Unglingameistaramót Íslands hefst á föstudaginn

Unglingameistaramót Íslands fer fram dagana 27.-29. október nk. Íslandsmeistarinn tryggir sér sæti í næsta landsliðsflokki. Efsti keppandi undir 2100 skákstigum fær keppnisrétt á Norðurljósamótið. 

Dagskrá:

• 1.-4. umferð: Föstudagskvöldið 27. október. Fyrsta umferð hefst 19:00.
• 5. umferð 11:00 á laugardegi.
• 6. umferð 17:00 á laugardegi.
• 7. umferð 13:00 á sunnudegi. 

Mótið er opið skákmönnum fæddum á bilinu 1995-2001. Jafnframt er yngri skákmönnum heimilt að taka þátt hafi þeir 1800 stig eða fleiri, íslensk eða FIDE-stig, miðað við nýjustu stigalista. Íslandsmeistarar u16, u14 og u12 eiga einnig þátttökurétt.  

Teflt verður um Íslandsmeistaratitilinn verði menn jafnir að vinningum. Stig eru látin gilda um önnur sæti verði menn jafnir að vinningum.  

Tímamörk í fyrstu fjórum umferðunum er 20+5 og 90+30 í seinni þremur. 

Mótið er reiknað til alþjóðlegra skákstiga. 

Mótið fer fram í Skáksambandi Íslands að Faxafeni 12. Skráning er til hádegis 27. október á Skák.is. Þátttökugjald er 1.500 kr. 

Upplýsingar um þegar skráða keppendur má finna hér. 

Unglingameistari 2016 varð Bárður Örn Birkisson.

Víkingaklúbburinn með algjöra yfirburði eftir fyrri hluta Íslandsmóts skákfélaga

Fyrri hluta Íslandsmóts skákfélaga lauk í dag í Rimaskóla. Víkingaklúbburinn hefur mikla yfirburði og hefur 37 vinninga af 40 mögulegum. Sveitin hefur ekki tapað skák og hefur aðeins leyft sex jafntefli en unnið 34 skákir! Í dag unnu Víkingar Taflfélag Garðabæjar 7-1.

Skákfélagið Huginn er í öðru öðru sæti með 31 vinning. Sveitin lagði Fjölni að velli í dag 6½-1½ sem verða að teljast góð úrslit fyrir Hugin. Fjölnismenn eru engu að síður í þriðja sæti með 24 vinninga.

Önnur úrslit dagsins urðu þau að Taflfélag Reykjavíkur vann b-sveit Akureyringa 5½-2½, A-sveit Akureyringa lagði Skákdeild Breiðabliks og Bolungarvíkur að velli 6½-1½ og b-sveit Hugins sigraði Skákdeild KR með sama mun. 

Taflfélag Reykjavíkur og Skákfélag Akureyrar eru í 4.-5. sæti með 21 vinning. Það stefnir í spennandi fallbaráttu en eins og eru Breiðablik&Bolungarvík og KR í fallsætunum. 

Síðari hluti mótsins fer fram 1.-3. mars 2018. 

Pistill ritstjóra um fyrri hlutann verður birtur á morgun eða hinn. 

Öll úrslit umferðar kvöldins má finna á Chess-Results. 

Staðan

2. deild

Það virðist flest benda til þess að liðin sem féllu í fyrra endurheimti sæti sín í fyrstu deild en b-sveit TR og Reyknesingar hafa þegar mjög gott forskot á næstu sveitir. 

1. Taflfélag Reykjavíkur b-sveit 18½ v.
2. Skákfélag Reykjanesbæjar 18 v.
3. Skákdeild Hauka 14½ v.

Skákfélags Selfoss og nágrennis og Taflfélag Reykjavíkur eru í fallsætunum eftir fyrri hlutann.

Nánar á Chess-Results. 

3. deild

B-sveit Víkingaklúbbins hefur fullt hús stiga eftir fyrri hlutann. B-sveit Fjölnis er í öðru sæti með 6 stig.

1. Víkingaklúbburinn b-sveit 8 stig
2. Skákdeild Fjölnis b-sveit 6 stig
3. Skákgengið, Skákfélag Sauðárkróks og Skákfélag Siglufjarðar 5 stig.

