EM taflfélaga: Pistill fjórðu umferðar

Vigfús Ó. Vigfússon, liðsstjóri og varamaður sveitar Skákfélagsins Hugins hefur skrifað pistil um fjórðu umferð EM skákfélaga. Þar segir meðal annars:

Strákarnir á þremur neðstu borðunum hafa verið á miklu flugi í mótinu og náðu snemma í viðureigninni yfirburða stöðum sem að vísu tók þá misjafnlega langan tíma að vinna úr en allir vinningarnir skiluðu sér í hús. Á meðan var Gawain með vænlega stöðu á móti Bassem peði yfir í riddaraendatafli. Robin var með lakari stöðu og Þröstur var að tefla stöðu sem var full af taktískum möguleikum svo ég vissi varla hvor var að vinna eða tapa. Úr þessu tefldist þannig að Gawain varð að sætta sig við jafntefli, Robin hélt sinni stöðu og Þröstur þrálék í annað skiptið í röð enda ekki annað í boði í stöðunni. Niðurstaðan var því góður sigur 4,5-1,5 gegn ágætri sveit. Enn sem komið er höfum við því ekki tapað skák í mótinu nema gegn Rússunum.  

Pistilinn í heild sinni má nálgast á heimasíðu Hugins. 

• Heimasíða mótsins
• Heimasíða Hugins (fréttir og pistlar)
• Chess24 (mjög góðar beinar útsendingar)
• Úrslitaþjónusta
• Myndaalbúm (VÓV)
• Beinar útsendingar

Davíð efstur á Haustmóti TR

Önnur umferð Haustmóts Taflfélags Reykjavíkur fór fram í gærkveldi. Davíð Kjartansson (2331) vann Dag Ragnarsson (2154) og er efstur með 2 vinninga. Davíð, sem vann allar sínar átta skákir á Meistaramóti Hugins fyrir skemmstu, hefur nú unnið a.m.k. 10 skákir í röð! Þorvarður F. Ólafsson (2213) vann Gylfa Þórhallsson (2121) en öðrum skákum lauk með jafntefli auk þess sem einni skák var frestað. Þorvarður er í 2.-3. sæti með 1,5 vinning ásamt Oliver Aroni Jóhannessyni (2165).

Nánari úrslit og stöðu má nálgast á Chess-Results.

B-flokkur

Björn Hólm Birkisson (1655) og Halldór Garðarsson (1851) unnu sínar skákir en öðrum skákum lauk með jafntefli.  Björn Hólm, sem er stigalægstur keppenda, hefur byrjað best og er efstur með 2 vinninga.

Stöðu mótsins má nálgast á Chess-Results.

C-flokkur

Guðmundur Agnar Bragason (1352) og Bárður Örn Birkisson (1636), bróðir Björns Hólms, eru efstir með fullt hús. Þeir bræður hafa heldur betur byrjað vel!

Stöðu mótsins má finna hér.

D-flokkur:

Fimm skákmenn eru efstir og jafnir með fullt hús. Það eru Alex Cambrey Orrason (1580), Ólafur Evert Úlfsson (1430), Tryggvi K. Þrastarson (1130), Aron Þór Maí (1274) og Kristófer Halldór Kjartansson.

• Heimasíða TR
• Chess-Results

Mikael Maron stóð sig best á fyrstu æfingu Fjölnis

Það voru 25 krakkar sem mættu á fyrstu skákæfingu Fjölnis á nýju skákári. Æfingarnar hafa nú verið færðar yfir á miðvikudaga kl. 17.00 - 18:30 og virðist sá tími henta vel . Skákmeistararnir efnilegu, þeir Jón Trausti Harðarson og Oliver Aron Jóhannesson, mættu nýir i þjálfarateymi skákdeildarinnar og veittu þeir 10 krökkum kennslu og þjálfun. Á næstu æfingum Fjölnis bjóða þeir upp á kennslu fyrir nýliða og að fara yfir kappskákir með ungum og efnilegum skákmönnum sem taka þátt í Haustmóti TR og Íslandsmóti félagsliða, leiðbeina þeim um það sem betur má fara í byrjunum og endatöflum. 

Á fyrstu æfingunni stjórnaði Helgi Árnason, formaður skákdeildarinnar 18 manna skákmóti og þar sigraði hinn 10 ára gamli MIkael Maron Torfason sem hlaut 4,5 vinninga af 5 mögulegum. Mikael Maron hlaut eldskírn sína í kappskákum á Norðurlandasmóti barnaskólasveita á Selfossi um síðustu helgi með skáksveit Rimaskóla. Hann stefnir að því að bæta sig í vetur og tekur nú þátt í Haustmóti TR. Aðrir í verðlaunasætum á skákæfingu Fjölnis voru þau Einar Bjarki Arason, Sæmundur Árnason, Kjartan Karl Gunnarsson, Halldór Snær Georgsson, Joshua Davíðsson, Hilmir Arnarson og síðast en ekki síst ein efnilegasta skákkona deildarinnar, Ylfa Ýr Welding Hákonardóttir í Foldaskóla. 

Fyrsta skákæfingin var mjög skemmtileg og öllum þátttakendum var boðið upp á veitingar í  skákhléi. Næsta æfing verður miðvikudaginn 24. september í Rimaskóla og er gengið inn um íþróttahús. 

Stórsigur gegn frönskum klúbbi - Einar Hjalti vann enn!

 

Lið Skákfélagsins Hugins heldur áfram að brillera á EM taflfélaga í Bilbaó. Í dag vannst 4,5-1,5 sigur á franskri sveit sem var áþekk Hugin að styrkleika. Einar Hjalti Jensson, Hlíðar Þór Hreinsson og Magnús Teitsson unnu en Gawain Jones, Robin Van Kampen og Þröstur Þórhallsson gerðu jafntefli. Einar Hjalti er hreint óstöðvandi og vann sína fjórðu skák í röð!

 

Sveit Hugsins er nú níunda sæti með 6 stig og 17 vinninga en fyrirfram var liðinu raðað í 21. sæti. Frammistaðan er því langt umfram væntingar.

Úrsltin í fjórðu umferð

 

1	2664	Jones, Gawain C B	½	½	Amin, Bassem	2638
2	2637	Van Kampen, Robin	½	½	Cornette, Matthieu	2548
3	2437	Thorhallsson, Throstur	½	½	Kazakov, Mikhail	2490
4	2349	Jensson, Einar Hjalti	1	0	Dionisi, Thomas	2392
5	2229	Hreinsson, Hlidar	1	0	Metzger, Clement	2215
6	2197	Teitsson, Magnus	1	0	Plane, Boris	2057

Í fimmtu umferð, sem fram fer á morgun, teflir Huginn við ungverska klúbbinn Haladas VSE. Sú sveit hefur meðalstigin 2499 skákstig á móti 2419 meðalstigum Huginsmanna. Búast má því við erfiðum róðri. Sveitina skipa:

 

Bo.	Player	T	Fed	FRtg
1	Ruck, Robert	GM	HUN	2572
2	Nemeth, Miklos	IM	HUN	2494
3	Kovacs, Gabor	IM	HUN	2463
4	Nagy, Gabor	IM	HUN	2414
5	Csonka, Attila Istvan	IM	HUN	2339
6	Pergel, Laszlo	FM	HUN	2241

 

• Heimasíða mótsins
• Heimasíða Hugins (fréttir og pistlar)
• Chess24 (mjög góðar beinar útsendingar)
• Úrslitaþjónusta
• Myndaalbúm (VÓV)
• Beinar útsendingar

Mót númer 2 í Flugfélagssyrpu Hróksins í hádeginu á föstudag: Allir geta unnið ferð fyrir 2 til Grænlands

Annað mótið af fimm í Flugfélagssyrpu Hróksins verður haldið föstudaginn 19. september kl. 12:00 í Pakkhúsi Hróksins, við Geirsgötu 11 í Reykjavík. Til mikils er að vinna í Flugfélagsyrpunni, því sigurvegari í heildarkeppninni fær ferð til Grænlands í verðlaun. Þá er heppinn keppandi dreginn út, sem sömuleiðis fær ferð til Grænlands fyrir 2, og aukast vinningslíkur eftir því sem keppt er á fleiri mótum í Flugfélagssyrpunni.

Tefldar eru 5 umferðir með 5 mínútna umhugsunartíma. Keppendur á fyrsta mótinu voru 26, þar af sex stórmeistarar og tveir alþjóðlegir meistarar. Héðinn Steingrímsson sigraði, fékk 5 vinninga og tók þar með forystu í syrpunni. Næstur var Hjörvar Steinn Grétarsson með 4,5 og Helgi Ólafsson hlaut 4.

Flugfélagssyrpan er opin öllum skákmönnum og er þátttaka ókeypis.

Keppendur eru hvattir til að skrá sig sem fyrst -- smellið hér.

