Harpa samanstaður Reykjavíkurskákmótsins 2015-17

Skáksamband Íslands og Harpa hafa gert með sér samkomulag um að Alþjóðlega Reykjavíkurskákmótið verði haldið í Hörpu árin 2015-17 en þar hefur mótið farið fram síðustu þrjú ár.

Aðstæður í Hörpu eru einstakar til skákmótahalds. Ætla má að hvergi í heiminum sé boðið upp á jafnglæsilega umgjörð um opin skákmót og þar. Mótið og mótsstaðurinn hefur vakið verðskuldaða athygli erlendis. Má í því sambandi nefna að Reykjavíkurskákmótið 2013 var valið næstbesta opna skákmótið í heiminum - en alþjóðleg mót skipta hundruðum ef ekki þúsundum ár hvert.

Þátttökumet hefur verið slegið öll árin sem mótið hefur farið fram í Hörpu og í ár, á hálfrar aldar afmæli mótsins, tóku 255 skákmenn þátt, alþjóðlegir titilhafar í bland við bráðefnilegt skákfólk á öllum aldri.

Karitas Kjartansdóttir, ráðstefnustjóri Hörpu: „Við erum afar ánægð með að hafa þennan merka viðburð áfram í Hörpu. Skákin fellur mjög vel að starfsemi hússins, hún stendur djúpum rótum í menningu þjóðarinnarog metnaðarfull markmið Skáksambandsins falla vel að okkar framtíðarsýn."

Gunnar Björnsson, forseti Skáksambands Íslands: „Það er sannkallað fagnaðarefni að geta boðið skákmönnum og skákunnendum áfram upp á þessar glæsilegu aðstæður. Harpa hefur gríðarlegt aðdráttarafl, ekki síst gagnvart erlendum gestum, og á stóran þátt í þeirri sókn sem mótið er sífellt í. Það er við hæfi að þessi þjóðaríþrótt hugans hasli sér völl til frambúðar í menningarmusteri þjóðarinnar."

Reykjavíkurskákmótið 2015 verður haldið 10.-18. mars.

Sumarskákmót Fjölnis verður í Rimaskóla á þriðjudag

Nú styttist í hið árlega Sumarskákmót Fjölnis sem haldið verður í tíunda sinn á vegum Skákdeildar Fjölnis. Mótið fer fram í hátíðarsal Rimaskóla og hefst nákvæmlega kl. 17:00. Reikna má að mótinu ljúki kl. 19:15. Tefldar verða 6 umferðir og umhugsunartíminn er 6 mínútur. Verðlaunað verður í þremur flokkum; eldri flokk, f. 1998-2002, yngri flokk 2002-2007 og í stúlknaflokki. Í skákhléi verður boðið upp á pítsur og drykk frá Ölgerðinni. 

Að venju er fjöldi áhugaverðra verðlauna: Pítsur, og bíómiðar í Sambíóin og Laugarásbíó, samtals 15 aðalvinningar. Skráning á staðnum og eru þátttakendur beðnir um að mæta tímanlega til skráningar. Í fyrra mættu 58 krakkar til leiks og baráttan var hörð en skemmtileg.

Skákstjórar verða þeir Helgi Árnason formaður Skákdeildar Fjölnis og Stefán Bergsson frá Skákakademíunni. Heiðursgestur mótsins verður Gylfi Magnússon skákáhugamaður og félagi í Rótarýklúbb Grafarvogs. Rótarýklúbburinn gefur að venju alla verðlaunabikara til mótsins. Þátttökugjald með veitingum er 200 kr. fyrir Fjölniskrakka, 400 kr. fyrir aðra skákkrakka.

Foreldrar og aðrir gestir geta keypt sér pítsu fyrir 200 kr og þegið ókeypis kaffi á staðnum. Sumarskákmót Fjölnis er lok vetrarstarfs Skákdeildar Fjölnis sem fagnar 10 ára afmæli nú í maímánuði.

Hermann æfingameistari GM Hellis norðan heiða

Hermann Aðalsteinsson varð skákæfingameistari GM-Hellis á norðursvæði sl. mánudagskvöld þegar lokaskákæfing vetrarins fór fram á Húsavík. Hermann fékk alls 79 samanlagða vinninga á mánudagsæfingum í vetur. Tómas Veigar varð efstur á þessari lokaæfingu með 6,5 vinninga af 7 mögulegum, Smári Sigurðsson varð annar með 5,5 og Hermann, Sigurbjörn og Ævar komu næstir með 4 vinninga. Hlynur Snær Viðarsson fékk 2 og þeir Jón A Hermannsson og Heimir Bessason kræktu í 1 vinning hvor. Tímamörk voru 10 mín á mann. 

