Skák.is

3.6.2013 | 11:12

Júní-námskeið Skákskóla Íslands

Skákskóli íslands mun standa fyrir skáknámskeiði dagana 10. - 14. júní nk. og fer það fram í húsakynnum Skákskólans að Faxafeni 12. Aðalumsjónarmaður verður Helgi Ólafsson en fjölmargir aðrir verða kallaðir til.

Við munum:

*Fara yfir skákir sem krakkar hafa teflt undanfarið.

*Skoða vel tefldar skákir.

*Fara í alla helstu þætti skáklistarinnar.

*Læra nýjar byrjanir.

*Fá skákmeistara í heimsókn til að tefla fjöltefli.

*Fá kunnáttumenn um skák og tölvur til að leiðbeina um notkun.

*Við ætlum að sinna hverjum og einum þátttakenda miðað við aldur og getu.

*Tefla heilmikið.

Helstu atriði námskeiðsins eru þessi:

1. Námskeið hefst mánudaginn 10. júní og lýkur föstudaginn 14. júní.

2. Skráning fer fram hjá Ásdísi Bragadóttur framkvæmdastjóra SÍ og Skákskóla Íslands á netfanginu skaksamband@skaksamband.is eða í síma 5689141 (skrifstofan er opin daglega frá 10-13).

3. Námskeiðið stendur frá kl. 10 - 13 alla daga. Við sérstakar aðstæður geta þátttakendur fengið að mæta seint í tíma eða farið fyrr úr tímum.

4. Þátttökugjald er kr. 5.500 og má annast greiðslu í heimabanka.

5. Heppilegt er að þátttakendur taki með sér nesti . Við gerum hlé um kl. 11:30.

6. Bent er á að heppilegt er að tveir eða fleiri krakkar taki sig saman og mæti á námskeiðið. Þetta getur gert foreldrum og aðstandendum auðveldara með að skipuleggja samgöngur.

Bestu kveðjur, Helgi Ólafsson skólastjóri Skákskóla Íslands.

Spil og leikir | Slóð | Facebook | Athugasemdir (0)

2.6.2013 | 21:54

Sjö skákmenn efstir og jafnir á Íslandsmótinu í skák

Sjö skákmenn eru efstir og jafnir með 3½ vinning að lokinni fjórðu umferð Opna Íslandsmótsins í skák sem fram fór í dag. Það eru stórmeistararnir Hannes Hlífar Stefánsson og Henrik Danielsen, alþjóðlegu meistararnir Hjörvar Steinn Grétarsson, Björn Þorfinnsson og Guðmundur Kjartansson, FIDE-meistarinn Sigurbjörn Björnsson og Sigurður Páll Steindórsson.

Skákunum á þremur efstu borðunum lauk með jafntefli en Björn og Sigurður Páll bættust við í hóp forystusauðanna með góðum sigrum. Henrik og Hannes gerðu jafntefli, Hjörvar og Guðmundur og Sigurbjörn við stórmeistarann Stefán Kristjánsson, Björn vann Kristján Eðvarðsson og Sigurður Páll lagði Bandaríkjamanninn Peter Henner.

Átt skákmenn hafa 3 vinninga og þar á meðal eru stórmeistararnir Stefán og Héðinn Steingrímsson og alþjóðlegi meistarinn Bragi Þorfinnsson. Það bendir allt til afar spennandi Íslandsmóts - sem er ekki amalegt á 100 ára afmælismóti.

Lenka Ptácníková leiðir á Íslandsmóti kvenna sem er hluti af mótinu en hún hefur 3 vinninga. Jóhanna Björg Jóhannsdóttir er önnur með 2½ vinning.

Fimmta umferð fer fram á morgun og hefst kl. 17. Teflt er á efstu hæðinni (20. hæð) í Turninum Borgartúni (Höfðatorg). Mjög góð aðstaða er á skákstað fyrir áhorfendur sem hafa fjölmennt um helgina. Á hæðinni starfar svo kaffihúsið "Birnukaffi".

Í umferðinni á morgun mætast meðal annars Björn - Hjörvar, Hannes - Sigurbjörn, Guðmundur - Henrik, Sigurður Páll - Héðinn, Stefán - Gylfi Þórhallsson og Jón Þór Bergþórsson - Bragi.

Spil og leikir | Breytt s.d. kl. 22:32 | Slóð | Facebook | Athugasemdir (0)

2.6.2013 | 20:25

Skákir þriðju umferðar

Þórir Benediktsson hefur slegið inn skákir annarrar þriðju umferðar Opna Íslandsmótsins í skák. Þær fylgja með sem viðhengi.

Skákir mótsins er einnig hægt að nálgast á vefsíðu mótsins.

Veljið skák (31 alls):

Spil og leikir | Slóð | Facebook | Athugasemdir (0)

2.6.2013 | 20:00

Skákþáttur Morgunblaðsins: Lothar Schmid

Lothar Schmid, yfirdómarans úr „einvígi aldarinnar" milli Fischers og Spasskís í Laugardalshöllinni sumarið 1972, sem lést þann 18. maí sl. 85 að aldri verður sennilega helst minnst fyrir þátttöku sína í því einvígi. Fjölmiðlar um allan heim hafa...

RSS-straumar

Erlendar vefsíður

Tenglar

Mót í gangi

Lykilvefir

Kennsluvefir

Íslensk taflfélög

Erlendir skákvefir

Almanök

Teflt á netinu

Færsluflokkar

Heimsóknir

Flettingar

Annað

Efni

Leita í þessu bloggi

Skákmót

Mótaáætlun SA (Prufa)

Mótaskráning

Fréttabréf SÍ

Fischer-setur

Auglýsing

Myndaalbúm

Eldri færslur

2018

2017

2016

2015

2014

2013

2012

2011

2010

2009

2008

2007

Innskráning

Innskráning: