Vignir tapaði í þriðju umferð

Vignir Vatnar Stefánsson (1963) tapaði fyrir pólska skákmanninn Pawel Teclaf (1992) í þriðju umferð HM ungmenna sem fram fór í Durban í Suður-Afríku í dag. Vignir hefur 1,5 vinning en hann teflir í flokki skákmanna 12 ára og yngri.

Í fjórðu umferð, sem fram fer á morgun, teflir Vignir við Tékkann Martin Nehyba (1806).

Vignir Vatnar er nr. 30 í stigaröð 105 keppenda. Taflfélag Reykjavíkur, Skáksamband Íslands, Skákskóli Íslands, Skákdeild KR, Gallerý Skák, Skákstyrktarsjóður Kópavogs, Rótarýklúbbur Kópavogs og Jói Útherji styðja við þátttöku Vignis á mótinu.

• Heimasíða mótsins
• Chess-Results
• Heimasíða TR
• Beinar útsendingar

Skákþáttur Morgunblaðsins: Caruana og Vancura-staðan

Sömu helgi og Sinquefield-mótinu lauk í St. Louis staðfesti heimsmeistarinn Magnús Carlsen þátttöku sína í heimsmeistaraeinvíginu við Anand sem hefst 7. nóvember í Sochi við Svartahaf. Tregða hans til að tefla einvígi á „rússnesku yfirráðasvæði" er komin fram, en hann teflir þó ekki „undir mótmælum" eins og stundum gerist þegar menn eru bókstaflega að springa af óánægju með keppnisfyrirkomulag eða aðstæður. Þá leið valdi t.d. Bent Larsen á millisvæðamótinu í Leningrad 1973 en það mót var augljóslega mun sterkara en hitt millisvæðamótið sem fór fram í Petropolis í Brasilíu. Sumir telja að mótið í St. Louis hafi veikt stöðu Magnúsar sem heimsmeistara og hann hafi tekið peningana fram yfir grundvallaratriðin. Það er mikil einföldun. Benda má á að eystra er heldur friðsamlegra um að litast eftir að vopnahléi var komið á milli Rússa og Úkraínu þó að Vesturlönd sitji uppi með nýtt „kalt stríð". Vandinn er í hnotskurn sá að dagskráin fyrir heimsmeistarakeppni FIDE er alltof þétt. Lokastaðan:

1. Caruana 8 ½ v. (af 10) 2. Magnús Carlsen 5 ½ v. 3. Topalov 5 v. 4. - 5. Aronjan og Vachier-Lagrave 4 v. 6. Nakamura 3 v.

Caruana gerði jafntefli í þrem síðustu skákum sínum en sigur hans hefði getað orðið enn stærri; hann var nálægt því að leggja Magnús í 8. umferð og átti unnið tafl gegn Nakamura í 9. umferð:

Caruana- Nakamura

Ítalinn lék nú 40. Bf2 og eftir 40. ... Re7+ 41. Ke4 Ha4 náði Nakamura jafntefli með miklu harðfylgi. Vinningleiðin er einföld:

40. Hxg6+! hxg6 41. e6. Eftir 41. ... Kh7 42. g6+ Kg7 43. Bf6+ Kh6 44. Be5 er svartur varnarlaus, m.a. gagnvart hótuninni 45. Kf6 og 46. Kf7.

Í þessari sömu umferð kom fyrir þekkt jafnteflisleið sem einn af „gömlu meisturunum" hafði bent á. Þetta var í viðureign Magnúsar Carlsen og Aronjan. En fyrst smá forleikur: Í 8-landa keppninni í Ósló 1983 vakti Guðmundur Sigurjónsson athygli mína á þessari stöðu:

Sjá stöðumynd 2

Heim - Borik

V-Þjóðverjinn Borik tapaði þessu tafli með svörtu fyrir Norðmanninum. Hann gat ekki fundið aðra leið en þá að leika hróknum eftir a-línunni og vonast eftir því að hvítur léki peði sínu til a7. En jafnteflisleiðin er einföld:

49. ... Hg4+ 50. Kf2 Hf4+ 51. Ke3 Hf6! Um leið og hvíti kóngurinn valdar a6-peðið skákar svartur látlaust eftir f-línunni og heldur jöfnu.

