Andri Freyr efstur á Haustmóti SA

Önnur umferð Haustmóts Skákfélags Akureyrar fór fram í gærkveldi. Andri Freyr Björgvinsson er efstu rmeð fullt hús.

Úrslitin í gærkvöldi urðu sem hér segir:

A-úrslit:

• Andri-Hreinn       1-0
• Elsa-Jón Kristinn  0-1
• Sigurðar           1/2

B-úrslit:

• Haki-Fannar        1-0
• Gabríel-Karl       0-1
• Hilmir-Arnar       0-1

Í þriðju umferð sem tefld verður á sunnudaginn eigast þessi við:

• Jón Kristinn-SigurðurA
• Hreinn-Elsa
• SigurðurA-Andri
• Fannar-Hilmir
• Karl-Haki
• Arnar-Gabríel

Sjá nánar á Chess-results:

• A-úrslit
• B-úrslit
• Heimasíða SA

Þorsteinn nýr formaður Hugins

Aðalfundur skákfélagsins Hugins fór fram í gærkvöld bæði í Reykjavík og Reykjadal í gegnum fjarfundarbúnað. Bar þar helst til tíðinda að Þorsteinn Þorsteinsson var kjörinn nýr formaður skákfélagsins Hugins og tekur við af Hermanni Aðalsteinssyni sem verði hefur formaður Hugins sl. þrjú ár.

Hermann var kjörinn varaformaður félagsins og með þeim Þorsteini og Hermanni voru Sigurbjörn Ásmundsson, Tómas Veigar Sigurðarson, Pálmi Pétursson, Kristján Eðvarðsson og Vigfús Vigfússon kjörnir í stjórn skákfélagsins Hugins næsta árið.

Á dagskrá fundarins voru venjuleg aðalfundarstörf. Tillaga um að fækka stjórnarmönnum úr 11 í 7 var samþykkt á fundinum.

Fundargerð aðalfundar verður birt innan skamms

Skákþáttur Morgunblaðsins: Sögulegur sigur Bandaríkjamanna

Bandaríkjamenn unnu sögulegan sigur í opnum flokki Ólympíuskákmótsins í Bakú á þriðjudaginn þegar liðið vann öfluga sveit Kanada, 2½:1½, en keppinautar þeirra Úkraínumenn unnu einnig. Bandaríkjamenn og Úkraínumenn hlutu 20 stig en þeir fyrrnefndu voru mun hærri á mótsstigum. Rússar urðu svo í þriðja sæti. Bandaríkjamenn unnu gullið síðast í Haifa árið 1976 og sigruðu þrisvar á millistríðsárunum, 1933, 1935 og 1937. Bandaríska skáksambandið lagði mikið undir að þessu sinni og sigurinn var sannfærandi og sanngjarn, en sveitina skipuðu Fabiano Caruana, Hikaru Nakamura, Wesley So, Samuel Shankland og Ray Robson.

Í kvennaflokki staðfestu Kínverjar yfirburði sína og unnu Rússa í lokaumferðinni 2½:1½. Kínverjar hlutu 20 stig, Pólverjar urðu í 2. sæti og Úkraína í 3. sæti en báðar þjóðirnar fengu 17 stig.

Segja má að íslenska liðið í opna flokknum hafi botnað á kolvitlausum tíma; 60. sæti er ekki viðunandi niðurstaða. Sá sem þessar línur ritar er ekki mikill aðdáandi þeirra breytinga sem gerðar voru á keppninni fyrir nokkrum árum; við það að fækka umferðum úr þrettán í ellefu og láta stig gilda er hættan sú að ýmsar niðurstöður verði full tilviljanakenndar. En lengi var íslenska sveitin á réttri leið og tókst það sem að var stefnt – að komast í góð færi fyrir lokasprettinn – en það hafðist með góðum sigri á Slóvakíu í 8. umferð. En í lokaumferðunum þremur gekk allt á afturfótunum og sveitin fékk aðeins eitt stig.

