Hraðskákmót við útitaflið á föstudag

Skákakademía Reykjavíkur efnir til hraðskákmóts á föstudaginn klukkan 16:30 við útitaflið í Lækjargötu. Tefldar verða sex umferðir. Skákmenn hvattir til að mæta enda veðurspáin góð. Senda má skráningu til að liðka fyrir framkvæmd á [e-mail] fyrir hádegi á föstudag.

Baccalá Bar mótið á Hauganesi þann 5. ágúst

Veitingastaðurinn Baccalá Bar og Ektafiskur á Hauganesi standa fyrir hraðskákmóti föstudaginn 5. ágúst nk.

Mótið fer fram á veitingastaðnum og hefst kl. 15.00.

Öllum er heimil þátttaka, en hámarksfjöldi keppenda er 30. 

Tefldar verða 11 umferðir með 7 mínútna umhugsunartíma.
Verðlaunafé er samtals 100.000 kr. og skiptist sem hér segir: 

1. verðlaun 35.000
2. verðlaun 20.000
3. verðlaun 15.000
4. verðlaun 10.000
5.-8. verðlaun 5.000

Hægt er að skrá þátttöku hjá dr. Ingimar Jónssyni í tölvupósti á [e-mail], fyrir 28. júlí nk., eða með Facebook-skilaboðum til Ingimars eða Áskels Arnar Kárasonar.    

Lysthafendur athugið að þetta föstudagskvöld er súpukvöld á Dalvík í upphafi Fiskidagsins mikla og tilvalið að skerpa matarlystina með nokkrum bröndóttum. Hauganes er í u.þ.b. 10 mínútna akstursfjarlægð frá Dalvík.

Munið bara að skrá ykkur í tíma því húsið er fljótt að fyllast!

Stuð við útitaflið 17. júní

Skákakademía Reykjavíkur stóð fyrir taflmennsku við útitaflið 17. júní. Fjölmargir lögðu leið sín að útitaflinu ekki síst fjölskyldufólk. Leyfum myndunum að tala sínu máli. Ef vel viðrar á föstudaginn verður slegið upp stuttu hraðskákmóti.

 

Stærðfræðingurinn Paul Frigge lagði Stefán Bergsson.

 

Hressir feðgar á ferð gripu í tafl.

 

Þjóðhátíðarstemning hjá ungri fjölskyldu.

 

Aðalsteinn Thorarensen er ávallt skammt undan þegar teflt er í miðbænum.

 

Gunnar Freyr formaður Víkingaklúbbsins og Begga dóttir hans litu við.

 

Þessi þrjú sátu lengi að tafli.

 

 Tónlistarmaðurinn og sóknarskákmaðurinn Arnljótur Sigurðsson fylgist með hörkuskák.

 

Landsliðsmaðurinn Gummi Kjartans leit við og tefldi við Hörð Aron Hauksson pípulagningarmann.

 

Gauti Páll og Birkir Ísak komu með seinni skipunum.

Heimsmeistarinn Magnus Carlsen öruggur sigurvegari í Belgíu

Dagana 17.-20. júní sl. fór fram at- og hraðskákmót í Leuven í Belgíu. Tefldar voru 9 atskákir og 18 hraðskákir alls 27 skákir. Atskákirnar giltu tvöfalt og því voru alls 36 vinningar í boði

Heimsmeistarinn, Magnus Carlsen (2855), vann öruggan sigur en hann hlaut 23 vinning af 36 mögleugm. Wesley So (2770) varð annar með 20½ vinning og Levon Aronian (2792) varð þriðji með 20 vinninga.

Ítarlega frásögn af mótinu má finna t.d. á Chess24. 

Fundargerð aðalfundar SÍ 2016

Fundargerð aðalfundar SÍ ritaða af Róberti Lagerman frá 8. maí 2016 er nú aðgengileg.

Hana má nálgast hér.