Carlsen- Aronjan

Endatöfl með kantpeð lúta sínum sérstöku lögmálum. Magnús hefði getað komið í veg fyrir þá jafnteflisleið sem Aronjan fann. Þessi staða er örlítið flóknari en sú að ofan en í grunninn eins; peðin á h-línunni skipta ekki neinu sérstöku máli, svartur verður einungis að gæta þess að eyða ekki tíma í að eltast við þau. Aronjan þekkti „Vancura-stöðuna" og lék:

47. ... Hb5! 48. Kxc3 Hf5!

Það ruglaði ýmsa þá sem fylgdust með þessari skák að tölvuforritin mátu stöðuna á þann veg að hvítur stæði til vinnings. Magnús tefldi fram í 84. leik áður en hann sættist á jafntefli. Fyrstu leikirnir gefa vísbendingu um jafnteflisleiðina: 49. Ha8 Hb5 50. Kc4 Hf5 51. Kb4 Hf4+! 52. Kc5 Hf5+ 53. Kd4 Hb5 - og aftur hófst sama hringekjan. Að lokum stóðu kóngarnir tveir einir eftir á borðinu.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Laugardagsmogganum, 13. september 2014

Skákþættir Morgunblaðsins

Vignir með jatntefli við sterkan andstæðing

Vignir Vatnar Stefánsson (1963) gerði jafntefli við Úkraínumanninn Kirill Shevchenko (2280) í annarri umferð u12-flokks HM ungmenna sem fram fór í morgun í Durban í Suður-Afríku. Mjög góð úrslit en Shevchenko þessi er þriðji stigahæsti keppandi mótsins. Þriðja umferð hefst nú kl. 15 og þá teflir Vignir við pólska skákmanninn Pawel Teclaf (1992). 

Vert er að benda á að Ingvar Þór Jóhannesson fer yfir skák Vignis úr fyrstu umferð á heimasíðu Hróksins. 

Því miður er skák Vignis í 3. umferð ekki sýnd beint á vef mótsins.

Vignir teflir í flokki skákmanna 12 ára og yngri. Alls taka 30 skákmenn þátt í flokknum. Vignir Vatnar er nr. 30 í stigaröð 105 keppenda. Taflfélag Reykjavíkur, Skáksamband Íslands, Skákskóli Íslands, Skákdeild KR, Gallerý Skák, Skákstyrktarsjóður Kópavogs, Rótarýklúbbur Kópavogs og Jói Útherji styðja við þátttöku Vignis á mótinu.

• Heimasíða mótsins
• Chess-Results
• Heimasíða TR
• Beinar útsendingar

EM taflfélaga: Tap í lokaumferðinni

 

Skákfélagið Huginn tapaði fyrir hvít-rússnesku sveitinni Minsk í sjöundu og síðustu umferð EM taflfélaga sem fram fór í Bilbaó í gær. Robin Van Kampen vann, Gawain Jones og Þröstur Þórhallsson gerðu jafntefli en aðrir töpuðu. Mótsins verður lengi minnst fyrir frábæra frammistöðu Einars Hjalta Jenssonar sem vann fimm fyrstu skákirnar og tryggði sér stórmeistaraáfanga (og sinn annan áfanga að alþjóðlegum áfanga) þrátt fyrir töp í tveimur síðustu umferðunum.

 

Huginn lenti í 18. sæti en fyrirfram var liðinu raðað í 21. sæti.  Mjög góður árangur ekki síst í ljósi þess að sveitin mætti tveimur ofursveitum sem enduðu í 2. og 3. sæti! Fyrir utan þau töp voru það aðeins viðureignin gegn Hvít-Rússum sem tapaðist. Aðeins einn af sex liðsmönnum Hugins tapaði stigum á mótinu. 

Þetta er annað árið í röð sem íslenskur skákmaður nær stórmeistaraáfanga á EM taflfélaga en sama gerði Hjörvar Steinn Grétarsson í fyrra. Árangur þeirra er hvatning fyrir forsvarsmenn íslenskra taflfélaga að fylgja í fótspor Hugins í ár og Víkingaklúbbsins í fyrra og senda lið á EM.

