Valdimar og Þorsteinn efstir í Ásgarði í dag

Það var frekar fámennt og góðmennt í Ásgarði í dag. Kannski hefur snjórinn haft einhver áhrif og svo getur verið að sumir eldri skákmenn hafi verið þreyttir eftir íslandsmót skákfélaga sem lauk á laugardag en þar voru margir eldri borgarar að berjast á hvítum reitum og svörtum.

Valdimar Ásmundsson og Þorsteinn Guðlaugsson urðu efstir og jafnir með 7.5 vinning af 9 mögulegum og Ásgeir Sigurðsson náði  þriðja sæti með 6.5vinning.

Heildarúrslit:

• 1-2            Valdimar ásmundsson                     7.5 vinninga
•                  Þorsteinn Guðlaugsson                      -
• 3               Ásgeir Sigurðsson                           6.5      -
• 4-5            Birgir Ólafsson                                5.5      -
•                  Gísli Sigurhansson                            -
• 6-7            Hermann Hjartarson                        5         -
•                  Baldur Garðarsson                           -
• 8-9            Jón Víglundson                                4.5      -
•                  Birgir Sigurðsson                              -
• 10-12        Eiður Á Gunnarsson                          4         -
•                  Finnur Kr Finnsson                           -
•                  Jónas Ástráðsson                             -
• 13              Halldór Skaftason                            3.5         -
• 14              Friðrik Sófusson                              3          -
• 15              Sæmundur Kjartansson                   2           -
• 16              Hrafnkell Guðjónsson                      0            -

Hress Hess

Hinum unga bandaríska stórmeistara Robert Hess var vel fagnað þegar hann heimsótti Frostaskjólið í gærkvöldi og tók þátt í hraðskákmóti KR-klúbbsins, sem þar fer fram öll mánudagsmót árið um kring.

Þátttakendur voru 28 og tefldar 13 umferðir með 7 mínútna umhugsunartíma eins og venjulega.

Eins og við mátti búast fór Hess með sigur af hólmi með fullu húsi og var býsna hress með árangur sinn.  Gunnar Gunnarsson var í öðru sæti með 11.5 v. og Jón G. Friðjónsson þriðji með 9.5, annars dreifust vinningarnir nokkuð jafnt eftir það, nema hjá þeim sem áttu slæman dag.

Goða- og Eyja pistlar

Jón Þorvaldsson og Hermann Aðalsteinsson liðsstjórar a- og b-liða Goðans hafa skrifað pistla um Goðmagnaða framgöngu félaganna á heimasíðu félagsins.   Þorsteinn Þorsteinsson, liðsstjóri Taflfélags Vestmannaeyja hefur einnig skrifað pistil um árangur Eyjapeyja.  

Ritstjóri mun safna saman pistlum á einum stað og birta fréttir þegar fleiri pistlar liggja fyrir.

• Goðapistlar
• Eyjapistill
• Fjölnispistill (áður birtur)

Teflir 10 skákir í einu blindandi - í dag kl. 16:30 í MP banka

MP Reykjavíkurskákmótið mun fara fram dagana 9.-16. Mars. Teflt verður í Ráðhúsi Reykjavíkur og munu um 170 keppendur frá 30 löndum tefla í mótinu.  Meðfram sjálfu mótinu munu verða haldnir nokkrir skemmtilegir skákviðburðir.

Fyrsti viðburðurinn og ef til vill sá merkilegasti verður þegar Úkraínumaðurinn  Evgenij Miroshnichenko mun reyna að tefla við 10 skákmenn í einu og það blindandi! Það verður fjölbreyttur hópur skákmanna og kvenna sem mun tefla við Úkraínumanninn. Fyrst skal nefna hinu ungu skákkrakka Vigni Vatnar Stefánsson, Nansý Davíðsdóttir og Mykael Krawchuk. Vignir og Nansý hafa vakið mikla athygli að undanförnu fyrir sigra sína við skákborðið og Mykael stendur þeim ekki langt að baki og er jafnframt ættaður frá Úkraínu. 

Íslendingar eiga margar glæsilegar skákdrottningar og fulltrúar kvennalandsliðsins munu reyna að máta ofurstórmeistarann. Margt er líkt með skák og stjórnmálum; Guðfríður Lilja, Halldór Blöndal og Óttarr Proppé verða fulltrúar pólitíkusa en í þeirra röðum hafa margoft leynst sterkir skákmenn.

Síðastan en langt frá því að vera sístan skal nefna hinn þekkta skákskýranda og gleðipinna Hermann nokkurn Gunnarsson en Hemmi er býsn sterkur skákmaður og fróðlegt að fylgjast með hvort honum takist að leggja stórmeistarann að velli.