Hægt er að tína til ýmislegt sem betur hefði mátt fara en þess má geta að þrír af fimm liðsmönnum bættu ætlaðan árangur sinn og frammistaða Hjörvars Steins Grétarssonar var með ágætum. Hvorki honum né Braga Þorfinnssyni tókst þó að fylgja eftir frábærri byrjun, en Hjörvar var látinn tefla með svart í fimm af sex síðustu skákum sínum og jafnteflistilboð sem hann fékk í betri stöðu í næstsíðustu umferð kallaði á að liðsstjórinn svaraði með afdráttarlausum hætti en hann kaus að varpa ábyrgðinni frá sér. Þá var hinn öflugi stórmeistari Jóhann Hjartarson hvíldur fjórum sinnum, sem var sérkennileg ráðstöfun þegar litið er til þess að á EM í fyrra tefldi hann allar skákirnar fyrir lið sitt og stóð sig glimrandi vel. Hannes Hlífar var ekki sannfærandi á 1. borði, vann aðeins tvær skákir í upphafi móts gegn andstæðingum með í kringum 2.200 Elo-stig. Ingvari Þór Jóhannessyni liðsstjóra tókst vel upp með íslenska liðið á EM í fyrra en var ekki farsæll í Bakú.

Árangur liðsmanna, vinningar og reiknaður árangur var þessi:

1. borð: Hannes Hlífar Stefánsson 5 v. af 10 – 2.537 Elo

2. borð: Hjörvar Steinn Grétarsson 7 v. af 10 – 2.617 Elo.

3. borð: Jóhann Hjartarson 3½ v. af 7 – 2.472 Elo.

4. borð: Guðmundur Kjartansson 5 v. af 9 – 2.466 Elo.

1. varamaður: Bragi Þorfinnsson 5 v. af 8 – 2.469 Elo.

Íslenska kvennaliðið hafnaði um mitt mót, eða í 78. sæti. Lenka Ptacnikova hefur um langa hríð verið akkerið í þessu liði og ágætur grunnur Hallgerðar Helgu Þorsteinsdóttur skilaði stigahækkun upp á 35 Elo-stig. Hrund Hauksdóttir og Veronika Steinunn Magnúsdóttur bættu báðar ætlaðan árangur sinn en Guðlaug Þorsteinsdóttir var langt frá sínu besta. Þegar allt er tekið saman skilaði liðstjóri kvennaliðsins, Björn Ívar Karlsson, góðu verki.

Árangur liðsins var þessi:

1. borð: Lenka Ptacnikova 7 v. af 11 – 2.276 Elo

2. borð: Guðlaug Þorsteinsdóttir 2 v. af 9 – 1.893 Elo.

3. borð: Hallgerður Helga Þorsteinsdóttir 6½ v. af 10 – 2.135 Elo.

4. borð: Hrund Hauksdóttir 2½ v. af 6 – 1.846 Elo.

1. varamaður: Veronika Steinunn Magnúsdóttir 2½ v. af 6 – 1.802 Elo.

 

Torre hetja Ólympíumótsins

Ólympíuskákmótin eru gríðarlega stór viðburður þar sem saman safnast skákmenn úr öllum heimshornum undir kjörorði FIDE, Gens una sumus – Við erum ein fjölskylda. Athyglin beinist oft að þeim sem fremst standa á hverjum tíma. Heimsmeistarinn Magnús Carlsen hóf mótið á byrjunarleik sem ekki sést oft, 1. e2-e3. Hann fékk 7½ vinning af 10 mögulegum og var taplaus. Andstæðingur hans í HM-einvíginu í New York í haust, Sergei Karjakin, hlaut sex vinninga úr níu skákum. 

Filippseyingurinn Eugenio Torre, góðvinur og velgjörðarmaður Bobby Fischer, er 64 ára gamall og tefldi á sínu fyrsta Ólympíumóti í Siegen í V-Þýskalandi árið 1970. Hann var fyrsti stórmeistari Asíu eftir árangur á Ól í Nice í Frakklandi sumarið 1974. Hann tefldi á sínu 23 Ólympíumóti, sem er þátttökumet. Frammistaða hans í Bakú verður lengi í minnum höfð; hann hlaut flesta vinninga allra keppenda, 10 vinninga af ellefu mögulegum, árangur sem reiknast upp á 2.836 Elo stig.

