Glæsileg verðlaun á Afmælisskákmóti Jóns L. í Hótel Glym

Glæsilegir vinningar eru í boði á Afmælisskákmóti Jóns L. Árnasonar í Hótel Glym, Hvalfirði, sunnudaginn 12. desember. Keppt verður um 50.000 króna verðlaunapott og fjölda annarra verðlauna. Listamenn, hönnuðir og ferðaþjónustuaðilar á Vesturlandi hafa tekið höndum saman, svo úr verður mikil vinningaveisla.
 

• Gisting fyrir tvo í tvær nætur í lúxushúsi í Glym og málsverður á hótelinu. Andvirði 79.000 kr.
• Glerlistaverk eftir Ólöfu Davíðsdóttur. Andvirði 50.000 kr.
• Skartgripur eftir Dýrfinnu Torfadóttur. Andvirði 40.000 kr.
• Gisting fyrir tvo með morgunverði á Hótel Hamri. Andvirði 30.000 kr.
• Ævintýrasigling að eigin vali með Sæferðum. Andvirði 20.000 kr.
• Tröllagönguferð í Fossatúni, bók og geisladiskur. Andvirði 15.000 kr.
• Gjafabréf á Landnámssetrið í Borgarnesi og Egilssýninguna fyrir 2 fullorðna og börn. Andvirði 10.000 kr.

 
Þá gefa bókaforlögin Sögur útgáfa, Bjartur, Forlagið og Opna splunkunýjar bækur og dvd-diska fyrir börn og fullorðna, meðal annars kjörgripi á borð við Alheiminn, Sigla himinfley, Blæbrigði vatnsins og Íslenska þjóðhætti, auk skáldsagna og barnabóka.
 
Afmælismót Jóns L. Árnasonar er öllum opið, en meðal keppenda verða stórmeistararnir Helgi Ólafsson, Jóhann Hjartarson og Jón L. Árnason, sem varð fimmtugur 13. nóvember. Það er mótshöldurum mikil ánægja að mega þannig heiðra fyrsta heimsmeistara Íslendinga í skák.
 
Verðlaun eru veitt í mörgum flokkum, m.a. fyrir bestan árangur grunnskólabarna, kvenna, eldri borgara og stigalausra. Tefldar verða níu umferðir með sjö mínútna umhugsunartíma. Þátttaka er ókeypis.
 
Í Hótel Glym er fyrsta flokks aðstaða til tafliðkunar, fagurt útsýni og frábærar veitingar. Hótelið er staðsett í norðanverðum firðinum og þangað er aðeins 30-40 mínútna akstur frá Reykjavík.
 
Áhugasamir eru hvattir til að skrá sig sem fyrst hjá [e-mail] eða [e-mail].
 
Linkar:
Hvar er Hótel Glymur? http://www.hotelglymur.is/?action=fotur_hvarerglymur
Hótel Glymur, heimasíða http://www.hotelglymur.is/

London Chess Classic hafið

Alþjóðlega ofurskákmótið London Chess Classic er rétt nýhafið í London.   Þátt taka 8 skákmenn og eru meðalstig keppenda 2725 stig.   Stigahæstur keppenda er Anand (2804) en aðrir þátttakendur eru Carlsen (2802), Kramnik (2791), Nakamura (2741) og svo Englendingarnir Adams (2723), Short (2680), McShane (2645) og Howell (2611).

Í fyrstu umferð, sem nú er í gangi tefla m.a. saman McShane-Carlsen og Anand-Nakamura.

Þröstur Þórhallsson (2367) tekur þátt í FIDE Open, sem er viðburður sem fram fer samhliða.   Þar tefla 175 skákmenn og þar af 11 stórmeistarar.   Meðal keppenda eru Boris Avrukh (2675), Ísrael, Abhijeet Gupta (2600), Indlandi, sem var meðal sigurvegara á MP Reykjavíkurskákmótinu síðasta og Gawain Jones (2575).   Englandi.   Þröstur er nr. 29 í stigaröð keppenda.