Fjölteflið fer fram í MP-banka Ármúla 13a - þriðjudaginn 8. mars kl. 16:30 til ca. 19:00, degi áður en Reykjavík-Open hefst.

Allir eru velkomnir til að horfa á fjölteflið og er aðgangur ókeypis.  

 

 

 

MP Reykjavíkurskákmótið hefst á miðvikudag

MP Reykjavíkurskákmótið 2011 er 26. Reykjavíkurskákmótið í 47 ára sögu mótanna.  Mótið hefst 9. mars og lýkur þann 16. mars.  Mótið fer fram í Ráðhúsi Reykjavíkur.  Mótið er minningarmót um skákmeistarann Inga R. Jóhannsson og er auk þess Norðurlandamót í opnum- og kvennaflokki.

Algjört þátttökumet er slegið á mótinu en um 170 skákmenn taka þátt og þar af 30 stórmeistarar.  Hingað til hafa mest 110 keppendur tekið þátt.  Keppendur eru frá um 30 löndum sem einnig er met.

Margir af sterkustu skákmönnum heims taka þátt.  Stigahæstur keppenda er enski stórmeistarinn Luke McShane með 2683 skákstig.  McShane varð nýlega efstur á sterku móti í London ásamt tveimur stigahæstu skákmönnum heims, heimsmeistaranum Anand og Magnusi Carlsen. 

Meðal annarra keppenda má nefna hinn kunna bosníska stórmeistara Ivan Sokolov, sem var á meðal sigurvegara í fyrra, stórmeistarann Evgenij Miroshnichenko, sem er einn sterkasti skákmaður Ólympíumeistara Úkranínu.  Stigahæsti skákmaður Egypa Ahmed Adly tekur þátt, nýkominn frá mótmælunum á torginu í Karíó en hann er sterkasti skákmaður Afríku og Arabaheimsins.

Ungstirnin setja svip sinn sitt á mótið og má þar sérstaklega nefna tvo 14 ára stráka sem eiga án efa eftir að láta ljós sitt skína.  Yngsti stórmeistari heims, Ilya Nyznhik frá Úkranínu tekur þátt.  Það gerir einnig Kiprian Berbatov en hann er bróðursonur Dimitar hjá Manchester United og búinn að vinna sér sæti í Ólympíuliði Búlgara.

Efsti Norðurlandabúinn verður Norðurlandameistari og má finna sterka kappa frá öllum Norðurlöndunum í bæði opnum- og kvennaflokki.  Kunnastur þessara Norðurlandakappa er Norðmaðurinn Jon Ludvig Hammer, jafnaldri og félagi Magnusar Carlsens  Fulltrúi Færeyinga er Helgi Dam Ziska.  

Margar sterkar skákkonur setja svip sinn á mótið og eru þær óvenju margar að þessu sinni.  Stigahæst þeirra er indverska skákdrottningin Harika Dronavalli, sem er á meðal 10 stigahæstu skákkvenna heims.  Sterkasta skákkona Hvíta-Rússlands, Anna Sharevich tekur einnig þátt.

Þekktastur gömlu kempanna er lettneski stórmeistarinn Evgeny Sveshnikov sem kemur hingað til landsins ásamt syni sínum, Vladimir.

Heimavarnarliðið skipa meðal annars. stórmeistararnir Hannes Hlífar Stefánsson, sem hefur verið meðal sigurvegara á síðustu þremur Reykjavíkurskákmótinu, Héðinn Steingrímsson, sem var meðal sigurvegara 2009 og Henrik Danielsen.  

Reykjavíkurskákmótið hefur ávallt verið tilvalinn vettvangur fyrir unga íslenska skákmenn.  Í ár er slegið aldursmet því Vignir Vatnar Stefánsson verður yngsti skákmaðurinn í sögu Reykjavíkurmótanna aðeins 8 ára.  Nansý Davíðsdóttir, sem einnig er átta ára, er sú næstyngsta sem hefur tekið þátt og er að sjálfsögðu yngsta stúlkan. 

Svo má ekki gleyma hinum hefðbundna áhugamanni en meðal keppenda keppenda eru barnalæknir og lyfjafræðingur.

Skákskýringar verða á skákstað á hverjum degi og verða í umsjón "eldri" skákmeistara sem hafa lagt keppnisskóna að mestu á hilluna en hafa engu gleymt.  Má nefna að Jóhann Hjartarson, Margeir Pétursson, Jón L. Árnason og Helgi Ólafsson hafa þegar boðað að þeir muni skýra skákir í einstaka umferðum.

