Héðinn vann í sjöttu umferð

Stórmeistarinn Héðinn Steingrímsson (2536) indverska alþjóðlega meistarann Sharma Dinesh (2359) í sjöttu umferð alþjóðlegs móts sem fram fór í Bratto á Ítalíu í dag. Héðinn hefur 4,5 vinning og er í 3.-5. sæti.

Efstir með 5 vinninga eru pólski alþjóðlegi meistarinn Zbigniew Pakleza (2498) og lettneski stó5rmeistarinn og goðsögnin Evgeny Sheshnikov (2502).Í sjöttu umferð, sem fram fer á morgun, teflir Héðinn við indverska alþjóðlega meistarann Sharma Dinesh (2359).

Í sjöundu umferð, sem fram fer á morgun, teflir Héðinn við pólska alþjóðlega meistarann Stopa Jacek (2498).

Alls taka 48 skákmenn þátt í mótinu. Þar af eru átta stórmeistarar og er Héðinn þriðji í stigaröð keppenda.

• Heimasíða mótsins
• Úrslitaþjónusta 
• Beinar útsendingar (hefjast kl. 12:30)

Jón Viktor genginn í raðir TR

Alþjóðlegi meistarinn Jón Viktor Gunnarsson er genginn til liðs við Taflfélag Reykjavíkur. Hann hefur undanfarin ár verið liðsmaður Taflfélags Bolungarvíkur en snýr nú á heimaslóðir í Faxafenið.

Jón Viktor sem hefur einn áfanga að stórmeistaratitli hefur unnið marga glæsta sigra við skákborðið. Hann varð Íslandsmeistari í skák árið 2000 og var í sigurliði Íslands á Ólympíumóti undir 16 ára á Kanaríeyjum árið 1995. Fimm sinnum varð hann Norðurlandameistari í skólaskák en einnig hefur hann unnið titilinn Skákmeistari Reykjavíkur fimm sinnum og jafnoft orðið hraðskákmeistari Íslands. Jón Viktor varð alþjóðlegur meistari árið 1997 þá 17 ára gamall.

Taflfélag Reykjavíkur býður Jón Viktor hjartanlega velkominn og hlakkar til að sjá hann tefla fyrir félagið á komandi misserum.

Íslandsmót skákfélaga í Fischer Random hraðskák

Þá er komið að því sem allir skákmenn hafa verið að bíða eftir, fyrsta skemmtikvöldi starfsársins hjá T.R. Ýmsar skemmtilegar tillögur hafa komið um móthald fyrir skemmtikvöldin í vetur og það verður byrjað með trukki. Fyrsta Íslandsmót taflfélaga í Fischer random hraðskák mun fara fram næstkomandi föstudagskvöld!

Öll taflfélög eru hvött til að taka þátt og er frjálst að senda eins margar sveitir til leiks og þau kjósa. Samkvæmt venju verður reglulega gert hlé á taflmennskunni til hægt sé að bregða sér á Billjardbarinn og væta kverkarnar.

Skráning fer fram á heimasíðu TR.  

Fyrirkomulagið verður eftirfarandi:

1. Tímamörk eru 3 mínútur auk 2 sekúndna viðbótartíma á hvern keppanda.
2. Fjöldi skákmanna í hverri sveit eru fjórir og skal styrkleikaraðað eftir bestu samvisku. Sveitir skulu merktar A, B etc eftir styrkleika. Leyfilegt er að vera með tvo varamenn fyrir hverja sveit, sem koma þá inn á borð samkvæmt styrkleika.
3. Swiss, round robin eða double round robin eftir fjölda sveita. Stefnt að því að tefla allavegana 12 umferðir.
4. Leyfilegt er að fá einn lánsmann úr öðru félagi í sína sveit. Það hefur þó afleiðingar. Lán á stórmeistara kostar 3 vinninga, alþjóðlegur meistari kostar 2 vinninga, Fide meistari kostar 1 vinning og aðrir skákmenn kosta 1/2 vinning. Þessir vinningar verða dregnir frá í lok móts. Samþykki viðkomandi félags þarf að liggja fyrir til að lánið teljist löglegt.
5. Sú sveit sem hlítur flesta vinninga sigrar og fær nafnbótina Íslandsmeistari taflfélaga í Fischer Random. Séu tvær eða fleiri sveitir jafnar að vinningum ber sú sveit sigur úr býtum sem hefur flesta "matchpoints". Séu sveitir enn jafnar verður gripið til stigaútreiknings.
6. Gerð verða tvö hlé til Billjardbarsferða meðan á mótinu stendur. Verðlaunaafhending mun fara fram á Billjardbarnum.
7. Líkt og í íslandsmótinu í Fischer Random síðastliðið vor verða fjórar fyrstu stöðurnar gerðar opinberar degi fyrir mót.
8. Verðlaun:
   1.sæti Bikar og 8000 króna úttekt á billjardbarnum í formi veitinga.
   2.sæti Bikar og 5000 króna úttekt á Billjardbarnum í formi veitinga.
   3.sæti Bikar og 2000 króna úttekt á Billiardbarnum í formi veitinga.
9. Þátttökugjöld eru 500kr fyrir hvern skákmann.
10. Aldurstakmark er 20 ár og rétt er að geta þess að áfengisbann ríkir í húsakynnum Taflfélagsins.
    