Hlynur Snær Viðarsson, Hermann Aðalsteinsson og Smári Sigurðsson. 

Lokastaðan eftir veturinn.         

Hermann                 79  
        Hlynur                    71  
        Smári                    69,5  
        Sigurbjörn            67,5  
        Ævar                    62,5  
        Heimir                  22  
        Viðar                  16,5
         Tómas                 16,5  
        Ármann                 14  
        Jón Aðalsteinn       13  
        Sighvatur             10,5  
        Jakub P                8,5  
        Stefán Bogi           3  
        Eyþór Kári            2  
        Ingólfur V             2  
        Ásmundur S          1  

Sævar og Ögmundur sigurvegarar Öðlingamóts TR - Sævar meistari

Sævar Bjarnason (2101) og Ögmundur Kristinsson (2044) urðu efstir og jafnir á Skákmóti öðlinga sem lauk í gærkveldi. Þeir hlutu báðir 6 vinninga í 7 skákum. Sævar telst hins vegar öðlingameistari eftir tvöfaldan stigaútreikning.

John Onitveros (1710), Þorvarður F. Ólafsson (2254), fráfarandi meistari, Ólafur Gísli Jónsson (1890) og Sigurður Kristjánsson (1884) urðu jafnir í 3.-6. sæti með 5 vinninga. John fékk bronsið eftir stigaútreikning.

Það var Ólafur S. Ásgrímsson sem stóð fyrir mótinu fyrir hönd Taflfélags Reykjavíkur. 

• Heimasíða TR
• Chess-Results

Skákstjórnanámskeið hefst í kvöld - enn hægt að skrá sig

Skáksamband Íslands býður upp á námskeið fyrir íslenska skákstjóra og fyrir þá sem vilja kynna sér betur skákstjórn. Námskeiðið er opið öllum áhugasömum.

Námskeiðið verður haldið fimmtudaginn 8. maí og verður framhaldið föstudaginn 9. maí. Kennarar verða Omar Salama, Páll Sigurðsson, Gunnar Björnsson og jafnvel fleiri.

Skráning fer fram í netfangið [e-mail].

Námskeiðið

Fimmtudagurinn, 8. maí 

18:00-19:30: Hlutverk skákstjóra (Gunnar Björnsson)

19:30-21:00: Swiss Manager (Chess-Result) og svissneska kerfið (Páll Sigurðsson)

Föstudagurinn, 9. maí

18:00-21:00: Skákklukkan, skáklögin, reglur um alþjóðlega skákstig og áfangareglur (Omar Salama)

Aðalfundur GM Hellis fer fram í kvöld

Stjórn Skákfélagsins GM-Hellis boðar til aðalfundar félagsins sem haldinn verður fimmtudagskvöldið 8. maí og hefst fundurinn kl 20.00. Aðalfundurinn fer fram á tveim stöðum samtímis með fjarfundarbúnaði. Félagsmenn norðan heiða hittast í aðstöðu Þekkingarnets Þingeyinga að Hafnarstétt á Húsavík. Félagsmenn sunnan heiða hittast í aðstöðu Sensu að Klettshálsi 1 í Reykjavík.

Stjórn GM Hellis leggur til að fundarstjóri verði Helgi Áss Grétarsson.

Dagskrá fundarins er eftirfarandi samkvæmt samþykktum félagsins.

(1) Kosinn fundarstjóri og fundarritari.
(2) Flutt skýrsla stjórnar.
(3) Lagðir fram reikningar félagsins sem ná yfir síðastliðið almanaksár.
(4) Umræður um störf stjórnar og afgreiðsla reikninga.
(5) Kosning formanns og varaformanns.
(6) Kosning stjórnar
(7) Kosnir tveir endurskoðendur að reikningum félagsins.
(8) Formleg inntaka nýrra félagsmanna
(9) Félagsgjöld ákvörðuð.
(10) Lagabreytingatillögur sem séu löglega boðaðar
(11) Önnur mál.

Félagsmenn hafa fengið í tölvupósti nauðsynleg fundargögn.

Með óskum um góða mætingu á aðalfundinn.

Stjórn Skákfélagsins GM Hellis.

Vorhátíðarskákæfing TR fór fram sl. laugardag

Barna-og unglingastarf TR er nú komið í sumarfrí eftir viðburðarríkan, skemmtilegan og árangursríkan vetur. Vorhátíðarskákæfing var haldin í öllum skákhópunum í gær laugardaginn 3. maí. Alls hafa hátt á annað hundrað barna tekið þátt í skákæfingum TR í vetur og þær verið mjög vel sóttar.

