Oliver Aron , Hrund og Vignir Vatnar unnu NETTÓ-bikarana á TORG-skákmóti Fjölnis

Mikil eftirvænting var meðal þeirra 46 grunnskólabarna sem settust að tafli á 6. TORG-skákmóti Fjölnis sem haldið var í verslunarmiðstöðinni Hverafold í Grafarvogi. Eftir að Gunnar Björnsson forseti skáksambandsins hafði leikið fyrsta leik mótsins fyrir Hilmi Hrafnsson efnilegan skákmann úr Grafarvogi þá hófst baráttan á hverju borði enda gátu flestir þátttakendur gert sér vonir um verðlaun sem voru 35 talsins.

Ungir skákmenn voru áberandi og setur það skemmtilegan svip á mótið. Teflt var í þremur flokkum, eldri flokk, fjölmennum stúlknaflokk og ennþá fjölmennari yngri flokk f. 2000 - 2004. Í öllum flokkum var hörð keppni um sigur enda öllum skákáhugamönnum  ljóst að breiddin í skákinni er til staðar á öllum aldursstigum grunnskólans. Þegar keppni lauk að loknum sex umferðum stóðu þeir efstir og jafnir að vinningum Oliver Aron Jóhannesson Rimaskóla og Birkir Karl Sigurðsson Salaskóla. Þeir gerðu innbyrðis jafntefli í 5. umferð en unnu alla aðra andstæðinga sína. Oliver Aron reyndist hærri á stigum og vann NETTÓ-bikarinn.

Í flokki stúlkna varð Hrund Hauksdóttir Rimaskóla efst líkt og í fyrra og hlaut 5 vinninga. Alls tefldu 14 stúlkur á mótinu og urðu þær Sóley Lind Pálsdóttir Hvaleyrarskóla og Nansý Davíðsdóttir Rimaskóla í næstu sætum.

Í yngri flokk sigraði skáksnillingurinn ungi Vignir Vatnar Stefánsson Hörðuvallaskóla. Hann hlaut 4,5 vinninga og að launum glæsilegan NETTÓ-bikar sem hann tók stoltur við enda fyrsti bikarinn hans en örugglega ekki sá síðasti. Vignir Vatnar hefur svo sannarlega sett mark sitt á TORG-mótin. Hæfileikar hans voru uppgötvaðir á TORG-skákmótinu 2009 og nú ári síðar sigrar hann glæsilega yngri flokk og vinnur sinn fyrsta bikar. Í öðru æti í yngri flokk varð annar stórefnilegur skákmaður, Jóhann Arnar Finnsson Rimaskóla sem tefldi mjög vel allar skákirnar.

Eins og áður kom fram unnu flestir þátttakendur til verðlauna auk þess sem NETTÓ Grafarvogi sá til þess að allir fengju ljúffengar veitingar í skákhléi. Skákstjórar voru þeir Helgi Árnason, formaður skákdeildar Fjölnis, Gunnlaugur Egilsson og Finnur Kr. Finnsson. Fjöldi foreldra og viðskiptavina Torgsins fylgdust með mótinu.

Skákdeild Fjölnis vill þakka fyrirtækjum í verslunarmiðstöðinni Hverafold fyrir frábæran stuðning við mótshaldið og þann velvilja sem skákdeildin finnur frá eigendum.

Eldri flokkur

• 1-2  Oliver Aron Jóhannesson   5,5   vinninga
•        Birkir Karl Sigurðsson
• 3     Hrund Hauksdóttir               5   vinninga
• 4     Rafnar Friðriksson            4,5  vinninga
• 5-8  Kristinn Andri Kristinsson     4  vinninga
•        Róbert Leó Jónsson
•        Gauti Páll Jónsson  
•        Gabríel Orri Duret

Stúlknaflokkur

 

