Hannes efstur ásamt tveimur öðrum í Eisenstein

Stórmeistarinn Hannes Hlífar Stefánsson (2593) er efstur ásamt tveimur öðrum á alþjóðlegu móti sem fram fer í þýska fjallaþorpinu Bayerisch-Eisenstein sem liggur við landamæri Tékklands. Eftir sex umferðir hefur Hannes 5 vinninga og er efstur ásamt kollegum sínum Misa Pap (2474) og Michael Prusikin (2486). Í sjöundu umferð, sem fram fer á morgun, teflir Hannes við Misa Pap. 

96 skákmenn taka þátt í mótinu og þar af eru sjö stórmeistarar. Hannes er stigahæstur keppenda.

Heimasíða mótsins

 

 

Flugfélagsmótið í Vin

Fjórða og síðasta skákmótið í Flugfélagsyrpunni verður haldið mánudaginn 10.ágúst kl. 13.00. í Vin fræðslu og batasetur Hverfisgata 47. Mótasyrpunni mun ljúkja með pomp og prakt á mánudaginn, glæsileg verðlaun og ljúffengar veitingar verða á skákveisluborði VINAR-skákfélagsins. Mótin hafa verið mánaðarleg í allt sumar.

Sem stendur er Róbert Lagerman efstur í Flugfélagssyrpunni, en allt getur gerst í lokamótinu því vinningafjöldinn hefur tvöfalt vægi næsta mánudag. Eins og ávallt mun leynigestur opna skákmótið. Allir eru hjartanlega velkomnir.

Pistill Gumma Kja: Minningarmót um Capablanca

Guðmundur Kjartansson hefur skrifað pistil um minningarmótið um Capablanca sem hann tók þátt fyrr í sumar. Þar minnist hann jafnframt á mótið í Sankti Pétursborg. Skýrða skák frá mótinu má finna hér.

Pistilinn skemmtilega má finna sem PDF-viðhengi.

Skrár tengdar þessari bloggfærslu:

• Minningarmót um Capablanca

Sumarsyrpa Breiðabliks hefst í dag

Sumarsyrpa Breiðabliks er með samskonar fyrirkomulagi og hin vinsæla Bikarsyrpa TR.
Tvö mót verða haldin í sumar. Það seinna fer fram helgina 7.-9.ágúst. Mótin eru ætluð börnum á grunnskólaaldri (fæddum 1999 og síðar) sem ekki hafa náð 1600 skákstigum. Þau eru reiknuð til íslenskra og alþjóðlegra skákstiga.

Tefldar eru 5 umferðir eftir svissneska kerfinu. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Það margborgar sig að vanda sig og nota tímann, en samt má búast við því að margar skákir klárist á styttri tíma.

Dagskrá:

1. umferð kl 17:30 á föstudegi
2. umferð kl 10:30 á laugardegi
3. umferð kl 14:00 á laugardegi
4. umferð kl 10:30 á sunnudegi
5. umferð kl 14:00 á sunnudegi

Teflt er í Glersalnum í Stúkunni við Kópavogsvöll.

Verðlaun:

• 1. sæti: fyrsta val
• efstur 10 ára og yngri: annað val
• 2. sæti: þriðja val
• 3.sæti: fjórða val
• nr 2 10 ára og yngri: fimmta val
• nr 3 10 ára og yngri: sjötta val

Verðlaunapakkar: Pizza frá Íslensku Flatbökunni Bæjarlind, Stór bragðarrefur frá Vesturbæjarís, 4 bíómiðar í boði Vitakletts og Sambíóanna, 2 bíómiðar (3 pör af þeim).

Skráning í mótið  7.-9.ágúst: https://docs.google.com/forms/d/1rsyp1VnMmVd2Xx2C1UqPVpGvY6p7sngkJOjawyGihZA/viewform?usp=send_form

Skráðir keppendur: https://docs.google.com/spreadsheets/d/1baghnMaXs2DH85jja-DwZ_b9eSeL2uLd6orNtrIAwsI/edit#gid=975323026

Úrslit mótsins 3.-5.júlí: http://chess-results.com/tnr179648.aspx?lan=1

Heimasíða Skákdeildar Breiðabliks: http://www.breidablik.is/skak

Blindskákfjölteflið: Jón Trausti lagði meistarann

Bandaríski stórmeistarinn, Timur Gareyev, tefli blindskákfjöltefli í dag í húsnæði Skákskóla Íslands við 11 meðlimi unglingalandslið Íslands. Garaeyv þessi stefnir á að slá heimsmetið í blindskákfjöltefli á næsta ári með því að tefla við 50 manns í einu en metið nú er 46. Er skemmst frá því að segja að stórmeistarinn fór á kostum í dag, tefldi geysivel, þrátt fyrir mikla mótspyrnu og að sjá ekki á skákborðin og fékk 10 vinninga í 11 skákum. Það var aðeins Jón Trausti Harðarson sem lagði meistarann í hörkuskák.