 

Um morguninn fór fram vorhátíðaræfing í stelpuhópnum kl. 12.30-13.45. Þar mættu 14 hressar skákstelpur, sem myndað hafa harðasta kjarnan í stelpuhópnum í vetur.

 

Fyrst var farið í skákleikinn "Heilinn og höndin", þar sem tveir keppa á móti tveimur á einu skákborði. Annar í liðinu er "heilinn" sem ákveður hvaða gerð af taflmanni skal leikið, og hinn er "höndin" sem leikur leiknum. Þetta var hin mesta skemmtun, þar sem stundum kom fyrir að "höndin" var ekki sammála "heilanum" um hvað væri besti leikurinn í stöðunni!

 

Eftir "sparihressinguna" var boðhlaupsskák sem vakti mikla lukku, en þar kepptu liðin Hvíta drottningin og Skák og mát með 7 stelpum í hvoru liði. Þar var að vonum handagangur í öskjunni!

 

Að lokum voru síðan voru veittar viðurkenningar fyrir ástundun á þessari önn. Eftirtaldar fengu verðlaun:

 

1. Iðunn Helgadóttir.2. Vigdís Tinna Hákonardóttir, Sólveig Freyja Hákonardóttir.3. Marsibil Þóra Ísfeld Hafsteinsdóttir, Karitas Ólöf Ísfeld  Hafsteinsdóttir, Vigdís Lilja Kristjánsdóttir.

 

Þátttakendur á vorhátíðaræfingu stelpnanna voru:

·         Elsa Kristín Arnaldardóttir·         Eva Júlía Jóhannsdóttir·         Eyrún Alba Jóhannsdóttir·         Freyja Birkisdóttir·         Hildur Birna Hermannsdóttir·         Iðunn Ólöf Berndsen·         Iðunn Helgadóttir·         Júlía Guðný Jónsdóttir·         Karitas Ólöf Ísfeld Hafsteinsdóttir·         Katrín Jónsdóttir·         Marsibil Þóra Ísfeld Hafsteinsdóttir·         Sólveig Freyja Hákonardóttir·         Vigdís Tinna Hákonardóttir·         Vigdís Lilja Kristjánsdóttir

 

Á þessari önn hafa rúmlega 30 stelpur tekið þátt í skákæfingunum! Stelpurnar hafa verið mjög áhugasamar og tekið miklum framförum. Við höldum áfram á sömu braut í haust - engin spurning!

 

Þátttakendur á Vorhátíðaræfingunni fyrir 12 ára og yngri  kl. 14-16 voru 32.

 

Fjöltefli var fyrsti liður á dagskrá. Skákþjálfararnir Torfi Leósson og Kjartan Maack, formaður TR Björn Jónsson og skákmamman og stórmeistari kvenna í skák, Lenka Ptacnikova tefldu fjöltefli við 8 börn hver. Boðið var upp á að skrifa leikina niður á skákskriftarblöð og voru margir sem gerðu það, enda hin besta æfing. Má búast við að margir af krökkunum sem tekið hafa þátt á laugardagsæfingunum í vetur verði þátttakendur á kappskákmótum næsta vetrar!

 

Eftir fjölteflið var komið að "sparihressingunni". Taflfélag Reykjavíkur bauð öllum krökkunum og þeim foreldrum sem voru  á staðnum til aðstoðar upp á pizzu og gos.

 

Eftir "pizzupartýið" var komið að afhendingu viðurkenninga fyrir vorönnina 2014 (janúar-maí). Eftirfarandi krakkar hlutu medalíur:

 

 

Verðlaun fyrir Ástundun eru veitt í þremur aldurshópum.

 

Aldursflokkur 6-7 ára, fædd 2006-2007, (1.-2. bekk)

1.     Gabríel Sær Bjarnþórsson2.     Alexander Björnsson, Adam Omarsson        3.     Kristján Sindri Kristjánsson

 

 

Aldursflokkur 8-9 ára, fædd 2004-2005, (3.-4. bekk)

1.     Alexander Már Bjarnþórsson2.     Björn Magnússon, Hreggviður Loki Þorsteinsson        3.     Róbert Luu, Stefán Gunnar Maack, Stefán Geir Hermannsson

 

 

Aldursflokkur 10-12 ára, fædd 2001-2003, (5.-7. bekk)

1.     Davíð Dimitry Indriðason2.     Alexander Oliver Mai, Aron Þór Mai, Kristján Orri Hugason        3.     Ottó Bjarki Arnar

 

 

Þrenn verðlaun eru  veitt fyrir samanlögð stig fyrir Ástundun og Árangur:

 

1. Davíð Dimitry Indriðason 40 stig
2. Aron Þór Mai 39 stig3. Róbert Luu 32 stig

 