• 1      Hrund Hauksdóttir               5 vinninga
• 2-3   Sóley Lind Pálsdóttir           4 vinninga
•         Nansý Davíðsdóttir
• 4      Svandís Rós Ríkharðsdóttir  3,5 vinninga
• 5-8   Elín Nhung                         3 vinninga
•         Tara Sóley Mobee
•         Sonja María Friðriksdóttir
•         Ásdís Birna Þórarinsdóttir

Yngri flokkur

 

• 1.    Vignir Vatnar Stefánsson     5 vinninga
• 2.    Jóhann Arnar Finnsson        4,5 vinninga
• 3-5  Dawid Kolka                       4  vinninga
•        Hilmir Hrafnsson
•        Heimir Páll Ragnarsson  

Myndaalbúm mótsins

 

Páll sigraði á fimmtudagsmóti

Páll Snædal Andrason sigraði örugglega í gær og varð þar með fyrstur til að vinna fimmtudagsmót öðru sinni í vetur. Hann stóð að lokum upp sem eini taplausi keppandinn en fram að síðustu umferð átti Eggert Ísólfsson líka möguleika á að vinna mótið. Tap Eggerts í síðustu umferð þýddi að Páll varð einum og hálfum vinningi fyrir ofan næstu menn.

Lokastaðan í gærkvöldi varð:

• 1     Páll Snædal Andrason                   6.5
• 2-4   Eggert Ísólfsson                       5
•       Eiríkur Örn Brynjarsson                5 
•       Birkir Karl Sigurðsson                 5
• 5-10  Eiríkur K. Björnsson                   4 
•       Ingi Tandri Traustason                 4    
•       Áslaug Kristinsdóttir                  4
•       Örn Leó Jóhannsson                     4 
•       Elsa María Kristínardóttir             4 
•       Stefán Már Pétursson                   4       
• 11-12 Vignir Vatnar Stefánsson               3.5    
•       Eyþór Trausti Jóhannsson               3.5   
• 13-15 Kristján Sverrison                     3      
•       Kristinn Andri Kristinsson             3  
•       Gauti Páll Jónsson                     3     
• 16-18 Gunnar Friðrik Ingibergsson            2.5    
•       Óskar Long Einarsson                   2.5    
•       Björgvin Kristbergsson                 2.5   
•  19   Eysteinn Högnason                      1     

Myndir frá Íslandsmóti unglingasveita

 

 

 

 

Myndir hafa borist frá Íslandsmóti skákfélaga.   Myndirnar eru frá Vigfúsi Ó. Vigfússyni, Páli Sigurðssyni og Kristján Erni Elíassyni.  Á meðfylgjandi mynd má sjá Íslandsmeistara sameiginlegrar sveita UMFL og SFÍ fagna Íslandsmeistaratitlinum. 

Eyþór Trausti Jóhannsson Birkir Karl Sigurðsson, Guðmundur Kristinn Lee og Emil Sigurðarson.

Myndaalbúm mótsins

 

 

Skákþáttur Morgunblaðsins: Fyrsti heimsmeistari Íslendinga fimmtugur

Haustið 1977 sneri Jón Loftur Árnason frá Cagnes sur mer, Frakklandsmegin við Miðjarðarhafið, nýkrýndur heimsmeistari sveina 16 ára og yngri og engir smákarlar skáksögunnar sem hann atti kappi við: Garrí Kasparov og Nigel Short. Mér er til efs að nokkur íslenskur afreksmaður hafi hlotið þvílíka umfjöllun fjölmiðla og fylgdi í kjölfar þessa sigurs. Þetta ár varð hann einnig skákmeistari Íslands 16 ára, sá yngsti í skáksögunni. Í dag, 13. nóvember, fagnar Jón L. fimmtíu ára afmæli sínu.

 

Ég er ekki viss um að Jón hafi endilega látið sig dreyma um þann heimsmeistaratitil sem Kasparov féll í skaut átta árum síðar en afrek hans á skáksviðinu á löngum ferli eru ótal mörg: stórmeistari 1986, um tíma í hópi 50 stigahæstu skákmanna heims, Íslandsmeistari 1977, 1982 og 1989, sigurvegari á alþjóðlega Reykjavíkurmótinu 1988 og 1990, meðlimur í sigursælustu skáksveit Íslendinga fyrr og síðar o.s.frv.