Helgi Ólafsson [e-mail]

Grein þessi birtist í Morgunblaðinu 15. september 2016

Skákþættir Morgunblaðsins

Þorvarður á hvínandi siglingu í Haustmótinu

Blásið var í herlúðra í félagsheimili Taflfélags Reykjavíkur í gær þegar 2.umferð Haustmótsins var tefld. Óvænt úrslit litu dagsins ljós og línur eru farnar að skýrast eilítið í toppbaráttu flokkanna þriggja.

A-flokkur

Þorvarður Fannar Ólafsson (2184) lét sér ekki nægja að ganga í stjórn Taflfélags Reykjavíkur á dögunum heldur ætlar hann sér stóra hluti við skákborðið líka. Þessi fyrrum skákmeistari félagsins lagði gamla brýnið Björgvin Víglundsson (2185) að velli og hefur Þorvarður því fullt hús einn manna í A-flokki. Þá tók stigahæsti keppandi mótsins, Ingvar Þór Jóhannesson (2367), upp gömlu góðu skólabókina og kenndi ungstirninu -yngsta keppanda A-flokks- Vigni Vatnari Stefánssyni (2129) lexíu í athygliverðu endatafli. Vignir Vatnar tefldi ágætlega með svörtu framan af skák og lengi vel leit út fyrir að hann myndi halda fengnum hlut gegn Ingvari. Vigni varð hins vegar á að leika ónákvæmum leikjum í endataflinu og Ingvar nýtti tækifærið og vann taflið með nær óaðfinnanlegri úrvinnslu. Þá tefldi Jón Trausti Harðarson (2100) sína fyrstu vinningsskák í mótinu með því að stýra hvítu mönnunum til sigurs gegn Birki Karli Sigurðssyni (1900). Grafarvogsbyltan á milli Olivers Arons Jóhannessonar (2255) og Dags Ragnarssonar (2272) endaði með skiptum hlut og sömu sögu má segja um TR-bardaga Gauta Páls Jónssonar (2082) og Hrafns Loftssonar (2192).

Round 2 on 2016/09/21 at 19.30
Bo.	No.	Rtg		Name	Result		Name	Rtg	No.
1	10	2184		Olafsson Thorvardur	1 – 0		Viglundsson Bjorgvin	2185	6
2	7	2100		Hardarson Jon Trausti	1 – 0		Sigurdsson Birkir Karl	1900	5
3	8	2255	FM	Johannesson Oliver	½ – ½	FM	Ragnarsson Dagur	2272	4
4	9	2367	FM	Johannesson Ingvar Thor	1 – 0		Stefansson Vignir Vatnar	2129	3
5	1	2082		Jonsson Gauti Pall	½ – ½		Loftsson Hrafn	2192	2

B-flokkur

Mai bræður voru ekkert að grínast með skráningu sinni í Haustmótið og sitja þeir nú á toppi B-flokks með fullt hús ásamt Jóni Þór Lemery. Þeir þremenningar hafa mætt afspyrnuvel á afreksæfingar í Taflfélaginu og því kemur þessi frammistaða skakþjálfurum félagsins ekki á óvart. Alexander Oliver Mai (1656) gerði sér lítið fyrir og vann stigahæsta keppanda B-flokks, Hörð Aron Hauksson (1856). Alexander hefur því mætt tveimur af fjórum stigahæstu keppendum B-flokks og unnið þá báða. Aron Þór Mai (1845) vann Stephan Briem (1569) í lengstu skák umferðarinnar. Jón Þór Lemery (1591) vann góðan sigur með svörtu gegn Halldóri Kristjánssyni (1649). Róbert Luu (1672) stóð fast í fæturna gegn fyrrum landsliðskonunni Sigurlaugu R. Friðþjófsdóttur (1802) og lyktaði skákinni með jafntefli. Þá mættust feðginin Magnús Kristinsson (1833) og Veronika Steinunn Magnúsdóttir (1777) og sættust þau á skiptan hlut, sem að öllum líkindum er jákvætt fyrir heimilisfriðinn.

