Gallerý Skák: "Sjáumst og kljáumst"

EinkaSkákklúbbar eru ótal margir á landinu kalda og gegna mikilvægu hlutverki jafnt í skáklegu sem félagslegu tilliti.  Þar mætast stálin oft stinn enda þótt um „vináttuskákir" sé að ræða, því enginn er annars bróðir í leik ef mát er í sigti. Segja má að til viðbótar hinum formlegu tafl- og skákfélögum séu einkaklúbbarnir viss burðarás í íslensku skáklífi. Þátttaka í þeim stuðlar mjög að skákiðkun hins almenna áhugaskákmanns og margra uppgjafa skákmeistara, sem hittast reglulega til tafls á bak við tjöldin, bæði í heimahúsum eða á vinnustöðum. Segja má að tilurð þeirra efli skáklistina og styrki skákhreyfinguna í sessi, beint og óbeint. Kannski er þetta hin mikilvæga „grasrót" sem skáklífið og öll félagsstarfsemi byggist á, því margir þessara skákmanna tefla líka innan sinna taflfélaga eða eru kallaðir til tafls þegar mikið liggur við eins og þegar keppni í ÍMS (Íslandsmóti Skákfélaga) fer fram, eins og verður um næstu helgi. Þá birtast margir þessara „skákmanna á bak við tjöldin" við taflborðið „annað hvort einir sér eða í minni hópum", eins og Bjarni Fel alias Laddi myndi

 orða það, sem má reyndar til sannsvegar færa, því sumir þessara einkaklúbba mæta til leiks undir eigin nafni. 

Lista- og skákstofan GALLERÝ SKÁK, í Bolholti 6, hefur opnað dyr sínar fyrir hinum almenna skákmanni jafnframt því að vera aðsetur fyrir GS-klúbbinn, fjölmennan og gamalgróinn einkaskákklúbb, áður VISA-klúbbinn, sem hist hefur til tafls í tæpan aldarfjórðung eða síðan 1987.  Klúbburinn, sem nokkrar máttarstoðir skákhreyfingarinnar hafa átt aðild að, m.a. 4 fyrrv. forsetar SÍ, þeir Þráinn Guðmundsson, Þorsteinn Þorsteinsson, Guðmundur G. Þórarinsson auk undirritaðs, 2 fv. formenn TR, þeir Jóhann Þórir Jónsson og Guðfinnur R. Kjartansson og fleiri valinkunnir ástríðuskákmenn, átti fyrstu13 árin skjól  í höfuðstöðvum VISA Íslands, en síðan í FG (Fjölbrautaskóla Garðabæjar) í 10 vetur, hefur nú flutt aðsetur sitt í Gallerýið.  GS-klúbburinn sem telur 20 skákmenn, hefur að hluta til endurnýjast, þar sem  nýjir félagar hafa verið boðnir velkomnir í stað annarra sem fallið hafa í valinn.  Skákfundir eru haldnir hálfsmánaðarlega yfir veturinn þar sem menn tefla fyrir ánægjuna og fegurðina, jafnan þetta 12-14 félagar mættir hverju sinni. Tefldar eru 11 umferðir með 10 mín. umhugsunartíma, alvöruátök á hvítum reitum og svörtum, þar sem menn hvíla hugann frá amstri dagsins og gleyma stað og stund, leggja allt í sölurnar til að hnésetja andstæðinginn/fagna sigri.