Það er einhver sjaldséður rómantískur þokki yfir bestu skákum Jóns L. Í ótal mótum og flokkakeppnum lágu leiðir okkar saman. Ólympíuskákmótin hygg ég að hafi verið í sérstöku uppáhaldi hjá honum. Þar stóð hann alltaf fyrir sínu og yfirleitt miklu meira en það. Frægum ósigri fyrir Englendingum í Dubai ´86 svaraði hann með því að launa þeim lambið gráa - tvisvar! 3:1-sigurinn í Manila ´92 gegn nánast sama liði og í Dubai var alveg sérstaklega sætur. Í Novi Sad tveim árum fyrr lagði John Nunn að velli. Skákin lýsir manni sem nær að „endurnýja" sig fyrir mikilvæga viðureign. Spurningin var m.a. þessi: hvaða vopn á að velja þegar teflt er við skákmann sem kann allt og tapar í hæsta lagi 3-4 skákum á ári og hefur í ofanálag ritað þykka doðranta um allar þær byrjanir sem hann teflir? Fyrir skákina fékk Jón léða bók sem Nunn hafði skrifað um Marshall-árásina. Jón hafði ekki áhuga á að þræða krákustíga þess afbrigðis; miklu frekar vildi hann vita hvað Nunn hefði að segja um ýmsar minna kannaðar leiðir. Nunn hafði stundum komið með merkilegar uppástungur sem reyndust honum síðar erfiðar viðfangs. Í sigurskák Jóns er hvert einasta smáskref í byrjun tafls þrungið þekkingu og næmu sálfræðilegu innsæi:

Ol - Novi Sad 1990:

Jón L. Árnason - John Nunn

Spænskur leikur

1. e4 e5 2. Rf3 Rc6 3. Bb5 a6 4. Ba4 Rf6 5. O-O Be7 6. He1 b5 7. Bb3 O-O 8. a4

Hindrar Marshall-árásina sem kemur upp eftir 8. c3 d5.

8. ... Bb7 9. d3 d6 10. Rc3 Ra5 11. Ba2 b4 12. Re2 c5

Einnig kom 12. ... b3 til greina sem Jón hefði sennilega svarað að hætti Tal með 13. cxb3 c5 14. b4! cxb4 15. Rg3.

13. c3 bxc3 14. bxc3 c4 15. Rg3 Rd7 16. Ba3! He8?

Eftir þennan sakleysislega leik á svartur í óyfirstíganlegum erfiðleikum. Hann varð að leika 16. ... g6.

17. Rf5! Dc7 18. Rd2! cxd3 19. Dh5! g6

( Sjá stöðumynd )

20. Bxf7+! Kxf7 21. Dxh7+ Kf6 22. He3!?

Kemur hróknum í sóknina. „Rybka" mælir með 22. Dg7+ Ke6 23. Dxg6+ Rf6 24. Rg7+ Kd7 25. Df5+ og 26. Rxe8. En leikur Jóns er erfiðari viðfangs.

22. ... Rf8 23. Dh8+ Kf7

Eina vörnin var 23. ... Ke6.

24. Hf3! gxf5 25. Dh5+ Rg6 26. Dxf5+

- og Nunn gafst upp. Framhaldið gæti orðið 26. ... Kg7 27. Df7+ Kh6 28. Hh3+ o.s.frv. Glæsilegur sigur

Helgi Ólafsson | [e-mail]

Skákþættir Morgunblaðsins eru birtir á Skák.is u.þ.b. viku síðar en í blaðinu sjálfu.  

Grein þessi birtist í sunnudagsmogganum, 14. nóvember 2010.

