Guðmundur Ingvi og Magnús skákmeistarar Fljótdalshéraðs

Skákþingi Fljótsdalshéraðs lauk fyrir skemmstu. Þátttakendur voru 5 og var teflt tvöfalt mót, alls 10 umferðir. Tími var 75 mín. á mann og bónus 15 sek. á leikinn leik. Efstir og jafnir urðu Magnús Valgeirsson og Guðmundur Ingvi Jóhannsson með 6 vinninga. Þeir voru einnig jafnir að stigum og innbyrðis viðureignir jafnar, svo að ákveðið var að báðir skyldu teljast sigurvegarar.

Þeir geta því skiptst á um að geyma hrókinn góða, sem er farandverðlaunagripur í þessu móti og sést hann hér til hægri.

Í þriðja sæti varð Magús Ingólfsson með 4½ vinning og í 4. sæti Einar Ólafsson með 3½ vinning. Lestina rak svo Jón Björnsson, en hann sigraði í þessu móti í fyrra, og sýnir það hve jafnir þátttakendur eru. Menn skiptast á um að sigra.

Mótstöflu má finna á heimasíðu SAUST.

Skákþáttur Morgunblaðsins: Nansý Davíðsdóttir Norðurlandameistari stúlkna

Nansý Davíðsdóttir vann gullverðlaun í yngsta aldursflokki á Norðurlandamóti stúlkna á Bifröst um síðustu helgi. Nansý hlaut 4 ½ vinning af fimm mögulegum en hún vann helsta keppinaut sinn í c-flokki mótsins með svörtu í næstsíðustu umferð. Íslendingar voru nálægt því að hreppa einnig gullið í b-flokki og segja má að einungis tæknileg atriði við jafntefliskröfu hafi komið í veg fyrir að Sóley Lind Pálsdóttir myndi sigra þar en í úrslitaskák hennar í fjórðu umferð kom sama staðan upp þrisvar, en Sóley ógilti kröfuna með því að leika fyrst og krefjast síðan jafnteflis en reglur FIDE gera ráð fyrir að fyrst sé leikur skráður, klukkan stöðvuð og síðan kallað á dómara. En Sóley Lind tefldi skák mótsins í 2. umferð en meðal áhorfenda að þeirri viðureign var Illugi Gunnarsson menntamálráðherra sem kom á laugardagsmorguninn til að heilsa upp á keppendur:

Sóley Lind Pálsdótir - Brandy Paltzer (Svíþjóð)

Sikleyjarvörn

1. e4 c5 2. Rf3 d6 3. d4 cxd4 4. Rxd4 Rf6 5. Rc3 a6 6. Be3 Rc6 7. Rb3 g6 8. Be2 Bg7 9. Dd2 Be6 10. f3 O-O 11. O-O-O Re5 12. Bh6 Bxh6?!

Það er alltaf varasamt að taka strax á h6. Þar er drottningin stórhættuleg en hvítur hefur sparað sér tíma miðað við þekkt afbrigði með því að staðsetja biskupinn á e2 en ekki b3.

13. Dxh6 Hc8 14. h4 Dc7?

Annar slakur leikur. Fórnin á c3, 14. ... Hxc3! 15. bxc3 Dc7 er eina leiðin til að skapa mótspil.

15. h5 Rxh5 16. g4 Rf6 17. Hh2!

Útsmoginn leikur sem villir sýn á aðalhluverki hróksins sem er að valda c2-peðið!

17. ... Hfd8 18. g5 Rh5 19. f4 Rg4 20. Bxg4 Bxg4 21. Rd5 Dd7

Meira viðnám, veitti 21. ... Dc4 en eftir 22. Rxe7+ Kh8 23. He1! stendur hvítur til vinnings. En nú kemur glæsileg leikflétta.

22. Hxh5! Bxh5 23. Rf6+! exf6 24. gxf6 Hxc2+ 25. Kb1! Hc1+ 26. Hxc1 De8 27. Dg7 mát.

Hjörvar efstur á Wow air-mótinu

Hjörvar Steinn Grétarsson hefur unnið allar skákir sínar á Wow air-móti Taflfélags Reykjavíkur. Hann vann Hannes Hlífar Stefánsson í 4. umferð og hefur vinningsforskot á næsta mann sem er Dagur Arngrímsson. Þeir tefla saman í fimmtu umferð. Allar líkur benda til þess að Hjörvar komist upp fyrir Hannes Hlífar og Héðin Steingrímsson á næsta stigalista FIDE. Skák Hjörvars og Hannesar lauk eftir aðeins 25 leiki en baneitraður 20. leikur Hjörvars gerði í raun út um taflið:

Hjörvar Steinn Grétarsson - Hannes Hlífar Stefánsson

Drottningarindversk vörn

1. d4 Rf6 2. c4 e6 3. Rf3 Bb4 4. Bd2 Bxd2 5. Rbxd2 d5 6. g3 O-O 7. Bg2 c6 8. O-O Rbd7 9. Dc2 b6 10. e4 Rxe4 11. Rxe4 dxe4 12. Dxe4 Bb7 13. Hfd1 Dc7 14. Re5 Rxe5 15. Dxe5 Hac8 16. c5 Hfd8 17. b4 Ba6 18. Hac1 Bb5 19. De3 a5 20. d5

20. ... bxc5 21. dxe6 cxb4 22. Bh3 Hb8 23. e7 Hxd1 24. Hxd1 c5 25. Df4!

- og Hannes gafst upp.

Enn sigrar Magnús Carlsen

Skákheimurinn rak upp stór augu þegar Magnús Carlsen tapaði tveim skákum í röð í fyrri helmingi minningarmótsins um Vugar Gashimov í Aserbaídsjan. En í seinni hlutanum vann hann strax tvær skákir með svörtu og knésetti helsta keppinaut sinn, Ítalann Caruana, í lokaumferðinni:

Lokaniðurstaðan: 1. Magnús Carlsen 6 ½ v. (af 10) 2. Caruana 5 ½ v. 3.-5. Karjakin, Nakamura og Radjabov 5 v. 6. Mamedyarov 3 v.

Helgi Ólafsson [e-mail]

----------------------------------------------

Skákþættir Morgunblaðsins eru birtir á Skák.is viku síðar en í sjálfu Morgunblaðinu.  

Grein þessi birtist í Sunnudagsmogganum, 4. maí 2014

Skákþættir Morgunblaðsins

[Event "Nordulandamot"] [Site "?"] [Date "2014.04.25"] [Round "2.6"] [White "Pálsdóttir, Sóley Lind"] [Black "Paltzer, Brandy"] [Result "1-0"] [ECO "B90"] [WhiteElo "1449"] [BlackElo "1553"] [PlyCount "53"] [EventDate "2014.??.??"] [TimeControl "6000+780"] [WhiteClock "0:30:06"] [BlackClock "0:48:05"] 1. e4 c5 2. Nf3 d6 3. d4 cxd4 4. Nxd4 Nf6 5. Nc3 a6 6. Be3 Nc6 7. Nb3 g6 8. Be2 Bg7 9. Qd2 Be6 10. f3 O-O 11. O-O-O Ne5 12. Bh6 Bxh6 13. Qxh6 Rc8 14. h4 Qc7 15. h5 Nxh5 16. g4 Nf6 17. Rh2 Rfd8 18. g5 Nh5 19. f4 Ng4 20. Bxg4 Bxg4 21. Nd5 Qd7 22. Rxh5 Bxh5 23. Nf6+ exf6 24. gxf6 Rxc2+ 25. Kb1 Rc1+ 26. Rxc1 Qe8 27. Qg7# 1-0

[Event "WOW Air A-flokkur"] [Site "Reykjavik (Faxafen)"] [Date "2014.04.25"] [Round "4.10"] [White "Gretarsson, Hjorvar S"] [Black "Stefansson, Hannes H"] [Result "1-0"] [WhiteElo "2511"] [BlackElo "2541"] [ECO "C07b"] [LiveChessVersion "1.4.2"] 1.d4 Nf6 2.c4 e6 3.Nf3 Bb4+ 4.Bd2 Bxd2+ 5.Nbxd2 d5 6.g3 O-O 7.Bg2 c6 8.O-O Nbd7 9.Qc2 b6 10.e4 Nxe4 11.Nxe4 dxe4 12.Qxe4 Bb7 13.Rfd1 Qc7 14.Ne5 Nxe5 15.Qxe5 Rac8 16.c5 Rfd8 17.b4 Ba6 18.Rac1 Bb5 19.Qe3 a5 20.d5 bxc5 21.dxe6 cxb4 22.Bh3 Rb8 23.e7 Rxd1+ 24.Rxd1 c5 25.Qf4 1-0

Vel heppnað skákstjóranámskeið

Vel heppnað skákstjóranámskeið fór fram 8. og 9. maí sl. Námskeið var í höndum Omars Salama, Páls Sigurðssonar og Gunnars Björnssonar. Um það bil 15 manns sóttu námskeiðið báða daga.