• Heimasíða mótsins
• Skákirnar í beinni (hefjast kl. 14).
• Skákskýringar í beinni
• Swiss Masters (flokkur Þrastar)

 

Jólamót TR og ÍTR: Rimaskóli sigraði með fullu húsi í eldri flokki

Mánudaginn 6. desember kl. 17 fór Jólaskákmót Íþrótta-og tómstundaráðs Reykjavíkur og Taflfélags Reykjavíkur í eldri flokki fram. Það var fyrir nemendur úr 8.- 10. bekkjum grunnskóla Reykjavíkurborgar. Verðlaun voru fyrir þrjár efstu drengjasveitirnar (eða opnu sveitirnar, þar sem sveitirnar eru blandaðar stúlkum og drengjum) og þrjár efstu stúlknasveitirnar. Teflt var í einum flokki, 6 umferðir eftir Monradkerfi með 15. mínútna umhugsunartíma. 11 sveitir voru skráðar til leiks og þar af 1 stúlknasveit. 

Í samanburði við þátttökuna í fyrra, þá voru sveitirnar tveimur færri en árið 2009 og athygli vakti að skólar sem tóku þátt í fyrra með góðum árangri voru ekki með að þessu sinni, svo sem Hólabrekkuskóli sem varð 2. sæti í fyrra, Fellaskóli, Ölduselsskóli og Hlíðaskóli. Álftamýrarskóli kom sterkur inn mótið að þessu sinni með tvær sveitir, svo og Rimaskóli sem ekki tók þátt í eldri flokknum í fyrra. Laugalækjarskóli var með tvær sveitir eins og Engjaskóli, sem var sá eini sem tefldi fram stúlknasveit. Hagaskóli var með þrjár sveitir að þessu sinni, en var með heilar 6 sveitir í fyrra, þar af eina stúlknasveit.

Nokkur einstefna var í þessum flokki, þar sem A-sveit Rimaskóla lagði hverja sveitina af fætur annarri með fullu húsi! Sigurinn vannst örugglega með 24 vinningum af 24 og lét Ólafur H. Ólafsson skákstjóri þau orð falla í lok mótsins að aðeins í undantekningartilfellum hafi þetta gerst áður. En hann hefur séð um skákstjórn á þessum Jólamótum frá árinu 1982! Tveir drengir úr Rimaskólasveitinni áttu einmitt þátt í sams konar sigri Rimaskóla í yngri flokknum í fyrra! Það eru þeir Jón Trausti Harðarson og Dagur Ragnarsson sem nú tefldu á 1. og 2. borði.

Í öruggu 2. sæti var svo Laugalækjarskóli með 18 vinninga, sem tefldi fram "nýrri" sveit í þessum flokki, en Laugalækjarskóli vann þetta mót í fyrra með liðsmönnum sem að mestu leyti er komnir upp úr grunnskóla. Í þriðja sæti var svo A-sveit Hagaskóla með 13,5 vinning. Sveitirnar frá Hagaskóla setja alltaf skemmtilegan og segja má hátíðlegan svip á keppnina með sínum hefðbundna klæðnaði, en drengirnir mæta iðulega í hvítri skyrtu og með bindi eða slaufu á skákmótið.

Eins og áður sagði var einungis ein stúlknasveit með. Það er verðugt verkefni fyrir skólana að hvetja stúlkurnar á unglingastiginu til þátttöku í skákmótum og mæta með stúlknasveitir að ári liðnu til að auka keppni í stúlknaflokknum. Stúlkurnar úr Engjaskóla, með Elínu Nhung Reykjavíkurmeistara stúlkna 2010 á 1. borði, sátu því einar að verðlaununum í stúlknaflokki að þessu sinni. 