Round 2 on 2016/09/21 at 19.30
Bo.	No.	Rtg		Name	Result		Name	Rtg	No.
1	10	1833		Kristinsson Magnus	½ – ½		Magnusdottir Veronika Steinun	1777	6
2	7	1656		Mai Alexander Oliver	1 – 0		Hauksson Hordur Aron	1867	5
3	8	1672		Luu Robert	½ – ½		Fridthjofsdottir Sigurl. Regi	1802	4
4	9	1569		Briem Stephan	0 – 1		Mai Aron Thor	1845	3
5	1	1649		Kristjansson Halldor	0 – 1		Lemery Jon Thor	1591	2

 

Opinn flokkur

Til tíðinda dró í toppbaráttu opna flokksins þegar Ólafur Evert Úlfsson (1464) vann stigahæsta keppanda flokksins, Arnald Bjarnason (1647). Ólafur Evert hefur því unnið báðar sínar skákir líkt og Ingvar Egill Vignisson, Hörður Jónasson og Hjálmar Sigurvaldason. Þá sýndi hinn ungi og efnilegi Benedikt Briem (1093) að hann ætlar ekki að gefa stóra bróður í B-flokki þumlung eftir við taflborðið því hann vann Örn Alexandersson (1217) og hefur Benedikt því hlotið 1,5 vinning í skákunum sínum tveimur. Skák Héðins Briem og Þorsteins Magnússonar var frestað vegna veikinda og verður hún tefld næstkomandi mánudagskvöld.

Bo.	No.		Name	Rtg	Pts.	Result	Pts.		Name	Rtg	No.
1	6		Ulfsson Olafur Evert	1464	1	1 – 0	1		Bjarnason Arnaldur	1647	1
2	2		Briem Hedinn	1563	1		1		Magnusson Thorsteinn	1415	9
3	10		Davidsson Stefan Orri	1386	1	0 – 1	1		Vignisson Ingvar Egill	1554	3
4	4		Jonasson Hordur	1532	1	1 – 0	1		Heidarsson Arnar	1340	11
5	24		Hakonarson Oskar	0	1	0 – 1	1		Sigurvaldason Hjalmar	1485	5
6	20		Kristbergsson Bjorgvin	1081	½	0 – 1	½		Thrastarson Tryggvi K	1450	7
7	18		Briem Benedikt	1093	½	1 – 0	0		Alexandersson Orn	1217	13
8	12		Hakonarson Sverrir	1338	0	½ – ½	0		Karlsson Isak Orri	1148	17
9	14		Thorisson Benedikt	1169	0	½ – ½	0		Gudmundsson Gunnar Erik	1082	19
10	21		Omarsson Adam	1065	0	0 – 1	0		Baldursson Atli Mar	1167	15
11	16		Olafsson Arni	1156	0	0 – 1	0		Moller Tomas	1028	22
12	23		Haile Batel Goitom	0	0	1			bye

 

Nánari upplýsingar um mótið má nálgast á chess-results. Þá hefur Daði Ómarsson slegið inn skákir 2.umferðar með slíkum ógnarhraða að keppendur ná varla að undirrita skorblaðið áður en skákir eru komnar á tölvutækt form. Skákir Haustmótsins (pgn): #1, #2

Næstkomandi föstudagskvöld verður 3.umferð tefld í félagsheimilinu og má reikna með æsilegum bardögum og fallegum fléttum. Taflið hefst klukkan 19:30.

Myndskreytta frásögn má finna á heimasíðu TR.