Huginn-Minsk

7.1	2664	Jones, Gawain C B	½	½	Zhigalko, Sergei	2677
7.2	2637	Van Kampen, Robin	1	0	Zhigalko, Andrey	2584
7.3	2437	Thorhallsson, Throstur	½	½	Kovalev, Vladislav	2532
7.4	2349	Jensson, Einar Hjalti	0	1	Teterev, Vitaly	2501
7.5	2229	Hreinsson, Hlidar	0	1	Meribanov, Vitaly	2395
7.6	2197	Teitsson, Magnus	0	1	Nikitenko, Mihail	2226

Árangur Huginsmanna

1. Gawain Jones 4 v. (+0)
2. Robin Van Kampen 5 v. (+6)
3. Þröstur Þórhallsson 2,5 v. (-7)
4. Einar Hjatli Jensson 5 v. (+42)
5. Hlíðar Þór Hreinsson 3 v. (+2)
6. Magnús Teitsson 3,5 v. (+3)

Fararstjóri og varamaður var Vigfús Ó. V

 

• Heimasíða mótsins
• Heimasíða Hugins (fréttir og pistlar)
• Chess24 (mjög góðar beinar útsendingar)
• Úrslitaþjónusta
• Myndaalbúm (VÓV)
• Beinar útsendingar

Vignir Vatnar vann í fyrstu umferð - verður í beinni í fyrramálið

Vignir Vatnar Stefánsson (1963) vann stigalausan namibískan skákmann í fyrstu umferð í flokki 12 ára og yngri á HM ungmenna sem hófst í Durban í Suður-Afríku í dag. Á morgun verða tefldar tvær umferðir og áskorun Vignis í fyrramálið verður mikil en þá mætir hann Úkraínumanninum Kirill Shevchenko (2280) sem er þriðji stigahæsti keppandi mótsins. Skákin verður sýnd beint og hefst önnur umferðin kl. 8 en tvær umferðir eru tefldar á morgun. Sú síðari er tefld kl. 15. 

Skák Vignis frá í fyrstu umferð má nálgast á heimasíðu TR.

Beinar útsendingar má nálgast á heimasíðu mótsins, Chessdom eða á Chessbomb. Tíu skákir eru sýndar beint í í flokki Vignis í hverri umferð.

Vignir teflir í flokki skákmanna 12 ára og yngri. Alls taka 30 skákmenn þátt í flokknum. Vignir Vatnar er nr. 30 í stigaröð 105 keppenda. Taflfélag Reykjavíkur, Skáksamband Íslands, Skákskóli Íslands, Skákdeild KR, Gallerý Skák, Skákstyrktarsjóður Kópavogs, Rótarýklúbbur Kópavogs og Jói Útherji styðja við þátttöku Vignis á mótinu.

• Heimasíða mótsins
• Chess-Results
• Heimasíða TR
• Beinar útsendingar

Arionbankamótið byrjar á fimmtudaginn

Haustmót Skákfélags Akureyrar - hið árlega meistaramót félagsins hefst í næstu viku. Mótið er að þessu sinni haldið í samvinnu við Arion banka og ber því nafnið Arionbankamótið

Dagskrá:

Fimmtudagur 25. september kl. 20.30         1-2. umferð

• Föstudagur 25. september kl. 18.00             3. umferð
• Laugardagur 25. september kl. 13.00           4.umferð
• Sunnudagur 25. september kl. 13.00            5. umferð

(Hlé vegna Íslandsmóts skákfélaga)

• Laugardagur 11. október kl. 13.00                6. umferð
• Sunnudagur 12. október kl. 13.00                 7. umferð

 

Fyrirkomulag mótsins er áformað þannig, að fyrst verða tefldar tvær atskákir, en síðan fimm skákir með umhugsunartímanum 90 mínútur á skákina, auk þess sem 30 sekúndur bætast við fyrir hvern leik.

Athygli þáttakenda er vakin á því að fjöldi umferða gæti tekið breytingum þegar endanleg þátttaka liggur fyrir.   Ákveðið er að umferðir með kappskákfyrirkomulagi verða ekki færri fimm, en hugsanlegt að atskákum fjölgi.    

Skráning er hjá varaformanni félagsins í [e-mail], eða á skákstað, í síðasta lagi 15. mínútum fyrir upphaf fyrstu umferðar. 