Það var sérstakt að sjá meistarann undirbúa sig við upphaf fjölteflisins. Hann greinilega skoðaði hvern andstæðing fyrir sig og spurði hvað hver væri með að stigum og lagði andlit hvers og eins á minnið.

Hann tefldi mjög mismunandi byrjanir á hverju borði – væntanlega til að hafa stöðurnar sem  ólíkastar á hverju borði. Að tefla blindskák, hvað þá margar í einu, þýðir að menn þurfa að hafa gríðarlega minnistækni, sem er afar fáum eðlislæg jafnvel fáum stórmeisturum, og bakvið  hana er mjög mikil vinna.

Það var hreint og beint ótrúlegt að sjá getuna hjá meistaranum þrátt fyrir að sjá ekki á borðin og þurftu krakkarnir, sem kalla nú ekki allt ömmu sína, að gefast upp hver á fætur öðrum. Þau sem lengst stóðu í meisturunum voru Vignir Vatnar Stefánsson og Veronika Steinunn Magnúsdóttir fyrir auðvitað Jón Trausta.

Þau sem tefldu við meistarann voru: Oliver Aron Jóhannesson, Jón Trausti Harðarson, Veronika Steinunn Magnúsdóttir, Hilmir Freyr Heimisson, Heimir Páll Ragnarsson, Vignir Vatnar Stefánsson, Óskar Víkingur Davíðsson, Róbert Luu, Stefán Orri Davíðsson, Freyja Birkisdóttir og Adam Omarsson. 

Fjallað verður um fjölteflið í sjónvarpsfréttum RÚV í kvöld.

Í gær tefldi Timur á hraðskákmótið í Stofunni. Þar varð í 2.-3. sæti ásamt Þresti Þórhallssyni. Hjörvar Steinn Grétarsson sigraði á mótinu. 

Lokastöðuna má finna á Chess-Results.

Yfirlýsing frá stjórn SÍ

Eftirfarandi yfirlýsing var samþykkt samhljóða af stjórn SÍ á stjórnarfundi sambandsins í gær.

Yfirlýsing frá stjórn Skáksambands Íslands

Vegna fréttaflutnings Stundarinnar, 1. ágúst sl., undir heitinu: „Forseti Skáksambandsins fékk fé sem var eyrnamerkt unglingum“, vill stjórn SÍ koma eftirfarandi á framfæri:

Stjórn SÍ mótmælir harðlega ósönnum aðdróttunum í fréttinni. Það er algerlega fráleitt að forseti SÍ hafi fengið greitt fé sem eyrnmerkt var unglingum. Slíkur uppspuni lýsir ekki aðeins einbeittum vilja til að snúa út úr staðreyndum, heldur einnig þeim augljósa ásetningi að valda Skáksambandinu og forseta þess skaða.

Það er rétt að Skáksamband Íslands fékk hækkun á fjárlögum á árunum 2012 og 2013, að upphæð 10 milljónir króna. Sú aukafjárveiting fékkst í kjölfar fundar sem Hrafn Jökulsson forseti Hróksins átti, fyrir hönd skákhreyfingarinnar, með Steingrími J. Sigfússyni þv. fjármálaráðherra, haustið 2011. Þar var rætt um nauðsyn þess að efla starf SÍ, í kjölfar aukinna umsvifa, með því að ráða nýjan starfsmann í fullt starf.  Þar var nafn Gunnars sérstaklega nefnt og þá í þeim tilgangi að hann gæti einbeitt sér af fullum krafti fyrir skákhreyfinguna. Þetta geta bæði Hrafn og Steingrímur staðfest. Ummælin, sem fram koma í Stundinni, þess efnis að Gunnar hafi tekið til sín peninga, eyrnamerkta unglingum, eru því í senn ósönn, tilhæfulaus og rætin.

Fullyrðingar Stundarinnar um aðkomu Andreu Margrétar Gunnarsdóttir að launamálum Gunnars eru einnig rangar og með eindæmum ósmekklegar. Það er athyglisvert að blaðamaður Stundarinnar kaus ekki að hafa samband við þá stjórnarmenn sem sáu um samningamál við Gunnar þó að honum hafi sérstaklega verið bent á þá og gefin upp símanúmer þeirra. Þeir geta allir staðfest að aðkoma Andreu var engin að samningum á milli SÍ og Gunnars árið 2013.  Jafnframt er rétt að taka fram að þessir samningar voru samþykktar samhljóða af stjórn SÍ.

Forsendur greinarinnar eru því rangar og úr lausu lofti gripnar. Stjórn SÍ átelur slík vinnubrögð og harmar að tilraunir hafi ekki verið gerðar til að leita nákvæmra upplýsinga þar sem þeirra var að vænta.

Virðingarfyllst, 

Stjórn Skáksambands Íslands.

