Heimsbikarmótið: Fjórða umferð hófst með látum

Fyrri skák 4. umferðar (16 manna úrslita) Heimsbikarmótsins (World Cup) hófst í dag í Khanty Mansiesk í Síberíu.  Óhætt er að segja að umferðin hafi hafist með látum en aðeins tveimur skákum af átta lauk með jafntefli.  Dominguez vann Polgar, heiðursmaðurinn Navara vann Zherebukh, Gashimov vann Heine, Evrópumeistarinn Potkin vann landa sinn Grischuk, Radjabov vann Jakovenko og Svidler vann Kamsky.  Bu og Ivanchuk gerðu jafntefli sem og Bruzon og Ponomariov. 

Rétt er að benda á Rússarnir standa einkar vel að allri vefþjónustu og sá sem þetta ritar minnist þess ekki að hafa séð jafnvel haldið utan um útsendingar áður.

• Heimasíða mótsins
• Beinar útsendingar með tölvuskýringum (hefjast kl. 9)

KR-ingar etja kappi - Stefán Þór snjallastur

Þó kappskák sé iðkuð allan ársins kring í KR-heimilinu við Meistaravelli bætast jafnan fleiri  keppendur í hópinn með haustinu, sem vilja sína þar snilli sína og meistaratakta.  Í gærkvöldi voru þar  mættir 25 galvaskir skákmenn til tafls og mátti vart á milli sjá hver var einna snjallastur, einkum um miðjuna, því aðeins skyldi 1 vinningur að 9. og 22.  mann þegar upp var staðið, eftir 13. umferðir með 7 mínútna umhugsunartíma.

Það er dæmafátt að svo margar skákir sé tefldar á jafnstuttum tíma með jafnháum meðalaldri keppenda, segir hið glöggva gestsauga.

Nánari úrslit urðu sem hér segir:

• 1. Stefán Þ. Sigurjónsson 11/13v.;
• 2. Gunnar Kr. Gunnarsson 10.5v;
• 3. Ingólfur Hjaltalín 9.5v;
• 4. Gunnar Finnlaugsson 9v;
• 5.-6. Gunnar Skarphéðinsson; Ingimar Jónsson 8v;
• 7.-8. Vilhjálmur Guðjónsson;  Stefán Þormar Guðmundsson 7.5v;
• 9.-11. Axel Skúlason; Sigurður Herlufsen; Einar S. Einarsson 7v;
• 12.-16.  Atli Stefán Aðalsteinsson; Guðfinnur R. Kjartansson; Ólafur Gísli Jónsson; Jón Steinn Elíasson; Kristinn Bjarnason, 6.5v;
• 17.-22. Árni Thoroddsen, Sigurður E. Kristjánsson; Kristján Stefánsson; Páll G. Jónsson; Finnbogi Guðmundsson; Guðmundur Ingason 6v. ;

Aðrir með ögn minna.

Meira á http://www.kr.is/ (skák)

Myndaalbúm(ESE)

Bjarni Jens endaði í 12.-20. sæti í Dimitrovgrad

Bjarni Jens Kristinsson (2033) fékk 4½ vinning í 7 skákum á skákmóti sem fram fór í Dimitograd í Búlgaríu í dag og í gær.   Bjarni, vann 3 skákir, gerði jafntefli í 3 skákum og tapaði aðeins einni skák.  Bjarni hækkar um 5 stig fyrir frammistöðu sína og kemur því frá Búlgaríu með 15 stig í farteskinu en hann hækkaði um 10 stig á Sunny Beach-mótinu.

70 skákmenn tóku þátt í mótinu og þar 1 stórmeistari og 3 alþjóðlegir meistarar.   Bjarni var nr. 19 í stigaröð keppenda. 

Mótið á Chess-Results