Heimsmeistarinn efstur fyrir lokaátökin sem hefjast kl. 10

Undanfarna daga hefur farið fram at- og hraðskákmót í Leuven í Belgíu. Því lýkur í dag með níu síðustu hraðskákunum. Magnus Carlsen er efstur með 17 vinninga, Wesley So annar með 16 vinninga og Levon Aronian þriðji með 15½ vinning. 

 

 

Best er að fylgjast með á heimasíðu mótsins.

Pistill frá Hilmi Frey

Meðfylgjandi er pistill frá Hilmi Frey frá móti sem hann tefldi á um síðustu áramót.

Pistilinn má finna myndskreyttan í PDF-viðhengi.

-------------------- 

Í desember 2015 tefldi ég aftur á mótinu Øbro CXU Nytår eins og í fyrra. Þetta er 7 umferða mót sem teflt er á fjórum dögum. Það þýðir auðvitað að það eru tefldar tvær umferðir á dag alla daga nema einu sinni. Ég tefldi í stigaflokki U2000 ELO og var númer 45 af 65 keppendum.

Mótið er haldið í húsnæði skákklúbbsins í Øbro að Rosenvængets Allé á Østerbro, aðstaðan er fín og daglega rútínan var að taka lestina frá Vesterbro og ganga svo að skákstað frá lestarstöðinni skammt frá. Milli umferða tók því ekki að fara upp á hótel svo við fengum okkur að borða og fórum í gönguferðir. Veðrið var stórfínt og hverfið í kringum skákstaðinn flott, góðir veitingastaðir og margt að sjá. 

Ég tefldi við stigahærri andstæðinga allar skákirnar og í fyrstu umferð var ég með hvítt á móti Henrik Porte 2215, ég gerði jafntefli í þessari skák og í raun lítið hægt að segja um hana meira.

Í annarri umferð var ég með svart á móti Henrik Mortensen 1980 og ég vann hann í jafnri skák þar sem hann lék af sér í 29. leik, Hb5 sem tapar skiptimanni og ég vann stuttu síðar.

Í þriðju umferð var ég aftur með svart á móti Jens Olaf Svanholm Fogh 2128 og vann hann í glæsilegri skák eftir 54 leiki. Í leik 34 lék ég Rf4 sem vinnur skákina.

Í fjórðu umferð hafði ég hvítt og tefldi við Brian Jørgen Jørgensen 2275 sem var 8. í stigaröð keppenda og vann hann eftir að hann var með betri stöðu eftir byrjunina. Ég hélt að ég væri búinn að tapa en svo lék hann af sér Drottningunni í 28. leik.

Í fimmtu umferð tefldi ég við Jan Nordenbæk Pedersen 2213 og var með hvítt og gerði jafntefli eftir að hafa verið með lélega stöðu út úr byrjuninni en náði að þráleika í endann.

Í sjöttu umferð var ég með svart á móti FM Jesper Mørch Lauridsen 2320 og gerði jafntefli. Hann sagði við mig eftir skákina: „I have never been out of the book after three moves“. Ég fékk fékk mjög góða stöðu eftir byrjunina og hélt jöfnu.

Í lokaumferðinni var ég aftur með svart og tefldi við Thomas Schou-Moldt 2210 sem ég gerði jafntefli aftur. Ég tefldi byrjunina lélega og fékk þar vonda stöðu en náði svo einhvernvegin að vinna Drottninguna hans með smá taktík og náði þannig að halda jafntefli og ég ætla að sýna hana. 

Þetta var auðvitað bara frábært mót fyrir mig, enda hækkaði ég um 141 elo stig, endaði í 5.sæti og vann minn stigaflokk að auki.Þó það sé erfitt að tefla svona stíft á fáum dögum þá er það samt mjög gaman og ég sé ekki eftir því að hafa eytt jólafríinu mínu í taflmennsku milli jóla- og nýárs. Ég vil þakka GM Henrik Danielsen fyrir að hafa hjálpað mér, fyrir mót og á meðan á því stóð.

