Friðrik gerði jafntefli í 2. umferð

Friðrik Ólafsson (2440) gerði stutt jafntefli við tékknesku skákkonuna Katerina Nemkova (2369) í 2. umferð alþjóðlega mótsins í Prag þar sem gamalreyndir skákmenn tefla við skákkonur. 

Í þriðju umferð, sem fram fer á morgun, teflir Friðrik við tékknesku skákkonuna Jönu Jacková (2360).    

Skákirnar hefjast kl. 15.  Einnig er vert að benda á Skákhornið þar sem Eyjólfur Ármannsson fer yfir skákirnar.  

 

• Heimasíða mótsins
• Skákirnar í beinni
• Skákhornið

Arnar og Björn í úrslitum Íslandsmótsins í atskák

Atskákmeistarar Íslands, síðustu tvö árin, Arnar E. Gunnarsson og Björn Þorfinnsson mætast í úrslitum Íslandsmótsins í atskák.  Arnar vann Davíð Kjartansson í undaúrslitum en Björn sigraði Sigurð Daða Sigfússon.  Ekki liggur fyrir hvenær úrslitaeinvígið fer fram.

Úrslit í 3. umferð (8 manna úrslit)

Arnar Gunnarsson	Stefán Bergsson	2-0
Björn Þorfinnsson	Rúnar Berg	2-1
Davíð Kjartansson	Hlíðar Þ. Hreinsson	1½-½
Sigurður D. Sigfússon	Hjörvar S. Grétarsson	2-1

Úrslit i 4. umferð (undanúrslit)

Arnar Gunnarsson	Davíð Kjartansson	2½-1½
Björn Þorfinnsson	Sigurður D. Sigfússon	2-1

Úrslit

Arnar Gunnarsson

Björn Þorfinnsson

 

Heimasíða SÍ

Friðrik Ólafsson að tafli í Prag

Friðrik Ólafsson (2440) situr nú að tafli í Prag þar sem hann tekur þátt í móti þar sem gamalreyndir skákmeistarar tefla við skákkonur.  Í fyrstu umferð, sem nú er hægt að fylgjast með í beinni, teflir Friðrik við úkraínsku skákkonuna Anna Usenina (2496), sem er alþjóðlegur meistari.  

Með Friðriki í liði gamalreyndra tefla Anatoly Karpov (2651), Vlastimil Hort (2478) og, sjálf holdtekning frönsku varnarinnar, Wolfgang Uhlmann (2417).   

Fulltrúar kvennanna eru Victoria Cmilyte (2512), áðurnefnd Anna Usenina (2496), Katarina Nemcova (2369) og Jana Jackova (2360).

Skákirnar hefjast kl. 15.  Einnig er vert að benda á Skákhornið þar sem Eyjólfur Ármannsson fer yfir skákirnar.  

• Heimasíða mótsins
• Skákirnar í beinni
• Skákhornið

Atskákmót Reykjavíkur fer fram á mánudag

Atskákmót Reykjavíkur sem jafnframt er atskákmót Hellis fer fram mánudaginn 1. desember.  Mótið fer fram í félagsheimili Hellis, Álfabakka 14 í Mjódd. Tefldar verða 6 umferðir með Monrad-kerfi og hefur hvor keppandi 15 mínútur á skák. Mótið hefst kl. 19:30.

Verði tveir jafnir í baráttunni um annanhvorn titilinn verður teflt tveggja skáka hraðskákeinvígi. Verði jafnt að því loknu verður tefldur hraðskákbráðabani. Verði fleiri en tveir jafnir verður tefld einföld umferð, hraðskák. Verði enn jafnt, þá bráðabani.  

Núverandi atskákmeistari Reykjavíkur er Arnar Gunnarsson en núverandi atskákmeistari Hellis er Sigurbjörn Björnsson.

Verðlaun:

• 1. 10.000
• 2. 5.000 
• 3. 3.000

 Þátttökugjöld:

• 16 ára og eldri: 800 kr
• 15 ára og yngri: 400 kr.