    Skráningu lýkur á miðnætti kvöldið fyrir keppni!
     
    Bjór á stórlækkuðu verði allt kvöldið! Hlökkum til að sjá ykkur!

Styrktaraðilar Ólympíuskákmótsins

Eftirtaldir aðilar styrktu við þátttöku Íslands á Ólympíuskákmótinu fyrir skemmstu. SÍ færir þeim kærar þakkir fyrir.

KRST - lögmannsstofa			Efling-stéttarfélag			Ásgeir Þór Árnason hrl.
Litla-Kaffistofan			Slökkvilið höfuðborgarsvæðisins			Hlaðbær/Colas
Eignamiðlun - fasteignasala			Ís-Spor

 

Niðurstaða skoðunarkönnunar meðal keppenda á N1 Reykjavíkurskákmótinu 2014

Skáksamband Íslands gerði fyrir skemmstu skoðanakönnun meðal keppenda á N1 Reykjavíkurskákmótsins 2014. Góð þátttaka var í könnunni eða 132 skákmenn eða ríflega 50% keppenda. Kom þar fram mikil ánægja keppenda með mótið. 

Meðal niðurstaða má nefna að flestir koma hingað vegna sjálfs mótsins. Margir nefndu tækifærið til að tefla við sterkari andstæðinga og til að heimsækja Ísland. Fáir komu hins vegar vegna verðlaunanna.

Flestir keppendanna vilja breyta upphafstíma umferða til kl. 15 en með því má minnka mjög ónæði vegna tónlistar í húsinu. Gríðarleg ánægja keppenda er með Hörpu en einkunn keppenda var 86 stig af 100 mögulegum!

Um 57% þátttakenda vilja halda í það að mótið sé teflt í einum flokki. Um 33% vilja flokkaskipta því en 10% tóku ekki afstöðu.

Um 56% þátttakenda hyggjast á þátttöku á mótinu 2015 en aðeins 11% segja svo ekki vera. Um 33% eru óviss.

66 athugasemdir bárust. Flestar mjög jákvæðar en þó var eitthvað kvartað yfir tónlistinni sem einkenndi mótið í fyrra! Athugasemdirnar fylgja með.

Jafnframt var gerð könnun meðal Íslendinga sem einnig fylgir með sem viðhengi. Þar tóku 76 þátt en reyndar voru aðeins 19 þeirra meðal þátttakenda á mótinu í ár. Sú könnun fylgir einnig sem viðhengi.

Skrár tengdar þessari bloggfærslu:

• Skoðunarkönnun keppenda N1 2014
• Álit íslenskra skákmanna

Sex skákmenn efstir og jafnir á Meistaramóti Hugins

Sex skákmenn eru efstir og jafnir á Meistaramóti Hugins að lokinni annarri umferð mótsins sem fram fór í kvöld. Fremur lítið var um óvænt úrslit og unnu hinir stigalægri almennt þá hina stigalægri. Á því voru þó nokkrar undantekningar.  Björn Hólm Birkisson (1655) vann Ólaf Kjartansson (1997), Óskar Long Einarsson (1616) hafði sigur gegn Sigurði G. Daníelssyni (1908) og Felix Steinþórsson (1549) gerði jafntefli við Vigfús Ó. Vigfússon (1962).