Skákþættir Morgunblaðsins

[Event "Novi Sad (ol) 50/377"] [Site "Novi Sad (ol) 50/377"] [Date "1990.??.??"] [EventDate "?"] [Round "?"] [Result "1-0"] [White "Jon Loftur Arnason"] [Black "John Nunn"] [ECO "C84"] [WhiteElo "?"] [BlackElo "?"] [PlyCount "51"] 1.e4 e5 2.Nf3 Nc6 3.Bb5 a6 4.Ba4 Nf6 5.O-O Be7 6.Re1 b5 7.Bb3 O-O 8.a4 Bb7 9.d3 d6 10.Nc3 Na5 11.Ba2 b4 12.Ne2 c5 13.c3 bxc3 14.bxc3 c4 15.Ng3 Nd7 16.Ba3 Re8 17.Nf5 Qc7 18.Nd2 cxd3 19.Qh5 g6 20.Bxf7+ Kxf7 21.Qxh7+ Kf6 22.Re3 Nf8 23.Qh8+ Kf7 24.Rf3 gxf5 25.Qh5+ Ng6 26.Qxf5+ 1-0

Æskan og ellin - Jóhann Örn Sigurjónsson sigraði

VII Strandbergsmótið í skák, Æskan og Ellin, fór fram í gær að Strandbergi, safnaðarheimili Hafnarfjarðarkirkju að viðstöddu fjölmenni. Þátttakendur voru um 80 talsins, yfir 50 ungmenni 15 ára og yngri og hátt í 30 aldnir skákmenn yfir sextugu. 

Forseti Skáksambands Íslands, Gunnar Björnsson, flutti stutt ávarp og lék síðan fyrsta leikinn með aðstoð Sr. Gunnþórs Ingasonar, fyrrv. sóknarprests og verndara Riddarans, skáklúbbs eldri borgara á höfuðborgarsvæðinu sem stóð að mótinu í samvinnu við Skákdeild Hauka í Hafnarfirði.  Elstu þátttakendurnir voru 83 ára og þeir yngstu einungis 6 ára.  Mótinu lauk með veglegu kaffisamsæti í boði Hafnarfjarðarkirkju og verðlaunaafhendingu sem Gunnar Axel Axelsson bæjarfulltrúi annaðist ásamt Einari S. Einarssyni, formanni mótsnefndar.

Páll Sigurðsson, alþl. skákdómari, stýrði mótinu að mikilli prýði.

Mottó mótsins var:  Það ungir nemur gamall temur.

 AÐALÚRSLIT mótsins urðu þau að Jóhann Örn Sigurjónsson (72) KR/Ridd. sigraði með 8 v. af 9 mögulegum annað árið í röð. Í öðru sæti varð Guðmundur Kristinn Lee (15) SFÍ, með 7,5 v., og í þriðja sæti Guðfinnur R. Kjartansson (65), KR/Ridd. með 7 vinninga.  Á eftir þeim fylgdu: Stefán Þormar Guðmundsson, KR/Ridd; Egill Thordarson, Haukum; Hermann Ragnarsson, TR; Gísli Gunnlaugsson, Bol., allir með 6.5 v.  Fast á hæla þeim komu:  Oliver Jóhannesson, Fjölni, (12) og Dagur Ragnarsson (13) og  síðan engir aðrir en Björn Víkingur Þórðarson (79 )og Þór Valtýsson, gamalreyndir skákmenn ofl. með 6 vinning.  

Nánari úrslit úrslit má sjá  hér á síðu Chess Results.

Auk aðalverðlauna mótsins voru veittar viðurkenningar og verðlaun eftir aldurflokkum og þar urðu úrslit á þessa leið:

ALDURSFLOKKAVERÐLAUN:

(Aðalverðlaunahafar ekki meðtaldir)

80 ára og eldri:

Sverrir Gunnarsson, Ridd.  6v.