Gallerý Skák flytur í Faxafenið

Skák- og listasmiðjan Gallerý Skák -  opnar dyr sínar að nýju eftir sumarhlé fimmtudaginn  18. september nk. í Skákmiðstöð Taflfélags Reykjavíkur, Faxafeni 12. Húsnæðið í Bolholti þar sem klúbburinn hefur verið til húsa sl. 8 ár hefur verið selt.   Það er ekki í kot vísað með aðstöðuna í hinum glæstu húsakynnum Taflfélags Reykjavíkur og eru miklar vonir bundnar við góða þátttöku yngri sem eldri skákmanna. Líkt og  undanfarna vetur verða haldin þar 10 mínúta "hvatskákmót" öll fimmtudagskvöld fram á vor, nema hátíðir hamli eða öðruvísi sé tilkynnt um sérstaklega.

Hin vikulegu Gallerý skákkvöld eru öllum opin. Þau ætluð brennheitum ástríðuskákmönnum á öllum aldri, í æfinga-  og keppnisskyni - óháð félagsaðild.  Í Gallerý Skák er teflt af list og fyrir fegurðina,  keppendum  og áhorfendum  til yndisauka undir fororðinu "Sjáumst og kljáumst" og Kaissu gyðju skáklistarinnar til dýrðar.

Tvær mótaraðir með GrandPrix sniði verða haldnar - önnur fyrir áramót hin í byrjun árs:

KAPPTEFLIÐ UM PATAGÓNÍUSTEININN VI. - 6 kvölda mótaröð með GrandPrix sniði þar sem 4 bestu mót hvers keppenda telja til stiga (10-8-6-5-4-3-2-1) líkt og í Formúlu 1.  hefst  23. október og líkur 27. nóvember.  Vegleg verðlaun.

TAFLKÓNGUR FRIÐRIKS IV. - 4 kvölda mótaröð með GP-sniði hefst 22. janúar og líkur 12. febrúar þar sem 3 bestu mót hvers og keppanda telja til vinnings. Keppnin er liður í skákmótahaldi á vegum SÍ og Skákakademíu Reykjavíkur í tilefni af „Degi Skákarinnar" 26. janúar, á afmælisdegi Friðriks Ólafssonar, stórmeistara. Sigurvegari ár hvert fær nafn sitt skráð gullnu letri á styttuna og fagran verðlaunagrip til eignar.

Gallerý skákmótin hefjast kl. 18 þegar degi hallar á fimmtudögum. Tefldar  eru 11 umferðir með 10. mínútna umhugsunartíma eftir svissneska kerfinu. Þeim lýkur um kl. 22 með lófaklappi fyrir efstu mönnum.

Þátttökugjald er kr. 1000 sem innifelur kaffi/svaladrykki á meðan á móti stendur og smá matarbita í skákhléi en annars  kr. 500  fyrir þá ekki eru í mat.

Forstöðumenn Gallerý Skákar vinafélags eru þeir Einar S. Einarsson og Guðfinnur R. Kjartansson, skákforkólfar.

Íslandsmót 50 ára + og 65 ára + fer fram í fyrsta skipti í haust

Íslandsmót skákmanna sem eru 50 ára + og 65 ára + verða haldin í fyrsta skipti nú í haust. Fyrri hluti mótsins verður haldinn 16.-19. október í Reykjavík (umf 1-4) og sá síðari á Hótel Selfossi 14.-16. nóvember (umf 5-7).

Fyrirkomulag

Tefldar verða sjö umferðir eftir svissneska kerfinu. Tímamörk eru 90 mín. + 30. sek. viðbótartími á hvern leik.

Flokkaskipting

Teflt verður í tveimur flokkum 50 ára + (1964 og fyrr) og 65 ára + (1949 og fyrr). Þeir sem eru 65+ geta valið um í hvorum flokkum þeir tefla.  

Verði skráðir keppendur í öðrum hvorum flokknum færri en 12 verði teflt í einum flokki en engu að síður teflt um tvo Íslandsmeistaratitla

Verði tveir eða fleiri efstir og jafnir verður stigaútreikningur látinn ráða.

Dagskrá mótsins

Fyrstu fjórar umferðir mótsins verða haldnar í Reykjavík.

• 1. umf., fimmtudaginn 16. október, kl. 19
  3. umf., laugardaginn, 18. október, kl. 13
  4. umf., sunnudaginn, 19. október, kl. 13

• 4. umf., fimmtudaginn, 13. nóvember, kl. 19

Síðustu þrjár umferðir mótsins verða haldnar á Hótel Selfossi.