Taflfélag Vestmannaeyja og d- og e- sveitir Taflfélags Reykjavíkur eru sem stendur í fallsætunum þremur. 

Nánar á Chess-Results.

4. deild

T

aflfélag Akraness sem tekur þátt í fyrsta skipti í mörg herrans ár er í forystu með fullt hús stiga. B-sveit Garðabæinga er í öðru sæti og b-sveit Hróka alls fagnaða í því þriðja. 

1. Taflfélag Akraness 8 stig
2. Taflfélag Garðabæjar b-sveit 7 stig
3. Hrókar alls fagnaðar b-sveit 6 stig

Úrslit má finna á Chess-Results.

• Heimasíða mótsins
• Chess-Results

 

Víkingaklúbburinn með 30 vinninga af 32 mögulegum!

Víkingaklúbburinn heldur áfram ótrúlegu gengi á Íslandsmóti skákfélaga í Rimaskóla. Í 4. umferð, sem fram fór í kvöld unnu þeir stóran 7-1 sigur á Skákfélagi Akureyrar. Sveitin hefur hlotið 30 vinninga af 32 mögulegum og er þegar komnir með 9 fingur á bikarinn þrátt fyrir mótið sé enn ekki hálfnað.

Skákfélagið Huginn er í öðru sæti með 24½ vinning eða 5½ vinningi á eftir Víkingunum. Huginsmenn unnu Garðbæinga sannfærandi í kvöld 6½-1½. Skákdeild Fjölnis er þriðja sæti með 22½ vinning eftir 6-2 sigur á b-sveit Akureyringa. 

Sjö vinningar eru í fjórða sæti en þar situr Taflfélag Reykjavíkur. TR-ingar unnu nauman 4½-3½ á KR-ingum. Góð úrslit fyrir KR. Að lokum vann b-sveit Hugins Skákdeild Breiðabliks og Bolungarvíkur með minnsta mun í fallbaráttuslag. Huginsmenn lyftu sér þar með úr fallsæti en þar sitja KR og Breiðablik & Bolungarvík sem stendur. 

Öll úrslit umferðar kvöldins má finna á Chess-Results. 

Staðan

Fimmta umferð fer fram á morgun og hefst kl. 11 í Rimaskóla. Þá mætast meðal annars: Víkingaklúbburinn - Garðabær og Huginn - Fjölnir.

Í öðrum deildum er staða efstu liða sem hér segir:

2. deild

1. Taflfélag Reykjavíkur b-sveit 14½ v.
2. Skákfélag Reykjanesbæjar 13 v.
3. Skákdeild Hauka 11½ v.

Nánar á Chess-Results. 

3. deild

1. Víkingaklúbburinn b-sveit 6 stig
2. Skákgengið 5 stig 
3. Skákfélag Akureyrar 4 stig (12 v.)
4. Skákdeild Fjölnis 4 stig (9½ v.)
5. Skáksamband Austurlands 4 stig (8½ v.)

Nánar á Chess-Results.

4. deild

Staða efstu liða

1. Taflfélag Akraness 6 stig
2. Víkingaklúbburinn c-sveit 5 stig (12½ v.)
3. Taflfélag Garðabæjar b-sveit 5 stig (12½)

Úrslit má finna á Chess-Results.

• Heimasíða mótsins
• Chess-Results

 

Skákþáttur Morgunblaðsins: Fjölnir og Víkingaklúbburinn á EM skákfélaga

Skákdeild Fjölnis og Víkingaklúbburinn taka þátt í Evrópumóti taflfélaga sem lýkur um helgina í Antalya í Tyrklandi. Eins og vænta mátti fengu báðar sveitirnar geysisterka andstæðinga í fyrstu umferð. Fjölnismenn, sem taka þátt í þessari keppni í fyrsta sinn, töpuðu fyrir sannkallaðri ofursveit frá Rússlandi, Globus, en hana skipuðu Mamedyarov, Karjakin, Giri, Nepomniachtchi, Korobov og Khismatullin. Það kom fáum á óvart að viðureignin endaði 6:0. Víkingaklúbburinn mætti viðráðanlegri andstæðinga og voru með nýjan liðsmann, Björn Þorfinnsson, en þeir töpuðu einnig stórt. Fyrir lokasprettinn var Fjölnir í 23. sæti af 36 sveitum en Víkingaklúbburinn sat í 32. sæti.