Jólaskákmótið fór fram í félagsheimili Taflfélags Reykjavíkur. Mótsstjóri var Soffía Pálsdóttir, ÍTR. Skákstjórar voru Ólafur H. Ólafsson og Sigurlaug Regína Friðþjófsdóttir. Birna Halldórsdóttir sá um veitingar á meðan mótinu stóð.

Heildarúrslit í eldri flokki (8.-10. bekkur) urðu sem hér segir:

• 1. Rimaskóli A-sveit              24 v. af 24.
• 2. Laugalækjarskóli A-sveit   18 v.
• 3. Hagaskóli A-sveit              13,5 v.
• 4. Laugalækjarskóli B-sveit   13 v.
• 5. Álftamýrarskóli B-sveit     12,5 v.
• 6. Hagaskóli C-sveit               12 v.
• 7. Rimaskóli B-sveit               11,5 v.
• 8. Engjaskóli A-sveit              10,5 v.            
• 9. Álftamýrarskóli A-sveit     10 v.
• 10. Hagaskóli B-sveit                        9,5 v.
• 11. Engjaskóli-stúlkur                        9,5 v.

 

Rimaskóli A sveit:

1. Jón Trausti Harðarson
2. Dagur Ragnarsson
3. Hrund Hauksdóttir
4. Kristinn Andri Kristinsson

 Laugalækjarskóli:

1. Rafnar Friðriksson
2. Garðar Sigurðarson
3. Jóhannes Kári Sólmundarson
4. Ingvar Ingvarsson

 Hagaskóli A-sveit:

1. Kristján Daði Finnbjörnsson
2. Sindri Ingólfsson
3. Ólafur Haraldsson
4. Guðmundur Þ. Guðmundsson

1. varam. Fróði Guðmundsson

 Engjaskóli-stúlkur:

1. Elín Nhung Viggósdóttir
2. Ásdís Aðalsteinsdóttir
3. Arndís Einarsdóttir
4. Filipia Geirsdóttir

Myndaalbúm mótsins

Múrarinn í jólaskapi

21 þátttakandi skráði sig í baráttuna um jólabækurnar þegar Skákfélag Vinjar hélt jólamótið sitt í Vin í gær.  Mótið var afar hressandi, ekki síst þar sem borgarstjórinn hann Jón Gnarr setti mótið með stæl og lék fyrsta leikinn fyrir Björn Sölva Sigurjónsson, jókerinn í Skákfélagi Vinjar, gegn Hinrik P. Friðrikssyni. Borgarstjóranum fannst Björn fullbrattur að leika a4 og vildi meina að hann ætti betri kosti en Björn gaf sig ekki enda hokinn af reynslu.

Mótið var býsna jafnt og spennandi og ekkert gefið eftir. Kjartan Guðmundsson og Birgir Berndsen stóðust þó áhlaup og árásir glerharðra skákmanna og enduðu jafnir  með fimm og hálfan af sex. Kjartan hafði þetta þó á hálfu stigi. Tvær skákkonur, þær Inga Birgisdóttir og Elsa María Kristínardóttir, voru með og rusluðu þessu upp, urðu í þriðja og fjórða sæti með fjóra vinninga eins og Jorge Fonseca og Siguringi Sigurjóns sem komu í því fimmta og sjötta.

Með borgarstjóra var aðstoðarmaður hans, Björn Blöndal í för og forseti Skáksambandsins hann Gunnar Björnsson heiðraði samkunduna. Það gerðu einnig þau Anna Stefánsdóttir formaður Rauða kross Íslands og framkvæmdastjórinn, Kristján Sturluson.

 Róbert Lagerman, sem kom heim  eftir gott mót í Harkany í Ungverjalandi  stuttu fyrir mót,  stjórnaði en þurfti ekkert að dæma því þetta var jólamót.

Bókaútgáfan Sögur gaf glænýjar jólabækur fyrir efstu fimm sætin og svo kræktu þeir Csaba Daday, Jón Gauti Magnússon og Knútur Ottested sér í bækur í happadrætti sem góður gestur, Kristján Örn Elíasson skákfrömuður, sá um ásamt skákstjóra.                                        

Eftir þrjár umferðir var gert hlé og ráðist á mini jólahlaðborð þar sem vöfflur, piparkökur og svo einhver hollusta þöktu borð.