75 ára og eldri:

Björn Víkingur Þórðarson, Ridd. 6v

13 til 15 ára

Dagur Ragnarsson, Fjölni 6v

Birkir Karl Sigurðsson, SFÍ 6v

Emil Sigurðarson, UMFL 6v

10 -12 ára

Oliver Jóhannesson, Fjölni 6.v

Dawid Kolka, Helli, 6.v.

Veronika Steinun Magnúsdóttir, TR 6.v

9 ára og yngri

Hilmir Freyr Heimisson,  5 v

Vignir Vatnar Stefánsson,  TR 4.5v

Erik Daniel Jóhannesson, Haukum 4v

Elsti keppandinn: 

Jóhannes Kristinsson (83)  3v.

Yngsti keppandinn:

Anton Oddur Jónasson (6) Ísaksskóla, 2.5v.

 

Styrktaraðilar mótsins að þessu sinni voru fjölmargir, því  "Margt smátt gerir eitt stórt".

Auk Hafnarfjarðarkirkju voru  það:  Hafnarfjarðarbær, Verkalýðsfélagið Hlíf, HS-veitur

Landsbankinn, Actavis, Íslandsbanki, Fjarðarkaup, HamborgaraBúllan, Fjörukráin,

BYR-Sparisjóður, Sjóvá, Útfararþjónusta Hafnarfjarðar og Jói Útherji, sem gaf alla

verðlaunagripi.

• Myndaalbúm mótsins
• Chess-Results

Hannes vann í sjöundu umferð í St. Pétursborg

Stórmeistarinn Hannes Hlífar Stefánsson (2585) vann rússneska FIDE-meistarann Jaroslav Ulko (2451) í sjöundu umferð minningarmótsins um Chigorin sem fram fór í St. Pétursborg í dag.   Hannes hefur 5 vinninga og er í 13.-40. sæti.   Hannes mætir Rússa á morgun eins og í öllum umferðunum hingað til.   Þá teflir hann við alþjóðlega meistarann Mikhail Mozerov (2494).

Efstur með 6½ vinning er aserski stórmeistarinn Eltaji Safarali (2607).  Í 2.-5. sæti með 6 vinninga eru stórmeistararnir Ivan Sokolov (2641), Bosníu, og Konstantin Sakaev (2607), Alexey Dreev (2649) og Dmitry Andreikin (2669).

Meðfylgjandi eru skákir Hannesar úr 1.-5. umferð 

Mótið í St. Pétursborg er sautjánda minningarmótið um Chigorin.   Mótið er ægisterkt en 61 stórmeistari tekur þátt og styrkleika mótsins má sjá á því að Hannes er aðeins númer 31 í stigaröð keppenda.  23 skákmenn hafa meira en 2600 skákstig.  Opin skákmót gerast vart sterkari en þetta en alls eru 274 skákmenn skráðir til leiks.  Stigahæstur keppenda er úkraínski stórmeistarinn Anton Korobov (2670).   Meðal annarra keppenda má nefna Íslandsvinina Alexey Dreev (2649), Ivan Sokolov (2641) og Yuriy Kuzubov (2628).

Heimasíða mótsins

Veljið skák (5 alls): 1: Stefansson, Hannes - Mirzoeva, Elmira 2: Solovjov, Sergei I - Stefansson, Hannes 3: Stefansson, Hannes - Iskusnyh, Sergei 4: Lovkov, Roman - Stefansson, Hannes 5: Stefansson, Hannes - Goganov, Aleksey