Boðið verður upp á beinar útsendingar á vefsíðu mótsins, www.chess.is en dagleg umfjöllun um skákmótið verður á www.skak.is.

Samhliða mótinu verða alls konar hliðarviðburðir. Hæst ber Deloitte Reykjavík Barnablitz í umsjón Skákakademíu Reykjavíkur sem fram fer á sunnudag en þá kljást sterkustu börnin (12 ára og yngri) um Reykjavíkurmeistaratitil barna í hraðskák.

Setning sjálfs MP Reykjavíkurmótsins hefst um kl. 16 en mótið sjálft kl. 16:30.  Eva Einarsdóttir, formaður Íþrótta- og tómstundaráðs Reykjavíkur setur mótið og leikur fyrsta leik þess.   

Reykjavíkurskákmótið, var fyrst haldið árið 1964 og var haldið á tveggja ára fresti þar til árið 2008 en árlega síðan þá.  Margir af sterkustu skákmönnum heims hafa tekið þátt í Reykjavíkurmótunum og má þar nefna heimsmeistarana Tal og Smyslov og svo Korchnoi, Bronstein, Larsen, Short og norska undradrenginn Magnus Carlsen.

Helstu bakhjarlar mótsins ásamt Reykjavíkurborg eru MP banki og Deloitte. 

Frábær þátttaka á Grunnskólamóti Kópavogs

Sveitakeppni grunnskóla í skák í Kópavogi var haldin í dag mánudaginn 7. mars 2011 í Salaskóla. Skáksveitir Salaskóla sigraði í unglingastigi (8.-10. bekkur) og yngsta stigi (1.-4. bekkur) og sveit  Álfhólsskóla í miðstigi (5.-7. bekkur).  Alls mættu 40 lið til keppninnar og hefur annar eins fjöldi skákmanna aldrei sést í Kópavogi.

Hvert lið er skipað keppendum úr viðkomandi aldurshólfi en leyfilegt er að færa yngri nemendur upp í eldri aldurshólf til að tryggja fullskipuð lið á hverju stigi fyrir sig.  Öll liðin kepptu í sameiginlegu móti og voru síðan sigurvegarar hvers aldurshólfs reiknaðir sérstaklega út í lokin.

Lokastaðan:

 

	Skóli	Vinn.		Liðsstjórar
1	Salaskóli Ung A lið	18	A lið	Tómas Rasmus
2	Álfhólsskóli  Mið A lið	17	A lið	Smari Rafn
3	Salaskóli Mið A lið	17	A lið	Tómas Rasmus
4	Vatnsendaskóli Mið A lið	17	A lið	Birna Hugrún
5	Salaskóli Mið B lið	14	B lið	Tómas Rasmus
6	Salaskóli Yngsta A lið	14	A lið	Guðlaug Björk
7	Vatnsendaskóli Ung A lið	14	A lið	Birna Hugrún
8	Smáraskóli Ung A lið	13,5	A lið	Björn Karlsson
9	Hörðuvallaskóli Yngsta A lið	12,5	A lið	Gunnar Finnson
10	Lindaskóli  Ung A lið	12,5	A lið	Jónas Unnarsson
11	Smáraskóli Yngsta A lið	12,5	A lið	Sigurlaug Regína
12	Snælandsskóli Yngsta A lið	12,5	A lið	Lenka Ptacnikova
13	Lindaskóli  Ung B lið	11,5	B lið	Jónas Unnarsson
14	Salaskóli Yngsta B lið	11,5	B lið	Guðlaug Björk
15	Smáraskóli Mið A lið	11	A lið	Björn Karlsson
22	Kársnesskóli Yngsta A lið	10,5	A lið	Sigurður Grétar
23	Álfhólsskóli Yngsta A lið	10	A lið	Smari Rafn
24	Lindaskóli Mið A lið	10	A lið	Jónas Unnarsson
25	Salaskóli Mið C lið	10	C lið	Tómas Rasmus
26	Snælandsskóli Mið A lið	10	A lið	Lenka Ptacnikova
27	Vatnsendaskóli Yngsta A lið	10	A lið	Birna Hugrún
28	Salaskóli Yngsta D lið	9,5	D lið	Guðlaug Björk
29	Kársnesskóli Yngsta C lið	9	C lið	Sigurður Grétar
30	Smáraskóli Yngsta D lið	9	D lið	Sigurlaug Regína
31	Álfhólsskóli Yngsta C lið	8,5	C lið	Smari Rafn
32	Lindaskóli Yngsta A lið	8,5	A lið	Jónas Unnarsson
33	Álfhólsskóli Yngsta B lið	8	B lið	Smari Rafn
34	Kársnesskóli Yngsta B lið	8	B lið	Sigurður Grétar
35	Kársnesskóli Yngsta E lið	8	E lið	Sigurður Grétar
36	Salaskóli Ung B lið	8	B lið	Tómas Rasmus
16	Salaskóli Yngsta C lið	7,5	C lið	Guðlaug Björk
17	Smáraskóli Yngsta C lið	7,5	C lið	Sigurlaug Regína
18	Kársnesskóli Yngsta D lið	6,5	D lið	Sigurður Grétar
20	Hörðuvallaskóli Yngsta B lið	5,5	B lið	Gunnar Finnson
37	Smáraskóli Yngsta B lið	5,5	B lið	Sigurlaug Regína
38	Snælandsskóli Yngsta B lið	5	B lið	Lenka Ptacnikova
39	Snælandsskóli Yngsta C lið	5	C lið	Lenka Ptacnikova
40	Snælandsskóli Ung A lið	4	A lið	Lenka Ptacnikova
41	Álfhólsskóli Yngsta D lið	2	D lið	Smari Rafn

