Ásar byrja á þriðjudag

Æsir, skákfélag eldri borgara í Reykjavík, byrjar sitt vetrarstarf þriðjudaginn,6 september.   Teflt er í Ásgarði, Stangarhyl 4.  Teflt er á milli kl.13-16.30 alla þriðjudaga til maíloka.

Allir eldri borgarar  sem hafa gaman af skák eru hjartanlega velkomnir,  þegar þeir eiga lausan þriðjudag.

Slagorðið er: "Sjáumst og kljáumst á hvítum reitum og svörtum".                                           

                                                                          

Anand og Cmilyte sigruðu á minningamóti Botvinniks

Dagana 2. og 3. september fóru fram tvenn atskákmót í Moskvu í minningu um Botvinnik í tilefni þess að það eru 100 ár frá fæðingu heimsmeistarans.  Heimsmeistarinn Anand (2817) hafði yfirburði í móti 4 af allra sterkustu skákmanna heims.  Stigahæsti skákmaður heims, Carlsen (2823) varð langneðstur.  Litháíska skákkonan Viktoria Cmilyte (2525) sigraði í sambærilegu skákmóti skákkvenna.

Lokastaðan í karlamótinu:

• 1.  Anand (2817) 4,5 v. af 6
• 2.-3. Kramnik (2791) og Aronian (2807) 3 v.
• 4. Carlsen (2823)

Lokastaðan í kvennamótinu:

• 1. Cmilyte (2525) 4 v.
• 2. Danielian (2517) 3,5 v.
• 3. Kosintseva (2536) 2,5 v.
• 4. Koneru (2600) 2 v.

Heimasíða mótins

Róbert vann í lokaumferðinni

Róbert Lagermann vann í lokaumferðinni á Sunny Beach-mótinu sem lauk í dag í Albena í Búlgaríu.  Róbert hlaut 6 vinninga í 9 skákum og endaði í 16.-31. sæti.  Páll Agnar Þórarinsson (2264) og Bjarni Jens Kristinsson (2033) gerðu báðir jafntefli.  Páll Agnar hlaut 4,5 vinning og endað í 65.-89. sæti en Bjarni Jens hlaut 4 vinninga og endaði í 90.-115. sæti.

Bjarni Jens hækkarum 10 stig fyrir frammistöðu sína, Róbert lækkar um 7 stig en Páll lækkar um 29 stig.

Rúmenski alþjóðlegi meistarinn Vladimir Doncea (2388) sigraði á mótinu en hann hlaut 8 vinninga.

58 skákmenn tóku þátt í mótinu og þar af 12 stórmeistarar.  Róbert var nr. 33 í stigaröð keppenda, Páll nr. 45 og Bjarni Jens nr. 100.

Myndirnar í myndaalbúminu eru frá Róberti.

• Heimasíða mótsins
• Beinar útsendingar (hefjast kl. 12:30 nema síðasta umferðin kl. 6)