Múrarinn í jólaskapi

21 þátttakandi skráði sig í baráttuna um jólabækurnar þegar Skákfélag Vinjar hélt jólamótið sitt í Vin í gær.  Mótið var afar hressandi, ekki síst þar sem borgarstjórinn hann Jón Gnarr setti mótið með stæl og lék fyrsta leikinn fyrir Björn Sölva Sigurjónsson, jókerinn í Skákfélagi Vinjar, gegn Hinrik P. Friðrikssyni. Borgarstjóranum fannst Björn fullbrattur að leika a4 og vildi meina að hann ætti betri kosti en Björn gaf sig ekki enda hokinn af reynslu.

Mótið var býsna jafnt og spennandi og ekkert gefið eftir. Kjartan Guðmundsson og Birgir Berndsen stóðust þó áhlaup og árásir glerharðra skákmanna og enduðu jafnir  með fimm og hálfan af sex. Kjartan hafði þetta þó á hálfu stigi. Tvær skákkonur, þær Inga Birgisdóttir og Elsa María Kristínardóttir, voru með og rusluðu þessu upp, urðu í þriðja og fjórða sæti með fjóra vinninga eins og Jorge Fonseca og Siguringi Sigurjóns sem komu í því fimmta og sjötta.

Með borgarstjóra var aðstoðarmaður hans, Björn Blöndal í för og forseti Skáksambandsins hann Gunnar Björnsson heiðraði samkunduna. Það gerðu einnig þau Anna Stefánsdóttir formaður Rauða kross Íslands og framkvæmdastjórinn, Kristján Sturluson.

 Róbert Lagerman, sem kom heim  eftir gott mót í Harkany í Ungverjalandi  stuttu fyrir mót,  stjórnaði en þurfti ekkert að dæma því þetta var jólamót.

Bókaútgáfan Sögur gaf glænýjar jólabækur fyrir efstu fimm sætin og svo kræktu þeir Csaba Daday, Jón Gauti Magnússon og Knútur Ottested sér í bækur í happadrætti sem góður gestur, Kristján Örn Elíasson skákfrömuður, sá um ásamt skákstjóra.                                        

Eftir þrjár umferðir var gert hlé og ráðist á mini jólahlaðborð þar sem vöfflur, piparkökur og svo einhver hollusta þöktu borð.

Myndirnar tók Hrafn Jökulsson auk nokkurra þátttakenda.

Myndaalbúm mótsins

• 1. Kjartan Guðmundsson 5,5 
• 2. Birgir Berndssen 5.5
• 3. Ingibjörg Edda Birgisdóttir 4
• 4. Elsa María Kristínardóttir 4 
• 5. Jorge Fonseca 4
• 6. Siguringi Sigurjónsson 4 
• 7. Csaba Daday 3,5
• 8. Finnur Kr. Finnsson 3.5 
• 9. Gunnar Freyr Rúnarsson 3
• 10. Aðalsteinn Thorarenssen 3
• 11. Knútur Ottersted 3 
• 12. Björn Sölvi Sigurjónsson 3
• 13. Pétur Blöndal 3
• 14. Arnar Valgeirsson 3
• 15. Jón Gauti Magnússon 2,5
• 16. Böðvar Böðvarsson 2.5
• 17. Gunnar Nikulásson 2
• 18.Guðmundur Valdimar Guðmundsson 2
• 19. Hinrik Páll Friðriksson 2
• 20. Ómar Örn Björnsson 2 
• 21 Bjartmar Orri Arnarsson 1

Friðriksmót Landsbankans - Íslandsmótið í hraðskák 2010

Friðriksmót Landsbankans - Íslandsmótið í hraðskák fer fram í útibúi Landsbankans við Austurstræti 11 sunnudaginn 19. desember.   Gera má ráð fyrir að flestir sterkustu skákmenn landsins taki þátt.  Skráning fer fram á Skák.is.  Skákmenn eru hvattir til að skrá sig sem fyrst enda takmarkast þátttaka við um 70 manns.

