MP Reykjavíkurskákmótið 2011 jafnframt Norðurlandaskákmót

Nú er ljóst að MP Reykjavíkurskákmótið 2011 verður jafnframt Norðurlandamótið í skák árið 2011.  Reykjavíkurskákmótið fékk 4 atkvæði af 6 en Færeyingar, Svíar og Finnar studdu umsókn Íslands.  Danir og Norðmenn studdu hins vegar Politiken Cup sem Norðurlandamótið í skak 2011. 

Jafnframt verða Norðurlandamót kvenna og öldunga haldin á Íslandi á næsta ári en tímasetning þeirra móta liggur ekki fyrir.   Sömu þjóðir studdu þær umsóknir en Danir sóttust einnig eftir því mótshaldi.    

Afmælismót Friðriks Ólafssonar í Djúpavík

Dagana 19. til 21. júní verður Skákhátíð í Árneshreppi 2010. Hápunktur verður Afmælismót Friðriks Ólafssonar í Djúpavík, laugardaginn 19. júní. Mótið er öllum opið og meðal keppenda verða meistararnir Jóhann Hjartarson, Helgi Ólafsson, Guðfríður Lilja Grétarsdóttir, Gunnar Björnsson, Ingólfur Benediktsson og Björn Torfason og Friðrik, sem í ár fagnar 75 ára afmæli. Sérstakur gestur hátíðarinnar er Ivan Sokolov, sem sigrað hefur á fjölda alþjóðlegra móta, hérlendis sem erlendis.

Þetta er þriðja árið í röð sem Hrókurinn og félagar efna til skákhátíðar í Árneshreppi. Árið 2008 sigraði Helgi Ólafsson á Minningarmóti Páls Gunnarssonar og tryggði sér sæmdarheitið Djúpavíkurmeistari í skák. Helgi varði titilinn með glæsilegum sigri á Minningarmóti Guðmundar Jónssonar frá Stóru-Ávík, sem fram fór í Djúpavík í fyrra.

Mótið er öllum opið. Keppnisgjald er 1500 krónur en ókeypis fyrir börn, 18 ára og yngri, og fólk eldra en 60 ára. Þá er ókeypis fyrir konur, enda fer Afmælismót Friðriks fram á sjálfan kvennadaginn.

 Teflt er í gömlu síldarverksmiðjunni í Djúpavík, sem reist var á fjórða áratug síðustu aldar og var þá stærsta verksmiðja á Íslandi. Andblær liðins tíma, einstök náttúrufegurð og blómlegt mannlíf í Árneshreppi skapa frábært andrúmsloft fyrir hátíð, þar sem skákunnendur úr öllum áttum koma saman.

Það er sérlega ánægjulegt að hátíðin í ár skuli tileinkuð afmæli Friðriks Ólafssonar, sem fyrstur Íslendinga varð stórmeistari í skák og var um árabil í hópi fremstu skákmanna heims.

Hátíðin hefst á föstudagskvöldið 18. júní með tvískákmóti, en það er skemmtilegt keppnisform þar sem tveir eru saman í liði. Afmælismót Friðriks Ólafssonar er haldið laugardaginn 19. júní og daginn eftir verður hraðskákmót í Kaffi Norðurfirði. Þá verður efnt til hliðarviðburða af ýmsu tagi, auk þess grillað verður og efnt í mikla brennu. Þá gefst gestum að sjálfsögðu tími til að kynnast dásemdum Árneshrepps og njóta lífsins þar sem vegurinn endar.

Veitt verða peningaverðlaun á Afmælismóti Friðriks Ólafssonar en ekki er minna vert um vinninga frá fólkinu í Árneshreppi. Í fyrra gátu menn unnið bátsferð á Hornstrandir, gistingu í rómantísku smáhýsi á heimskautsbaug, gómsætt lambalæri, listilega prjónaðar húfur, trefla og vettlinga, útskorna muni úr rekaviði og fleira og fleira.