 
Aldursflokkaverðlaun: 

 

	Efstu 3 unglingalið í flokki A liða	vinn
1	Salaskóli Ung A lið	18
2	Vatnsendaskóli Ung A lið	14
3	Smáraskóli Ung A lið	12,5
	Efstu 3 miðstigsliðin í flokki A liða	vinn	Stig
1	Álfhólsskóli  Mið A lið	17	39,5
2	Salaskóli Mið A lið	17	39
3	Vatnsendaskóli Mið A lið	17	28
	Efstu 4 yngsta-stigsliðin í flokki A liða	vinn
1	Salaskóli Yngsta A lið	14
2	Smáraskóli Yngsta A lið	12,5	hlutkesti
3	Hörðuvallaskóli Yngsta A lið	12,5	hlutkesti
4	Snælandsskóli Yngsta A lið	12,5	hlutkesti
	Besta B lið í unglingaflokki	vinn
	Lindaskóli  Ung B lið	11,5
	Bestu B og C á miðstigi	vinn
	Salaskóli Mið B lið	14
	Salaskóli Mið C lið	10
	Bestu B,C,D og E á Yngsta stigi	vinn
	Salaskóli Yngsta B lið	11,5
	Kársnesskóli Yngsta C lið	9
	Salaskóli Yngsta D lið	9,5
	Kársnesskóli Yngsta E lið	8
	Mótsstjóri Tómas Rasmus.
	Skákdómarar
	Helgi Ólafsson
	Smári Rafn Teitsson

Keppnin hófst með skráningu kl 13:40

Mótið fór síðan í gang  kl 14:30,  Tefldar voru 5 umferðir.
Keppt var í 4 manna liðum og mátti hvert lið hafa 1 til 2 varamenn.

Keppt var einnig í þremur aldurshólfum.
Þannig:  
1..4 bekkur  Yngsta sitg
5..7 bekkur  Miðstig
8..10 bekkur Unglingastig.
 

Keppendur komu frá eftirfarandi skólum:

• Álfhólssskola
• Hörðuvallaskóla
• Kársnesskóla
• Lindaskóla
• Salaskóla
• Smáraskóla
• Snælandsskóla
• Vatnsendaskóla

Mótið var styrkt af  Skákstyrktarsjóði Kópavogs og afhenti Hafsteinn Karlsson skólastjóri Salaskóla verðlaun fyrir bestan árangur.

Myndaalbúm mótsins

Fjölnismenn á flugi í fyrstu deild

Fjölnismenn náðu eftirtektarverðum árangri á Íslandsmóti skákfélaga og í ár ákvað formaður félagsins, Helgi Árnason, að gefa ungum mönnunum aukin tækifæri í fyrstu deild og það gekk upp.  Á heimasíðu Fjölnis má finna pistil frá Helga um árangur Fjölnissveitanna.

Pistill Helga Árna

 

Bolvíkingar efstir - Hellismenn lögðu Eyjamenn - Sverrir með jafntelfi gegn McShane

Bolvíkingar eru efstir eftir fimmtu umferð Íslandsmóts skákfélaga sem fram fór í kvöld.  Bolvíkingar unnu Hauka 7½-½ þar sem Haukamaðurinn Sverrir Þorgeirsson (2233) gerði sér lítið fyrir og gerði jafntefli við stigahæsta keppenda Íslandsmótsins og MP Reykjavíkurmótsins, og Carlsen-banann, Luke McShane (2683).   Hellismenn unnu Eyjamenn 4½-3½ í algjörri háspennuviðureign.   Bolvíkingar hafa 31 vinninga, Eyjamenn eru aðrir með 28½ og Hellismenn þriðju með 26½ vinning.  Sjötta og næstsíðasta umferð fer fram á morgun, laugardag, og hefst kl. 11.  Teflt er í Rimaskóla.  