-------------

Stjórn SÍ skipa eftirtaldir

Gunnar Björnsson, forseti
Kjartan Maack, varaforseti
Óskar Long Einarsson, gjaldkeri
Róbert Lagerman, ritari
Ingibjörg Edda Birgisdóttir, vararitari
Stefán Bergsson, æskulýðsfulltrúi
Steinþór Baldursson, meðstjórandi

Sumarsyrpa Breiðabliks hefst á föstudaginn

Sumarsyrpa Breiðabliks er með samskonar fyrirkomulagi og hin vinsæla Bikarsyrpa TR.
Tvö mót verða haldin í sumar. Það seinna fer fram helgina 7.-9.ágúst. Mótin eru ætluð börnum á grunnskólaaldri (fæddum 1999 og síðar) sem ekki hafa náð 1600 skákstigum. Þau eru reiknuð til íslenskra og alþjóðlegra skákstiga.

Tefldar eru 5 umferðir eftir svissneska kerfinu. Tímamörk eru 30 mínútur + 30 sekúndur á hvern leik og geta skákirnar því varað í allt að tvær klukkustundir. Það margborgar sig að vanda sig og nota tímann, en samt má búast við því að margar skákir klárist á styttri tíma.

Dagskrá:

1. umferð kl 17:30 á föstudegi
2. umferð kl 10:30 á laugardegi
3. umferð kl 14:00 á laugardegi
4. umferð kl 10:30 á sunnudegi
5. umferð kl 14:00 á sunnudegi

Teflt er í Glersalnum í Stúkunni við Kópavogsvöll.

Verðlaun:

• 1. sæti: fyrsta val
• efstur 10 ára og yngri: annað val
• 2. sæti: þriðja val
• 3.sæti: fjórða val
• nr 2 10 ára og yngri: fimmta val
• nr 3 10 ára og yngri: sjötta val

Verðlaunapakkar: Pizza frá Íslensku Flatbökunni Bæjarlind, Stór bragðarrefur frá Vesturbæjarís, 4 bíómiðar í boði Vitakletts og Sambíóanna, 2 bíómiðar (3 pör af þeim).

Skráning í mótið  7.-9.ágúst: https://docs.google.com/forms/d/1rsyp1VnMmVd2Xx2C1UqPVpGvY6p7sngkJOjawyGihZA/viewform?usp=send_form

Skráðir keppendur: https://docs.google.com/spreadsheets/d/1baghnMaXs2DH85jja-DwZ_b9eSeL2uLd6orNtrIAwsI/edit#gid=975323026

Úrslit mótsins 3.-5.júlí: http://chess-results.com/tnr179648.aspx?lan=1

Heimasíða Skákdeildar Breiðabliks: http://www.breidablik.is/skak

Reynir við heimsmetið í blindskákfjöltefli - æfir sig hérlendis á morgun

Bandaríski stórmeistarinn Timur Gareyev kemur til landsins í dag. Gareyev millilendir á Íslandi á leið til Bandaríkjanna.

Undanfarin misseri hefur hann dvalið í Evrópu þar sem hann hefur teflt blindskákfjöltefli. Ferð Gareyevs til Evrópu er liður í undirbúningi hans fyrir tilraun að heimsmeti í blindskák sem hann stefnir að á næsta ári. Þá mun hann tefla við 50 skákmenn í einu án þess að sjá eitt einasta skákborð! 

Timur mun tefla við ungmennalandslið Íslands (12-14 manns) á mogun klukkan 10:00. Fjölteflið fer fram í húsakynnum Skákskóla Íslands (inngangur vesturmeginn) og eru áhorfendur hjartanlega velkomnir.

Landsliðið fer í vetur á Heimsmeistaramót í Grikklandi og er þátttakan í fjöltefli Gareyevs liður í undirbúningnum. Ásamt blindskákfjölteflinu mun Gareyev tefla á hraðskákmóti með sterkari skákmönnum landsins í kvöld.

 

Hannes með fullt hús eftir fjórar umferðir

Stórmeistarinn Hannes Hlífar Stefánsson (2593) byrjar afar vel á mótinu í þýska fjallaþorpinu Bayerisch-Eisenstein. Eftir fjórar umferðir hefur Hannes fullt hús. Í dag vann hann þýska alþjóðlega meistarann Ivan Hausner (2343). Á morgun teflir Hannes við stórmeistarann Leonied Milov (2421) sem einnig hefur fullt hús.

Skákir mótsins virðast ekki vera sýndar beint. 

96 skákmenn taka þátt í mótinu og þar af eru sjö stórmeistarar. Hannes er stigahæstur keppenda.

Heimasíða mótsins

 

 

Mjög góð byrjun Páls Agnars á Spáni

Páll Agnar Þórarinsson (2249) byrjar afar vel á alþjóðlega mótinu í Badalona sem nú er í gangi. Eftir 3 umferðir hefur Páll 2½ vinning. Þar af hefur Páll 1½ á móti alþjóðlegum meisturum.

Ekki er að sjá það séu beinar útsendingar frá mótinu. 

122 skákmenn frá 25 löndum taka þátt í mótinu og þar af eru 8 stórmeistarar. Páll er nr. 49 í stigaröð keppenda.

• Heimasíða mótsins
• Chess-Results