Þriðja umferð fer fram á morgun. Þá mætast meðal annars:

• Loftur Baldvinsson (1986) - Davíð Kjartansson (2331)
• Stefán Bergsson (2098) - Björn Hólm
• Óskar Long - Sævar Bjarnason (2095)

• Heimasíða Hugins
• Chess-Results

Héðinn með jafntefli í fimmtu umferð

Stórmeistarinn Héðinn Steingrímsson (2536) gerði jafntefli við lettneska alþjóðlega meistarann Vladimir Sveshnikov (2380) í fimmtu umferð alþjóðlegs móts í Bratto á Ítalíu í dag. Héðinn hefur 3,5 vinning og er í 7.-10. sæti. Sex skákmenn eru efstir og jafnir með 4 vinninga.

Í sjöttu umferð, sem fram fer á morgun, teflir Héðinn við indverska alþjóðlega meistarann Sharma Dinesh (2359).

Alls taka 48 skákmenn þátt í mótinu. Þar af eru átta stórmeistarar og er Héðinn þriðji í stigaröð keppenda.

• Heimasíða mótsins
• Úrslitaþjónusta 
• Beinar útsendingar (hefjast kl. 12:30)

Landskeppni við Ástrali í bréfskák

Ástralska bréfskáksambandið hefur skorað á Ísland í landskeppni sem hefst í september. Þátttaka er ókeypis og öllum opin, hvort sem þeir hafa teflt bréfskák áður eða ekki.

Hver liðsmaður teflir tvær skákir við sama andstæðing, aðra með hvítu og hina með svörtu.

Umhugsunartíminn er mjög rúmur þannig að þessi keppni hefur ekki áhrif á möguleika manna til að taka samhliða þátt í hefðbundnum skákmótum. Einnig geta keppendur tekið sér allt að 45 daga frí meðan á keppninni stendur, annað hvort í einu lagi eða skipt því niður.

Bréfskákin er upplögð fyrir þá sem vilja fá tækifæri til að kafa djúpt í þau byrjunarafbrigði sem upp koma í skákunum. Þar sem leyfilegt er að nota öll hjálpartæki er bréfskákin einnig kjörinn vettvangur fyrir þá skákmenn sem vilja ná betri tökum á notkun skákgagnagrunna og skákreikna við rannsóknir á skákstöðum. Tölvurnar verða sífellt mikilvægari í undirbúningi skákmanna og því nauðsynlegt fyrir alla skákmenn að kunna að nýta sér tæknina til hins ýtrasta.

Þátttöku má tilkynna með því að senda tölvupóst á [e-mail].

Ekkert land á suðurhveli jarðar á sér lengri sögu í bréfskákinni en Ástralía, en ástralska bréfskáksambandið var stofnað árið 1929 og upp úr miðri síðustu öld var landið komin í hóp sterkustu bréfskákþjóða. Fyrsti heimsmeistarinn í bréfskák var Ástrali, Cecil Purdy. Purdy var afar afkastamikill, stofnaði og gaf út skáktímarit og skrifaði skákbækur sem hafa fengið mikið lof, m.a. frá sjálfum Fischer. Bækur hans eru enn fáanlegar.

Bréfskákin hefur haft sterkan meðbyr á Íslandi undanfarin ár. Bæði hafa bréfskákmenn okkar náð prýðilegum árangri og eins hefur íslenskum bréfskákmönnum fjölgað mikið. M.a. teflir íslenska landsliðið um þessar mundir í úrslitum Evrópukeppninnar.

Hjörvar í stuði á Menningarnótt

 

 

Með sanni má segja að aðstæður til Leifturskákiðkunar hafi verið með allra besta móti á Menningarnótt. Á hinu glæsilega og nýja Vitatorgi var nefnilega stillt með öllu, hitastig milt og lítil sem engin sól til að blinda keppendur. Fjórtán skákmenn voru mættir til leiks og tefldu allir við alla, einvígi, upp í einn og hálfan vinning og vannst þar með einvígið. Mættir voru til leiks nokkrir af allra hröðustu skákmönnum Íslands.