Myndirnar tók Hrafn Jökulsson auk nokkurra þátttakenda.

Myndaalbúm mótsins

• 1. Kjartan Guðmundsson 5,5 
• 2. Birgir Berndssen 5.5
• 3. Ingibjörg Edda Birgisdóttir 4
• 4. Elsa María Kristínardóttir 4 
• 5. Jorge Fonseca 4
• 6. Siguringi Sigurjónsson 4 
• 7. Csaba Daday 3,5
• 8. Finnur Kr. Finnsson 3.5 
• 9. Gunnar Freyr Rúnarsson 3
• 10. Aðalsteinn Thorarenssen 3
• 11. Knútur Ottersted 3 
• 12. Björn Sölvi Sigurjónsson 3
• 13. Pétur Blöndal 3
• 14. Arnar Valgeirsson 3
• 15. Jón Gauti Magnússon 2,5
• 16. Böðvar Böðvarsson 2.5
• 17. Gunnar Nikulásson 2
• 18.Guðmundur Valdimar Guðmundsson 2
• 19. Hinrik Páll Friðriksson 2
• 20. Ómar Örn Björnsson 2 
• 21 Bjartmar Orri Arnarsson 1

Friðriksmót Landsbankans - Íslandsmótið í hraðskák 2010

Friðriksmót Landsbankans - Íslandsmótið í hraðskák fer fram í útibúi Landsbankans við Austurstræti 11 sunnudaginn 19. desember.   Gera má ráð fyrir að flestir sterkustu skákmenn landsins taki þátt.  Skráning fer fram á Skák.is.  Skákmenn eru hvattir til að skrá sig sem fyrst enda takmarkast þátttaka við um 70 manns.

Tefldar verða 11 umferðir með 7 mínútna umhugsunartíma á mann og er reiknað með að mótið standi á milli 13 og 16:30.

Verðlaun eru sem hér segir:

• 1) 100.000 kr.
• 2)   60.000 kr.
• 3)   50.000 kr.
• 4)   30.000 kr.
• 5)   20.000 kr.

Aðalverðlaun skiptast séu menn jafnir að vinningum.  

Aukaverðlaun:

• Efsti unglingurinn 16 ára og yngri: 10.000 kr.
• Efsta konan: 10.000 kr.
• Efsti maður með 2200 stig og minna: 10.000 kr.
• Efsti maður með 2000 stig og minna: 10.000 kr.

Aukaverðlaun eru miðað við nýjustu útgefin íslensk skákstig.   Reiknuð eru stig séu menn jafnir og efstir. 

Efsti keppandi mótsins verður Íslandsmeistari í hraðskák.   Verði tveir eða fleiri efstir ræður stigaútreikningur. 

Þetta er sjöunda árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki og búist er við að ýmsir af mestu skákmeisturum landsins verði með á mótinu.   

Fyrri sigurvegarar:

• 2009 - Héðinn Steingrímsson
• 2008 - Helgi Ólafsson
• 2007 - Héðinn Steingrímsson
• 2006 - Helgi Áss Grétarsson
• 2005 - Jón Viktor Gunnarsson og Arnar E. Gunnarsson
• 2004 - Jóhann Hjartarson og Stefán Kristjánsson

Jólamót í Vin í dag

Skákfélag Vinjar og Hrókurinn halda jólamót í Vin, Hverfisgötu 47 næsta mánudag, 6.des.

Mótið hefst klukkan 13:15 og gott að skrá sig aðeins tímanlega. Verður það með hátíðlegum blæ, boðið er upp á piparkökur, vöfflur og allskyns djúsí! 

Borgarstjóri Reykvíkinga, Jón Gnarr, setur mótið og mun svo leika fyrsta leikinn.