Tefldar verða 11 umferðir með 7 mínútna umhugsunartíma á mann og er reiknað með að mótið standi á milli 13 og 16:30.

Verðlaun eru sem hér segir:

• 1) 100.000 kr.
• 2)   60.000 kr.
• 3)   50.000 kr.
• 4)   30.000 kr.
• 5)   20.000 kr.

Aðalverðlaun skiptast séu menn jafnir að vinningum.  

Aukaverðlaun:

• Efsti unglingurinn 16 ára og yngri: 10.000 kr.
• Efsta konan: 10.000 kr.
• Efsti maður með 2200 stig og minna: 10.000 kr.
• Efsti maður með 2000 stig og minna: 10.000 kr.

Aukaverðlaun eru miðað við nýjustu útgefin íslensk skákstig.   Reiknuð eru stig séu menn jafnir og efstir. 

Efsti keppandi mótsins verður Íslandsmeistari í hraðskák.   Verði tveir eða fleiri efstir ræður stigaútreikningur. 

Þetta er sjöunda árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga. Margir af sterkustu stórmeisturum landsins hafa undanfarin ár teflt til heiðurs Friðriki og búist er við að ýmsir af mestu skákmeisturum landsins verði með á mótinu.   

Fyrri sigurvegarar:

• 2009 - Héðinn Steingrímsson
• 2008 - Helgi Ólafsson
• 2007 - Héðinn Steingrímsson
• 2006 - Helgi Áss Grétarsson
• 2005 - Jón Viktor Gunnarsson og Arnar E. Gunnarsson
• 2004 - Jóhann Hjartarson og Stefán Kristjánsson

Jólamót í Vin í dag

Skákfélag Vinjar og Hrókurinn halda jólamót í Vin, Hverfisgötu 47 næsta mánudag, 6.des.

Mótið hefst klukkan 13:15 og gott að skrá sig aðeins tímanlega. Verður það með hátíðlegum blæ, boðið er upp á piparkökur, vöfflur og allskyns djúsí! 

Borgarstjóri Reykvíkinga, Jón Gnarr, setur mótið og mun svo leika fyrsta leikinn.

Tefldar verða 6 umferðir með 7 mínútna umhugsunartíma.  

Efstu keppendur fá glænýjar, volgar og ilmandi jólabækur frá bókaútgáfunni SÖGUR að launum auk þess sem þrír heppnir þátttakendur fá bók í happadrætti.

Skákstjórn tekur að sér flugþreyttur og nýlentur - frá Harkany í Ungverjalandi, - varaforseti Hróksins, Róbert Lagerman.

Allir algjörlega velkomnir.

Jólamót TR og ÍTR: Tvöfaldur sigur Rimaskóla í yngri flokki

Í dag fór hið árvissa Jólaskákmót Íþrótta-og tómstundaráðs Reykjavíkur og Taflfélags Reykjavíkur fram. Þetta skákmót hefur verið haldið í áratugi og er fyrir skáksveitir frá grunnskólum Reykjavíkur. Í dag var teflt í yngri flokki en það eru nemendur úr 1.- 7. bekkjum grunnskólanna. Veitt voru verðlaun fyrir þrjár efstu drengjasveitirnar (eða opnu sveitirnar, þar sem sveitirnar eru blandaðar stúlkum og drengjum) og þrjár efstu stúlknasveitirnar. Teflt var í einum flokki, 6 umferðir eftir Monradkerfi með 15. mínútna umhugsunartíma. 17 sveitir voru skráðar til leiks, þar af 4 stúlknasveitir.

Rimaskóli bar sigur úr býtum í báðum flokkunum. Drengjasveit Rimaskóla, A-sveit, fékk 20 vinninga af 24 mögulegum og stúlknasveit Rimaskóla, sem vann stúlknaflokkinn, varð í þriðja sæti yfir mótið í heildina með 16 vinninga, sem er glæsilegur árangur. Skemmtilegt að skóli getur státað af svo jöfnum sveitum í drengja-og stúlknaflokki. Sigursveitirnar frá Rimaskóla mættust í síðustu umferð og gerðu jafntefli á öllum borðum. En það var svo Melaskóli sem varð í 2. sæti í mótinu með 18 vinninga. Engjaskóli, A-sveit, fékk bronsverðlaunin með 14 vinninga og varð hærri á stigum en Langholtsskóli sem fékk einnig 14 vinninga. Í öðru sæti í stúlknaflokki varð Engjaskóli með 13 vinninga og í 3. sæti  varð Árbæjarskóli með 9 vinninga.