Annan hvern fimmtudag kl. 18 eru svo haldin opin skákmót í Gallerýinu undir mottóinu „Sjáumst og Kljáumst".  Nú fer þar fram „Kappteflið um Patagóníusteininn", 6 kvölda mótaröð með Grand Prix sniði, þar sem 4 bestu mót hvers keppanda telja til vinnings.  Óháð því geta aðrir áhugasamir skákmenn blandast í hópinn, enda telft eftir svissneska kerfinu.   Sl. fimmtudag voru 19 skákmenn mættir til leiks, úr 6 taflfélögum og aðrir ófélagsbundnir.  Staðan í kappteflinu er nú þannig að Gunnar Kr. Gunnarsson, sigurvegari síðasta árs, er búinn að tryggja sér sigurinn að aðeins 4 mótum loknum, er komin með 34 GP stig, enginn getur skákað honum úr þessu, en tvísýn barátta er um 2 og 3 sætið, en efstu menn fá nafn sitt ritað gullnu letri á sökkul hins langtaðkomna steins úr iðrum jarðar. Nánari úrslit má sjá hér og neðan ásamt myndum en ítarlegar á  www.galleryskak.net

Á veffangi Gallerý Skákar er rekið Nettorg á vegum GRK fyrir 3 skákklúbba auk fleiri heimasíðna. Þar er að finna margt fróðlegt og forvitnilegt að finna undir ýmsum flipum, svo sem Skáklok, Skákþrautir, hagnýtar byrjanir, gamlar Sögulegar myndir og sitthvað fleira sem kann að koma gestum þægilega á óvart og þykja forvitnilegt. Stöðugt bætist fleira efni við á síðurnar sem vert er að heimsækja auk þess sem áhugasömum er velkomið að líta við á fimmtudagskvöldum.  / ESE

KAPPTEFLIÐ UM PATAGÓNÍUSTEINNINN II 2011
     Staðan eftir 4 mót af 6: GP-stig
 1. Gunnar Kr.Gunnarsson.....34 (4)
 2. Ingimar Halldórsson..........22 (4)
 3. Bjarni Hjartarson..............15 (2)
 4. Friðgeir K. Hólm..............12 (3)
 5. Guðm. G. Þórarinsson ....11 (2)
 6. Gunnar Skarphéðinsson...10 (3)
 7. Sigurður E. Kristjánsson... 9 (3)
 8. Guðfinnur R. Kjartansson.. 8 (4)
 9. Kristján Stefánsson.......... 8 (4)
10.Stefán Þormar Guðm. ...... 6 (4)
 7 keppendur minna
 9 keppendur ekkert

Myndaalbúm mótsins: http://www.skak.blog.is/album/sjaumst_og_kljaumst_2011/

Henrik fjallar um Drekann á Chessdom

Umfjöllun Henrik Danielsen um skákbyrjanir heldur áfram á Chessdom.  Nú hefur birst umfjöllun hans um Drekann (The Accelerated Dragon) en áður hafði hann fjallað um Hvítabjarnarkerfið (The Polar Bear System).   Umföllun Henriks um Drekann má nálgast hér:  http://www.chessdom.com/news-2011/accelerated-dragon

Rimaskóli og Engjaskóli með sterkustu skáksveitirnar á Miðgarðsmótinu 2011

Rúmlega 100 grunnskólanemendur mættu á hið árlega Miðgarðsmót, sveitakeppni grunnskólanna í Grafarvogi og á Kjalarnesi. Mótið var nú haldið í 6. sinn og sem fyrr sigraði A-sveit Rimaskóla, nú með nokkrum yfirburðum, sveitin fékk 46,5 vinninga af 48 mögulegum. Keppnin um önnur sæti var mjög jöfn og hörð. A sveit Engjaskóla náði öðru sæti á Miðgarðsmótinu hálfum vinningi ofar en B-sveit Rimaskóla.

Keppt var í átta manna sveitum og að þessu sinni sendu sex grunnskólar þrettán sveitir til leiks sem er metþátttaka. Skákmótið fór fram í íþróttasal Rimaskóla. Það er fjölskylduþjónustan Miðgarður í Grafarvogi sem hélt mótið í samstarfi við skákdeild Fjölnis. Keppt var um glæsilegan farandbikar en auk þess fékk vinningsskólinn eignarbikar að launum. Allir þátttakendur fengu glæsilegt viðurkenningarskjal með nafni sínu til minja um þátttökuna. Tefldar voru sex umferðir eftir Monrad-kerfi. Þrátt fyrir þessa gríðarlegu þátttöku þar sem margir voru að taka þátt í sínu fyrsta skákmóti þá gekk keppnin mjög vel fyrir sig. Í skákhléi var öllum þátttakendum boðið upp á hagstæðar veitingar og krakkarnir voru undantekningarlaust afar ánægðir með þátttökuna í lokin.

Sigursveit Rimaskóla er á öllum borðum skipuð kunnum afrekskrökkum: Dagur Ragnarsson, Jón Trausti Harðarson, Oliver Aron Jóhannesson, Hrund Hauksdóttir, Kristinn Andri Kristinsson, Kristófer Jóel Jóhannesson, Nansý Davíðsdóttir og Jóhann Arnar Finnsson. Mótstjórar voru þau Helgi Árnason formaður skákdeildar Fjölnis og Hera H. Björnsdóttir frístundafulltrúi Miðgarðs.

Miðgarðsmótið í skák 2011  -   Úrslit:

• 1. Rimaskóli A                                   46, 5    vinninga
• 2. Engjaskóli A                                  31,5
• 3. Rimaskóli B                                   31
• 4-5. Húsaskóli B                                25
• 4-5. Foldaskóli A                               25
• 6. Húsaskóli A                                               23
• 7. Borgaskóli A                                  22
• 8. Engjaskóli C                                  21
• 9. Engjaskóli B                                  19
• 10. Engjaskóli D                                18
• 11. Klébergsskóli A                           17,5
• 12. Rimaskóli D                                 17
• 13. Rimaskóli C                                 16

Myndaalbúm mótsins

Sigurður með skyldusigur á skylduleikjamóti.

Í gær fór fram skylduleikjamót hjá félaginu. Átta skákmenn mættu til leiks og tefldu einfalda umferð, allir við alla með 10 mínútna umhugsunartíma.

Sá háttur var hafður á að í hverri umferð tefldu keppendur stöðu úr heimsmeistaraeinvígi Fischers og Spassky, sjö stöður í heildina.

Sigurður Eiríksson hefur að líkindum fylgst náið með framvindu einvígisins ef marka má niðurstöðuna, en hann hafði tryggt sér sigurinn þegar einni umferð var ólokið. Ungstirnið Jón Kristinn Þorgeirsson tryggði sér annað sætið með því að leggja Sigurð að velli í lokaumferðinni. Tómas Veigar var þriðji.

 

 Lokastaða efstu manna:

Sigurður Eiríksson                  6
Jón Kristinn Þorgeirsson        5
Tómas Veigar Sigurðarson     4½
Sigurður Arnarson                  4
Ari Friðfinnsson                     3½
Haki Jóhannesson                  3

Heimasíða SA

Síðari hluti Íslandsmóts skákfélaga fer fram 4. og 5. mars

Dagana 4. og 5.  mars nk. fer fram seinni hluti Íslandsmóts skákfélaga 2010-2011. Teflt verður í Rimaskóla í Reykjavík.

Dagskrá:

• Föstudagur 4. mars                 kl. 20.00          5. umferð
• Laugardagur 5. mars              kl. 11.00          6. umferð
• Laugardagur 5. mars              kl. 17.00          7. umferð

Þau félög sem enn skulda þátttökugjöld eru vinsamlega beðin að gera upp áður en seinni hlutinn hefst.

Smári skákmeistari Akureyrar

Skákþingi Akureyrar, sem hófst 23. janúar, lauk í gær þegar Smári Ólafsson og Sigurður Arnarson tefldu til úrslita um titilinn „Skákmeistari Akureyrar". Áður höfðu þeir Smári og Sigurður skilið jafnir í tveim einvígisskákum.