Á þessu móti mæta gjarnan til leiks öflugar sveitir með atvinnumenn á hverju borði en þarna eru líka skemmtilegar sveitir með hreinræktaða áhugamenn og falla íslensku sveitirnar báðar í þann flokk. En það er vel til fundið hjá Helga Árnasyni, skólastjóra og formanni skákdeildar Fjölnis, að gefa gömlum nemendum Rimaskóla, Jóni Trausta Harðarsyni og Oliver Aroni Jóhannessyni, tækifæri til að spreyta sig á þessum vettvangi.

Það hafa þó oft sést meiri tilþrif hjá íslensku liðunum í þessari keppni. Páll Agnar tapaði tveim fyrstu skákum sínum en reif sig upp úr ládeyðunni og vann þrjár skákir í röð.

EM skákfélaga 2017; 5. umferð:

Páll Agnar Þórarinsson – Peparim Makolli

Enskur leikur

1. c4 c5 2. Rf3 Rc6 3. d4 cxd4 4. Rxd4 Rf6 5. Rc3 e6 6. Rdb5 d6 7. Bf4 e5 8. Bg5 a6 9. Bxf6 gxf6 10. Ra3 Be6

10. ... f5 strax er beittara.

11. g3 Db6 12. Dd2 h5 13. Bg2 f5 14. Rd5!

Það er ekki eftir neinu að bíða.

14. ... Bxd5 15. cxd5! Rb8 16. Bh3 h4 17. Hc1 Rd7 18. Rc4 Da7 19. Bxf5

En hér var 19. Dg5! enn betri leikur.

19. ... b5 20. Bxd7+ Kxd7 21. Re3 hxg3 22. fxg3 Bh6 23. Hc3 f5

24. Dc2!

Leppunin var svolítið óþægileg en kóngsstaða svarts að sama skapi slæm. 24. ... Bxe3 25. Dxf5+ Ke7 26. De6+ Kf8 27. Hf1+ Kg7 28. Hxe3!

- og svartur gafst upp.

 

Tvöfaldur sigur Hjörvars – Jón Kristinn vann fyrir norðan

Mikill kraftur hefur verið í skákiðkun landsmanna í haust en fjölmörgum mótum er lokið og önnur að hefjast. Á meistaramóti Hugins sigraði Hjörvar Steinn Grétarsson og hlaut þar 6 vinninga af sjö mögulegum en Björn Þorfinnsson kom næstur með 5 ½ vinning. Hjörvar varð einnig hlutskarpastur á haustmóti TR með 8 vinninga af níu en í 2 sæti varð Magnús Pálmi Örnólfsson með 7 vinninga.

 

Norðan heiða vann Jón Kristinn Þorgeirsson öruggan sigur á haustmóti Skákfélags Akureyrar með 6 ½ vinning af sjö mögulegum.

Á Íslandsmóti ungmenna sem fram fór í Rimaskóla voru krýndir níu Íslandsmeistarar í hinum ýmsu aldursflokkum: Birkir Ísak Jóhannsson vann flokk pilta 15-16 ára, Arnar Heiðarsson varð hlutskarpastur í flokki 13-14 ára, Róbert Luu í flokki 11-12 ára, Gunnar Erik Guðmundsson í flokki 9-10 ára og í flokki 8 ára og yngri sigraði Bjartur Þórisson.

Meðal stúlkna sigraði Rakel Tinna Gunnarsdóttir í flokki 13-14 ára, Freyja Birkisdóttir í 11-12 ára flokknum, Batel Goitom Haile í 9-10 ára flokknum og Guðrún Fanney Briem vann flokk stúlkna 8 ára og yngri.

Í vikunni hófust svo tvö vel skipuð og fjölmenn skákmót: Skákþing Garðabæjar og U-2000 mót Taflfélags Reykjavíkur.

