. Fallegustu skákirnar vinnast þó á borðinu þegar gamlir meistarataktar taka sig upp, hjá Birni Víkingi eða Palla í Pólaris og fleiri snillingum.  Mikil spenna er jafnan í lofti og oft unun að 

fylgjast með síðustu skákunum í hverri umferð, þegar menn hnappast saman og halda niðri í sér andanum af æsingi, kemur blóðinu á hreyfingu.  Heilabrot eru heilsubót, það hefur vísindalega verið sannað að skák er fyrirbyggjandi gegn elliglöpum.  

Á mótinu í síðustu viku sigraði hinn sigursæli Sigurður Alfreð Herlufsen með 9 v. af 11 og er það í annað skipti á árinu, sem hann er allra snjallastur.  Þann 16/2 bar Ingimar Halldórsson sigur úr bítum  með 9.5 v og þar á undan Dr. Ingimar Jónsson með 10v.; Jóhann Örn Sigurjónsson, Egill Þórðarson, Guðfinnur R. Kjartansson og Matthías Z.Kristinsson, hafa allir unnið sitt mótið hver það sem af er ári,svo tvísýnna getur þetta varla verið.  Skákmenn, 60 ára og eldri: „Látið ekki mát úr hendi sleppa" og mætið galvaskir til tafls./ESE 

Nánari úrslit má sjá á meðf.mótstöflu og öll mót á www.riddarinn.net ásamt fjölda mynda.

 

 

  

Myndaalbúm: http://www.skak.blog.is/album/knapar_2011/ 

Undanrásir fyrir Deloitte Reykjavík Barnablitz langt komnar

Nú eru undanrásir fyrir Deloitte Reykjavík Barnablitz langt komnar og sterkir skákmenn af yngri kynslóðinni búnir að tryggja sér þátttökurétt.

Oliver Aron Jóhannesson tryggði sér þátttökurétt með sigri á Fjölnisæfingu. Vignir Vatnar Stefánsson TR-ingur vann laugardagsæfingu TR með fullu húsi.

Vignir Vatnar lét ekki þar við sitja heldur vann einnig Hellisæfinu sem fram fór í gær. Þar sem Vignir Vatnar var kominn áfram fór sætið í úrslitunum í hendur Dawids Kolka sem lenti í öðru sæti.

Síðasti sénsinn til að tryggja sér sæti í úrslitunum er á morgun miðvikudag á opinni skákæfingu í Skákakademíu Reykjavíkur.

Framvegis verða opnar skákæfingar í Skákakademíu Reykjavíkur á miðvikudögum klukkan 17:15.

Æfingin hefst 17:15 og eru allir krakkar fæddir 1998 velkomnir.

Æskilegt er að keppendur skrái sig fyrirfram með því að senda póst á [e-mail]

Æfingaskákmót TG

Skákmót þurfa ekki oft langan undirbúning. Hugmynd fæddist í fyrradag hjá Taflfélagi Garðabæjar um að búa til lágstiga æfingamót og tók aðeins um 1 tíma að smíða mótið, þ.e. að fá keppendur í það, eftir að ákvörðun var tekin.

Sex keppendur tefla allir við alla og eru eftir fyrstu 3 umferðirnar 3. efst og jöfn með 2,5 vinning hvert. Þetta eru Sveinn Gauti Einarsson, Vignir Vatnar Stefánsson og Sóley Lind Pálsdóttir.

Fjórða. umferð fer fram kl. 17 á morgun og sú 5. kl. 19.

Sjá má öll úrslit og pörun á chess-results.

Skákirnar má svo sjá með því að smella hér.

Undanrásir Deloitte Reykjavík Barnablitz í gangi - teflt í Helli í dag

Deloitte Reykjavík Barnablitz fer fram sunnudaginn 13. mars. Teflt verður í Ráðhúsi Reykjavíkur; á sama stað og MP Reykjavik Open mun fara fram. Fyrirkomulagið verður þannig að átta skákmenn munu verða í úrslitunum. Til að komast í úrslitin þarf að vinna skákæfingu hjá taflfélögunum í borginni. Þannig verður keppt um fjögur sæti en hin fjögur sætin verða boðssæti.

Úrslitin verða með útsláttarfyrirkomulagi; hraðskákir og sá fyrri til að vinna tvær skákir kemst áfram.

Ef keppendur eru jafnir eftir fyrri skák tefla þeir armageddon-skák þar sem hvítur hefur 6 mínútur gegn 5 hjá svörtum en svarti nægir jafntefli til að komast áfram.

Teflt verður um sætin á efirfarandi æfingum;

Taflfélagi Reykjavíkur:  Laugardaginn 26. febrúar - Vignir Vatnar Stefánsson kominn í úrslit

Taflfélaginu Helli: Mánudaginn 28. febrúar kl: 17:15

Skákakademíu Reykjavíkur - Tjarnargötu 10 A: Miðvikudaginn 2. mars kl: 17:15

Undankeppni í Fjölni verður auglýst síðar.

Rétt til keppni eiga allir skákmenn fæddir 1998 eða síðar.

Atkvöld hjá Helli í kvöld

Taflfélagið Hellir heldur atkvöld mánudaginn 28. febrúar nk. og hefst taflið kl. 20:00. Fyrst eru tefldar 3 hraðskákir þar sem hvor keppandi hefur 5 mínútur til að ljúka skákinni og síðan þrjár atskákir, með fimmtán mínútna umhugsun. Um er ræða styttingu á umhugsunartíma þannig að æfingin ætti að vera lokið um kl. 22. Teflt er í félagsheimili Hellis í Álfabakka 14a í Mjóddinni. 