Fyrirkomulagið í dag var þannig að fyrst voru tefldar tvær 15 mínútna skákir með skiptum litum. Það reyndist skammgóður vermir þar sem þeir félagar unnu sitthvora skákina. Enn var því jafnt í einvíginu og nauðsynlegt að grípa til bráðabana. Hann fór þannig fram að hvítur (Sigurður) hafði 6 mínútur gegn 5 mínútum svarts (Smári) en hvítur varð að vinna. Skákin endaði með sigri Smára eftir að Sigurður, sem hafði verið nokkuð óheppinn í einvíginu, víxlaði leikjum á mikilvægu augnabliki og tapaði liði.

Smári Ólafsson er því sigurvegari Skákþingsins og ber nafnbótina Skákmeistari Akureyrar næsta árið.

Það voru ekki eingöngu Smári og Sigurður sem tefldu einvígi. Hjörleifur Halldórsson og Karl Egill Steingrímsson tefldu einnig einvígi um meistaratitilinn í flokki öldunga, 60 ára og eldri.

Hjörleifur hafði betur í fyrri skák þeirra félaga. Staðan var því 1 - 0 og Karl varð að vinna seinni skákina sem tefld var á miðvikudaginn. Eftir ágæta tilraun og drengilega baráttu skildu þeir Hjörleifur og Karl jafnir í seinni skákinni.

Hjörleifur sigraði því í einvíginu og bætir við sig nafnbótinni; Skákmeistari Akureyrar í öldungaflokki.

Mikael Jóhann Karlsson hafði þegar tryggt sér þriðja titilinn sem var í boði; Skákmeistari Akureyrar í unglingaflokki.

Lokastaðan (efstu menn):

1.  Smári Ólafsson           6 + 3
2. Sigurður Arnarson          6 + 2
3.     Mikael Jóhann Karlsson        5
4-5.  Rúnar Ísleifsson                     4
         Sigurður Eiríksson                  4
6-10.Hjörleifur Halldórsson          3,5 + 1,5
         Jakob Sævar Sigurðsson     3,5
         Jón Kristinn Þorgeirsson     3,5
         Karl Egill Steingrímsson      3,5 + 0,5
         Tómas Veigar Sigurðarson 3,5  

Mótinu er þá formlega lokið, en allar upplýsingar um mótið og skákir er hægt að nálgast á heimasíðu SA.

Áskell Örn Kárason var skákstjóri.

• Heimasíða SA
• Mótið hjá Chess-results
• Einvígi Smára og Sigurðar hjá Chess-results
• Einvígi Hjörleifs og Karls hjá Chess-results
• Skákir mótsins (allar)
• Myndaalbúm mótsins
• Skákmeistarar Akureyrar frá 1938

Torfi Leósson sigraði á fimmtudagsmóti

Torfi Leósson sigraði á fimmtudagsmótinu í TR í gær, öðru sinni á árinu.  Af 17 öðrum keppendum var það bara Kristján Örn Elíasson sem ógnaði eitthvað stöðu Torfa. Kristján tapaði innbyrðis viðureign þeirra í 3. umferð en átti möguleika á fyrsta sætinu eftir jafntefli Torfa og Kamalakanta Nieves frá Púertó Ríkó.  Báðir unnu þó í síðustu umferð og þannig varð Torfi vinningi undan.   Lokastaðan í gærkvöldi varð:

 

• 1   Torfi Leósson                       6.5   
• 2   Kristján Örn Elíasson               6       
• 3-4  Elsa María Kristínardóttir         4.5    
•      Kamalakanta Nieves                 4.5  
• 5-9  Eyþór Trausti Jóhannsson           4     
•      Örn Leó Jóhansson                  4     
•       Vignir Vatnar Stefánsson          4     
•       Tinna Kristín Finnbogadóttir      4      
•       Halldór Pálsson                   4       
• 10-11 Jon Olav Fivelstad                3.5     
•       Stefán Pétursson                  3.5    
• 12-14 Gauti Páll Jónsson                3      
•       Ingvar Vignisson                  3      
•       Veronika Steinunn Magnúsdóttir    3      
•  15   Guðmundur Gunnlaugsson            2.5    
•  16   Óskar Long Einarsson              2      
•  17   Björgvin Kristbergsson            1      
•  18   Pétur Jóhannsson                  0

Stefán Bergsson framkvæmdastjóri Skákakademíu Reykjavíkur

Stefán Bergsson var ráðinn framkvæmdastjóri Skákakademíu Reykjavíkur á stjórnarfundi sem fram fór í gær.  Stefán tekur við af Birni Þorfinnssyni sem hefur verið framkvæmdastjóri Skákakademíunnar frá stofnun hennar, vorið 2008.  