Helgi Ólafsson [e-mail]

------------------

Skákþættir Morgunblaðsins eftir Helga Ólafsson birtast u.þ.b. viku síðar á Skák.is.

Grein þessi birtist í Morgunblaðinu 7. október 2017

Skákþættir Morgunblaðsins

Víkingaklúbburinn með 5 vinninga forskot

Víkingaklúbburinn heldur áfram góðu gengi á Íslandsmóti skákfélaga. Í þriðju umferð, sem lauk fyrir skemmstu, unnu þeir öruggan sigur, 7-1, gegn b-sveit Hugins. A-sveit Hugins er í öðru sæti eftir nauman sigur 4½-3½ sigur á Akureyringum. Skákdeild Fjölnis vann afar vann sigur á Taflfélagi Reykjavíkur 4½-3½ og er í þriðja sæti.

Garðbæingar halda áfram að gera afar góða hluti og lögðu b-sveit Akureyringa að velli 5-3. Að lokum unnu KR-ingar Skákdeild Breiðabliks og Bolungarvíkur 5½-2½ í fallslag og lyftu sér úr fallsæti. 

Fjórða umferð hófst núna kl. 17. Víkingar tefla þá Akureyringa, Huginsmenn við Garðabæinga og Fjölnismenn við b-sveit Akureyringa. 

Öll úrslit fyrstu umferðar má finna á Chess-Results. 

Staðan í efstu deild

 

2. deild

B-sveit Taflfélag Reykjavíkur er í forystu í 2. deild með 9½ vinning af 12 mögulegum. Skákfélag Reykjanesbæjar er í 2. sæti með 8½ vinning og Skákdeild Hauka í því þriðja með 7½ vinning.

Nánar á Chess-Results. 

3. deild

Staða efstu liða

1. Víkingaklúbburinn b-sveit 4 stig (10 vinningar)
2. Skáksamband Austurlands 4 stig (7½ vinningur)
3. Skákfélag Sauðárkróks 3 stig (7½ vinningur)

Nánar á Chess-Results.

4. deild

Staða efstu liða

1. Víkingaklúbburinn c-sveit 4 stig(9½ v.)
2. Taflfélag Garðabæjar 4 stig (9½ v.) 
3. Skákfélag Selfoss og nágrennis 4 stig (9 v.)
4. Taflfélag Akraness 4 stig (8½ v.)

Úrslit má finna á Chess-Results.

• Heimasíða mótsins
• Chess-Results

Hart barist í annari umferð U-2000 mótsins

Önnur umferð U-2000 mótsins fór fram síðastliðið miðvikudagskvöld og að henni lokinni eru níu keppendur efstir og jafnir eftir sigur í sínum fyrstu tveim viðureignum. Á efsta borði sigraði Ólafur Guðmarsson (1724) Jon Olav Fivelstad (1950) nokkuð óvænt ef horft er á stigamun þeirra í milli. Á öðru borði lagði Haraldur Baldursson (1935) Pál Þórsson (1695) nokkuð örugglega og á því þriðja hafði Stephan Briem (1895) baráttusigur á liðsfélaga sínum Birki Ísaki Jóhannssyni (1678) þar sem sá fyrrnefndi var orðinn mjög tæpur á tíma og staðan á borðinu afar tvísýn.

Af öðrum úrslitum má nefna sigur Jóns Eggerts Hallssonar (1648) á Hilmari Garðars Þorsteinssyni (1842) í orrustu þar sem Hilmar geystist fram og fórnaði vel og mikið en Jón stóðst áhlaupið og hlaut að launum vinninginn. Kristján Geirsson (1556) vann fremur auðveldan sigur með svörtu á skákdrottningunni Veroniku Steinunni Magnúsdóttur (1770) og þá gerði hinn ungi Benedikt Briem (1435) aftur gott jafntefli, nú gegn hinum margreynda Jóni Úlfljótssyni (1723). Að lokum má svo nefna góðan sigur Benedikts Þórissonar (1097) á Stefáni Orra Davíðssyni (1405). Nokkuð var því um góð úrslit þeirra stigalægri gegn þeim stigahærri sem gefur góð fyrirheit um spennandi og skemmtilegt mót.