Kveðja, Hilmir Freyr

[Event "Reykjavik Open"] [Site "Reykjavik ISL"] [Date "2016.03.14"] [EventDate "2016.03.08"] [Round "8.44"] [Result "1/2-1/2"] [White "Hilmir Freyr Heimisson"] [Black "Thomas Schou-Moldt"] [ECO "A49"] [WhiteElo "2048"] [BlackElo "2186"] [PlyCount "188"] 1. g3 g6 2. Bg2 Bg7 3. Nf3 Nf6 4. O-O O-O 5. d4 d6 6. Nc3 a6 7. e4 c5 8. dxc5 dxc5 9. Be3 Qa5 10. Nd2 Ng4 11. Nb3 Nxe3 12. fxe3 Qc7 13. Nd5 Qd8 14. Nxc5 Nc6 15. Nd3 e6 16. Nc3 Ra7 17. a4 Na5 18. Qe1 Nc4 19. Nd1 b6 20. Rc1 Rd7 21. b3 Nd6 22. N1f2 Bb7 23. Rd1 Qc7 24. c4 Rfd8 25. Nf4 Qc5 26. Rc1 a5 27. N4d3 Qc6 28. c5 Ne8 29. cxb6 Qxb6 30. Nc5 Rd2 31. Nh3 Ba8 32. Rf2 Rxf2 33. Nxf2 Nf6 34. Qf1 Bh6 35. Qe2 Rc8 36. e5 Nd5 37. Bxd5 Bxd5 38. Ng4 Bg7 39. Qb5 Qd8 40. Rf1 Bc6 41. Qd3 h5 42. Nf6+ Bxf6 43. exf6 Qxd3 44. Nxd3 Rd8 45. Rc1 Be4 46. Nc5 Rc8 47. Kf2 g5 48. g4 hxg4 49. Kg3 Kh7 50. Kxg4 Kg6 51. Rc4 Bf5+ 52. Kg3 Bb1 53. e4 Ba2 54. Rc1 e5 55. h3 Rb8 56. Ra1 Rc8 57. Rc1 Rb8 58. Rc3 Rc8 59. Rc1 Rc6 60. Kf3 Kh5 61. Kg3 Rd6 62. Rf1 Rc6 63. Nb7 Bxb3 64. Nxa5 Rc3+ 65. Rf3 Rxf3+ 66. Kxf3 Bxa4 67. Nc4 Kh4 68. Nxe5 Bb3 69. Kg2 Be6 70. Kh2 Ba2 71. Nd7 Be6 72. Nf8 Bxh3 73. e5 Bf5 74. e6 Bxe6 75. Nxe6 Kg4 76. Ng7 Kh4 77. Kg2 Kg4 78. Kf1 Kf3 79. Ke1 Ke3 80. Ne8 Kf3 81. Kf1 Kg3 82. Ke2 g4 83. Nd6 Kf4 84. Kf2 Ke5 85. Ne8 Kf4 86. Kg2 g3 87. Kf1 Kg4 88. Kg1 Kf4 89. Kg2 Kg5 90. Kf1 Kf4 91. Kg1 Kg4 92. Kg2 Kf4 93. Nd6 Ke5 94. Nxf7+ Kxf6 1/2-1/2

Skrár tengdar þessari bloggfærslu:

• Pistill Hilmis Freys

Skákþáttur Morgunblaðsins: Jóhann og Héðinn jafnir og efstir fyrir lokaumferð Íslandsmótsins

Jóhann Hjartarson og Héðinn Steingrímsson deila efsta sæti fyrir lokaumferð keppninnar í landsliðsflokki á Skákþingi Íslands sem fram fer í Tónlistarskóla Seltjarnarness. Þeir eru vinningi á undan Braga Þorfinnssyni, sem tapaði í gær fyrir Íslandsmeistaranum frá 2014, Guðmundi Kjartanssyni, og Jóni Viktori Gunnarssyni. Jóhann og Héðinn hafa báðir svart í lokaumferð mótsins, sem hefst kl. 13 í dag. Þessir tveir voru fyrir fram taldir sigurstranglegir á mótinu, en Jóhann varð síðast Íslandsmeistari á Akureyri árið 1997 og hefur unnið titilinn fimm sinnum.