Sem viðhengi má finna glærurnar frá námskeiðinu

•  Hlutverk skákstjóra (Gunnar Björnsson)
• Svissneska kerfið og Swiss Manager (Páll Sigurðsson)
• Skákklukkan, skáklögin og alþjóðleg skákstig (Omar Salama)

Skrár tengdar þessari bloggfærslu:

• Hlutverk skákstjóra (Gunnar)
• Svissneska kerfið (Páll)
• Klukkan, lögin og alþjóðleg stig (Omar)

Fjórða Landsmót UMFÍ 50+ fer fram á Húsavík 20.-22. júní

 

Fjórða Landsmót UMFÍ 50+ verður haldið á Húsavík dagana 20.-22. júní í sumar. Mótið er íþrótta - og heilsuhátíð með fjölbreyttri dagskrá.

 

Skákin fer fram laugardaginn 21. júní og hefst kl. 13.

Ath: Þátttökugjald er 3.500 kr. - ótakmarkaður greinafjöldi. Innifalið í verðinu er frítt á tjaldstæði og aðra viðburði.

Nánar á vefsíðu UMFÍ. 

Sumarskákmót Fjölnis fer fram á þriðjudaginn

Nú styttist í hið árlega Sumarskákmót Fjölnis sem haldið verður í tíunda sinn á vegum Skákdeildar Fjölnis. Mótið fer fram í hátíðarsal Rimaskóla og hefst nákvæmlega kl. 17:00. Reikna má að mótinu ljúki kl. 19:15. Tefldar verða 6 umferðir og umhugsunartíminn er 6 mínútur. Verðlaunað verður í þremur flokkum; eldri flokk, f. 1998-2002, yngri flokk 2002-2007 og í stúlknaflokki. Í skákhléi verður boðið upp á pítsur og drykk frá Ölgerðinni. 

Að venju er fjöldi áhugaverðra verðlauna: Pítsur, og bíómiðar í Sambíóin og Laugarásbíó, samtals 15 aðalvinningar. Skráning á staðnum og eru þátttakendur beðnir um að mæta tímanlega til skráningar. Í fyrra mættu 58 krakkar til leiks og baráttan var hörð en skemmtileg.

Skákstjórar verða þeir Helgi Árnason formaður Skákdeildar Fjölnis og Stefán Bergsson frá Skákakademíunni. Heiðursgestur mótsins verður Gylfi Magnússon skákáhugamaður og félagi í Rótarýklúbb Grafarvogs. Rótarýklúbburinn gefur að venju alla verðlaunabikara til mótsins. Þátttökugjald með veitingum er 200 kr. fyrir Fjölniskrakka, 400 kr. fyrir aðra skákkrakka.

Foreldrar og aðrir gestir geta keypt sér pítsu fyrir 200 kr og þegið ókeypis kaffi á staðnum. Sumarskákmót Fjölnis er lok vetrarstarfs Skákdeildar Fjölnis sem fagnar 10 ára afmæli nú í maímánuði.

Gunnar endurkjörinn forseti SÍ

Gunnar Björnsson var í dag sjálkjörinn forseti Skáksambands Íslands á aðalfundi sambandsins.

Í önnur stjórnarsæti voru kjörin:

Ingibjörg Edda Birgisdóttir, Stefán Bergsson, Pálmi R. Pétursson, Róbert Lagerman, Steinþór Baldursson og Kjartan Maack.

Ingi Tandri Traustason og Óskar Long Einarsson náðu ekki kjöri.

Í varstjórn voru sjálfkjörin: Óskar Long Einarsson, Omar Salama, Björn Ívar Karlsson og Andrea Margrét Gunnarsdóttir.

Steinþór og Kjartan Maack komu nýjir inn í aðalstjórn. Steinþór var áður í varastjórn.

Omar og Björn Ívar komu nýjir inn í varastjórn.

Helgi Árnason, Ríkharður Sveinsson og Þorsteinn Stefánsson gengu úr stjórn.

 

Tillaga Björns Jónarssonar, formanns TR, um að breyta fyrstu Íslandsmót skákfélaga aftur í átta lið var felld.

Aðrar tillögur voru samþykktar með lítisháttar breytingar.

Nánar verður sagt frá aðalfundinum á næstu dögum.