Tefldar verða 6 umferðir með 7 mínútna umhugsunartíma.  

Efstu keppendur fá glænýjar, volgar og ilmandi jólabækur frá bókaútgáfunni SÖGUR að launum auk þess sem þrír heppnir þátttakendur fá bók í happadrætti.

Skákstjórn tekur að sér flugþreyttur og nýlentur - frá Harkany í Ungverjalandi, - varaforseti Hróksins, Róbert Lagerman.

Allir algjörlega velkomnir.

Jólamót TR og ÍTR: Tvöfaldur sigur Rimaskóla í yngri flokki

Í dag fór hið árvissa Jólaskákmót Íþrótta-og tómstundaráðs Reykjavíkur og Taflfélags Reykjavíkur fram. Þetta skákmót hefur verið haldið í áratugi og er fyrir skáksveitir frá grunnskólum Reykjavíkur. Í dag var teflt í yngri flokki en það eru nemendur úr 1.- 7. bekkjum grunnskólanna. Veitt voru verðlaun fyrir þrjár efstu drengjasveitirnar (eða opnu sveitirnar, þar sem sveitirnar eru blandaðar stúlkum og drengjum) og þrjár efstu stúlknasveitirnar. Teflt var í einum flokki, 6 umferðir eftir Monradkerfi með 15. mínútna umhugsunartíma. 17 sveitir voru skráðar til leiks, þar af 4 stúlknasveitir.

Rimaskóli bar sigur úr býtum í báðum flokkunum. Drengjasveit Rimaskóla, A-sveit, fékk 20 vinninga af 24 mögulegum og stúlknasveit Rimaskóla, sem vann stúlknaflokkinn, varð í þriðja sæti yfir mótið í heildina með 16 vinninga, sem er glæsilegur árangur. Skemmtilegt að skóli getur státað af svo jöfnum sveitum í drengja-og stúlknaflokki. Sigursveitirnar frá Rimaskóla mættust í síðustu umferð og gerðu jafntefli á öllum borðum. En það var svo Melaskóli sem varð í 2. sæti í mótinu með 18 vinninga. Engjaskóli, A-sveit, fékk bronsverðlaunin með 14 vinninga og varð hærri á stigum en Langholtsskóli sem fékk einnig 14 vinninga. Í öðru sæti í stúlknaflokki varð Engjaskóli með 13 vinninga og í 3. sæti  varð Árbæjarskóli með 9 vinninga.

Fyrstu þrjár sveitirnar í hvorum flokki fyrir sig fengu medalíur og sigursveitirnar eignabikar og farandbikar til varðveislu fram að næsta Jólaskákmóti.

Jólaskákmótið fór mjög vel fram. Meðal keppenda voru mörg börn sem þegar hafa töluverða reynslu í keppni á skákmótum, svo lítið var um vafaatriði á meðan mótinu stóð, sem skákstjórar þurftu að skera úr um. Einn keppandinn afrekaði m.a. að tefla nokkrar umferðir, skjótast síðan að spila á tónleikum í Langholtskirkju á meðan einni umferð stóð og koma aftur og halda áfram að tefla! Ekki skemmdi svo fyrir að margir liðsstjóranna eru reyndir skákmenn og héldu vel utan um sín lið. Birna Halldórsdóttir sá um veitingar á meðan mótinu stóð sem er ómissandi þáttur í skákmóti sem þessu sem tekur um þrjá og hálfan tíma. Margir foreldrar, systkini, afar og ömmur voru meðal áhorfenda sem setti skemmtilegan svip á mótið. 

Jólaskákmótið fór fram í félagsheimili Taflfélags Reykjavíkur. Mótsstjóri var Soffía Pálsdóttir, ÍTR. Skákstjórar voru Ólafur H. Ólafsson og Sigurlaug Regína Friðþjófsdóttir.

Keppni í eldri flokki fer fram á morgun, mánudaginn 6. desember og hefst klukkan 17. Eins og í dag verður teflt í félagsheimili T.R., Skákhöllinni að Faxafeni 12.