• Heimasíða TR
• Chess-Results

Minningarmót um Guðmund Arnlaugsson fer fram á sunnudaginn

Í tilefni 50 ára afmælis Menntaskólans við Hamrahlíð verður verður haldið minningarmót um Guðmund Arnlaugsson, fyrrum rektor skólans, sunnudaginn 25. september. Skákmótið er síðasti viðburður afmælisdagskrár sem nær yfir dagana 19.–25. september. Heildarverðlaun eru 100.000 kr. og tefldar verða 11 umferðir með umhugsunartímanum 4+2. Eldri nemendur úr MH er boðnir sérstaklega velkomnir til leiks. 

Meðal þegar skráðra keppenda má nefna stórmeistarana: Jóhann Hjartarson, Hjörvar Stein Grétarsson og Þröst Þórhallsson.

Mótið hefst kl. 14 og teflt verður í hátíðarsal skólans. Í upphafi móts verður Friðrik Ólafsson, fyrsti stórmeistari Íslendinga, með stuttan fyrirlestur um mikilvægi Guðmundar fyrir íslenskt skáklíf. 

Verðlaun eru sem hér segir: 

1. 50.000 kr.
2. 30.000 kr.
3. 20.000 kr.

Verðlaunum verður skipt eftir Hort-kerfinu. 

Þrenn bókarverðlaun verða veitt fyrir bestan árangur ungmenna fædd 2001 og síðar.

Þátttökugjöld eru kr. 1.000 og er hægt að leggja þau inn á reikning 101-26-12763, kt. 580269-5409 fyrir mót eða greiða með reiðufé á skákstað.

Mótið verður reiknað til alþjóðlegra hraðskákstiga. 

Skráning fer fram á www.skak.is (guli kassinn). Upplýsingar um þegar skráða keppendur má finna hér.

Davíð Kjartansson sigraði á Meistaramóti Hugins - aukakeppni um meistaratitilinn

Davíð Kjartansson (2356) sigraði á Meistaramóti Hugins sem lauk síðastliðið mánudagskvöldi. Davíð hlaut 6½ vinning í 7 skákum og var ótvírætt bestur á mótinu og vel að sigrinum kominn. Taflmennska hans var heilt yfir heildstæð og mistök fá þannig að hann gaf sjaldan höggstað á sér. Jafnir í öðru og þriðja sæti voru  Sævar Bjarnason (2093) og Jón Trausti Harðarson (2100) með 5v og áttu þeir báðir ágætt mót og tóku góða spretti inn á milli. Í lokaumferðinni lagði Davíð Björgvin Víglundsson að velli en Björgvin þurfti á sigri að halda til að ná Davíð að vinningum. Sævar vann Mikael Jóhann Karlsson sem eins og Björgvin gat náð Davíð ef lokaumferðin hefði teflst honum í hag. Jón Trausti vann Dawid Kolka í lokaumferðinni sem var í baráttu um titilinn skákmeistari Hugins, þar sem enginn af efstu mönnum er félagsmaður í Huginn. Það notfærðu sér Óskar Víkingur Davíðsson og Heimir Páll Ragnarsson og náðu Dawid að vinningum með góðum sigrum í lokaumferðinni. Það verða því þessir þrír ungu Huginsmenn sem þurfa að heyja aukakeppni um titillinn. Sú keppni fer fram næstkomandi laugardag 24. september og hefst kl. 15.30. Fyrst verða tefldar atskákir með umhugsunartímanum 15.mínútur + 5 sekúndur á leik. Ef það dugar ekki til verður hraðskák með tímanum 4 mínútur + 2 sekúndur á leik og ef það nægir ekki verður bráðabani.

Lokastöðu mótsins má nálgast á Chess-Results:

Hverjir hljóta aukaverðlaun er ekki hægt að birta fyrr en að lokinni keppninni um skákmeistara Hugins þar sem hún hefur nokkur áhrif á skiptingu þeirra.

Búið er að slá inn skákir 7. umferðar og hægt að skoða þær á heimasíðu Hugins. Ef menn taka eftir villum í innslætti skáka væri gott að frétta af því. Allar skrárnar með skákum meistaramótsins verða sameinaðar og birtar með frétt um aukaverðlaunin sem kemur um næstu helgi.