 

 

Fór svo að Hjörvar Steinn Grétarsson stórmeistari sigraði með yfirburðum eftir að hafa stráfellt alla sína andstæðinga. Eðli málsins samkvæmt voru mikil læti og töldu glaðværir áhorfendur ansi marga ólöglega leiki sem keppendur voru ekki að gera alvarlegar athugasemdir um. Áhorfendur voru um tíma ansi margir og þá ekki síst erlendir gestir sem tóku upp myndavélarnar.

 

 

Skákakademían þakkar keppendum kærlega fyrir þátttökuna en svona viðburður er fyrst og fremst haldinn til að njóta um leið og athygli er vakin á að taflmennska á torgum getur verið hin mesta skemmtun og miklir sóknarmöguleikar fyrir hendi varðandi næsta sumar. Sérstaklega hvað varðar Vitatorg.

Úrslit má finna á Chess-Results.

 

 

Um kvöldið fór svo fram skemmtilegt barmót á hinum nýja sportbar Rio á Hverfisgötu 46. Þar hélt Hjörvar Steinn áfram sigurgöngu sinni, tapaði aðeins einni skák og það gegn Jóhanni Ingvasyni. Jóhann er í mikilli hraðskákæfingu þessar mundir og til alls líklegur með Skákfélagi Reykjanesbæjar í 8-liða úrslitum Hraðskákkeppni taflfélaga. Ljóst er að miklar æfingar hans með Kristjáni Erni Elíassyni eru að skila sér en þeir æfa hraðskák nokkrum sinnum í viku á Billiard-barnum í Faxafeni þar sem nokkur skákmenning ríkir og hægt að fá töfl og klukkur á barnum.

 

 

Myndaalbúm (GB/SSB)

Skákakademía Kópavogs býður upp á öfluga skákþjálfun

Skákakademía Kópavogs

Skákþjálfun veturinn 2014-15

Viltu æfa skák af alvöru og ná afreksmörkum Skáksambands Íslands ?

Skákakademía Kópavogs í samstarfi við Skákdeild Breiðabliks, Skákfélagið Huginn og Skákskóla Íslands býður í vetur upp á öfluga skákþjálfun með það að markmiði.

Boðið er upp á æfingatíma í Stúkunni við Kópavogsvöll þriðjudaga til föstudaga frá 16:00 - 17:30 og á mánudögum uppi í Mjódd frá kl 17:15 - 19:00.

 

 

Aðalþjálfari í Stúkunni verður Birkir Karl Sigurðsson og Vigfús Óðinn Vigfússon í Mjóddinni.  Þeim til aðstoðar verður einvala lið þjálfara frá Skákskóla Íslands, Skákfélaginu Huginn og Skákdeild Breiðabliks.

Í þjálfuninni verður stuðst við námsefni frá ChessSteps, stig 3 til 6.

Æfingarnar henta skákkrökkum sem hafa náð grunnfærni í skák, hafa mikinn áhuga og vilja æfa af alvöru til að stefna að því að verða í fremstu röð á Íslandi og  að standa sig með sóma á alþjóðlegum barna- og unglingaskákmótum.

Æfingarnar verða klæðskerasaumaðar fyrir hvern og einn. Bæði hvað varðar æfingatíma, námsefni og þjálfun. Hver iðkandi velur sér þrjár æfingar í viku, en frjálst verður að hafa þær fleiri eða færri. Einnig verður hægt að velja um að mæta seinna og fara fyrr ef tíminn t.d. rekst á aðrar tómstundir. Við búumst við að kjarninn í hópnum verði á aldrinum 11-15 ára og glími við stig 3 og 4 í vetur.

Yngri og eldri sem og iðkendur utan Kópavogs og í hvaða taflfélagi sem er, eru líka velkomnir. Einnig verður sterkari ungmennum beint í þjálfun við hæfi.

Æfingagjald veturinn 2014-15: 15.000kr  (er styrkhæft sem tómstundastyrkur)

Fyrsta æfing: Þriðjudaginn 2.september

Skráning: https://docs.google.com/forms/d/14KROgVdFyvPxsXrxjFmjBDU7sdVA_AOQnFGWzxtIvg8/viewform

 

Afreksmörk SÍ: http://skaksamband.is/?c=webpage&id=487

Chess Steps námsefnið:  http://www.chess-steps.com/