• 5. umf., föstudaginn, 14. nóv., kl. 19
  6. umf., laugardaginn, 15. nóv., kl. 13
  7. umf., sunnudaginn, 16. nóv., kl. 13

Tilboð frá Hótel Selfossi

 Hótel Selfoss býður keppendum upp á fæði og gistingu á eftirfarandi verði:

• Tvíréttaður hádegisverður frá 2.800- kr
• Þriggja rétta kvöldverður pr. skipti. 6.100.- kr
• Þriggja rétta hátíðarkvöldverður. 7.200.- kr.

Gisting á föstudegi     10.500 tveggja manna herbergi
                                      8.500 eins manns herbergi

Gisting á laugardegi   18.000 tveggja manna herbergi
                                   16.000 eins manns herbergi

Nánari upplýsingar og pantanir sendist í [e-mail].

Verðlaun

• Fyrstu verðlaun í hvorum flokki eru 50.000 kr. styrkur á HM eða EM öldunga
• 2.-3. verðlaun - gripir
• Einnig gripir í flokkum 70+, 75+ og 80+

Þátttökugjöld:

6.000 kr. fyrir alla. Kaffi innifalið í verði.

Skráning

www.skak.is eða hér.

Björgvin heldur sínu striki í Stangarhyl

Það var vel mætt á þriðjudagsmót Ása í gær. Tuttugu og sjö heiðursmenn settust að tafli á mínútunni kl. 13.00.Sá tuttugasti og áttundi sá um skákstjórn og kaffi umsjón, við þurfum sjálfir að sjá um kaffið því hún Jóhanna sem hefur dekrað við okkur undanfarin ár er farin á neðri hæðina til annara starfa hjá F E B. Við söknum hennar að sjálfsögðu, en auðvitað björgum við okkur. Finnur Kr sá um þessi mál á þessum skákdegi.

Björgvin Víglundsson var andstæðingum sínum erfiður  eins og hann er alla jafna. Það var aðeins Þór Valtýsson sem náði að vinna hann. Björgvin fékk 9 vinninga af 10 í fyrsta sæti.Þór Valtýsson og Guðfinnur R Kjartansson  komu svo jafnir í öðru til þriðja með átta vinninga, en Þór var hærri á stigum. Páll G Jónsson kom svo í humátt á eftir þeim í fjórða sæti með sjö og hálfan vinning.

Sjá nánari úrslit á meðf.töflu og myndir frá ESE

 

 

EM taflfélaga: Pistill þriðju umferðar

Vigfús Ó. Vigfússon, liðsstjóri og varamaður Hugins hefur skrifað pistil um gang mála í þriðju umferð EM taflfélaga sem fram fór í gær. Þar segir meðal annars:

Viðureignin í dag var dálítið öðruvísi en hinar. Ég hafði á tilfinningunni að slagurinn við Rússana daginn áður sæti örlitið í okkar mönnum enda fór mikil orka í hann. Þeir hjá Werder Bremen aðstoðuðu okkur og skiptu út 5. borðinu og tóku inn varmanninn. Þar með urðum við stigahærri á öllum borðum.

Þessi varamaður var greinilega ekki til skiptanna svo Magnús rúllaði honum upp. Einar Hjalti fékk snemma góða stöðu og skilaði öruggum sigri nokkuð snemma.

Pistilinn má nálgast í heild sinni á heimasíðu Hugins.

• Heimasíða mótsins
• Heimasíða Hugins (fréttir og pistlar)
• Chess24 (mjög góðar beinar útsendingar)
• Úrslitaþjónusta
• Myndaalbúm (VÓV)
• Beinar útsendingar

Stúlknanámskeið Skákskólans hefjast á sunnudaginn

Landsliðskonurnar Hallgerður Helga Þorsteinsdóttir og Tinna Kristín Finnbogadóttur munu sjá um skáknámskeið fyrir stúlkur á aldrinum 7 - 12 ára. Námskeiðin hefjast sunnudaginn 20. september. Foreldrar stúlkna á þessum aldri eru hvattar til að mæta í fyrsta tíma sunnudaginn 20. september sem jafnframt er  kynningarfundur.  

Námskeiðin eru kl. 11 á sunnudögum. Verð kr. 14.000.

Upplýsingar um önnur námskeið á vegum skólans verða kynnt síðar.

Skráning á námskeiðin fer fram á www.skak.is. 

Nánari upplýsingar má einnig fá á skrifstofu skólans í síma 568 9141 eða í gegnum netföngin [e-mail] (skrifstofa SÍ) eða [e-mail] (Skólastjóri).

Heimasíða Skákskóla Íslands

Call

Send SMS

Add to Skype

You'll need Skype CreditFree via Skype