Heimasíða Hugins

Kringluskákmótið fer fram í dag

Kringluskákmótið 2016 fer fram fimmtudaginn 22. september, og hefst það kl. 17:00. Mótið fer fram í Kringlunni, en að mótinu stendur Víkingaklúbburinn skákfélag, með aðsetur í Víkingsheimilinu í Víkinni, í samstarfi við markaðsdeild Kringlunnar. 

Gera má ráð fyrir að margir af sterkustu skákmönnum þjóðarinnar muni taka þátt í því. Skákmenn eru hvattir til að skrá sig sem fyrst eftir að opnað verður fyrir skráningu i ágúst. Mótið er öllum opið og er þátttaka ókeypis en skráning mun fara fram á Skák.is (Guli kassinn). Hámarkfjöldi keppenda er 40 manns og því er ekki hægt að tryggja þátttöku nema að skrá sig til leiks. Einnig er hægt að skrá sig í síma 8629744 (Gunnar). Fyrirkomulag mótsins er þannig að keppendur draga fyritækjaspjald úr hatti, sem keppandinn síðan teflir fyrir í mótinu.  Skráningu líkur kl 12.00 að hádegi á mótsdag. Tefldar verða 8 umferðir með 5 mínútna umhugsunartíma.  

1. verðlaun 15.000 kr.

2. verðlaun 10.000 kr

3. verðlaun 5000 kr.  

Sigurvegarinn mótsins hlýtur titilinn Kringuskákmeistari 2016 og forlátan verðlaunagrip að auki. Núverandi Kringlumeistari er Björn Þorfinnsson, sem telfdi fyrir hið íslenska reðursafn.   Skákstjórar á mótinu verða Haraldur Baldursson og Kristján Örn Elíasson. 

Úrslit Kringlumótsins 2015 hér: og hér:
Kringlumóitið 2015, myndaalbúm hér:

Íslandsmót ungmenna (u8-u16) fer fram 8. og 9. október

Íslandsmót ungmenna fer fram helgina 8.-9. október í Rimaskóla. Teflt er í fimm flokkum. Krýndir verða 10 Íslandsmeistarar - efsti strákur og efsta stelpa í öllum flokkunum fimm. Glæsilegar vinningar í boði.

Allir flokkar hefjast 12:00 á laugardeginum. Tekið verður við þátttökugjöldum og staðfestingu á mætingu frá 11:20 – 11:50. Þeir keppendur sem mæta eftir 11:50 geta misst sæti sitt í mótinu.

Skráning er á Skák.is (guli kassinn efst) til og með 6. október. Upplýsingar um þegar skráða keppendur má finna hér.

Þátttökugjald er krónur 1.500 og greiðist með reiðufé við staðfestingu á mætingu. Systkini borga aldrei meira en 2.500 kr. samtals. Hægt er jafnframt að greiða í gegnum netbanka fyrir mót inn á reikning 101-26-12763, kt. 58026-5409. Vinsamlegast látið nafn keppenda koma fram í skýringu og sendið kvittun á [e-mail].

Stefnt er að því að tefla í sérflokkum fyrir stráka og stelpur en mögulega þarf að sameina einstaka flokka verði þátttaka ekki nægjanleg. Sigurvegari í flokki 9-10 ára tryggir sér sæti á Norðurlandamótinu í skák sem fer fram í febrúar í Noregi. Sigurvegarar í elstu flokkunum þremur tryggja sér sæti á Unglingameistaramóti Íslands.

Verði menn jafnir í efstu sætum er teflt um Íslandsmeistaratitla en stig reiknuð um önnur sæti. Í flokki átta ára og yngri verða þó reiknuð stig um öll sæti.

8 ára og yngri (f. 2008 og síðar)

Umhugsunartími: 10 mínútur.