Patrekur sigraði á spennandi fimmtudagsmóti

Hinn ungi og efnilegi, Patrekur Maron Magnússon, sigraði á fimmtudagsmóti TR sem fram fór í gærkvöldi.  Hlaut hann 8 vinninga af 9 eftir að hafa verið með fullt hús framan af móti eða þar til hann beið lægri hlut gegn Þóri Ben í 6. umferð. 

Við þetta hljóp nokkur spenna í mótið en Patrekur missteig sig ekki það sem eftir var og
hélt forystunni allt til enda.  Þórir varð annar með 7,5 vinning og þriðji með 6,5 vinning varð Helgi Brynjarsson.

Úrslit (Óttar Felix tefldi einungis 1.-4. umf.):

1   Patrekur Maron Magnússon 8 v af 9
2   Þórir Benediktsson      7.5 v
3   Helgi Brynjarsson 6,5 v
4   Kristján Örn Elíasson 6 v
5-8  Rúnar Berg, Jón Gunnar Jónsson, Dagur Kjartansson, Páll Andrason 5
v
9-11  Jon Olav Fivelstad, Ingi Tandri Traustason, Dagur Andri Friðgeirsson
4 v
12-14 Birkir Karl Sigurðsson, Brynjar Níelsson, Tjörvi Schiöth 3 v
15   Óttar Felix Hauksson 2 v af 4
16   Benjamín Gísli Einarsson 1 v

Næsta mót fer fram nk fimmtudag kl. 19.30.

Íslandsmótið í atskák hefst í kvöld

Íslandsmót í atskák 2008 fer fram dagana 28. - 30 nóv.  nk. í húsnæði Taflfélags Reykjavíkur að Faxafeni 12.  Skráningarfrestur hefur verið lengdur og verður fram eftir degi. 

Mótið fer fram samkv. 11. grein Skáklaga Skáksambands Íslands:

Atskákmót Íslands
skal haldið í einu þrepi.  Öllum er heimil þátttaka og skal teflt með útsláttarfyrirkomulagi.  Raðað verður í mótið skv. atskákstigum og ákvæðum reglugerðar stjórnar S.Í. um mótið.

Dagskrá mótsins:

• Föstudagur 28. nóvember                  kl. 18.30          1. umferð (tvöföld)
• Föstudagur 28. nóvember                  kl. 21.30          2. umferð        "
• Laugardagur 29. nóvember                kl. 13.00          3. umferð        "
• Laugardagur 29. nóvember                kl. 17.00          4. umferð        "
• Sunnudagur 30. nóvember                 kl. 13.00          5. umferð        "

Úrslitaeinvígið verður teflt síðar.

Verðlaun:

•   1. verðlaun      kr. 120.000.-
•   2. verðlaun      kr.   80.000.-
•   3. verðlaun      kr.   40.000.-
•   4. verðlaun      kr.   40.000.-

Þátttökugjöld:           

• kr. 1.000.- fyrir fullorðna
• kr.    500.- fyrir 15 ára og yngri.

Skráningu skal senda í tölvupósti á [e-mail] eða tilkynna í síma 694 9140 virka daga kl. 10-13.  Skráningu verður lokað á hádegi föstudaginn 28. nóvember.

Góð byrjun í Belgrad

Allir íslensku skákmennirnir unnu sínar skákir í fyrstu umferð Belgrad Trophy, sem fram fór í dag, í Belgrad í Serbíu en allir tefldu þeir við stigalægri heimamenn. 

Jón Viktor Gunnarsson (2430) vann Marko Nikolic (2063), Dagur Arngrímsson (2392) sigraði Ljuboje Bekic (2014),  Snorri G. Bergsson (2340) lagði Miljoe Ratkovic (2099) og Guðmundur Kjartansson (2284) vann Ratko Mitrovic (1920).  

Í 2. umferð, sem fram fer á morgun, tefla þeir aftur allir við stigalægri andstæðinga.

230 skákmenn taka þátt í mótinu og þar af 17 stórmeistarar og 18 alþjóðlegir meistarar.   