Fyrstu þrjár sveitirnar í hvorum flokki fyrir sig fengu medalíur og sigursveitirnar eignabikar og farandbikar til varðveislu fram að næsta Jólaskákmóti.

Jólaskákmótið fór mjög vel fram. Meðal keppenda voru mörg börn sem þegar hafa töluverða reynslu í keppni á skákmótum, svo lítið var um vafaatriði á meðan mótinu stóð, sem skákstjórar þurftu að skera úr um. Einn keppandinn afrekaði m.a. að tefla nokkrar umferðir, skjótast síðan að spila á tónleikum í Langholtskirkju á meðan einni umferð stóð og koma aftur og halda áfram að tefla! Ekki skemmdi svo fyrir að margir liðsstjóranna eru reyndir skákmenn og héldu vel utan um sín lið. Birna Halldórsdóttir sá um veitingar á meðan mótinu stóð sem er ómissandi þáttur í skákmóti sem þessu sem tekur um þrjá og hálfan tíma. Margir foreldrar, systkini, afar og ömmur voru meðal áhorfenda sem setti skemmtilegan svip á mótið. 

Jólaskákmótið fór fram í félagsheimili Taflfélags Reykjavíkur. Mótsstjóri var Soffía Pálsdóttir, ÍTR. Skákstjórar voru Ólafur H. Ólafsson og Sigurlaug Regína Friðþjófsdóttir.

Keppni í eldri flokki fer fram á morgun, mánudaginn 6. desember og hefst klukkan 17. Eins og í dag verður teflt í félagsheimili T.R., Skákhöllinni að Faxafeni 12.

Heildarúrslit í yngri flokki urðu sem hér segir:

• 1. Rimaskóli A-sveit              20 v. af 24.
• 2. Melaskóli                            18 v.
• 3. Rimaskóli-stúlkur               16 v.
• 4. Engjaskóli A-sveit              14 v. 74 stig.
• 5. Langholtsskóli                    14 v. 66 stig
• 6. Hólabrekkuskóli                 13,5 v.
• 7. Engjaskóli-stúlkur              13 v.
• 8. Árbæjarskóli                       12,5 v.            
• 9. Rimaskóli B-sveit               12 v.
• 10. Borgaskóli 11,5 v.
• 11. Laugalækjarskóli11,5 v.
• 12. Fossvogsskóli 11,5 v.
• 13. Engjaskóli B-sveit 11 v.
• 14. Skóli Ísaks Jónssonar 10 v.
• 15. Selásskóli 10 v.
• 16. Árbæjarskóli-stúlkur 9 v.
• 17. Skóli Ísaks Jónssonar-stúlkur 8,5 v.

Rimaskóli A sveit:

1. Oliver Aron Jóhannesson
2. Kristófer Jóel Jóhannesson
3. Jóhann Arnar Finnsson
4. Viktor Ásbjörnsson

Melaskóli:

1. Veronika Steinunn Magnúsdóttir
2. Leifur Þorsteinsson
3. Dagur Logi Jónsson
4. Breki Jóelsson

1. varam. Valtýr Már Michaelsson

Engjaskóli A-sveit:

1. Helgi G. Jónsson
2. Jóhannes K. Kristjánsson
3. Ísak Guðmundsson
4. Jón Gunnar Guðmundsson

Rimaskóli-stúlkur:

1. Nancy Davíðsdóttir
2. Svandís Rós Ríkharðsdóttir
3. Ásdís Birna Þórarinsdóttir
4. Tinna Sif Aðalsteinsdóttir

Engjaskóli-stúlkur:

1. Honey Bargamento
2. Aldís Birta Gautadóttir
3. Rosa Róbertsdóttir
4. Alexandra Einarsdóttir

1. varam. Sara Sif Helgadóttir
2. varam. Sara H. Viggósdóttir

 

Árbæjarskóli-stúlkur:

1. Sólrún Elín Freygarðsdóttir
2. Halldóra Freygarðsdóttir
3. Ólöf Ingólfsdóttir
4. Iveta Chardarova

1. varam. Aníta Nancíardóttir

Myndaalbúm mótsins

KORNAX mótið 2011 - Skákþing Reykjavíkur hefst sunnudaginn 9. janúar

KORNAX mótið 2011 - Skákþing Reykjavíkur hefst sunnudaginn 9. janúar kl. 14. Tefldar verða 9 umferðir eftir svissnesku kerfi og eru tímamörk 1½ klst. á alla skákina auk 30 sek. á leik. Umferðir fara fram á miðvikudögum og föstudögum kl. 19.30 og á sunnudögum kl. 14.  Teflt er í húsnæði Taflfélags Reykjavíkur að Faxafeni 12.

Verðlaun:

• 1. sæti kr. 120.000
• 2. sæti kr. 60.000
• 3. sæti kr. 30.000
• Besti árangur undir 2000 skákstigum kr. 15.000 (íslensk stig gilda)
• Besti árangur undir 1800 skákstigum kr. 15.000 (íslensk stig gilda)
• Besti árangur undir 1600 skákstigum - bókaverðlaun (íslensk stig gilda)
• Besti árangur undir stigalausra - bókaverðlaun

Sigurvegarinn hlýtur auk þess nafnbótina Skákmeistari Reykjavíkur 2011 og farandbikar til varðveislu í eitt ár.  Núverandi Skákmeistari Reykjavíkur er Hjörvar Steinn Grétarsson.

 

Þátttökugjöld:

• kr. 4.000 fyrir 16 ára og eldri
• kr. 2.000 fyrir 15 ára og yngri

Dagskrá:

• 1. umferð sunnudag   9. janúar  kl. 14
• 2. umferð miðvikudag 12. janúar  kl. 19.30
• 3. umferð föstudag     14. janúar  kl. 19.30
• 4. umferð sunnudag   16. janúar  kl. 14
• 5. umferð miðvikudag 19. janúar  kl. 19.30
• 6. umferð föstudag      21. janúar  kl. 19.30
• 7. umferð sunnudag    23. janúar  kl. 14
• 8. umferð miðvikudag 26. janúar  kl. 19.30
• 9. umferð föstudag      28. janúar  kl. 19.30

 

Skákþingið er reiknað til alþjóðlegra skákstiga.

Skráning fer fram á heimasíðu Taflfélags Reykjavíkur, http://www.taflfelag.is.

Athugið að skráningu lýkur 15 mínútum fyrir auglýst upphaf móts, þ.e. kl. 13.45.

Glæsileg verðlaun á Afmælismóti Jóns L. Árnasonar í Hótel Glym!

Glæsilegir vinningar eru í boði á Afmælisskákmóti Jóns L. Árnasonar í Hótel Glym, Hvalfirði, sunnudaginn 12. desember. Keppt verður um 50.000 króna verðlaunapott og fjölda annarra verðlauna. Listamenn, hönnuðir og ferðaþjónustuaðilar á Vesturlandi hafa tekið höndum saman, svo úr verður mikil vinningaveisla.
 

• Gisting fyrir tvo í tvær nætur í lúxushúsi í Glym og málsverður á hótelinu. Andvirði 79.000 kr.
• Glerlistaverk eftir Ólöfu Davíðsdóttur. Andvirði 50.000 kr.
• Skartgripur eftir Dýrfinnu Torfadóttur. Andvirði 40.000 kr.
• Gisting fyrir tvo með morgunverði á Hótel Hamri. Andvirði 30.000 kr.
• Ævintýrasigling að eigin vali með Sæferðum. Andvirði 20.000 kr.
• Tröllagönguferð í Fossatúni, bók og geisladiskur. Andvirði 15.000 kr.
• Gjafabréf á Landnámssetrið í Borgarnesi og Egilssýninguna fyrir 2 fullorðna og börn. Andvirði 10.000 kr.