Fjöldi umferða: Allir keppendur tefla fimm umferðir á laugardeginum. Eftir fimm umferðir verður niðurskurður þannig að keppendur með þrjá vinninga eða fleiri komast áfram og mæta líka á sunnudegi. Umferðafjöldi á sunnudegi verður tvær til fjórar umferðir eftir heildarfjölda keppenda.

Dagskrá: Mótið hefst 12:00 á laugardeginum og 12:00 á sunnudeginum fyrir þá sem komast áfram. 

9-10 ára (f. 2006 og 2007)

Umhugsunartími: 10 mínútur.

Fjöldi umferða: Allir keppendur tefla fimm umferðir. Eftir fimm umferðir verður niðurskurður þannig að keppendur með þrjá vinninga eða fleiri komast áfram og mæta líka á sunnudegi. Umferðafjöldi á sunnudegi verður tvær til fjórar umferðir eftir heildarfjölda keppenda.

Dagskrá: Mótið hefst 12:00 á laugardeginum og 12:00 á sunnudeginum fyrir þá sem komast áfram.

11–12 ára (f. 2004 og 2005)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.

13–14 ára (f. 2002 og 2003)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir.

15–16 ára (f. 2000 og 2001)

Umhugsunartími: 15 mínútur með 5 sekúndna viðbótartíma fyrir hvern leik.

Fjöldi umferða: 9                                                                           

Dagskrá: Mótið hefst 12:00 á laugardeginum og verða þá tefldar 5 umferðir. Mótinu verður framhaldið 12:00 á sunnudeginum og verða þá tefldar fjórar umferðir. 

Frestur til að sækja um styrki til SÍ rennur út um mánaðarmótin

Stjórn SÍ veitir styrki til skákmenna þrisvar á ári. Næsta úthlutun fer fram 10. október nk. og rennur frestur til að sækja um styrki nú út um mánaðarmótinu.

Í reglum um styrkveitingar SÍ segir meðal annars:

1. Allir styrkþegar SÍ (ungir, alþjóðlegir og aðrir) þurfa að uppfylla eftirfarandi þrjú skilyrði:

• Hafa teflt 50 kappskákir á síðustu 24 mánuðum fyrir árið 2010 og 60 skákir fyrir árið 2011 og síðar.
• Hafa sýnt umtalsverðar framfarir á sl. 12 mánuðum, sem sjáist m.a. á árangri á skákmótum ársins, hækkun skákstiga og reglulegri þjálfun.
• Hafa sýnt virkni í skákmótum innanlands.

2. Ungir skákmenn (25 ára og yngri) hafa forgang þegar kemur að úthlutun ferðastyrkja. Eftirfarandi börn og unglingar njóta sérstaks forgangs:

• Undir 12 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 12-16 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 16-20 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)
• 20-25 ára: 2 stigahæstu og/eða þeir sem hækkað hafa mest á stigum undanfarna 12 mánuði (bæði í stráka- og stúlknaflokki)

3. Alþjóðlegir meistarar geta fengið ferðastyrki frá SÍ óháð aldri.

4. Þeir sem þiggja stórmeistaralaun geta ekki fengið almenna ferðastyrki frá SÍ.

5. Aðrir skákmenn geta fengið ferðastyrki ef þeir ná árangri sem samsvarar 2350 stigum eða meira (“performance”) í móti sem styrkur er sóttur um. Ákvörðun um styrkveitingu er tekin eftir mót.

Styrktarreglur SÍ

Aðalfundur SA á laugardaginn

Eins og þegar hefur verið auglýst verður aðalfundur Skákfélags Akureyrar haldin í Skákheimilinu laugardaginn 24. september kl. 13.00. Þar verða stunduð venjuleg aðalfundarstörf, s.s. skýrsla stjórnar og afgreiðsla reikninga. Einnig skal kjósa stjórn félagsins á aðalfundi. 

Félagar eru hvattir til að mæta, enda ef fundurinn æðsta vald í málefnum félagsins og hér mun því gefast einstætt tækifæri til áhrifa á sterf þess og hlutverk. Svo má minna á að minnst þurfa 10 félagar að sækja fundinn svo hann verði löglegur.