Heimasíða mótsins

 

Fimmtudagsmót hjá TR í kvöld

Hin hefðbundnu fimmtudagsmót Taflfélags Reykjavíkur halda áfram í kvöld.  Tefldar verða 9 umferðir með 7 mínútna umhugsunartíma og hefst mótið kl. 19.30 en húsið opnar kl. 19.10.  Fríar veitingar í boði og sigurvegarinn fær að launum glæsilegan verðlaunapening.  Teflt er í skákhöll Taflfélags Reykjavíkur að Faxafeni 12 og þátttökugjald er kr 500 en frítt fyrir 15 ára og yngri.

Ísland hafnaði í 64. sæti í opnum flokki – Armenar ólympíumeistarar

Íslenska liðið í opnum flokki hafnaði í 64. sæti, neðst norðurlandanna, á Ólympíuskákmótinu, sem lauk í Dresden í dag en liðið fékk 11 stig. 

Armenar urðu ólympíumeistarar með 19 stig, Ísraelsmenn aðrir með 18 stig og Bandaríkjamenn og Úkraínumenn  3.-4. sæti með 17 stig.

Norðmenn og Svíar urðu efstir norðurlandanna með 14 stig.  Norðmenn enduðu í 21. sæti en Svíar í því 25.  Finnar og Danir fengu 13 stig, Færeyingar 12 stig og Íslendingar 11 stig.

Árangur íslenska liðsins (stigaárangur í sviga)

• 1.       SM Hannes Hlífar Stefánsson 5½ v. af 10 (2554)
• 2.       SM Héðinn Steingrímsson 4 v. af 7 (2511)
• 3.       SM Henrik Danielsen 4½ v. 9 (2414)
• 4.       AM Stefán Kristjánsson 6 v. af 10 (2407)
• 5.       SM Þröstur Þórhallsson 4 v. af 8 (2226)

Stefán hækkar um 1 stig en aðrir lækka á stigum.  Hannes og Héðinn lækka um 1 stig, Henrik um 8 stig og Þröstur um 15 stig.

Liðið hefur aldrei áður hafnað svo neðarlega á ólympíuskákmóti en slakasti árangurinn hingað var árið 2000 þegar liðið hafnaði í 55. sæti. 

• Heimasíða mótsins
• Chess-Results
• Færsluflokkur Skák.is um Ól 2008
• Allar skákirnar
• Skákir íslenska liðsins í opnum flokki
• Skákir íslenska liðsins í kvennaflokki
• Myndir frá mótinu (Gunnar Finnlaugsson og Omar Salama)

Viðureignir lokaumferðarinnar

Þá liggja fyrir lið morgundagsins en ellefta og síðasta umferð Ólympíuskákmótsins fer fram í fyrramálið og hefst kl. 9.  Hjá strákunum hvílir Héðinn Steingrímsson en hjá stelpunum hvílir Elsa María Kristínardóttir.

Báðar sveitirnar tefla niður fyrir sig og vonandi að þær endi mótið með stæl!

Viðureignir morgundagsins:

Bo.	64	Paraguay (PAR)	Rtg	-	45	Iceland (ISL)	Rtg	0 : 0
29.1	GM	Bachmann Axel	2555	-	GM	Stefansson Hannes	2575
29.2	GM	Franco Ocampos Zenon	2501	-	GM	Danielsen Henrik	2492
29.3	FM	Kropff Ricardo	2286	-	IM	Kristjansson Stefan	2474
29.4	FM	Peralta Eduardo	2257	-	GM	Thorhallsson Throstur	2455

Bo.	78	Uruguay (URU)	Rtg	-	65	Iceland (ISL)	Rtg	0 : 0
33.1		Colombo Camila	2071	-	WGM	Ptacnikova Lenka	2237
33.2		Silva Natalia	2029	-	WFM	Thorsteinsdottir Gudlaug	2156
33.3		De Leon Patricia	1748	-		Thorsteinsdottir Hallgerdur	1915
33.4		Donatti Sofia	1678	-		Fridthjofsdottir Sigurl Regin	1806

• Heimasíða mótsins
• Chess-Results
• Færsluflokkur Skák.is um Ól 2008
• Allar skákirnar
• Skákir íslenska liðsins í opnum flokki
• Skákir íslenska liðsins í kvennaflokki
• Myndir frá mótinu (Gunnar Finnlaugsson)