[Event "M.Chigorin Memorial 2010"] [Site "St. Petersburg RUS"] [Date "2010.10.28"] [Round "1"] [White "Stefansson, Hannes"] [Black "Mirzoeva, Elmira"] [Result "1-0"] [ECO "E69"] [WhiteElo "2585"] [BlackElo "2239"] [PlyCount "71"] 1. c4 Nf6 2. Nf3 g6 3. Nc3 Bg7 4. g3 O-O 5. Bg2 d6 6. d4 Nbd7 7. O-O e5 8. e4 c6 9. b3 exd4 10. Nxd4 Re8 11. h3 Nc5 12. Re1 Qa5 13. Bb2 Qb6 14. Rb1 a5 15. Ba1 Bd7 16. Kh2 Re7 17. Nc2 Qc7 18. Ne3 Rae8 19. Nb5 Qb8 20. Nxd6 Rd8 21. e5 Ne8 22. f4 Be6 23. Bd4 Nxd6 24. Bxc5 Nf5 25. Nxf5 Rxd1 26. Nxe7+ Kh8 27. Rbxd1 Bf8 28. Bd6 Qe8 29. Nd5 cxd5 30. cxd5 Bd7 31. Bxf8 Qxf8 32. e6 Qd6 33. exd7 Qxd7 34. d6 Kg7 35. Re7 Qb5 36. d7 1-0

[Event "M.Chigorin Memorial 2010"] [Site "St. Petersburg RUS"] [Date "2010.10.29"] [Round "2"] [White "Solovjov, Sergei I"] [Black "Stefansson, Hannes"] [Result "0-1"] [ECO "B85"] [WhiteElo "2394"] [BlackElo "2585"] [PlyCount "96"] [EventDate "2010.??.??"] 1. e4 c5 2. Nf3 e6 3. d4 cxd4 4. Nxd4 Nc6 5. Nc3 Qc7 6. Be2 a6 7. O-O Nf6 8. Kh1 Be7 9. f4 d6 10. a4 O-O 11. Be3 Re8 12. Bf3 Na5 13. Qe1 Nc4 14. Bc1 e5 15. fxe5 Nxe5 16. Be2 Be6 17. Bg5 Qb6 18. Rd1 Rac8 19. a5 Qd8 20. Nf5 Bxf5 21. Rxf5 Qxa5 22. Bxf6 Bxf6 23. Rxd6 Rc6 24. Rxc6 bxc6 25. Rf1 Qb4 26. Nd5 Qxb2 27. Nxf6+ gxf6 28. Qg3+ Ng6 29. Bd3 Kg7 30. h3 Re5 31. Qf2 Ra5 32. Qa7 Ra1 33. Bxa6 Ra2 34. e5 Nxe5 35. Qf2 Ng6 36. Bd3 Ra1 37. Qc5 Ne5 38. Be2 Qa3 39. Qf2 Rxf1+ 40. Bxf1 Qc3 41. Kh2 Ng6 42. Bd3 c5 43. Bf5 Qe5+ 44. Kg1 h5 45. Bd3 Qg5 46. Qf5 Nf4 47. Be4 Qg3 48. Kf1 Qe3 0-1

[Event "M.Chigorin Memorial 2010"] [Site "St. Petersburg RUS"] [Date "2010.10.30"] [Round "3"] [White "Stefansson, Hannes"] [Black "Iskusnyh, Sergei"] [Result "1/2-1/2"] [ECO "D11"] [WhiteElo "2585"] [BlackElo "2465"] [PlyCount "31"] [EventDate "2010.??.??"] 1. d4 d5 2. c4 c6 3. Nf3 Nf6 4. e3 a6 5. Bd3 Bg4 6. Nbd2 e6 7. Qc2 dxc4 8. Bxc4 Nbd7 9. e4 Rc8 10. O-O b5 11. Be2 c5 12. Qd1 cxd4 13. Nxd4 Bxe2 14. Qxe2 Nc5 15. N2f3 Be7 16. e5 1/2-1/2