Þátttakendurnir á Vorhátíðaræfingunni voru eftirfarandi:

 

·         Adam Omarsson·         Alexander Már Bjarnþórsson·         Alexander Björnsson·         Alexander Oliver Mai·         Anton Vigfússon·         Arnar Milutin Heiðarsson·         Aron Þór Mai·         Árni Ólafsson·         Bjarki Freyr Mariansson·         Björn Magnússon·         Davíð Dimitry Indriðason·         Davíð Eyfjörð Þorsteinsson·         Flosi Thomas Lyons·         Freyr Grímsson·         Friðrik Leó Curtis·         Gabríel Sær Bjarnþórsson·         Haukur Bragi Fjalarsson·         Hákon Hinrik Reynisson·         Hreggviður Loki Þorsteinsson·         Hubert Jakubek·         Jóhannes Kári Sigurðsson·         Jón Þór Lemery·         Julius Viktor Lee·         Kristján Sindri Kristjánsson·         Mateusz Jakubek·         Matthías Andri Hrafnkelsson·         Otto Bjarki Arnar·         Róbert Luu·         Sigurður Már Pétursson·         Stefán Geir Hermannsson·         Stefán Gunnar Maack·         Vignir Sigur Skúlason

 

 

Þar með er vetrarstarfið hjá T.R. á laugardögum lokið að sinni. Við umsjónarmenn og skákþjálfarar Kjartan, Torfi, Björn og Sigurlaug þökkum öllum krökkum sem mætt hafa á laugardagsæfingar T.R.  í vetur fyrir ánægjulega samveru!

 

Við hvetjum alla krakka til að "stúdera" skákheftin með fjölskyldunni í sumar! Svo munu fleiri hefti bætast við í haust!

 

Við sjáumst aftur eftir gott sumarfrí! Fylgist gjarnan með á heimasíðu T.R., www.taflfelag.is

 

Fjölmargar myndir voru teknar á vorhátíðaræfingunni. Jóhann H. Ragnarsson tók myndir frá stelpuskákæfingunni og Áslaug Kristinsdóttir, Björn Jónsson og Kjartan Maack tóku myndir á laugardagsæfingunni.

 

Verið velkomin á skákæfingar T.R. veturinn 2014-2015 sem hefjast aftur um mánaðarmótin ágúst/september!

 

GLEÐILEGT SUMAR!

 

Pistill: Sigurlaug Regína Friðþjófsdóttir

Ársreikningur SÍ 2013

Ársreikningur Skáksambandsins fyrir árið 2013 er nú aðgengilegur. Hann má nálgast sem excel-skjal sem fylgir með sem viðhengi.

 

Skrár tengdar þessari bloggfærslu:

• _rsreikningar_2013.xlsx

N1 Reykjavíkurskákmótið valið næstbesta opna skákmót heims árið 2013

N1 Reykjavíkurskákmótið var valið næstbesta opna skákmót ársins 2013. Valið fór fram af samtökum atvinnuskákmanna (ACP - Association of Chess Professionals). Þetta er gríðarleg viðurkenning fyrir Skáksambandið og Reykjavíkurskákmótið.

Opna mótið í Gíbraltar sigraði í kosningunni en alls voru 382 atkvæði greidd. Í þriðja sæti varð Cappelle la Grande-skákmótið í Frakklandi. Þess má geta að bæði þessi mót hafa úr margfalt hærri fjárhæðum að moða en N1 Reykjavíkurskákmótið

Á árinu 2012 var N1 Reykjavíkurskákmótið í þriðja sæti í sambærilegu kjöri.

Áskorendamótið í London var kosið skákmót ársins og sló við viðburðum eins og sjálfu heimsmeistaraeinvígi Carlsen og Anand.

Sjá nánar röð efstu móta í kjörinu á vefsíðu ACP.

Vesturbæjarbiskupinn fer fram á föstudag

Vesturbæjarbiskupinn fer fram í Hagaskóla á föstudaginn kemur. Mótið hefst 14:00 og er mæting 13:45 til að staðfesta skráningu sem fer fram á Skák.is. Við skráningu þarf að koma fram nafn, fæðingarár og skóli. Ekki er hægt að skrá sig á staðnum og þarf að skrá sig fyrir fimmtudag.

Teflt verður í þremur flokkum: 1.-3. bekkur, 4.-7. bekkur og 8.-10. bekkur.

Mótið er haldið af Skákakademíu Reykjavíkur og Þjónustumiðstöð Vesturbæjar með stuðningi frá Melabúðinni og Hagaskóla. Hjörvar Steinn Grétarsson stórmeistari mun afhenda verðlaunin.

Skráning fer fram hér. Upplýsingar um þegar skráða keppendur má finna hér.