Þátttökugjald á mótið er kr. 3.000 fyrir félagsmenn, kr. 4.000 fyrir aðra. Eins og áður eru þeir unglingar sem greiða æfingagjald undanþegnir þátttökugjaldi.

Verðlaunafé alls kr. 42.000 og skiptist sem hér segir:

• 1.      sæti     18.000
• 2.      sæti     12.000
• 3.      sæti       6.000

Stigaverðlaun (1799 stig og minna) 6.000

Núverandi Skáksmeistari SA er Sigurður Arnarson

HM ungmenna hefst í dag: Vignir Vatnar mætir namibískum keppenda

HM ungmenna hefst í dag í Durban í Suður-Afríku. Aðeins einn íslenskur keppandi tekur þátt að þessu sinni en það er Vignir Vatnar Stefánsson sem teflir í flokki 12 ára og yngri. Með honum í för eru Helgi Ólafsson, skólastjóri Skákskóla Íslands, og foreldrar hans. Mótið er sett núna kl. 13 og verður Vignir Vatnar fánaberi Íslands.

Vignir Vatnar er nr. 30 í stigaröð 105 keppenda. Í fyrstu umferð, sem hefst nú kl. 14, teflir hann við stigalausan keppenda frá Namibíu.

Taflfélag Reykjavíkur, Skáksamband Íslands, Skákskóli Íslands, Skákdeild KR, Gallerý Skák, Skákstyrktarsjóður Kópavogs, Rótarýklúbbur Kópavogs og Jói Útherji styðja við þátttöku Vignis á mótinu.

Óljóst er með beinar útsendingar frá skákum Vignis en Skák.is mun að sjálfsögðu fylgjast vel með árangri Vignis á mótinu. Slóð á beinar útsendingar frá flokki Vignis má finna hér.

Heimasíða TR mun einnig fylgjast vel með mótinu en í frétt á síðu mótsins segir meðal annars:

Vignir mun keppa í flokki 12 ára og yngri en yfir 100 keppendur eru skráðir til leiks í þeim flokki. Þeirra stigahæstur er Awonder Liang frá Bandaríkjunum en hann skartar litlum 2323 elo stigum og FM titli. Hann var meðal keppenda á Reykjavíkurskákmótinu í fyrra og stóð sig með prýði.

Vignir er númer 29. í stigaröðinni en á mikið inni. Hann er mun sterkari en 1963 stigin hans segja til um og getur án efa blandað sér í toppbaráttuna ef allt smellur saman. Það verður afar skemmtilegt að fylgjast með stráknum á þessu móti og mun Taflfélagið flytja reglulegar fréttir af gangi mála.

Frétt TR má finna heild sinni á heimasíðu TR.

Skák.is óskar Vigni góðs gengis á HM!

• Heimasíða mótsins
• Chess-Results
• Heimasíða TR
• Beinar útsendingar

Huginn í beinni frá lokaumferðinni

Lokaumferð EM taflfélaga hefst nú kl. 12 í Bilbaó. Huginn mætir hvít-rússnesku sveitinni Minsk og er viðureignin sýnd beint. Það er ljóst að um leið og Einar Hjalti Jensson og andstæðingur hans hafa leikið sinn fyrsta leik er stórmeistaraáfanginn kominn í hús! 

7Huginn Chessclub (21)--Minsk (15)

7.1	2664	Jones, Gawain C B	...	...	Zhigalko, Sergei	2677
7.2	2637	Van Kampen, Robin	...	...	Zhigalko, Andrey	2584
7.3	2437	Thorhallsson, Throstur	...	...	Kovalev, Vladislav	2532
7.4	2349	Jensson, Einar Hjalti	...	...	Teterev, Vitaly	2501
7.5	2229	Hreinsson, Hlidar	...	...	Meribanov, Vitaly	2395
7.6	2197	Teitsson, Magnus	...	...	Nikitenko, Mihail	2226

Hægt er að fylgjast beint með viðureign Hugins. Nokkrar leiðir eru til þess en ritstjóri mælir með Chessbomb (tölvuskýringar) og útsendingu Chess24 þar sem Lawrence Trent og Jan Gustafsson fara á kostum í umfjöllun um ofurmótið í Bilbao og EM taflfélaga,