Heildarúrslit í yngri flokki urðu sem hér segir:

• 1. Rimaskóli A-sveit              20 v. af 24.
• 2. Melaskóli                            18 v.
• 3. Rimaskóli-stúlkur               16 v.
• 4. Engjaskóli A-sveit              14 v. 74 stig.
• 5. Langholtsskóli                    14 v. 66 stig
• 6. Hólabrekkuskóli                 13,5 v.
• 7. Engjaskóli-stúlkur              13 v.
• 8. Árbæjarskóli                       12,5 v.            
• 9. Rimaskóli B-sveit               12 v.
• 10. Borgaskóli 11,5 v.
• 11. Laugalækjarskóli11,5 v.
• 12. Fossvogsskóli 11,5 v.
• 13. Engjaskóli B-sveit 11 v.
• 14. Skóli Ísaks Jónssonar 10 v.
• 15. Selásskóli 10 v.
• 16. Árbæjarskóli-stúlkur 9 v.
• 17. Skóli Ísaks Jónssonar-stúlkur 8,5 v.

Rimaskóli A sveit:

1. Oliver Aron Jóhannesson
2. Kristófer Jóel Jóhannesson
3. Jóhann Arnar Finnsson
4. Viktor Ásbjörnsson

Melaskóli:

1. Veronika Steinunn Magnúsdóttir
2. Leifur Þorsteinsson
3. Dagur Logi Jónsson
4. Breki Jóelsson

1. varam. Valtýr Már Michaelsson

Engjaskóli A-sveit:

1. Helgi G. Jónsson
2. Jóhannes K. Kristjánsson
3. Ísak Guðmundsson
4. Jón Gunnar Guðmundsson

Rimaskóli-stúlkur:

1. Nancy Davíðsdóttir
2. Svandís Rós Ríkharðsdóttir
3. Ásdís Birna Þórarinsdóttir
4. Tinna Sif Aðalsteinsdóttir

Engjaskóli-stúlkur:

1. Honey Bargamento
2. Aldís Birta Gautadóttir
3. Rosa Róbertsdóttir
4. Alexandra Einarsdóttir

1. varam. Sara Sif Helgadóttir
2. varam. Sara H. Viggósdóttir

 

Árbæjarskóli-stúlkur:

1. Sólrún Elín Freygarðsdóttir
2. Halldóra Freygarðsdóttir
3. Ólöf Ingólfsdóttir
4. Iveta Chardarova

1. varam. Aníta Nancíardóttir

Myndaalbúm mótsins

Skákþáttur Morgunblaðsins: Larry Evans og samvinnan við Bobby Fischer

Sennilega var þetta rétt hjá Bent Larsen. Að þeir hafi komið inn í skákina með lögmál götustrákanna. Og gatan? Þar sem 42. stræti í New York rennur í gegnum Broadway og heilsar upp á Times Square sem margir kalla nafla alheimsins. Larry Evans, sem lést hinn 15. nóvember sl., 78 ára gamall, sat á því horni löngum stundum á árunum í kringum 1950 og tefldi við vegfarendur upp á 10 sent - og lærði öll „trixin" í leiðinni. Hann varð fyrst skákmeistari Bandaríkjanna árið 1951, 19 ára gamall. Time Magazine greindi frá því sumarið '72 að nokkrum árum síðar hefði annar ungur skákmaður, sem þá gekk undir nafninu „The robot", farið að dæmi Evans og teflt upp á peninga til þess að komast í bíó: Bobby Fischer. Stundum hurfu þessir ungu menn inn í hrikalega búllu við 42. stræti, „The Flea House", en þangað vöndu komur sínar ýmsir skrautlegir karakterar, tefldu, spiluðu kotru eða póker. Frægastur fastagesta var sennilega gamli heimsmeistarinn í fjölbragðaglímu, Kola Kwariani, betur þekktur sem „Nick the Wrestler". Sá lék í mynd Stanleys Kubricks frá 1956 „The Killing".

