Hraðskákmót öldunga fer fram annað kvöld

Starfsemi Gallerý Skákar hefst á fimmtudagskvöldið kemur með hraðskákmóti í tengslum við NM Öldunga. Tefldar verða 9 umferðir með 7 mínútna umhugsunartíma á skákina. Mótið hefst kl. 19.30, þátttökugjald kr. 500, verðlaunagripir fyrir efstu sætin. 

Teflt verður í Gallerýinu öll fimmtudagskvöld í vetur að öllu forfallalausu. Þá fara fram 11 umferða hvatskákmót með 10 mín. umhugsunartíma. á skákina.

Kappteflið um Patagónínusteininn, 6 kvölda mótaröð með GrandPrix sniði og stigagjöf hefst í nóvember. Teflt verður í þeirri keppni annan hvern fimmtudag. Gunnar Kr. Gunnarsson er núverandi Patagóníumeistari, hefur unnið í bæði skiptin, sem teflt hefur verið um furðusteininn úr iðrum jarðar hinum megin á hnettinum. 

Allir skákmenn velkomnir óháð aldri og félagsaðild.

Sjá nánar á www.galleryskak.net  (þegar þar að kemur)

Haustmót TR 2011

Haustmót Taflfélags Reykjavíkur 2011 hefst sunnudaginn 25. september kl.14.  Mótið er eitt af aðalmótum vetrarins í reykvísku skáklífi og jafnframt meistaramót T.R. Það er áratuga gömul hefð fyrir hinu vinsæla Haustmóti og er það flokkaskipt.

Mótið er öllum opið.

Teflt er í félagsheimili Taflfélags Reykjavíkur, skákhöllinni að Faxafeni 12, á miðvikudögum, föstudögum og sunnudögum. Alls verða tefldar 9 skákir í hverjum flokki.  Lokuðu flokkarnir eru skipaðir tíu keppendum hver þar sem allir tefla við alla, en í opna  flokknum er tefldar níu umferðir eftir svissnesku kerfi.

Skráning fer fram á heimasíðu T.R., http://taflfelag.is/.  Upplýsingar um skráða keppendur má finna hér.

Athygli er vakin á því að skráningu í alla lokaða flokka lýkur laugardaginn 24. september kl. 18.

Núverandi skákmeistari Taflfélags Reykjavíkur er Guðmundur Kjartansson.

Dagskrá:

1. umferð: Sunnudag 25. september kl.14.00
2. umferð: Miðvikudag 28. september kl.19.30

3. umferð: Föstudag 30. september kl.19.30
4. umferð: Sunnudag 2. október kl.14.00

5. umferð: Miðvikudag 5. október kl.19.30

---Hlé vegna Islandsmóts skákfélaga---

6. umferð: Miðvikudag 12. október kl.19.30
7. umferð: Föstudag 14. október kl.19.30
8. umferð: Sunnudag 16. október kl. 14.00
9. umferð: Miðvikudag 19. október. kl.19.30

Verðlaun í A-flokki:
1. sæti kr. 100.000
2. sæti kr.   50.000
3. sæti kr.   25.000
4. og 5. sæti ókeypis í Skákþing Reykjavíkur 2012

Verðlaun í B-flokki:
1. sæti kr. 20.000
2.-3. sæti ókeypis í Skákþing Reykjavíkur 2012

Verðlaun í C-flokki:
1. sæti kr. 15.000
2. og 3. sæti ókeypis í Skákþing Reykjavíkur 2012

Verðlaun í opnum flokki:

1. sæti  kr. 10.000
2. og 3. sæti ókeypis í Skákþing Reykjavíkur 2012

Ef það bætast við fleiri lokaðir flokkar, verða verðlaun í þeim þau sömu og í C-flokki.

 

Að auki ávinnur sigurvegari hvers flokks sér þátttökurétt í næsta styrkleikaflokki að ári liðnu.

Tímamörk:

1 klst. og 30 mín. + 30 sek. á leik.

Þátttökugjöld:

3.500 kr. fyrir félagsmenn T.R. 16 ára og eldri (4000 kr. fyrir aðra).
1.500 kr. fyrir félagsmenn T.R. 15 ára og yngri (2.000 kr. fyrir aðra).

Heimasíða TR

 

NM öldunga í sjónvarpsfréttum RÚV

Fjallað var ítarlega um NM öldunga í sjónvarpsfréttum RÚV í kvöld.  Þar er meðal annars skemmtilegt viðtal við Braga Halldórsson þar sem útskýrir muninn á eldri og yngri skákmönnum!

Umfjöllunin á RÚV