Skólaskákmót Reykjavíkur - einstaklingskeppni fer fram í dag

Skólaskákmót Reykjavíkur - einstaklingskeppni fer fram mánudaginn 27. apríl og hefst kl.17 og tekur að hámarki þrjár og hálfa klukkustund. Keppninni er skipt í eldri flokk, fyrir nemendur 8.-10. bekkjar, og yngri flokk fyrir nemendur 1.-7. bekkjar.  Rétt til þátttöku eiga allir nemendur í grunnskólum Reykjavíkur. 

Teflt er í húsnæði Taflfélags Reykjavíkur að Faxafeni 12. 

Tefldar verða sjö umferðir eftir Monradkerfi. Umhugsunartími verður 15 mín. á skák.

Umferðataflan er sem hér segir:

Mánudagur.......... 27. apríl......... .kl.17-20.30.............. 1.-7.umferð 

Tveir efstu í eldri flokki og tveir efstu í yngri flokki vinna sér þátttökurétt á landsmót í skólaskák. 

Vinsamlegast tilkynnið þátttöku til mótsstjóra: 

Óttar Felix Hauksson, [e-mail], fs. 897-0057 

Mótsstjóri mun einnig svara fyrirspurnum.

Skáksveit Salaskóla Íslandsmeistari grunnskólasveita

Skáksveit Salaskóla varð í dag Íslandsmeistari grunnskólasveita.  Í 2. sæti varð sveit Rimaskóla og í þriðja sæti varð skáksveit Hagaskóla.

Meiri upplýsingar væntanlegar á morgun.

Lokastaðan:

 

Rk.	Team	TB1
1	Salaskóli A	32
2	Rimaskóli A	29,5
3	Hagaskóli A	25
4	Rimaskóli B	22,5
5	Salaskóli B	21,5
6	Laugalækjarskóli	20,5
7	Hagaskóli C	20
8	Hagaskóli B	19,5
9	Hólabrekkuskóli A	19,5
10	Hjallaskóli C	19
11	Engjaskóli	19
12	Salaskóli C	18,5
13	Holtaskóli A	18,5
14	Rimaskóli C	18
15	Öldutúnsskóli A	18
16	Hólabrekkuskóli C	18
17	Salaskóli D	18
18	Hjallaskóli A	17,5
19	Hólabrekkuskóli B	17,5
20	Hagaskóli D	17,5
21	Hjallaskóli B	17,5
22	Hvaleyrarskóli	17,5
23	Fellaskóli	17
24	Snælandsskóli	17
25	Salaskóli F	15,5
26	Hjallaskóli D	15
27	Salaskóli E	15
28	Hólabrekkuskóli E	14,5
29	Hólabrekkuskóli D	13
30	Salaskóli G	10
31	Hjallaskóli E	9,5
32	Salaskóli H	5

 

Benedikt, Hlynur, Hermína og Helgi hérðasmeistarar HSÞ 2009

Héraðsmót HSÞ í skák fyrir 16 ára og yngri var haldið að Laugum í dag. Alls tóku 20 keppendur þátt í mótinu. Tefldar voru 7 umferðir eftir Monrad-kerfi og var umhugsunartíminn 10 mín á keppanda.

Benedikt Þór Jóhannsson varð héraðsmeistari í flokki 14-16 ára en hann hlaut 6 vinninga af 7 mögulegum, þrátt fyrir að tapa fyrir Snorra Hallgrímssyni, en Snorri hafnaði í 3. sæti í heildarkeppninni með 5 vinninga.

Hlynur Snær Viðarsson varð héraðsmeistari í flokki 4-7 bekkjar með 5,5 vinninga og varð í öðru sæti í heildarkeppninni. 

Hermína Fjóla Ingólfsdóttir vann í stúlkna flokki með 4,5 vinninga og hún hlaut einnig silfur verðlaun í flokki 14-16 ára.