 

 

 

Álfhólsskóli Kópavogsmeistari á miðstigi

Í gær lauk sveitakeppni Kópavogs á miðstigi. Mótið var haldið í Blikastúkunni. Mótsstjórar voru Tómas Rasmus og Lenka Ptacnikova, þeim til aðstoðar var síðan Björn Karlsson úr Smáraskóla. Keppendur komu frá Álfhólsskóla, Hörðuvallaskóla,Kópavogsskóla, Salaskóla, Smáraskóla og Snælandsskóla. Alls voru 12 lið mætt til keppni.

Sigurvegarar voru krakkarnir úr Álfhólsskóla með 40 vinninga af 44 mögulegum.Í öðru sæti voru krakkar úr Hörðuvalalskóla með 39 vinninga og voru þessi tvö lið í algerum sérflokki. Þriðja sætið hlutu krakkarnir úr Salaskóla með 31 vinninga. Salaskóli vann síðan í keppni b,c og d liða.

Bestum árangri á einstökum borðum hlutu:

1. borð Vignir Vatnar úr Hörðuvallaskóla.

2. borð Guðmundur Angar úr Álfhólsskóla

3. borð Halldór Atli úr Álfhólsskóla

4. borð Arnar M. úr Hörðuvallaskóla.

 

Heildarúrslit eru fylgja síðan hér á eftir:

1          Álfhólsskóli a                  40

2          Hörðuvallaskóli a            39

3          Salaskóli a                     31

4          Salaskóli b                     27,5

5          Salaskóli c                     25

6          Snælandsskoli a             20

7          Salaskóli d                     18,5

8          Smáraskóli a                  17

9          Álfhólsskóli b                  15

10         Kópavogsskóli a              12

11         Smáraskóli b                  12

12         Smáraskóli c                  7

 

Smáraskóli Kópavogsmeistari á unglingastigi í liðakeppni grunnskóla 2014.

Smáraskóli Kópavogsmeistari á unglingastigi. Mótið var haldið í Blikastúkunni í dag. Mótsstjórar voru Tómas Rasmus og Lenka Ptacnikova, þeim til aðstoðar var síðan Björn Karlsson úr Smáraskóla.

Keppendur komu frá Álfhólsskóla, Hörðuvallaskóla, Kársensskóla, Kópavogsskóla, Salaskóla, Smáraskóla og Vatnsendaskóla. Alls voru 11 lið mætt til keppni.

Sigurvegarar voru krakkarnir úr Smárskóla  með 37,5 vinninga af 44 mögulegum. Í öðru sæti voru krakkar úr Álfhólsskólia með 37 vinninga. Í þriðja sætið voru síðan krakkarnir úr Salaskóla með 33 vinninga. Salaskóli vann síðan í keppni b, c, d og e liða.

Bestum árangri á einstökum borðum hlutu:

1. borð Dawid Kolka úr Álfhólsskóla

2. borð Bárður Birkis úr Smáraskóla

3. borð Sigurjón úr Smáraskóla

4. borð Erna Mist úr Vatnsendaskóla.

Heildarúrslit eru fylgja síðan hér á eftir:

• 1          Smáraskóli a                  37,5
• 2          Álfhólsskóli a                  37
• 3          Salaskóli a                     33
• 4          Vatnsendaskóli a            31
• 5          Kópavogsskóli a              25,5
• 6          Salaskóli b                     23,5
• 7          Salaskóli d                     22,5
• 8          Salaskóli c                     20,5
• 9          Álfhólsskóli b                  12,5
• 10         Karsnesskóli a                11
• 11         Salaskóli e                     10

 Að þessu sinni voru óvenjulga mörg lið úr unglingadeildum Kópavogs eða 11 lið og þar af voru ein 5 lið úr Salaskóla sem er nokkuð sérstakt.

Aðalfundur Taflfélags Kópavogs

Aðalfundur Taflfélags Kópavogs, Kt. 470576-3919, verður haldinn þriðjudaginn 27. maí kl. 20.00 í húsakynnum Skáksambands Íslands að Faxafeni 12. Á dagskrá fundarins eru öll hefðbundin aðalfundarstörf.

Stjórnin

Ársskýrsla SÍ

Ársskýrsla SÍ fyrir starfsárið 2013-14 er nú aðgengileg en aðalfundur SÍ fer fram á morgun.

Skýrsluna má nálgast sem viðhengi (PDF).

Skrár tengdar þessari bloggfærslu:

• Ársskýrsla Skáksambandins 2013-14