Staðan fyrir lokaumferðina:

1.-2. Jóhann Hjartarson og Héðinn Steingrímsson 7½ v. (af 10) 3.-4. Bragi Þorfinnsson og Jón Viktor Gunnarsson 6½ v. 5.-6. Guðmundur Gíslason og Björn Þorfinnsson 5½ v. 7.-9. Davíð Kjartansson, Guðmundur Kjartansson og Einar Hjalti Jensson 4½ v. 10. Örn Leó Jóhannsson 3½ v. 11. Hjörvar Steinn Grétarsson 3 v. 12. Jóhann Ingvason 1v.

Stigahæsti keppandinn, Hjörvar Steinn Grétarsson, hefur átt við veikindi að stríða allt mótið. Eftir skák sína við Jón Viktor í 9. umferð treysti hann sér ekki til að tefla áfram í mótinu og Íslandsmeistarinn Héðinn Steingrímsson fékk vinninginn í gær án þess að tefla við Hjörvar. Þetta skekkir vitaskuld samkeppnisstöðuna, en eins og sakir standa eru talsverðar líkur á því að Jóhann og Héðinn verði efstir og jafnir að vinningum. Jóhann Hjartarson mætir nafna sínum Jóhann Ingvasyni í lokaumferðinni í dag og skyldi enginn útiloka að hinn harðvítugi kaffihúsastíll Ingvasonar, þróaður á knattborðsstofunni í Faxafeni, geti reynst stórmeistaranum hættulegur. Á pappírunum er viðureign dagsins erfiðari hjá Héðni, sem mætir Einari Hjalta Jenssyni.

Hetju þessa móts verður að telja Guðmund Gíslason, sem hefur náð lokaáfanga sínum að alþjóðlegum meistaratitli. Gamli verkstjórinn um borð á Guggunni frá Ísafirði hóf mótið á því að tapa fyrstu þrem skákum sínum. Síðan vann hann Héðin Steingrímsson og Hjörvar Stein Grétarsson og á miklum spretti hlaut hann 5½ vinning úr sex skákum en tapaði svo fyrir Birni Þorfinnssyni í gær. Hann hefur þegar hækkað um 44 Elo-stig fyrir frammistöðu sína.

Ef kjósa á dramatískustu skák mótsins er valið ekki erfitt:

Skákþing Íslands, 8. umferð:

Jóhann Hjartarson – Einar Hjalti Jensson

Jóhann Hjartarson náði sér ekki á strik á Íslandsmótinu í fyrra. Hann fékk harða mótspyrnu í flestum skákunum og var einkennilega ófarsæll. Í þessu móti hefur gæfuhjólið snúist honum í vil. Einar Hjalti var með gjörunnið tafl og lék síðast 51. ... c4-c3. Barátta hvíts virðist algerlega vonlaus, t.d. 52. gxh5 c2 53. hxg6+ Kg8 o.s.frv. eða 52. Hxg6 Kxg6! 53. Dxh5+ Kg7 54. Dxe8 c2 og mátið í borði blasir við. Jóhann var við það að „henda inn handklæðinu“ en ákvað að láta reyna á eina saklausa brellu:

52. Hc5!?

Dugar skammt. Svartur getur leikið 52. ... Ha7! t.d. 53. De1 Da4 o.s.frv.

52. ... Hxc5??

Þetta mátti hann alls ekki gera.

53. Hxg6! Kxg6

Hvítur hótaði 54. Df6 mát.