Helgi Þorleifur Þórhallsson varð héraðsmeistari í flokki 1-3 bekkjar með 4 vinninga en Helgi gerði jafntefli við Hlyn í loka umferðinni. Helgi varð í 7. sæti í heildarkeppninni sem er afar góður árangur því Helgi er aðeins á áttunda aldurs ári.

Heildarúrslitin:

1.   Benedikt Þór Jóhannsson           6 vinn    1. sæti.     14-16 ára
2.   Hlynur Snær Viðarsson               5,5        1. sæti.     10-13 ára
3.   Snorri Hallgrímsson                       5           2. sæti      10-13 ára
4.   Valur Heiðar Einarsson                  5           3. sæti      10-13 ára
5.   Hermína Fjóla Ingólfsdóttir       4,5        1. sæti stúlkur og 14-16 ára
6.   Starkaður Snær Hlynsson               4
7.   Helgi Þorleifur Þórhallsson         4           1. sæti.      9 ára og y
8.   Pétur Ingvi Gunnarsson                 4
9.   Ari Rúnar Gunnarsson                    4           2. sæti       9. ára og y
10. Kristján Þórhallsson                       3,5        3. stæti     14-16 ára
11. Clara Sara Pétursdóttir                 3,5        2. sæti       stúlkur
12. Pálmi John Þórarinsson                 3
13. Sigtryggur Vagnsson                     3
14. Bjarni Jón Kristjánsson                  2,5
15. Snorri Vagnsson                            2,5         3. sæti      9. ára og y
16. Jón Aðalsteinn Hermannsson        2,5
17. Inga Freyja Þórarinsdóttir             2,5         3. sæti      stúlkur
18. Eyþór Kári Ingólfsson                    2
19. Helgi James Þórarinsson               1,5
20. Bjargey Ingólfsdóttir                     1,5

Keppendur á héraðsmóti HSÞ í dag. 

Héraðsmótið var loka hnykkurinn á barna og unglingastarfi skákfélagsins Goðans í vetur. Þráðurinn verður síðan tekinn upp aftur í haust, en þá er ætlunin að halda Norðurlandsmót grunnskólasveita í skák í fyrsta skipti.

Salaskóli efstur á Íslandsmóti grunnskólasveita

Skáksveit Salaskóla er efst eftir 5 umferðir á Íslandsmóti grunnskólasveita.   Skáksveitir Rima- og Laugarlækjaskóla eru í 2.-3. sæti 1,5 vinningi á eftir forystusveitinni.

Mótinu lýkur með fjórum síðustu umferðunum á morgun.

Staðan:

 

Rk.	Team	TB1
1	Salaskóli A	17
2	Rimaskóli A	15,5
3	Laugalækjarskóli	15,5
4	Hagaskóli A	15
5	Hagaskóli B	13
6	Rimaskóli B	13
7	Salaskóli B	13
8	Hólabrekkuskóli A	12,5
9	Hagaskóli C	12
10	Holtaskóli A	11,5
11	Hvaleyrarskóli	11,5
12	Fellaskóli	11
13	Rimaskóli C	10,5
14	Salaskóli C	10,5
15	Hjallaskóli A	10
16	Hólabrekkuskóli B	9,5
17	Salaskóli F	9,5
18	Hjallaskóli B	9,5
19	Salaskóli D	9,5
20	Hagaskóli D	9,5
21	Öldutúnsskóli A	9
22	Engjaskóli	9
23	Salaskóli E	9
24	Hjallaskóli C	8
25	Hólabrekkuskóli C	8
26	Hólabrekkuskóli D	7
27	Hólabrekkuskóli E	7
28	Snælandsskóli	6,5
29	Hjallaskóli E	5,5
30	Hjallaskóli D	5
31	Salaskóli G	4,5
32	Salaskóli H	2,5

Chess-Results

Íslandsmót grunnskólasveita hefst í dag

Íslandsmót grunnskólasveita 2009 fer fram í Salaskóla, Kópavogi dagana 25. og 26. apríl nk.  Tefldar verða 9 umferðir eftir Monrad-kerfi - umhugsunartími 20 mín. á skák fyrir hvern keppenda.