Stefán hefur síðustu 2 ár verið helsti skákkennari Skákakademíunnar og þekkir því vel til í skákstarfs í grunnskólum Reykjavíkur. Birni var þakkað fyrir vel unnin störf á fundinum í gær og Stefán boðinn sérstaklega velkominn til starfa. Björn mun áfram sinna skákkennslu í grunnskólum, en í minna magni en áður.

 

Jón Úlfljótsson efstur á hraðkvöldi

Jón Úlfljótsson var fremstur meðal jafningja og sigraði á afar jöfnu og spennandi hraðkvöldi sem fram fór 21. febrúar sl. Jón fékk 5,5v í sjö skákum. Annar varð Gunnar Nikulásson með 5v og síðan komu þrír skákmenn með 4,5v en það voru þau Elsa María, Ólafur Gauti og Vigfús. Það var svo Ólafur Gauti sem hreppti aukaverðlaunin í happdrætti.

Lokastaðan á hraðkvöldinu.

• 1.   Jón Úlfljótsson                   5,5v/7
• 2.   Gunnar Nikulásson            5v
• 3.   Elsa María Kristínardóttir   4,5v
• 4.   Ólafur Gauti Ólafsson        4,5v
• 5.   Vigfús Ó. Vigfússon           4,5v
• 6.   Páll Andrason                    4v
• 7.   Birkir Karl Sigurðsson         3,5v
• 8.   Eiríkur Örn Brynjarsson      3v
• 9.   Egill Steinar Ásgeirsson      2,5v
• 10. Ívar Örn Halldórsson          2v
• 11. Björgvin Kristbergsson       2v
• 12. Pétur Jóhannesson            1v

Þór og Björn efstir í Ásgarði í dag

Það mættu margir sterkir skákmenn í Ásgarði í dag og börðust hraustlega til síðasta manns. Þór Valtýsson og Björn Þorsteinsson urðu efstir með 8½ vinning af 10 mögulegum.  Þór var hærri á stigum enda vann hann innbyrðis viðureign þeirra.  Sigfús Jónsson kom fast á eftir þeim í þriðja sæti með 8 vinninga.

Heildarúrslit:

• 1-2              Þór Valtýsson                          8.5 v.    49     stig
•                    Björn Þorsteinsson                   8.5       46.5     -
• 3                 Sigfús Jónsson                         8          46        -
• 4-5              Haraldur Axel Sveinbjörns.        6.5
•                    Valdimar Ásmundsson              6.5    
• 6-7              Gísli Gunnlaugsson                   6
•                    Jón Víglundsson                       6
• 8-10            Gísli Sigurhansson                    5.5
•                    Hálfdán Hermannsson              5.5
•                    Bragi G Bjarnarson                  5.5
• 11-15           Hermann Hjartarson                5
•                    Þorsteinn Guðlaugsson             5
•                    Óli Árni Vilhjálmsson                5
•                    Viður Arthúrsson                     5
•                    Halldór Skaftason                    5
• 16-21          Ásgeir Sigurðsson                    4.5
•                   Birgir Ólafsson                         4.5
•                   Gísli Árnason                           4.5
•                   Baldur Garðarsson                   4.5
•                   Jón Bjarnason                          4.5
•                   Finnur Kr Finnsson                   4.5
• 22              Friðrik Sófusson                       4
• 23              Sæmundur Kjartansson             3
• 24              Ingi E Árnason                          2
• 25              Hrafnkell Guðjónsson                 1.5
• 26              Ottó Guðlaugsson                      1