Nokkrum skrefum frá var hægt að ganga inn á „Tad's Steaks" og fá gegn vægu gjaldi verstu nautasteikur í heimi.

Samvinna þeirra Bobbys Fischers og Larrys Evans er nú hluti skáksögunnar. Árið 1964 skipulagði Evans fjöltefla-leiðangur Fischers um flest ríki Bandaríkjanna. Hvert fjöltefli kostaði 250 dali sem var dágóður skildingur í þá daga. Evans ritaði a.m.k. 20 skákbækur, ritstýrði „Modern Chess Openings" og skrifaði pistla í dagblöð vítt og breitt um Bandaríkin. En þekktast er framlag hans til hinnar frægu bókar Fischers „My 60 Memorable Games" sem kom út árið 1969. Evans ritaði inngang fyrir hverja skák og skrifaði upp eftir Fischer leikjaraðir, slanguryrði og nokkra ógleymanlega frasa. Þegar prenta átti bókina vildi Bobby skyndilega hætta við allt saman, en gaf sig að lokum með þeim rökum, að heimurinn væri hvort eð er að farast og í lagi að slíta upp fáeina dali áður en það gerðist. Í formála þakkar hann Evans fyrir hjálpina með óvenju hlýlegum hætti. Evans var aðstoðarmaður Fischers í áskorendaeinvígjunum 1971 en þeim sinnaðist þegar Fischer tefldi lokaeinvígið við Tigran Petrosjan í Buenos Aires. Hann kom til Íslands vegna einvígis aldarinnar, tefldi fjöltefli í skákklúbbnum í Glæsibæ og sat tímunum saman í Laugardalshöll og vann að bók um einvígið. Þegar allt var í óvissu um titilvörn Fischers árið 1974 bárust Evans tvö bréf frá Bobby Fischer sem birtust í lesendadálki „Chess Life and Review". Lesa má sáttatón úr bréfunum en þó er ekkert gefið eftir:

Sjá stöðumynd

Chess Life and Review - nóvemberhefti 1974.

„Kæri Larry... Þú fullyrðir í júníheftinu bls. 398 sem svar við bréfi Larrys Jadzaks að þetta sé öruggt jafntefli. Alveg er þetta dæmigert fyrir þá tilhneigingu þína að setja fram yfirborðskennda og vitlausa niðurstöðu. Eftir 29. Kd3 Rxf5 30. Be5 er jafnteflið víðsfjarri t.d. 30.... Kf7 31. Ke4 Re7 32. Bc3 ásamt Ke5 sem vinnur. Kannski tekst þér að sanna fyrir lesendum eitthvert „rinky-dink"- jafntefli en þú platar mig ekki - svarta staðan er koltöpuð..."

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í sunnudagsmogganum, 28. nóvember 2010.

Skákþættir Morgunblaðsins

KORNAX mótið 2011 - Skákþing Reykjavíkur hefst sunnudaginn 9. janúar

KORNAX mótið 2011 - Skákþing Reykjavíkur hefst sunnudaginn 9. janúar kl. 14. Tefldar verða 9 umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram á miðvikudögum og föstudögum kl. 19.30 og á sunnudögum kl. 14.  Teflt er í húsnæði Taflfélags Reykjavíkur að Faxafeni 12.

Verðlaun:

• 1. sæti kr. 120.000
• 2. sæti kr. 60.000
• 3. sæti kr. 30.000
• Besti árangur undir 2000 skákstigum kr. 15.000 (íslensk stig gilda)
• Besti árangur undir 1800 skákstigum kr. 15.000 (íslensk stig gilda)
• Besti árangur undir 1600 skákstigum - bókaverðlaun (íslensk stig gilda)
• Besti árangur undir stigalausra - bókaverðlaun

Sigurvegarinn hlýtur auk þess nafnbótina Skákmeistari Reykjavíkur 2011 og farandbikar til varðveislu í eitt ár.  Núverandi Skákmeistari Reykjavíkur er Hjörvar Steinn Grétarsson.