Búast má við mörgum góðum gestum, auk þess sem heimamenn á Ströndum fjölmenna að vanda. Æskilegt er að keppendur skrái sig sem fyrst og gangi frá gistingu. Nánari upplýsingar og skráning hjá Hrafni Jökulssyni í [e-mail] og Róbert Lagerman í [e-mail] eða 6969658. 

Dagskrá Skákhátíðar í Árneshreppi 2010:

Föstudagur 18. júní: Tvískákmót í Djúpavík, klukkan 20.

Laugardagur 19. júní: Afmælismót Friðriks Ólafssonar í Djúpavík, klukkan 13. Verðlaunaafhending klukkan 17. Grill og brenna um kvöldið.

Sunnudagur 20. júní: Hraðskákmót í Kaffi Norðurfirði, klukkan 13

Gististaðir í Árneshreppi:

• Hótel Djúpavík, sími 4514037
• Gistihús Norðurfjarðar, sími 554 4089
•  Gistihúsið Bergistangi í Norðurfirði, sími 4514003
• Finnbogastaðaskóli (tjaldstæði, svefnpokapláss), sími 4514012
• Ferðafélag Íslands, Norðurfirði, sími 4514017

 

Fróðlegar vefsíður:

• Hótel Djúpavík 
• Kaffi Norðurfjörður
• Strandir -- fréttasíða
• Litlihjalli -- fréttasíða
• Freydís -- siglingar um Strandir
• Strandakrakkar
• Kört -- landsins skemmtilegasta safn

Stigamót Hellis hefst á föstudaginn

Stigamót Taflfélagsins Hellis verður haldið í áttunda sinn sinn dagana 4.-6. júní.   Fyrirkomulagi mótsins hefur verið mismunandi í gegnum tíðina en að þessu sinni er mótið helgarskákmót og er öllum opið.  Góð verðlaun eru í boði á mótinu.  Skráningarform vegna mótsins er komið á heimasíðu Hellis.

Hægt er fylgjast með skráningu á slóðinni: http://spreadsheets.google.com/ccc?key=0Arg3nCphWhFydGFLLWJPNlVxUTB3RGFFOVVPcVJmcWc&hl#gid=0 og á Chess-Results.  12 keppendur eru þegar skráðr til leiks en enn vantar að hinir sterkari skákmenn skrái til leiks.

Keppendalistinn (2. júní kl. 8:00):

 

No.	Name	Rtg	Club/City
1	Bjornsson Eirikur K	2013	TR
2	Johannsdottir Johanna Bjorg	1714	Hellir
3	Ulfljotsson Jon	1700	Vík
4	Johannesson Oliver	1531	Fjölnir
5	Hardarson Jon Trausti	1500	Fjölnir
6	Palmarsson Erlingur Atli	1455	SSON
7	Sigurdsson Birkir Karl	1448	SFÍ
8	Leosson Atli Johann	1360	KR
9	Johannesson Kristofer Joel	1295	Fjölnir
10	Kolka Dawid	1170	Hellir
11	Kristinsson Kristinn Andri	0	Fjölnir
12	Kristjansson Throstur Smari	0	Hellir

 

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.  

Síðasta tækifæri fyrir marga til að tefla kappskákir innanlands í sumar.   

Núverandi Stigameistari Hellis er Bragi Þorfinnsson

Umferðatafla:

• 1.-4. umferð, föstudaginn 4. júní (19:30-23:30) 5. umferð, laugardaginn 5. júní (11-15) 6. umferð, laugardaginn 5. júní (17-21) 7. umferð, sunnudaginn 6. júní (11-15)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.blog.is
• Sími: 866 0116 (Vigfús eða símsvari)

Tímamörk:

• •1.-4. umferð: 20 mínútur + 5 sekúndur á leik
• •5.-7. umferð: 1½ klst. + 30 sekúndur á leik

Minningarmót um Margeir Steingrímsson hefst á föstudaignn á Akureyri

Skákfélag Akureyrar heldur minningarmót um Margeir Steingrímsson sem lést á sl. ári. Mótið fer fram dagana 4. - 6. júní í Íþróttahöllinni.