54. Dxh5+ Kg7 55. Dxe8

Skákreiknarnir eru á einu máli um að þessi staða sé jafntefli en Einar Hjalti vildi ekki láta sigurinn sér úr greipum ganga. Þar kom að hann teygði sig of langt og tapaði í 78 leikjum en taflmennska Jóhanns á þeim kafla var óaðfinnanleg

Grein þessi birtist í Morgunblaðinu 11. júní

Skákþættir Morgunblaðsins

[Event "Icelandic Chess Championship"] [Site "?"] [Date "2016.06.08"] [Round "?"] [White "Hjartarson, Johann"] [Black "Jensson, Einar Hjalti"] [ECO "A11"] [WhiteElo "2547"] [BlackElo "2370"] [Result "1-0"] 1. c4 c6 2. Nf3 d5 3. d4 e6 4. e3 Bd6 5. Bd3 f5 6. O-O Nf6 7. b3 Qe7 8. Bb2 O-O 9. Nbd2 Nbd7 10. Ne5 Ne4 11. f3 Nxd2 12. Qxd2 Nxe5 13. dxe5 Bc5 14. Kh1 b6 15. f4 a5 16. Rf3 h5 17. Rg3 Kf7 18. Rf1 g6 19. Rff3 Rg8 20. cxd5 cxd5 21. Qd1 Ba6 22. Bxa6 Rxa6 23. Rg5 Qf8 24. Rh3 Rg7 25. Bd4 a4 26. bxa4 Ra8 27. Qb3 Qe8 28. Bxc5 bxc5 29. Rf3 Rb8 30. Qd3 Qxa4 31. Rf1 Qxa2 32. h3 Rb3 33. Qd1 Rxe3 34. Kh2 Rg8 35. Qc1 Qa3 36. Qd1 c4 37. Qd4 Rd3 38. Qb6 Rb3 39. Qc6 Qe7 40. Ra1 Qb7 41. Qd6 Rb6 42. Qc5 Rc8 43. Qf2 Rb8 44. Qg3 Rb3 45. Qh4 Qe7 46. Ra6 R3b6 47. Ra4 Qe8 48. Ra7+ R8b7 49. Ra5 Rc7 50. g4 Rb2+ 51. Kg1 c3 52. Rc5 Rxc5 53. Rxg6 Kxg6 54. Qxh5+ Kg7 55. Qxe8 Rb7 56. Qxe6 Rf7 57. g5 Rcc7 58. Qh6+ Kg8 59. Qg6+ Kf8 60. Qd6+ Rfe7 61. Qf6+ Ke8 62. Qg6+ Kd7 63. Qxf5+ Kc6 64. Kf2 Kb7 65. Qc2 Rc4 66. Kf3 Kc6 67. g6 d4 68. Ke4 Kc5 69. f5 Rd7 70. Kd3 Rd5 71. Qa2 Rb4 72. Qa5+ Rb5 73. Qc7+ Kb4 74. Qc4+ Ka3 75. g7 Rbc5 76. Qxd5 Rxd5 77. g8=Q Rc5 78. Qf8 1-0

Ný íslensk skákstig

Ný íslensk skákstig eru komin út og miðast þau við 1. júní sl. Héðinn Steingrímsson (2581) er stigahæstur íslenskra skákmanna en Hjörvar Steinn Grétarsson (2570) og Jóhann Hjartarson (2570) koma næstir. Jóhann Örn Bjarnason (2405) er stigahæstur nýliða. Birkir Ísaka Jóhannsson (195) hækkaði mest allra frá mars-listanum.