 

Þátttökugjöld:

• kr. 4.000 fyrir 16 ára og eldri
• kr. 2.000 fyrir 15 ára og yngri

Dagskrá:

• 1. umferð sunnudag   9. janúar  kl. 14
• 2. umferð miðvikudag 12. janúar  kl. 19.30
• 3. umferð föstudag     14. janúar  kl. 19.30
• 4. umferð sunnudag   16. janúar  kl. 14
• 5. umferð miðvikudag 19. janúar  kl. 19.30
• 6. umferð föstudag      21. janúar  kl. 19.30
• 7. umferð sunnudag    23. janúar  kl. 14
• 8. umferð miðvikudag 26. janúar  kl. 19.30
• 9. umferð föstudag      28. janúar  kl. 19.30

 

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur, http://www.taflfelag.is.

Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Glæsileg verðlaun á Afmælismóti Jóns L. Árnasonar í Hótel Glym!

Glæsilegir vinningar eru í boði á Afmælisskákmóti Jóns L. Árnasonar í Hótel Glym, Hvalfirði, sunnudaginn 12. desember. Keppt verður um 50.000 króna verðlaunapott og fjölda annarra verðlauna. Listamenn, hönnuðir og ferðaþjónustuaðilar á Vesturlandi hafa tekið höndum saman, svo úr verður mikil vinningaveisla.
 

• Gisting fyrir tvo í tvær nætur í lúxushúsi í Glym og málsverður á hótelinu. Andvirði 79.000 kr.
• Glerlistaverk eftir Ólöfu Davíðsdóttur. Andvirði 50.000 kr.
• Skartgripur eftir Dýrfinnu Torfadóttur. Andvirði 40.000 kr.
• Gisting fyrir tvo með morgunverði á Hótel Hamri. Andvirði 30.000 kr.
• Ævintýrasigling að eigin vali með Sæferðum. Andvirði 20.000 kr.
• Tröllagönguferð í Fossatúni, bók og geisladiskur. Andvirði 15.000 kr.
• Gjafabréf á Landnámssetrið í Borgarnesi og Egilssýninguna fyrir 2 fullorðna og börn. Andvirði 10.000 kr.

 
Þá gefa bókaforlögin Sögur útgáfa, Bjartur, Forlagið og Opna splunkunýjar bækur og dvd-diska fyrir börn og fullorðna, meðal annars kjörgripi á borð við Alheiminn, Sigla himinfley, Blæbrigði vatnsins og Íslenska þjóðhætti, auk skáldsagna og barnabóka.
 
Afmælismót Jóns L. Árnasonar er öllum opið, en meðal keppenda verða stórmeistararnir Helgi Ólafsson, Jóhann Hjartarson og Jón L. Árnason, sem varð fimmtugur 13. nóvember. Það er mótshöldurum mikil ánægja að mega þannig heiðra fyrsta heimsmeistara Íslendinga í skák.
 
Verðlaun eru veitt í mörgum flokkum, m.a. fyrir bestan árangur grunnskólabarna, kvenna, eldri borgara og stigalausra. Tefldar verða níu umferðir með sjö mínútna umhugsunartíma. Þátttaka er ókeypis.
 
Í Hótel Glym er fyrsta flokks aðstaða til tafliðkunar, fagurt útsýni og frábærar veitingar. Hótelið er staðsett í norðanverðum firðinum og þangað er aðeins 30-40 mínútna akstur frá Reykjavík.
 
Áhugasamir eru hvattir til að skrá sig sem fyrst hjá [e-mail] eða [e-mail].
 
Linkar:
Hvar er Hótel Glymur? http://www.hotelglymur.is/?action=fotur_hvarerglymur
Hótel Glymur, heimasíða http://www.hotelglymur.is/