 
Þá gefa bókaforlögin Sögur útgáfa, Bjartur, Forlagið og Opna splunkunýjar bækur og dvd-diska fyrir börn og fullorðna, meðal annars kjörgripi á borð við Alheiminn, Sigla himinfley, Blæbrigði vatnsins og Íslenska þjóðhætti, auk skáldsagna og barnabóka.
 
Afmælismót Jóns L. Árnasonar er öllum opið, en meðal keppenda verða stórmeistararnir Helgi Ólafsson, Jóhann Hjartarson og Jón L. Árnason, sem varð fimmtugur 13. nóvember. Það er mótshöldurum mikil ánægja að mega þannig heiðra fyrsta heimsmeistara Íslendinga í skák.
 
Verðlaun eru veitt í mörgum flokkum, m.a. fyrir bestan árangur grunnskólabarna, kvenna, eldri borgara og stigalausra. Tefldar verða níu umferðir með sjö mínútna umhugsunartíma. Þátttaka er ókeypis.
 
Í Hótel Glym er fyrsta flokks aðstaða til tafliðkunar, fagurt útsýni og frábærar veitingar. Hótelið er staðsett í norðanverðum firðinum og þangað er aðeins 30-40 mínútna akstur frá Reykjavík.
 
Áhugasamir eru hvattir til að skrá sig sem fyrst hjá [e-mail] eða [e-mail].
 
Linkar:
Hvar er Hótel Glymur? http://www.hotelglymur.is/?action=fotur_hvarerglymur
Hótel Glymur, heimasíða http://www.hotelglymur.is/

Guðmundur Kristinn Íslandsmeistari í Víkingaskák

Hörkuspennandi Íslandsmóti í Vîkingaskák lauk á fimmtudagskvöldið í húsnæði Vinjar. Eftir hörkubarning varð krýndur nýr sigurvegari Guðmundur Kristinn Lee, en hann tapaði einungis einni skák. Í öðru til þriðja sæti urðu svo Gunnar Fr. Rúnarsson og Ingi Tandri Traustason. Gunnar varð úrskurðaður í annað sæti á stigum.

Sigurvegari í kvennaflokki varð hin bráðefnilega Ingibjörg Birgisdóttir, sem hefur á undratíma náð mikilli færni í taflinu. Páll Andrason varð krýndur Íslandsmeistari unglinga, en í flokki 35 ára og eldir varð Ingi Tandri meistari og Gunnar Fr, sigraði í flokki 45. ára og eldri. Metþátttak varð í mótinu, en átján skráðu sig til leiks. Sú hefð hefur skapast að á aðalmótinu er spiluð Víkingaskák með atskákfyrirkomulagi með 15 mínútna umhugsunartíma. Tefldar voru sjö umferðir og skákstjóri var öðlingurinn Haraldur Baldursson. Tvö stórmót eru enn eftir á árinu og það seinna er hið bráðskemmtilega jólamót. Hitt mótið verður ofurmót, sem verður auglýst fljótlega.

Myndaalbúm mótsins má finna hér:

Lokastaðan:

Opinn flokkur:

1. Guðmundur Lee
2. Gunnar Fr. Rúnarsson
3. Ingi Tandri Traustason

Kvennaflokkur:

1. Ingibjörg Birgisdóttir
2. Guðrún Ásta Guðmundsdóttir

Unglingaflokkur 20 ára og yngri:
1. Páll Andrason
2. Dagur Ragnarsson
3. Jón Trausti Harðarson

Öðlingaflokkur I, 35 ára og eldri:
1. Ingi Tandri Óskarsson
2. Tómas Björnsson
3. Stefán Þór Sigurjónsson

Öðlingaflokkur II, 45 ára og eldri:

1. Gunnar Fr. Rúnarsson
2. Sveinn Ingi Sveinsson
3. Arnar Valgeirsson

Opinn flokkur:

* 1 Guðmundur Lee 6
* 2-3 Gunnar Fr. Rúnarsson 5.5
* 2-3 Ingi Tandri Traustason 5.5
* 4-8 Jorge Fonsega 4
* 4-8 Sveinn Ingi Sveinsson 4
* 4-8 Páll Andrason 4
* 4-8 Ingimundur Guðmundsson 4
* 4-8 Tómas Björnsson 4
* 9 Ingibjörg Birgisdóttir 3.5
* 10. Stefán Þór Sigurjónsson 3
* 10-12 Halldór Ólafsson 3
* 10-12 Arnar Valgeirsson 3
* 13 Dagur Ragnarsson 2.5
* 14 Jón Trausti Haraldsson 2
* 15 Guðrún Ásta Guðmundsdóttir 2
* 16 Ólafur Guðmundsson 0
* 17 Magnús Magnússon 0
* 18 Hörður Garðarsson 0

Heimasíða Víkingaklúbbsins

Þorvarður og Örn Leó efstir á Skákþingi Garðabæjar

Þorvarður Fannar Ólafsson (2190) og Örn Leó Jóhannsson (1838) eru efstir með fullt hús að lokinni 3. umferð Skákþings Garðabæjar sem fram fór í kvöld.   Þorvarður vann Bjarna Jens Kristinsson (2062) en Örn Leó sigraði Leif Inga Vilmundarson (2044).    Atli Jóhann Leósson (1495) er þriðji með 2½ vinning eftir sigur gegn Jón Trausta Harðarsyni (1500).   Fjórða umferð fer fram á miðvikudag.  

Úrslit 3. umferðar:

 

Bo.	Name	Pts.	Result	Pts.	Name
1	Kristinsson Bjarni Jens	2	0 - 1	2	Olafsson Thorvardur
2	Johannsson Orn Leo	2	1 - 0	1½	Vilmundarson Leifur Ingi
3	Leosson Atli Johann	1½	1 - 0	1½	Hardarson Jon Trausti
4	Kristinsson Kristinn Andri	1	0 - 1	1	Andrason Pall
5	Lee Gudmundur Kristinn	1	1 - 0	1	Kolka Dawid
6	Daday Csaba	1	1 - 0	1	Brynjarsson Eirikur Orn
7	Olafsson Emil	½	0 - 1	1	Njardarson Sigurjon
8	Sigurdsson Birkir Karl	0	1 - 0	0	Jonsson Robert Leo
9	Kristbergsson Bjorgvin	0	0 - 1	0	Palsdottir Soley Lind

 

Staðan:

Rk.	Name	RtgI	RtgN	Club/City	Pts.	Rp	rtg+/-
1	Olafsson Thorvardur	2190	2200	Haukar	3	2494	7,3
2	Johannsson Orn Leo	1838	1960	SFÍ	3	2399	14,9
3	Leosson Atli Johann	0	1495	KR	2,5	1854
4	Kristinsson Bjarni Jens	2062	2070	Hellir	2	1842	-3,8
	Lee Gudmundur Kristinn	1542	1595	SFÍ	2	1630	-1,2
6	Njardarson Sigurjon	0	0	UMFL	2	1408
7	Andrason Pall	1630	1665	SFÍ	2	1609	-1,2
8	Daday Csaba	0	0		2	1565
9	Vilmundarson Leifur Ingi	2044	1995	TG	1,5	1494	-11,4
10	Hardarson Jon Trausti	0	1500	Fjölnir	1,5	1391
11	Kolka Dawid	0	1125	Hellir	1	1355
12	Brynjarsson Eirikur Orn	1629	1585	SFÍ	1	0	-3,5
13	Sigurdsson Birkir Karl	1478	1480	SFÍ	1	1488	-1,2
14	Kristinsson Kristinn Andri	0	1330	Fjölnir	1	1506
15	Palsdottir Soley Lind	0	1060	TG	1	1178
16	Olafsson Emil	0	0	Vinjar	0,5	1070
17	Kristbergsson Bjorgvin	0	1155	TR	0	0
18	Jonsson Robert Leo	0	1150	Hellir	0	774

