Dagur enn með jafntefli við stórmeistara

Dagur Arngrímsson (2375) gerði í dag jafntefli við úkraínska stórmeistarann Vadim Shishkin (2507) og hefur nú tekið 2½ vinning í 4 skákum gegn stórmeisturum.   Jón Árni Halldórsson (2171) og Sigurður Ingason (1923) unnu í dag, Jón Viktor Gunnarsson (2454), Róbert Lagerman (2358) gerðu jafntefli en Snorri G. Bergsson (2348) tapaði.

Dagur og Jón Viktor hafa 5 vinninga og eru í  15.-34. sæti, Jón Árni hefur 4½ vinning, Róbert hefur 4 vinninga, Snorri hefur 3½ vinning og Sigurður 2½ vinning.

Efstir með 6 vinninga eru rúmenski alþjóðlegi meistarinn Gergely-Andras-Gyula Szabo (2535) og pólski stórmeistarinn Marcin Dziuba (2573).

Í áttundu og næstsíðustu umferð, sem fram fer á morgun, teflir Dagur við makedónska stórmeistarann Milan Drasko (2527) og Jón Viktor við serbneska alþjóðlega meistarann Milos T Popovic (2402).

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results

 

Jón Viktor og Dagur með jafntefli við stigaháa stórmeistara

Jón Viktor Gunnarsson (2454) og Dagur Arngrímsson (2375) gerðu jafntefli við stigahæstu keppendur Belgrade Tropy sem fram fór í dag.  Jón við  Mihajlo Stojanovic (2585) og Dagur við Vladimir Malanuik (2575).   Þeir hafa 4,5 vinning, eru í 11.-28. sæti, hálfum vinningi á eftir efstu mönnum.  Snorri G. Bergsson (2348) og Jón Árni Halldórsson (2171) unnu, Sigurður Ingason (1923) gerði jafntefli en Róbert Lagerman (2358) tapaði fyrir spænskum stórmeistara.

Dagur og Jón Viktor hafa 4,5 vinning, Róbert, Jón Árni og Snorri hafa 3,5 vinning og Sigurður hefur 1,5 vinning.

Í sjöundu umferð, sem fram fer á morgun, teflir Dagur við fjórða stórmeistarann í jafn mörgum umferðum, að þessu sinni úkraínska stórmeistarann Vadim Shiskin (2507). Jón Viktor teflir við Serbann Lazar Nestorovic (2295).

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results

 

Friðrik í Marienbad

Friðrik Ólafsson er þessa dagana staddur í Marienbad í Tékklandi.  Um er að ræða sama mót og Friðrik tók í fyrra þar sem gamlir meistarar mæta skákkonum.  Að þessu sinni teflir Friðrik ekki heldur er liðsstjóri gömlu meistaranna og hefur m.a. teflt fjöltefli við heimamenn.   Í liði þeirra tefla Korchnoi, Timman, Hubner og Hort en fyrir konurnar tefla Humpy Koneru, Anna Muzychuk, Katerina Lahno og Jana Jackova.

Konurnar sigruðu í fyrstu umferð 2,5-1,5.

Heimasíða mótsins

 

Jón Viktor, Róbert og Snorri unnu í fimmtu umferð - Dagur með jafntefli gegn stórmeistara

Jón Viktor Gunnarsson (2454), Róbert Lagerman (2358) og Snorri G. Bergsson (2348) sigruðu allir í fimmtu umferð Belgrade Trophy sem fram fór í dag.  Dagur Arngrímsson (2375) gerði jafntefli við  serbneska stórmeistarann Aleksa Strikovic (2519).    Dagur og Jón Viktor eru í 5.-25. sæti með 4 vinninga.

Róbert hefur 3,5 vinning, Jón Árni Halldórsson (2171) og Snorri hafa 2,5 vinning og Sigurður Ingason (1923) hefur 1 vinning. 

Í sjöttu umferð, sem fram fer á morgun, teflir Jón Viktor við stigahæsta keppenda mótsins, serbneska stórmeistarann Mihajlo Stojanovic (2585) og Dagur við næststigahæsta keppendann, úkraínska stórmeistarann Vladimir Malanuik (2575). 

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results

 

Dagur sigraði stórmeistara í fjórðu umferð

Dagur Arngrímsson (2375) sigraði makedónska stórmeistarann Nikola Djukic (2524) í fjórðu umferð Belgrad Trophy sem fram fór í gærkvöldi.   Snorri G. Bergsson (2348) vann einnig,   Jón Viktor Gunnarsson (2454) og Jón Árni Halldórsson (2171) gerðu jafntefli en hinir íslensku keppendurnir töpuðu.  

Dagur hefur 3,5 vinning og er í 3.-19. sæti, Jón Viktor hefur 3 vinninga, Róbert Lagerman (2358) og Jón Árni hafa 2,5 vinning,  Snorri hefur 1,5 vinning og Sigurður Ingason (1923) hefur 1 vinning.

Í sjöttu umferð, sem fram fer í dag, teflir Dagur við serbneska stórmeistarann Aleksa Strikovic (2519).   