Þriðja umferð fer fram næstkomandi miðvikudagskvöld en í henni taka allnokkrir keppendur yfirsetu. Venju samkvæmt hefst taflið kl. 19.30 og þá mætast m.a. Stephan og Jóhann Arnar Finnsson (1732), Kristján og Alexander Oliver Mai (1875), sem og Agnar Darri Lárusson (1750) og Ólafur. Öll úrslit á Chess-Results ásamt skákunum jafnóðum og þær berast.

Nánanar á heimasíðu TR.

Víkingar í vígahug - 16 vinningar af 16 mögulegum!

Íslandsmót skákfélaga hélt áfram í gærkvöldi í Rimaskóla. Taflmennskan hófst í deildum 2-4 í gær en í fyrradag hófst 1. deild. Um 350 manns á öllum aldri og öllum styrkleika berjast á reitunum 64. Víkingaklúbburinn virðist vera í miklum vígahug. Víkingar yfirspiluðu Skákdeild Breiðableks og Bolungarvíkur 8-0 og hafa Víkingar 

Huginsmenn koma næstir með 13½ vinning eftir að hafa lagt eigin b-sveit að velli 7-1. Fjölnismenn eru þriðju eftir að hafa unnið afar öruggan sigur á KR 7½-½. 

Afar óvænt úrslit urðu þegar Taflfélag Garðabæjar vann Taflfélag Reykjavíkur 4½-3½ þrátt fyrir TR-ingar væru stigahærri á öllum borðum. Garðbæingar hafa hlotið 8½ vinning af 16 mögulegum þrátt fyrir að hafa í öllum tilfellum teflt við stigahærri menn. Nokkuð mögnuð byrjun hjá Garðabæingum. Stórmeistararnir í TR riðum ekki feitum hesti frá viðureigninni. Sverrir Þorgeirsson gerði sér lítið fyrir og vann Margeir Pétursson og Baldur Teódór Petersson gerði jafntefli við Stefán Kristjánsson. 

Að lokum vann a-sveit Skákfélags Akureyrar eigin b-sveit 6½-1½ og er í fjórða sæti. 

Öll úrslit fyrstu umferðar má finna á Chess-Results. 

Staðan í efstu deild

Tvær umferðir fara fram á morgun. Sú fyrri hefst kl. 11 og sú síðari kl. 17. Í fyrri umferð dagsins mætast meðal annars: Víkingaklúbburinn - Huginn-b, Huginn-a - Skákfélag Akureyrar og Fjölnir - TR. 

2. deild

B-sveit TR byrjaði best allra en hún vann eigin c-sveit 5½-½. Skákfélag Reykjanesbæjar er í öðru sæti eftir 5-1 sigur á Selfyssingum og Hrókar alls fagnaðar eru þriðju með 4 vinninga.

Öll úrslit má nálgast á Chess-Results. 

3. deild

Staða efstu liða

1. Víkingaklúbburinn b-sveit 
2. Skákfélag Akureyrar c-sveit
3. Skákgengið

Úrslit má finna á Chess-Results.

4. deild

Staða efstu liða

• 1.-2. Víkingaklúbburinn c-sveit
• 1.-2. Ungmennasamband Borgarfjarðar (UMSB)
• 3. Skákfélag Selfoss og nágrennis 

Úrslit má finna á Chess-Results.

• Heimasíða mótsins
• Chess-Results

Víkingaklúbburinn efstir eftir stórsigur - stórmeistarar lágu í valnum

Íslandsmót skákfélaga hófst í kvöld í Rimaskóla. Víkingaklúbburinn, sem spáð hefur verið Íslandsmeistaratitlinum, hófu mótið með miklum látum þegar KR-ingar voru lagðir af velli 8-0. Stórmeistararnir Helgi Ólafsson og Margeir Pétursson lágu báðir í valnum í kvöld. 

Það var fljótt ljóst í hvað stefndi í viðureign Víkinga og KR og innbyrti ofursveitin afar góðan og örugan sigur.

