Kjördæmismót á Suðurlandi

Föstudaginn 24.apríl fer fram Kjördæmismótið í skák fyrir Suðurland. Mótsstaður er Hvolsskóli á Hvolsvelli, mótið hefst kl 14:00 og má reikna með að það taki ca. 3 klukkustundir, allt eftir fjölda þátttakenda. 

Keppnisrétt eiga allir nemendur skóla í Suðurkjördæmi.  Teflt er í tveimur flokkum 1.-7. bekkur og 8.-10.bekkur.

Sigurvegarar flokka vinna sér inn keppnisrétt á landsmótinu í skólaskák sem fram fer á Akureyri aðra helgi þar sem allur kostnaður er greidur fyrir keppendur.

Veitt verða verðlaun fyrir 3 efstu sæti í hvorum flokki. Auk þess fá heppnir þátttakendur skákbækur að gjöf.

Allar nánari upplýsingar; Magnús s:691 2254

Sumarskákmót Fjölnis fer fram á Sumardaginn fyrsta

Skákdeild Fjölnis heldur í fjórða sinn sitt árlega sumarskákmót. Mótið er opið öllum grunnskólakrökkum á landinu. Mótið er hluti af hátíðarhöldum Grafarvogsbúa á  sumardeginum fyrsta sem haldin verða á lóð og innan húss í Rimaskóla. Skákmótið byrjar að þessu sinni kl. 11:00 og því lýkur tæpum tveimur tímum síðar.

Tefldar verða 5 umferðir með 10 mínútna umhugsunartíma. Eftir mótið er þátttakendum frjálst að taka þátt í hátíðarhöldum Grafarvogsbúa.  Rótarýklúbburinn Reykjavík-Grafarvogur gefur verðlaunabikara og verðlaunapeninga fyrir efstu sæti í drengja-og stúlknaflokki. Dómínós gefa 10 pítsur í verðlaun og einnig verða CD diskar frá Skífunni í boði til þeirra sem best standa sig. Skráning á mótsstað. Þátttaka ókeypis.

Íslandsmót grunnskólasveita

Íslandsmót grunnskólasveita 2009 fer fram í Salaskóla, Kópavogi dagana 25. og 26. apríl nk.  Tefldar verða 9 umferðir eftir Monrad-kerfi - umhugsunartími 20 mín. á skák fyrir hvern keppenda.

Hver skóli getur sent fleiri en eina sveit - en hver sveit er skipuð fjórum nemendum 1. - 10. bekkjar grunnskóla (auk varamanna).  Keppendur skulu vera fæddir 1993 eða síðar.

Dagskrá:

• Laugardagur 25. apríl kl. 13.00          1., 2., 3., 4. og 5. umf.
• Sunnudagur 26. apríl kl. 13.00          6., 7., 8. og 9. umf.

Sigurvegari mótsins hlýtur rétt til þátttöku á Norðurlandamóti grunnskólasveita sem fram fer í Svíþjóð í september næstkomandi.  Viðkomandi skóli ber ábyrgð á skipulagningu og fjármögnun ferðarinnar en Skáksamband Íslands aðstoðar við þjálfun sé þess óskað. 

Skráning fer fram hjá Skáksambandi Íslands í síma 568 9141 virka daga kl. 10-13 og í tölvupósti [e-mail].   Skráningu skal lokið í síðasta lagi 23. apríl.

Ath.:  Áríðandi er að sveitirnar séu skráðar fyrirfram.

Hrund í 2. sæti á NM stúlkna!

Hrund Hauksdóttir endaði í öðru sæti í sínum aldursflokki á Norðurlandamóti stúlkna sem lauk í dag í Stokkhólmi.  Hrund hlaut 3½ vinning og varð í 2.-3. sæti en hafði 2. sætið eftir stigaútreikning.   Jóhanna Björg Jóhannsdóttir varð í 3.-5. sæti en endaði í fimmta sæti eftir stigaútreikning.  

Lokastaða íslensku stúlknanna er sem hér segir:

A-flokkur:

• 4.-7. Hallgerður Helga Þorsteinsdóttir 2½ v.
• 8.-9. Elsa María Kristínardóttir 2 v.

B-flokkur:

• 3.-5. Jóhanna Björg Jóhannsdóttir 3 v.
• 6.-7. Geirþrúður Anna Guðmundsdóttir 2½ v.

C-flokkur:

• 2.-3. Hrund Hauksdóttir 3½ v. (í 2. sæti eftir stigaútreikning)
• 11. Hulda Rún Finnbogadóttir 1 v.

Helgi Ólafsson var liðsstjóri íslensku sendinefndarinnar. 

• Heimasíða mótsins 
• Chess-Results (a-flokkur)
• Chess-Results (b-flokkur)
• Chess-Results (c-flokkur)

Hrund í fjórða sæti á NM stúlkna

Hrund Hauksdóttir er í fjórða sæti í c-flokki á NM stúlkna að lokinni fjórðu og næstsíðustu umferð sem fram fór í morgun í Stokkhólmi.   Staða íslensku stúlknanna er sem hér segir:

 

 

A-flokkur:

• 4.-7. Hallgerður Helga 2 v.
• 7.-9. Elsa María 1½ v.

