Skák Patreks Marons Magnússonar hlýtur fegurðarverðlaun 4.-6. umferðar KORNAX mótsins

egurðarnefnd KORNAX mósins valdi skák Patreks Marons Magnússonar (1980) gegn Þorvarði Fannari Ólafssyni (2217) í 4. umferð KORNAX mótsins - Skákþings Reykjavíkur sem fegurstu skákina í umferðum 4-6. Skákina má skoða á slóðinni http://dl.skaksamband.is/mot/2010/STHR2010/r4/tfd.htm. Í viðurkenningarskyni hlýtur Patrekur Maron skákbók, frá Sigurbirni bóksala, en það er Skákakademía Reykjavíkur sem gefur fegurðarverðlaunin. 

Fegurðarnefndina skipa Kristján Örn Elíasson, Róbert Lagerman og Rúnar Berg.

Á vefsíðu Taflfélags Reykjavíkur http://www.taflfelag.is  má skoða þær skákir sem sýndar hafa verið „í beinni á netinu" í KORNAX mótinu. Allar skákir mótsins má einnig skoða og niðurhala á pgn. skráarsniði hér: http://taflfelag.is/?c=skakir&id=619&lid=&pid=&page=1

Hækkuð stigalágmörk barna og unglinga

Reglugerð um val keppenda á barna- og unglingaskákmótum fyrir Íslands hönd hefur verið breytt. Æskulýðsnefnd skilaði tillögum til stjórnar SÍ sem samþykkti tillögurnar. Helsta breytingin er sú að stigalágmörk hækka. Stigalágmörk drengja hækka um 100 stig en stúlkna um 150 stig. Þessi hækkun er í samræmi við aukinn metnað og kröfur Skáksambandsins og Skákskólans. Skákskólinn mun koma í auknum mæli að vali á keppendum. Stefnt verður að því að allir skákmenn sem uppfylli stigalágmörkin tefli fyrir Íslands hönd. Valið verður á mót með meiri fyrirvara en áður. Gerð er krafa um lágmarks virkni.

Reglugerð um val keppenda á barna- og unglingaskákmótum fyrir Íslands hönd má finna hér:http://skaksamband.is/?c=webpage&id=246

Stefán Bergsson, formaður æskulýðsnefndar.

Fimmtudagsmót hjá TR í kvöld

Að venju fer fram fimmtudagsmót T.R. í kvöld kl. 19.30.  Tefldar verða 7 umferðir með 7 mínútna umhugsunartíma.Mótin
fara fram í félagsheimili T.R., skákhöllinni að Faxafeni 12, og opnar
húsið kl. 19.10.  Glæsilegur verðlaunapeningur er í boði fyrir
sigurvegarann.Mótin
eru öllum opin og er aðgangseyrir kr. 500 fyrir 16 ára og eldri en
frítt er fyrir 15 ára og yngri.  Boðið er upp á kaffi ásamt léttum
veitingum án endurgjalds.