Margeir Steingrímsson var fæddur 4. október 1921, d. 9. maí 2009.   Margeir var skákmeistari Akureyrar 1952, skákmeist Akureyrar 1949, 1953 og 1959.

Margeir var fyrst kosinn í stjórn Skákfélags Akureyrar 1952 og hefur unnið mikið starf fyrir félagið m.a. við Skákfélagsblaðið í rúm fjörutíu ár.   Margeir var gerður að heiðursfélaga Skákfélags Akureyrar árið 1989.

Á mótinu verða tefldar sjö umferðir eftir monrad kerfi. Fyrstu fjórar umferðirnar  eru tefldar föstudagskvöldið 4. júní og hefst taflið kl. 20.00 og verða tefldar atskákir, 25 mínútur á keppenda.

Tímamörkin í síðustu þrem umferðunum verða 90 mínútur + 30 sekúndur við hvern leik.

Dagskrá:

• 1.- 4. umferð  föstudagur     4. júní kl. 20.00
•      5. umferð  laugardagur   5. júní kl. 13.00
•      6. umferð  laugardagur   5. júní kl. 19.30
•      7. umferð   sunnudagur   6. júní kl. 13.00

              

Verðlaun:

Vegleg verðlaun verða veitt á mótinu og verða peningaverðlaun eigi minna en kr. 50.000

Veitt verða verðlaun fyrir þrjú efstu sætin, 1 verðlaun kr. 25.000

Auk þess verða veitt aukaverðlaun  í:

•  Öldungaflokki 60 ára og eldri.
•  Í stigaflokki 1701 til  2000      og  í 1700 stig og minna
•  Í unglingaflokki 15 ára og yngri verða veitt þrenn verðlaun.

Keppnisgjald kr. 2500 og fyrir 15 ára og yngri kr. 1500.

Skráning send í netfangið [e-mail]   og í síma 862 3820 (Gylfi).

Björn hraðskákmeistari Hellis

Alþjóðlegi meistarinn Björn Þorfinnsson sigraði á sterku og fjölmennu Hraðskákmóti Hellis sem fram fór í kvöld.  Í öðru sæti varð Hjörvar Steinn Grétarsson en þessir tveir skákmenn voru í nokkrum sérflokki.  Ingvar Þór Jóhannesson varð þriðji.  Þetta er fjórði hraðskákmeistaratitill Björns sem hefur sigrað á mótinu oftast allra.   Á myndinni sem fylgir má sjá verðlaunahafa mótsins.

Skákstjórn önnuðust Vigfús Ó. Vigfússon, Andri Áss Grétarsson og Gunnar Björnsson.   

Lokastaðan:

 

Rank		Name	Rtg	Club	Pts
1	IM	Thorfinnsson Bjorn	2383	Hellir	12
2		Gretarsson Hjorvar Steinn	2358	Hellir	11
3	FM	Johannesson Ingvar Thor	2330	Hellir	9½
4	FM	Olafsson David	2322	Hellir	9
5		Bjornsson Gunnar	2129	Hellir	9
6		Bergsson Stefan	2079	SA	9
7		Kjartansson David	2300	Fjölnir	9
8		Thorsteinsdottir Hallgerdur	1946	Hellir	9
9	FM	Gretarsson Andri A	2325	Hellir	8½
10		Kristinardottir Elsa Maria	1720	Hellir	8
11		Johannsson Orn Leo	1710	TR	7½
12		Rodriguez Fonseca Jorge	2037	Haukar	7
13		Stefansson Orn	1767	Hellir	7
14		Vigfusson Vigfus	1997	Hellir	6½
15		Johannsdottir Johanna Bjorg	1705	Hellir	6½
16		Andrason Pall	1587	SSÍ	6½
17		Ulfljotsson Jon	0	Vík	6½
18		Lee Gudmundur Kristinn	1534	SSÍ	6½
19		Petursson Stefan Mar	0	Haukar	6½
20		Ragnarsson Dagur	0	Fjölnir	6½
21		Kristinsson Kristinn Andri	0	Fjölnir	6½
22		Hardarson Jon Trausti	0	Fjölnir	6½
23		Kristbergsson Bjorgvin	0	TR	6
24		Sigurdsson Birkir Karl	1446	SSÍ	6
25		Jonsson Robert Leo	0	Hellir	6
26		Gudmundsson Gudmundur G	1607	Haukar	5½
27		Stefansson Vignir Vatnar	0	TR	5½
28		Kolka Dawid	0	Hellir	5
29		Johannesson Petur	0	TR	2

 

 

Aðalfundur Hauka

Aðalfundur Skákdeildar Hauka er annað kvöld (þriðjudag) og hefst kl. 19.  Venjuleg aðalfundarstörf
meðal annars kosning formanns.  Auðbergur Magnússon, sem hefur verið formaður frá stofnun, mun ekki gefa kost á sér  til endurkjörs.   Geir Guðbrandsson gefur kost á sér sem formaður.

Skákbardagar á Vatnsdalshólum

Á laugardagsmorgun  síðasta lögðu ellefu skákmenn á vegum Ása, Skákfélags eldri borgara,  í Reykjavík af stað norður í Vatnsdal til móts við eldri skákmeistara frá Akureyri. Liðin mættust í fínu veiðihúsi í Vatnsdalshólum.

Karl Steingrímsson einn af Akureyringum hafði útvegað þennan stað og sá um allar veitingar ásamt konu sinni og nutu allir frábærra veitinga hjá þeim á laugardag og sunnudag og vilja sunnanmenn færa þeim bestu þakkir fyrir.  

Á laugardag var keppt í 15 mín. skákum í A og B riðli.

Í A riðli sigruðu Reykvíkingar með 24 vinningum gegn 12 vinningum Akureyringa.

Í B riðli snerist dæmið við þar sigruðu Akureyringar með 19 vinningum gegn 11 vinningum Reykvíkinga.

Heildarúrslit Reykvíkingar 35 vinningar

                  Akureyringar  31  -------

Á sunnudagsmorgun fór fram hraðskákkeppni.

Þar fengu Akureyringar 63 ½ vinning gegn 57 ½ vinningum Reykvíkinga.

Þetta var í áttunda skipti sem þessi keppni fer fram.

Flesta vinninga í A riðli fékk Björn Þorsteinsson eða 5 vinninga af 6.

Hjá Akureyringum var Ólafur Kristjánsson efstur með 4 vinninga af 6

Í B riðli stóð Ari Friðfinnsson sig best af Akureyringum með 5 ½ af 6

Finnur Kr Finnsson fékk flesta vinninga Reykvíkinga eða 3 ½ af 6

Á laugardagskvöldið var svo haldið grín hraðskákmót meðan beðið var eftir fyrstu tölum úr kosningunum.

Jónas Þorvaldsson og Björn Þorsteinsson voru efstir þar.

Hraðskákmót Hellis fer fram í kvöld

Hraðskákmót Hellis verður haldið mánudaginn 31. maí nk. og hefst það kl. 20.00. Teflt er í Hellisheimilinu, Álfabakka 14a. Heildarverðlaun á mótinu eru kr. 15.000.  Tefldar verða 7 umferðir 2*5 mínútur.  Núverandi hraðskákmeistari Hellis er Davíð Ólafsson. Þetta er í sextánda sinn sem mótið fer fram.  Björn Þorfinnsson og Davíð Ólafsson hafa hampað titlinum oftast eða þrisvar sinnum hvor þeirra.

Verðlaun skiptast svo:

1. 7.500 kr.
2. 4.500 kr.
3. 3.000 kr.

Þátttökugjöld eru kr. 400 fyrir félagsmenn en kr. 600 fyrir aðra. Fyrir unglinga í Helli eru þau kr. 300 en kr. 400 fyrir aðra.