• Heimasíða mótsins
• Heimasíða Hugins (fréttir og pistlar)
• Chess24 (mjög góðar beinar útsendingar)
• Úrslitaþjónusta
• Myndaalbúm (VÓV)
• Beinar útsendingar

EM: Pistill sjöttu umferðar

 

Vigfús Ó. Vigfússon, farstjóri Hugins hefur skrifað pistil um sjöttu og næstsíðustu umferð EM taflfélaga sem fram fór í gær. Í honum segir meðal annars:

 

Meðalstig þeirra eru 2696 og þeir stilltu upp sínu sterkasta liði með Wojtaszeka á fyrsta borði, Navara á öðru borði, Harikrishna á þriðja borði, Laznicka á fjórða borði, Sasikiran á fimma borði og Hracek á sjötta borði. Hracek er að vísu varamaður en tveimur stigum hærri en sá sem er skráður á sjötta borð og hvíldi hjá þeim svo það skiptir engu máli hvor þeirra var inn á.

Það var greinilega ekkert vanmat þar á ferðinni og ég fann að viðhorf þeirra til viðureignarinnar var allt annað en Rússanna í annarri umferð. Þeir ætluðu sér að vinna þessa viðureign örugglega og voru tilbúnir að hafa fyrir því. Það fór líka svo að það var aðeins Gawain á fyrsta borði sem náði jafntefli. Hann sigldi jafnteflinu örugglega í höfn þótt hann væri með svart og fengi þrengri stöðu út úr byrjuninni.

Pistilinn má finna á heild sinni á heimasíðu Hugins.

Vakin er athygli á því að lokaumferðin hefst klukkutíma fyrr en vanalega eða kl. 12.

• Heimasíða mótsins
• Heimasíða Hugins (fréttir og pistlar)
• Chess24 (mjög góðar beinar útsendingar)
• Úrslitaþjónusta
• Myndaalbúm (VÓV)
• Beinar útsendingar

Einar Hjalti með stórmeistaraáfanga! - Evrópumeistarmeistararnir stöðvuðu sigurgöngu Hugins

 

 

Það er ekki nóg með að Einar Hjalti Jensson (2349) hafði þegar tryggt sér sinn áfanga að alþjóðlegu meistaratitli með frábærri frammistöðu með Hugin á EM taflfélaga - heldur er ljóst að hann fær einnig stórmeistaraáfanga!

Það er ljóst eftir pörun morgundagsins en þá fær Einar Hjalti nógu sterkan stórmeistara til að það sé öruggt. Áfanginn næst þótt Einar Hjalti tapi á morgun.

Það þurfti Evrópumeistarana, G-Team Novy Bor frá Tékklandi, til að stöðva sigurgöngu Hugins. Og hún var stöðvuð kröftugleika en Tékkarnir unnu öruggan 5,5-,0,5 á okkar mönnum. Það var aðeins Gawain Jones sem gerði jafntefli. 

Við tapið duttu Huginsmenn niður í 14. sæti en fyrirfram var sveitinni raðað í 21. sæti. Þrátt fyrir tapið í dag er Einar Hjalti Jensson með þriðja besta árangur fjórða borð manna.

Andstæðingar morgundagsins er hvít-rússneski klúbburinn Minsk. Sú sveit er töluvert sterkari en sveit Hugins og er raðað nr. 15 í styrkleikaröð keppnisliðana. Sveitina skipa:

NBo.PlayerTFedID FIDEFRtg

103	1	Zhigalko, Sergei	GM	BLR		13502956	2677
104	2	Zhigalko, Andrey	GM	BLR		13502247	2584
105	3	Kovalev, Vladislav	GM	BLR		13504398	2532
106	4	Teterev, Vitaly	GM	BLR		13501429	2501
107	5	Meribanov, Vitaly	IM	BLR		13504363	2395
108	6	Nikitenko, Mihail		BLR		13506862	2226

Viðureignin verður sýnd beint og hefst kl. 13.

• Heimasíða mótsins
• Heimasíða Hugins (fréttir og pistlar)
• Chess24 (mjög góðar beinar útsendingar)
• Úrslitaþjónusta
• Myndaalbúm (VÓV)
• Beinar útsendingar