[Event "M.Chigorin Memorial 2010"] [Site "St. Petersburg RUS"] [Date "2010.10.31"] [Round "4"] [White "Lovkov, Roman"] [Black "Stefansson, Hannes"] [Result "1/2-1/2"] [ECO "E46"] [WhiteElo "2414"] [BlackElo "2585"] [PlyCount "120"] [EventDate "2010.??.??"] 1. d4 Nf6 2. c4 e6 3. Nc3 Bb4 4. e3 O-O 5. Nge2 d5 6. a3 Bd6 7. cxd5 exd5 8. Ng3 Re8 9. Bd3 c6 10. Bd2 Nbd7 11. Qc2 b6 12. O-O c5 13. e4 cxd4 14. Nxd5 Bb7 15. Nxf6+ Nxf6 16. f4 Rc8 17. Qb1 Ng4 18. Nf5 g6 19. Nxd6 Qxd6 20. Qd1 Ne3 21. Bxe3 dxe3 22. e5 Qc5 23. Qe2 Red8 24. Rad1 Rxd3 25. Rxd3 Ba6 26. Rfd1 Bxd3 27. Rxd3 Qc1+ 28. Rd1 Qc2 29. Qxc2 Rxc2 30. Re1 Rxb2 31. Rxe3 h5 32. Rc3 a5 33. Rc8+ Kg7 34. Rc7 Kf8 35. Rb7 h4 36. h3 Ke8 37. Kh2 Rb3 38. a4 Rb4 39. g3 Rb2+ 40. Kh1 hxg3 41. Kg1 Kf8 42. Kh1 Rb4 43. Kg2 Rxf4 44. Rxb6 Rxa4 45. Kxg3 Ke7 46. Ra6 Ra1 47. Kf4 a4 48. Kg5 a3 49. Kh6 a2 50. Kg7 g5 51. Kg8 Kd7 52. Kf8 Kc7 53. Ke7 Kb7 54. Ra3 Kb6 55. Ra8 Kc5 56. Ra6 Kd4 57. Kf8 Rh1 58. Rxa2 Rxh3 59. Kxf7 Kxe5 60. Kg6 g4 1/2-1/2

[Event "M.Chigorin Memorial 2010"] [Site "St. Petersburg RUS"] [Date "2010.11.01"] [Round "5"] [White "Stefansson, Hannes"] [Black "Goganov, Aleksey"] [Result "1-0"] [ECO "C99"] [WhiteElo "2585"] [BlackElo "2478"] [PlyCount "48"] [EventDate "2010.??.??"] 1. e4 e5 2. Nf3 Nc6 3. Bb5 a6 4. Ba4 Nf6 5. O-O Be7 6. Re1 b5 7. Bb3 d6 8. c3 O-O 9. h3 Na5 10. Bc2 c5 11. d4 Qc7 12. Nbd2 cxd4 13. cxd4 Nc6 14. Nb3 a5 15. Be3 a4 16. Nbd2 Bd7 17. Rc1 Qb7 18. Nf1 Rfe8 19. Ng3 Bd8 20. Re2 h6 21. Bd3 Rb8 22. Rd2 Bb6 23. Bxb5 Nxd4 24. Nxd4 exd4 1-0

Sigurður og Tómas urðu jafnir og efstir á Haustmóti SA

Lokaumferð Haustmóts Skákfélags Akureyrar var tefld í gær. Fyrir umferðina voru þrír keppendur jafnir og efstir; Tómas Veigar, Sigurður Arnarson og nýbakaði íslandsmeistarinn Jón Kristinn Þorgeirsson. Sigurður Arnarson mætti Andra Frey og Tómas mætti Jóni í úrslitaskák; annaðhvort um titilinn, eða hvor mætti Sigurði Arnarsyni í einvígi um titilinn Skákmeistari SA. Úrslitin urðu eftir bókinni og mætast Tómas og Sigurður í einvígi sem teflt verður fljótlega. Siglfirðingurinn og Goðamaðurinn Jakob Sævar Sigurðsson náði þriðja sætinu og hlýtur eignabikar að launum.

