Stórsigur gegn Finnum

Skáksveit Rimaskóla vann stórsigur, 4-0, á finnsku sveitinni í 3. umferð NM barnaskólasveita sem fram fór í dag á Jótlandi.  Oliver Aron og Kristófer Jóel Jóhannessynir, Nansý Davíðsdóttir og Svandís Ósk Ríkharðsdóttir tefldu.  Rimskóli hefur 8,5 vinning og er í öðru sæti á eftir sænsku sveitinni en það stefnir í harða baráttu á milli Rimaskóla, Svía og Norðmanna um sigur á mótinu.  Mótinu lýkur á morgun með 4. og 5. umferð.   

Staðan:

1. Svíþjóð 9 v.
2. Rimaskóli 8,5 v.
3. Noregur 8 v.
4. Danmörk II 5 v.
5. Danmörk I 3,5 v.
6. Finnland 2 v.

 

Skáksveit Rimaskóla skipa:

1. Oliver Aron Jóhannesson (1653) 1,5 v. af 3
2. Kristófer Jóel Jóhannesson (1464) 2,5 v. af 3
3. Nansý Davíðsdóttir (1293) 2,5 v. af 3
4. Jóhann Arnar Finnsson (1199) 1 v. af 2
5. Svandís Ósk Ríkharðsdóttir (1184) 1 v. af 1

Hjörvar Steinn Grétarsson er liðsstjóri Rimskólakrakkanna. 

• Heimasíða mótsins
• Myndaalbúm (HÁ)

NM öldunga hafið

Norðurlandamót öldunga er hafið.  Teflt er félagsheimili Taflfélags Reykjavíkur, Faxafeni 12 og fer vel um keppendur í glæsilegum salakynnum.   Metþátttaka er á mótinu en 52 skákmenn og taka þátt og þar á meðal 3 stórmeistarar, Friðrik Ólafsson og Finnarnir Rantanen og Westerinen.   Svandís Svavarsdóttir, starfandi menntamálaráðherra, setti mótið, og bauð hina erlendu gesti velkomna á dönsku.  Svandís lék svo fyrsta leikinn fyrir Friðrik Ólafsson gegn hinum norska Helga Rangöy. 

Hægt er að fylgjast með 6 skákum beint í hverri umferð.

• Heimasíða mótsins
• Chess-Results
• Myndaalbúm

 

Svidler og Ponomariov komnir áfram

Peter Svidler og Ruslan Ponomariov eru komnir áfram í undanúrslit Heimsbikarmótsins (World Cup) eftir sigra í dag.  Svidler lagði Polgar og Ponomariov hafði sigur á Gashimov.   Einvígi Ivanchuk-Radjabov og Grischuk-Navara verða útkljáð á morgun með styttri tíma. 

Sá sem þetta ritar minnist þess ekki að hafa séð jafnvel haldið utan um útsendingar áður.  Fimmta umferð hefst kl. 9 í fyrramálið.

• Heimasíða mótsins
• Beinar útsendingar með tölvuskýringum (hefjast kl. 9)