Íslandsmeistarar Hugins unnu 6½-1½ sigur á Skákdeild Breiðabliks og Bolungarvíkur. Þar vakti sigur Guðmundar Gíslasonar á Helga Ólafssyni óneitanlega mesta athygli. 

Aðrar viðureignir voru mun jafnari. Taflfélag Reykajvíkur vann Skákfélag Akureyrar með minnsta mun, 4½-3½, þrátt fyrir að Akureyringurinn Björn Ívar Karlsson ynni stórmeistarann Margeir Pétursson í afar vel útfærðri skák. 

Í uppgjöri b-sveitanna tveggja unnu Akureyringar Huginsmenn mið minnsta mun þrátt fyrir að hafa verið stigalægri á öllum borðum. Afar góð byrjun norðanmanna sem hafa fleiri vinninga en a-sveitin eftir fyrstu umferð. 

 

Viðureign Taflfélags Garðabæjar og Skákdeild Fjölnis lauk með skiptum hlut, 4-4, en þar voru Garðabæingar einnig stigalægri á öllum borðum.

Öll úrslit fyrstu umferðar má finna á Chess-Results. 

Önnur umferð fer fram á morgun og hefst kl. 20. 

Á morgun hefjast einnig aðrar deildir. Það verða því nærri 350 skákmenn sem setjast að tafli í Rimaskóla á morgun.

• Heimasíða mótsins
• Chess-Results

Víkingum spáð sigri á Íslandsmóti skákfélaga

Ritstjóri Skák.is hefur venju samkvæmt spáð í spilin fyrir Íslandsmót skákfélaga. Að þessu spáir hann Víkingaklúbbnum Íslandsmeistaratitlinum. Spánna má nálgast hér. 

Hjörvar hraðskákmeistari Hugins

Það var hart barist á hvitu og svörtu (brúnu) reitunum í Huginsheimilinu í Breiðholti síðastliðið mánudagskvöld 16. október. Þá fór fram hraðskákmót Hugins í 26 sinn með 17 þátttakendum og þar af tveimur stórmeisturum og góðri blöndu af eldri og yngri skákmönnum. Tefldar voru 7 umferðir, tvöföld við við hvern andstæðing þannig að mest var hægt að fá 14 vinninga. Það vafðist ekki fyrir sigurvegara mótsins Hjörvari Steini Grétarssyni sem lagði alla andstæðinga sína tvisvar að velli og sigraði örugglega með fullu húsi 14 vinningum. Hjörvar vann mótið þar með í fimmta sinn og hafa ekki aðrir unnið mótið oftar. Hjörvar hefur jafnframt hapað titlinum hraðskákmeistari Hugins í öll þessi fimm skipti. Björn Þorfinnsson hefur hins vegar ennþá fleiri hraðskákmeistaratitla eða sjö þótt hann hafi bara unnið mótið fjórum sinnum.

Í öðru sæti varð Jóhann Hjartarson með 11,5v. Annað sætið var honum jafn fast í hendi og fyrsta sætið Hjörvari því auka tveggja vinninganna sem féllu í baráttunni um fyrsta sætið, þá var það aðeins Örn Leó sem náði að merkja við Jóhann með jafntefli í annarri skák þeirra.

Örn Leó Jóhannsson varð nokkuð örugglega þriðji með 10v og sýndi fram á það að sigurinn á Geðheilbrigðismótinu í síðustu viku var engin tilviljun.

Að loknu hraðskákmótinu fór fram verðlaunaafhending bæði vegna þess og Meistaramóts Hugins sem lauk fyrir skömmu. Það vantaði að vísu nokkra verðlaunahafa sem voru að tefla á Skákþingi Garðabæjar og eins var Björn Þorfinnsson ókominn frá Evrópukeppni taflfélaga. Hvað sem þvi leið þá voru Loftur Baldvinsson (3.-4. sæti) og Hjörvar Steinn Grétarsson (1. sæti) bara nokkuð kátir með sín verðlaun.

Það voru fjölbreytt verðlaun á Meistaramóti Hugins. 

Lokastaðan í chess-results.

Nánar á heimasíðu Hugins.