Úrslit:

Jón Kristinn Þorgeirsson - Tómas Veigar Sigurðarson         0-1
Sigurður Arnarson - Andri Freyr Björgvinsson                    1-0
Jakob Sævar Sigurðsson - Jón Magnússon                          1-0
Haukur H. Jónsson - Jóhann Óli Eiðsson                             0-1
Hersteinn Bjarki Heiðarsson - Mikael Jóhann Karlsson       - - +

Lokastaðan:

Tómas Veigar Sigurðarson                 7
Sigurður Arnarson                             7
Jakob Sævar Sigurðsson                    6½
Jón Kristinn Þorgeirsson                    6
Jóhann Óli Eiðsson                            6
Mikael Jóhann Karlsson                     5½
Hersteinn Heiðarsson                         3
Andri Freyr Björgvinsson                  2½
Haukur H. Jónsson                            1
Jón Magnússon                                  ½

 

• Heimasíða SA
• Mótið hjá Chess-Results 
• Skákir mótsins

Unglingameistaramót Íslands (20 ára og yngri) fer fram næstu helgi

Unglingameistaramót Íslands 2010 fer fram í Álfabakka 14a, Mjóddinni, Reykjavík dagana 6. og 7. nóvember nk.  Þátttökurétt eiga þeir sem verða 20 ára á almanaksárinu og yngri.

Sigurvegari á mótinu hlýtur titilinn “Unglingameistari Íslands 2010” og í verðlaun farseðil (á leiðum Icelandair) á skákmót erlendis.

Umferðatafla:            

• Laugardagur 6. nóv.               kl. 13.00          1. umferð
•            “                                  kl. 14.00          2. umferð
•            “                                  kl. 15.00          3. umferð
•            “                                  kl. 16.00          4. umferð
• Sunnudagur 7. nóv.                kl. 11.00          5. umferð
•            “                                  kl. 12.00          6. umferð
•            “                                  kl. 13.00          7. umferð

 

Tímamörk:  25 mín á keppanda

Þátttökugjöld:  kr. 1.000.- (hámark kr. 1.500 á fjölskyldu)

Skráning: http://www.skak.is og [e-mail] 

Carlsen efstur í hálfleik í Nanjing eftir sigur á Topalov

Magnus Carlsen (2826) vann Veselin Topalov (2803) í 5. umferð  í Pearl Spring-mótinu í Nanjing í Kína sem fram fór í morgun.   Carlsen leiðir á mótinu með 4 vinninga en Bacrot (2716) er annar með 3,5 vinning eftir sigur á Wang Yue (2738).  Anand, sem gerði jafntefli við Gashimov (2716) og er þriðji með 2,5 vinning.

Staðan:

• 1. Carlsen (2826) 4 v.
• 2. Bacrot (2716) 3½ v.
• 3. Anand (2800) 2½ v.
• 4. Gashimov (2719) 2 v.
• 5.-6. Wang Yue (2738), og Topalov (2803) 1½v.

Sex skákmenn taka þátt í mótinu og tefld er tvöföld umferð.   Meðalstig eru 2766 skákstig.

Fínt er fyrir árrisula að fylgjast með mótinu en taflmennska hefst kl. 6:30 á morgnanna.

• Heimasíða mótsins
• Beinar útsendingar

Carlsen efstur í Nanjing eftir sigur á Wang Yue - Anand vann Topalov

Leikar æstust á Pearl Spring-mótinu í þriðju umferð sem fram fór í morgun.  Carlsen (2826) virðist vera kominn í "gamla" formið og vann Wang Yue (2738), Anand (2800) vann Topalov (2803) og Bacrot (2716) lagði Gashimov (2719).  

Staðan:

• 1. Carlsen (2826) 2½ v.
• 2. Anand (2800) 2 v.
• 3. Bacrot (2716) 1½ v.
• 4.-6. Wang Yue (2738), Gashimov (2719) og Topalov (2803) 1v.

Sex skákmenn taka þátt í mótinu og tefld er tvöföld umferð.   Meðalstig eru 2766 skákstig.

Fínt er fyrir árrisula að fylgjast með mótinu en taflmennska hefst kl. 6:30 á morgnanna.

• Heimasíða mótsins
• Beinar útsendingar