Huginn í beinni gegn Evrópumeisturunum

Sjötta og næstsíða umferð EM taflfélaga hófst kl. 13 í Bilbao á Spáni. Skákfélagið Huginn mætir Evrópumeisturunum, G-Team Novy Bor, sem er mun sterka á pappírnum en sveit Hugins.

 

2.1	2736	Wojtaszek, Radoslaw	...	...	Jones, Gawain C B	2664
2.2	2722	Navara, David	...	...	Van Kampen, Robin	2637
2.3	2725	Harikrishna, P.	...	...	Thorhallsson, Throstur	2437
2.4	2675	Laznicka, Viktor	...	...	Jensson, Einar Hjalti	2349
2.5	2680	Sasikiran, Krishnan	...	...	Hreinsson, Hlidar	2229
2.6	2638	Hracek, Zbynek	...	...	Teitsson, Magnus	2197

 

Hægt er að fylgjast beint með viðureign Hugins. Nokkrar leiðir eru til þess en ritstjóri mælir með Chessbomb (tölvuskýringar) og útsendingu Chess24 þar sem Lawrence Trent og Jan Gustafsson fara á kostum í umfjöllun um ofurmótið í Bilbao og EM taflfélaga,

• Heimasíða mótsins
• Heimasíða Hugins (fréttir og pistlar)
• Chess24 (mjög góðar beinar útsendingar)
• Úrslitaþjónusta
• Myndaalbúm (VÓV)
• Beinar útsendingar

Haustmót SA að hefjast

Haustmót Skákfélags Akureyrar - hið árlega meistaramót félagsins hefst í næstu viku.

Dagskrá:

• Fimmtudagur 25. september kl. 20.30         1-2. umferð
• Föstudagur 25. september kl. 18.00             3. umferð
• Laugardagur 25. september kl. 13.00           4.umferð
• Sunnudagur 25. september kl. 13.00            5. umferð

(Hlé vegna Íslandsmóts skákfélaga)

• Laugardagur 11. október kl. 13.00                6. umferð
• Sunnudagur 12. október kl. 13.00                 7. umferð

Fyrirkomulag mótsins er áformað þannig, að fyrst verða tefldar tvær atskákir, en síðan fimm skákir með umhugsunartímanum 90 mínútur á skákina, auk þess sem 30 sekúndur bætast við fyrir hvern leik.

Athygli þáttakenda er vakin á því að fjöldi umferða gæti tekið breytingum þegar endanleg þátttaka liggur fyrir.   Ákveðið er að umferðir með kappskákfyrirkomulagi verða ekki færri fimm, en hugsanlegt að atskákum fjölgi.    

Skráning er hjá varaformanni félagsins í [e-mail], eða á skákstað, í síðasta lagi 15. mínútum fyrir upphaf fyrstu umferðar. 

Þátttökugjald á mótið er kr. 3.000 fyrir félagsmenn, kr. 4.000 fyrir aðra. Eins og áður eru þeir unglingar sem greiða æfingagjald undanþegnir þátttökugjaldi.

Verðlaunafé alls kr. 42.000 og skiptist sem hér segir:

• 1.      sæti     18.000
• 2.      sæti     12.000
• 3.      sæti       6.000
• Stigaverðlaun (1799 stig og minna) 6.000

Núverandi Skáksmeistari SA er Sigurður Arnarson

EM taflfélaga: Pistill fimmtu umferðar

Vigfús Ó. Vigfússon, farstjóri Hugins hefur skrifað pistil um fimmtu umferð EM taflfélaga sem fram fór í gær. Í honum segir meðal annars:

Viðureignin byrjaði líka vel. Við fengum snemma góðar stöður á öllum borðum nema því 5 þar sem Hlíðar var lengst af með frekar þrönga og óþægilega stöðu. Einar Hjalti og Robin skiluðu snemma vinningum í hús á mjög snyrtilegan hátt. Andstæðingur Magnúsar tefldi mjög stíft til jafnteflis svo þar var samið við fyrsta tækifæri þegar það mátti. Á sama tímavoru bæði Gawain og Þröstur með vænlegar stöður og Hlíðar varðist fimlega í erfiðri stöðu. Ég var því farinn að gæla við stóran sigur á Ungverjunum en var þá snarlega kippt niður á jörðina. Það gerðist eiginlega á sama andartaki að Þröstur fór of geyst í sóknina, fórnandi manni sem virtist ekki standast og Gawain missir tökin á sinni stöðu og lendir út í endatafli þar sem báðir höfðu tvo biskupa en hann peði undir. Það varð fljótlega ljóst að stöðu Þrastar yrði ekki bjargað en ég var nokkuð viss um að ef það væri möguleiki á jafntefli hjá Gawain í þessu endatafli þá hefði hann tækni til að finna leiðina á móti þessum andstæðingi. Það kom líka á daginn að hann náði að sigla jafnteflinu í höfn með því að fórna öðrum biskupnum fyrir síðasta frípeð andstæðingsins. Þá var jafntefli í viðureigninni komið í höfn. Það valt því allt á skákinni hjá Hlíðari hvort við ynnum viðureignina.  

Pistilinn má finna á heild sinni á heimasíðu Hugins.

• Heimasíða mótsins
• Heimasíða Hugins (fréttir og pistlar)
• Chess24 (mjög góðar beinar útsendingar)
• Úrslitaþjónusta
• Myndaalbúm (VÓV)
• Beinar útsendingar

Gallerý Skák - Daði Ómarsson vann létt

Fyrsta Fimmtudagsmótið á vegum Gallerý Skákar í Faxafeni var teflt í gærkvöldi. Það var Daði Ómarsson, hinn eitilharði skákmaður, sem fór létt með sigur að hólmi með 10.5 vinninga af 11 mögulegum. Hinn síungi öldungur og fyrrv. Íslandsmeistari í skák og knattspyrnu, Gunnar Kr. Gunnarsson sýndi gamla meistaratakta líka og rétti hlut sinn verulega eftir nokkra lægð undanfarið. Hinn efnilegi og ört vaxandi skákmaður Gauti Páll Jónsson náði þriðja sæti, en mótið var frekar jafnt um miðjuna eins og oftast er.

Skemmtileg blanda af öldnum meisturum og ungum meistaraefnum tók þátt í þessu fyrsta skákkvöldi leiktíðarinnar á vegum Gallerýsins við góðar aðstæður í Skákmiðstöð TR og nutu þess að tefla þó mönnum hafi eitthvað orðið á í messunni á stundum, einstaka hugsanavillur létu á sér kræla við úrvinnslu einfaldra staðna á skákborðinu og baráttan við klukkuna væri sumum erfið.

Í mótsbyrjun var Arinbjarnar Guðmundssonar (1932-2014) minnst með nokkrum orðum og stuttri þögn og minning hans heiðruð í virðingarskini. Það fór vel á því í húsakynnum hans gamla taflfélags TR.  Mörgum hinna eldri skákmanna er Arinbjörn sérstaklega minnistæður en hann var einn af fremstu skákmeisturum Íslands í byrja sjöunda áratugsins og vann sér margt til afreka áður en hann fluttist af landi brott til Ástralíu. Guðmundur G.

Þórarinsson skrifaði hugnæma minningargrein um hann nýlega í Morgunblaðið og ferill hans var einnig rakinn á Hrókurinn.is fyrir skömmu. Þá minntust eldri skákmenn hans líka á skákmóti í Riddaranum fyrir viku og vottuðu hinum látna heiður og virðingu. Enda þótt langt væri um liðið frá því hann gerði garðinn

frægan og hvarf af landi brott var hann mönnum mjög minnistæður.     

Nánari úrslit mótsins má greina á meðf. mótstöflu. 

Næst slær í brýnu á þessum vettvangi á sama stað og tíma að viku liðinni.

 

 

Flugfélagssyrpa Hróksins í hádeginu!

Annað mótið af fimm í Flugfélagssyrpu Hróksins verður haldið í hádeginu í dag, föstudaginn 19. september kl. 12:00 í Pakkhúsi Hróksins, við Geirsgötu 11 í Reykjavík. Til mikils er að vinna í Flugfélagsyrpunni, því sigurvegari í heildarkeppninni fær ferð til Grænlands í verðlaun. Þá er heppinn keppandi dreginn út, sem sömuleiðis fær ferð til Grænlands fyrir 2, og aukast vinningslíkur eftir því sem keppt er á fleiri mótum í Flugfélagssyrpunni.