Röðun 4. umferðar (miðvikudag, kl. 19:30):

Bo.	Name	Pts.	Result	Pts.	Name
1	Olafsson Thorvardur	3		3	Johannsson Orn Leo
2	Kristinsson Bjarni Jens	2		2½	Leosson Atli Johann
3	Andrason Pall	2		2	Daday Csaba
4	Njardarson Sigurjon	2		2	Lee Gudmundur Kristinn
5	Vilmundarson Leifur Ingi	1½		1½	Hardarson Jon Trausti
6	Brynjarsson Eirikur Orn	1		1	Kristinsson Kristinn Andri
7	Kolka Dawid	1		1	Sigurdsson Birkir Karl
8	Palsdottir Soley Lind	1		½	Olafsson Emil
9	Jonsson Robert Leo	0		0	Kristbergsson Bjorgvin

• Heimasíða TG
• Chess-Results

Jólamót í Vin á mánudaginn

Skákfélag Vinjar og Hrókurinn halda jólamót í Vin, Hverfisgötu 47 næsta mánudag, 6.des.

Mótið hefst klukkan 13:15 og gott að skrá sig aðeins tímanlega. Verður það með hátíðlegum blæ, boðið er upp á piparkökur, vöfflur og allskyns djúsí! 

Borgarstjóri Reykvíkinga, Jón Gnarr, setur mótið og mun svo leika fyrsta leikinn.

Tefldar verða 6 umferðir með 7 mínútna umhugsunartíma.  

Efstu keppendur fá glænýjar, volgar og ilmandi jólabækur frá bókaútgáfunni SÖGUR að launum auk þess sem þrír heppnir þátttakendur fá bók í happadrætti.

Skákstjórn tekur að sér flugþreyttur og nýlentur - frá Harkany í Ungverjalandi, - varaforseti Hróksins, Róbert Lagerman.

Allir algjörlega velkomnir.

Jón og Unnar efstir á fimmtudagsmóti

 Jón Úlfljótsson og Unnar Þór Bachmann urðu efstir og jafnir á fimmtudagsmóti TR, með 6 vinninga af 7 mögulegum en Jón var hærri á stigum og er því sigurvegari mótsins. Í 3. -4. sæti voru Vignir Vatnar Stefánsson, sem er aðeins 7 ára og Eiríkur Örn Brynjarsson, með 5 vinninga. Vignir Vatnar var einn efstur eftir 4. umferðir og var þá m.a. búinn að leggja Jón Úlfljótsson, en eftir kaffihléið tapaði hann tveimur skákum og missti þar með af að vinna mótið, en það verður gaman að fylgjast með honum í framtíðinni.

Lokastaðan:

 

•  1. Jón Úlfljótsson      6 v.
•  2. Unnar Þór Bachmann    6 v.
•  3.-4. Vignir Vatnar Stefánsson   5 v.
•  3.-4. Eiríkur Örn Brynjarsson     5 v.
•  5.-8. Birkir Karl Sigurðsson        4 v.
•  5.-8. Kristján Sverrisson             4 v.
•  5.-8. Gauti Páll Jónsson              4 v.
•  5.-8. Björgvin Kristbergsson       4 v.
•  9.-10. Kristinn Andri Kristinsson  3,5 v.
•  9.-10. Finnur Kr. Finnsson           3,5 v.
•  11.-14. Stefán Már Pétursson       3 v.
•  11.-14. Óskar Long Einarsson      3 v.
•  11.-14. Eyþór Trausti Jóhannsson 3 v.
•  11.-14. Veronika Steinunn             3 v.
•  15.-16. Ingvar Vignisson               2 v.
•  15.-16. Stefán Gauti                      2 v.
•  17.-18. Eysteinn Högnason            1 v.
•  17.-18. Pétur Jóhannesson             1 v.