Hver skóli getur sent fleiri en eina sveit - en hver sveit er skipuð fjórum nemendum 1. - 10. bekkjar grunnskóla (auk varamanna).  Keppendur skulu vera fæddir 1993 eða síðar.

Dagskrá:

• Laugardagur 25. apríl kl. 13.00          1., 2., 3., 4. og 5. umf.
• Sunnudagur 26. apríl kl. 13.00          6., 7., 8. og 9. umf.

Sigurvegari mótsins hlýtur rétt til þátttöku á Norðurlandamóti grunnskólasveita sem fram fer í Svíþjóð í september næstkomandi.  Viðkomandi skóli ber ábyrgð á skipulagningu og fjármögnun ferðarinnar en Skáksamband Íslands aðstoðar við þjálfun sé þess óskað. 

Daði Steinn og Nökkvi Suðurlandsmeistarar í skólaskák

Í dag fór fram á Hvolsvelli kjördæmismótið fyrir Suðurland.  Hart var barist í bæði yngri og eldri flokki. Það fór svo að Eyjapeyjar höfðu sigur í báðum flokkum.  Í þeim yngri hafði Daði Steinn Jónsson sigur, nokkuð öruggan, hann vann alla andstæðinga sína.  Í eldri flokki hafði Nökkvi Sverrisson einnig mikla yfirburði og vann alla sína andstæðinga.  Þeir verða því fulltrúar Suðurlands á Landsmótinu sem fram fer á Akureyri næstu helgi.

Lokastaða efstu manna:

Yngri flokkur:

1. Daði Steinn Jónsson Barnaskóli Vestmannaeyja 5 vinningar
2. Kristófer Gautason Barnaskóli Vestmannaeyja 3,5 v
3. Emil Sigurðarson Grunnskóli Bláskógabyggðar 3,5 v

Kristófer hlaut annað sætið eftir bráðabana við Emil

Eldri flokkur:

1. Nökkvi Sverrisson Barnaskóli Vestmannaeyja 6 v
2. Sigurður Borgar Ólafsson Hvolsskóli 4 v
3. Kristþór Hróarsson Hvolsskóli 2 v

Kjördæmismót á Suðurlandi fer fram í dag

Föstudaginn 24.apríl fer fram Kjördæmismótið í skák fyrir Suðurland. Mótsstaður er Hvolsskóli á Hvolsvelli, mótið hefst kl 14:00 og má reikna með að það taki ca. 3 klukkustundir, allt eftir fjölda þátttakenda. 

Keppnisrétt eiga allir nemendur skóla í Suðurkjördæmi.  Teflt er í tveimur flokkum 1.-7. bekkur og 8.-10.bekkur.

Sigurvegarar flokka vinna sér inn keppnisrétt á landsmótinu í skólaskák sem fram fer á Akureyri aðra helgi þar sem allur kostnaður er greidur fyrir keppendur.

Veitt verða verðlaun fyrir 3 efstu sæti í hvorum flokki. Auk þess fá heppnir þátttakendur skákbækur að gjöf.

Allar nánari upplýsingar; Magnús s:691 2254

Hörður Aron og Kristín Lísa sumarskákmeistarar Fjölnis 2009

Metþátttaka var í velheppnuðu sumarskákmóti Fjölnis sem haldið var í Rimaskóla á sumardaginn fyrsta. Alls mættu 44 þátttakendur til leiks. Hörður Aron Hauksson Rimaskóla vann mótið og fékk fullt hús vinninga. Næstir honum urðu þeir Dagur Ragnarsson og Oliver Aron Jóhannesson
báðir úr Rimaskóla með 4,5 vinninga.

Í stúlknaflokki tefldu 13 túlkur og þar sigraði Kristín Lísa Friðriksdóttir Rimaskóla. Þau Hörður Aron og Kristín Lísa fengu glæsilega bikara að launum frá Rótarýklúbbnum Grafarvogur - Reykjavík.