Stigamót Hellis hefst á föstudaginn

Stigamót Taflfélagsins Hellis verður haldið í áttunda sinn sinn dagana 4.-6. júní.   Fyrirkomulagi mótsins hefur verið mismunandi í gegnum tíðina en að þessu sinni er mótið helgarskákmót og er öllum opið.  Góð verðlaun eru í boði á mótinu.  Skráningarform vegna mótsins er komið á heimasíðu Hellis.

Hægt er fylgjast með skráningu á slóðinni: http://spreadsheets.google.com/ccc?key=0Arg3nCphWhFydGFLLWJPNlVxUTB3RGFFOVVPcVJmcWc&hl#gid=0 og á Chess-Results.

Þátttökugjöld eru kr. 3.000 fyrir fullorðna og 2.000 kr. fyrir 15 ára og yngri og rennur óskipt í verðlaunasjóð mótsins.  

Síðasta tækifæri fyrir marga til að tefla kappskákir innanlands í sumar.   

Núverandi Stigameistari Hellis er Bragi Þorfinnsson

Umferðatafla:

• 1.-4. umferð, föstudaginn 4. júní (19:30-23:30) 5. umferð, laugardaginn 5. júní (11-15) 6. umferð, laugardaginn 5. júní (17-21) 7. umferð, sunnudaginn 6. júní (11-15)

Verðlaun:

• 1. 50% af þátttökugjöldum
• 2. 30% af þátttökugjöldum
• 3. 20% af þátttökugjöldum

Skráning:

• Vefsíða: http://www.hellir.blog.is
• Sími: 866 0116 (Vigfús eða símsvari)

Tímamörk:

• •1.-4. umferð: 20 mínútur + 5 sekúndur á leik
• •5.-7. umferð: 1½ klst. + 30 sekúndur á leik

Minningarmót um Margeir Steingrímsson hefst á föstudaginn á Akureyri

Skákfélag Akureyrar heldur minningarmót um Margeir Steingrímsson sem lést á sl. ári. Mótið fer fram dagana 4. - 6. júní í Íþróttahöllinni.

Margeir Steingrímsson var fæddur 4. október 1921, d. 9. maí 2009.   Margeir var skákmeistari Akureyrar 1952, skákmeist Akureyrar 1949, 1953 og 1959.

Margeir var fyrst kosinn í stjórn Skákfélags Akureyrar 1952 og hefur unnið mikið starf fyrir félagið m.a. við Skákfélagsblaðið í rúm fjörutíu ár.   Margeir var gerður að heiðursfélaga Skákfélags Akureyrar árið 1989.

Á mótinu verða tefldar sjö umferðir eftir monrad kerfi. Fyrstu fjórar umferðirnar  eru tefldar föstudagskvöldið 4. júní og hefst taflið kl. 20.00 og verða tefldar atskákir, 25 mínútur á keppenda.

Tímamörkin í síðustu þrem umferðunum verða 90 mínútur + 30 sekúndur við hvern leik.

Dagskrá:

• 1.- 4. umferð  föstudagur     4. júní kl. 20.00
•      5. umferð  laugardagur   5. júní kl. 13.00
•      6. umferð  laugardagur   5. júní kl. 19.30
•      7. umferð   sunnudagur   6. júní kl. 13.00

              

Verðlaun:

Vegleg verðlaun verða veitt á mótinu og verða peningaverðlaun eigi minna en kr. 50.000

Veitt verða verðlaun fyrir þrjú efstu sætin, 1 verðlaun kr. 25.000

Auk þess verða veitt aukaverðlaun  í:

•  Öldungaflokki 60 ára og eldri.
•  Í stigaflokki 1701 til  2000      og  í 1700 stig og minna
•  Í unglingaflokki 15 ára og yngri verða veitt þrenn verðlaun.

Keppnisgjald kr. 2500 og fyrir 15 ára og yngri kr. 1500.

Skráning send í netfangið [e-mail]   og í síma 862 3820 (Gylfi).