Tefldar eru 5 umferðir með 5 mínútna umhugsunartíma. Keppendur á fyrsta mótinu voru 26, þar af sex stórmeistarar og tveir alþjóðlegir meistarar. Héðinn Steingrímsson sigraði, fékk 5 vinninga og tók þar með forystu í syrpunni. Næstur var Hjörvar Steinn Grétarsson með 4,5 og Helgi Ólafsson hlaut 4.

Flugfélagssyrpan er opin öllum skákmönnum og er þátttaka ókeypis.

 

Pakkhús Hróksins er í vöruskemmu Brims við Geirsgötu 11 (beint á móti DV). Nóg er af bílastæðum fyrir keppendur og gesti 

Íslandsmót skákfélaga hefst 2. október

Fyrri hluti Íslandsmóts skákfélaga 2014-2015 fer fram dagana 2.-5. október nk.  Mótið fer fram í Rimaskóla í Reykjavík.  1. umferð (eingöngu í 1.deild) mun hefjast kl. 19.30 fimmtudaginn 2. október.Aðrar deildir munu hefja taflmennsku föstudaginn 3. okt. kl. 20.00 og síðan tefla laugardaginn 4. okt. kl. 11.00 og kl. 17.00 sama dag.  Síðasta umferðin í fyrri hlutanum hefst kl. 11.00 sunnudaginn 5. október.

Skráning fer fram á Skák.is (guli kassinn efst) - upplýsingar um þegar skráðar sveitir má finna hér. Skráningarfrestur er fram til 22. september.

Umhugsunartími er 90 mín. á skákina + 30 sek. viðbótartími bætist við eftir hvern leik.

Þátttökugjöld:

• 1. deild                       kr. 55.000.-
• 2. deild                       kr. 50.000.-
• 3. deild                       kr. 15.000.-
• 4. deild                       kr. 15.000.-

Skáksamband Íslands mun greiða fargjöld utan stór-Reykjavíkursvæðisins samkvæmt reikningum fyrir sveitir í 1. og 2. deild.  Miða skal við einn brottfararstað á hverju svæði, t.d. Akureyri, Egilsstaði, Ísafjörð.  Sami háttur verður hafður í 3. og 4. deild og áður, þ.e. þátttökugjöld höfð lág en sveitirnar verða sjálfar að sjá um ferðakostnað á skákstað.

Minnt er á reglugerð um Íslandsmót skákfélaga og 3. kafla skáklaga Skáksambands Íslands sem varða Íslandsmót skákfélaga.

Vakin er athygli á viðbót við 2. grein reglugerðar um Íslandsmót Skákfélaga:

2. gr.

Framkvæmdanefnd Íslandsmóts skákfélaga, sem skipuð er af stjórn Skáksambands Íslands, ákveður töfluröð og skipar skákstjóra og umsjónarmenn Íslandsmóts skákfélaga.  Öllum taflfélögum, sem eiga sveitir í 1. deild, ber að útvega einn skákstjóra. 

Athugið að tilkynningar v. Keppendaskrár Skáksambands Íslands skulu hafa borist SÍ í síðasta lagi 12. september nk. sbr. 18. gr. skáklaga.

Vakin er athygli á eftirfarandi texta í 19. grein skáklaga:  „Fyrir upphaf 1.umferðar fyrri hluta ÍS skulu félögin skila inn styrkleikaröðuðum lista allra þeirra keppenda sem þeir hyggjast nota í keppninni."

Að gefnu tilefni er minnt á að nauðsynlegt er að skrá sveitir í keppnina, ekki síst í 4. deild.

Stjórn SÍ mælist til - af gefnu tilefni - að félögin skrái ekki fleiri sveitir til keppni en þau treysta sér til að manna í báðum hlutum keppninnar. 

Ath.  Seinni hluti Íslandsmóts skákfélaga verður færður aftur fyrir Reykjavíkurskákmótið vegna EM einstaklinga sem mun fara fram 23. febrúar - 7. mars.

Huginn mætir Evrópumeisturunum á morgun!