Sigurvegarinn fær í verðlaun pizzu frá Dominos Pizzum. Þá verður einnig dreginn út af handahófi annar keppanda, sem einnig fær pizzu hjá Dominos Pizzum. Þar eiga allir jafna möguleika, án tillits til árangurs á mótinu. Þátttökugjöld eru kr. 300 fyrir félagsmenn (kr. 200 fyrir 15 ára og yngri) og kr. 500 fyrir aðra (kr. 300 fyrir 15 ára og yngri)

Skákþáttur Morgunblaðsins: Stóru opnu mótin í Moskvu, Gíbraltar og Reykjavík

26. Reykjavíkurskákmótið sem hefst hinn 9. mars nk. er elsti reglulegu alþjóðlegi viðburðurinn sem ber nafn höfuðborgarinnar. Mótið er fyrir löngu orðið þekkt stærð í skákheiminum og er nú haldið ár hvert. Það fór fyrst fram í Lídó árið 1964 og hálfrar aldar afmæli verður því fagnað árið 2014. Aldamótaárið 2000 fór það í fyrsta sinn fram í Ráðhúsi Reykjavíkur sem verður vettvangur þess nú. Þátttakan virðist ætla að slá öll met; 170 skákmenn eru skráðir til leiks, þar af 108 erlendir skákmenn frá meira en 30 löndum.

Mótið er öllum opið og yngstu íslensku þátttakendurnir eru sjö og átta ára gamlir. Í framtíðinni gætu Reykjavíkurskákmótin haft burði til þess að keppa við sterkustu opnu mótin þau sem fram fara á Gíbraltar og í Moskvu. Munurinn liggur helst í því að mótshaldarar þar reisa alls kyns stigagirðingar.

Í A-flokki Aeroflot-mótsins sem lauk í Moskvu á miðvikudaginn var gert ráð fyrir að þátttakendur hefðu a.m.k. 2.550 elo-stig. Mótið hefur verið kjörinn vettvangur fyrir unga og metnaðarfulla skákmenn. Að þessu sinni létu ýmsir fastagestir sig þó vanta. Þekktasti keppandinn var Gata Kamsky, sem eins og skákunnendur vita gerðist bandarískur ríkisborgari eftir opna New York-mótið 1989 og tefldi um FIDE - heimsmeistaratitilinn við Karpov sjö árum síðar.

Á síðasta ári vöktu tveir skákmenn frá Víetnam mikla athygli og annar þeirra, Le Quang, sigurvegarinn frá því í fyrra var aftur mættur til leiks og aftur hafði hann sigur en þurfti þó að deila 1. verðlaunum eftir að hafa náð vinningsforystu þegar skammt var til loka:

1.-3. Le Quang, Vitiugov og Tomashevsky báðir frá Rússlandi 6½ v.(af 9) 4. - 10. Khismatullin, Yangvi, Rodshtein, Kasimdzhanov, Kamsky, Mamedov og Cheparinov 6 v. Keppendur voru 86 talsins.

Gata Kamsky byrjaði vel en í 5. umferð var hann bókstaflega skotinn í kaf af áðurnefndum Le Quang og í sjöttu umferð biðu hans sömu örlög er hann mætti lítt þekktum kínverskum skákmanni sem vann þar einn glæsilegasta sigur þessa öfluga móts. Nafn hans tónar ágætlega við þá bráðsnjöllu leiki sem hann finnur eftir að byrjuninni sleppir:

Aeroflot open 2011;

Gata Kamsky - Liren Ding

Frönsk vörn

1. e4 e6 2. d4 d5 3. Rc3 Rf6 4. e5 Rfd7 5. f4 c5 6. Rf3 Rc6 7. Re2 Be7 8. c3

Heimsmeistarinn Anand byggði stöðu sína upp svipað í nokkrum þekktum skákum við Alexei Shirov.

8.... 0-0 9. Be3 f6 10. g3 Db6 11. Dd2 fxe5 12. dxe5 Hd8 13. Bh3 d4! Upphafið að snarpri atlögu.

14. Bf2 d3! 15. Rc1

15. Dxd3 má svara með 15.... Rdxe5! o.s.frv.

Rf8 16. b3 Da6 17. a4 b5 18. 0-0 Bb7 19. Ha2 b4 20. c4 Ra5 21. Be3 Rxc4!

Hárrétt fórn því að svartur getur myndað öflugan peðaher á drottningarvængnum.

22. bxc4 Dxc4 23. f5 exf5 24. Bxf5 Dd5 25. Bxd3 c4 26. Bb1 Dc6 27. De1 Rg6 28. Haf2 Rxe5 29. Re2

29.... Hd3!

Annar glæsilegur leikur. Rybka „mælir með" 29.... Rxf3+ ásamt 30.... Dxa4. 30. Red4 Dd5 31. Bxd3 Rxd3 32. Dd2 Rxf2 33. Hxf2 Hf8 34. h4 c3 35. Dd3 Bc5!

Hvítur getur sig hvergi hrært þó hann sé manni yfir. Leppunin eftir skálínunni a7-g1 ræður úrslitum.

36. Bf4 Hd8 37. Be5 He8 38. Bf4 He1+! 39. Hf1 Dxf3! 40. Dxf3 Bxd4+

- og Kamsky gafst upp. Hann gaf sig ekki og vann þrjár síðustu skákirnar.

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í Sunnudagsmogganum, 20. febrúar 2011.

Skákþættir Morgunblaðsins