Í verðlaun á mótinu voru 10 gjafabréf frá Domino´s Pizza og 5 gjafabréf frá Skífunni. Efstu drengir,
efstu stúlkur og efstu þátttakendur 9 ára og yngri unnu til þessara verðlauna.

Mótsstjórar voru þau Helgi Árnason, Finnur Kr. Finnsson og Sigríður Björg Helgadóttir.

Úrslit:

1.         Hörður Aron Hauksson       Rimaskóla          5 vinninga

2.- 3.   Dagur Ragnarsson             Rimaskóla           4,5 vinninga
            Oliver Aron Jóhannesson   Rimaskóla

4. - 7.  Alex Þór Flosason               Engjaskóla          4
vinninga
            Patrekur Þórsson                Rimaskóla
            Kristófer J. Jóhannesson    Rimaskóla
            Magnús Friðrik Halldórsson   Ísaksskóla 


Stúlkur:

1.         Kristín Lísa Friðriksdóttir      Rimaskóla             
2.         Svandís Rós Ríkharðsdóttir Rimaskóla
3.         Liv Sunnefa Einarsdóttir
4.         Erna Kristín Jónsdóttir         Rimaskóla
5.         Heiðrún Anna Harðardóttir  Rimaskóla
6          Ástrós Halla Harðardóttir     Rimaskóla
7.         Sema Alomrovik                   Rimaskóla

Myndaalbúm frá Helga Árnasyni

Íslandsmót grunnskólasveita fer fram um helgina - skráningafrestur rennur út í dag

Íslandsmót grunnskólasveita 2009 fer fram í Salaskóla, Kópavogi dagana 25. og 26. apríl nk.  Tefldar verða 9 umferðir eftir Monrad-kerfi - umhugsunartími 20 mín. á skák fyrir hvern keppenda.

Hver skóli getur sent fleiri en eina sveit - en hver sveit er skipuð fjórum nemendum 1. - 10. bekkjar grunnskóla (auk varamanna).  Keppendur skulu vera fæddir 1993 eða síðar.

Dagskrá:

• Laugardagur 25. apríl kl. 13.00          1., 2., 3., 4. og 5. umf.
• Sunnudagur 26. apríl kl. 13.00          6., 7., 8. og 9. umf.

Sigurvegari mótsins hlýtur rétt til þátttöku á Norðurlandamóti grunnskólasveita sem fram fer í Svíþjóð í september næstkomandi.  Viðkomandi skóli ber ábyrgð á skipulagningu og fjármögnun ferðarinnar en Skáksamband Íslands aðstoðar við þjálfun sé þess óskað. 

Skráning fer fram hjá Skáksambandi Íslands í síma 568 9141 virka daga kl. 10-13 og í tölvupósti [e-mail].   Skráningu skal lokið í síðasta lagi 23. apríl.

Ath.:  Áríðandi er að sveitirnar séu skráðar fyrirfram.

Sumarskákmót Fjölnis fer fram í dag

Skákdeild Fjölnis heldur í fjórða sinn sitt árlega sumarskákmót. Mótið er opið öllum grunnskólakrökkum á landinu. Mótið er hluti af hátíðarhöldum Grafarvogsbúa á  sumardeginum fyrsta sem haldin verða á lóð og innan húss í Rimaskóla. Skákmótið byrjar að þessu sinni kl. 11:00 og því lýkur tæpum tveimur tímum síðar.

Tefldar verða 5 umferðir með 10 mínútna umhugsunartíma. Eftir mótið er þátttakendum frjálst að taka þátt í hátíðarhöldum Grafarvogsbúa.  Rótarýklúbburinn Reykjavík-Grafarvogur gefur verðlaunabikara og verðlaunapeninga fyrir efstu sæti í drengja-og stúlknaflokki. Dómínós gefa 10 pítsur í verðlaun og einnig verða CD diskar frá Skífunni í boði til þeirra sem best standa sig. Skráning á mótsstað. Þátttaka ókeypis.