Topp 20

Nr.	Name	RtgC	Diff	Cat	Tit	Games	Club
1	Héðinn Steingrímsson	2581	5	-	GM	410	Fjölnir
2	Hjörvar Grétarsson	2570	6	-	GM	648	Huginn
3	Jóhann Hjartarson	2570	5	-	GM	796	TB
4	Hannes H Stefánsson	2564	-18	-	GM	1189	Huginn
5	Margeir Pétursson	2561	0	-	GM	688	TR
6	Helgi Ólafsson	2543	-4	SEN	GM	869	Huginn
7	Jón Loftur Árnason	2493	-4	-	GM	659	TB
8	Henrik Danielsen	2490	-10	-	GM	310	Utan
9	Helgi Áss Grétarsson	2476	-5	-	GM	608	Huginn
10	Stefán Kristjánsson	2449	-13	-	GM	903	TR
11	Jón Viktor Gunnarsson	2445	-5	-	IM	1146	TR
12	Friðrik Ólafsson	2441	0	SEN	GM	177	TR
13	Karl Þorsteins	2437	3	-	IM	613	TR
14	Guðmundur Kjartansson	2423	14	-	IM	836	TR
15	Bragi Þorfinnsson	2413	6	-	IM	1060	TR
16	Arnar Gunnarsson	2405	8	-	IM	845	TR
17	Þröstur Þórhallsson	2405	-6	-	GM	1325	Huginn
18	Dagur Arngrímsson	2403	1	-	IM	667	TB
19	Björn Þorfinnsson	2398	0	-	IM	1167	TR
20	Magnús Örn Úlfarsson	2369	5	-	FM	586	Huginn

 

Nýliðar

 

Nr.	Name	RtgC	Diff	Cat	Tit	Games	Club
1	Jóhann Örn Bjarnason	1405	1405	-		6	Siglufjörður
2	Eyþór Kári Ingólfsson	1201	1201	U16		11	Huginn
3	Gudmundur Peng Sveinsson	1201	1201	U12		19
4	Örn Alexandersson	1186	1186	U12		8
5	Magnus Hjaltason	1060	1060	U12		17
6	Ásmundur Sighvatsson	1000	1000	-		6	Áttaviltir
7	Batel Goitom Haile	1000	1000	U10		14	TR
8	Gylfi Már Harðarson	1000	1000	U14		6	TR
9	Hákon Garðarsson	1000	1000	U14		16	Fjölnir
10	Rikharð Skorri Ragnarsson	1000	1000	U12		9	Fjölnir

Mestu hækkanir

 

Nr.	Name	RtgC	Diff	Cat	Tit	Games	Club
1	Birkir Ísak Johannsson	1424	195	U14		83	TR
2	Róbert Luu	1663	185	U12		186	TR
3	Sólon Siguringason	1228	128	U12		44	TG
4	Stefán Orri Davíðsson	1301	122	U10		154	Huginn
5	Alexander Oliver Mai	1616	115	U14		139	TR
6	Alec Sigurðarson	1447	101	U18		127	Huginn
7	Halldór Kristjánsson	1216	97	-		15	Vinaskákfélagið
8	Þór Hjaltalín	1593	95	-		87	Sauðárkrókur
9	Nansý Davíðsdóttir	1685	93	U14		211	Fjölnir
10	Kristján Geirsson	1500	93	-		23	Víkingaklúbburinn

 

Sumargleði á skáknámskeiðum TR

Sumarnámskeið Taflfélags Reykjavíkur hófust í þessari viku. Mikil gleði hefur ríkt á meðal barnanna enda er fátt skemmtilegra en að tefla í góðra vina hópi. Það er jafnframt mikið gleðiefni að kynjahlutföll þessa vikuna voru jöfn.

Börnin tefla mikið hvert við annað en á milli skáka eru stuttar kennslustundir. Börnin fá jafnframt einstaklingsmiðaða leiðsögn eftir styrkleika hvers og eins. Hið margrómaða hasarfjöltefli hefur slegið í gegn hjá börnunum en þá eru skákreglur mun frjálslegri en gengur og gerist. Svo er hin daglega hressing alltaf vinsæl.

Námskeið 3 og 4 hefjast á mánudag í næstu viku. Skáksalur TR rúmar stóran hóp barna og því nóg pláss fyrir öll þau börn sem vilja taka þátt í sumargleði TR.

Skráning á námskeiðin fer fram hér.