B-flokkur:

• 5.-6. Jóhanna Björg 2 v.
• 7.-8. Geirþrúður Anna 1½ v.

C-flokkur:

• 4. Hrund 2½ v.
• 11. Hulda Rún 1 v.

Fimmta og síðasta umferð er hafin.   Á heimasíðu mótsins er valdar skákir sýndar beint.  Skákir Jóhönnu og Hrundar úr síðustu umferð eru sýndar beint.

• Heimasíða mótsins 
• Chess-Results (a-flokkur)
• Chess-Results (b-flokkur)
• Chess-Results (c-flokkur)

Skákþing Norðlendinga í yngri flokkum fer fram í dag

Keppni í yngri flokkum á Skákþingi Norðlendinga hefst kl. 13.00 í Íþróttahöllinni á Akureyri á laugardaginn 18. apríl. Keppt verður í fjórum flokkum: Stúlknaflokki, unglingaflokki 13 - 16 ára, drengjaflokki 10 - 12 ára og barnaflokki 9 ára og yngri.

Tímamörk: 15. mínútur á keppenda, og tefldar sjö umferðir eftir monrad kerfi. Keppnisgjald: kr. 500,-  Skráning eigi síðar en kl. 12.50 á keppnisstað á laugardag. Veitt verða þrenn verðlaun í öllum flokkum. 

Hraðskákmót Norðlendinga í yngri flokkum fer fram síðar um daginn og verða tefldar sjö umferðir eftir monrad kerfi.  Keppni hefst sirka um kl. 16.15.

Góð byrjun á NM stúlkna

Vel gekk hjá íslensku stúlkunum í fyrstu umferð NM stúlkna sem fram fór í Stokkhólmi í dag.  Í a-flokki unnu bæði Hallgerður Helga og Elsa María, sú síðarnefnda reyndar í ótefldri skák, Í b-flokki vann Jóhanna Björg Jóhannsdóttir en Geirþrúður Anna Guðmundsdóttir gerði jafntefli og í c-flokki gerði Hrund Hauksdóttir jafntefli en Hulda Rún Finnbogadóttir tapaði.  Á morgun verða tefldar 2 umferðir en alls eru tefldar fimm umferðir.

• Heimasíða mótsins 
• Chess-Results (a-flokkur)
• Chess-Results (b-flokkur)
• Chess-Results (c-flokkur)

Sumarskákmót Fjölnis á sumardaginn fyrsta

Skákdeild Fjölnis heldur í fjórða sinn sitt árlega sumarskákmót. Mótið er opið öllum grunnskólakrökkum á landinu. Mótið er hluti af hátíðarhöldum Grafarvogsbúa á  sumardeginum fyrsta sem haldin verða á lóð og innan húss í Rimaskóla. Skákmótið byrjar að þessu sinni kl. 12:00 og því lýkur tæpum tveimur tímum síðar.

Tefldar verða 5 umferðir með 10 mínútna umhugsunartíma. Eftir mótið er þátttakendum frjálst að taka þátt í hátíðarhöldum Grafarvogsbúa.  Rótarýklúbburinn Reykjavík-Grafarvogur gefur verðlaunabikara og verðlaunapeninga fyrir efstu sæti í drengja-og stúlknaflokki. Dómínós gefa 10 pítsur í verðlaun og einnig verða CD diskar frá Skífunni í boði til þeirra sem best standa sig. Skráning á mótsstað. Þátttaka ókeypis.

Sex íslenskar stúlkur tefla á NM stúlkna

Sex íslenskar stúlkur tefla á NM stúlkna sem fram fer í Stokkhólmi um helgina.  Það eru:

A-flokkur:

• Hallgerður Helga Þorsteinsdóttir (1951)
• Elsa María Kristínardóttir (1759)

B-flokkur:

• Geirþrúður Anna Guðmundsdóttir (1763)
• Jóhanna Björg Jóhannsdóttir (1724)

C-flokkur:

• Hrund Hauksdóttir (1420)
• Hulda Rún Finnbogadóttir (1205)

Helgi Ólafsson, stórmeistari og skólastjóri Skákskólans, verður stúlkunum til halds og traust úti. 

Heimasíða Sænska skáksambandsins

Skákþing Norðlendinga í yngri flokkum

Keppni í yngri flokkum á Skákþingi Norðlendinga hefst kl. 13.00 í Íþróttahöllinni á Akureyri á laugardaginn 18. apríl. Keppt verður í fjórum flokkum: Stúlknaflokki, unglingaflokki 13 - 16 ára, drengjaflokki 10 - 12 ára og barnaflokki 9 ára og yngri.

Tímamörk: 15. mínútur á keppenda, og tefldar sjö umferðir eftir monrad kerfi. Keppnisgjald: kr. 500,-  Skráning eigi síðar en kl. 12.50 á keppnisstað á laugardag. Veitt verða þrenn verðlaun í öllum flokkum. 

Hraðskákmót Norðlendinga í yngri flokkum fer fram síðar um daginn og verða tefldar sjö umferðir eftir monrad kerfi.  Keppni hefst sirka um kl. 16.15.