1. deild

Úrslit 5. umferðar:

• Hellir - Vestmannaeyjar 4½-3½
• Bolungarvík - Haukar 7½-½
• Fjölnir - KR 5½-2½
• SA - TR 4½-3½

Staðan:

1. Bolungarvík 31 v.
2. Vestmannaeyjar 28½
3. Bolungarvík 26½ v.
4. Taflfélag Reyjavíkur 21 v.
5. Fjölnir 20 v.
6. SA 16½ v.
7. Haukar 8½ v.
8. KR 8 v.

Staða efstu liða í 2. deild:

1. Bolungarvík-b 23½ v.
2. Mátar 22½ v.
3. Hellir-b 17½ v. (8 stig)
4. Reykjanesbær 17½ v. (6 stig)

Staða efstu liða í 3. deild:

1. Víkingaklúbburinn 9 stig (21 v.)
2. Vestmannaeyjar-b 8 stig (20 v.)
3. Goðinn 8 stig (19½ v.)
4. Garðabær 7 stig (17½ v.)

Staða efstu liða í 4. deild:

1. Sauðárkrókur 10 stig (20½ v.)
2. Skákfélag Íslands 8 stig (21 v.)
3. Austurland 8 stig (19 v.)
4. Fjölnir-b 8 stig (18 v.) 

• Heimasíða mótsins
• Chess-Results
• Myndaalbúm mótsins

 

Undankeppni fyrir Deloitte Reykjavík Barnablitz lokið - keppendalisti

Síðasta úrtökumótið fyrir Deloitte Reykjavík Barnablitz fór fram miðvikudaginn 2. mars í Skákakademíunni. Flestir sterkustu skákkrakkar Reykjavíkur og nágrennis sem höfðu ekki unnið sér inn þátttökurétt voru mætt til þess að tefla um síðasta sætið. Mótið var nokkuð jafnt og allir að vinna alla ef svo má að orði komast.

Að loknum sex umferðum lágu úrslit fyrir. Vignir Vatnar Stefánsson hafði lagt fimm af sex andstæðingum sínum en tapað fyrir hinum úkraínskættaða Mykael Krawchuk. Þar sem Vignir hafði áður tryggt sér sæti á Deloitte Reykjavík Barnablitz kom það í hlut Nansýar Davíðsdóttur en Nansý lenti í öðru sæti mótsins - jöfn vinningum og Heimir Páll og Veronika Steinunn en hærri að stigum. Áður nefndur Mykael, Vignir Vatnar og Nansý Davíðsdóttir munu öll taka þátt í blindskákfjöltefli á þriðjudaginn kemur við hinn gríðar öfluga úkraínska ofurstórmeistara Evgení Mírósjenkó. Fjölteflið fer fram í MP banka Ármúla og hefst um 16:30.

 Þá liggur fyrir hvaða fjögur unnu sér inn þátttökurétt í úrslitum Deloitte Reykjavík Barnablitz; Oliver Aron Jóhannesson Fjölni, Dawid Kolka Helli, Vignir Vatnar Stefánsson TR og Nansý Davíðsdóttir Fjölni.

 Boðssætin fjögur fá þau sem hvað næstu voru að tryggja sig inn í mótið á æfingum taflfélaganna í Reykjavík; Jóhann Arnar Finnsson Fjölni, Gauti Páll Jónsson TR, Veronika Steinunn Magnúsdóttir TR og Heimir Páll Ragnarsson Helli.

 Dreifingin meðal félaganna er athyglisverð enda standa öll félögin fyrir öflugu barna- og unglingastarfi.

Úrslitin sjálf fara svo fram sunnudaginn 13. mars klukkan 14:30 í Ráðhúsi Reykjavíkur.

Teflt verður eftir útsláttarfyrirkomulagi.

Síðari hluti Íslandsmóts skákfélaga hefst í kvöld

Dagana 4. og 5.  mars nk. fer fram seinni hluti Íslandsmóts skákfélaga 2010-2011. Teflt verður í Rimaskóla í Reykjavík.

Dagskrá:

• Föstudagur 4. mars                 kl. 20.00          5. umferð
• Laugardagur 5. mars              kl. 11.00          6. umferð
• Laugardagur 5. mars              kl. 17.00          7. umferð

Þau félög sem enn skulda þátttökugjöld eru vinsamlega beðin að gera upp áður en seinni hlutinn hefst.