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results

 

Gott gengi í 3. umferð í Belgrad

Vel gekk í þriðju umferð Belgrade Trophy sem fram fór í dag í Obrenovac í Serbíu.  Alls komu 5,5 vinningur í hús í sex skákum.  Róbert Lagerman (2358), Dagur Arngrímsson (2375) og Jón Viktor Gunnarsson (2454) eru allir í 8.-44. sæti með 2,5 vinning.   

Jón Árni Halldórsson (2171) hefur 2 vinninga, Sigurður Ingason (1953) 1 vinning og Snorri G. Bergsson (2348) 0,5 vinning.

Í 4. umferð, sem fram fer á morgun tefla bæði Róbert og Dagur við stórmeistara.  

Alls taka 212 skákmenn þátt í mótinu og þar af 18 stórmeistarar og 19 alþjóðlegir meistarar.

• Heimasíða mótsins
  
• Chess-Results

 

Jón Viktor sigraði í 2. umferð

Alþjóðlegi meistarinn Jón Viktor Gunnarsson (2454) sigraði í 2. umferð Belgrade Tropy sem fram fór í Obrenovac í Serbíu í dag.  Dagur Arngrímsson (2375) og Róbert Lagerman (2358) gerðu jafntefli en aðrir skákir Íslendinganna töpuðust. 

Dagur, Róbert og Jón Viktor hafa 1,5 vinning, Jón Árni Halldórsson (2171) hefur 1 vinning og Snorri G. Bergsson (2348) og Sigurður Ingason (1923) eru ekki komnir á blað. 

Alls taka 212 skákmenn þátt í mótinu og þar af 18 stórmeistarar.  

Heimasíða mótsins

 

Belgrade Trophy byrjaði í dag

Alþjóðlega skákmótið, Belgrade Trophy, hófst í dag í Obrenovac í Serbíu.  Sex íslenskir skákmenn taka þátt.  Dagur Arngrímsson (2375), Jón Árni Halldórsson (2171) og Róbert Lagerman (2358) sigruðu í sínum skákum, sá síðastnefndi í ótefldri skák, Jón Viktor Gunnarsson (2454) gerði jafntefli en Snorri G. Bergsson (2348) og Sigurður Ingason (1923) töpuðu í sínum viðureignum.

Alls taka 212 skákmenn þátt í mótinu og þar af 18 stórmeistarar.  

Heimasíða mótsins

 

Bjarni Jens vann í lokaumferðinni

Bjarni Jens Kristinsson vann sigur í 11. og síðustu umferð HM ungmenna sem fram fór í dag.  Góður endasprettur hjá Bjarna sem vann tvær síðustu skákirnar.   Mikael Jóhann Karlsson gerði jafntefli en Tinna Kristín Finnbogadóttiro g Kristófer Gautason töpuðu.  Bjarni Jens fékk flesta vinninga krakkanna, eða 5 talsins, Kristófer fékk 4,5 vinning en Tinna Kristín og Mikael Jóhann fengu 4 vinninga.

Ágætis árangur hjá krökkunum sem öll voru að stíga fyrstu skref á slíku móti að Tinnu undanskyldri.

Helgi Ólafsson var fararstjóri og þjálfari krakkannna.  Einnig var Karl Gauti Hjaltason með í för og vill ritstjóri færa honum sérstakar þakkir fyrir góðan fréttaflutning frá mótinu á vefsíðu TV.

Heimasíða mótsins

• Heimasíða TV

Mikael vann í sjöundu umferð

Mikael Jóhann Karlsson sigraði í sjöundu umferð HM ungmenna sem fram fór í kvöld í Antalya í Tyrklandi.  Hinir íslensku skákmennirnir töpuðu.  Tinna Kristín og Mikael Jóhann hafa 3 vinninga, Kristófer 2,5 vinning og Bjarni Jens 2 vinninga.

Ritstjóri vill benda á vefsíðu TV en þar segir Karl Gauti, faðir Kristófer, frá gangi mála á skákstað.

Úrslit 7. umferðar:

Zmushko Filipp (1728) Hvíta Rússl. - Kristófer Gautason ( 0) Íslandi = 1 - 0
Turko Antons (  0 ) Lithaen - Mikael J Karlsson (1703) İslandi   =   0 - 1
Maxwell Daniel ( 0 ) Skotland - Bjarni J Kristins. (2023) İslandi =  1 - 0
Tinna Finnbogad. (1710) İslandi -Hannes Diana (2125) Þýskaland = 0 - 1

Bjarni Jens og Tinna Kristín tefla í flokki 18 ára og yngri, Mikael Jóhann í flokki 14 ára og yngri og Kristófer í flokki 12 ára og yngri.   Öll komu þau utan að landi og hvert er sínum landsfjórðungi!  Bjarni er úr Hallormsstað, Tinna Kristín er frá Borgarnesi, Mikael Jóhann frá Akureyri og Kristófer frá Vestmannaeyjum.

• Heimasíða mótsins
• Heimasíða TV