Skákfélagið Huginn mætir tékknesku Evrópumeisturunum G-Team Novy Bor í sjöttu og næstsíðustu umferð EM taflfélaga sem fram fer á morgun. Það lið er það fimmta sterkasta og hefur meðalstigin 2696 skákstig. Einar Hjalti Jensson (2349), sem þegar hefur tryggt sér áfanga að alþjóðlegum meistara, með frábærri frammistöðu, mætir væntanlega tékkneska stórmeistaranum Viktor Laznicka (2675). 

Lið G-Team Novy Bor:

 

Bo.	Player	T	Fed	FRtg
1	Wojtaszek, Radoslaw	GM	POL	2736
2	Navara, David	GM	CZE	2722
3	Harikrishna, P.	GM	IND	2725
4	Laznicka, Viktor	GM	CZE	2675
5	Sasikiran, Krishnan	GM	IND	2680
6	Bartel, Mateusz	GM	POL	2636
7	Hracek, Zbynek	GM	CZE	2638

 

 

• Heimasíða mótsins
• Heimasíða Hugins (fréttir og pistlar)
• Chess24 (mjög góðar beinar útsendingar)
• Úrslitaþjónusta
• Myndaalbúm (VÓV)
• Beinar útsendingar

Enn sigrar Huginn í Bilbaó - Einar Hjalti vann fimmtu skákina í röð!

 

Skákfélagið Huginn er hreint og beint óstöðvandi á EM taflfélaga sem nú er í gangi í Bilbaó. Einar Hjalti Jensson vann enn - sína fimmtu skák í röð! Með þessum árangri hefur Einar þegar tryggt sér áfanga að alþjóðlegum meistaratitli - jafnvel þó hann tapi í tveimur síðustu umferðunum. Í dag, vann auk Einars Hjalta, Robin Van Kampen sína skák, Gawain Jones, Hlíðar Þór Hreinsson og Magnús Teitsson gerðu jafntefli en Þröstur Þórhallsson tapaði.

 

Frábær úrslit gegn sterkri sveit sem var raðað nr. 13 í styrkleikaröðinni á meðan Huginn var raðað nr. 21 fyrir mót. 

• Heimasíða mótsins
• Heimasíða Hugins (fréttir og pistlar)
• Chess24 (mjög góðar beinar útsendingar)
• Úrslitaþjónusta
• Myndaalbúm (VÓV)
• Beinar útsendingar

Björgvin Smári atskáksmeistari SSON

Fyrsta mót vetrarins hjá SSON  fór fram 17. setp. Til leiks mættu sex kappar og tefldar 20 mín. skákir. Magnús og Björvin Smári fóru strax mikinn og voru komnir með þrjá vinninga eftir þrjár umferðir. Magnús og Björgvin Smári mættust síðan í fjórðu umferð og hafði Björgvin betur eftir mannsfórn og þó nokkrar sviptingar. Ingimundur náði að leggja Magnús af harðfylgni og ná honum af vinningum.  Magnús sýndi styrk sinn í bráðabana um annað sætið þar sem hann lagði Ingimund í hörkuskákum 1,5 -0.5. Húsvíkingurinn Kristján mætti á sína fyrstu æfingu hjá SSON og sýndi góða takta enda tefldi hann á 5 helgarskákmótum hér á árum áður.  

Lokastaðan

1.   Björgvin Smári     5 v.
2.-3.  Magnús Matthíasson  3 v. 
2.-3.  Ingimundur Sigurm.   3.v
4.-5.  Úlfhéðinn Sigurm og Kristján Húsvíkingur 2 v.
6.  Erlingur Atli Pálmarsson   

Huginn í beinni útsendingu frá Bilbao

Fimmta umferð EM taflfélaga hófst fyrir skemmstu í Bilbao á Spáni. Skákfélagið Huginn mætir ungverska klúbbnum Haladas sem er töluvert sterkari á pappírnum en lið Hugins.

Hægt er að fylgjast beint með viðureign Hugins. Nokkrar leiðir eru til þess en ritstjóri mælir með Chessbomb (tölvuskýringar) og útsendingu Chess24 þar sem Lawrence Trent og Jan Gustafsson fara á kostum í umfjöllun um ofurmótið í Bilbao og EM taflfélaga,

• Heimasíða mótsins
• Heimasíða Hugins (fréttir og pistlar)
• Chess24 (mjög góðar beinar útsendingar)
• Úrslitaþjónusta
• Myndaalbúm (VÓV)
• Beinar útsendingar